Bir savol qiynaydi: Nima uchun musulmon/aholisining asosiy qismi musulmonlardan iborat dunyoviy davlatlarda ayollar taqdiri, ularga bo'lgan munosabat bir-biriga bunchalik o'xshash?! Hozirgacha o'qigan ayrim asarlarimni solishtirsam (Qodiriy yoki Cho'lpondan, Xolid Husayniydan, Mushfiq Kozimiyning "Qo'rqinchli Tehron"i, Mirzakalon Ismoiliyning "Farg'ona tong otguncha"si) zulm qurboni bo'lgan bir yoki bir necha ayollarning o'xshash taqdiriga duch kelaman. Nega hali bolalik aqli va kayfiyati tark etmagan go'daklar ustidan bir buyumdek hukm o'qiladi, mutaassib otalar o'z manfaati yo'lida qizlarini pullashdan or qilmaydi, nomussiz boylar yoki din peshvolari ko'zi tushgan-ki ayolni bir nechta xotini ustiga nikohlab olish payida bo'ladi?!

U jaholat zamoni o'tib ketdi, dersiz. Yo'q, o'tmadi. Faqatgina o'zgargan tuzum, qonunchilik nisbatan tiyib turibdi xolos.

O'zimizdan misol. Qizi maktabni bitirmasidan unga er qidirishga shoshiladigan yoki kimningdir "suqsurdek" qizini maktabni tamomlamasidan "band" qilib qo'yish payiga tushadigan ota-onalar hozir yo'qmi?! Dugonalaridan uch-to'rttasi farzandli bo'lgan qizni "yoshi o'tib qoldi" deb, duch kelgan turmushi o'xshagan/o'xshamagan, hatto otasi tengilar og'iz solishga o'zini haqli sanashi ham jaholatning mevasi aslida. Jamiyatdagi shu johil qarashlar, bo'lar-bo'lmas udumlar, kimo'zarlar ortidan ayollar qurbon bo'lyapti axir! Majburan uylantirishgani yoki xotini yaxshi chiqmagani uchun joniga qasd qilgan biror yigitni eshitdingizmi?! Men eshitmadim. Qayerga bunchalik shoshilishadi - to'y ko'rishga, nevara ko'rishga, "yoshi o'tib" qolishidan qo'rqib va hokazo sababmi? Demak, qiz farzandni faqatgina o'z ruhiy ehtiyojlari yoki obro' orttirish uchun dunyoga keltirishgan ekan-da?! Qizini yosh yoki majburlab uzatayotganlardan "Nimaga turmushga beryapsiz?" deb so'rab ko'ring, "Katta bo'lib qoldi/yoshi o'tib qoladi", deyishadi, lekin "Nimaga majburan uzatyapsiz?" degan savolga "Hali yosh, o'zini aqli yetmaydi (yoki tajribasiz)" deyishadi. G'alati paradoks.

Boshqa misol, shu bugungi kunda Afg'onistonda (Islom amirligida) bo'lib turgan holat - qashshoq oilalar jon saqlab qolish uchun istalgan yoshdagi (!) qizlarini istalgan yoshdagi (!) o'ziga to'q odamga yoki uning o'g'liga unashtirish evaziga pul olib kun ko'rmoqda. Ular, nima, qizlarini boy xaramiga joriyalikka berib, o'g'illarini katta qilib olish uchun qiz ko'rishganmi?! O'sha o'ziga to'q musulmon shu pulni berishga imkoniyati bor ekan, nega Alloh roziligi uchun ehson sifatida yoki hech bo'lmaganda qarz sifatida beravermaydi?! Baribir o'sha hali shum taqdiridan bexabar go'dakni ulg'ayishini ham nechadir yil kutadi-ku?! Bir yoqda, Tolibon mamlakatda to'polon ko'targan payti xavfsizroq joyga yetib olish uchun daydi o'qqa uchragan o'g'lining xotinini bir yo'l puliga sotib ketgan ota-onalar hikoyalari ham bor. Bu kabi misollarni boshqa musulmon davlatlaridan ham keltirish mumkin.

"Bunday ayollar mutlaq ozchilik" deydiganlar, kechirib qo'yasiz, odam haqida gap ketyapti! Ozchilik ham, ko'pchilik ham o'sha-o'sha odam! Qiz bolani yashash huquqidan mahrum qilishga (qiz farzandni abort qildirish ehtimoli yuqori), so'zda ojizaligini e'tirof etib turib, amalda nomardlarcha zulm qilishga, taqdirini o'z manfaatlariga bo'ysundirishga uyalishmaydiyu, lekin ayollar huquqlari deb bosh ko'targanlarni dinsiz/kofir/shakkok/noshukur - bisotidagi bor chirkin so'zlar bilan yomonotliq qilishadi.

O'zbekchikik, qadriyat deyotganingiz - bir qiz - shaxs (!) taqdiriga (tug'ilishidan boshlab, kim bilan turmush qurishi, nechta bola ko'rishi, bolasi nima kasb tanlashi va hokazo...) butun boshli urug'i hokimlik qilishi - mutlaqo ahmoqgarchilik.

Aslida ayolning ixtiyori otasi, akasi, ukasi, eri, o'g'li yoki unga aloqador har qanday erkak izmida emas. To'g'ri, ular bilan hisoblashadi, maslahatlashadi, fikrlarini, o'zlarini hurmat qiladi, lekin eng oxirgi qarorni o'zi qabul qilishi shart.

©️Muqaddamxon Saidrasulova

Islom haq va to’g’ri din. Islom ayollarga erkinlik bergan. Lekin har bir millat buni o’zicha talqin qilib, tortib olgan. Agar islom qonunlari ishlasa, feministik g’oyalarga o’rin qolmaydi. Ayollar xo’rlanmaydi. Islom bu din. Mentalitet esa ijtimoiy guruhning dunyo qarashi.

#🎈

​​#tavsiya
9/10

“Bir so’z bilan aytganda, faqat istaklar bilan ish bitmaydi. Nimadir o’zidan-o’zi o’zgarib qolishiga umid qilishdan ma’ni yo’q. Kuniga o’n ikki-o’n besh soatlab tinimsiz ishlashning o’zi yetarli emas. G’ishtni qolipidan ko’chirish uchun fikrlash tarzini o’zgartirish lozim”.

@ Kitobdan

KITOB: “G’ayriixtiyoriy ong mo’jizalari” Jon Kexo

Jon Kexo kitoblari bugungi kunda juda mashhur va har kuni o’nlab odamlar bu kitoblar orqali hayotini o’zgartira olganliklarini aytishadi. Kitob o’zbek tilida qo’liga tushkanda men hali yozuvchi bilan tanish emasdim. Ammo ong osti va fikrlash haqidagi bir nechta tajribalarni o’zimda sinab ko’rishga ulgurgandim. Lekin tajribalar uzoq vaqt o’zini oqlamas, yoki men shunchaki bular haqida unutardim. Bu kitob qo’limga kelganida nomi qiziqtirgan, rus tilidan men boshqacha tarjima qilardim shu paytgacha(“Подсознание может всё!”).

Kitob ko’proq ong va fikrlash bilan ishlaydi. Shuning uchun ham gapni kitobdan olingan fikrlashni o’zgartirish haqidagi jumlalar bilan boshladim. Ya’ni dastlab, yozuvchi fikrlashda har doim positivlik va ong osti kuchini izohlaydi. Bu haqiqatdan ham yordam beradigan usul. Chunki inson fikrlashi orqali juda ko’p narsalarni o’zgartirishga qodir.

Lekin meni o’ylantirgan narsa boshqa. Inson har doim o’zida positivlikni aks ettirishi, u qila olishini takrorlayverishi qaysidir ma’noda effekt beradi. Biroq bu vaqtinchalik bo’lib qolmasmikin? Ya’ni kitob aynan sizdagi chuqur ichki muammolarga yordam bera oladimi? Ayni shu sababdan ham kitob ustida ba’zi tajribalarni o’tkazdim. Agar sizdagi tushkunlik, chuqurlashmagan va hali hislarni boshqara olish darajasida bo’lasangiz “Ha” bu kitob sizga albatta yordam beradi. Men kitobgacha ayni shu mavzudagi ma’lumotlar bilan biroz tanishishni maslahat bergan bo’lardim. Bu o’zingizga va kitobni yaxshiroq hazm qilishingizga yordam beradi.

Umuman kitobdan to’g’ri foydalana olsangiz ichki va sizni o’rab turgan ko’plab muammolaringizga yechim topa olishingiz mumkin. Kitobni yorqin qilgan hislatlardan biri ham aynan shu bo’lsa kerak. Praktikalar va ong bilan o’tkazilgan tinimsiz mashqlar sizni yaxshi natijaga olib chiqa oladi. Bu haqida ko’proq bilish uchun esa shunchaki kitobni o’qish kerak.

Kitob bir nafasda o'qiladi va sodda tilda yozilgan. O’z fikrlaringizni haqiqatan ham kuzatish va nazorat qilish, ularni foydali yo'nalishga yo'naltirish uchun sizni ilhomlantiradi. Unda berilgan metodlar albatta real hayotda ham effekt beradi. Shunchaki ongingizni boshqaring va hayotdan xohlaganingizni oling) Bu biroz balandparvoz tuyilishi mumkin, ammo shunchaki qiyinlashtirmaslik kifoya. Qolganini esa ongingizning o’zi boshqaradi.

Atrofdagilar va o’zi bilan muammoga duch kelayotganlar, hayotida nimanidir o’zgartirishni xohlaganlar va keng kitobxon ommasi uchun. O’qing! Zero eng yaxshi xulosa bu - o’zingiz chiqargan xulosadir!

@m1racle_books 📚

​​Mening yozim..)

Men orzulari katta qizning shu binoga qanday qaraganini eslayman. O’sha paytda bu u uchun qanday qadrli bo’lganini, u har safar shu binoning yonidan o’tganida qanchalik hayajonlanganini bilaman. U qanchalar intiqqanidan, qanchalar orzu qilganidan xabarim bor.

Odam ulg’aygani sari kamroq kuladi. Bir paytlar uni baxtiyor qilgan ulkan narsalar, vaqt o’tgani sari mayda tuyg’ularga aylanadi. Yo’q bu yosh bilan bog’liq emas. Shunchaki nafsimiz ulg’ayadi. Ko’proq xohlaymiz) Va borini ham unutib qo’yamiz. Men bu yozni orzuyimga bag’ishladim. Bu yoz menga bir paytlar ko’zlari yonib kelajagiga qarab turgan qizning orzularini hadya qildi.

Hozir ham NBU’ga kirayotib, ichiga sig’mayotgan quvonchlari bor bu qizning. Juda go’zal va tugammas bir quvonch… Hech kimni eshitmang! Siz qila olmasligingiz haqidagi hech qaysi so’zga quloq solmang. Odamlar qachonki, o’zlari nimagadir erisha olishmasa, ana o’shanda boshqalar ham buni qila olishmaydi deb o’ylashadi.

Eshitishingiz kerak bo’lgan yagona inson bu - o’zingiz! Nimani xohlayapsiz? Nimani orzu qilish sizga ayni damda cheksiz hayajon va quvonchlar beryapti? Ana shularni aniqlab oling) Xohlaganingizdek orzu qiling, xohlaganingizchalik cheksiz orzular bo’lsin. Ammo ular orasida o’zingizni yo’qotib qo’ymang.

Ushalgan har bir orzuyingizda cheksiz baxtlarni his qiladigan darajada sof bo’ling!
Eng asosiysi unutmang!
Siz barchasini uddalay olasiz😊

@m1racle_books📚

Хаёт кимгадир хаклигингни исботлашдан иборат эмас…

Шунчаки яша ва завклан❤️

Bugungi sovg’alar haqida bu yerda👇🏻

👉🏻@m1racle_F3👈🏻

https://www.tg-me.com/kitobdornashr Tashakkurlar😍

​​Bugun kanal 2 yoshda…🥳

Men dastlab bu kanalni ochganimda undan bu qadar ko’p emotsiyalar olaman va kimgadir foydam tegadi, degan fikr bo’lmagan. Bu yo’nalishni shunchaki juda yaxshi ko’rganman. Shunchaki zerikkandan ochilgan blog edi bu. Ammo mana shu ikki yil ichida biz siz bilan juda ko’p ishlarni amalga oshirdik😍

Har kuni o’nlab insonlardan olinadigan iliq fikrlar, sovg’alar va mehrga limmo-lim kanal bu❤️ Bu yerda mening tashvishim, mening kulguyim, mening g’amim, mening baxtim, mening sog’inchim, mening barcha his tuyg’ularim aks ettirilgan va sizlar bularning bariga guvohsiz. Bir narsani aytishni xohlardim. Siz menga hatto o’qish uchun bir inson qolsa ham yozish kerakligini o’rgatdingiz. Siz men bilan ulg’ayyapsiz. Mening tuyg’ularim, kitoblarim bilan yashayapsiz.

Bugun shunchaki, @m1racle_books bilan uchrashish orzusi bo’lgan bir mehribon qizning tug’ilgan kuniga bordim. Bilasizmi nimani his qildim. Men shu paytgacha bekorga yashamabman. Men uddalayapman. Balki o’ylaganim qadar zo’rmasdir… Balki o’ylaganim qadar harakat qilmasman… Biroq shunchaki bema’no umrni tanlamadim. Qanchalik qiyin va mashaqqatli yo’l bo’lmasin, biz siz bilan birgalikda uddalayapmiz. Barchangizga cheksiz tashakkurlarim. Sizlardan minnatdorman❤️ Sizlar bor ekansiz @m1racle_books yashaydi. Siz bor ekansiz, u hali juda ko’p ishlar qiladi🤲🏻 Birgalikda o’tkazilgan ikki yil uchun barchangizga Rahmat😊

O’zingizni asrang Baxtlarim🥰

@m1racle_books📚

#mulohaza

Umuman kitoblarini o’qigingiz kelmaydigan va fikr bildirmaydigan nashriyotlaringiz bormi?

Bor bo’lsa ular qaysi?
Umuman nashriyotlardan xabardormisiz?

@m1racle_books📚

Anna❤️

Ikki kundan beri Anna bilanman…
U bilan tutqunlikdaman, joni og’risa jonim og’riyapti… Menga “farzand tarbiyasi” haqida o’qilgan vazlar tanish. Men unga o’xshab kichraygan kiyimlarimga qarab ajablanganman. Unga o’xshab beg’urbor bolajon bo’lganman.

Ammo farqimiz meni urush katta qilmadi. Meni mintalitet katta qilgan)

@m1racle_F3