Дарвоқе, 8 март - халқаро хотин-қизлар куни Шимолий Кореяда байрам ҳисобланади. 2013 йилдан бошлаб шимоллик корейслар бу кунда расман дам олишади.

Каналга уланиш: @kimchiramyon

Сизга савол: режа асосида уйланганмисиз (турмушга чиққанмисиз?) 😊
Корейс футболи юлдузи, Англиянинг "Тоттенхэм" клуби ҳужумчиси Сон Хёнг Мин ҳаёт йўлини режа асосида юритади. Куни кеча у матбуотга:"Футболчилик фаолиятимни тугатмагунча уйланмайман. Дадам ҳам шундай фикрда. Уйланган одамнинг фикру хаёли бузилади ва фаолияти яхши бўлмайди", деди.
Футболчининг бу гапини эшитганларни икки тоифага ажратган бўлардим:
1) Корейс жамияти ва корейс дунёқарашини билмайдиганлар - улар:"Эҳ, қариганида уйланаркан-да", деб ўйлашади.
2)"Кореяшунослар" - улар Соннинг бу гапларига табиий қарашади ва ҳайрон қолишмайди. Чунки футболчи нари борса 36-37 ёшларгача тўп тепади ва тугатади. Кореяда футболчи эмас, оддий эркаклар ҳам 35-45 ёш оралиғида уйланишади (ёки бўйдоқ яшайверади).
Хуллас, неча ёшда уйланиш эмас, қай даражада мустаҳкам оила қуриш муҳим. Дарвоқе, Сон Хёнг Мин ҳозир 32 ёшда.

Каналга уланиш: @kimchiramyon

Рамазон муборак, дўстлар!

Сеулдаги Кангнам районидаги қурилиш объектида ишлаётган 26 ёшли ўзбекистонлик ишчи пастга қулаб ўлибди.

Каналга уланиш: @kimchiramyon

Кимнинг уйида ўроқ бор? Бир ёмғир ёғяптики...
Мен Сергелига кетаётган эдим. Телефонимни пули йўқ эди. Шунга битта укамнинг телефонидан киряпман.

Канaлга уланиш бепул ва ихтиёрий: @kimchiramyon

#Ибрат #Одам_бўл #Инсофли_бўл #Кореядан_хат

Ўқишдан бўш вақтимда корейс кимпап (гуручдан тайёрланадиган таом) ошхонасида бир неча соатгина ишлайман. Корейс опа-сингиллар бошқарадиган ошхона машҳур кимпапхона филиалларидан бири. Лекин ўнга яқин филиал ичида айнан мен ишлайдиган ошхонанинг мазаси бошқачалиги ҳақида кўп айтилади.

Бир куни опа-сингил тортишиб қолишди. Опа сингилга:
-Ҳар сафар гуручни тарозига қўйиб кимпап тайёрлаётганингда тарози устида бир неча гуруч донаси қолаяпти, эътиборли бўл!- деди.
-4-5 дона гуруч ниманиям ҳал қиларди, деди сингил бўш келмасдан.
- Ахир у мижозники! - қатъий таъкидлади опа.

Мен тарозига қўйган гуруч белгиланган нормадан 3 грамм кўп эди. Бошлиғим буни кўриб "Мен(инг ҳаққим)га хиёнат қилма", деди.

Иш тугаш пайти охирги мижозга тайёрланган таомга 10 граммгина гуруч етмаслигини билган бошлиғим янгидан яна масаллиқни тайёрлади. Бошқалар бўлганида, 10 граммнинг устини "ёпиб" юборган бўлар эди.

Шунинг учун ҳам ёнгинасида бошқа филиали бўлса ҳам, айнан шу ошхонага бир неча километр босиб келадиганлар бор. Бошлиғимнинг бир гапи бор: "Тарозига риоя қилиш бизнинг таомимиз мазасининг сири".

Аслида нафақат таом тайёрлаганда, балки ҳар жабҳада тарозига риоя қилиш ҳаётимизни ҳам, охиримизни ҳам мазали қилади.

© Mалоҳат Гаффарова

Каналга уланиш: @kimchiramyon

#tarix_va_bugun

1969 йили Сеулда илк марта 31 қаватли бино қуриб битказилган. Суратда ўша бино тасвирланган. Сураткашнинг маҳоратига қойилки, ўз аравасида бамайлихотир ором олаётган ҳаммолнинг ҳолатини ҳам яхши кўрсатиб бера олибди.

Каналга уланиш: @kimchiramyon

Хабарларда ўқишимча, ҳар йили 17 март - Сеулда мушукларни бичиш куни экан. Табиийки, бу ўз самарасини бераяпти: 2015 йили Сеулда дайди мушуклар сони 203 мингдан 100 минггача камайди. Яъни, кўчадаги дайди мушуклар орасида кўпайиш сезиларли даражада пасайган.
Қаранг, ривожланган давлатларнинг муаммолариям бир ажойиб-а...

Каналга уланиш: @kimchiramyon

Жанубий Корея ҳайвон ҳуқуқлари ҳимоячилари Маданий бойликлар бошқармасидан буқалар жангини тақиқлашни талаб қилаяпти. Улар фикрича, одамлар кўнгил ҳуши учун буқаларни қонли жангларга ташлаш ноинсоний ишдир. Буқалар жанги корейсларнинг маданий анъаналаридан ҳисобланади ва бунга қонунда чеклов ёки тақиқлар йўқ.

Каналга уланиш: @kimchiramyon

Яхши умидим борки, қачонлардир одамлар
бировларнинг қанча маош олиши, топган пулини Умрага ишлатадими ёки Анталияга бориб дам олишга ишлатадими - унинг шахсий иши эканлиги, бировнинг шахсий ишига аралашиш, бу масалада унга ақлмирзалик қилиш - юмшоқ айтганда, дилбар иш эмаслигини тушуниб етишади. Қачондир шунга етиб келамиз, албатта.
Дарвоқе, Рамазон муборак!

@kimchiramyon

Камончи ошхонага ўқ узди

Токио-2020 олимпиадасида учта олтин медаль олган жанубий кореялик камончи Ан Саннинг ижтимоий тармоқларда ёзган гаплари кўп муҳокама қилиняпти. Спортчи Квангжу шаҳридаги японча услубдаги емакхона тўғрисида: "Тушунмайман, нега бизда миллат хоинлари бунчалик кўп", дея ёзган. Жамият диққат марказида турадиган чемпионнинг бу гапларидан кейин емакхона ҳақида нотўғри тасаввур юзага келди. Шу туфайли емакхона эгаси жаноб Квон мурожаат билан чиқишга мажбур бўлди.
"Асл миллат хоинлари бир четда қолиб, менинг брендимга ҳужум қилишлари аcлида тушунарсиз", дейилади жаноб Квоннинг баёнотида.
Хуллас, чемпион камончининг емакхона сари узган ўқлари жамиятни анчагина лойқалатиб юборди.
Охири нима билан тугади? Ан Сан куни кеча Инстаграмдаги саҳифасида узр сўраб чиқди.
Мен бу чемпионни кўринишидан ўғил бола деб юрарканман. Қиз бола эканей. Беҳазил гап бу.
Алқисса шулким: Ўйнаб гапирсанг ҳам ўйлаб гапир.

Каналга уланиш: @kimchiramyon

ҲАЗИЛ ҚИММАТГА ТУШДИ...

Бундан бир ҳафта муқаддам Жанубий Корея президентининг фуқаролик ва ижтимоий масалалар бўйича котиби Хванг Санг Му ҳукуматни танқид қилган кореялик журналистларга қалтис луқма ташлаб, боши балога қолди. Амалдор 1988 йили бўлган воқеани эсга олиб ўтган. Ўшанда ҳарбий разведка агентлари президентни танқид қилган бир журналистга пичоқ суқиб олишган эди. Хванг Санг Му ўша воқеани эслатиб таҳдидга ишора қилган.
Давлат амалдорининг гаплари кенг жамоатчилик ва партиялар орасида чуқур норозилик билан қарши олинди.
Кеча Жанубий Корея президенти Юн Сок Ёл нозик луқма ташлаган амалдорнинг ишдан бўшаш аризасини олди.

Каналга уланиш: @kimchiramyon