((أثـــــرظــــلچ))
زينب والوصف يمچ وڱف محتار**
بيا كلمة أووصف لورايـــد أيـــوصفچ
يـــخدرالله الچــبير أومعدن الآيات**
يـــل مالــچ شبـــه موجود من صنـفچ
ميــزان الشرف والعفه بيچ أنقاس
بــــس رب الجلالـه العـالــم أبــسرچ
أبحديث المنزلة أوســرعصمة الثقلين
سويــة أتعــادلن وأكثروزن ثــقلچ
ماخــذ من عباتــچ لونه هذا الليل
أونور الشمس شعشع من أثـر ظـلچ
*****
يمن تحلف الوادم دوم بختاه
أجر بجفاك كمت الأه بــختاه
المثلك ماكطع ياخوي بخـتاه
عليش اكطعت بأرض الغرب بيه
********
سهم يردف سهم بالعين ع طاب
أوكلف كل شدوه العباس ع طب
اليمرمني يشم يحسين عطـــاب
الخيم وأذيـال ثوبي الگب عليه
******

أم البنين ‘ع
على بـــاب الــوفه أسمچ صبح عنوان * أوصارمگصد كل شريف أيصابـــــحه
ربــــچ أنطاچ الكرامه أوخصها لـيــچ * صرتــي أم أحســــين وأم الــــنايــــحه
خــــلّه بيـــچ أســرارمن سر البتـــول * عالشريعه أضلوع روحـــــچ طايــــحه
أبـــسدچ الحاجات تگضي أبلا مــرار* والهمـــوم أگــبال بابـــــــــچ رايــــــحه
المعضـلات الصعـبه تنــهارأوتـذوب * لـــمن أقـــره لأســمچ آنــــــه الفاتــــحه
*****************
يم ماي*** فگـدت الكون كله اليوم يماي
وچــــفي من ديـار البعد يــماي
يظامي وطايح أبلا أديـــن يماي
أرفعت راسي يقربـــــــان الزجيه

على لحن (ليلى تنادي)
ظهري محني**وبروحي تسعرجمرة أمصابك
***********************
روحي أطلعت ويـــاك ماردت الروح
ماحســـبت لوطيف تتركني واتـروح
لـــيل أو نهار أعليك مـاأبــطل النوح
بجرحك يضي عيناي دلالي مذبــوح
ظهري محني**وبروحي تسعرجمرة أمصابك
**** *************************************************************
وسط الگلب بجفاك ظلت حسرتي
ياأغلى من عيـناي ما كُـف دمعتي
تهمل تظــل للموت من دم عبرتي
عگبك يضي دنياي مـاتت فـرحتي
ظهري محني**وبروحي تسعرجمرة أمصابك
***************************


حيلي أنهدم بجفاك وأتضعضع الحيل
ياريته نعشي أنشال مونعشك أنشـيل
يــتبده شوف العين لــوحمّل الريــــل
يوليدي روحي أتروح لوچلچل اللـيل
ظهري محني**وبروحي تسعرجمرة أمصابك
**********************************
أبيض صبح بجفاك يــرويحتي الراس
مـــاضگت طعم النوم لــونـامت الناس
بصدري الحوافركون موصدرك أنداس
بفيض الدمـه أيغسلوك يافص الألماس
ظهري محني**وبروحي تسعرجمرة أمصابك

*******************


بــس الجسد ظليت بعـــــدك يـــوالي
من رحت راح ويـــاك عـزي ودلالي
سوده أصبحت بجفاك بـيض الليـالي
نجم الصبح ملچوم يبچي أعلّه حالي
ظهري محني**وبروحي تسعرجمرة أمصابك
***********************************
تتمنه روحي المــوت يــگطع رجاها
ومــاتنحرم لو يـــوم شـــوفة ضناها
أشيسوه العمرلوأعيش دنيه بهواها
وأنته الهوه أبليـــاك يچوّي أبلهاها
ظهري محني**وبروحي تسعرجمرة أمصابك
*****************
لخادم أهل البيت(ع)
الشاعركريم العطواني ونسألكم الدعاء

يـا مريــم بيـدچ غسليها
للشام أتعّـني وچفــنيها
******************************************************************************************************************************************************************************************************************************************************************************************************************************
بـساعة طيحتها وشـدتـها
حضريها بعــرگة گصـتها
لويــبست ترجـف شـفتها
من دمع عيونچ شربيها
***************************************************************************************************************************
لوبـردن چفــين الحره
ولارمشت عينها بنظره
والالوان أنگلبت صفره
أعيون أم عون أتغميضها
***********************************************************************************************************************************

بهداي أچفوفــچ خلـيهـن
خافن لوحيل أتــلچميهــن
أمتون المسبيه وتاذيهــن
وعَ الكيف بأيدچ جيسيها
****
ما رايــح دخــان البيهن
بعيونچ مريـــم شوفيهن
أبهيده بچفينچ غسليهن
من حرگو خيمة واليها
*********

يــلچمها الماي وطـاريه
مارادت طعمه المــسبيه
يذّكرهـاأخوتها المرميه
وزنــود الكافل حاميها
*******
لطمت گصتهابمحملها
ضلت آثـــار أمصيبتها
ماتبرد تســعرجمرتها
تلهب يامــاي يطفيها
********
لوشفتي جروح بمعصمها
مـــابـــــطل يتنازف دمها
من طلعت مسبيه بهمها
بـــحبل الظلام أمچتفيها
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
أزرگ مطعون وم أتغـــير
من ضربات أسياط العسكر
متن أم عـــون وأم الخـدر
مايـــــــرحم ظالم حاديها
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لخادم أهل البيت (ع)
الشاعركريم العطواني
ونسألكم الدعاء

سيف صلّه أبمنحرك * كعبة الله أتصورك
آيه آيه رتلت قرآنك * الله واكبريرتفع آذانك
**************
أذن آذان المنايــــه بـكربــله أبـــأذن القـدر
مشتهي دمك يـــــغالي ومشتهي دم عالنهر
حشّد أسيوف ألمنيتك وحـشد أجـــنودالحجر
كتبت بطفك روايــه دم عــله السـيف أنتصر
أبين طاغوت أورجس*** ينذبح ضي الشمس
خنصرك خطط نهج أيمانك*الله أكبريرتفع آذانــك
********************************************************************************************
تسجد أگبالك نوافل والفرض صلّه أبـسهم
رســم قـبلة كبريائــك وأنحنـه أعليها أبألم
نورمن گصتك تلالّـه بالعرش نوره ألتـحم
شيبتك يارايـة الله أملطخه ومصـبوغه دم
رحمة الله ال نازله * صب دمعها أبكربله
أبدمك الطاهر ثبت برهانك *الله أكبريرتفع آذانك
******************






شال دمـك للجـلاله بـيده جــبريل أوعـرج
فوگ سدرة منتهاهه كتب ثـارك والفــرج
بريش جنحانه كتبلك تسكن أرواح ومهج
بالسمه شيّدضريحك طافته أملاك وحجج
كبش جايـــبلك فـــده * ألگاك جــثه أمدده
أنته دين أوماتموت أركانك *الله أكبريرتفع آذانك **************
عرشك الينگط قـداسه رفــع آصف بيه علم
والشـمس حجبت ضواها والگمرمنها أنفطم
هـزت النمرود فاسك وأنتهــــى ذچــرالصنم
كل شي ملهوف أبمحبتك حتى نـيران الخيم
صحت برداً وأنطفت * دنگت يمك وأجــت
نار تخجل توصل ال صيوانك*الله أكبريرتفع آذانك

******************************************************************************************************************************






تركع أعليك الهنادي أوتنحني أتلوح الجسد
أشفافهن طـبّرن جسمك والجروح أبلاعــدد
أهواي متولعـه بمحبتك مانفع بيهــن ضُـمد
طبره عالطبره أثرهـن شبه مـــاألهـن أبـــد
شفــة أسيــوف الــعده * من دمــاك أمـورده
أجن خطّار ألبحروجدانك*الله أكبـريرتفع آذانك
****************************************************************************************************
الگاع جمعت مي وجهها أومهد حدرك حطته
من رمـل سوّوت زندها أوساده حظـنت رگبته
أبكـــثر ماينزف وريدك أبچــــفها دمك جمعته
أوداست الخيــل أبصدرها ويه صـدرك رضّته
بـالحوافــر ظل أثر*** من لحم جسمك وذر
يــــاألآهي رددن سبحانك *الله أكبريرتفع آذانــك
*************************************************************************

لخادم الأمام الشفيع أبي عبدالله الحسين (ع)
الشاعركريـــم جبّـــــارالعطواني
ونســـــــــــألكم الدعاء

(ياكريم أهل البيت)
(( اشجم لـوعــه ))
الأمام الحسن المجتبى(ع)
بالهم خلصت أسنينك
مظلوم ودمعه أبعـينك
****
ياهـــم يـــامحنه أبّبالك*** شــلّت بالضيم أحوالك
بـــيها أتمــّــرد دلآلـك*** وبالوسفه أتدگ چفينك
***
بمصاب الهادي أبديها*** اوطــــبرة هامة واليها
وأمـك والصار أعليها*** ضــــدك أعلنهن بيــّنك
****
أبدمعاتك لوعه وحسره***مانشفت تجري العبره
لجـل الـمحسن والزهره * مكتوبه أبخط أيمينك
**
ماينشف جود أحسانك * ينبع من فيض أيمانك
بچف الــيطلب برهانك * منهل خيــرأصواوينك
****
مخنوگه الآه أبصـدرك *متوسده وتغفه أبكترك
ماشفت الفرحه أبعمرك* ومحد عالضيم أيعينك
****
ضيمك ماواحد شاله*** أو لامسلم مـــر أببــــاله
دهرك مگصوده أفعاله*** يردف بيهــــن بجبينك
****
يل مايفـــرغ ماعـونـــه***چبدك ليـش أيسـمونه
بيك الهادي أيغـدرونه*** وأتــون زينب لونــينك
****
جعده بيادين أتطلبك***من سمها أتگطع جبدك
باچــرشتـگل ألجــدك***غــدّارة أوخـانت ديـنك
***
لخادم الأمام الحسن المجتبى (ع)
الشاعركـــريــم جـــبارالعــطواني
ونسألكم الدعاء

((الرايه))
الرايه رفّـــت ماتطيح ومــاتطيح الرايه
المهدي بچفوفه لزمها اتوسط المشايه
خطوه خطوه وياكم*يبقى عالي الواكم
*****

شال أبوصالح الرايه وأعتنه الطف كربله
سيدي گلبك أشكبره وهـــذا جرحك شـايله
أمن آخر الدنيه تعنّه وصوته بالونه أعتله
هلّــه بأنصار العقيده ياهـــــلّه و100 هلّه
بالأســـم سماكم يبقى عالي الواكم

******

بهيده ينگلهن أجدامه يواسي كل مفجوعه
حسره جــرأبأثــرحسره للضعن وأرجوعه
يــصيح ياجـــد الظليمه دم تـــهل أدمـوعه
لطمته حيل أعله صدره أتوسمت بضلوعه
الكربله أتعناكم يبقى عالي الواكم
******

وجــه من كثر المآسي أمغيرات أرسومه
سومرت الوان وجهه عله أحسين أو يومه
چنه مو للممشه گاصد چنه گاصد حـومه
أخـــــذ ماي من المواكب والچبد ملچومه
بيده يسگي أظماكم** يبقى عالي الواكم
********


صاح ينصار العقيده بهمه شدو احزامكم
عمتي زينب والفواطــم هــودرو چدامكم
لاطـمع لاحب مناصب ندري حبكم جابكم
باچــربيوم القيامه أعله الزچيه أحسابكم
بالحشرتلگاكـم،،، يبقى عالي الواكم
*******
من نطب للغاضريــه أهناك مجلس ينصب
خـل نمــر بخيام سكنه وتشتعل نار الگلب
أبكثرماركضت رقيه وكثر شوغات السلب
نوگف ونرفع الرايه أبوسط ميدان الحرب
يـالثار أدمــاكم،،،، يبقى عالي الواكم
*****

يــم أبـوي أحسين أروح وبيدي ألمن جثته
وأسحگ أصدورآل أميه بكثرخيل الداسته
أچفوف موأصبع أگصن لجل أصبعه وبترته
بالمناحر رايــه أدگن أشلون راسـك نحرته
بوجه من عاداكم** يبقى عالي الواكم
*****
نگصد الشاطي وننادي وين كفّال الخدر
گوم خلي أنرده ثارك گوم ماظل كل عذر
گوم آني المهدي جيتك ماتگلي أشــتنتظر
اليوم أقتص بيمني من أبن مرجانه وشمر
وتشع شمس أسماكم** يبقى عالي الواكم
****************
لخادم أهل البيت (ع)
الخادم كريم العطواني

ويها
يمن حـــــبك هده المحتار ويها
سعــــيرأخيامك أبكل روح ويها
صدگ نصين صارأحسين ويها
وتحبه بيـــا كترأمـــــه الرجيه

كعبه جعب الرمح
يمن اسمك يزيح الهضـم كعبه
زلـم وخيول طافـت بيـك كعبه
رمح راسك بمتني انطبع كعبه
طعن لون العبه وچتفي سويه

وركها
فراگك هدم أضلوعي وركها**رجيج الحيل
رفعها للسمه السبعه وركها**طگها بالكاع
الحوافرمزگت جسمك وركها**سحكها***
بكل دبچه يوذرك عالوطيه
**
وذراك
بحر يچويك خويه الرمل وذراك*ذرات
وبعـــدهيهات فيّك يـــرد وذراك* الظل
فزعنه آنه وبناتك نلم وذراك*وذرالجسم
ولگيته أتصيح أصبعك عــــد رقيه

فدوه لدمعتك والله دمعك غالي
يـــل ونتك سيف أبوسط دلالي
مالحظه ناسينك**بزيارة أحسينك
يـــمهدي**يــــمهدي
***************************************************
يمهدينه الدرب كله نمشي وبالفرج ندعي
زحف من آخرالدنيه خطواته الجدم تسعي
نحس بأنفاسك ويانه**ونسمع ريتك أشتنعي
ثكاله ال ونتك أنادي** تــمنيته أنكسرضلعي
عيـــون التحبكم بالحزن ذبـلانه
بهاي المصايب ماعمت خجلانه
تجري الدمع عينك** بزيارة أحسينك
يمهدي**يمهدي
****



نشم بتراب ممشانه بلكن بيها أثـرجدمك
حلم ويحققه الباري نشوفك مــره ونشمك
ونعگد راية أحزانك*حرز من هيبتك وأسمك
أوياك النُدبه نقراها** ونتشارك سوّه أبهمك
ياربي عجل بــــالفرج للمهدي
ليله ونهاره ينتحب يــاجـــدي
وي رفعة أيمينك** بزيارة أحسينك
يمهدي**يمهدي

**



حروشمس يل غايب** ويـــن بـياكتر أنته
فرضك وين صليته وچفك بـيش يـممته
هاك أعيون عشاگك أتوضه الدمع سبّلّته
هسه بيادرب تمشي**أبجدمك يادرب دسته
أندنگ يمهدينه وثــراك أنبوسه
نفرش أخدود وموتراب أتدوسه
وأنناشدك وينك** بزيارة أحسينك
يمهدي**يمهدي

****




الناس أتهوّد أوتگعد** تعب لوساعه مربيها
ويــه أعيالها أتسولف وكـــلّ الّهم تنسيها
أشوفك هايـم الوحدكغريب الدمعه تجريها
يروحي أعيالي خدامك** نــذر لعيونك أفديها
مُــربيه مـره وخلي أرفع راسي
خادم ألك تتباهه أهلي ونــــاسي
أنطيني چفينك بزيارة أحسينك
يمهدييمهدي

*****





عليك الليل لـو هوّوم** مچـانك ويـن دلــيني
أريدأفرشلك أعيوني**وأغطيك أبرمش عيني
يشايل كربله بروحك**وشايل طيحة أحسيني
تبچي الماي لوشفته**وتبچّي الدنيا وأسنيني
الماي علگم مـــاتضوگه أشفافك
أرماد الخيم ماطايح أمن أچتافك
تلهب صواوينك بزيارة أحسينك
يمهدييمهدي

********


نگطه أحنه أبحرحزنك**ضيمك بالگلب يكتل
سواد العاشر أنلبسه**وسوادك ليــل مايـجفل
دمعنه يهل لأبواليمه** وجمردمعاتــك التهمل
نحيبك فسر المرمر**كثرالخيل العده التصهل
دمعاتك ودرب السبي وآلآمك
وگطع المناحرولسياط أيتامك
ردثارك لدينك** بزيارة أحسينك
يمهدي**يمهدي
****************************************************
لخادم أهل البيت (ع)
الشاعركريم العطواني
كتبت يوم أربعينية الأمام الحسين (ع)
20صفرالمظفر1443هـ

للأمام الهادي (ع) (موشح)
أدمـــــوع عـــينك لايـــكف جاريها
أبحسره عالهادي أبحضرته أبچيها
****************************************************************************************************************************************
واسي بالدمعات سيد المرسـلــين
أبـــآه والويــــلاه رتــل والـونـين
الما بچت للهادي ماتتـسمه عــين
صدگ صلـفه الــــمانعــت واليـها
****************************************************************************************************************************************************
أنطوف يلوالي أجينه أبحضرتـك
مايجـــف ســيل الدموع المحنتك
تروح كل الدنيا فــــدوه الدمعـتك
البيها هــسه أوجايها أوماضيها
********************************************************************************************************

جينه والمدمع يكت كـت المــزن
نعـــثر أبشوغاتنه يـاأباالحـــسن
ألعمرك الخلّصته بهموم أومحن
شيعـــتك ثـــوب الحزن غاطيها
******
أبطيحـــتك گلب اليحبك ينفطر
لوعـة أمصابك تهشم بالصدر
موضلع أضلاع بـالهم تنكسر
غــير چــفك محـد أيـــداويها
*****
كل بني العباس بالغل ظلمتك
عاصرت حكام سبعه أبدنيتك
كلهم أغتصبو ربيــع أولايتك
الموش مـتوكل أشــد أعليها
*************************
أسـود ومايـنگلب ثـوب الحزن
أبأخذثارك سيدي يـظـل مرتهن
عين تربي ماطبگ جفن بجفن
أتـــاني حيّهُــم أبــنك أيـناديها
**********************************************************************
لخادم الأمام الهادي (ع)
الشاعركريم جبارالعطواني
ونسألكم الدعاء

لطمية لسيدي ومولاي الأمام علي الهادي (عليه السلام)

ســامره نكصدهابــحزن**لمصيــــــبتك ننـعه اونون
لمصيبتك ننعه اونون
@@@#@@@@@@#@@@##@ نــــتعنه ليك بــــغربتك@ وانهل دمعـــنه لمحنتك
طفوهابـالـــسم شمعتك @ واليـــوم اجتك شيعتك
كل خـــطوه تنعاك وتحن@ بكثر الدمع ندمي الجفن @ @ @ @ @ @ # @ @ @ # # # # @ @ @
مأتم عــزانه انـــجـدده@ ننــتظر هــــلت موعده
جيــنه بدمعنه انعاهـده @ بهمه لضريحك كاصده
ونـــعاتــب الليل اليـجن@بــــأرواح بالحب تنسحن @ @ @ @ @ @ @ @ @ @ @ @ @ @ @
بالآه والــــــهم والهـــضم@ والنوح والـــدك واللطم
تزحف مـــواكبنه بـــــعزم@ غصبن على اهل الظلم
ليّـــــك المـــواكب غـــربن@بــدمـــوع عالخد حدرن @ @ @ @ @ @ @ @ @ @ @ @ @ @ @



عشاگك بـــهذا الــزمــن@ تتعنه كبرك يل الحسن
تتحدى قانـــون الفـــتن@ ميهمنه ارهاب ومحــن
راياتنه بهمه اعتــــــنن ** فـــوگ المناير رفـرفن
@ @ @ @ # # @ # # # @ @ @ @ @ @ @
ياهظـــم مابعدك هظم @ حتى ابـمماتك تنظلم
بيا ذنب گبرك ينهدم @ يـل گبتك بعلو النجم
اعلومك عله الوادم علن@يتــوهجن نـور وضــون @ @ @ @ @ @ @ @ @ # # # # @ @
نواسي الرسول وعترته@ ودمعة المهدي وعبرته
هاليوم طلعت شيعته@ بلـسان يـهتف نــادته
وهالصوت بالسبعه يرن@ياســيدي بنوح وحزن @ @ @ @ @ # @ @ @ @ @ @ @ @ @
ونسألكم الدعاء.
اخوكم الشاعر كريم العطواني الواسطي

بسمه تعالى
لطمية الى مقام مولاتي فخر المخدرات زينب (عليها السلام)
(((سندس الجنة)))
دمعي بحزن يجري بالهم خلص عمري
مثل الجبل صبري اشما تـقسه يادهري
********************************
طبع الصبر بيه جبل * وأصبر بعد أكثر *لو حته اتمـرمـر * وبكلبي الــف خنجر
بت حيدره حيد الزلم*من شمرته أطباعي*ماتنلوي اذراعي*صاعين ارد صاعي
من أمي متعلمه أحتمل*وأشتــدعله الــشده*وبــصـبري أتحـده*لــوظالم أتعــده
أتـــسله بآلآمي وأعتب عله أيــامي
وأنــطريـطرفجريأشماتقسه يادهري
******************************************
يادهري سوي اشما ردت*خل تكثر اسهامك*هم تنكظي ايامك*لوطالت اعوامك
هامي يظـل فـوك النجم*والخـــدرنـومـاســــي*مادنكت راسي*لحد آخـرأنفاسي
من أسمي سموها الشمس*من شايف اخيالي*ثــاني شـبه مالي*والكمر كفالي
ماينــحــني هـــامي**كل عــمري وايــامي
ايشرف النجم خدري**اشما تقسه يادهري
*****************************************
هاي آنه قرآن الفجر*رب العرش حطني*لو رتلت وني *آياته يبـــــــجنـي
كل آية حجاب اوشرف*من أسمي تترتل*بغيري فلا تقبل*بحروفي تتسجل
طارف عباتي يشع ضوه*من سندس الجنه*ماينوجدمنه*خالقنه بيه خصنه
من قــــدرته الـباري** ميــزني بــأ نــــواري
تــظل لوخلص عمري**أشما تـقسه يادهري
******************************************

من مثلي عنده ابهالخلك*صيت أهله وأجداده*للباري عـباده*وللعـدل أمجـــــاده
جـدي الختـــم كـل الــرســل*ماكو نبي بــعده*ثا بت على عهده*لي شامته ضـده
جم سـوط بــمتونــي انطبع*لوحركت أخيامي*لومحنة ايتامي*لوذبحة الضامي
لو طيحة العيــنه**لا جــفه لا عـــينه
لله أشتكــي امــري**أشما تــقسه يادهري
*******************************************

لخادم اهل البيت عليهم السلام
الشاعر/كــريــم العـــطوانــي
ونسألكم الدعاء

لاتلوم العين لوصبت دمع**وصوتي بالون والبواچي ينسمع
من غاب ضي الگمر***شيفيد نور البصر
****
هــلّي يــاعيني دمعتچ من دمــــه
للبــچت لأجــله ملائــكة الـــــسمه
واســـي بــدمـوعچ مدامع فاطــمه
وأبــحرگـتچ ويــه زيــنب لاطــــمه
وأيـــدوم نــوحچ دهـــر** من غاب ضي الگمر
*********
يـــادمع ليــل أونهــارك لاتــجف
تجري بس دم أشگواتك ياصلف
ريتك أتـصب الفصوص أوتنتلف
عيني لوأعميچ لوأضوگ الحتف
من جــار حكم القدر** من غاب ضي الگمر
******
مــايــون الدوح مثلي لو نـحـت
ولاثكـله أو ذاهله أبعمري شفت
ذاب دلالي أو تگطع من رحــت
ويــــن يــاحادي الظعاين غربت
بجفاك ظهري أنكسر** من غاب ضي الگمر
*********
هــدمت حــيلي أو سبتني كربله
بــعـد لابــر اليــلمـكني أو فــلا
من شفت گاعچ أبـدمنه أمــبللّه
والأشــد آخر سهم من حــرملّه
أمن ألدين حز النحر من غاب ضي الگمر
*********
من بعــد عباس ماأريــد العــمر
ما أضوگ العذب بس ألهم صبر
ذلّـه يــاذلّتنه من رحنّــه أبـــيسر
عگب عينك يحدي بظعوني الشمر
بجفاك جـــار الــقدر** من غاب ضي الگمر
*******
بيازنــد ياعمي طحت أعله الثره
عــالوجـه لــن الزنـــود أمـــبتره
وأنته چفك چــــم شجاع الگنطره
تـشهد أعليها المـيمنه والميـسره
والگاع صارت جــمر** من غاب ضي الگمر
********************************
لخادم أهل البيت (ع)* الشاعر كريم جبّارالعطواني*
ونسألكم الدعاء

أبنارك أدري وأنته تدري أبناري
أبصدري وأبضلعك أثر بـسماري
يمه محسن ****يمه محسن
**************************************************
يبــني مكتوبه المنيه تنطبگ بــابي علـــيه
تعلّه ونتي**
صحت ياحامي الحميه** چتفك حبــــل الوصيه
عن نصرتي
أخـتنگ وأدفع بــديه العصرة عالحايط قويه
تهل عبرتي**
حيل ماظــل حيل بيه نفس گوه أيـــرد إلــيه
من محنتي**
بأيـــــد أدفــع أرد أردن بابي
وأيد أكظن يبني بيها أحجابي
أرويحتي أتحن**يمه محسن
*****************


معتني البابي أجاهه** گصته طايح مستحها
من گصدني
زلـم باطــل حشماها أگبال بــيتي جــمّعاها
أبغل دفعني**
حافيه أولذت أبوراها**روحي موت أتلاگفاها
ومارحمني
الگاع مطبوگه بسماها** عيني ضيعها ضواها
بچف سطرني

للقيامه أيظـل أثـرها أبعيني
أبيا وجه بالمحشر أيلاگيني
دايمه أبوّن يمه محسن
******

ياهي من گبلي ولــوهه بت نبي أوأم لأبـوهه
وهاشميه
بالورث مــا ورثـوهــه فــدك ظلام أغصبوهه
أبلا رعيه
أبلا شريعه أيحاسبوهه**المثلي بيش أيحاكموهه
الناصبيه
مـن بــواچيها أمنعوهه لــونعــت عافارگوهه
بكل مسيه**

حتى من گــبرالنــبي منـعوني
أبدار حزني أبلوعتي عافـوني
أشكتي ألمن يمه محسن
*****

مايــرد يـبني أمسنه نـورها غايـب شـمسنه
أشماشكينه
أثنينه الحسره حبسنهأبهيده ماينسمع حسنّه
لـــــوبچينه
حـــزن يامحسن ترسنه** ثياب من دمنه لبسنه
بـهل ضغينه
أبعتبة الـــدار أنتكسنه أنــگطع يبني نفـسنه
وأنتـــخينه

ريت أبوي أيشوف حالي وحالك
چالطم بأيده أعله صدره وشالك
أدموعي صبّن يمه محسن


زينب أتصدلي أبهضمها** جمريتلاهب إلمها
من دهرها
اليتـم أصبح سهمها أزغيره مايرحم يتمها
وماعــذرها
صارلونه أسودهدمها النوح معناه أبأسمها
كل عمرها
الدموع أبلون دمها زرگه شافت عين امها
يــــاصبرها**
عنها أضمن بيدي أثار الصگع
وآنه گلبي أموجر أبنار الجـمع
بروحي سلّن**يمه محسن
*********
لخادم الصديقة الطاهرة فاطمة الزهراء(ع)
الشاعر كريم جبارالعطواني

(مانفترگ) (فائزي)
يل ماتمرني بطيف**حيف والف ياحيف
ماأظن ترد**يل مبتعد** يل ماتمرني بطيف
************************************************************************
يل مابقت من ريحتك بس ذكرياتك
مثل النفس ما نفترگ چنه أبحياتك
خيط الشمس لون النده آيا صفاتك
بــلسم جـرح للمنذبح وأكبرغـلاتك
غايب يــماي العين
دربـك يوالي أمنين
عطرالورد**يل مبتعد**
يل ماتمرني بطيف


طـــعم الأمـــان أبغـيبتك مــاي وتبده
عطشانه تـربة كربله دمــك تگصده
ياهـــــوّه وأشتمك نفس ينگط مـوده
ياناس أصيحن وأنتخي أبني أشيرده
ياهو الأنشده أعليك
صوت أمــك أيناديك
تاه الرشد يل مبتعد
يل ماتمرني بطيف
*



ماتبقه چاره ولاعذر من يحكم البين
فرهدشملنه وطشره چن يطلب أبدين
أنشدقميصك وأسأله چاصاحبك وين
آخركلامي أبهالعمر يوليدي يحسين
جرحك كبر ماطاب
مـــو ردت الغـياب
أقره الحمد**يل مبتعد**
يل ماتمرني بطيف
*******


ضميتك أبعيني ضوّه لـوأظلم الشوف
يبست عطش وأتفطرت ماتنفع طيوف
شيخيط جروح العشگ يلحبك يروف
شديتك بأيدي علگ گدماشفت خوف
تهمل دموع الشوگ
مـاتحن حنّي الـنوگ
ياعلّه أشد** يل مبتعد**
يل ماتمرني بطيف
*******


طال السفر وبلا خبر گلبي أشيصبره
ذابحني بسيوفه الهجر موچنهاسفره
محتاجه منك شـوفتك لـو حتى نظره
بلكن يسويها الـقدر وأتــردلي مــره
بشفافي أضوگ الماي
وتـــطلع شمس دنياي
وهم أنسعد** يل مبتعد**
يل ماتمرني بطيف
*******
ياخذسلامي الكربله چم طير أوصيه مكتوبي بدموع الوفه گلبي أشكتّب بيه
بجنحك أمانه سلمت كل شوگي وديه
لمن تصل لمخيمه حب راسه وايديه
گلّه أمــك أتـــــانيك
بغالي النفس تفديك
لدربك تصد** يل مبتعد**
يل ماتمرني بطيف
*******************************
لخادم البنين,ع,
الشاعركريم العطواني
8جمادي الآخره1442هـ ونسألكم الدعاء

دمع الجفن مسفوح صبح أومسيه
أگضي العمر بالنوح ناصب عزيـه
وبخطة الميدان*عفت أهلي عالتربان*بالغاضريه
****
بعيوني شفت آنه العجب قران بالخيل أنسحگ
ومن كثردخان الخيم چن السمه أبگاع أنطبگ
أبدمع ناظر**أنه الباقر**تهل عيني
بلايه أخيام**جمر آلالام يچويني
أوچن الحبل مشدود بثنين اديــــــه
وبلوعة الآهات عماتي وسفه أتبات*بالغاضريه
************
مــرت علي سود المحن أبثالث ربيع من العمر
أصعب ظرف ياشيعتي من عمتي سباهه الشمر
ألف وسفه رفع چفه عله الحره
منو ايرده** جزه حده ومنوأيحگره
باچر وسافه أوحيف تطلع سبيه
لاحامي لاوليانفوگ الثره الخوان*بالغاضريه
*****
ماينوصف ليل أهدعش ليلة مصيبة أمروعه
ماغمضت لحظه أونمت شفت الأجسادأمگطعه
صهيل الخيل** يهد الحيل** أذا هّـدت
توّن عمّتي أونون إلها أذا ونّت
نامن عله التربان سكنه أورقيه
آل النبي الأطياب*أصبح غطاهه أتراب*بالغاضريه
*******
حياتي أوسلوة أسنيني گضت بالحرگه وأبلوعه
أبـوي اچفوفه مچتوفه أبــحبل وأطفال مفجوعه
يعمه يصيح** أخاف اتطيح** أخت ليه
الهزل تحدي انفطرچبدي يمسبيه
ماتـــــرحم الأنـذال من آل أُميه
أبنوح وهضم وأبآه*تتزايدالويلاه**بالغاضريه
******
يعم يامهدي شحچيلك وانه أبدلالي ألف حسره
مشيت ولليسرگاصد واشـوف أحسـين عالغبره
جسدمنحور**صدرمكسور** يرضونه
سلب خُنصر** بحقديبتر** يــگطعونه
أبلاغسل لاتكفين فوگ الوطيه
متوسدالتربان**وأنصاره والخوان**بالغاضريه
****
لخادم الباقر (ع) الشاعركريم العطواني **ونسألكم الدعاء

السلام عليكم ورحمة الله وبركاته،،
اخواني الاعزاء اللي يدخل بالقناة لايغادرها لأن وجودك بالقناة دعم كبير فلا تبخل بالبقاء معي،، اخوكم الشاعر الحسيني كريم العطواني