لمن لم يجد فرصه

قد تكون تلك ألاخيره
قافله الحسين لا زالت تتجه الى المهدي
فكن حراً قبل فوات الاوان


هيا لنرحل يا صديقي من شتات الإسئلة
من زخم اودية الضياع
من السراب
من البحار القاحلة
لا زال سِفر التيه يحدونا ولا
ماءٌ يعود سبيله
ما إن يعود لجدوله

استغفر الله ربي واتوب إليك
هذا اليحجي كلبي وناصيتي بديك
سلم لمن سالم قافله الحسين
انته خلي دربي توكلت عليك
حربٌ لمن حارب قافله الحسين
تقبل يا ألهي حر ثاني يجيك

هارب من ذنوبي ودنيتي لبابك
وعتبت باب حسينك توصل اعتابك
شاهر سيف التوبه وغايتي ارضائك
قاصد شيخ الساده وهمه أحبائك

هسه اعله باب الضامي اقبل التوبه
مو زين انه بس كلبي يبجي محبوبه
طلع صباح لكلبي واكشف غروبه


هيا نشد رحالنا لمجيء قافلة الحسين
فصواع غاية خلقنا
في رحل تلك القافلة
هذي محطتنا الاخيرة يا صديقي
والضياع بإوله

غايه خلقي ليها قافلة السليب
يوسف كلبي بيها قافلة الغريب
حي ميت انادي لبيك ياحسين
ومشاي اعتنيها سيراً للحبيب
وللزهراء فؤادي يصرخ واحسين
كل وني عليها ولطمي والنحيب

جن مر فوك ضلوعي مو عله ترابه
جن المثلث كبله صابني وصابه
يا دمعه توفي لحاله وتشرح مصابه
ونزلن بنات الزهره نص الخرابه

بحب عابس ارد اتعنه وامزك ثيابي
مصابك رقيه وصارت نوحي ومصابي
ماكول سلبوا ركبك سلبوا اركابي



لا شيء يشبه كربلاء
هي حبة القمح الوحيدة في حقول الامنيات
هي غاية الله وإكسير الحياة
قم يا صديقي قد أتى ريح القميص
وحمار وجه الشفق يكشف عن دماءٍ منزلة
قم نتبع الريح ونمضي خلفه
كي لا يطول سباتنا
ونفوق منه ولا نرى
أثرا لتلك القافلة

نعه الناعي سبيها وانزعج الرسول
رقه المنبر نعيها بالدمع الهطول
السمه السبعه بواجي قافلة ألانين
نسه وتدفع بديها واتصد الخيول
دم يبجي وليها من شاف الخيم
الحجر دمع عليها اكثر جا شكول

ثاري الشام متاني وهايه كسرتها
ياهو اليطلب حيدر هيجي فزعتها
كلهه بصفحه وهايه بصفحه لجمتها
اباب الساعات اشكد ناس لمتها

ردت بس من ردت ويلي ردتها
وصلت يم حسين ابلا رقيتها
كثر البجي جا متت من زيارتها


الشعر العربي السيد انور الموسوي
الشعر الشعبي حسن الدراجي

صرخه تحدد مصيري
صرخه تحيي ضميري للحبيب الحسين

للحب كفاله وضمانه
من ابن موسى امانه للحبيب الحسين

عشگ الرضا وسيله
وگلبي دخل دخيله
عشت بأمانة ورحمته

حزن الرضا مصيبه
ينعه الحبيب حبيبه
لغربت عياله وغربته

شايل گلب بي مصاب
وعايش على الجروح
والدمعه بس للحسين
وصانه بيها وينوح
لو كنت باكي لشيء
فاكي على الحسين
ــــــــــــــــ
منه واليه رجوعي
من بابه اطلب دموعي للحبيب الحسين

حبه فرض مو خياري
بتسياره موش بقراري للحبيب الحسين

هاذ الرضا وجماله
يحيي الگلب وصاله
يا محله ألطافه الرؤوف

هاذ الرضا ومصابه
ضعن الحسين عذابه
مهيج احزان الطفوف

نهر الدمع عل الخدود
وبگلبه حرگه ويصيح
من يروي حزن الطفوف
يعني جزع عالذبيح
لو كنت باكي لشيء
فابكي على الحسين
ـــــــــــــــ
الدمعه وقاري وهويتي
حد ما اوافي منيتي للحبيب الحسين

ما اوفي اله حد مماتي
وبخدمته سر حياتي للحبيب الحسين

هاذ الرضا ودموعه
بگلبه الهضم واللوعه
عماته راحن للسبي

من الرضا دمعاتي
وهاذ الحزن واهاتي
حزني على آل النبي

اگضي العمر بالونين
يهضمني طاري الذبح
شما يرتفع راسي فوگ
يبقه أعلى مني الرمح
لو كنت باكي لشيء
فابكي على الحسين
ــــــــــــــــــ
ماء الوجه ليه ابذله
علمني كلشي اعمله للحبيب الحسين

بس هاذ دربه حقيقي
درب الخدامه طريقي للحبيب الحسين

هاذ الرضا والطافه
كلهن حسين اعرافه
ابذلها لحسين المهج

لو امشي اله مشايه
لو انعه اله بقرايه
روح القدس بيه لهج

لو بيه ضاگ النفس
اشتم هواه من جديد
لازم بچي على المصاب
الدمعه ترد البعيد
لو كنت باكي لشيء
فابكي على الحسين


سيد سجاد الحيدري

حيهم يبو سيف الملمع
هل شهرك وجيتك ملوع
هذا محرم كون تطلع
بهاي القصيده السيف مطلع
جدك على ارماح وتجرع
اسند جتافك يال مسنع
عالبيت والجدران الاربع
وبذو الفقار الرؤس تركع
وحشم ربيعه وصيح وجمع
ولم الحمايل خلها تسمع
بيت الدنين والمبركع
ومن بيت سيد نور تسطع
وخلها العوام وياك تفزع
وفك النكاب اللي تنكع
ورد ثار الاطفال التروع
وابني الكبب ياليث وانزع
وخل شيعتك تلطم وتدمع
وخل رايتك تفرد وترجع
وعالدور خل ترف وترفع
وخلنه نشوف الوجه ألاروع
وانحب على الجسم المكطع
وتحكم وخول وامنع
ونكس بروس عداك وكطع
وخل النعي يغورك ويدمع
ويكّسر ويلجم ويلذع
وخل طبل حربك عال يقرع
وخل ينفخ الصّور المرفع
وخل ال اميه حروره تلجع
وافزع وخلها ابلايه مفزع
وخلنه نشوف شلون تهلع
وحرك ذراري الجده ينزع
وافضح لابو سفيان مرضع
واكشف حك الباب المشرع
وباب الستر عنهم اترفع
ولمهم بريح السوده واقلع
وطلع فدك بالشبر واذرع
ورد ثار جدتكم مربع

حمل عليهم غيض وامطر
وأشر لابو الشفرات وانحر
والكاسر الحك راس تكسر
ورد ثار محبسكم وخنصر
والعانهم والظل مقصر
زيد حطبهم نار كثر
وخله الفرح للزهره يعبر
وخل المواكب اه تنثر
وبركضه طويريج تبصر
طش لوعتك والصبر كتر
وهد النعاوي للتطبر
وخل الدمه للكاع تكطر
واقره المقاتل كلها واجهر
وخلها قواري الجاي تهدر
وخلها الوجوه احزان تغبر
وخل اربعين حسين تعمر
ورجع انصار حسين والحر
وخلق الخلق دمعه تكبر
ماعاد كلبي يحمل السر
وللدور بس للساده عمّر
ضل الحجي من غيبتك مر
خل شيعتك ملبوسها الدر

شسولفلك يخويه شصار وياي
ردت بس شوفتك مارايده لماي
لا ضل الدلال ومامش فياي
شعتب بعد وانه الضيم شفته

فوك الهزيله بت علي صارت
ودارت عليها ولغربه دارت
صحتك يخويه وماكمتلي
تلم بل عيال ولوتدري حارت


وانه الاميره واطلع وحيده
من دوني اخوتي وصارت بعيده
لا والي يفزع ويردلي خدري
جا كونه يخلص مايبقه عمري


____________


يا ريت الدرب ما اعرفه ياريت
وأنه من الزغر ما طالعه البيت
يمك كون أضل والله تمنيت
ومن سبي الغرب حسيت ميته


نار وخيول وافزع ونادي
وينة الكفلني وكال انه حادي
جاتالي زينب ضلت وحيده
ياوكتي مشاني ويل اعادي



صارت بعد عل غبره اخوتي
ياروحي صيحي وناديلي موتي
شينفع بعد وانه ادربي بزماني
الشام الغرب جن اهناك اتاني

___________________

اليعوف الخوه لازم موته ويا
ويون طول الدهر وترافكه اه
وانه بنص اهلنه وصحت ويلا
تالي العل ترب ماردو اردود

ياوكتي ضدي وخلاني أسيره
ياهيه مثلي اتودع عشيره
شترجه منك ا يا زماني
حسيني غريب تلمه الحصيرة

وينه الكفلني وحارسلي خيمه
صرت انه وحدي وتبرالي هيمة
كلبي يريده وجفوفه طاحن
محتاره واندب عباسي شيمه

______________


وراي الشام ضيم وباب ساعات
وقصر وطبه صعبه وصدك هيهات
تصير شلون زينب بل دواوين
وهيه لشمس ماشفتها لحضات

تلكوني ملكه احجار وهلال
عدلته ضعني بس باقي مايل
صاحو غريبه وهاذه الكتلني
ليسمعه ميت لوكلبه شايل

لمن تعيش بهل حاله صعبه
وتريد اخوتك بس تلكه غربه
محد يعينك ويشيله حملك
دار النوايب والموت اطبه

___________________

طبينه الخرايب تدري يحسين
ضعن ميت ولاكن جنه عدلين
شوغات وبواجي ليل لليل
ورقيه تصيح ابوي وكافلج وين

بابا تصيح وضلت وحيده
جيبولي ابوي بهل ساعه اريده
يراضها يخلص كل عمري فركه
ولفرگه احسن كلش بعيده


هذا الجره يا وأدم هضيمهً
خدر الله بلبر كلش عضيمه
وهاي ليتامه وزينب واهلها
بصدر الزمن هاي اكبر جريمه

_____________

سجاد جبار الموسوي

صلى الله عليك يا رسول الله

هالمصيبه رس اباليس الارض
انگلبت الامة على قتل النبي
محد بگده تئذة بكل زمن
بكل جرائه سممت اخر وصي

اه منك يا دهر
وشيقنعهة البشر
مو بشر هاذ وحي
وبرسول الله انغدر

عبدو اللات وهبل
ذوله شيطان وجهل
والله محد وحدة
ذوله مو خير العمل

هالمرة مو كلمة ونستر عليهة
هالمره امة سممت واليهة
النزل قران على صدره ينقتل
انگلبت على اعقابهة وماضيهة
—————————
دور التاريخ بصاحب الكتب
زبور والتوراة وانجيل وصحف
يا نبي گلوله يم راسه يهجر
يا نبي توصف عليه هاذ الوصف

اليعرج بگاع وسمه
وصاحب الله وكلمه
تطغه انذال البشر
عالرسول تسممه

لقه عليهم حجته
القران هاذ وعترته
استشهد وكلشي انگلب
وبده ابليس بعملته

استشهد وبان الرهط من الطهر
وانفتح باب المصايب والغدر
واندفع باب على بنته بيا بخت
وحرگو دياره قبل طبت الگبر
—————————
يا نبي مات وصبح موته جرح
من بعد موته تصير الملحمه
بعده فوگ المغتسل ينعه علي
دفعو الباب على بنته فاطمه

گالو ابابه وأن
ضلوع مكسوره ومتن
ومات محسن فاطمه
وانفتح باب الحزن

وحيدر بهاذ الزمن
حاير بهاي المحن
والوصايه تقيده
والمصايب رتلن

حيدر بهاي المصايب منفجع
بالرسول وبالجنين وبالضلع
حيدر حتركت دياره والسبب
رادو يطفون نور الله الشرع
—————————
يندفع بابه بعد قتل النبي
حيدر الهاي المصايب يستعد
حرفو دين الله ما رادو علي
وما خذو بال قل هو ولا بالحمد

الله الي منصب علي
وراده للامه ولي
لاكن اطماع البشر
عافت النص الجلي

حيدر بنص المله
ينطي ادله وعادله
لاكن الباطل طغه
بالخليقه الجاهله

يشكي يم گبر الرسول من المحن
حيدر دموع على عينه بيا زمن
من بعد هاذ الصراع ويه الدهر
من بعد قتل الرسول يرتلن


سيد سجاد الحيدري

هذه ليل الحزن بعيون امي صار
ونار حزنك شبت وشبوا نار
أبيت ال البيت اول انكسار
وهاي اول كلمه اي واجداه

واجداه واجداه واجداه

شكبره فقدك على امير المؤمنين
فاجع الزهراء وراحتهه الونين
مو أمان الناس بعدك يا أمين
يبدي كسر الضلع واصرخ اماه

واجداه واجداه واجداه

هضموا بقتلك امام المتقين
والحنين يموت لو فارك حنين
وعاليموت الگلب لو صخره يلين !
ومنعوا الزهراء بجيها وي ال اه

واجداه واجداه واجداه

شلون لو كلبك دره شصار ودار
مبغضينك حركوا اعلينه الدار
وضلع امنا نعاب من البسمار
وصاحت ألحك مهجتك يا ابتاه

واجداه واجداه واجداه

الناس ما راعت الحرمه بالغياب
وغصبوا الحك وندفع للزهره باب
جرح ثاني والجرح ما بعده طاب
وعلي مهموم وصرخ واويلاه

واجداه واجداه واجداه

قضيتي سأعيشهُا قضيتي
يا معشر الناس
فاطمةٌ فاطمتي
ان اسكتوني
ان احرقوني
ان قطعوني
ان هجروني
او هجّروني
والله لا أتركُها
قضيتي

موتِ حياةِ فاطمه
صومِ صلاةِ فاطمه
لا انسى حرق الدار
ومصيبةُ المسمار
حتى رجوع الثأر فاطمه

يا أسلمُ.... والله لا لن تسلمِ
بنت النبي
قلبْ علي
ام الحسن
صوتُ الولي
حُزن العقيلة والضمي
يا أسلمُ .... عن حرقها ستندمِ

حرقتموها
اسقطتموها
ظلمتومها
دفعتموها يا أسلمِ

صبراً فما غير العذاب مكانكم
سوداء نار الثأر قد عُدت لكم
تلك التي كان ألاله يُحبها
ما اقرب النار الى أجالكم

لم ترحموها
لم تسمعوها
لم تنصروها
ابكيتموها
ازعجتموها
أذيتموها
قتلتموها يا أسلمِ

يا ابا بكر اللعين
يبن خطاب اللعين
يبن عفان اللعين
احرقتموا قلب الحسين

قضيتي سأعيشهُا
حتى وإن كنت فقط في امتي
قضيتي
عيشي لها
ما كنت لولا فاطمه
وفاطمه قضيتي

أترقب الثأر
واصرخُ البدار
يا مدرك القلوب
عبروا حدود الدار
واشعلوها نار
ما عليها خمار
قد صابها مسمار ..... لا اله الا الله

انا لله وانا اليه راجعون .... اسقط الجنين
انا لله وانا اليه راجعون .... انفاسها انين
انا لله وانا اليه راجعون .... فارقها حُسين

انا لله وانا اليه راجعون .... قطعوا الرسول
انا لله وانا اليه راجعون .... كُفنت البتول
انا لله وانا اليه راجعون .... علي لها يقول

كلبي وين يكفي يالحبك فضاء
يا دعائي وانته تقبل الدعاء
وجيف اذكرك صرت اتانيهه الصلاة
بالنار لو تحكمني هذا اجمل قضاء
مرضاني العشك بس ماريد اطيب
يا عهد معهود ببراج السماء

علي مولا علي مولا علي مولا

من جنت بالضلمه الك نبضي يدك
بنار نورك كلبي رايد يحترك
وانته سر المستتر بالسر جنت
وگلب مابيه اليضخ دمي عشك
يا شمس تجوي الشمس وترد شمس
واليدور عل صدك هذا الصدك

علي مولا علي مولا علي مولا

أبليس دايخ بادم وادم هواك
جان جوف ولامس الحب ولكاك
واختبار الدنيا قائم بس عليك
ضلمه ويطيح اللي ما يمشي وراك
الله لم اسراره كلها وضمها بيك
وعجزت الدنيا تكشّف محتواك

علي مولا علي مولا علي مولا

كلبي يتحرك اذا طاري اجيت
ويمطر العالم كواكب لو بجيت
يا لسان الباري بالحق الحقيق
يعني الله يكول اذا انته حجيت
انته بيت الله وعلى الفقره يدور
الله بيته يودي للي ما عنده بيت


علي مولا علي مولا علي مولا

واليتامى بالقوافل حج تجيك
ومعضلات الدنيا تتعنه عليك
محدثات الخلق واسرار النجوم
والمعاجز كلها محبس بين اديك
الصار والما صار جفك يكضي بي
وانته بكماطك وامك تنخه بيك

علي مولا علي مولا علي مولا

بيت النبوه محترك بگلب ضلت ناره
اهل الرساله والوحي تكشفت اسراره
انكسرت وبيت انكسر وتعلعلت اخباره
ابيته حيدر مختنگ ويحس غريبه دياره

ام الحسن ماتت قهر ويذبح وضعها
باب اندفع محسن وگع كسرو ضلعها

سل البسمار اسرار الكون
وحيدر مقهور يبچيها عيون
والزهره تصيح يوليدي وياك
خلينا نموت ما بيه انعاك
ـــــــــــــــــ
تهشم ضلع ام الحسن وتريد جف يمسحه
وتغض نضر خفي لعلي و ما تريد تجرحه
ما تبچي يمه فاطمه الدمعه منها تذبحه
ما سولفت يمه وجع والحجي متون تشرحه

ام الحسن تشكي الأم وي روح ابوها
يابويه بنتك من رحت لا ما رعوها

توه المفجوع ما هد حزنه
يعصرها الباب وتشكي منه
محسنها يموت من العصره
وانفجعت حيل اه يالزهرة
ـــــــــــــــ
عانت ليالي من آلام ون الگلب وناته
توه انكسر منها ضلع تقبض نفس لجماته
اتكابر و ما بينت والضلع يخفي اهاهته
فدوه علي لا تنكسر وهايم علي بدمعاته

ام الحسن تخفي الألم عن اليتامه
سالم تگول على الضلع بس مو سلامه

تخفي الأوجاع بس موجوعه
وتحبس ونات بس مسموعه
وتنزل ايد لمن تدعي
ما حل الموت يرحم وضعي
ــــــــــــــــ
عاشت ليالي ام الحسن ايام مره و صعبه
وتدري بالموت اقترب وتنعه ولدها بغربه
ام الحسن تدري الحسن السم يفتت گلبه
وتدري الحسين بكربلاه مذبوح فوگ التربه

ام الحسن فوگ الضلع تنعه الرزيه
جن زينب بدرب الغرب تمشي سبيه

الليله بيا حال والمن تنعه
ومعروف الراح ما بي رجعه
اه يا هالليل تطلع روحي
بس گبل الموت يا مذبوحي

سيد سجاد الحيدري

ناحلة الجسم وشحيبه
تنروي احداث المصيبه

سلبو باقي محمد وانفتح باب الرزيه
فاطمه العاشت ترافه هسة عاشتها الاذيه
مو فقط باب وعصرها لا كسر ضلع الزجيه
والهضمها مات محسن بعده مو گد المنيه

فاطمه شكبره حزنها
بعده ما مولود ابنها
بيتها وصارت غريبه
تنروي احداث المصيبه
ــــــــــــــــ
عاشت بهيبة محمد مات وتعذر صبرها
هنة چم ليله تعدت ردو وكسرو ضلعها
وذبحو الحيدر حياته يموت من ينضر دمعها
هية ما جرعت ألمهة وهوة ما يجرع وضعها

فاطمه جروحه وعذابه
حيدر يموت بمصابه
من اديه راحت سليبه
تنروي احداث المصيبه
ــــــــــــــــ
فاطمه ضمت ألمها عن علي وضعه تجبره
حته لا ينكسر حيدر ما تبينله وتصبره
وحيدر اغتم المصابه واگف ومكسور ضهره
حيدر تمنه مماته سلبو البسمه على ثغره

فاطمه جانت حياته
انكسرت وعد المماته
موتته صارت قريبه
تنروي احداث المصيبه
ــــــــــــــــ
فاطمه وهذا كسرها كاسر گلوب اليتامه
التمو عليها بحزنهم ان شاء الله يمه السلامه
حسن وحسين وي زينب بيهم مبينه العلامه
اليضم دمعه على أمه تبين بعبرة كلامه

فاطمه تصبر ولدها
لكن الدمعه على خدها
تبچي والبسمه عجيبه
تنروي احداث المصيبه
ــــــــــــــــــ
فاطمه ماتت ضليمه وحيدر لموته انتضاره
بيته طاح من المصيبه حيدر انهدمت دياره
واليتامه تبچي امهم بالگلب ضلت شراره
حيدر براسه الرزيه وبين بضله انكساره

حنو الحضنة اديها
ماتت وماتو عليها
المنجرح ميت طبيبه
تنروي احداث المصيبه

سيد سجاد الحيدري