ОЗОДЛИК КУРАШЛАРИ

Бўлғуси

✍🏻Мирзо Кенжабек шеъри
🎙 Дадахон Ҳасан ижроси

⏳Шеър ёзилган ва қўшиқ қилинган йил: 1985.

@m_kenjabek |

ВАЗНСИЗЛИК ҲОЛАТИ

Фазогирлар коинотда
Унутармиш аслини –
Енгил бўлиб қолар эмиш,
Йўқотармиш вазнини.

Дўстлар! Ерда ҳаёт оғир,
Кўзлардаги ёш оғир;
Елкадаги бошдан кўра
Кўкракдаги тош оғир.

Гар қодирсиз, кўкка учиб,
Синаб кўринг, жўралар,
Ё фазода кезганлардан
Сўраб кўринг, жўралар,

Вазнсизлик ҳолатида
Учиб юрган дамлари,
Енгилмикан у ёқларда
Бу дунёнинг ғамлари!..

1985

Мирзо КЕНЖАБЕК


@m_kenjabek
┈┈• ❀ 🌷☘️🌷 ❀ •┈┈•

****

Ассалому алайкум  ва
раҳматуллоҳи ва барокотуҳ!

БУГУН:
Шанба.
Ҳижрий 1446 йил.
Зулҳижжа ойининг 18-куни.
Милодий 2025 йил, 14-июнь.


@m_kenjabek
┈┈• ❀ 🌷☘️🌷 ❀ •┈┈•

****

Шақиқи Балхий Ҳижозга борди. Иброҳим Адҳамга учради. Дедики:
– Ё Адҳам ўғли! Қандай тирикчилик қилурсизлар?
Иброҳим айтди:
– Топсак – шукр қилурмиз, топмасак – сабр қилурмиз!
Шақиқ дедики:
– Бизнинг Балх итлари ҳам шундай қилурлар.
– Сизлар не қилурсизлар? – деди Иброҳим Адҳам.
Шақиқ айтди:
– Топсак – эҳсон қилурмиз, топмасак – шукр қилурмиз.
Иброҳим турди-да, Шақиқни қучди.
– Устозим сизсиз,– деди.


Шайх Фаридуддин Аттор ҳазратларининг
"Тазкират ул-авлиё"асаридан.
Форс тилидан Устоз Мирзо Кенжабек таржимаси.




@m_kenjabek
┈┈• ❀ 🌷☘️🌷 ❀ •┈┈•

****

Минг турли усту бош – энгилларга боқ,
Юки оғирлару енгилларга боқ.
Жонсиз жасадларни кўрмоқ истасанг,
Эй дўст, муҳаббатсиз кўнгилларга боқ!


Мирзо КЕНЖАБЕК


@m_kenjabek
┈┈• ❀ 🌷☘️🌷 ❀ •┈┈•

#Ғазал_садолари

ЭЙ ЖОН, НЕЧУН ЁНУРСЕН?. .

Бағри бутун будунинг
бу тунда хоб ичинда,
Эй, жон, нечун ёнурсен
минг изтироб ичинда?!

Гул кўзида ўзимни
кўрдимман-о, ёнурмен
Ҳануз бу ўт ичинда,
бу офтоб ичинда.

Секин-секин сузардим
сувдан сўраб саодат,
Қалқа-қалқа қайиғим
қолмиш сароб ичинда.

Эй дўст, мен оғангман,
мадад берай деганлар
Нетай, рақиб эканлар
асли ниқоб ичинда!

Мен ишқда эркни истаб,
овораларни кўрдим,
Бири туроб ичинда,
бири шароб ичинда!

Эй ёрижон, бу фурсат
одамлиғимни кўрсат,
Токи руҳ ўлса-ўлсин
зўр инқилоб ичинда!

Эй, дўстлар-о, бу дардим
Ошкор этиб нетардим,
Нетарман ул самарсиз
қолса китоб ичинда?!

1985

МИРЗО КЕНЖАБЕК


@m_kenjabek
┈┈• ❀ 🌷☘️🌷 ❀ •┈┈•

****

Ассалому алайкум  ва
раҳматуллоҳи ва барокотуҳ!

БУГУН:
Якшанба.
Ҳижрий 1446 йил.
Зулҳижжа ойининг 19-куни.
Милодий 2025 йил, 15-июнь.


@m_kenjabek
┈┈• ❀ 🌷☘️🌷 ❀ •┈┈•

#Ғазал_садолари

****

АЖАБМАС

Хуш бўй келар узоқдан,
Эмин бўлсак тузоқдан,
Биз кўз тиккан бу боғдан
Райҳон чиқса, ажабмас.

Дема: «Қалбим гирёна,
Ишқ биноси вайрона...»
Қум ичиндан энди бир
Қўрғон чиқса, ажабмас.

Хафа бўлма йиллардан,
Чекин ёвуз диллардан,
Бу бесадо тиллардан
Қуръон чиқса, ажабмас.

Нелар ўтди қошингдан,
Ёр, айланай, бошингдан,
Тўккан қатра ёшингдан
Уммон чиқса, ажабмас.

Аҳли ишқ, аҳли иймон
Бошида минг имтиҳон,
Гирён яшаб, дунёдан
Хандон чиқса, ажабмас.


2002 й

Мирзо КЕНЖАБЕК



@m_kenjabek
┈┈• ❀ 🌷☘️🌷 ❀ •┈┈•

****

«Ҳеч бир киши, токи муҳаббат аҳлининг ҳимматини топмагунича, мукаммал сифатлиғ ҳимматни топа олмайди. Муҳаббат аҳли эса бу сифатлиғ ҳимматни, албатта, суннатга эргашиш ва бидъатлардан қочиш билан топдилар.

Чунки Ҳазрат Расулуллоҳ соллаллоҳу алайҳи ва саллам ҳиммат жиҳатидан бутун халқдан устун эдилар ва яқинлик жиҳатидан муҳаббат аҳлининг энг сазовори эдилар».

****

«Авлиёларнинг валоятини инкор этиш жоҳилларнинг қалбларида бўлади...»

****

«Аллоҳни билган зотлар Ҳақ таоло белгилаган одоб ҳудудида тўхталган бўладилар. То Аллоҳнинг изни бўлмагунича, бу ҳудуддан асло ташқари чиқмайдилар».

****

«Кимки машойихи киромнинг ишларига ва адабларига рози бўлмаса, у Аллоҳнинг Китобига ва Пайғамбарнинг суннатига адаб сақламаган бўлади».



Устоз Мирзо КЕНЖАБЕК,
«Буюк Термизийлар» китобидан.


@m_kenjabek
┈┈• ❀ 🌷☘️🌷 ❀ •┈┈•

****

Раббим! Ҳар ижодинг ҳикматга мосдир,
Коинот низоми бекаму костдир.
Йўқдан бор қилиш-ку мангу санъатинг,
Бордан йўқ қилиш ҳам Ўзингга хосдир.


Мирзо КЕНЖАБЕК


@m_kenjabek
┈┈• ❀ 🌷☘️🌷 ❀ •┈┈•