#الشرقية_تبدع

كلماتي بالمشاركة مع فريق ذات
الحان احمد الهرمي
غناء ماجد المهندس

https://youtu.be/1UCi1JzMR_Y

محد فينا نسى الثاني
ولا عمره ولهنا غاب
ولكن لاننا نعاني
نبي نطلع من الصوره
ونقفل باب يفتح باب للماضي
الى ذكرى قديمه كنا فيها احباب
وش الدافع على الكذبه
اذا ماكان احد راضي
خلق فينا التعب مرتاب
يكابر واوجعه قلبه
وش المانع
اذا صوت الوله اعلى من الواقع ؟
واذا الناسي صدق مره
اكيد المنسي الكذاب

مثل الطفل يخطي علي واتحمله 🎶

بتبقى حلم وتمر السنين وقلبي المهزوم
‏يضييّع كل فرصة جابتك مذهول قدامه

‏بتبقى حلم يذكرك الجفاف و ظلي الموهوم
‏نسى نفسه تركته في الظلام يطارد اوهامه

‏بتبقى حلم ظنيته يجي بكره ونسيت اليوم
‏عمر و اثر الامل يمحي هناه ويسرق ايامه

اذا سمعت اغنيه جميله وتبي تسوي فيني خير ارسل لي الرابط هنا في التيليجرام

@alkeyadi

كيف احط ايدي على صوت الكمان
وانزع اللهفه من احساس الاغاني

ودي اعرف بصوتها وشلونها
‏وارمي السنين اللي بتجي
‏في وحدتي اللي تشتعل فيني وانا ..
‏مالي حياة بدونها
‏كانت قليل من الكلام
‏اللي يجي بين السطور
‏ويضيع في فوضى الزحام
‏كانت قليل وما خذت غير العمر
‏ما قفّلت في وجهي باب الا الصبر
‏ولا انمحت من ذاكره
‏احبها رغم ابتسامتها الغريبه الساخره
‏لما نست كل شي بيني وبينها
‏من يومها ماني على بعضي وغريب
‏والى آخره …

ودعيني لا تموت بكفك التلويحة