ناددت منو عله الباب متعنيه حزنانه
وصاحت ابنيتي ام عون ام البنين انه
تلكتهه وتلاجن سوه عله الصار بيهه بنينوه
وبحسين وخوانه
ام البنين انه

تكول الروايه ام الخدر ما ينحمل ونهه
ؤيه ام البنين من التقت طاح الطفل منهه
ولعين من طاح الفضل غاب النضر عنهه
جي عدهه جان اهون جرح ينزف عبي الحنهه
أول جرح بعد السبي. مو دم صبح ينزف عبي
وتغيرت ألوانه
ام البنين انه

لاكتهه مثل امها بحزن ودمعه تجريهه
والدار وحدهه انطفت من كَد بواجيهه
بصار ابد ما سولفت بس بنواعيهه
كل المحاجي اترجمة. نار المعانيهه
وياهن حزن حته الهوه وكل باب بالدار انجوه
وتثلم امجانه
ام البنين انه

سولفت زينب عل كَمر والطف عمت عيني
وام البنين اتكَلهه لااا يم عون أرحميني
تدرين مو هذ النشد لباااااااالي تدريني
عوفيني من الأربعه وحجيلي بحسيني
زينب بعدهي ماحجت بصار لحسين وبجت
دم عله هجرانه
ام البنين انه

كَعدن عله مجان الرحل وتذكرن علومه
ويحسين صاحن من كَلب وشتمن أهدومه
هم عله هم حيل انتجه وحركَه عله مهظومه
وبادن لحد اخر هظم ما وصلن أهمومه
بصار زينب سولفت وأم البنين اتهدمت
عل جره بصيوانه
ام البنين انه

حارت تون اليا نحر واليا جرح صيه
والدار بور من الضوه وعازتهه حنيه
ثلجه برجل ثجله اعثرت ولأاه بالريه
تنزل جرح ويه النفس ما جنهه علويه
بطف تركتي اشجم جرح يمه وعثرتي ابجم رمح
وجم طفله عطشانه
ام البنين انه

المقصر كاظم الحمراني

عن السيده رقيه سلام الله عليها
تقرئ سماعي أو نعي


أبنص خرابه والليل موحش والبرد مابي عرف
وجمد دمهه من ذهنهه الحد متنهه
ومامش حسين التجف
أتفتش الظلمه عله بوها ولن أخوها
يكلهه نامي الدنيه لليل
ومن بردهه بالشاير تشتكيله علي خويه وين ابوي
عيوني ساطرها النعاس واني طفله وانته تدري
عازت الطفله جتف
نامي اغطيج ابعباتي ومستعد اسنين الولي
ياعزيزت كلب ابوها وكلب اخوها
الدنيه ما خلت ولف
مشت كلهه وباقي بس الوحدي اشاكف بسياط
وصبحت جيثوم علتي
والشمر كلش صلف
علي سولفلي عله ابونه اشلون لونه
انخبط لحمه وي طين النهر
صار دهله واليمر يحذر يدوسه
من رحتله شلون شفته خويه سولفلي عله شكله
حسين نفسه حسين لو اهم مختلف
ولن يكللهه عله حطته والدمع شلال وثوب الجبال
وعلته الناعور نفسه
ومستمر عله الجذف
وهناك حس حس بالخرابه ونين ثكله وعطش طفله
علي خويه عمتي فزت
وهاي اظن اسكينه عطشت
ونهض رغم جدامه زركَه منل بدر
وتهامس شمحتاجه عمه ونار صار منل خجل
ومارضت زينب تكَله علي ابوي هنانه جان وكَبل لافزن رحل
ومارضت تشكيله همهه وتنولد عل عله عله
وينصدع كَلبى الترف
ومن بطه صاحت رقيه عمه ذاني ولقصد مو هذ جان
طفله مشتاكَه الحجيهم وتدري بيهم
هسه همه بطاري ابوها وطاري عباس الكلف


كاظم الحمراني

اسلام عليكم ورحمة الله وبركاته
اخواني واخواتي جميعاً الي الشرف بأنظمامكم ودعمكم ب قناتي جزاكم الله خير الجزاء واسأل الله أن يحفظكم ويسعدكم ويقظي حوائجكم بحق محمد وال محمد
اسف ع لأنقطاع الي صار لكن ان شاء الله بفظل الله و دعائكم يرجع النشاط لخدمة محمد وال محمد وخدمتكم.... اخواني الرواديد خدام لأمام الحسين ع اي شخص عاجبه يقرء اي قصيده من كتاباتي ؤ عاجبه طور اباله حاب يقراه اتمنه يتواصل وياي وانه خادم اله ان شاء الله اسف ع لاطاله وأسألك الدعاء

تحياتي الكم جميعاً
كاظم الحمراني

زينب عكَب اهلهه الغربه شيعوها
وبل شام الشماته عناد دفنوها
واويلاه واويلاه

بت حيدر علي اليذكر مصيبتهه
دموعه ام الحسن ما تنسه غربتهه
اليدكَ سدره تره بطاري عبايتهه
تمر يوم الحشر وتنقذه شيلتهه
واو يلاه
السرت فوكَ الهزل ويديهه مجتوفه
إذا ينزف جرحها يا جف أيروفه
تكَل للحادي أريد الظحه بجفوفه
ويجيبه وعل هزل من لحيته يطوفه
واويلاه
تصيح حسين أريده وتنحب وتنعى
وصفت حته الهزيله تسجب الدمعى
دنه الخيل ودنت خيالته أمفرعى
وتعاين لل حوافر بس لحم ظلعى
واويلاه
الطم مو مستحب من نلطم عليهه
أخت عباس واجب من نون ليهه
التشرف كل سلف لو طبله طاريهه
عرش الله قشعر من كَد نواعيهه
واويلاه
غددت مثل الزجيه الحره زتتهه
بلليله موحشه اهل الشام دفنتهه
بنعشهه وعيرتهه الغربه بخوتهه
لأن كلهه تعرفها الخوه عازتهه
واويلاه


المقصر كاظم الحمراني

بكَت تنشد روقيه وين اهلهه
وانه ام عون اندهتهه وين اهلهه
حرت بدموع عيني وين اهلهه
كَلت وحسين راسه اندار اليه

كاظم الحمراني

اليودك يا كمر عدنان حا جاه
بعسر ونايبات عليه حا جاه
لزمن جي ماترد عباس حا جاه
طلبت منك يبن حامي الحميه

كاظم الحمراني

اريد انشد ل جاني وانشد الشام
ظريحي اشاف بيه وانشد الشام
أريد ابجفي ايومي ونشد الشام
شعجب بسبعه الي يكَطعون بيه

كاظم الحمراني

عل جسر لو موجود حماي الحمه
جا مله الجربه جنود حماي الحمه
من كونه موجود وبسيفه يحظر
ما ظاع ابد ثار موسى ابن جعفر
عل جسر لو موجود حماي الحمه

حماي الحمه عباس
........................ *

موجود كون الكَمر ومعاين أعله الجره
جا سيفه طر الجسر ولسمه ذب منحره
مايرضا مثل الزلم سردار من غيرته
وثنين ما تختلف بفعاله عل كَنطره

لو حاظر بغداد حماي الحمه
يوكَفهم أستعداد حماي الحمه
وبسيفه كل كَوم هارون أيتوذر
وماضاع ابد ثار موسى ابن جعفر

حماي الحمه عباس
......................... *
عباس راعي الشيم معروف من كَمطتته
أم البنين وكَطع لكَماط من نادتته
عباس زينب أجت والغيره جانت مهد
ومن عدهه صار العرك والغيره بس شغلتته

ما عاصر المسجون حماي الحمه
جا ذل نسل هارون حماي الحمه
وجا خله لنذاااااااااااال كلهه أتعذر
وما ضاع ابد ثار موسى ابن جعفر

حماي الحمه عباس
......................... *
أتمنه نفس العصر عباس ولسل حزن
واتمنه بمطهمى وحسين ناطي لذن
جا ثايه فوك الجسر عباس من دم رسم
وجا موسى ابد ماكضم غيضه ودخل للسجن

يا وسفه ماموجود حماي الحمه
ومعاصر المظهود حماي الحمه
جا خله هارووووون نصين ينطر
وماظاع ابد ثار موسى ابن جعفر

حماي الحمه عباس
...................... *
ياوسفه ما عاصره وناصره الما منهزم
كل عمره وعله الجسر هارون شاف الزلم
شتسوي لو هد شبل كرار فوكَ الجسر
تحسمهه عينه ويخل هارون تحت الجدم

بس وسفه رب الزود حماي الحمه
يم موسى ماموجود حماي الحمه
جا خله لجسااااااد ما بيهه منحر
وماضاع ابد ثار موسى ابن جعفر

حماي الحمه عباس
........................ *
المايرضا مثل الزلم يسحكَله واحد طرف
ما حاظر أعله الجسر وبهاي ربك لطف
جا سفيه ما خله اسم بغداد بالخارطه
وتاريخ ماضل ابد والعافي ابد منعرف

لو بالدرع والطاس حماي الحمه
فوك الجسر عباس حماي الحمه
جا خاله هارووووون والكل تحير
وماضاع ابد ثار موسى ابن جعفر

حماي الحمه عباس


المقصر كاظم الحمراني

للأمام الحسن عليه السلام


انه شاعر امقصر كلش وياك
أسف يالحسن ماعندي تبرير

وحگك دونت كلشي عله لوراق
وعده لسمك فلا خطيت تعبير

وانه المفروض ماخلي السجلات
منك تنحرم وتواااااااااااااارد البير

كسه عد السجل مولاي مرااااات
والوراااااااق القلم جبريلهه يصير

ما ينعد كساء ونقصه معصوم
ضر تعده الخلگ وتگول تزوير

وانه خااادم يعجبك حيل مولاي
رسمت اسمك غصن لجل العصافير

ولمت سلطان شعري وحته لوتاد
ويه شخصك سيدي جي كلي تقصير

وحگك لوووو رفضت اتكوول معذور
بقصايد ماااا ذكرتك لوووو مقاصير

انه عرررفك ابي وكلك كراااااامات
بس بيك الأناااااامل واجب اتحير

صعب شرح المدرس يصبح اهواي
اذا علمك يشرحه بلااااااااا طباشير

الكرم مااا ينفهم لووو منته مولاي
وبد ماااا ينعرف سرررر الخطاطير

المضايفهه الخلگ ما تشتري دلال
لون ما حط حظرتك بيهه تفسير

الغتر ماااا ترتبع بظهورها عگاااال
والكسررر الخواااطر مااكو تجبير

الگمگم ماااله هيبه بالدوواوين
لون ما حاطله انته اهواي تقدير

الوادم عيب تفهم شنهي لوجاغ
لون ما ناصبه انته ابجفك اتحير

هذن كلهن حالالك والبعض قاس
حاتم بيك ونطو خووووش تقرير

ذبح للمر فرس ممنون ونطاااه
ونسو مولاي جفك من دفن لير

وجه تاريخ سود وجوهنه وياك
بس لعداك ثق لساااااا نواطير

نظل مثل المثل ليگول للموت
لحم مولاي ما يبره من أظافير

وتره المفروض ابد ماگول مبروك
انولد سبط النبي الوادم بسامير

وعلي المفروض ربك يرسل املاك
تطش جكليت عل ناس ومناشير


كاظم الحمراني

أبعسر يحسين كلبي عليك من دم
ك موكب وبحياته ايباااان من دم
أنتمنه عليك نجري دموع من دم
مثل ما سأل دمك عالوطيه

الزلم الهه الولايه حسب قول الروايه
وأم عون بين السبايه جبل لابس عبايه
***********بت علي ***********

شيخ عام ام عون بانت والتسمعه تفلسه
وماهتزت من يزيد وصفت لبوه ابمجلسه
حكمت الله وراي حيدر ماتهاب الهندسه
تچفه كلش بالمحاچي وللمراجل مدرسه

صفت عبرت لرامل ودرس بين المراجل
ومابين كل النثايه جبل لابس عبايه
**********بت علي*********

مضلم التاريخ باطل ماحچه الحگ والجره
رغم مامش مثل زينب بي ولا شاهد مره
يسولف عله أم المراجل فقط بس ميسره
وماحچه أصار ابيزيد ومجلسه وهز منبره

من گال جيبو السبيه طبتله شيخه عربيه
حسبت الروس الثوايه وجبل لابس عبايه
***********بت علي**********

عدل نفسه الموش گدهه وراد منهه شوي ترك
وزينه من ظهر الغظنفر لبوه ما صارت شرك
ثچله بس مو عكس اخوتي لا معلمه عله العرك
تريد ابارز هم ابارز ستر حيدر صعب كلش ينهتك

أرايه ما بين اديهه وروس تسمع حچيهه
وجبريل كال الروايه جبل لابس عبايه
***********بت علي**********

أم عون كد كيدك يزيد أتصيح وسعه شماردت
واله ما تمحي ذكرنه شهور اخبرك لو عشت
راد حاول يستفزهه وسكتي كلهه تسرفنت
وانه اخت عباس صاحت ماني هند اتوهمت

مارظت يحچي عله كيفه من حچت هزت مضيفه
ليطلب امن الله الهدايه جبل لابس عبايه
************بت علي**************

ألولت الكافلهه سيف ودرگه ما لولت غزل
يايزيد اليستفزهه وشايله علوم الفحل
سيف حيدر بي توارد ويه زينب بالجمل
بس هذاك الدم خذه وزينب اتراب الجبل

جبريل دون حچيهه وعين الله صارت عليهه
ترف بقت زينب ك رايه وجبل لابس عبايه
***********بت علي**********

المقصر كاظم الحمراني

يحسين لاموذل شرف ينطوني
لو عبد يم بابك يخلوني
مولاي فدوه لشيبتك
لو صير خيط أبرايتك
خيعوني عليك هواي خيعوني
لو عبد يم بابك يخلوني

يلوموني من اكَولن خادم أمداسك
ويعيروني بلهفتك وأخر أنفاسك
حساس لباري أكلهم لامس حساسك
ويذكرني حجيهم بالكَطع راسك

يالعاري باقي عله الترب نايم
ألام كون أتمنه أضل خادم
ماريدن أوصل صايتك
لو صير خيط برايتك
خيعوني عليك هواي خيعوني
لو عبد يم بابك يخلوني

الخلص عمره وظريحك ماتعناله
بعدم عايش يظل وموتته أشواله
ظريحك ياخو زينب لو تدناله
بشر مچتوفه عطفك يفتح أغلاله

سلطان كَلبي وبس ألك روحي
ولجروحي أحسنك دوه جروحي
مولاي جنه أمحبتك
لو صير خيط برايتك
خيعوني عليك هواي خيعوني
لو عبد يم بابك يخلوني

يبعد أهلي وحياتي وكلشي وسنيني
من أسألك مطمأن وعرف تجاريني
حسين أحلم يكَلولي تحاچيني
وعرفك من عذابي أنته التنجيني

مولاي وعرف لومتت فايز
الكَاك واكف للذنب حاجز
يمروت الله مروتك
لو صير خيط برايتك
خيعوني عليك هواي خيعوني
لو عبد يم بابك يخلوني

يعبره وعبره وسمك بالسمه يلالي
الكَمر يصبح ظحل يم شخصك الغالي
من أخدمك ماأريدك تنظر الحالي
اريدك بس تخلي أبعينك أعيالي

يحسين مالي بخدمتك غايه
بس أردأخدمك ورفع ألرايه
يالميز ألله هيبتك
لو صير خيط برايتك
خيعوني عليك هواي خيعوني
لو عبد يم بابك يسموني

وتره الله من خلقنه مو بعازتنه
حشاه لو غايه عده تخص عبادتنه
بالذر والله وصه عليك دمعتنه
أذن لجلك خلقنه وسوه طينتنه

لجلك خلقنه وحته نبجيلك
وبأربعينك كلنه نمشيلك
مولاي ما مل خدمتك
لو صير خيط برايتك
خيعوني عليك هواي خيعوني
لو عبد يم بابك يخلوني

المقصر كاظم الحمراني

تذكروني لو غريبه
تعرفوني لو عجيبه
***لو غريبه ***

اني زينب اني بتكم والله لو ناسيني حگم
اني بتكم
منل مصايب والنوايب روحي محتاره شتگلكم
اني بتكم

للمتيه العرف بيه اريد اوجهنه كلامي
ولايدنگ لو ذكرني بعالم الذر چان امامي
عله الهزل صعودني بعد ما حرگو خيامي
ومن اسلم روس اخوتي منل رماح ترد سلامي

دورتكم دنيه دنيه ومثل روحي ما لگتكم
وچنت اگولن من أجيكم ماتتيهون بعرفكم
**من مصيبه الچف مصيبه ***
*****تعرفوني لو عجيبه ******


منل ظليمه ياهظيمه گتله بويه وماذكرني
يا هظيمه
منل خرايب والترايب علي بنيته وما عرفني
يا هظيمه

أني زينب گتله بويه الي انتخت بيك وزرتهه
بالخربه شعجب هسه يبو اليمه ظيعتهه
يالتعرف الخلگ بالذر من اساميهه وصفتهه
شعجب زينب علي ابنيتك من اجتك معرفتهه

ذوله اخوتي يا تچوتي وهايه والدتي الزجيه
ومن بعدكم لقبوني يالغريبه ويل سبيه
**من مصيبه الچف مصيبه ***
***تعرفوني لو عجيبه ****


هذ حالي يا دلالي گلبي ما بطل نحيبه
يا دلالي
من خذوني الكل ينادي من بعدكم يل غريبه
يا دلالي

أجدامي اكلهه الشوك والكل تنظر عله حبال اديه
وكلهه تنشدني الشماته وينه چا حامي الحميه
الغرب سموني بجفاكم يل غريبه ويل سبيه
وخاطر اطيح العبايه الحادي هز الناگه بيه

شوكه شوكه وجمره جمره جدامي تسحك والمدامع
تجري حمره وجفني اعصره چي نشف من المواجع
******من مصيبه الچف مصيبه******
******تعرفوني لو عجيبه ******


ديره ديره بلا عشيره بعالم الهزل خذوني
بلا عشيره
واني اميره الكل يسيره من بعدكم لقبوني
بلا عشيره

بلا عشيره الكل تنادي الخلگ وتأشر عليه
واني بت گلبك يحيدر وامي معروفه الزچيه
اني اخت عباس زينب والراسله والوصيه
ورغم كل هذ الغريبه لقبوني والسبيه

ماكو غيره وكلشي حيره والشمر صاح ابمضيفه
نصي صوتچ وين أخوتچ ولدمع دم ضل نزيفه
****من مصيبه الچف مصيبه ****
*****تعرفوني لو عجيبه *******


بالجنازه الخوه عازه گلت بس من شيعوني
بالجنازه
بلايه عازه الكل توازه وبس شتايم سمعوني
بالجنازه

التموت وموش اهلهه ياعلي من يشيعوها
تحس جثتهه ذليله بالحد لو نزلوها
الغرب ما عدهم محنه زلمه حرمه يكشفوها
حته بخوتهه الشماته من تمر يعيروها

اني حرمه وكلشي ظلمه وراحى ما شفت ابحياتي
واني بتكم زينب انه وعلي تشهد بس عباتي
****من مصيبه الچف مصيبه ****
*****تعرفوني لو عجيبه ******

المقصر كاظم الحمراني

زنجيل

ألما يگوم الموكبك لمن يمر
مو مناصر كاعد بهيئت شمر
ما معلم عل هله
وماله شي ابكربله
وما يعرف حسين والام الخدر

الما نهض يحسين وجدامه اركضن
هذ سامع لچن ما حس بل ظعن
مادره اشصار ابنااااتك من مشن
منل هزل للكاااع كلهن طوحن

ولحرم من أنتخت هواي وادم مابچت
ومثل بعض الناس ظلت تنتظر
ما تعرف حسين والام الخدر

الماسبل جدمه وحسب غالي الرچاب
ونسه كاعد عل درب موو للمصاااااب
من يمر موكب يجب كل الشبااااااااب
توگف استعداد وتهل الترااااااااااااااب

اتصير كلهه بخدمتك وللسمه توصل رايتك
واليظل كاعد خسر كل العمر
ما يعرف حسين والام الخدر

هذ ظعن حسين مدرست الكرااااام
ودااار الطمأنان والحب والسلااااااام
واجب الكل تنهض الجيته احترررررام
لأن بيه ام عون بس ابلا خياااااااااااام

گوم وتلگه الظعن بي عزيزات انسبن
المايون وينوح ويدگ الصدر
ما يعرف احسين والام الخدر

كلشي واجب صيح لوو رايد تعين
المستحب موو للخدم للمذنبين
اليدگ صدره ويبچي لحسين الحنين
من يموت أتحظره حته ام البنين

وليدگ صدره ابحزن يخف باچر عل متن
الما نهض والصاح أاه عله الطهر
ما يعرف حسين والام الخدر

شهور نحسب حته نعلنلك حدااااد
لأن ظلمه بدونك انحس البلاااااااد
ومن يمر عاشور ونضد لضطهااااد
نلگه وادم تگضي عاشوررك نقاااااد

الينتقد هاي الخدم عمره يوصل للندم
الما يعضم عل معزين الأجر
ما يعرف حسين والام الخدر

المقصر كاظم الحمراني

واويلاه واويلاه عله المسموم واويلاه
واويلاه واويلاه عله المسموم واويلاه


عله الخلص حياته اسجون خلو دموعكم ياناس
مثل شط الفرات اتسيل وهطور السدر مقياس
الزاهر شاف كل الظيم من عاصر بني العباس
لحد كيد الحده بهارون من حطاله سم بالطاس

من قعر السجن هارون شاله وعل جسر خلاه
والشامت تعده أعلي وصاح ابصوت هذ ادواه
واويلاه واويلاه عله المسموم واويلاه

ظل أعله الجسر مطروح وتشوف الخلگ حاله
ولأن معروف جده حسين محد شيعه وشاله
من گد ما بقى اعله الگاع طابع شافو أخياله
ولا يمه الرضا ويرثي ولا معصومه تنعاله

هذ ابن الزجيه اليوم هارون ابحقد سماه
وظلت عل جسر مولاي جثته وحته ماغطاه
واويلاه واويلاه عله المسموم واويلاه

مناشد صار بين الناس ياهو عله الجسر جثته
وطشت مثل ياهو الچان بين الناس سالفته
يناس ابن ادم امن ايموت تفزع كلهه طايفته
چا موسى ابن جعفر ليش ناسه اليوم عايفته

اذا چان السبب هارون والسيف الذي ابيمناه
نعلت الله عله كلمن شاف چثته وخاف ماشالاه
واويلاه واويلاه عله المسموم واويلاه


السائي ابن السويد هناك طارش چان ومخبر
يجي موسى ابن جعفر صاح يشيعه ولازم أنحظر
يوم الجمعه گل للناس واجب عل جسر ننطر
وجابو جثته المسموم والوادم غددت تذعر

شي ظلت تهل تربان شي ضلت تصيح احاه
وظل كلشي بجفه مسموم لحد الوادم التنعاه
واويلاه واويلاه عله المسموم واويلاه

شد حيلك لبو ابراهيم يستاهل تره الهمه
وخل دمك يفور اعلي مثل ما فار بي سمه
خيمه توارد ويه حسين يهوه الناس والمه
لذلك يلا سدرك حيل دگه السابع اليمه

اذا رايد ندم هارون جمره يصير عل سواه
لا يبرد عزائك كون تحب الكاظم وتهواه
واويلاه واويلاه عله المسموم واويلاه


المقصر الشاعر كاظم الحمراني

ركن الهدى تهدم
البسم الله جرت دم
من سيف ابن ملجم
طبر هامه وتهشم

علي يصلي أبمحرابه وطبر راسه
ابن ملجم وطهر منه خناسه
جبرائيل دون حيدر ابموته
صايم چان والله يثوب انفاسه

علي حيدر علي حيدر

خظب الدم لحيته
وجه الطارش لبيته
علي وگربت منيته
منو الينصب عزيته

نصبها الله عزيته وعرظت املاكه
أبيارغها وحزن عرشه وفلاكه
لجل حيدر صام أسنين عزرائيل
وسرافيل طبر هامه بمساكه

علي حيدر علي حيدر

نكسر زينب ظهرها
الحسن نام ابحجرها
بچه حسين وكسرها
وقرن كبر عمرها

نعت زينب والكافل لطم هامه
لمن شاف اخوته تبچي گدامه
عليه ما هان موته وصاح يابويه
رد يابويه صرنه بعدك أيتامه

علي حيدر علي حيدر

لجل راعي اليتامه
بچت حته الحمامه
وداعه ويه اليمامه
مثل يوم القيامه

نار أجفاك حيدر حيل لساعه
وكلهه أتصيح ابونه ومكلف وداعه
بعين الدين حيل أضلمت الدنيه
وبعين الطيور أنقامت الساعه

علي حيدر علي حيدر

الخلف كلمت نبينه
خلي يسمع حچينه
الطبر واجب علينه
لجل حيدر ولينه

العاشك شوف بالك تختبر صبره
مجنونين يا عشاگت الفطره
المو عشاگ حيدر هذ مو شيعي
وما يعرف يحيدر لذت الطبره

علي حيدر علي حيدر


المقصر
كاظم الحمراني