- انا معظم علاقاتي أنتهن عشان حاجتين يا مانعرفش نفتح مواضيع ، يا ديماً حاس اني ثقيل على الشخص اللي نحكي معاه.

ليك ظروفك ، وأنـي ليا عزَّة نفسي!.

- كل القصه تراكمات .

- فجأة تحولت لِشخص ، يتهرب من النقاشات ومن العلاقات ومِن الافكار وحتى من نفسه .

- ماتستغربوش من قسوة قلوبنا ، كان فيها حن مايتعوضش .

- نوع من أنواع الرعب إنه يكون إحساسك ديما صح .

- كان لقيت من يعوضك عليا ، أني لقيت من زمان لكن مرضيتهش فيك .

- جرب تشوف فعلك حتلقاه يضايق حتي هو ! وتخايل لو ما كانش في فعل منك هل كان حيكون في رد فعل من الشخص اللي قدامك؟ أكيده لا.. معناها المشكلة كلها سببها فعلك معناها بطل تكون تقيل وتسيب الفعل اللي انت درته وتقعد ماسك في رد الفعل.

- الشخص الي يحبك بـصدق هو يـلي يعرف يتعامل مع شخصياتك كُـلهن.

- نطيحوا ونقيموا﮼روحنا برواحنا ، ومفيش حد عنده علينا جميل .

- الوقت كفيل يغير الناس القريبه ، لِـ ناس بعيده علينا .

- ردوا بالكم تطفوو قلوب الناس لِـ يحبوكم وبعدين تشكو من الظلام .

- حَ توصل مرحله لِـ هني ساد اللي بيقعد يقعد ولِـ ميبيش بِسلامة .

- صح نستاحشوا لكن مش ديما حني لي بنسألوا .

- عاملتهم بِنفس اسلوبهم لم أكن سيئاً .

- ما هملتش حد لكن خليتهم عَ راحتهم و اكتفيت بروحي .

- حط في بالك فكرة إن اللي قاعد يواسي فيك ، ممكن تكون حالته اسوء من حالتك بس يعرف يكابر .

- المشكله فيك انت ، انت اللي عودت الكل ف حياتك انه انت الشخص ل كويس اللي ديما يسأل ، يحكي يسامح ويتنازل الاول ، الحق مش ع الناس الحق عليك انت

- مدام مش غالط فيك ، ازعل لين الوقت يرضيك .

صكرو البيبان ، وعلموهم إحترام الفرص ياهو .