ميت هله ناديهم** ياكربله أتلگيهم
*******************************************************************************************************
ريحانة الهادي أعتنه بضعونه*ميت هله ناديهم
أبدورالهواشم دايـر أيحيطونه**ميت هله ناديهم
بالورد مو بـــسيوف تتلݣونه**ميت هله ناديهم
يامرحبــــــه حييهم **** ياكربله أتلݣيهم
*****************************************************************************************************************************
هذا اليشرف ݣاعݘ بدم نحره*ميت هله ناديهم
روح الزݘيه خامس أهل العتره
واجــب الطاعــه والنجاة أبأمره
ضيوف الشرف تدريهم**ميت هله ناديهم
******



خطارݘ الأكبروعمه العباس**ميت هله ناديهم
من غيرة الكرار نعم النوماس
بهذا الشمل ياكربله رفعة راس
وشبل الحسن تاليهم*** ميت هله ناديهم
*****************************************************************************************************************************************************
أتلّݣي زينب والرباب ورمله*ميت هله ناديهم
وكل الفواطم والأجـن بــالحمله
وفرشيها من هسه أبرمال التله
خاف الدهر يوليهم*** ميت هله ناديهم
**************************************************************************************************
كل التحايا إل هالجمع قدميها***ميت هله ناديهم
وبهيده صوتݘ لمن أتسميها
من الهوه كافلهاخاف اعليها
آل النبي أتعرفيهم*** ميت هله ناديهم
************************************************************************************
لخادم الأمام الحسين (ع)الشاعر كريم العطواني*ونسألكم الدعاء

من البقيع أتنادي *منذوره ألك أولادي
ــــــــــــــــــــــــــ
ريت بحياتي 12عندي أولادمن البقيع أتنادي
كلهم فـــده لعـيناك يبن الأمجـاد
أحزام الظهروكت الشدايد ينراد
بيهم أريد أمرادي***من البقيع أتنادي
ــــــــــــــــــــــــ
من المهدأذنت بأذن العباس*من البقيع أتنادي
بالطف أريدنك إلـي رفعة راس
يمّه انته كفّال الخدر والنوماس
لأبن النبي الهادي***من البقيع أتنادي
ــــــــــــــــــــــــــ

حزمت عون وجعفروعبدالله**من البقيع أتنادي
جدامه طيحو من تصيرالحمله
أتـــباهه بيــكم باݘـــرأو أتعلّه
عزوة هلي وأجدادي***من البقيع أتنادي
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــتـــــــــــــــــــــــــــــــــ
يحسين يبني يانبض دلالي**من البقيع أتنادي
روحي فداك وكل عزيزوغالي
بجفاك ماتنشف دمعتي أتلالي
حرمت مايي أوزادي***من البقيع أتنادي
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــتتــــــــــــــــ
ماغمضت ليل اليمر لانمتّه**من البقيع أتنادي
مــاكحّل أعيوني الوسن لاشفتّه
نوبات اصيحن نوب أونن سكتّه
يل غايب بيا وادي***من البقيع أتنادي
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــتتــــــــــــ
لخادم أم البنين(ع)الشاعركريم العطواني /ونسألكم الدعاء

ويه الضعن خلوني***يابويه لتعوفوني
*****
صوت العليله يرتفع بالونّه**ويه الضعن خلوني
أوياهم اروحن للطفوف أتمنه
آني ورقيه أوسكنه نلتم كلنه
أوياكم ينورأعيوني**ويه الضعن خلوني
********
خوفي يطوّل هالسفروالغيبه**ويه الضعن خلوني
ودلالي همكم بالعذاب أيصيبه
الراح اوجفاني يازمان أيجيبه
وأسمعهم أيحاݘوني**ويه الضعن خلوني
*****

مكلف هجركم لليحب طرواكم*ويه الضعن خلوني
ماينحمل كلش صعب فرݣاكم
أيطيب الجرح لوألهج بذكراكم
ماأظن هلي ينسوني**ويه الضعن خلوني
***************************************************************************************************************************
اليبعدشملهاغربه ماترحمها*ويه الضعن خلوني
ماتنهضم لويمها أبوها وعمها
ليل اليمرهاغافيه ابحضن أمها
وأمدلله أيسموني**ويه الضعن خلوني
**********************************************************************************************
يامرض ياجمرة جفاهم تسعر*ويه الضعن خلوني
ياعمري شأتحمل بعدماأݣدر
أنظر أثرهم وأبدمعتي أتصبّر
ݘاهلبّت أيذكروني**ويه الضعن خلوني
***********************************************************************
لخادم مولاتي العليله(ع)
الشاعركريم العطواني ونسألكم الدعاء

ودعوني وسافرو*** ودعـوني
واعدوني وماأجوّ*** واعدوني
يذبح أبروحي الهجر*** أمچتفه أبحبل الصبر

*********************

أعزازگلبي حگي من ألطم على فـرگاهُـم
أعزازگلبي العُــمر مايــسوه تـــره أبلياهُم
أعزازگلبي**الموت أهون من سهام أجفاهُم
أعزازگلبي ليش يحرمنـــّه الوكت ملگاهُم
مانسوني من مشوامانسوني
أملوني أبــــــهالخبر** أمــلوني
عمري خلّصته أنتظر*** أمچتفه أبحبل الصبر

****************************


بنص دليلي غافيه تــظل للأبــد ذكـراهُـم
بنص دليليأمــل يجمعني زماني أويــاهُم
بنص دليلي**كون موعالگاع أثرمــمشاهُم
بنص دليلي** تشتعل نار أوهــلّي أترجاهم
لـوّعوني أوهاجرو**لوّعوني
مايجوني أبوحدتي مايجوني
شايله أهموم أشكثر* أمچتفه أبحبل الصبر
****************************************************************************************************************************
دمعي يجري**مايبــطل ليــــل وأنهاري علـيهُم
دمعي يجري** عالمشو والروح ظلت ترتجيهُم
دمعي يجري** الف هنياله السمع نغمة حجيهُم
دمعي يجري**ريت وياهم وأحب أچفوف أديهُم
ياعيوني مـــادروا**يــاعيوني
فارگوني وأبعـدوا** فــارگوني
أبليلي مـــاطر الفجر*** أمچتفه أبحبل الصبر
**********
راحــو أهلي**الساعــه تنعـــدأبـسنه بغيابـهُم
راحــو أهلي**كلهُـــم وأمست خليه أديارهُــــم
راحــو أهلي**الوحي مارد وگف لحظه أبابـهُم
راحــو أهلي** چان يتيـــــمم گــبل بــــترابـهُم
مادروني أبياوضع**مادروني
ضيعوني أبغربتي** ضيعوني
شأقتنع وبيا عـــذر*** أمچتفه أبحبل الصبر
***********
أبقه وحدي** هايمه وشوگي يناغيني أبــــألم
أبقه وحدي** والدليل أبحسبة أظنوني أنجسم
أبقه وحدي** أتغطّه بهمومي ويگـــلبنّي الندم
أبقه وحدي** وحشة الصفنات تذبح بالوهم
أتعذروني أبوحدتي** أتعذروني
مرمروني من جفو** مرمروني
أحلف أوأنذر نـــذر*** أمچتفه أبحبل الصبر
****************************************

شــأنتظرهم وآنه بعيوني بقه بـس التراب
شــأنتظرهم أيست مارجع منهم أي جـواب
شــأنتظرهم ياحــلم يعگوب طــولت الغياب
شــأنتظرهم ياگلب مكتوبه حصتك بالعذاب
عـــــذبوني أومـاگلت** عـــــذبوني
شــــوفوني موتتـــي شــــوفوني
دمعتي صارت ذخــر* أمچتفه أبحبل الصبر
***********
لخادم أهل البيت (ع)
*الشاعركريم جبّارالعطواني*
ونسألكم الدعاء

ودعوني وسافرو*** ودعـوني
واعدوني وماأجوّ*** واعدوني
يذبح أبروحي الهجر*** أمچتفه أبحبل الصبر

*********************

أعزازگلبي حگي من ألطم على فـرگاهُـم
أعزازگلبي العُــمر مايــسوه تـــره أبلياهُم
أعزازگلبي**الموت أهون من سهام أجفاهُم
أعزازگلبي ليش يحرمنـــّه الوكت ملگاهُم
مانسوني من مشوامانسوني
أملوني أبــــــهالخبر** أمــلوني
عمري خلّصته أنتظر*** أمچتفه أبحبل الصبر

****************************


بنص دليلي غافيه تــظل للأبــد ذكـراهُـم
بنص دليليأمــل يجمعني زماني أويــاهُم
بنص دليلي**كون موعالگاع أثرمــمشاهُم
بنص دليلي** تشتعل نار أوهــلّي أترجاهم
لـوّعوني أوهاجرو**لوّعوني
مايجوني أبوحدتي مايجوني
شايله أهموم أشكثر* أمچتفه أبحبل الصبر
****************************************************************************************************************************
دمعي يجري**مايبــطل ليــــل وأنهاري علـيهُم
دمعي يجري** عالمشو والروح ظلت ترتجيهُم
دمعي يجري** الف هنياله السمع نغمة حجيهُم
دمعي يجري**ريت وياهم وأحب أچفوف أديهُم
ياعيوني مـــادروا**يــاعيوني
فارگوني وأبعـدوا** فــارگوني
أبليلي مـــاطر الفجر*** أمچتفه أبحبل الصبر
**********
راحــو أهلي**الساعــه تنعـــدأبـسنه بغيابـهُم
راحــو أهلي**كلهُـــم وأمست خليه أديارهُــــم
راحــو أهلي**الوحي مارد وگف لحظه أبابـهُم
راحــو أهلي** چان يتيـــــمم گــبل بــــترابـهُم
مادروني أبياوضع**مادروني
ضيعوني أبغربتي** ضيعوني
شأقتنع وبيا عـــذر*** أمچتفه أبحبل الصبر
***********
أبقه وحدي** هايمه وشوگي يناغيني أبــــألم
أبقه وحدي** والدليل أبحسبة أظنوني أنجسم
أبقه وحدي** أتغطّه بهمومي ويگـــلبنّي الندم
أبقه وحدي** وحشة الصفنات تذبح بالوهم
أتعذروني أبوحدتي** أتعذروني
مرمروني من جفو** مرمروني
أحلف أوأنذر نـــذر*** أمچتفه أبحبل الصبر
****************************************

شــأنتظرهم وآنه بعيوني بقه بـس التراب
شــأنتظرهم أيست مارجع منهم أي جـواب
شــأنتظرهم ياحــلم يعگوب طــولت الغياب
شــأنتظرهم ياگلب مكتوبه حصتك بالعذاب
عـــــذبوني أومـاگلت** عـــــذبوني
شــــوفوني موتتـــي شــــوفوني
دمعتي صارت ذخــر* أمچتفه أبحبل الصبر
***********
لخادم أهل البيت (ع)
*الشاعركريم جبّارالعطواني*
ونسألكم الدعاء

مسلم نزل بالكوفه***عيون المنايا تشوفه
***
متعني للكوفه السبع طب ليها * مسلم نزل بالكوفه
زلزل جمعها وأرتجف واديها
ناس بـحقدها ردت الماضيها
ديـــرة غــدر معروفه مسلم نزل بالكوفه
****
يامن طلبتونه الرسايل تشهد** مسلم نزل بالكوفه
آلآلاف أجتنه وبالعددماتنعد
هاي الجموع وياك لاتتردد
والكل شهرمرهوفه مسلم نزل بالكوفه
********
أذن إذانه أوصلت بظهره أصفوف مسلم نزل بالكوفه
متـحشده مصطفّه يـراودها الخوف
خلص صلاته ولابشرمنها أيشوف
أبنص الطريق أتعوفه مسلم نزل بالكوفه
******

محد يدليه الدرب من ياصوب مسلم نزل بالكوفه
أباب طوعه حط رحاله المهيوب
بعــد الأمامه أصبح الهم مطلوب
أبشيمة غدرمكشوفه مسلم نزل بالكوفه
****
ياطوعه مسلم هالمسه خطارݘ** مسلم نزل بالكوفه
بـتراب جــــدمه خل يشرف دارݘ
هاي الكرامه الباري ليها أختارݘ
يل بالكرم موصوفه مسلم نزل بالكوفه
****
لخادم الأمام الهمام الضرغام
مسلم بن عقيل (ع)
الشاعر كريم جبار العطواني
ونسألكم الدعاء

الـعيد اجاني يـــاهو الأيعـــايدني بيه
أنطيني صدرك أرد احط راسي عليه
راح أظل بعدك وحيدة * بالدمع نادت حميده
********
الغربة صعبة والأشـد غــيبة الوالي
أبغير أبوي العــــيد ما يخطر أببـالي
بـــويه ذاك العيد مـن تـگعــد أگـبالي
مثــل نــجمه أبـــماي أشوفّنك تـلالي
الفرحه ماتت وأنذبح عـزي و دلالي
حته طـير ال بالسمه حـن أو بـچالي
عالحزن فصلّت ثوب أحزاني
هـلال هذا العيد دم بچاني
أيصبح أبلچمه جديده*** بالدمع نادت حميده

*********************************************************************************************************************************************************

آنــــي أول طــفله بيهــن أنـــفجع
بــاچــرأيعيدنّ وأنه بفيض الدمع
عـــيد الأمبارك عليه أبيــــا وضع
طعـــم حنظل فـرگـتك مـــا ينجرع
كل شــــمل بالعـــيد لأزم يــنجمع
وصوتي سابع جار بالوّن ينسمع
أبهذايوم الله الفرح ناسيني
عيدي صارأدموع وأيواسيني
سوده أيامي السعيده*** بالدمع نادت حميده
************************************************************************************************************








كلهن أمعيــدات چـيـه عــدهن أبو
وآنه راح ال چان إلي خيمه ودفو
چــان بعيوني الصبح كلــش حـلو
مــات صبحي واندفن ذاك الصحو
أتكلفـــت بهمومي وأهـموم الأخو
عـگب عينك يل چنت هيبه أوكفو
أبزغري وأتحملت ضيم أخواني
أمكـــدره أبثوب الهضم غطاني
فرحتي صارت بعيده * بالدمع نادت حميده
********************************************************************************************



رحت عني أو ماگلت شنهو الأريده
يـــــل مشيت أبلـــيل لديـــار البعيده
بويه أخذني أوياك أحلفك بالصميده
حتى أگولن والدي حــط أيــدي بيده
گلبي ذاب أبغــيبتك والون نــــشيده
ألساني كل لحظه التمر ذكرك يعيده
أنتظر بلكت تــــرد وأنشوفك
بلهفه أتوسد يبويه أچفوفك
والدهر يترك وعيده * بالدمع نادت حميده
***********************************************************************************************8*

أدري بــدروب الـــــيتم أگــطع سبــيه
لا أخــو ولا عــم بعــــد يـــــنشد عليه
باچـــــرأمشي أميسره أويه الهاشميه
والحبـل مشــــدود بـويه أبـذني أديه
ريـــت كـون أويــاك تاخذني المــنيه
أولاأشوفن عمي مرمي أعله الوطيه
بلايه خيمه أمسلب بحر الشمس
راح ذاك الچان خيمتنه أمـــس
بالغدر حزو وريده * بالدمع نادت حميده
**********
لخادم أهل البيت (ع)
الشاعر كريم جبار العطواني* ونسألكم الدعاء

رسمت درب ثوارك بدم النحرأنصارك
**************************************************************************************************************************
بساحة الطف أمعاهده أنصارحسين رسمت درب ثوارك
بــفيض المناحر تكتب اليوم الدين
ليك الرﮔب مرخوصه يبن الطيبين
وبشوفتك نتبارك رسمت درب ثوارك
***************************************************************************************

جيوش المنايا خلّها ترفع رايات رسمت درب ثوارك
هاي الزلم يحسين عالــذل متبــات
تقره الصمد بالحومه وأترتل آيات
سورالمنيع الدارك رسمت درب ثوارك
****ـ*****************************************************************

كلما تصف أصفوفها العزم أيزود** رسمت درب ثوارك
خدام الك مولاي والراعي الجود
تأمرنه أمر نــتحزم أوياك أجنود
وبخدمتك نتشارك رسمت درب ثوارك
************************

أجموع الكتايب بيها نعلن ثوره** رسمت درب ثوارك
اليوم المجد فوﮔ الرﮔاب أنسطره
طــفك يظــل تـاريخ نـاصع ذكره
رب الجلاله أختارك رسمت درب ثوارك
*******
هاي المعاره مݣبره أنسويها رسمت درب ثوارك
موت أحمريشوف الذي يطب ليها
من دمهم أشفاف الأرض نرويها
لمن تهز بتارك رسمت درب ثوارك
*******
لخادم الأمام أبي عبدالله الحسين (ع)
الشاعر كريم جبار العطواني
ونسألكم الدعاء

رسمت درب ثوارك بدم النحرأنصارك
**************************************************************************************************************************
بساحة الطف أمعاهده أنصارحسين رسمت درب ثوارك
بــفيض المناحر تكتب اليوم الدين
ليك الرﮔب مرخوصه يبن الطيبين
وبشوفتك نتبارك رسمت درب ثوارك
***************************************************************************************

جيوش المنايا خلّها ترفع رايات رسمت درب ثوارك
هاي الزلم يحسين عالــذل متبــات
تقره الصمد بالحومه وأترتل آيات
سورالمنيع الدارك رسمت درب ثوارك
****ـ*****************************************************************

كلما تصف أصفوفها العزم أيزود** رسمت درب ثوارك
خدام الك مولاي والراعي الجود
تأمرنه أمر نــتحزم أوياك أجنود
وبخدمتك نتشارك رسمت درب ثوارك
************************

أجموع الكتايب بيها نعلن ثوره** رسمت درب ثوارك
اليوم المجد فوﮔ الرﮔاب أنسطره
طــفك يظــل تـاريخ نـاصع ذكره
رب الجلاله أختارك رسمت درب ثوارك
*******
هاي المعاره مݣبره أنسويها رسمت درب ثوارك
موت أحمريشوف الذي يطب ليها
من دمهم أشفاف الأرض نرويها
لمن تهز بتارك رسمت درب ثوارك
*******
لخادم الأمام أبي عبدالله الحسين (ع)
الشاعر كريم جبار العطواني
ونسألكم الدعاء

عــمج طاح يسكينه *خلافه الدهر سابينه
**********************
عباس راح وما رجع لخيامه*عمج طاح يسكينه
برجاه ظلت تنتظر أيتامه
لاجوده بيّن بيده لاصمصامه
سهم البين صك عينه *عمــج طـاح يسكينه
**************************
صوب النهركاصدجفيل العيله*عـمج طاح يسكينه
الشاطي والعسكريصيح أدخيله
رافع لوائه أوبيده جوده ايشيله
أبلا يسرته وأيمينه * عــمج طــاح يسكينه

*************************

كطع دليلي أو صوبه بسهامه *عمج طاح يسكينه
ماأنصف أويانه الدهر بسهامه
شتت شملنه أوماتطيب آلالآمه
صدع كلب هادينه ****عمج طاح يسكينه
****************************************************************************************************************************************************************************************
فاطم توّن أوتنشد أعله الكافل*عمج طاح يسكينه
تلطم ضلعها والدمع متهامل
وتنادي وين الكاك يابوفاضل
وأنحنت يم جفينه * عمــج طاح يسكينه
***************************************************************************************************************************************
عالشاطي طايح ياكمر ايامي*عمج طاح يسكينه
بياعـــين أشوفــنك سليب أودامي
ظكت العذب لومثلي كلبك ظامي
يمك نظل خلينه * عمــج طـاح يســـــكينه
*******************************************************************************************************************************************************************88*******
لخادم ابا الفضل العباس (ع)
الشاعر كريم العطواني *** ونسألكم الدعاء

وگف ميزان الدهــر * شعشع أبنوره الگمر
دنگ أگباله الفخر هذاعبــــــــــاس
******************************************************************************************
أبظهرأبـوه من چان حـيد المفخـره
أبكل حــرب وياه چان أيـطب تـــره
مثل أبـو الحسـنين صوره أمصوره
أبـزوده دگ ظهر أبظهر وي حيدره
*أخذ شمرة والده *
*قبل لحظة مولده*
بالأفعــال أيقــلده
هـــــــــذا عباس
******

أتشوف وجهين ألعلي أمن اتناظره
وجـه عبــاس أو وجـه من قسوره
حمــــلّه حمـلّه شاهـــد أوبيهن دره
أيـشوف ذو الفـقار وايشوف الجره
*كرمه رب المــله*
*حطه آيه الكربله*
أبظل محمد نازله
هــــــذا عباس
****


گصد جبريـل أوطوّه أرض أوسمه
أبجــــنة الله أوصاح ويـنچ فاطـمه
رايـــد أگــماط لأبـــن حامي الحـمه
أيـكفي لچفوف اليشگ حلگ الظمّـه
*أگماط مظفورأبوفه*
*أگماط غيره ومعرفه*
أيلوگ لأيده ومرهفه
هـــــذا عبـــاس
****** ************************************************************************************************************************************************








گوم شوف أچــفوف سـبع الگنطره
قبــــله صارن طهّــرن حتـــى الثره
كعــبه لحســين أوحسن والطاهــره
أوفوگهن مطبوعه شفــة المـــفخرة
*أثـــرثغـــرالمرتضى*
*على أچفوفه أتلاحظه*
گلي بيش أتقايضه
هــــذاعبــــاس

***************************************************************************



من حضــن أم البــنين ال بت عـلي
أتصيــح حي الله أخـــيي أوكافــــلي
بالمــــهد وأيــــصيح يــختي أدللــي
بـــماي عيني أرويـچ ياضنوة هــلي
*خويه خادمكم أظل*
*بعمري ولحدالأجل*
ألچ والكل الأهل
هــــذاعبــــاس
*******************************************

أذن أسرافيل بسمه والملائك بالسمه
أصطفت الهيبة محمد ولقداسة فاطمه
نورمن گصته أيتلاله أنولدماينگط دمه
عهدبأنفاسه ونظرته جايب البت فاطمه
*أبنظرته الأولى أستعد*
* ردد أبأسم الصمد*
عهد يازينب عهد
هذا عباس
******
الخادم **كريم جبار العطواني *ونسألكم الدعاء

بالعريس واسوني***قاسم ينورعيوني
*********
حگ الشباب اعله الشباب الليله* بالعريس واسوني
شبل الحسن عين العده تربيله
زفة وداع أبلا عرس تحصيله
زفه بنعش زفوني * بالعريس واسوني
***********

شمع الفرح يـارمله لتشعلينه
قاسم ذبيح أوبالدمه أمحنينه
ينخطف لونچ لمن أتشوفينه
وينادي لاتنسوني*** بالعريس واسوني
****

تنتظرك أسيوف العده بالحومه
بيها الحـقد متوضحات أعلومه
شمسك تغيب وآنه أظل مالومه
100جرح جرحوني** بالعريس واسوني

****
هالعهد بسمك يل الحسن وفّيته
أبدم رگبتي فـوگ الثره خطيته
منذوره روحي العمي واتفديته
هالجمع ميهزوني بالعريس واسوني

*****


خلهاالهنادي أبهامتي تحط طبره
هيــــهات أعوفن سيدي او أتبره
لو ألف موته أوأنسحگ عالغبره
بدم رگبتي حنوني** بالعريس واسوني

***

لخادم الأمام القاسم(ع)
الشاعركريم جبار العطواني
ونسألكم الدعاء

حــل الخـطـر***جـيش أنــدحــر
أبـن الحـسن * شــــبِه الگُمــر
بيها أرتعـد يـقره الصمد أبحز الرگب داواهه
***********
سـوح المعاره أبصولتـّه أشعــثها
أغتاضت زلم والتاذت أب أشعـثها
زجـر وخــولّه وحـرمله أوأشعـثها
أرتدت فـزع أهـل الـبدع
ماظــل مـفر حـل الجزع
جاسم حمل بيده السيف مــر الغصص راواهه
********

ناداها وأصفوف العـده تـرباهه
ضربــة يـــمينه حيدري تـرباهه
حي الله رمـلّه ونعم من تـرباهه
غيره وعزم مــــايــنگــحم
سيــل وطفح يـــفني الــزلم
عجّت ســوّه أرجـال أوخيـــل وأحـــتارت أبمنواهه
*********


نادت يـــوالــي وأنتـخت باريـــها
عيــني التشوفك يــاشهم بـــاريها
داري الرگــاب وبالذبــــــح باريها
صفهُم سره أبلامعـذره
أمن الميمنه وللميسره
يمشكر أبهذااليــوم خط السجل أبـــدماهه
******
يحسين عونّــك أهـتف أورد بيهـا
أبرايــة نصر أگحـــمهم أورد بيهـا
أسگـي الطفوف أبدمهم أورد بيهـا
روي الأرض طول أبعرض
شرگ وغرب مـن تنــتفض
أّمــك وأريــدن هـالساع يـــم عـمتّك أتباهه
******
رخصة قــتالك عـمــّك الماضيها
وشـفت العساكر ردت الماضيها
فـوگ الزرادم أســمح الماضيها
أبهاي البشر** أطـبرنـحـر
خلي الدمه تصبح نهــر
منك أطـــالب بــرباي أجموع الكفر تفناهـــه
*********
رب الجلاله وگـــفتك ســرمــدها
من حيدره ماخذ مـدد سـر مـدها
ثوب الخلود أتفصل ال ســرمدها
قـــدم درس** أفــدي النفس
بـالتضيـحة زفــت العرس
لا حنه يبني أولاياس أچفوفك دمــه حــــنّاهه
**************
لخادم أهل البيت (ع)
الشاعر كريم جبّارالعطواني
ونسألكم الدعاء

يمه خليـــني أعله بالك من تــروح
تدري جــرحك أشد من كل الجروح
ياجرح ماله دوه *ريت موتتنه سوه
********
يبني ذاك أربـاي ويـنه أوذاك تــعـبي
خايـــفه أيجرح دلــــيلك يـــمه عــتبي
جبت عمري أمساهره أوأتعب وأربي
أبضــــيم خلصت الليالي أويدري ربي
*أگضي ليلي أمساهـره*
*لحظه لحــظه أمناطره*
*عمر من بعـــدك أظل أبچي أو أنوح*
* يمه خليـــني أعله بالك من تــروح*
********************



خلصت دمعي أبغــيابـك گــطره گـطـره
گــلي بعـدك يا ورد بـــعيوني أنـــــظره
يمه هذاالــــكون صار بعــــيني صحره
گلبي يــنبض بالمحنه وعاف صـــــبره
*بيش أظــلن صابـره *
*وآنه روحـي أمرمـره*
*راح عطرك والحــزن بــعـدك يفـوح *
* يـمه خليــني أعله بالك من تــروح *
************** **********************************************************************************************************************


كل حزن بــالكون يخلص إِلاّ حــزني
يوسف اليعگوب رد أو عــافني أبني
يافــرح يــلفــيني وأنتـه أبعـــيد عني
دهـري مابين الشماته أوغُـرب ذبنّي

* بيـك دولبّني الـزَمـن *
*بالبچي عيوني عِمَن*
*أگبال عيني وچفي ليـــدك مايـــلوح*
*يــمه خليــني أعله بالك من تــروح*
*****************************************************************************************************
بين حضنّي أومهدك أتحوم المنيّه
خايفه أتبوگك يـضي عيني الرزيّه
فُوگ صدري ابلهفه أضمنّك بـديّه
بيك كسرت ظهري يُمّه الغاضريّه
*أفراشك أتـراب الحتف *
*مدري أشيعـك لو أزف*
*طافيه أشموعك أخذمن روحي روح*
*يــمه خليــني أعله بالك من تــروح*
*****************************************************************************************

يبني ال أتربّي تعيش أبفّي رباهه
أيصيرتچــايه لــون تحـنّي گفاهه
أيباري أمـه لودهرهه أبهم لفاهـه
مــو تـنادي أعلـّيه مايسمع نداهه
*أتشيل نعشي عالمتن*
*أتعـــوفني لامـاأظــن*
*يبقى ونّي حتى من أمشي أو أروح *
*يــمه خليــني أعله بالك من تــروح*
**************
لخادم أهل البيت(ع)
الشاعركريم جبّارالعطواني
ونسألكم الدعاء

ودعتك أبدمعاتي ياذخري من دنياتي
*******
بسيل المدامع والهضم والحسره** ودعتك أبدمعاتي
أوداعك يالأكبر بالگلب حط جمره
بياعـين اشوفك طايــح أعله الغبره
گمت أعثربخطواتي** ودعتك أبدمعاتي
*******
يـــاليله أدعي سالم أيـرد أبـنچ
يسمع دعائـچ خالقچ وأيـرحمچ
يل رجعت يوسف وأبد ميرجعچ
أبگلبچ مثل لوعاتي** ودعتك أبدمعاتي

**********

يبني أبدليلي أتسطرن لچماتــك
ودعتــــــك الله آخــر أحچايـــتك
ظهري أنكسرلمن شفت طبراتك
وأعله الضلع لطماتي** ودعتك أبدمعاتي
*******
طولي أويه طولك مددت يالوالي
يبني أبغيابك وگع سوري العالي
يافــتشة اعــيوني أونبض دلالي
بوية أوبدت نكباتي** ودعتك أبدمعاتي

***


حيلي انهدم وأتضعضعت بمصابك
ظهري أنكسر وأتصوبت بصوابك
شيبي صبغته ياعلي أمن أخضابك
ياسركياني وذاتي*** ودعتك أبدمعاتي
*********
لخادم الأمام باب الحوائج علي الأكبر(ع)
الشاعركريم العطواني
ونسألكم الدعاء

عبدالله مهدك خالي**ذاب بحزن دلالي
*
ياشمعة أسنيني الفرح ودعته* عبدالله مهدك خالي
وي روحتك راح وبعد ماشفته
فارگني وجهك والعمر ماردته
صارالدمع منوالي عبدالله مهدك خالي
*****
يـل عمرك أبـگد الحلم ساعاته
طيفك سراب وتنگضي لحظاته
ماي أوتبده وضاعت أمناغاته
فگدك يشل أحوالي** عبدالله مهدك خالي

*****

بماي العـذب كل ضنتي يسگونك
تالي ابعطش مثل أمك أيلوعونك
أبنار السهم ياسلوتي أيفطمونك
وتنگطع كل آمالي** عبدالله مهدك خالي

*****
راح الأمــل للمهد مامش رجعه
خالي وأهزه أبلوعتي وبالدمعه
أظلم أبدونك يل چنت بيه شمعه
يبني العزيز الغالي** عبدالله مهدك خالي

******

بياحضن غـافي يالولد هـالليله
حسبة أفراگك يالحبيب أطويله
بيا ثغــريابــس والده أيناغيله
ناعي الحزن يبرالي** عبدالله مهدك خالي
*******
لخادم باب الحوائج مولاي عبدالله الرضيع(ع)
الشاعركريم العطواني
ونسألكم الدعاء

الأكبر*الأكبرغابت أوصافه
الأكبر*الأكبر يبست اشفافه
يگلي بويه أنطيني ماي*أحݘايته كسرت گفاي
*****
مدري گاعد مدري واگـف مدري هايـم بالـفـله
العشره شابݘهه أعله راسه يعاتب بطف كربله
أبـحسره كل دگات گلبه أبغربـه روحه أمعلعـله
دمع ماظــل تجري عــينه جــمر تـذرف هامله
بدليله* بدليله فـــزت اللوعه
ينادي*ينادي بونه مسموعه
مختنگ صدري بهواي* أحݘايته كسرت گفاي
الأكبر**الأكبر
****


حيلي بــاد أونحل جسمي أتعب أبنگل الجَدم
من رحت ياكل حياتي أبكل نفس أشـتم سهم
أبّين آه أونكبه يـــبني خضّرأبـروحي الألــم
خطوه خطوه وغبت عني ساترأعيالي أنهدم

وداعك * وداعك والگلب دامي
وداعك* وداعك والچبد ضامي

أشدمن يبست لهاي** أحݘايته كسرت گفاي
الأكبر**الأكبر
**


بــاذني الله أويــاك ظلت من مشـيت أو ودعت
ضيعـت كل شي ابغــيابك أمـنين دربـك تــيهت
من صحت لحگ يبويه 1000مـــره أتعــثرت
أختلف وزن الكون كله وعكس صوتك غربت

يروحي*يروحي وأعزمن روحي
يروحي * يروحي لا يكف نوحي

أدهى من طيحة لواي** أحݘايته كسرت گفاي
الأكبر**الأكبر
**


بهيده بويه أوياك روحي ريت طلعت ياعـلي
أخلاف عينك عمري عفته روح ماظلت اللي
بيك أشوف أوصاف جدي وأمي ياريحة هلي
وشمره من الحيد بيدك منها يــرجف عاذلي

بونيني*بونيني دنيا أهــزنها
بونيني *بونيني مانون ونها

شمس ماتضوي بسماي*أحݘايته كسرت گفاي
الأكبر**الأكبر
**

من بعـد عينك ي الأكبر يبني عـالدنيا العـفه
أشچم جرح بيه برحيلك خزّن وماصح شـفه
أغلى من الهوى اليسري روحي الك متلهفه
أبرية الغرگان لومــر أو روج موته أيـلاگفه
حياتي * حياتي ميت أبدونك
حياتي* حياتي فدوه لعيونك
يل صرت علّتي أودواي*أحݘايته كسرت گفاي
الأكبر**الأكبر
**
لخادم الأمام عليٌ الأكبر(ع)
الشاعر الأقل كريم العطواني
ونسألكم الدعاء

الأكبر*الأكبرغابت أوصافه
الأكبر*الأكبر يبست اشفافه
يگلي بويه أنطيني ماي*أحݘايته كسرت گفاي
*
مدري گاعد مدري واگـف مدري هايـم بالـفـله
العشره شابݘهه أعله راسه يعاتب بطف كربله
أبـحسره كل دگات گلبه أبغربـه روحه أمعلعـله
دمع ماظــل تجري عــينه جــمر تـذرف هامله
بدليله* بدليله فـــزت اللوعه
ينادي*ينادي بونه مسموعه
مختنگ صدري بهواي* أحݘايته كسرت گفاي
الأكبر**الأكبر
****


حيلي بــاد أونحل جسمي أتعب أبنگل الجَدم
من رحت ياكل حياتي أبكل نفس أشـتم سهم
أبّين آه أونكبه يـــبني خضّرأبـروحي الألــم
خطوه خطوه وغبت عني ساترأعيالي أنهدم

وداعك * وداعك والگلب دامي
وداعك* وداعك والچبد ضامي

أشدمن يبست لهاي** أحݘايته كسرت گفاي
الأكبر**الأكبر



بــاذني الله أويــاك ظلت من مشـيت أو ودعت
ضيعـت كل شي ابغــيابك أمـنين دربـك تــيهت
من صحت لحگ يبويه 1000مـــره أتعــثرت
أختلف وزن الكون كله وعكس صوتك غربت

يروحي*يروحي وأعزمن روحي
يروحي * يروحي لا يكف نوحي

أدهى من طيحة لواي أحݘايته كسرت گفاي
الأكبر**الأكبر



بهيده بويه أوياك روحي ريت طلعت ياعـلي
أخلاف عينك عمري عفته روح ماظلت اللي
بيك أشوف أوصاف جدي وأمي ياريحة هلي
وشمره من الحيد بيدك منها يــرجف عاذلي

بونيني*بونيني دنيا أهــزنها
بونيني *بونيني مانون ونها

شمس ماتضوي بسماي*أحݘايته كسرت گفاي
الأكبرالأكبر


من بعـد عينك ي الأكبر يبني عـالدنيا العـفه
أشچم جرح بيه برحيلك خزّن وماصح شـفه
أغلى من الهوى اليسري روحي الك متلهفه
أبرية الغرگان لومــر أو روج موته أيـلاگفه
حياتي * حياتي ميت أبدونك
حياتي* حياتي فدوه لعيونك
يل صرت علّتي أودواي*أحݘايته كسرت گفاي
الأكبرالأكبر
**
لخادم الأمام عليٌ الأكبر(ع)
الشاعر الأقل كريم العطواني
ونسألكم الدعاء
https://www.tg-me.com/kre_mm

الاخوه الرواديد المحترمون وكل الاحبه زوار قناتي المتواضعه، ،اللي يحتاج الالحان فليتواصل معي وانا بخدمته

فتحةعزاء للأكبر،ع،على لحن آ يحسين ومصابه
ودعتك أبدمعاتي * ياذخري من دنياتي
*****
بسيل المدامع والهضم والحسره** ودعتك أبدمعاتي
أوداعك يالأكبر بالگلب حط جمره
بياعـين اشوفك طايــح أعله الغبره
گمت أعثربخطواتي** ودعتك أبدمعاتي
***
يـــاليله أدعي سالم أيـرد أبـنچ
يسمع دعائـچ خالقچ وأيـرحمچ
يل رجعت يوسف وأبد ميرجعچ
أبگلبچ مثل لوعاتي** ودعتك أبدمعاتي

******

يبني أبدليلي أتسطرن لچماتــك
ودعتــــــك الله آخــر أحچايـــتك
ظهري أنكسرلمن شفت طبراتك
وأعله الضلع لطماتي** ودعتك أبدمعاتي
***
طولي أويه طولك مددت يالوالي
يبني أبغيابك وگع سوري العالي
يافــتشة اعــيوني أونبض دلالي
بوية أوبدت نكباتي** ودعتك أبدمعاتي

*


حيلي انهدم وأتضعضعت بمصابك
ظهري أنكسر وأتصوبت بصوابك
شيبي صبغته ياعلي أمن أخضابك
ياسركياني وذاتي* ودعتك أبدمعاتي
*****
لخادم الأمام باب الحوائج علي الأكبر(ع)
الشاعركريم العطواني
ونسألكم الدعاء
https://www.tg-me.com/kre_mm