Bugun Milliy gvardiya Qashqadaryo viloyati boʻyicha boshqarmasida harbiy xizmatchilar uchun “Kiberxavfsizlik” mavzusida davra suhbati oʻtkazildi.
Tadbir davomida ishtirokchilarga internet tarmog‘idan foydalanishda xavfsizlik qoidalariga rioya qilish, shaxsiy ma’lumotlarni himoya qilish va kiberjinoyatchilikning oldini olish bo‘yicha tushunchalar berildi.
Bunday ma’rifiy suhbatlar harbiy xizmatchilarning axborot xavfsizligi bo‘yicha bilim va ko‘nikmalarini oshirish, ularni zamonaviy texnologiyalar davrida ehtiyotkorlik bilan harakat qilishga o‘rgatadi.

Бугун Миллий гвардия Қашқадарё вилояти бўйича бошқармасида ҳарбий хизматчилар учун “Киберхавфсизлик” мавзусида давра суҳбати ўтказилди.
Тадбир давомида иштирокчиларга интернет тармоғидан фойдаланишда хавфсизлик қоидаларига риоя қилиш, шахсий маълумотларни ҳимоя қилиш ва кибержиноятчиликнинг олдини олиш бўйича тушунчалар берилди.
Бундай маърифий суҳбатлар ҳарбий хизматчиларнинг ахборот хавфсизлиги бўйича билим ва кўникмаларини ошириш, уларни замонавий технологиялар даврида эҳтиёткорлик билан ҳаракат қилишга ўргатади.

Qamashi tumanida jinoiy jazo muddatini probatsiya nazorati ostida o‘tayotgan shaxslarning huquqiy xabardorligini oshirish maqsadida navbatdagi uchrashuv tashkil etildi.
Tuman ichki ishlar bo‘limi binosida bo‘lib o‘tgan mazkur yig‘ilishda Jinoyat ishlari bo‘yicha Qamashi tuman sudi raisi A. O‘ralov, tuman IIB boshlig‘i N. Rahimov, tuman prokuraturasi mas’ul xodimlari hamda Qamashi tuman probatsiya guruhi hisobida turuvchi fuqarolar ishtirok etdi.
Tadbir davomida ishtirokchilarga amaldagi qonunchilik, jazoni ijro etish shartlari va probatsiya nazorati ostidagi shaxslar uchun belgilangan majburiyatlar haqida huquqiy tushuntirishlar berildi. Shuningdek, fuqarolarning turmush sharoitini yaxshilash, ish bilan ta’minlash, ijtimoiy himoya masalalari yuzasidan savol-javoblar ham bo‘lib o‘tdi.
Yig‘ilish yakunida sayyor sud majlisi tashkil etildi. Unda jazo muddatini o‘tash jarayonida o‘zini ijobiy tomondan namoyon etgan, belgilangan tartib-qoidalarga rioya qilgan 10 nafar shaxs jazoning qolgan qismidan shartli ravishda ozod qilindi.
Shuningdek, axloq tuzatish ishlari jazosini o‘tashdan bo‘yin tovlagan bir nafar mahkumning jazosi belgilangan tartibga muvofiq ozodlikdan mahrum qilish jazosiga almashtirildi.

Қамаши туманида жиноий жазо муддатини пробация назорати остида ўтаётган шахсларнинг ҳуқуқий хабардорлигини ошириш мақсадида навбатдаги учрашув ташкил этилди.
Туман ички ишлар бўлими биносида бўлиб ўтган мазкур йиғилишда Жиноят ишлари бўйича Қамаши туман суди раиси А. Ўралов, туман ИИБ бошлиғи Н. Раҳимов, туман прокуратураси масъул ходимлари ҳамда Қамаши туман пробация гуруҳи ҳисобида турувчи фуқаролар иштирок этди.
Тадбир давомида иштирокчиларга амалдаги қонунчилик, жазони ижро этиш шартлари ва пробация назорати остидаги шахслар учун белгиланган мажбуриятлар ҳақида ҳуқуқий тушунтиришлар берилди. Шунингдек, фуқароларнинг турмуш шароитини яхшилаш, иш билан таъминлаш, ижтимоий ҳимоя масалалари юзасидан савол-жавоблар ҳам бўлиб ўтди.
Йиғилиш якунида сайёр суд мажлиси ташкил этилди. Унда жазо муддатини ўташ жараёнида ўзини ижобий томондан намоён этган, белгиланган тартиб-қоидаларга риоя қилган 10 нафар шахс жазонинг қолган қисмидан шартли равишда озод қилинди.
Шунингдек, ахлоқ тузатиш ишлари жазосини ўташдан бўйин товлаган бир нафар маҳкумнинг жазоси белгиланган тартибга мувофиқ озодликдан маҳрум қилиш жазосига алмаштирилди.

Jismoniy va yuridik shaxslarning vakillari bilan muloqot qilish, fuqarolarning qonuniy huquq va manfaatlarini himoya qilish, murojaatchilarning ichki ishlar organlari bilan bog‘liq shikoyatlariga yechim topish maqsadida tashkil etilgan
qabulda tizimning tergov, profilaktika xizmati tomonidan olib borilayotgan surishtiruv harakatlari hamda ichki ishlar organlariga ishga kirish masalalari yuzasidan murojaatlar eshitilib, hal etish choralari ko‘rildi.
Kelib tushgan murojaatlarning ayrimlariga huquqiy tushuntirishlar berildi. O‘rganish uchun vaqt talab etiladigan murojaatlar alohida nazoratga olinib, mas’ullarga hal etish topshirig‘i berildi.
Muloqot davomida ko‘tarilgan muammolarni ayrimlari hal etilgan bo‘lsa, o‘rganish uchun vaqt talab etadiganlarini bartaraf etish nuqtayi nazaridan soha mas’ullariga topshiriqlar berilib, ijrosi nazoratga olindi.
Bu boradagi ishlar davom ettirilmoqda.

Жисмоний ва юридик шахсларнинг вакиллари билан мулоқот қилиш, фуқароларнинг қонуний ҳуқуқ ва манфаатларини ҳимоя қилиш, мурожаатчиларнинг ички ишлар органлари билан боғлиқ шикоятларига ечим топиш мақсадида ташкил этилган
қабулда тизимнинг тергов, профилактика хизмати томонидан олиб борилаётган суриштирув ҳаракатлари ҳамда ички ишлар органларига ишга кириш масалалари юзасидан мурожаатлар эшитилиб, ҳал этиш чоралари кўрилди.
Келиб тушган мурожаатларнинг айримларига ҳуқуқий тушунтиришлар берилди. Ўрганиш учун вақт талаб этиладиган мурожаатлар алоҳида назоратга олиниб, масъулларга ҳал этиш топшириғи берилди.
Мулоқот давомида кўтарилган муаммоларни айримлари ҳал этилган бўлса, ўрганиш учун вақт талаб этадиганларини бартараф этиш нуқтаи назаридан соҳа масъулларига топшириқлар берилиб, ижроси назоратга олинди.
Бу борадаги ишлар давом эттирилмоқда.