زنجيل

ألما يگوم الموكبك لمن يمر
مو مناصر كاعد بهيئت شمر
ما معلم عل هله
وماله شي ابكربله
وما يعرف حسين والام الخدر

الما نهض يحسين وجدامه اركضن
هذ سامع لچن ما حس بل ظعن
مادره اشصار ابنااااتك من مشن
منل هزل للكاااع كلهن طوحن

ولحرم من أنتخت هواي وادم مابچت
ومثل بعض الناس ظلت تنتظر
ما تعرف حسين والام الخدر

الماسبل جدمه وحسب غالي الرچاب
ونسه كاعد عل درب موو للمصاااااب
من يمر موكب يجب كل الشبااااااااب
توگف استعداد وتهل الترااااااااااااااب

اتصير كلهه بخدمتك وللسمه توصل رايتك
واليظل كاعد خسر كل العمر
ما يعرف حسين والام الخدر

هذ ظعن حسين مدرست الكرااااام
ودااار الطمأنان والحب والسلااااااام
واجب الكل تنهض الجيته احترررررام
لأن بيه ام عون بس ابلا خياااااااااااام

گوم وتلگه الظعن بي عزيزات انسبن
المايون وينوح ويدگ الصدر
ما يعرف احسين والام الخدر

كلشي واجب صيح لوو رايد تعين
المستحب موو للخدم للمذنبين
اليدگ صدره ويبچي لحسين الحنين
من يموت أتحظره حته ام البنين

وليدگ صدره ابحزن يخف باچر عل متن
الما نهض والصاح أاه عله الطهر
ما يعرف حسين والام الخدر

شهور نحسب حته نعلنلك حدااااد
لأن ظلمه بدونك انحس البلاااااااد
ومن يمر عاشور ونضد لضطهااااد
نلگه وادم تگضي عاشوررك نقاااااد

الينتقد هاي الخدم عمره يوصل للندم
الما يعضم عل معزين الأجر
ما يعرف حسين والام الخدر

المقصر كاظم الحمراني

واويلاه واويلاه عله المسموم واويلاه
واويلاه واويلاه عله المسموم واويلاه


عله الخلص حياته اسجون خلو دموعكم ياناس
مثل شط الفرات اتسيل وهطور السدر مقياس
الزاهر شاف كل الظيم من عاصر بني العباس
لحد كيد الحده بهارون من حطاله سم بالطاس

من قعر السجن هارون شاله وعل جسر خلاه
والشامت تعده أعلي وصاح ابصوت هذ ادواه
واويلاه واويلاه عله المسموم واويلاه

ظل أعله الجسر مطروح وتشوف الخلگ حاله
ولأن معروف جده حسين محد شيعه وشاله
من گد ما بقى اعله الگاع طابع شافو أخياله
ولا يمه الرضا ويرثي ولا معصومه تنعاله

هذ ابن الزجيه اليوم هارون ابحقد سماه
وظلت عل جسر مولاي جثته وحته ماغطاه
واويلاه واويلاه عله المسموم واويلاه

مناشد صار بين الناس ياهو عله الجسر جثته
وطشت مثل ياهو الچان بين الناس سالفته
يناس ابن ادم امن ايموت تفزع كلهه طايفته
چا موسى ابن جعفر ليش ناسه اليوم عايفته

اذا چان السبب هارون والسيف الذي ابيمناه
نعلت الله عله كلمن شاف چثته وخاف ماشالاه
واويلاه واويلاه عله المسموم واويلاه


السائي ابن السويد هناك طارش چان ومخبر
يجي موسى ابن جعفر صاح يشيعه ولازم أنحظر
يوم الجمعه گل للناس واجب عل جسر ننطر
وجابو جثته المسموم والوادم غددت تذعر

شي ظلت تهل تربان شي ضلت تصيح احاه
وظل كلشي بجفه مسموم لحد الوادم التنعاه
واويلاه واويلاه عله المسموم واويلاه

شد حيلك لبو ابراهيم يستاهل تره الهمه
وخل دمك يفور اعلي مثل ما فار بي سمه
خيمه توارد ويه حسين يهوه الناس والمه
لذلك يلا سدرك حيل دگه السابع اليمه

اذا رايد ندم هارون جمره يصير عل سواه
لا يبرد عزائك كون تحب الكاظم وتهواه
واويلاه واويلاه عله المسموم واويلاه


المقصر الشاعر كاظم الحمراني

ركن الهدى تهدم
البسم الله جرت دم
من سيف ابن ملجم
طبر هامه وتهشم

علي يصلي أبمحرابه وطبر راسه
ابن ملجم وطهر منه خناسه
جبرائيل دون حيدر ابموته
صايم چان والله يثوب انفاسه

علي حيدر علي حيدر

خظب الدم لحيته
وجه الطارش لبيته
علي وگربت منيته
منو الينصب عزيته

نصبها الله عزيته وعرظت املاكه
أبيارغها وحزن عرشه وفلاكه
لجل حيدر صام أسنين عزرائيل
وسرافيل طبر هامه بمساكه

علي حيدر علي حيدر

نكسر زينب ظهرها
الحسن نام ابحجرها
بچه حسين وكسرها
وقرن كبر عمرها

نعت زينب والكافل لطم هامه
لمن شاف اخوته تبچي گدامه
عليه ما هان موته وصاح يابويه
رد يابويه صرنه بعدك أيتامه

علي حيدر علي حيدر

لجل راعي اليتامه
بچت حته الحمامه
وداعه ويه اليمامه
مثل يوم القيامه

نار أجفاك حيدر حيل لساعه
وكلهه أتصيح ابونه ومكلف وداعه
بعين الدين حيل أضلمت الدنيه
وبعين الطيور أنقامت الساعه

علي حيدر علي حيدر

الخلف كلمت نبينه
خلي يسمع حچينه
الطبر واجب علينه
لجل حيدر ولينه

العاشك شوف بالك تختبر صبره
مجنونين يا عشاگت الفطره
المو عشاگ حيدر هذ مو شيعي
وما يعرف يحيدر لذت الطبره

علي حيدر علي حيدر


المقصر
كاظم الحمراني

تقرء شور جلسه ( ونسألكم الدعاء )


مرني طيف ارجوك مرني
وگلي كافي ذنوب يبني


فدوه لا تحرمني منك
كلبي كل لحضه يريدك
انته يا حسين امنياااتي
وكلشي بالدنيه وعضيدك
موشرط تحسبني عاشگ
حسبني واحد من عبيدك
العمر خلص بس اماني
انحز وريدي ولا وريدك
فدوه مرني يا حبيبي
بحلم بس ارد الزم ايدك
انه يا حسين وغلاتك
ويالنفس كل ساعه اعيدك

يا حسين……………………أاه

كلشي ما ريد ابحياتي
اني يحسين وحياتك
فقط رايد دمعه وحده
بيهه أواسي اكبر خواتك
يحرگ ابگلبي اليگلي
عل جمر داسن بناتك
واشتعل نار الركضهن
وحس بآلام أمهاتك
يالصفتك جنت الله
نعم ما شفت ابصفاتك
صرت ماي الكلشي بالطف
والعطش نشف لهاتك

يا حسين………………….أاه

مرني اريدك بيدي تاخذ
بالكي من اذنوبي اتوووب
انه واحد ماله جاره
وانته سلطان القلوب
انه صح يحسين احبك
ومن يمرني اسمك أذوب
بس وحگك روحي صارت
درب لجداااااام الذنوووب
لا تهدمي عليك زينب
جمره ما بين الهبوب
انه اشوفك رحمة الله
ورحمة الله بلا نسوب

يا حسين…………………أاه


يا حسُين أبطيف أريدك
مووو بواقع من تجيني
حته مولاي من أشوفك
بلكي أفز مليانه عيني
روحي تعبتهه المعاصي
وناسي ملت من ونيني
ولأن ما تترك خيالي
صرت أحسنك قرني
ارد احلفك بالتراجي
وانه اسف من حنيني
انته اكبر من احلفك
حته اكحل بيك عيني

يا حسين………………..أاه


المقصر كاظم الحمراني

للذكرى والحفظ


الحمد الله وعلينه انعاد عاشور
ونفسه الهفه بينه الدگ السدور

المراسيمك غدينه انذور يحسين
وبس ربك فقط وفاي النذوووور

رزق حزنك يفوت ابين الكلوب
لذلك من يخدمك كلبى مسرور

يومك يختلف عن باقي اليااااام
وشهرك مو مثل مولاي الشهور

وادم تنحسب حته الشياااطين
ونوكلهه ابثوابك وين التفوورر

نلطم بالتلوگ وتررررهم عليك
والميت ضميره انخله مذعور

واذا ما تروي لظهور الزناجيل
بشفر نلطم لما نرويهه لظهور

الجماد انخله يلطملك اثگيل
ومالك السمه عله النزله وجور

واذا گوه البرود ابمجلسك فات
نار انصير وندگ كل وكت شور

كلشي يلوگلك مولاي ويصيرر
عده الباطل حشاك انكول معذور

والتعدل لطمتك مو الدمامات
لااااا دگت كلبنه اتسااااير الطور

گااالو مستحب اليلطم اعليك
وانته والواجب اصلن بيك مجبور

خلق رب العباد الناس من طين
عداك انته وهلك يحسين من نور

اسمك بالعرش شنهي اكتب عليك
وانه طرح المبطن عندي مدثور

گلب السور حد سورت الفرقان
ولگيت منل طرح يحسين دستور

اليعمل موش لالله ويعمل ابكيد
هباءً يبقى والله يگول منثوووور

يعني العنده كيد اوياك يحسين
الهباء يعيشه نفسه شما خذه ادور

وانه عبدك اغلامك كلشي مولاي
تبشر كون تامر يبن الطهوووور

وحگك راح اضل ارثيك للمووووت
ولحد ما ياخذ الله بثار النحووور


المقصر كاظم الحمراني

للذكرى والحفظ


اما القصيده الثانيه إلى سيدتي ومولاتي فاطمه العليله عليها السلام
عندما اكتمل ظعن الأمام الحسين وارد الخروج من الدار لكي يذهب إلى كربلاء هناك طفلهةً عليله نادتهُ قائلتاً
أبا ياحسين اتأذنلي ببعض الكليمات فرد قائلاً أولم اودعك يا ابنتي فقالت


حسين بويه ارجوك رد مابيه حيل
جفاك نار وروحي ما تحمل لسع

راس ناوي اضحي بويه انطيك راس
صبع رايد تنطي ولله انطي صبع

ظلع ناذر لرمك خدامه هاك
عليك بويه وداعتك ماعز ظلع

يرتفع نحرك تريد حسين صار
ولا يهمك نحري گبلك يرتفع

ولاتكلي انتي عليله ومستحيل
ويه الظعن تمشين وانتي بهل وضع

زرع روحي وشوفتك يحسين ماي
ولو غبت عنه تره يموت الزرع

ولدمع ما ينشف حسين بجفاك
فقط حظنك ويدك أتنشف الدمع

خذني بويه وداعتك خدامه اصير
لعلي لزغر وزگي بخيول الجميع

ولا تخلني من انوجع ما حس بديك
حسين بويه وداعتك حيل انوجع

ينفجع كلشي عله عينك لو مشيت
وانه كلش لو رحت بويه انفجع

ينجرع كلشي بوجودك يااا دواااي
لجن بعدك بويه ابد ماااا ينجرع

وانته ما ترضاش اظل كل لحظه اموت
بنيتك انه وبيك انه ادري شگد سنع

بويه اخذني وحالي من حال البنات
السوط عادي بظهري لجلك ينطبع

ؤالله لو موتن عطش مايصح ماي
يل وجودك يمي يسوه اكبر نبع

ولا تگلي بكربله أنه ادري شيصير
جفوف كثره وروس لجلك تنگطع

علتي عله ومنياااااااتي اكبرر دليل
ظلمه وتريدك ظوه اعله من الشمع

ودنه يمي بكلبي جلمه عله الممات
وسمع امنيتي شتفضل من رددددع


أنه افظل ويه خواتي حسين اموت
بويه ما ريدن امووت منل سمع



المقصر كاظم الحمراني

للحفظ وذكرى



طاح حسين بالطف والعرش هدل
وبان الشيب طوله منل خيم للتل

صفه وجه السمه لونه احمر حسين
وهوه الله بيوم عاشر بالطف تهجول

حارت بت علي بالخيم والميمون
تلم ابظعن أخيهه لو تضل تسأل

دارت للخيم عمت عيني اطيح
وجه الميمون يمهه من ادم امبلل

هنا گلتله زينب سوووولف اشصار
وكلش حار يمهه يسولف المقتل

وجنه انسان سرن سولف الصار
ماحسب كلبهى شلون يتحمل

يگلهه ابجثته ملج الموت محتار
يقبض روحى من ياصوب ما يندل

تركته الف وتسع ميت جرح بي
والف وذرت لحم بحوافر الذلل

يزينب عفت اخيج عل تراب ارماد
وتركته من المرد مطروح ومحلل

وماگلج بعد مااااااظل اثرررررر بي
هذك الجان يصعد عل گفه مدلل

وبجت زينب وجت تركض بناته اصيح
يعمه ومن دمعهااااااااااااا الكاع تتبلل

وماسكتت لحد ماااا روت منهه الكاع
ولحد مااااا بالبراري هامت الثجل

وتلمهن وال اميه تطشهن عناااااد
طشت الواهليه بزحمت المحفل

بعباها أيتام اخيهه امجلبه ام عون
وصبرن يومت الهن يتخسه المحتل

ولون ما عرضتلهه عيون عبااااااس
وخيهه حسين وابنه الناحل المنسل

جا زينب خذت بالخيم دور حسين
ودور العل نهر مغدووور ومفصل

بس ربك بعث لم عوووون جبريل
وجه بهيأت صبر لبتوتهه المرسل



المقصر كاظم الحمراني

القصيد نبطي يقرء نزال ( ونسألكم الدعاء )


عفرمن من صال ناداه الحسين
وتگوه أبو مريوش طراها صوبين

رادع العدوان مگناص النحوس
فارس الفرسان مجراز الرؤس
كوسر العفيات عالم بالهجوس
هارف اخت حسين كشاف النفوس

ما رجف لا خلف
كشعم أمن اصياره
ما برد لا ضهد
روس أبد بتاره
حير العدوان بزر ام البنين
( وتگوه ابو مريوش طراها صوبين )

حيهم أخته أم عون يومت بالخيام
والعرندس جفه شد عله الجام
ناده منهم هرد هيمو منل همام
رغم غاد وبعده مااااا شال الثام

ولرعتب والهرب
هذه ماهي أيامه
ولبقو والصفو
ماتو أمن الثامه
وارد الكرار عوده بكل يقين
( وتگوه ابو مريوش طراها على صوبين )

دوكس وحين البرز ما هما جيش
عل نهر وحسين ماااا گلاله ليش
سندري عله الگوم ولشط ماله گيش
عجرش العباس والعث كرا طيش

ومن برز ورتجز
سندري عله الحومه
والوضب والگرب
يمه ذب اهدومه
صاح انه العباس بزر القانتين
( وتگوه ابو مريوش طراها صوبين )

راعي الصولات رازن بالنزال
ومن خاه حسين تبشر بيها گال
اليوم ألجلك يومه اجيبنه المحال
وحير العدوام من بالشگره صال

ولحصل من وصل
ثايه حط الرايه
ولنهر ضل خبر
كفخ جايب مايه
حسين يومه منل خيم رد يالرزين
( وتگوه ابو مريوش طراها صوبين )

حنا خوالك حين نادته الخصوم
ولحسين اضحي اروح رد عند الزوم
حمره عينه ورعد بالطف كلغيوم
ومنه هام الگوم مسرع بالطهوم

ومن رعد ونعجد
صبح بألطف غيمه
منل ولد يا هرد
يدنه يم الخيمه
ميز العباس ألصلي منل هجين
( وتگوه ابو مريوش ماداه الحسين )


المقصر كاظم الحمراني

تقرئ شور ( ونسألكم الدعاء )

خويه 3 حسين

بربعينك خويه جيتك
روحي گاطعها الحزن
ومن طلعت منل مدينه
گلبي مشتاگ ويحن
يا أمل روحي وحياتي
منل دمع ماظل جفن

كلهه صاحت مات أملهه
وظلت ام عون أبهظم

وعگب عينك سوط خصمك
طبع ظل فوك العظم

النوگ تبچي وياي ظلت
لجل عينك من بجيت

والجبال هتز كلبهى
ورأس بعدك ما حنيت


أگعدلي جيتك يابعد أخيتك
مشتاگه روحي هواي
خلي اشوفك ولزم جفوفك
من عيني اصبلك الماي


خويه 3 حسين


خويه متعنيه الظريحك
والدرب كلش جبح
الماي الومه بگد معزتك
ونعى بيك أشچم جرح
سلبو اثيابك اگولين
ويعرض گبالي الرمح

بعيني عرضن خويه كلهن
من اجيتك والدمع

يلسع أبخدي وأفكر
بيك ضال أشچم ظلع

عميه عيني عليك اگول
من ذكر الصار وجره

وأبقى اون محتاره لجلك
لو السبع الگنطره


محتاره ختكم ومخدرتكم
ولتم عليهه الويل
اي كلمه ترفض بالهيمه تركض
ويركض وراها الخيل


خويه 3 حسين


خويه خيتك كلشي شافت
من مشت درب السبي
عداك حته انطيج كلنه
سوه شدوها العبي
نامت ابروحي الهظيمه
من حده الناگه اجنبي

الحادي خويه النوگ هزل
والظعن صاير سره

وزجر وحده وكلنه طحنه
مخدره عله مخدره

منل ركض تعبت رقُيه
ؤين صاحت عمتي

وانه ثچله حسين وركض
صوبها من امروتي


الدنيه عتمه وتصرخ يعمه
چا وين ابونه حسين
كلش تعبنه وصاير وضعنه
ضايع امانه بلاچفين

خويه 3 حسن


حسين أجيتك ورد اسولف
صور ما بيهن بعُد
شبدي من نوم الخرايب
لو منل حر والبرد
احجي عن سطرت رقُيه
وسكنه يشتمهه العبد

خويه صح تعبانه احيتك
ونته مگطوع النحر

لچن لو ما أحجي ظيمي
والله اموت منل قهر

أكعد حسين السوالف
شيبت حته الطفل

وما نميز لو مشينه
الشوك يوجع والنبل


لمن مشينه ما ميزينه
خويه الصحاري اشكال
بيهه اليضدنه وبيهه اليسبنه
وحنه ظعنه بلا كفال

خويه 3 حسين


ومن وصلنه الشام خويه
صوب راسك عاينت
تأشر أعليه الشماته
وردت اموت وما متت
الغرب ملگاها شماته
وكلشي منهم شاگفت

دخلونه ابسوگ خويه
وبيه خلوني انتظر

لحد ما تشفه النواظر
ودخل ابذله القصر

خويه لو تدري ابوكتهه
شگد تمنيت المتت

گبل لا بنتك رقُيه
تشوف راسك بالطشت


راحن ظحيه سكنه ورقُيه
من دخلونه الشام
لبايگ لباسك جابلهه راسك
خاطر عليه أتنام

خويه 3 حسين


المقصر كاظم الحمراني

تقرئ شور أن شالله ( ونسألكم الدعاء )



نامت بعيوني الغيمه
وجاي أبجي بنص الخيمه

ولن اسمع بحوافر خيل

رئساً طفيت اشموعي
وطلعت اركظلك بدموعي

حسبالي انته الرد الحيل

عبالي انته الردييت
وركض يحسين فزيت
يبويه ولن ظلااام
جايه الحرگ الخيام

چان أبالي أحظنك بويه بس ماحسبت
ماترجع البنتك رقُيه بويه من عني رحت
كون أدري رحت وياك وبحظنك متت

بويه 2 يا حسين

عيونك ظلت حسره بگلبي
يحسين وهذ الزيد تعبي

زغيره ومو مال أحمل أاه

لمثلي الناس تكلهه الورده
مو تتيتم وآخر وحده

عد حسين وتمشي وياه

يبويه ارجع وياي
الك مشتاگه هواي
رقُيتك مال احضان
وأبد مو مال تنهان

لو هجمت العدوان بويه اشبع كتل
وهاي انه أديني ازغار مو مالت حبل
خاف انوخذ للشام وعليك أنسأل

بويه 2 يا حسين

المثلك عدهه تنام ابسده
مو بالهيمه ادور لبده

وما تلگه وتلحگهى الخيل

بعنان الخيل ايشدوها
عن لا تشرد ويظربوها

وتيومي منل سوط ادخيل

عليك أشگد ناديت
يبويه وما رديت
زغيره وهد سلاب
كمشني كنل چلاب


ما چني طفله حسين من عني رحت
هجمت علينه الخيل وبهيمه اركضت
عداك من طگني عله خدي بالترب تمرغلت

بويه 2 يا حسين

طفله وچن تيهت أبغابه
وباگو ترجيتي السلابه

وجدامي مزرفها الشوك

ما جنت اعرف لو ودوني
بالغربه هناك يدفنوني

ونته أتظل بألطف متروك

عشت يحسين أوهام
چنهن حرگ الخيام
لمن بالشام طبيت
گلت ياريت ماجيت

راسك يبويه حسين جابوه أبطشت
بنص القصر وعليك من شفته ركضت
ومن حضنتك بيك احس أتچفنت

بويه 2 يا حسين



المقصر كاظم الحمراني

تقرئ شور نزال أو نزله ( ونسألكم الدعاء )



سيدي يبو صالح هسه وين
الذنب يعني وداعاً للحسين

هسه وينك سيدي انته بيامكان
فدوه حط النه الخبر عند اي فلان
عليك تنشد كلهه يا راعي الزمان
وحيل تعبنه الوكت يابو الحنان

فدوه رد يمته ترفرف رايتك
فدوه رد وبالثار تفرح جدتك

(( سنين ننتظرك لجن أمقصرين ))
(( والذنب يعني وداعاً للحسين ))

عليك أمشي الي بظهر وحيه عرج
فدوه يا مولاي عجلنه الفرج
يلي حيل الكون من غبت انهرج
وبقائك سيدي الثار ابتهج

بلا قسم نرجوك ردنه الخبر
بلا قسم مولاي وين المستقر

(( بنتظارك عشنه بس متغربين ))
(( والذنب يعني وداعاً للحسين ))

فدوه وينك سيدي يبن الحسن
وشني صاير بيك من گد المحن
جروح جدك بيك أنشدك شيبن
لو دموع هواي من عينك خذن

خضرن لخيام بيك أشچم جرح
خضرن لو راس جدك عل رمح

(( وياك نبچي ونلطم ومتحاربين ))
(( والذنب يعني وداعاً للحسين ))


يبو صالح سيدي شكبرك صرت
شاب بعدك سيدي لو شيبت
شيعتك ونشدك اشما طولت
يمته تاخذ ثار جدك ياوكت

يا وكت مولاي تظهر عل ظلم
يا وكت وعداك يكتلهه الهظم


(( وياك خاف أنموت وما فازعين ))
(( والذنب يعني وداعاً للحسين ))



المقصر كاظم الحمراني

تقرء شور ( ونسألكم الدعاء )


(( حسين ))

طاح حسين بألطف والعرش هدل
وبان الشيب طوله منل خيم للتل
صفه وجه السمه لونه احمر عله حسين
وهوه الله بيوم عاشر بالطف تهجول

من الخيمه طلعت زينب الكون
صوب حسين تبچي وعثرت بعون
شصاير بيهه بزينب كون تدرون
چا گلتو عليهه تعمه لعيون

طاح حسين طاح وركضت الحره
صوب ابن امها وهتز الظعن خدره
حسين أنحز وريده ونسحگ صدره
چا زينب گلبهى ياهو اليصبره
////////////////////////////////////////////////

حارت بت علي بالخيم والرمل
تلم أبظعن اخيهه لو تظل تسأل
دارت للخيم ها عمت عيني اطيح
واجه الميمون يمهه منل دم امبلل

عله زينب كون ما متحزم الويل
وطاح حسين وعليه انسحگ حيل
اول تالي زينب تسأل الخيل
وين ابن امي وين وجايهه الليل

اجه الميمون يمهه ونشدته حسيني
وين وگلهه طايح ضل عمت عيني
رقيه اتصيح عمه ام عون الحگيني
وزينب تومي خوي حسين حاجيني
//////////////////////////////////////////////

هنا كلتله زينب سولف اتفضل
وكلش حار يمهه يسولف المقتل
يگلهه ابجثته ملج الموت محتار
يقبض روحى من ياصوب ما يندل

لوضع حسين ابد ما ظلت گلوب
لأن ذباحه ناحر نحره مگلوب
يگل للباري حيل حسين متعوب
وحرت ياربي روحى اقبضه ياصوب

حرت كلش يلاهي منين اجي الروحى
وگلت ها خاف الزمه والچم اجروحى
هذ ابن الزجيه المحد يلوحى
الك قربان صارت جثته مطروحى
///////////////////////////////////////////////

تركته اجروح بيه اهواي تتعلل
والف وذرت لحم بحوافر الذلل
يزينب عفت اخيج عل تراب رماد
وتركته منل مرد مطروح ومحلل

تركته الف وتسع ميت جرح سود
وتركته عله الفرات هناك ممدود
صفه من الحوافر جسمه ممرود
وغده منالامه بس ينوح وينود

يلوب حسين ظل ما ترحم الامه
وهدت ال اميه وحرگت اخيامه
حسين الچان محد يمشي جدامه
الشمر حط عله صدره وذر أيامه
///////////////////////////////////////////



المقصر كاظم الحمراني

بويه انه العليله
وگلبي انته خليله

فدوه بويه حسين أخذني
وبالظعن سولي مجال
اني مو مالت مصايب
طفله ورويحت حلال
انته مو كتلي بزمانك
بنيتي يابزر الدلال

بويه چا ليش من اگلك فدوه أخذني
تگلي اخاف عليج بابوه وتردني
عله جفاك حسين ابد ما عودتني
بويه أخذني

بعيني لتخلي المدامع
عله جفاك معسكرات
ولا تخلي الامي بعدك
بوسط روحي مچودرات
گلب طفله حسين گلبي
شلون أعيش بلا خوات
/////////////////////////////////////////
علتي صح يحسين عله
وصدگ ما يحصل دواي
بس وحگك من اشوفك
يمي احسنك شفاي
خذني كاروك المخيم
وسكي كل الخيل ماي

حته لو كاروك اصيرن لعبدالله
ومن ايفز افزعله بويه بلسم الله
لا تخليه ايتگطع وصله وصله
بويه گلبي

لاتخليني وحيده
ويه الظعن خليني اروح
ولاتهمون بظعنكم
تكثر أبگلبي الجروح
مالي حيل عله البواچي
گلبي يخلص من أنوح
////////////////////////////////////////////
گلبي مايحمل جفاكم
ماله حيل عله الفراق
وانتو رحلتكم طويله
وتدري يوجع ليشتاق
ليش احس يابويه باچر
سبي اهلي يحل بالعراق

گلبي ما يحمل جفه الكلهم محنه
تره العله البيه من افراگ اهلنه
خذني حال رقيه بويه وحال سكنه
ولا تهدني

روحي متعلمه اعله اهلهه
واعله أدينك يا حنين
ولا تگلي انتي امانه
ابين أدين ام ابنين
مثلي هم تعيش بعدك
حسره واهات ؤنين
/////////////////////////////////////////////
عمه فدوه احجيلي چلمه
شني معنى هل سكوت
شني ما تردين روحن
ولله من ترحون اموت
أني منكم مو غريبه
خذوني مايطلعلي صوت

لا تخليني يبويه أبقى وحيده
اني من هاي الهواشم مو بعيده
باچر ادري شچم ترف ينحز وريده
ويبدي تعبي

بويه وتهيج المواجع
بشر من يلفي ويصيح
لچان اسمه حسين الغالي
هسه صار اسمه الذبيح
وانته ما ترضع العليله
بنيتك ادگوم وتطيح


المقصر كاظم الحمراني

ظهظب اعله الگرم عباس الفحل
چنه حيدر بحُد ويام الجمل

رتجل كافل زينب أشجم هوسه
وفات بيهه وطرگ عرج ناموسه
چان ظن الگوم سهله دروسه
(( لچن بان الهم صعب نزل ))
صعب كلش بان حمال الوه
وسيفه گد ما حار من چفه انچوه
صاح اخلهه تفيض بالدم نينوه
(( لون غاض حسين بالطف وزعل ))

ام عون حيهم صاحت الكفالهه
خلي روس الگوم حدر ذيالهه
گله ابشري وثايه طب دگالهه
(( وظل يكر بهداي سيفه وبالعجل))
سيفه صاح ادخيل من گد غيرته
وحال حال الگوم حار ابصولته
غرگ راسه وختنگ من قبضته
(( ولجل أخيه الجثث سواها جبل ))

جبل خلاها الجثث يم النهر
وسوه لمن صال من الدم بحر
ام عون صاحت تگوه بحزام الظهر
(( هيه لو هيج الزلم لو ماكو أمل ))
هيه لو هيج الزلم تتلاوه
لو تظل ويه النثايه مساوه
بان حبله الگوم عنده نساوه
((شتهه الموت وعل طلب يوماش اجل ))

يومه اجل وأم عون شالت هامهه
الگوم هذ آخر وحم بيامهه
الحبله لاتتعطل عله اوحامهه
((وكلهه ابشري وطرح من شافه الحبل ))
گلهه ابشري وخبره طب جرناسهه
الحيه يدري تموت بس من راسهه
منل مخيم زينب العباسهه
(( عاينت روس الكفر لوحة غزل ))

عاينت يرسم الچان ابالهه
ويخط سيفه بخيلهه وخيالهه
مثل تلهه تلول طب سوالهه
(( نعم من روس الكفر وبلا خلل ))
بلا خلل عباس من هم ورسم
ماله گاع الطف لجل سكنه ندم
ذيب وبعينه الخصم مثل الغنم
(( بالعرك مارك گطع روس الذلل ))

المقصر كاظم الحمراني

يحسين الك متحزمين
لنصار اجت مشايه
ويه ام عون كلهم بالطريجً
شايلين الرايه
ولغايه عدهم گال حيل
داسو عله الغايه

لا ما عجز واحدنه دوم من الشمس
ما حجه أعله الحر ابد زاير همس
ذوله اهلهه االغيره ابد مولد امس
(( ثار عدهم هل اجو مشايه ))
امگابل ويه الخدم صارت بالطم
ولهطر سده يذب جلد وعظم
تصيح كلهه تصيح تبن للظلم
(( حسين حر وكلنه نمشي برأيه ))

ياأبا عبدلله المدد مولاي المدد

اليسأل ورايد جواب
شلون ناخذ ثاره
خل يجي ويحظر عزاء
ويشوف وعي أنصاره
مسابگ بدگ السدور
ودمعوهم تجاره

امسابگ اترف بالدرب راياتهم
وتواعدو چتف ابچتف وگفاتهم
دگو سدر ما تختلف لطماتهم
(( وألزلم من تحچي گد لحچايه ))
من تحجي توفي الخدم وألينخدم
ومضاها مامش فرق لو شدو عزم
موكب الأنصار منبع للزلم
(( وعاده عدهه الزلم ترسم ثانيه ))

ياأبا عبدلله المدد مولاي المدد

من البصره نحيي لأربعين
مشايه جينه الكربله
راياتنه محليه المسير
والخدم تندب ياهله
ماعدنه غايه ويه الحسين
والعده غايه نعدله

ماعدنه غايه ومو رياء المسأله
وقربتن لله مشينه الكربله
حسين رب العرش رحمه منزله
(( ولجله بالقرئان نزل ايه ))
سورة لأنسان كلش واضحه
راده عله حسين تحجي ورايحه
المافهم خي روح يقره الفاتحه
(( وسورة الفجر التثبت رايه ))

ياأبا عبدلله المدد مولاي المدد

بعين الله اباعبدلله
ايشوف كل أنصاره
والماله چاره مستحيل
عباس واگف چاره
وعل درب واكف حبيب
يسجل بزواره

زاير يسجله حبيب بدفتره
وبو فاضل حيل يبقى يقدره
النيته اخيه بچفه هوه يزوره
(( حته لو عنده ذنوب هوايه ))
حته لو ذنبه صفه اعله منل جبل
يغسله بيده يغسله عباس الفحل
الگصد لحسين وحمل ذرت أمل
(( شيخ ينعد مو منل ودايه ))

ياأبا عبدلله المدد مولاي المدد

المقصر كاظم الحمراني

الكافل عل نهر فات
خله الگوم مثل الشات
شاف من الخيم رايات
حيهم تومي ابو الكلفات

سرفن من هد ذرعانه
وصاح بصوت هذ انه
هوس ورعب عدوانه

گال الحد كون اگطع رأسه


حيرها الكفر من غار
بالطف چن علي الكرار
خله السيف يجدح نار
والدم عل نهر طشار

سوه ارگابهم چومه
وهتز الطف للعلموه
ذب رباط بالحوومه

وصاح الشط كون اخذ روحى


حيير گوم اميه ابزود
وكر الحيد والمگرود
الكافل ماعلي منگود
عيونه تفلش الجلمود

زينب هوستله ابصوت
سوي الشط الهم تابوت
لاتبرد ياملك الموت

وحطلهم حد يابو الغيره


سكينه صحي عمي الماي
وشر عمي ابشري بهاي
انه العباس والسگاي
وكون الشط اجيبه وياي

ابشري يابت الهيبه
عمج راس للنيبه
شلون الماي ماجيبه

وانه الشط لجلج ذليته

حيهم صاح اگلبى الكون
وزرع بالزلم طاعون
البل عباس ما يدرون
عل تل هوستله ام عون

امرجهم حيل كفالي
وخبط بالناصي العالي
حسينك يستاهل غالي

عباس اسطر جيمه ابجيمه



المقصر كاظم الحمراني