اه يا حيدر يا حيدر


هاذ حدنه يا علي
لا تغض عينك وتخفيها الدموع
هاذ حدنه يا علي
ليلة وداع ونطفيها الشموع

خل نعيد الذكريات
احنه عشنه بروح وحده
حيدر وفاطمه عنده يا علي

لا تگلي گلبي مات
لا تهيج بيه نوحي
روحي فدوه وانت روحي يا علي

كلشي تغير يا حيدر
لا تتحسر يا حيدر
صبرك اكبر يا حيدر
اه يا حيدر يا حيدر
ـــــــــــــــــ
هاي دنيه يا علي
مو مثل ما نبدي نختمهة بجروح
هاي دنيه يا علي
ألمت گلبي يحيدر كافي نوح

فدوه لا تبچي بعد
تدري ضلعي نكسر توه
گوه اكض دموعي گوه يا علي

اوگف بطولك سند
مو ضلع لاچمني كسرك
يا صبر وتبده صبرك يا علي

فدوه جروحي يا حيدر
روحك روحي يا حيدر
لجلك نوحي يا حيدر
اه يا حيدر يا حيدر
ـــــــــــــــ
كلشي فدوه يا علي
الباب والعصره وفده ذني الضلوع
كلشي فدوه يا علي
اوگف گبالي على طولك لا تلوع

اترك البسمار فات
لا تذكر گلبي اليون
توه رايح مني محسن يا علي

گبل لا ينولد مات
انته ابوه واني امه
ما نشوفه شلون هضمه يا علي

ابطني تلْوع يا حيدر
محسن ودع يا حيدر
لا ما يرجع يا حيدر
اه يا حيدر يا حيدر
ـــــــــــــــــــ
اليله اودعك يا علي
هاي اخر ليله هاذ اخر كلام
اليله اودعك يا علي
انه موتي بسبب حبك والسلام

كابر انته بغربتك
يا علي تحبك الزهره
والجروح البيه كثره يا علي

واليتامه برگبتك
انته عيني التنضر الهم
الليله راح تودع امهم يا علي

لا تلچمني يا حيدر
لا تهضمني يا حيدر
حزنك حزني يا حيدر

سيد سجاد الحيدري

ما أجامل عن قضيتي
والله يعرف شنهو نيتي
لعنه على البايع ضميره
واحجي عن حكها أبصيره
لا تقلب لا مصالح
لا تغمض كلشي واضح
حكها مغصوب وحجوها
الزهره مكسوره وكسيره
احجيها لو بيها منيتي
ما أجامل عن قضيتي


تعرف كلها وكلها تشوف
ذو القربى اولى بالمعروف
ليش بفاطمنا ايغدرون
واقع والواقع مكشوف

الله يصرح بالقراءن
وما ينكر حته الشيطان
باليتم كافي تقهرون ( اما اليتيم فلا تقهر)
وشاهدنا بيت ألاحزان

لا تقهر مو تدفع حامل بالباب
وطاح المحسن منها وضلت بصواب
بت أعظم واشرف مخلوق اعله الكون
مقهوره ومظلومه وشنهو ألاسباب

------------------

حته لو بيها ألاذيه
ومصرعي هاي القضيه
ما أضم هاي الحقيقه
وبالتفاصيل الدقيقه
واحجي لاخر يوم اشوفه
ومهما ما جانت ضروفه
وهايه ألكم بدعه عندي
هايه نيران الصديقه
ما تكض كلبي تقيه
حته لو بيها ألاذيه

ما جامل ما انسه الصار
دينك شرعك يلهب نار
وانته ودينك وشما بيك
مطلوب لفاطم بسمار

ما تكدر للجنه اتفوت
ولاتسمع رحمه لا صوت
شرعك دينك بس النار
دينك حرك خيام أبيوت

الكم يوم وتخلص هالدنيا أيام
يا دين اليسمحلك تسلب ايتام
انته ودينك واهلك شرعك ملعون
تدفع باب الدين وتحركلي أخيام

-------------------

هذه مو رأيي وقراري
هذه ديني وهذه ثاري
ماعوفه وما أبدله
ولا أجمله ولا أكحله
وما اتحيز عن مصيري
شنو يوصلك يم ضميري
والله ما اعوفن طريقه
ولحظه ما اخذل اميري
دار حيدر هوه داري
هذه مو رأيي وقراري

محفوظه ابالي ألاسماء
وشصار ابيت الزهراء
رنه بعمري تضل للموت
غسليني رفقاً اسماء

مهموم وكلبي الموجوع
ويستاهل اكسرله ضلوع
حيدر يصرخ تالي الليل
وصرخاته وصوته مسموع


مرر ايده ويبجي اثناء التغسيل
ماي تسيل اعليها ودمعاته تسيل
شوفي الحال شصاير اه يا اسماء
يصرخ ينحب يبجي ومسموع الليل

----------------------

فاطمه موتي وحياتي
فاطمه صومي وصلاتي
شلون اناقش عن فطرتي
وانته خايف من دمعتي
وكلشي متعلق عليها
امنأ والكل أبديها
ما ندور وياها جنه
وكل بواجينه لبجيها
وهذا وعدي لحد مماتي
فاطمه موتي وحياتي

لعين الزهراء ألطم عين
وتلطم مخلوقه الجفين
انسه اسمي وماانسه الصار
وشينسيني صوت حسين

مصدر حزني وهاي الاه
كلميني يا اماه
وما تكدر تتنفس ليش
شصاير بيها واويلاه

عميه عيون الما تبجي اعليها هواي
ماي ويلجمها وشترف من الماي
حكي اجزع هذا الصاير بالزهراء
بهاي الحاله وتنعى اعله حسين وياي


اللهم عجل لوليك الفرج 💔

سيدي ونعم ألامير
مرجعي ألاول وأخير
ما ملت حته بنظر
والعشك رب المصير

أنحني ابابه سعف
أعمه واندل النجف
لا فتى الا علي
بيها ياهو الهتف

كبر وسيفه يسيل
دم وهتف جبريل
يُقرأك ألجليل ..... حيدر حيدر

صاحب ذو الفقار
طب ونشال الستار
وبوضح ألنهار ..... حيدر حيدر

غيرك لا فتى الصياح ..... حيدر علي ياعلي
وسيف يسيّر الرياح.... حيدر علي يا علي
يا سلطان السيوف
غيرك بالوغه شنشوف
عالي وفاق الرماح..... حيدر علي يا علي

______

بفطرته كلبي هواك
لا يرى من لا يرأك
شسماً وتأبى ألافول
يا شمس شنهو وراك

ياهو حط عينه بشمس
أسئل ألجن وألانس
الواضح ودوهنه بي
الواضح شلون العكس

الواضح عقده بي
الحيره تحق بس الي
شلون اسرار العلي ..... حيدر حيدر

يندل طرق السمه
سر تفدي فاطمه
شكبره شكد عالمه ..... حيدر حيدر


مظهر نوري عجيب ..... حيدر علي يا علي
شمس الله الما تغيب .... حيدر علي يا علي
سر والباري حجاه
ويعمي الناظر ضواه
ترهب عينه الرهيب .... حيدر علي يا علي

____

الحق علي وفصل الخطاب
من تراب ومو تراب
الجنه بيده والسراط
ومحشري ويوم الحساب

ديني بسمه يكتمل
وبكلامه اجم عقل
توازن وشك الحجاب
كلمه احد من النصل

فك حدود العقول
وكل هذا ويكول
انه عبد الرسول .... حيدر حيدر

مولى ووالي وامير
حاشر ناشر يصير
ديني ودربي ومصير .... حيدر حيدر


صاحب اعقد ألخطب ..... حيدر علي يا علي
واطهر واشرف نسب ..... حيدر علي يا علي
ينسخ يبعث يميت
صيت الما منه صيت
مسبب للسبب سبب ...... حيدر علي يا علي

-----------------

أشعابر الحب برشيد ( رشيد الهجري)
حته ما تبقاله أيد
والكلب بالحب يلين
وحبك أيذوب الحديد

يسكي ميثم نخلته
حته تكمل صلبته
لذه الموت بهواك
ميثم الحب موته

ميثم بالحب جريح
شبه لهم المسيح
مصلوب ويصيح..... حيدر حيدر

الحب يكتل بالصليب
وما يرهمه طبيب
الحب ذبحه ما تطيب .... حيدر حيدر


هاي أخبار الغرام ..... حيدر علي يا علي
ضاكت حب ألامام..... حيدر علي يا علي
الحب من يوصل جنون
يطلع من العيون
وحبهم عالي المقام..... حيدر علي يا علي

يَا قَلب ما هذا شِعار مُتَيَّم
ولعل حال بني الغرام فنونُ
خَفِّض فخطبك غير طارقة الهوى
إن الهوى عما لقيتَ يهونُ
مَا بَرَّحَت بك غيرُ ذكرى كربلا
فإذا قضيتَ بِها فذاك يقينُ
وَرَد ابنُ فاطمة المنونَ على ظماً
إن كنت تأسف فَلتُرِدكَ منونُ
وَدَع الحنين فإنها العظمى فلا
تُأتَى عليها حَسرَةً وحنينُ
ظهرت لها في كل شيء آيةً
كبرى فكاد بها الفناء يحينُ
بكت السماء دماً ولم تَبرُد به
كبد ولو أن النُّجوم عيونُ
ندبت لها الرسل الكرام وندبها
عن ذي المعارج فِيهُمُ مسنونُ
فَبِعَينِ نوحٍ سال ما أربى على
ما سار فِيِهِ فُلكُهُ المَشحونُ
وبقلب إبراهيم ما بَرَدَت لَهُ
ما سَجَّرَ النَّمرودُ وهو كمينُ
ولقد هوى صَعِقاً لذكر حديثها
موسى وهوَّنَ مَا لَقَى هَارونُ
واختار يحيى أن يُطَافَ برأسه
وله التأسي بالحسين يكونُ
وَأَشَدُّ مِمَّا ناب كل مُكَوَّنٍ
من قالَ قلبُ محمدٍ محزونُ
فَحِرَاكَ تُيِّمَ بالضَّلالةِ بَعدَهُ
للحشر لا يأتي عليه سُكونُ
عُقِدَت بِيَثربَ بَيعةٌ قُضِيَت بها
للشِّرك منه بعد ذاك ديونُ
يرقى بمنبره رُقىً في كربلا
صدر وضُرِّج بالدماء جبينُ
لولا سقوط جنين فاطمة لما
أُودي لها في كربلاء جنينُ
وبكسر ذلك الضِّلعُ رُضَّت أَضلعٌ
في طَيِّهَا سِرُّ الإله مَصُونُ
وكَذَا عَلِيٌّ قَودُهُ بِنَجَادِهِ
فَلَه علي بالوِثَاق قرينُ
وكما لفاطمَ رَنَّةً من خلفه
لبناتِها خَلفَ العليلِ رَنينُ
وبِزَجرِهَا بسياط قُنفُذ وُشِّحَت
بالطفِّ من زجر لَهُنَّ مُتُونُ
وبِقَطِعِهِم تلك الأراكة دونها
قُطِعت يَدٌ في كربلا وَوَتينُ
لكنَّما حمل الرؤوس على القنا
أَدهى وإن سَبَقَت به صِفِّينُ
كَلَّ كِتاب اللهِ لَكِن صَامِتٌ
هَذَا وَهَذَا نَاطِقٌ وَمُبِينُ

شاعر القصيده الشيخ المرحوم صالح الكواز الحلي
من اعمده ألادب الحسيني والقضيه الفاطميه على محبة السيده الزهراء
وصاحب الزمان أحبتت المشاركه في نقلها

بجمال الساقي
ترست اوراقي
اخو المكفوله من ألالف للياء

الهوه من جوده
يجيب بروده
النسيم ألاعظم والكل صحراء

انه دخلت بصايته وبعتابه
انه دخيله من شرور الغابه
ظهري نكسر كظيت ظهري ابابه
مولانا ابا الفضل .... مولانا ابا الفضل

صحته وادري
يسند ظهري
راعي الشكره
زود الحره ابا الغوث

باب الحاجه
الكل تحتاجه
سر بالقدره
عين الزهره ابا الغوث

-----------------

دخلت بحيله
الميطي دخيله
حاشاه يطي العده دخيل

بمقامه ألارفع
التوسل أسرع
اسم قوته شك الشمس والليل

ادخيل اسمه اليندب بالشده
والعنده كلفه يمشي اله ويكصده
عالي المقام الماكو عالي بكده
مولانا ابا الفضل ...... مولانا ابا الفضل

الما يتجرب
هيبه زينب
حامي ضعونه
واللي ينخنونه ابا الغوث

انحني واجب
لعالي المراتب
ارفع أيديه
لاسمه حنيه ابا الغوث

--------------

السراب بغيره
الصدك تدبيره
ماشيت ماي الله اجه للسقاي

عظيم الموقف
عليه ايسولف
أمامي الصادق ويهزني بهاي

( كان قلب عمي العباس كصالية الجمر من اللظا)

وصاليت الجمر گلب الكافل
من اللظه ودخيل كلبه اشايل
وماشرب العذب دخيل ابو فاضل
مولانا ابا الفضل..... مولانا ابا الفضل

الشرف ألاشرف
البي نتشرف
نافذ بصيره
وعلي بالغيره ابو الغوث

باذل المهجه
خادم الحجه
فعلاً مواسي
اسمه نوماسي ابو الغوث

-------------------

الطهاره ابابه
الرجوله اعتابه
ما احتار امن ارد انخاه

الحجاب يكشفه
بأشاره بجفه
جم موسى مصعوق وياه

جم بصر فتح بالضريح وشافه
جم شاعر انفتحت علي بلطافه
الشايف العباس شاف جتافه
مولانا ابا الفضل..... مولانا ابا الفضل

محد يكدر
يبصر اكثر
عيونه تقهره
عيون الزهره ابا الغوث

حدنه الرايه
نشوفه بهايه
تعمه عيونه
اليعبر متونه ابا الغوث

ماي الله لو لامس جرحك هم يحترك
وانه لحد ما شفت عيونك شفت الصدك
كلبي بحبك يابو سكينه غارق عشك
مره اتنفس حرك خيامك مره اختنك

ما عايش بحساسك شاعر
عايش غربه وهضمه مسافر
ارزق كلبي بدوسه حافر .... حبيبي حسين

اتمنه انه بحرك اخيامك
تحركني وتخف الامك
واتوذر بالطف كدامك ...... حبيبي حسين


_______

غمضت عيوني امن الوادم رايد وصل
رايد انسه الدنيا بحبك وحبك حبل
ياخذ بيدي لعشك خيامك ارجو انقبل
عبد اباب خيام الساده او ما يقل

عبد لخادم من خدامك
ازغر شي ميمر بحلامك
واكبر لو عشت ابيامك ..... حبيبي حسين

اكنس عتبت الحسينيه
اي شي منك يابو رقيه
خيرك كله العايش بيه .... حبيبي حسين

_______

يا مالكني اترجه ابابك دمعه حزن
ما اريد اتعناك ويابس بيه الجفن
ارد ادخل لجروح ضعونك زاير يحن
ما اريد اتعلم حب غيرك خاف انغبن

الواهم ما يدري خطواته
وما تخلص عنده ملذاته
الواهم دوم يضيع ذاته .... حبيبي حسين

اترجه واطلب بس عطفك
وتسامحني واكسب عفوك
وابدي شويه شويه اعرفك .... حبيبي حسين

____

اتمنه ارجع ابجي امن اسمع كلمه حسين
بس ما ادري كلبي شماله ضيعني وين
لغير الدمعه التنزل لاجلك ماتسوه عين
دين بركبه عاشك دمعك بس احله دين

ارد ابجي لجرح ابنياتك
ما اهتم بس لمرضاتك
يال ما ناسي شكد وكفاتك .... حبيبي حسين

كبر اهي ودمعي ونوحي
تجرني او اجرح روحي
كلهن فدواتك مذبوحي .... حبيبي حسين
____

كون انشغلك نشغه ميت ما شاف فياي
انه اشرب ماي واتللذذ و ما تشرب ماي
فطن كلبي بدرب جروحك محتاجك راي
مو خوش اطلع لمن امشي من مشتهاي

كون اوصل للموت وجازع
موكفني ومن مهرك واكع
لو ما انته وحبك ضايع .... حبيبي حسين

ارزقني بحافر يجويني
وين جروحك ويدليني
ويمر بعيوني ويعميني .... حبيبي حسين

ثوبه الفي من شمسنه
بروده اوراق العنب
عايش اللذه ابغرامه
راحه والراحه التعب
اسمي بالواح الولايه
قبل ميلادي انكتب

وطاهر المولد لان
امي تهوه ابو الحسن
وصار بيه الحب وطن ... والطهاره محبته

توارثتها من هلي
اسمي وانه مو الي
انه مملوك ل علي .... وتحت رهن ولايته

الشمس ضيها من علي
الكمر نوره من علي
الفجر يطلع من علي
واحله كلمه يا علي

يا علي ياعلي
__

اكثر امن امي احبه
ليش؟ ما عندي سبب
بيته من الطين عدهم
وعدي اغله من ذهب
انولد كل ما يجي اسمه
حسين ويمر ابوهب

من نعومه اظفري
جاهر بحب حيدري
اي ميصيري وقدري .... شيعي من امي وابوي


شيعي من صلب لصلب
أكبر أحلامي انصلب
ثاني ميثم واحجي حب .... واليحبه يصير اخوي

الماي ينبع من علي
واحنا نرجع من علي
كلبي يركع عد علي
واحله كلمه يا علي

ياعلي ياعلي
_

الله زارع بيه حبه
وحبه من ذاك الوكت
ما ادير عيوني منه
لو الف يوسف شفت
هوه مثل ضلوع جوه
يعني لو يطلع متت

لو يدفنوني ابحر
ايجيني يمه القدر
العشك ما من مفر .... ولا عشك الا علي

يغبش بعيني هله
والله خالقني اله
وابجي وانحب كربله .... وطيني سواه الولي


كظه عمري بحب علي
وباقي عمري لحب علي
وحته كبري يم علي
واحله كلمه يا علي

ياعلي ياعلي
____

لحظه ما بدل غرامه
ولو يملكوني السمه
علمتني اكسر ضلوعي
وانكتل بالحب ضمه
كافله لعشكي وضميري
وخذت بيدي فاطمه

وابجي بالحب واحترك
علمتني اعله الصدك
نظره منها للعشك ..... تعلي شأني وقدري

وأثر عشك المرتضى
رزق مولاي الرضا
نعمه لو كلبي كظه .... والنهايه بالغري

الزهره حبها من علي
الرضا عشكه من علي
الخدمه رزقي من علي
واحله كلمه يا علي

ياعلي ياعلي

_

حسين علمني انذبحله
واعطش والكاه نهر
والحسن كرمني اشوفه
وفتح لعيوني البصر
وزينب لخلتني اموتا
لو علي مره انكسر

كلبي بالعالي اكتفه
وعلموني أهل الوفه
حب علي ما بي جفه .... والوصال محبته

لا فتى الا علي
لا فتى الا علي
لا فتى الا علي ..... كلبي هايه كلمته

نجه يونس جف علي
نوح شاله. جف علي
كلشي سوه جف علي
واحله كلمه يا علي

الفاتحه الى روح المرحوم صادق جعفر صدام الخليفه

انه ما رايد بعد اي كلمه خادمك تكفيني
شكد احبك وانته المدللني وخيرك مغطيني
وحته لو اطلب بعد من ايدك تنطيني تنطيني
عدم بس انته ردتني وشائت ادمي اتسويني
وداعه امك انه ما استاهل اخدم تخليني



ابنظره الحب باوعت لعيوني وممنونك ممنونك
انه ياهو وحته توكع عيني بعيونك بعيونك
خير ما بيه وترست جفوفي وخير اليحبونك
لون ما عندي ورحمتك فزعت من لونك من لونك
اعمى ماشوف وفتحت عيوني اعله ضعونك


يابس مصوفر سكيت جروحي وعيالك بعازه
كبرتني وصرت زلمه بخيرك فضلك ما يتجازه
فضلك اعله العالم مولايه من راسه الحد جازه
الماي صبيته اعله كلبي وانته جنت اكثر معتازه
وكفتني بطولي كل عمري وجنت امشي بعكازه


وجنت من ابجي ثوابك رايد بس هسه لا والله
ما عفتني دخيلك يا ضامي وانه بعز الغفله
مخليني بعيونك وعيونك بيها ترابك صله
وما جرحت احساسي بحجايه ومجروح بعبد الله
لملمتني جفوفك حنيه ونايم فوك الرمله

حبيبي حبيبي

يا اسماء ..... فراكها يعني محرم
يا اسماء ..... يا صبر للسر الاعظم
يا اسماء ..... البواجي اعليها من دم

يا اسماء ..... لا صبر لاهل الرزيه
يا اسماء ..... هيه مو اي مره هيه
يا اسماء ..... راحت الزهره أمن اديه

يا اسماء ...... كمت اشوف حسين ضامي
يا اسماء ...... والخدر ما له محامي
يا اسماء ...... ونار تحركها خيامي

يا اسماء ...... والحسن جبده يزوعه
يا اسماء ...... لوعه ما من يمها لوعه
يا اسماء ...... علي مكسوره ضلوعه

يا اسماء ...... شلون اصبر عالزجيه
يا اسماء ...... فراكها يعني المنيه
يا اسماء ...... وزينب انحسبت سبيه

يا اسماء ...... السمه مكسوره بكسرها
يا اسماء ...... ضيعوا حقها وقدرها
يا اسماء ...... تبجي والحسره بصدرها

يا اسماء ...... ابني فوك العتبه واكع
يا اسماء ...... علي اول مره ضايع
يا اسماء ...... ليش اضم هاي المدامع

يا اسماء ...... هدو اركان الولايه
يا اسماء ...... وكسروا ضلوع الهدايه
يا اسماء ...... صار يخنكني هوايه

يا اسماء ...... صدري ضاك ومالي ناصر
يا اسماء ...... الليالي اتمرني عاشر
يا اسماء ...... يا من ايضم المشاعر