Tadbir Qashqadaryo viloyati sport boshqarmasi markaziy o‘yingohida IIV “Dinamo” jismoniy tarbiya va sport jamiyati viloyat kengashi hamda viloyat ichki ishlar boshqarmasi jismoniy va jangovar tayyorgarlik bo‘limi hamkorligida tashkil etildi.

Boshqarma rahbariyati boshchiligida bo‘lib o‘tgan mashg‘ulotlarda tarkibiy bo‘limlar va sohaviy xizmatlar xodimlari dastlab yugurib chiniqishdi. So‘ngra barchasi badantarbiya mashg‘ulotlarida faol qatnashdi.

“Qo‘l janggi” federatsiyasi viloyat bo‘limi mas’ullari tomonidan xodimlarga xizmat davomida yuzaga keladigan favqulodda vaziyatlarda, jumladan, qurolli jinoyatchini zararsizlantirish bo‘yicha amaliy mashqlar ko‘rsatildi.

Shuningdek, viloyat IIBda faoliyat yuritayotgan xotin-qizlar o‘rtasida ham sport mashg‘ulotlari tashkil etilib, ular nafaqat jismonan, balki ruhan ham chiniqdilar.

Mazkur sport mashg‘ulotlari natijasida xodimlarning ish unumdorligi oshib, jangovar shayligi yuksalmoqda. Mutaxassislar doimiy ravishda sport bilan shug‘ullanish inson salomatligi uchun muhim ekanini ta’kidlab, jismoniy mashqlar nafaqat chiniqtirish, balki ruhiy quvvat berishini ham qayd etishdi.

Тадбир Қашқадарё вилояти спорт бошқармаси марказий ўйингоҳида ИИВ “Динамо” жисмоний тарбия ва спорт жамияти вилоят кенгаши ҳамда вилоят ички ишлар бошқармаси жисмоний ва жанговар тайёргарлик бўлими ҳамкорлигида ташкил этилди.

Бошқарма раҳбарияти бошчилигида бўлиб ўтган машғулотларда таркибий бўлимлар ва соҳавий хизматлар ходимлари дастлаб югуриб чиниқишди. Сўнгра барчаси бадантарбия машғулотларида фаол қатнашди.

“Қўл жангги” федерацияси вилоят бўлими масъуллари томонидан ходимларга хизмат давомида юзага келадиган фавқулодда вазиятларда, жумладан, қуролли жиноятчини зарарсизлантириш бўйича амалий машқлар кўрсатилди.

Шунингдек, вилоят ИИБда фаолият юритаётган хотин-қизлар ўртасида ҳам спорт машғулотлари ташкил этилиб, улар нафақат жисмонан, балки руҳан ҳам чиниқдилар.

Мазкур спорт машғулотлари натижасида ходимларнинг иш унумдорлиги ошиб, жанговар шайлиги юксалмоқда. Мутахассислар доимий равишда спорт билан шуғулланиш инсон саломатлиги учун муҳим эканини таъкидлаб, жисмоний машқлар нафақат чиниқтириш, балки руҳий қувват беришини ҳам қайд этишди.

Oila va xotin-qizlar qo‘mitasi raisining birinchi o‘rinbosari Umida Abdullayeva Qashqadaryo viloyatida bo‘lib, Qarshi shahridagi “Oila maskani”da viloyat, tuman va shahar darajasidagi mutasaddi rahbarlar, psixologlar hamda mahalla tizimi va Ichki ishlar organlari vakillari ishtirokida ajrim yoqasida kelib qolgan oilalar bilan uchrashuv o‘tkazdi.
Uchrashuv davomida turli sabablar natijasida munosabatlari izdan chiqqan yoki ajrim arafasida turgan oilalarning muammolari atroflicha o‘rganildi. Ayrim oilalar bilan alohida suhbatlar tashkil etildi, ularga psixologik, huquqiy va ma’naviy ko‘mak ko‘rsatildi.
Tadbirda oila mustahkamligini ta’minlash, ajrim holatlarini kamaytirish, er-xotin o‘rtasida o‘zaro hurmat, totuvlik va sabr-toqatni kuchaytirish, farzand tarbiyasida ota-ona mas’uliyatini oshirish masalalariga alohida e’tibor qaratildi.
Shuningdek, muammolarni ijobiy hal etish uchun mahalla va davlat idoralari o‘rtasidagi hamkorlikni kuchaytirish, har bir oila bilan individual ishlash tizimini yanada samarali tashkil etish bo‘yicha tegishli tavsiya va ko‘rsatmalar berildi.
Uchrashuv yakunida ajrim yoqasida turgan bir qator oilalarga yarashish va munosabatlarni qayta tiklash bo‘yicha amaliy yordam ko‘rsatildi. Umida Abdullayeva tomonidan oilalarni mustahkamlash, ayollar va yoshlar bilan ishlashda manzilli yondashuvni kuchaytirish zarurligi ta’kidlandi.

Оила ва хотин-қизлар қўмитаси раисининг биринчи ўринбосари Умида Абдуллаева Қашқадарё вилоятида бўлиб, Қарши шаҳридаги “Оила маскани”да вилоят, туман ва шаҳар даражасидаги мутасадди раҳбарлар, психологлар ҳамда маҳалла тизими ва Ички ишлар органлари вакиллари иштирокида ажрим ёқасида келиб қолган оилалар билан учрашув ўтказди.
Учрашув давомида турли сабаблар натижасида муносабатлари издан чиққан ёки ажрим арафасида турган оилаларнинг муаммолари атрофлича ўрганилди. Айрим оилалар билан алоҳида суҳбатлар ташкил этилди, уларга психологик, ҳуқуқий ва маънавий кўмак кўрсатилди.
Тадбирда оила мустаҳкамлигини таъминлаш, ажрим ҳолатларини камайтириш, эр-хотин ўртасида ўзаро ҳурмат, тотувлик ва сабр-тоқатни кучайтириш, фарзанд тарбиясида ота-она масъулиятини ошириш масалаларига алоҳида эътибор қаратилди.
Шунингдек, муаммоларни ижобий ҳал этиш учун маҳалла ва давлат идоралари ўртасидаги ҳамкорликни кучайтириш, ҳар бир оила билан индивидуал ишлаш тизимини янада самарали ташкил этиш бўйича тегишли тавсия ва кўрсатмалар берилди.
Учрашув якунида ажрим ёқасида турган бир қатор оилаларга ярашиш ва муносабатларни қайта тиклаш бўйича амалий ёрдам кўрсатилди. Умида Абдуллаева томонидан оилаларни мустаҳкамлаш, аёллар ва ёшлар билан ишлашда манзилли ёндашувни кучайтириш зарурлиги таъкидланди.

Unda mahallada yashovchi bir guruh huquqbuzarlik sodir etgan fuqaroning ma’muriy ish materiallari ko‘rib chiqilib, tegishli choralar ko‘rildi.
Tadbirda tuman IIB rahbariyati va sudning tergov sudyasi tomonidan fuqarolarning huquqi bilimi va tushunchasini oshirish maqsadida targ‘ibot tadbiri o‘tkazilib, ishtirokchilarning savollariga atroflicha javoblar berildi.

Унда маҳаллада яшовчи бир гуруҳ ҳуқуқбузарлик содир этган фуқаронинг маъмурий иш материаллари кўриб чиқилиб, тегишли чоралар кўрилди.
Тадбирда туман ИИБ раҳбарияти ва суднинг тергов судьяси томонидан фуқароларнинг ҳуқуқи билими ва тушунчасини ошириш мақсадида тарғибот тадбири ўтказилиб, иштирокчиларнинг саволларига атрофлича жавоблар берилди.