#قصة دكتورة هديل ، نشرتا هي بنفسها في قروب على الفيس بوك ...

بتقول فيها :

السلام عليكم 🌸
أتمنى تكونو بخير😍
انا هديل محمد بقرا سنة خامسة طب الخرطوم
كان عندنا مشكلة قبول بسبب إننا شهادة عربية وفصلونا من الجامعة ٤٠ يوم
الحاجة دي عقدتني نفسياً ودخلت الجامعة كارهة السودان والداخلية وكل الناس😔 لحدي ثالثة ما كنت بقدر أتكلم أو أتواصل مع دفعتي ... وفي يوم حضرت مؤتمر جمعية النساء والتوليد المقام في نادي الشرطة سنوياً... قدمت فيهو سنيرتي بحثها وكانت أفضل متحدث 💖🌸
من يومها فكرت إنه لازم يكون عندي بصمة✨
انا ما أقل من أي زول وحأقدر أكسر عقدة التواصل 😭
كنت بدعي كتير كتير في كل سجود
عديل بقول يارب أبقى زولة نافعة أو رهيبة😂
المريح في الدعاء ما إلا تتكلف وتشرح
ربنا عارف كل الجواك بس انت قول يارب💖🌹
الحمدلله عدت الأيام وجاء وقت البحث ... اخترت مجال العقم لأني بحب الأوبس بس أغلبية الناس حطموني إلا من رحم ربي💔 ... أكبر استشاري عقم في الخرطوم قالي بحثك دا كلام فارغ ولا مستوى جامعة الخرطوم وانتِ بتضيعي في زمنك😔😭💔 دخلت في Depression لكن بجواي بقول لا أنا لازم أحاول 😭🌸
والحمدلله قدرت وعملت بحثي البحلم بيهو💖
Psychological problems associated with failed assisted reproductive technologies
المشاكل النفسية المتعلقة بفشل مساعدة الإنجاب أو أطفال الأنابيب ... لأني شفت وحدة بتبكي ووقعت في الأرض بسبب انه العملية فشلت للمرة الثالثة☹

وباقي حلم المؤتمر أقيف قدام الناس وأتكلم 🌹
بس الفترة ديك أبوي ما كان شغال💔وكانت صعبة أطلب منه تكاليف السفر .. بعد قنعت وقلت أخليه ... في دكتور دفعها لي😭💖 I got funded
وقدمت بحثي في مؤتمر عن صحة المرأة في أبو ظبي😍لا وكمان نشرته😍💖
http://www.scivisionpub.com/previous-display.php?journal=svmcr&&v=3&&i=2&&y=2019&&m=June
حكون مبسوطة لو شفتوه❤
والحمدلله هسي مقدمة لي دعوة أقدمه في مؤتمر ال COGI في باريس
The World Congress on Controversies in Obstetrics, Gynecology & Infertility
ما عارفة حأمشي ولا لأ😅💖 دعواتكم
Finally 🌹
You're winning each day you don't give up and you make it through to the next ❤✨
The only one who can limit your ability is you
So make your limit the sky ☁️❤
ما تسمع كلام المحبطين بالذات روحك🙂
انت بس اجتهد وأسعى وربنا بسير ليك الدنيا والأقدار لما تحقق مناك💪🏼

عايز تنجح صح؟
الإجابة للأسف أكيد نعم!

أسف 🙄 ! أكيد بتسأل نفسك ليه للأسف صح ؟ لا مش صح دا أكيد

#أقول ليك الأسف ليه؟

ليه ما تقول عايز أتفوق؟ أتميز؟

كتيرة عليك؟ ؟

لا ما كتيرة طبعا وإنت عندك الإمكانيات إنك تعمل كدا حتى لو إمكانيات ضعيفة بس في 🙃 يبقى لما تتسئل سواء من نفسك أو من حد تاني قول أنا عايز أتفوق .. أتميز في مجالي كدا ...
حينط ليك واحد حيضحك عليك وبستهتر وأبسط كلمة ممكن يقولها ليك جد؟ ؟ إنت جاد قوم لف ياخ 😏
إنت حتعمل شنو ساعتا تمشي تبكي وتعيش دور بطل في الفلم الحزين ولا حتقعد تناقشو وتخت راسك براسو؟ ؟

أقول ليك تعمل شنو 🙃
لا حتمشي تبكي وتعيش دور البطل الحزين وتشربك الحكايات وبدل ما كانت قراية قلبت نفسيات ولا حتقعد تتناقش معاهو عشان تضيع وقتك وبدون فايدة!

#اها ياخ اعمل شنو مش ؟ ؟

شوف مش هو بتكلم عاين ليهو كدا و خليك مبحلق فيهو لغاية ما يخلص لكن في سرك أي كلمة يقولها ليك انت قول عكسها وبدون ما يسمع هو زاتو ... وبعد ما يخلص قول ليهو طيب تمام لكن قبل ما تقوم كلامو دا خلي ليهو في حتة قالو و قوم لف 🙂 اي قوم لف لكن على وين على هدفك لأنو أصلا المفروض انحنا ما بنفكر في حاجة غير أهدافنا في اللحظة ديك ودايما خليك طول ما أنا عايز أصل حأصل‏ ، لأنو أنا عايز أصل 💪🕊 💜

لا مستحيل عندما تتوفر قوة الإرادة ...💜

#عهــــد_فتح الله

حأقرا الليلة 📚🤓

#اها.... بتبلحلق كدا ليه؟ ؟ الليلة دي أمبارح ولا الليلة الليلة ؟؟

لا الليلة 🙄

# ما تقرا طيب؟ ؟🤨

بس شوية كدا 😬

متين يعني؟ ؟ 🤨

بعدين كدا 😅

#العشاء أذن 🙂
على فكرة بعدين جات 😒

🤓خلاص حأقرا بكرة 🤭

#وبكرة بقت بعد بكرة وبعد بكرة بقى حيبقى اول يوم في 2090 🤨

#إنه ... التسويف! !!

السؤال المنطقي بقى انت في الأيام الكنت بتأخر فيها وبتوعد في نفسك كنت بتعمل في شي مهم ؟ ؟ هل يستحق إنو إنت تقدمو على مستقبلك؟ ؟؟

حتقول اي .. لا .. ايلا ماعارف 🤭

طبعا ما عندك إجابة
حررت فلسطين؟ ؟
زرت القمر ولا اكتشفت كوكب جديد؟ ؟
حليت الأزمة الإقتصادية العالمية طيب؟ ؟
حفظت المصحف؟ ؟؟
مش لا؟ ؟؟ يبقى ما كنت بتعمل في حاجات مش مهمة يا معلم 🙂🙂

#طيب في واحد حيقول لي يمكن كان عندي ظروف 🙁

تعال هنا ظروفك دي لي ما منعتك تكون حاضن تلفونك طول اليوم؟ ؟ لي ما منعتك تخش الفيس بوك أو تويتر مثلا ؟؟ ليه ما منعتك تنوم طول اليوم؟ ؟؟ 🤨

لو ماعندك إجابة وأكيد ما حيكون عندك يبقى يفتح الله وشماعة الظروف دي أركنها جمب دولابك وما تلزمناش زي ما بقولو 🙂


#فيبقى بطل تكذب على نفسك وتديها وعود كاذبة مرة واحد أبقى صادق قدر كلامك 🙂

#عــهـــد_فتح الله

ردد دائما ...
انا معجزة ..
انا استطيع ..سأحقق حلمي ... سأنجح مهما كانت الظروف وكيف ما كانت اني سأنجح بأذن ربي ....
تعلم دائما ان تتعامل مع موقف بإيجابية مهما كان الموقف الذي تواجهه وتذكر قول الرب جل جلاله .. 《 وعسى وان تكرهوا شيء وهو خيرا لكم 》 ... 🌜♥
# انتي/ انت تستطيع ...💔🌟

‏سيأتيك حُلمك من حيث لا تعلم، كدعوة قلتها ونسيتها فخبأها الله لك حتى يحين موعدها.

لا يمكنك أن تصب شيئاً من قدحٍ فارغ!
اعتنِ بنفسك أولاً ... 💜

ـــــــــــــــــــــــ❀•▣🎀▣•❀ـــــــــــ

العبارة الفوق دي ما مجرد كلام ساي أو خاطرة تصفقو ليها أبدا ، العبارة دي معناها خطير جدا وبهمك 🙃👌

🌀يهمني في شنو صح؟ ؟

بكلامنا كدا العبارة دي يعني ما بتقدر تكب شي من ولا شي 🙂

🌀 اي برضو ما مفهمت؟ ؟

في كتير بتلقاهم ما شاء الله هالكين نفسهم ومجتهدين وأي شي لكن لمن يجي الوقت المفروض يقدمو فيهو ثمرة إجتهادهم وتعبهم ، وين 😮 ...بح 🙂💔

أي ما في شي الحاجات الكنا بتتعب فيها دي ومركزين مجهودنا فيها بنخزنها وين؟ ؟ عند جيراننا ؟ عند أصحابنا في الحلة الوارنا ولا وين ؟ ؟
مش عندنا ؟ ؟؟؟
نحنا وين؟ ؟

طول ما نحنا ماشين في حياتنا وما عاملين حساب لنفسنا نفسيا وجسديا ودينيا وفكريا وصحيا وأي منحنى في حياتنا ما حنلقى شي في النهاية 😐

🚫فلازم نعمل حسابنا يلي مقضينها مشي بالشوراع وتوزيع في الزمن عشان ما عندهم شي يعملوه !
🚫يلي مقضينها مسلسلات وأفلام عشان يتثقف قال !
🚫يلي مقضينها أكل وهم عارفين إنو بضرهم وبرضو مصرين عليهو!
🚫يلي مقضينها نفسيات ويعلقو غلطاتهم على الظروف وعايشين الدور الحزين واكتئاب وما تعرف شنو !


🌀ف .. إعتني بنفسك كويس خالص ، عشان تكتفي ذاتيا وتقدر تنجز في حياتك وتفيد الحولك، وتذكر نفسك دي أكتر شخص ممكن يوصلك لحلمك ويدعمك هو إنت وأكتر شخص ممكن يوديك ورا الشمس برضو إنت فشنو ركز عليك 👌 💜


#عـهــــد_فتح الله 🔏

♻أسئلة المشاركين ♻

سلام عليكم ورحمة الله
انا عندي مشكلة في القراية وماعارفه اعمل شنو عشان احلها بتمنى تجدعيني بنصيحة يلا انا بقرأ والكلام البقراهو دائما بحسو ناقص ومابخش راسي يعني زي الفي حاجه اساسية ناقصة مخلية الفهم مايقع لي فبقوم بحفظ الكلام وبمتحن فيهو ومجرد ماانتهيت الامتحان الكلام كلو بتلاشى دراستنا نظام كورسات هسي حاسه اني الكورسات الاخدتها كلها ماموجودة وماقادرة استحضر اي شي من القريتو بالجد الحاجه دي متعباني شديد وحاسه اني م ح انفع ل شي اذا مامتزكره الاخدتو كيف بعدين ح اشتغل 😭اناعايزه اقرا الحاجه وماانساها اناعارفه انو النسيان طبيعة لكن ماللدرجة دي يعني مثلا بكون كورس امتحنتو لمن نجي للكورس البعدو لو لاقتني حاجه من الكورس الفات مابتزكرا بنفس المستوى الانا عايزا .
بتمنى تفهمي حالتي دي وتقدري وتساعديني

وعليكم السلام ورحمة الله وبركاته ... 💜

🌀النسيان حاجة طبيعية جدا ، خاصة إنك ما قاعدة تحاولي تذكري نفسك ..

🌀في عندك ذاكرتين ذاكرة طويلة المدى وذاكرة قصيرة المدى 🙃
🌀الطويلة المدى أو دائمة من إسمها بتخزن لفترة أطول بالسنين والحاجات البتتكرر كل يوم معاك مثلا من صغيرة بينهدو عليك باسمك فإسمك خلاص اتخزن هناك فكل ما تسمعي إسمك حيكون في تجاوب وعمرك ما حتنسي اسمك 😊

🌀قصيرة المدى أو مؤقتة من إسمها بتخزن لمدة أقصر بتحفظ لثواني، دقايق ،ساعات زي الكورس الانتي أخدتيهو جديد وإمتحنتي فيه وخلاص بح نسيتيهو ! ليه نسيتيهو عشان خزنتيهو هنا في المؤقتة وما حولتيهو للدائمة والمؤقتة بتمسح على طول عشان تستقبل معلومات جديدة تانية ...

🌀طيب والحل؟
الحل لما تدخلي معلومة جديدة قولي لمخك إمسك دي بس خزنها في الذاكرة الدايمة عشان حأحتاج ليها 🙃

نقول ليهو كيف ؟؟
🌀بالتكرار 🙃
أيوة الموضوع أبسط من بسيط بالتكرار
🌀لما ناخد معلومة جديدة ، نعد ساعتين ونقراها تاني، أربع ساعات تاني نقراها، 6 ساعات كمان تتذكرها نعدي اليوم نقوم الصباح تاني نمر عليها في الإسبوع حنكون مرينا عليها كم مرة نعدي اسبوع وتاني نتذكرها وكدا حتمشي للذاكرة الدائمة ...

.🌀عشان تاخدي كورس جديد لازم تحتفظي بالقديم ولا كيف؟

كل مرة خصصي وقت في كل يوم عشان ترجعي تتذكري القديم 😊💜


#كسرة ...

التكرار... وصفة سحرية لحاجات كتيرة 💜
لو عندك حاجة عايزة تتذكريها أو عادة عايزة تكتسبيها لو كل يوم قعدتي ربع ساعة في إسبوع بس حتلاحظي الفرق 💜😊

#عـهــــد_فتح الله 🔏

#التفاؤل ...

ودي اكتر كلمة بنفهمها غلط واكتر كلمة بنفسرها غلط ....
مفهومنا لتفاؤل ان ما نحزن ان ما نزعل ان ما نفشل ان علي طول يكون منظورنا نحو النجاح وعدم الفشل وعدم الحزن ....
طيب التفاؤل التفسير الصخ ليه ...
ان نتفائل ده شي جميل بس التفاؤل ما كل شي اذا داير تنجح تفاؤلك بالنجاح ما كل شي لازم يكون فيه عمل وشغلل وجهد ...
تفاؤلك نحو الوصول لتقطه معينة شي جميل بس للمن تسقط ده ما بيعني انك ما متفائل لان التفاؤل ما حايمنعك من السقوط والفشل وانت لازم تفشل وتسقط علشان لمكانك بس التفاؤل انك تعتبر كل شي بيحدث لليك عبارة عن وسيلة للوصول لغايتك ...
التفاؤل ماحايحميك من الواقع بس حايديك قوة علشان تعيش مع الواقع ووتعرف تتصرف كويس علشان تصل لهدفك...
اذا التفاؤل عببارة عن وسيلة مساعدة للوصول لاهدافنا ..
لمن نتفائل ببيئتنا ما بيعني نغض النظر ععن مشاكلها لان لو غضضنا النظر كدا ماحليا شي التفاؤل بيرغمنا نستفيد من كدا وونحاول نحسسس من االبيئة التفاؤل عبارة عن دافع للينا للوصول لهدفنا مهما فشلنا لان في ططريق النجاح لابد من الفشل 💜

#منقول_بحب 💜💜

عشان تنجنح أول شي لازم تكون مؤمن بكدا 💜
الموضوع دا ما كلام ساي أو خيال أو كدا لا دا إعتقاد ... والاعتقاد دا مش بيكون في القلب؟
مش إنت بتؤمن بكلام ربنا ! شوف ربنا قال ليك شنو ...
"ومن صدق بالحسنى فسنيسره لليسرى"
لما تصدق بإنك حتنجح وبإنو ربنا كاتب ليك الخير وإنك حتصل ربنا وعدك إنو حيسهل ليك، في أصدق من وعد ربنا ! مافي ..
وللناس البتقول ليك صعب ومستحيل وإنت بستمع كلامهم! ليه تسمع؟
طيب إسمع ربنا قال ليك شنو: "كلا إني معي ربي سيهدين "
وكأنو بقول ليك أنت اجتهد واسعى وأنا معاك ما تخاف ! في حاجة تطمنك أكتر كدا ؟ برضو ماف!

#صدق إنك حتنجح واجتهد في كدا وربنا معاك حيسهلها عليك ويجازيك على قدر اجتهادك 💜💜

#عهد_فتح الله 🔏

التفكير الداخلي هو محور قوتك فما تشتت انتباهك في محاولات ما حتستفيد منها شي اذا عايز تحاول حاول في نفسك وركز في العندك واتحكم فيهو وخلي باقي الكرة الأرضية في حالها 💜🌸✨

#عهــــد_فتح الله

You can 💜

#التفاؤل ...

ودي اكتر كلمة بنفهمها غلط واكتر كلمة بنفسرها غلط ....
مفهومنا لتفاؤل ان ما نحزن ان ما نزعل ان ما نفشل ان علي طول يكون منظورنا نحو النجاح وعدم الفشل وعدم الحزن ....
طيب التفاؤل التفسير الصخ ليه ...
ان نتفائل ده شي جميل بس التفاؤل ما كل شي اذا داير تنجح تفاؤلك بالنجاح ما كل شي لازم يكون فيه عمل وشغلل وجهد ...
تفاؤلك نحو الوصول لتقطه معينة شي جميل بس للمن تسقط ده ما بيعني انك ما متفائل لان التفاؤل ما حايمنعك من السقوط والفشل وانت لازم تفشل وتسقط علشان لمكانك بس التفاؤل انك تعتبر كل شي بيحدث لليك عبارة عن وسيلة للوصول لغايتك ...
التفاؤل ماحايحميك من الواقع بس حايديك قوة علشان تعيش مع الواقع ووتعرف تتصرف كويس علشان تصل لهدفك...
اذا التفاؤل عببارة عن وسيلة مساعدة للوصول لاهدافنا ..
لمن نتفائل ببيئتنا ما بيعني نغض النظر ععن مشاكلها لان لو غضضنا النظر كدا ماحليا شي التفاؤل بيرغمنا نستفيد من كدا وونحاول نحسسس من االبيئة التفاؤل عبارة عن دافع للينا للوصول لهدفنا مهما فشلنا لان في ططريق النجاح لابد من الفشل 💜

#منقول_بحب 💜💜

#هل_تعلم ❓🤔

خنفساء الروث "ابو جعل" هي الحشرة الوحيدة على الكرة الأرضية التي تستعين بالنجوم لتعرف اتجاه سيرها للوصول الى جحرها 🌟

صباح الخير:
ربما كل العثرات التي تعاني منها الآن، ليست إلا تهيئة لمقام يتطلّب صبرًا لن تبلغه إلا بكثير من الجهد 💙.

#رسالة_اليك 💌

لاتحـزن من شيء بل احـزن حين تقصر مع ربّـكَ الذي يُطعمك ويسقيك ولم ينسـاكَ من رحمتـه...

ومـع ذلك فالطريـق إلى الله مفتـوح مادامت الروح في جسـدك...
فلاتقنط من عفـو الله ورحمتـه...

ليست السعـادة أن نجد مانحب أو ننجح في نيل دنيـا بل السعـاده حيـن نرضي الله ونحافظ على نِعَمـه...

من أصلح مابينه وبين الله... أصلح الله مابينه وبين الناس..

تأملها جيدا.

#صـٍْْبـٍْـٍٍْْــٍْآحوًوً😘

بعضنا ينام ليحلم بالنجاح (و) البعض الاخر يستيقظ لتحقيقه ...♥️💬

وعليكم الاختيار .🔕😸

-
وبَشر قَلبك بانها هانت⚡️😌.

الطريق أمامنا وأحلامنا في نهاية الطريق👨‍⚕🎓👩‍⚕وحتماً سنقطع هذا المشوار الطويل ونلمس كف أحلامنا بالإصرار المُستمر وسنصل💪