#ЯНГИЛИКЛАР2025
#ОЧИҚ_МУЛОҚОТ

✍️ Билим юрти мудири билан биринчи курсга қабул қилинган талабалар ўртасида очиқ мулоқот ташкил этилди.

➡️ Бугун, 22 сентябр куни “Кўкалдош” ўрта махсус ислом билим юртида билим юрти мудири, PhD. Маъмуржон Эркаев 2025-2026 ўқув йилида биринчи курсга қабул қилинган талабалар билан “Очиқ мулоқот” ўтказди. Ушбу тадбирда яна билим юртининг ўқув ишлари бўйича мудир ўринбосари Нодир Жалолов , Маънавий ва маърифий масалалари бўйича мудир ўрибосари Абдувоси Ғаниев ҳамда курс раҳбарлари иштирок этишди.

🌐 БАТАФСИЛ ЎҚИШ УЧУН: https://kukaldosh.uz/22/09/2025/15496

✍️«Кўкалдош» ЎМИБЮ Матбуот хизмати

🔵 @kukaldoshuz – diniy-ma'rifiy kanal!
📲  Rasmiy sahifalarimiz:
taplink.cc/kukaldoshuz

#Yangiliklar2025

✔️“Islom ensiklopediyasi”ning 1–3 jildlari taqdimoti bo‘lib o‘tdi

➡️ 2025-yil 20-sentabr kuni Imom Buxoriy nomidagi Toshkent islom institutida “Islom ensiklopediyasi”ning dastlabki 1–3 jildlariga bag‘ishlangan taqdimot marosimi bo‘lib o‘tdi.

➡️Mazkur nufuzli tadbirda yetuk islomshunos olimlar, diniy-ma’rifiy ta’lim muassasalari vakillari, professor-o‘qituvchilar va talaba-yoshlar ishtirok etdi.

➡️Tadbirni Imom Buxoriy nomidagi Toshkent islom instituti rektori, falsafa fanlari doktori U. G‘ofurov ochib berdi. O‘z so‘zida u “Islom ensiklopediyasi”ning yaratilishi O‘zbekiston ilmiy-diniy jamoatchiligi uchun katta voqea ekani, bu nashr mamlakatimizda islomshunoslik sohasining ilmiy asosda rivojlanishiga xizmat qilayotganini ta’kidladi.

➡️Shuningdek, taqdimotda O‘zbekiston xalqaro islomshunoslik akademiyasi huzuridagi “Islom ensiklopediyasi” bo‘limi mudiri, iqtisodiyot fanlari doktori, akademik N. To‘xliyev so‘zga chiqib, mazkur jildlarning yaratilish jarayoni, ilmiy-tadqiqot yondashuvlari, manbaviy asoslar va nashr etish bosqichlari haqida batafsil ma’lumot berdi. U ensiklopediya islomiy ilm-fan, tarix, falsafa, huquq, madaniyat va boshqa sohalarni o‘z ichiga olgan keng qamrovli ilmiy loyiha ekanini alohida qayd etdi.

➡️Tadbir doirasida Ko‘kaldosh o‘rta maxsus islom ta’lim muassasasi mudiri, islomshunoslik fanlari bo‘yicha falsafa doktori (PhD) M. Erkayev “Islom dini insonparvarlik g‘oyalarni tarqatishda ‘Islom ensiklopediyasi’ning ahamiyati” mavzusida ma’ruza qildi. Unda u islom dinining bag‘rikenglik, adolat va insonparvarlik tamoyillarini keng jamoatchilikka yetkazishda ensiklopedik nashrlarning ilmiy va ma’rifiy o‘rni, ayniqsa yosh avlod tarbiyasidagi ta’siri haqida so‘z yuritdi.

➡️Taqdimot yakunida ishtirokchilar o‘z fikr-mulohazalari va takliflari bilan o‘rtoqlashib, “Islom ensiklopediyasi” loyihasining keyingi jildlarini nashrga tayyorlash jarayonlariga ham ilmiy va metodik ko‘mak ko‘rsatishga tayyor ekanliklarini bildirishdi.
Mazkur ensiklopediya diniy-ma’rifiy sohaga qiziquvchilar, talabalar, ilmiy izlanuvchilar hamda keng kitobxonlar ommasi uchun muhim qo‘llanma bo‘lib xizmat qilishi shubhasiz.

✍️Ko'kaldosh o'rta maxsus islom bilim yurti Ma'naviy va ma'rifiy ishlari boʻyicha mudir oʻrinbosari
A.GʻANIYEV

🔵 @kukaldoshuz – diniy-ma'rifiy kanal!
📲  Rasmiy sahifalarimiz:
taplink.cc/kukaldoshuz