#xabar #muftiy #andijon
🌙 МУФТИЙ ҲАЗРАТЛАРИ АНДИЖОН САФАРИНИ ИЛМ МАСКАНИДАН БОШЛАДИЛАР

📍 Андижон вилоятида бўлиб ўтаётган илмий-амалий семинарда иштирок этиш учун борган Ўзбекистон мусулмонлари идораси раиси, муфтий Шайх Нуриддин Холиқназар ҳазратлари сафарини бугун, 7 октябр куни ўзлари таълим олган Асака туманидаги 53-ўрта умумтаълим мактабига ташрифдан бошладилар.

🌙 Муфтий ҳазратлари устоз ва мураббийларни яқинда ўтган касб байрамлари билан қутлар экан, муаллим бўлишдек шарафли касб эгаларига эҳтироми жуда баланд эканини изҳор этиб, жумладан, бундай дедилар:

💬 “Дарҳақиқат, ўзгаларга илму маърифат зиёсини тарқатиш бениҳоя улуғ ва савобли амал. Бу вазифага мутасадди бўлган кишининг даражаси ҳам мислсиздир. Шунинг учун ҳам борлиқдаги ҳамма нарса устозларнинг ҳаққига дуо қилиб туради. Расулуллоҳ соллаллоҳу алайҳи ва саллам бундай марҳамат қилганлар: “Албатта, Аллоҳ таоло, Унинг фаришталари, осмонлару ер аҳли, ҳатто инидаги чумоли ва ҳаттоки балиқлар ҳам одамларга яхшиликни таълим берувчига салавот айтадилар” (Имом Термизий ривояти).

💬 Шунингдек, ўқувчиларга илм-маърифатнинг фойдалари ҳақида сўзлаб, динимизда таълим олишга кучли тарғиб қилингани, илм инсонни комил даражага етказиб, икки дунёда ҳам азиз ва иззатли қиладиган катта инъомлиги, шундай экан, муҳтарам Юртбошимиз томонидан яратиб берилаётган бугунги имкониятлардан тўла фойдаланган ҳолда замонавий илмларни ҳам пухта ўзлаштириш лозимлигини таъкидладилар.

🎁 Таълим масканига синфхоналар учун
🪑 янги дарс стол-стуллари,
🖼 30 та доска,
💻10 та ноутбук,
📚500 та китоблар жамланмаси ҳадя қилинди.

🗣Ташриф ва ҳадялардан мактаб маъмурияти, ўқитувчи ва ўқувчилар жуда мамнун бўлиб, миннатдорлик билдиришди.

✅ Ўзбекистон мусулмонлари идораси
Матбуот хизмати

🌐 MUSLIM.UZ GA 📲 OBUNA BO'LING ✅ VA ULASHING🗣

▶️ YouTube | 📷Instagram | 🔵 Facebook

#Yangiliklar

“Qur’oni karim va tajvid” o‘quv kursining navbatdagi 64-davra mashg‘ulotlari boshlandi

«Qur’oni karim va tajvid» o‘quv kursining navbatdagi 64-davra mashg‘ulotlarini boshladi.

Yig‘ilishda “Ko‘kaldosh” o‘rta maxsus islom bilim yurti «Ma’naviy ishlar bo‘yicha» mudir o‘rinbosari Abdulvosi G‘aniyev,“Qur’oni karim va tajvid” o‘quv kursi ustozlari Bolbekov Botir va Jamalov Lutfullo qatnashdi.

«Ma’naviy ishlar bo‘yicha» mudir o‘rinbosari Abdulvosi G‘aniyev so‘zga chiqib noqonuniy diniy ta’lim olish va berishning qonun tomonidan taqiqlanganligi va qanday oqibatlarga olib kelishi, bugungi kunda O‘zbekistonda davlat va din munosabatlari, diniy islohotlarning jadal sur’atlarda rivojlanayotgani va boshqa masalalarga alohida to‘xtalib o‘tdi.

🖋 J. Ismatov, «Ko‘kaldosh» o‘rta maxsus islom bilim yurti «Qur’on karim va tajvid» o‘quv kursi uslubchisi


🌐 BATAFSIL O'QISH UCHUN: https://kukaldosh.uz/07/10/2025/15577

🔵 @kukaldoshuz – diniy-ma'rifiy kanal!
📲  Rasmiy sahifalarimiz:
taplink.cc/kukaldoshuz

"Bir jamoa – bir maqsad, g‘alaba sari harakat!"

Kecha, 6-oktyabr kuni "Ko‘kaldosh" o‘rta maxsus islom bilim yurtida talabalar o‘rtasida "Bir jamoa – bir maqsad, g‘alaba sari harakat!" shiori ostida futbol bo‘yicha guruhlararo musobaqa boshlandi. Ushbu sport tadbiri bilim yurtidagi talabalarning jismoniy faolligini oshirish va o‘zaro do‘stona munosabatlarni kuchaytirish maqsadida tashkil etilgan.

Musobaqa ilk kunidanoq talabalar va ustozlar e’tiborini tortib, bugunga kelib qizg‘in pallaga kirdi. Har bir jamoa g‘alaba uchun kurashar ekan, maydonda nafaqat sport texnikasi, balki jamoaviy ruh, hurmat va birdamlik kabi qadriyatlar ham namoyon bo‘lmoqda.

©️ Abdusattoriy Abdulloh
"Ko‘kaldosh" O‘MIBY Yoshlar bilan ishlash, ma’naviyat va ma’rifat bo‘limi xodimi

🔵 @kukaldoshuz – diniy-ma'rifiy kanal!
📲  Rasmiy sahifalarimiz:
taplink.cc/kukaldoshuz