"و رجائِي ألا تتركني لنفسِي الضعيفة
فأهلك،وأنا دُونَ عونكَ هالكٌ"♥️

"كنت أعتقد أنَّ العبد هو الذي يحب الله أولاً حتى يحبه الله؛ حتى قرأت قول الله تعالى

"فسوف يأتي الله بقومٍ يُحبُّهم ويُحبُّونه"..

فعلمت أنَّ الذي يحب أولاً هو الله.. وكنت أعتقد أنَّ العبد هو الذي يتوب أولاً حتى يتوب الله عليه؛

حتى قرأت قوله تعالى

"ثُمَّ تَابَ عليهم ليتوبوا".. فعلمت أنَّ الله هو الذي يلهمك التوبة حتى تتوب..

وكنت أعتقد أنَّ العبد هو الذي يُرضي الله أولاً ثم يرضى الله عنه؛ حتى قرأت قوله تعالى "رضي الله عنهم ورضوا عنه".. فعلمت أنَّ الله هو الذي يرضى عن العبد أولاً.. فاللهم اجعلنا ممن أحببتهم وعفوت عنهم ورضيت عنهم وغفرت لهم."

- د. مصطفى محمود

الحكاية لسه مخلصتش ، بإذن الله لسه هنعيش أيام أجمل من اللي عيشناها ، لسه في حاجات هتحصل تبرد قلوبنا ، ولسه في أحلام ما حققنهاش تستاهل مننا نكمل لبكرة..

بإذن الله لسه هنعيش أيام جميلة ولسه هننجح ولسه قدامنا الطريق طويل..

بكرة ربنا يراضينا ، والقدر يضحكلنا ، ونفرح من قلبنا بجد ، ونرتاح ونعيش الأيام اللي اتمنيناها دايما ، ونشوف أحلامنا واقع قدامنا..

خليها على صفحتك، تفائل بيها دايما

صحيح إننا عايشين في فترة زمنية تقيلة، وبايخة، ورخمة..

الأقل على مستوى الطموح.. الأكتر على مستوى البجاحة.. الأقذر على مستوى احترام الناس.. الأزيد على مستوى الرغبة في السفر.. الأندل على مستوى منح الفرص..

صحيح برضه إن معظم الناس من كبيرهم لصغيرهم، ومن قريبهم لبعيدهم اختاروا بدون اتفاق مسبق إنهم يستوسخوا، ويستندلوا، ويتحاقروا، ويعملوا في وقت واحد كل اللي يثبت إننا بنتعامل مع شياطين مش بشر..

بس كمان صحيح ورغم القرف ده كله إن كل واحد فينا أثبت لنفسه قبل لغيره مليون مرة إنه جبل ماشي على رجلين وإنه وسط عك كتير لسه قادر يصبر، ويستحمل، ويكمل..

عشان كده متبالغش في الحسابات، ولا الإحباط.. اللي يريده ربنا مش هيوقفه بشر.. سيبها على الله.. من عنده الفرج، والخلاص، والرحمة.

تامر عبده امين

لما بتعامل مع حد وأحس إنّه بيحاول يستغباني أو يستغِل طيبتي وجدعنتي معاه ما بزعلش منّه لكن بزعل عليه، أنا كدا كدا مش هتمس ولا حد هيقدر يأذيني لإنّي بعرف أنسحب وبعرف أحمي نفسي وحقوقي كويّس، لكن اللي هيفرّط فيا هو اللي هيخسر، هيخسر شخص طيب معاه حُبًا فيه، هيخسر بني آدم بيتمنى له الخير في زمن اللي بيطول حق أخوه بياكله، عشان كدا عُمري ما اعتبرت فُراقي للناس اللي في حياتي خسارة ليا بالعكس الخُسارة ليهُم هُمّا.. لإن حقيقي يتزعل عليّا وعلى خُسارتي.

مش كل رفض ليك فيه إهانة لشخصك، أو نهاية لقصتك!..

فيه رفض حصل لأن اللي رفضك شايف نفسه أقل منك فمايستحقكش.. فيه رفض حصل لأنك أكبر قيمة من المكان أو الشخص اللي كنت عايز تربط نفسك بيهم.. فيه رفض بيكون رحمة بيك لأنك ماكنتش هتستحمل اللي جاي لو كان القبول تم..

الخلاصة إن كل الأبواب اللي اتقفلت، وكل الأشخاص اللي سكتهم اتقفلت، وكل الفرص اللي افتكرتها ضاعت أنت في الأصل اترحمت منهم مش اتحرمت منهم..

﴿وعسى أَن تَكرهوا شَيْئًا وَهُوَ خَيْرٌ لكمۖ وعسى أَن تُحِبُّوا شَيْئًا وَهُوَ شَرٌّ لكم وَالله يعلم وَأَنتُمْ لَا تَعْلَمُونَ﴾.

العادي بتاعك دا أحلام ناس تانية، بابك المقفول عليك نعمة مش حاسس بيها غير اللي اتحرم منها، مرتبك اللي مش بيكفّيك غيرك بيتمنى من ربنا نُصّه، أهلك اللي خانقينك كانوا هيبقوا طوق نجاة لناس تانية بيموتوا من الوِحدة ونفسهم يبقالهم ونس، الستر والصحة كنوز منسية، راحة بالك ونومتك البسيطة ميعرفش قيمتها غير اللي بيصارع عشان ياخد نفَسه وأقصى أحلامه الألم يفارقه دقايق عشان يعرف ينام..

احنا مش في نعمة واحدة، احنا في زحام من النعم..🩶

هتشوفني وأنا بقول: "الشيء الفلاني مش نصيبي أكيد خير" بس مش هتشوفني وأنا بعيط غصب عني فآخر كل يوم بقهرة على ضياع اللي اتمنيته...

رَبِّ إِنِّي لِمَا أَنزَلْتَ إِلَيَّ مِنْ خَيْرٍ فَقِيرٌ

الحُزن دا حاجة وحشة جدًا يا جماعة وخاصةً الحُزن الداخلي اللي الواحد بيعيشه بينه وبين نفسه من غير ما يحسس اللي حواليه بهمّه أو باللي واجع قلبه، دايمًا بشوف إن الحُزن الداخلي هو الأصعب لإنّه بياكُل في روح البني آدم، مخليك لا عارف تنام ولا تاكُل ولا تشرب، كُل حاجة في نظرك شبه بعضها، مَفيش شيء مُبهر، دايمًا عينيك حزينة، صوتك حزين، حتى ردود أفعالك بطيئة وفيها خيبة أمل غريبة وكأنك زعلان من الدُنيا كُلها عشان حاسس إنّك ما تستحقش كُل الحُزن دا ولا قلبك الطيب يستحق كُل المُعاناة دي، وكُله كوم وإن الإنسان تصعب عليه نفسه دا كوم تاني خالص.

عاشرت طوب الأرض وكلت عيش وملح مع ناس كتير وصاحبت صغير وكبير بس الحمد لله لا يوم صاحبته لأجل مصلحه ولا علشان جنيه ومش ناقصني حاجه علشان اصاحب حد لأجلها الحمد لله ..

اللي مشيلي خطوه , انا مشيت علشانه بلاد ودايماً حاضر في وقت الشده قبل الفرح وليا في قلب كل واحد بصمة جدعنه مبتتنسيش ..

طول عمري ابيض وسايبها ع الله , اللي يمشي يمشي واللي ييجي ييجي مش فارقه , لا ببص ع اللي في ايد غيرى ولا شاغل دماغي بيه ..

•
- خلاصة الحياة:

"{لَقَدۡ خَلَقۡنَا ٱلۡإِنسَٰنَ فِي كَبَدٍ}..
لقد خلق الإنسان في تعب ومشقة؛ لما يعانيه من الشدائد في الدنيا ولا يوجد في هذه الحياة دوام على حال اليوم أنت متعب غداً برحمة الله مطمئن اليوم أنت في حزن غداً برحمة الله في سعادة والعكس بالعكس يجب عليك معرفة هذا والرضى بسنة الله في هذه الحياة لأن القرار والنعيم الأبدي هو في الجنة فقط فايقن بذلك."!🌸🤍

ماتحملش الهم بزيادة!

مش هتعرف طعم الراحة غير لما تبطّل تحمل هم الدُنيا!
محتاج من وقت للتاني تفكّر نفسك إن هنا مش مكانك الدنيا ممر مش مُستقر..
أنت هنا في إختبار، فبلاش تخلّي قلبك متعلق بالإختبار ده بزيادة..

الرسول ﷺ في خُطبة الوداع قال "ولكنّي أخشى عليكم الدُنيا" ..

الجملة دي تحديدًا من خطبة الوداع بتخليك تُدرك إن الدُنيا صعبة واللي مشغول بيها أكتر واحد تايهه وتعبان
الدنيا دار بلاء وكَبَد ومشقّة والفِتَن حوالينا في كل مكان..
الحياة صعبة كل واحد بيحارب، وكل واحد حربه وجعاه وجايبة أخره..

الدنيا دار نقص..
( قُلْ مَتاعُ الدُّنْيا قَليلٌ) #سورة_النساء
متاعها قليل ونصيبك من القليل قليل!
فماتستحقش حُزنك وقلقك وهمك ولا الصراعات اللي عايش فيها..
مش هتاخد منها حاجة أصلها مش دار الجزاء، مش دار الاستقرار والنتيجة..

يقول الإمام #الثوري رحمه الله :-
(إن هذه الدنيا دار التواء لا دار استواء ٠٠ ومنزل طرح لا منزل فرح فمن عرفها لم يفرح لرخاء ولم يحزن لشقاء، قد جعلها الله دار ابتلاء، وجعل الآخرة دار جزاء)

هي فترة فركّز وماتخلّيش الدنيا تناسيك إن هنا أصلًا مش مكانك أنت بتتعب هنا عشان ترتاح هناك..
(والآخِرةُ خَيْرٌ

- ازاي الاقى نفسى ؟
= تلاقي نفسك بأنك ترضى، وتحب، وتغفل.
- أرضى بأيه، وأحب ايه، واغفل عن ايه؟
= ترضى بحالك، وتحب نفسك،
وتغفل عن أذى الناس 🧡

‏محدش ضامن وجود نفسه عشان يضمن وجود حد بيحبه .

إمشي في الحياة خفيف؛ ما تكسرش خاطر، وما تظلمش، وما ترميش كلمة توجع، وما تردش سائل، وما تتخلاش عن محتاج، وما تمنعش الطبطبة في وقت ما اللي قدامك محتاجها، وما تستغلش طيبة القلوب وعفوية النوايا، كُله متسجل ومكتوب وكُل حاجة بتترد بحذافيرها في الوقت المُناسب، هتزرع خير هتحصد خير، هتزرع حاجة تانية يبقى تتحمّل نتيجة أفعالك.

لا أحد يفهم معنى أن نضحك في عِز انكسارنا ،
لا أحد يعلم كم شعور نقاوم فقط لنعيش ،
نحتضن الجميع ونعجز عن احتضان أنفسنا ،
ثابتين وداخلنا ينتفض ويبكي ويحترق ،
ندّعي أننا بخير ونحن في أمَس الحاجة
لنرتمي في حضن أحدهم ونبكي دون توقّف ،
لا أحد يفهم ما تشعر به وأنت تحارب كل شيء وحدك بمظهر ثابت وروح مهزومة💔💔

دعاء في جوف الليل:
اللهم إني أعوذ بك من عينٍ تصيب القلب فتُحزنه والرزق فتُنقصه، والبال فتتعبه والنجاح فتُفشله.. واخرجني اللهممن أشد الضيق إلى أوسع الفرج، واجعلني اللهم مِمَّن نظَرت إليه فرحمته وسَمِعت دعاءه فأجَبته، وأخرجنا اللهم من حولنا إلى حولك ومن عزمنا إلى عزمك ومن ضعفنا إلى قوتك ومن انكسارنا إلى عزتك ومن ضيق اختيارنا إلى براح إرادتك.

لما بتعامل مع حد وأحس إنّه بيحاول يستغباني أو يستغِل طيبتي وجدعنتي معاه ما بزعلش منّه لكن بزعل عليه، أنا كدا كدا مش هتمس ولا حد هيقدر يأذيني لإنّي بعرف أنسحب وبعرف أحمي نفسي وحقوقي كويّس، لكن اللي هيفرّط فيا هو اللي هيخسر، هيخسر شخص طيب معاه حُبًا فيه، هيخسر بني آدم بيتمنى له الخير في زمن اللي بيطول حق أخوه بياكله، عشان كدا عُمري ما اعتبرت فُراقي للناس اللي في حياتي خسارة ليا بالعكس الخُسارة ليهُم هُمّا.. لإن حقيقي يتزعل عليّا وعلى خُسارتي.

"أنا عايش الحياة بالشكل اللي عجبني مش زي ما الناس عايزه، ومش فارق معايا الناس شايفه أنا المفروض اعيش ازاي، في الآخر دي حياتي".

محدش عاش مكانك، محدش عارف انت مريت بـ ايه وعانيت ازاي؟! محدش المفروض يتدخل في حياتك وشخصيتك ويحكم عليك ..
محدش له الحق إنه يقيّمك ويقول رأيه فيك
محدش من حقه يقولك تعيش ازاي
اعمل اللي يريحك واللي يبسطك طالما بعيد عن الحرام
متاخدش بالك من كلام الناس ولا يشغلك بيقولوا ايه أو شايفينك ازاي
في الآخر "دي حياتك" وتعيشها بالطريقة اللي تعجبك.