O‘rganishlar jarayoni viloyatni bog‘lovchi “Mingchinor” YPX postidan boshlandi. Polkovnik Abduvoxid Ismoilov bu yerda xizmatga jalb qilingan xodimlar bilan muloqot o‘tkazib, ularning kundalik faoliyati, yaratilgan sharoitlar va xizmat intizomi bilan tanishdi. Xizmat samaradorligini oshirish, transport vositalarini to‘xtatish tartibini qat’iy rioya qilish, shuningdek, haydovchi va yo‘lovchilarga nisbatan odob-axloq me’yorlariga amal qilish bo‘yicha mas’ullarga tegishli topshiriqlar berdi.
Shuningdek, boshqarma boshlig‘i Agrobank Kitob filiali faoliyatini o‘rganib, bu yerda xizmat olib borayotgan qo‘riqlash bo‘limi xodimlarining tungi navbatchilik tartibi, bank binosining himoya tizimi, signalizatsiya vositalari va videokuzatuv kameralarining ishlash holatini ko‘zdan kechirdi. Bank binosini qo‘riqlashda xavfsizlik choralarini kuchaytirish, texnik vositalarning uzluksiz ishlashini ta’minlash, favqulodda vaziyatlarda xodimlarning harakat algoritmini takomillashtirish bo‘yicha aniq topshiriqlar berildi.
O‘rganishlar davomida viloyat IIB boshlig‘i Guliston MFY hududida bo‘lib, tungi xizmatga jalb qilingan xodimlar faoliyati bilan tanishdi. Mahalla profilaktika inspektori, qo‘riqlash bo‘limi xodimlari hamda jamoatchilik vakillari bilan uchrashuv o‘tkazildi. Polkovnik Ismoilov mahallada videokuzatuv tizimini kengaytirish, tungi navbatchilikni kuchaytirish, profilaktika tadbirlarini muntazam olib borish bo‘yicha tegishli ko‘rsatmalar berdi.
Shuningdek, boshqarma boshlig‘i Paxtaobod MFY hududidagi “Huquq-tartibot maskani”da bo‘lib, mahalla yettiligi, jamoatchilik faollari hamda tungi xizmat xodimlari bilan uchrashdi. Tadbir davomida mahalla profilaktika inspektori tomonidan amalga oshirilayotgan ishlar yuzasidan taqdimot o‘tkazildi. Mahalla hududida huquqbuzarliklarning oldini olish, yoshlarni sog‘lom muhitda tarbiyalash, ularni bo‘sh vaqtlarini mazmunli o‘tkazishga yo‘naltirish hamda jinoyatchilikka qarshi kurashish borasida amalga oshirilayotgan ishlar muhokama qilindi.

Ўрганишлар жараёни вилоятни боғловчи “Мингчинор” ЙПХ постидан бошланди. Полковник Абдувохид Исмоилов бу ерда хизматга жалб қилинган ходимлар билан мулоқот ўтказиб, уларнинг кундалик фаолияти, яратилган шароитлар ва хизмат интизоми билан танишди. Хизмат самарадорлигини ошириш, транспорт воситаларини тўхтатиш тартибини қатъий риоя қилиш, шунингдек, ҳайдовчи ва йўловчиларга нисбатан одоб-ахлоқ меъёрларига амал қилиш бўйича масъулларга тегишли топшириқлар берди.
Шунингдек, бошқарма бошлиғи Агробанк Китоб филиали фаолиятини ўрганиб, бу ерда хизмат олиб бораётган қўриқлаш бўлими ходимларининг тунги навбатчилик тартиби, банк биносининг ҳимоя тизими, сигнализация воситалари ва видеокузатув камераларининг ишлаш ҳолатини кўздан кечирди. Банк биносини қўриқлашда хавфсизлик чораларини кучайтириш, техник воситаларнинг узлуксиз ишлашини таъминлаш, фавқулодда вазиятларда ходимларнинг ҳаракат алгоритмини такомиллаштириш бўйича аниқ топшириқлар берилди.
Ўрганишлар давомида вилоят ИИБ бошлиғи Гулистон МФЙ ҳудудида бўлиб, тунги хизматга жалб қилинган ходимлар фаолияти билан танишди. Маҳалла профилактика инспектори, қўриқлаш бўлими ходимлари ҳамда жамоатчилик вакиллари билан учрашув ўтказилди. Полковник Исмоилов маҳаллада видеокузатув тизимини кенгайтириш, тунги навбатчиликни кучайтириш, профилактика тадбирларини мунтазам олиб бориш бўйича тегишли кўрсатмалар берди.
Шунингдек, бошқарма бошлиғи Пахтаобод МФЙ ҳудудидаги “Ҳуқуқ-тартибот маскани”да бўлиб, маҳалла еттилиги, жамоатчилик фаоллари ҳамда тунги хизмат ходимлари билан учрашди. Тадбир давомида маҳалла профилактика инспектори томонидан амалга оширилаётган ишлар юзасидан тақдимот ўтказилди. Маҳалла ҳудудида ҳуқуқбузарликларнинг олдини олиш, ёшларни соғлом муҳитда тарбиялаш, уларни бўш вақтларини мазмунли ўтказишга йўналтириш ҳамда жиноятчиликка қарши курашиш борасида амалга оширилаётган ишлар муҳокама қилинди.

Tadbir Qashqadaryo viloyati sport boshqarmasi markaziy o‘yingohida IIV “Dinamo” jismoniy tarbiya va sport jamiyati viloyat kengashi hamda viloyat ichki ishlar boshqarmasi jismoniy va jangovar tayyorgarlik bo‘limi hamkorligida tashkil etildi.

Boshqarma rahbariyati boshchiligida bo‘lib o‘tgan mashg‘ulotlarda tarkibiy bo‘limlar va sohaviy xizmatlar xodimlari dastlab yugurib chiniqishdi. So‘ngra barchasi badantarbiya mashg‘ulotlarida faol qatnashdi.

“Qo‘l janggi” federatsiyasi viloyat bo‘limi mas’ullari tomonidan xodimlarga xizmat davomida yuzaga keladigan favqulodda vaziyatlarda, jumladan, qurolli jinoyatchini zararsizlantirish bo‘yicha amaliy mashqlar ko‘rsatildi.

Shuningdek, viloyat IIBda faoliyat yuritayotgan xotin-qizlar o‘rtasida ham sport mashg‘ulotlari tashkil etilib, ular nafaqat jismonan, balki ruhan ham chiniqdilar.

Mazkur sport mashg‘ulotlari natijasida xodimlarning ish unumdorligi oshib, jangovar shayligi yuksalmoqda. Mutaxassislar doimiy ravishda sport bilan shug‘ullanish inson salomatligi uchun muhim ekanini ta’kidlab, jismoniy mashqlar nafaqat chiniqtirish, balki ruhiy quvvat berishini ham qayd etishdi.

Тадбир Қашқадарё вилояти спорт бошқармаси марказий ўйингоҳида ИИВ “Динамо” жисмоний тарбия ва спорт жамияти вилоят кенгаши ҳамда вилоят ички ишлар бошқармаси жисмоний ва жанговар тайёргарлик бўлими ҳамкорлигида ташкил этилди.

Бошқарма раҳбарияти бошчилигида бўлиб ўтган машғулотларда таркибий бўлимлар ва соҳавий хизматлар ходимлари дастлаб югуриб чиниқишди. Сўнгра барчаси бадантарбия машғулотларида фаол қатнашди.

“Қўл жангги” федерацияси вилоят бўлими масъуллари томонидан ходимларга хизмат давомида юзага келадиган фавқулодда вазиятларда, жумладан, қуролли жиноятчини зарарсизлантириш бўйича амалий машқлар кўрсатилди.

Шунингдек, вилоят ИИБда фаолият юритаётган хотин-қизлар ўртасида ҳам спорт машғулотлари ташкил этилиб, улар нафақат жисмонан, балки руҳан ҳам чиниқдилар.

Мазкур спорт машғулотлари натижасида ходимларнинг иш унумдорлиги ошиб, жанговар шайлиги юксалмоқда. Мутахассислар доимий равишда спорт билан шуғулланиш инсон саломатлиги учун муҳим эканини таъкидлаб, жисмоний машқлар нафақат чиниқтириш, балки руҳий қувват беришини ҳам қайд этишди.