#Yangiliklar

Bilim yurti mudiri bilan uchinchi kurs talabalari ishtirokida ochiq muloqot tashkil etildi.

“Ko‘kaldosh” o‘rta maxsus islom bilim yurti mudiri, islomshunoslik fanlari bo‘yicha falsafa doktori (PhD) Ma’murjon domla Erkayev tashabbusi bilan bilim yurtining uchinchi bosqich talabalari ishtirokida ochiq muloqot tashkil etildi.

Tadbirda ma’naviy-ma’rifiy ishlar bo‘yicha mudir o‘rinbosari A. G‘aniyev, o‘quv ishlari bo‘yicha mudir o‘rinbosari N. Jalolov, guruh rahbarlari, pedagog xodimlar hamda talaba-yoshlar qatnashdilar.

Uchrashuvdan ko‘zlangan asosiy maqsad – talabalar bilan o‘tgan o‘quv yilidagi fanlarbo‘yicha o‘zlashtirish darajalarini muhokama qilish, erishilgan yutuqlar va yo‘l qo‘yilgan kamchiliklarni tahlil etish, yangi o‘quv yilida qo‘yilgan maqsadlar sari qanday yondashuv bilan harakat qilish kerakligini belgilab olishdan iborat bo‘ldi.

Muloqot chog‘ida Ma’murjon domla Erkayev talabalarni ilmiy izlanishda sobit qadamlikka, mehnat sevarlik va intizomga da’vat etdi. U o‘z nutqida vaqtni to‘g‘ri rejalashtirish, har bir kunni samarali o‘tkazish, dars jarayonlarida faolishtirok etish zarurligini alohida urg‘uladi. Shuningdek, u har bir talaba o‘zoldiga aniq maqsad qo‘yishi, bilim olishda mas’uliyatli bo‘lishi va doimiy o‘zustida ishlashi kerakligini ta’kidladi.

Tadbir davomida talabalar o‘z fikr va mulohazalari bilan faol ishtirok etdilar. Savol-javoblar, o‘zaro suhbatlar orqali ochiq vasamimiy muloqot muhiti yuzaga keldi. Bu esa talabalar uchun ham, ustozlar uchun ham foydali bo‘ldi.Yig‘ilish yakunida yurtimiz kelajagi, millatimiz ma’naviy kamoloti va xalqimiz taraqqiyotiga o‘z hissasini qo‘shadigan bilimli, yetuk va fidoyi mutaxassislar bo‘lib yetishishlari uchun ezgu tilaklar bildirildi.

Tadbir yakunida talabalar uchun duolar qilinib, ularga ilm yo‘lida zafarlar tilandi.

©️ Abdulloh Abdusattoriy
“Ko’kaldosh” O’MIBY Yoshlar bilan ishlash, ma’naviyat va ma’rifat bo’limi xodimi

🔵  @kukaldoshuz – diniy-ma'rifiy kanal!
📲  Rasmiy sahifalarimiz:
taplink.cc/kukaldoshuz

KO'KALDOSH O'RTA MAXSUS ISLOM BILIM YURTI TALABASI XALQARO QUR’ON MUSOBAQASIGA JO’NAB KETDI

2025-yil oktabr oyida Qozog’iston davlatida 2-Xalqaro Qur’on musobaqasi bo’lib o’tadi.

Mazkur musobaqada ishtirok etish uchun “Ko'kaldosh” O’MITM talabasi Muhammadamin qori Ahmadxo’jayev Qozog’istonga jo’nab ketdi.

Muhammadamin qori ushbu xalqaro musobaqa oldidan Shayx Alijon qori Fayzulloh Maxdum hamda Burhoniddin Ahmedovdan kerakli tavsiya va ko’rsatmalarni tinglab, Ustozlarimizning duoi xayrlarini oldi.

Alloh taolo yurtimiz sha’nini himoya qilayotgan Muhammadamin qoriga ulkan zafarlar va muvaffaqiyatlar ato qilsin!

🔵  @kukaldoshuz – diniy-ma'rifiy kanal!
📲  Rasmiy sahifalarimiz:
taplink.cc/kukaldoshuz

#Yangiliklar

Bilim yurtida fiqh, usulul fiqh va meros ilmi fanlari o‘qituvchilari ishtirokida ochiq muloqot

“Ko‘kaldosh” o‘rta maxsus islom bilim yurti mudiri, islomshunoslik fanlari bo‘yicha falsafa doktori (PhD) Ma’murjon domla Erkayev bilan bilim yurtining fiqh, usulul fiqh va meros ilmi fanlari o‘qituvchilari ishtirokida ochiq muloqot tashkil etildi.

Uchrashuvdan ko‘zlangan asosiy maqsad – talabalarning mazkur fanlarni o‘zlashtirish darajalarini muhokama qilish, erishilgan yutuqlar va yo‘l qo‘yilgan kamchiliklarni tahlil etish, yangi o‘quv yilida qo‘yilgan maqsadlar sari qanday yondashuv bilan harakat qilish kerakligini belgilab olishdan iborat bo‘ldi.

Muloqot chog‘ida Ma’murjon domla Erkayev ustozlarni ilmiy izlanishda sobit qadamlikka, mehnat sevarlik va intizomga da’vat etdi. Hamda ta’lim berishda mas’uliyatli bo‘lish va doimiy o‘z ustida ishlash kerakligini ta’kidladi.

Tadbir davomida ustozlar o‘z fikr, mulohazalari va takliflarini bildirdilar. Yig‘ilish yakunida yurtimiz kelajagi, millatimiz ma’naviy kamoloti va xalqimiz taraqqiyotiga o‘z hissasini qo‘shadigan bilimli, yetuk va fidoyi mutaxassislar tayyorlash va tarbiyalashda kuch quvvat so‘rab, ezgu tilaklar bildirildi.

©️ Farhod Asatullayev
“Ko’kaldosh” O’MIBY O'quv-uslubiy bo'lim boshlig'i

🔵  @kukaldoshuz – diniy-ma'rifiy kanal!
📲  Rasmiy sahifalarimiz:
taplink.cc/kukaldoshuz