Qamchiq dovonining eng yuqori nuqtasida joylashgan o‘sha afsonaviy burgut haykali oldiga zipline va piyodalar uchun ko‘prik qurib qo‘yishibdi. Qachon ishga tushganidan xabarim yo‘q, bugun birinchi bor ko‘rdim. Qiziqib ko‘prikka chiqdim — qattiqroq silkinayotgani sezildi, ozroq qo‘rquv bo‘ldi. Faqat ko‘prikka o‘rnatilgan yog‘och taxtalar ko‘ngilda bir oz shubha uyg‘otadi: bir-ikki mavsumiy yomg‘irdan keyin mo‘rtlashib qolmasmikan, degan xavotir bor.

Odam ko‘p, haykal atrofi ancha jonlangan. Bu zo'r. Biroq, afsuski, tozalik jiddiy darajada buzilgan. Aksar joylarda chiqindilar to‘planib qolgan, ayrim fuqarolar esa plastik idishlarni jarlikka uloqtirmoqda. Hojatxonaning holati esa mutlaqo talabga javob bermaydi — judayam iflos, navbat haddan tashqari uzun. Odam ko‘paygani sayin tozalikka oid butun tizim ishlamay qolgan. Shu sababli, mazkur hudud uchun mas’ul bo‘lgan mutasaddilar tozalik va tartib masalalariga jiddiy e’tibor qaratishlari kerakdek tuyildi. Umuman olganda yaxshi)

@lazizhamidov

Aytgancha, shu yil Milanga borgan edim. Italiyada pullik yo‘lda meni chiptamni qabul qilmay, jarima yozishgan. Aytganki (avtomat), sen shu yo‘lga kirishda avtomatdan chipta olmagansan. Men esa chipta olganman, qo‘limda turibdi, deb operatorga qo‘ng‘iroq qilganman — lekin ingliz tilini tushunmagan.

So'ng mehmonxonaga kelib, "Autostrade per l’Italia"ga xat yozganman. Javob kelmagach yana o'sha pulli yo'l xodimlariga borib, vaziyatni tushuntirganman. "Ba’zan shunaqa bo‘lib turadi, e’tibor berma", deyishgan.))

Xatimni quyida keltiryapman, balki sizga ham qiziq bo‘lar 😅

Mavzu:

To‘lov noto‘g‘ri hisoblangan — 5063447386 raqamli to‘lanmagan yo‘l haqi uchun murojaat

Xat matni:

Hurmatli “Autostrade per l’Italia” xodimlari,

Men sizlarga 2025-yil 13-aprelda Milano Est to‘lov punktida berilgan 5063447386 raqamli to‘lanmagan yo‘l haqi chiptasi bo‘yicha murojaat qilmoqdaman. Mazkur chipta uchun €81,30 miqdorida to‘lov belgilangan.

Men Soave (A4 yo‘li) punktidan avtomagistralga kirganimda, chipta olganman va u hali ham qo‘limda mavjud. Afsuski, chiqishdagi avtomat tizim bu chiptani o‘qiy olmadi va “kirish aniqlanmagan” deb ko‘rsatdi, shuning uchun tizim maksimal narxni avtomatik hisoblab chiqardi.

Shuni ta’kidlamoqchimanki, bu holat mening xatoyim emas, balki tizimdagi texnik nosozlik tufayli yuzaga kelgan.

Ilova qilaman:
• Soave punktida olingan kirish chiptasining fotosurati
• Milano Estda berilgan to‘lanmagan yo‘l haqi chiptasi (mancato pagamento)

Hurmat bilan so‘rayman — haqiqiy bosib o‘tilgan yo‘l (Soave – Milano Est) asosida to‘lov miqdorini qayta hisoblab, to‘g‘ri narx bilan qanday to‘lashim mumkinligini bildirishingizni so‘rayman.

Javobingizni kutaman.

Albatta xatni italyan tilida yuborganman 😅

@lazizhamidov

Abdurahmon Fazilovning aytishicha, bugungi O‘zbekiston-Qatar uchrashuvi uchun “qo‘lda” soxta biletlar sotilmoqda ekan. Ehtiyot bo‘linglar!

@lazizhamidov