*قصيدة الى شجاعة  مسلم ابن عقيل ((ع))*


*ياشيخ الزلم        صيتك ثبت بيهه*
*وتشهدلك الكوفه.   وكل ضواحيهه*


شيخ ومن دخل ماهاب لمتهم
اسوي بهدتي طشار لمتهم
عمي حيدره وبهاي اذكرهم
ونسوان الزلم بالكوفه اسويهه


مسلم من نزل والرايه هزاهه
الكوفه تمايل بالسيف رعباهه
مسلم يا حيد  الرايه  شالاهه
اضيك انفاسهه ومحتاره اخليهه

طوعه هلهلت للحيد بالكوفه
مثل اهله سبع وبعينهه تشوفه
خلا الوانهه بصولاته مخطوفه
اليوم ارواحهم بسيف اشريهه

ياتربات حيدر ماتطخ هامه
محزم بالدرع والسيف والامه
عليك الجيش كله شايل اعلامه
عدك نيه من اطبها تمحيهه

خزراهه العده وخافت من عيونه
والشجعان من أسمه يهابونه
لو صار المزامط عيب يدنونه
دون حسين روحه مايهم بيه

لخادمة الحسين(( ع ))ام اياد لايجوز حذف الاسم اهدي ثواب الى شرف النبي وال بيته والى روح والدي سيد قاسم ابن سيد عطوان قربتة الى الله تعالى

https://www.tg-me.com/joinchat--h0l4_B6FIg2ZjYy

نعي عن مسلم ابن عقيل عليه السلام



الطايح البشده شلون حاله
ينخه بهله ومحد اجاله
ومشدود الحبل بيده جماله


مسلم يبو روح الحنينه
علمك فجعنه شسوه بينه
لو صح بدينه نعتنيله

ونشوف حاله ونكعد احذاه
تبجي عليهه وننصب اعزاه
والله الكلب مهضوم خلاه

شلون بي من غمض العين
وعزاز الكلب عنه بعيدين
يعتب على العنه بعيدين

فص عيني يامسلم شلعته
عمك يخويه من سمعته
كطع دليلي  وكلبي  فته


وسفه الدهر ماريضالك
بعازت اهل وشلون حالك
من غمضت ياهو الشالك


فكدك تره ماخله كل حيل
مانرضه عليك الوادم تعيل
ماعدك عمام النعشك تشيل

حنيت مني ضلوعي الثنين
مثلك اجيبن  مسلم  منين
يالماخذك من عدنه البين

جاني اخبر ماصدكيته
ياريتني ماودعيته
شيرده بعد مسلم البيته


لخادمة الحسين(( ع ))ام اياد لا يجوز حذف الاسم


https://www.tg-me.com/joinchat--h0l4_B6FIg2ZjYy

*قصيدة الى مسلم ابن عقيل ((ع))*



*يشيب الراس  ياعلم المأسرينه*
*لبو طاهر.       ندك الصدر خلينه*

وسفه عليك يامسلم يمهيوب
امأسرينك يهيبه بيش مطلوب
يومك بالغريب مشيب الكلوب
علمك من وصل ياحيد ونينه


الكوفه كون مكلوبه بهاليه
لاعدك عمام ولا اهل بيهه
هاي اهل الغدر معروف تاليهه
يازينب عليهه الدمعه هليهه


مسلم ياهضيمه تخونه الكوفه
ولاعده عشيره التلحك تشوفه
وعلى حسين ضلت روحه ملهوفه
يون والكربله يديرهه عينه


ماواحد فزعله بين عدوانه
يعتب والعتب كله الخوانه
عميانه عليهم عينه عميانه
صاح حسين والعباس جاوين


حيف الوحده والروح خلصانه
ومن فوك السطح ذبوه عدوانه
وسفه وياك  مياله يدنيانه
مصابك يابو طاهر حيل ياذينه

لخادمة الحسين ((ع))ام اياد العلويه ام اياد لايجوز حذف الاسم


https://www.tg-me.com/joinchat--h0l4_B6FIg2ZjYy

هوسات
حميده بت مسلم ع تكول


عونهه الوصلت البوهه وشافته
وبالمنيه  حذا  وتسمع  ونته
شتكول على ابوهه الما مودعته

((شلون الشال تودعينه ))

حميده اليوم حكج من تعتبينه
ابوج  بعيد عنج وين تلكينه
ماتدرين بالكوفه امئسرينه

((ونيله المات امئسر))


مئسر والحبل نيشان حط بي
ابوج البي محنه عيب شفتي
ولا يمه كعتي ولا  نعيتي

((يايومه شلون تحملينه ))


بالله شلون كليلي تحملينه
خبر موته حميده من تسمعينه
علمه موش هين يالتفكدينه

((ضيعتي ابوج الهيبه )))

وني وحيل دكي والطمي الهامه
منج راح ابوج وراحت ايامه
عفيه على الوكت وياج مادامه

((خلاج وغمض حيرانه ))

حيرانه البنيه خلاف والدهه
ذيجه هيبته جابعد شيردهه
مانشفت عليه دمعتهه بخدهه

((ونتهه علي ماتبطل ))


ماتبطل الونه ازيده انوب
وعليك البس يبويه اسود الثوب
بتك يالحنين خلافك تلوب

((حميده تون وشدت عصابه ))


لخادمة الحسين ((ع ))العلويه ام اياد لا يجوز حذف الاسم


https://www.tg-me.com/joinchat--h0l4_B6FIg2ZjYy

قصيده عن الاهل



*حزينه وتربي العيون  شوكت يهلي تردون*
*روحي تريد ليهم      احن و اذكر  حجيهم*

*حزينه وتربي العيون   شوكت اهلي يردون*




كضت روحي وراهم من مشو عني
يريت الموت ويه اهلي اخذني
ولاضل ابرجاهم والفركه تكتلني
ماحسب الهاي زماني وياكم يفاركني
*عمت عيني عليهم   احن وذكر حجيهم*
*حزينه وتربي العيون  شوكت يهلي تردون*



اون وابجي وراهم حيل مابيه
بعد شيلم شمنه ونكعد سويه
هجركم ودر عيوني وخله ضلوعي محنيه
هيهات الزمان يعود ويردكم بعد ليه
بعد وين الاكيهم  احن وذكر حجيهم



لاطارش ولامرسال الاجه منهم
علينه انكطعت اخبار النودهم
غابو بالتراب و ايست روحي بعدهم
سفرتهم طويله ولينه شيردهم
*عمه عيوني بجيهم   احن وذكر حجيهم*
*حزينه وتربي العيون   شوكت يهلي تردون*



مثل ماي التبده شلون المنه
عليكم دمعي عشره عشره اهلنه
امس جنه سوه  وهسه  تفاركنه
ياوسفه  تطشر  يهلي  شملنه
*بروحي انه اشتريهم   احن وذكر حجيهم*
*حزينه وتربي العيون    شوكت يهلي تردون*


وعيني الدربهم صبح وعصر تربي
يدمعاتي وره الشالو من دمه صبي
عكبكم  ياهلي ضيعت  دربي
ضليت اناطروالفركه كطعت كلبي
*لايجونه ولانجيهم  احن وذكرهم حجيهم*
*حزينه وتربي العيون  شوكت يهلي تردون*





*الخادمة الحسين ع العلويه ام اياد لا يجوز حذف الاسم اهدى ثوابها الى روح والدي العزيز السيد قاسم ابن سيد عطوان الفاتحه*

https://www.tg-me.com/joinchat--h0l4_B6FIg2ZjYy

نعي عن حال العليله(( ع))


امسه المسه والباب مسدود

والضعن شال وماضن يعود

خلو عليه  الباب   مردود

فراك ومرض والحيل مهدود

والكلبي عليكم صبح ممرود

ذيجه لمتنه  ماضن  تعود

وكعد اوياهم وحجي  بزود

روحي عليهم ماضن تعود

نام حسافه بذيج  اللحود

يهلي  تعالو  وين  الوعود

اعتب عليكم والعتب جود

الفكدة اهلهه ماضن تهود

دمعهه يهل ويجوي الخدود

وعليك البست هدومي السود

وعليكم البست هدومي السود


لخادمة الحسين(( ع ))العلويه ام اياد لا يجوز حذف الاسم

https://www.tg-me.com/joinchat--h0l4_B6FIg2ZjYy

قصيدة للعليله(( ع))


*بتكم وين.          عدمن ودعيتوهه*
*وصيتو عليهه       لو نسيتوهه*



بتكم وين عفتوهه  يوهامه
بجفاهم تكول الليل مانامه
مشتاكه لهله وحيل محتامه
ونتهه ثجيله وعيب سمعوهه

اليه اعتاب ويه  الحملو  عني
شالو والنزل عافوهه يوحشني
اميل من المرض ياهو اليسندني
بتكم ياهلي الضلت اذكروهه


اجفو بالضعن ماردو  عليه
ومايفتر ونيني يزيد يوميه
ضلوعي من الفراك اصبحت محنيه
يايوم العليله شوكت تلفوهه


عفتوني المرض خاطفلي الواني
ونوب افراكم بالضيم خلاني
صحت حسين بويه وعيب سمعاني
لازم بالضعن بتكم تحملوهه



بدار اهل المحنه النوح اذاني
الوحدي ياحسافه الوكت خلاني
ابوي اشاخراه وماتعناني
بتكم ياهلي الضلت اذكروهه


لخادمة الحسين ((ع ))العلويه ام اياد لا يجوز حذف الاسم
https://www.tg-me.com/joinchat--h0l4_B6FIg2ZjYy

قصيده العليلة الحسين ((ع))


*خلوانه البيوت.     وهضل مابيهه*
*شالت وين عنهه.    بساع اهاليهه*



خلوانه واهلهه غربو عنهه
سدو بابهه وحشه ثنيته
وخلو فاطمه بس تهل دمعته
وره الشالو بعد كل حيل مابيهه


هذا مجانهم وهنا كعدتهم
وحلاهه يهلنه ذبح لمتهم
ماردو علي طولو سفرتهم
فركتكم احس عيوني تعميههً


ماكو شو خبر منهم ولاعينه
كطعوه الوصل ياوسفه اهالينه
كعدنه بدارهم ونوح ضلينه
اايفراكم للروح ياذيهه
 
مانسمع هضلهم وين اهالينه
خلاف وجوهم بالضيم ضلينه
ها يهل المحنه شلون جابينه
ردو على العليله المرض كاضيهه


مضيعته ابوي وغاب.عن عيني
الاجمني الكلب وعليهه ماذيني
نكطع حبل الوده البينه وبيني
وضلن دمعتي على المشو اجريهه


كاضيني المرض والروح خلصانه
وحدي بدارهم ضليت بس انه
اون اليل كله  وعيني  سهرانه
روحي خلافهم جابيش اسليهه



لخادمة الحسين(( ع))العلويه ام اياد لا يجوز حذف الاسم

https://www.tg-me.com/joinchat--h0l4_B6FIg2ZjYy

نعي عن حال العليلة



اسم الله يدار اهلج جفوني
بتهم ولاجني  انكروني
من دون الضعن انه اعزلوني


سدو بابهم و ارحلو عني
وانه بشوك كعدتهم بعدني
من حملو مافتر وني


تبعيتهم و اعثر بجدمي
انه ترجاك وياهم ارجبني
يحداي الضعن وياك اخذني


ماشين وانه اعاين الكم
مريضه وعفتوني بنزلكم
يكثر ونيني من بعدكم


صحت يهل المحنه وين ناوين
عدكم مريضه دير بالعين
بويه اخذني وياك يحسين

شال الضعن و ابعد عليه
ثجيل الفراك شلون بيه
تردون الي لو  هاي هيه

بعيني الضعن شفته تعده
شال و بعد  لينه  شيرده
وضلمه بقت دار النوده


رديت الباب والزمنه
وكعديت اون انه بعتبته
و ابوي الودعاني عيب شفته


لخادمة الحسين ((ع))ام اياد لا يجوز حذف الاسم

https://www.tg-me.com/joinchat--h0l4_B6FIg2ZjYy

#عاجـــــــــــــــل

بيان لمكتب المرجع الديني الأعلى الإمام السيستاني:

▫️إن الجريمة التي ارتكبها النظام الاسرائيلي المحتل صباح الجمعة، باستشهاد مجموعة من العلماء والقادة العسكريين والمدنيين الإيرانيين، بينهم نساء وأطفال، ومهاجمة عدد من المؤسسات والمراكز العلمية في البلاد، برهنت مجددًا على خطورة هذا النظام وعدوانيته.

▫️وإذ ندعو للشهداء الأبرار بالرحمة والرفعة، ونتقدم بالتعازي لأسرهم الكريمة، ونتمنى الشفاء العاجل للمصابين والمصابات، فإننا ندين بشدة هذا العمل الإجرامي، ونتوقع من المجتمع الدولي الضغط على هذا النظام المعتدي وداعميه لمنع استمرار مثل هذه الاعتداءات.

▫️نسأل الله العلي القدير أن يديم عز وفخر الشعب الإيراني الكريم. ولا حول ولا قوة إلا بالله العلي العظيم.

١٦ / ذو الحجة / ١٤٤٦ هـ
النجف الأشرف

{ وَلَا تَهِنُوا وَلَا تَحْزَنُوا وَأَنْتُمُ الْأَعْلَوْنَ إِنْ كُنْتُمْ مُؤْمِنِينَ}

📖 آيات من الذكر الحكيم

🖇 www.tg-me.com/khamenaei_syria

كلّ عامٍ وأنتَم تُجددونَ البَيعة لمَولىٰ قُلوبكم، كلّ عامٍ
{وأشهدُ أنَّ عليًا ولي الله} هُوِيَّتكُم.💚

💠 حديث اليوم

⚜️ عن رسول الله ( صلى الله عليه وآله وسلم )

🔆 «مَن كنتُ مولاه فعليٌّ مولاه، اللهمَّ والِ مَن والاه، وعادِ مَن عاداه، واخذُل مَن خذله، وانصُر مَن نصره».

📖 الأمالي، ص٢١٨

                            ☆☆☆☆☆☆☆☆

✳️ ذكر يوم الأحد:

✨ يا ذا الجلال والإكرام (۱٠٠ مرة)

#أحاديث
#عيد_الغدير_الأغر

🖇 www.tg-me.com/khamenaei_syria

تنويه

السلام عليكم ورحمة الله وبركاته
حديثا نطبع ديوان الاحد الشاعرات
غلافه نفس غلاف

ديوان راية العباس ((ع))
ديوان راية العباس الخدمة الحسين العلويه ام اياد
الجزء الاول نزل قبل شهر ونص وصل الكل المكاتب بالعراق
وكل الخادمات تعرفه وخذن منه

وهسه نزل ديوان اسمه عتيق العباس بنفس الغلاف وجاي ينشرون بي للشاعره مريم الصدر
تصلنه على المطبعه الي طابعته كالو ماندي سحبنه الصورة من النت
الذالك
اخواتي العزيزات الي تريد كتاب راية العباس الازم تنتبه على اسمه الكتب واسم الشاعره
الحد مايغيرون غلافهم

العلويه ام اياد

قصيده للعليله

سدو بابهه        الديران سدوه
وضلت فاطمه   المعلوله خلوهه

سدو بابهم والدار عافوهه
وبتهم بالنزل مهضومه خلوه
البنيه شلون يعوفه ابوهه
اوياكم بالضعن لازم تحملوهه



يوحشني النزل يلي تركتوني
بويه والمرض والله خطف لوني
وياكم ردت جا ليش عفتوني
سفرتكم طويله وعيب تلغوه



من يوم المشو اليوم مسدوده
شيعود المشه للدار شيعوده
كاضيني المرض ضليت ممدوده
ولا نشدو على البلدار عافوهه



منازلهم مضلمه وصوت مابيه
لو جاهه الغروب تحن لهاليهه
ولغرب بضعنه ما رجع ليهه
عيني مناضره ادروب الكطعتوهه



عيني مناضره وما غمضت ساعه
وفراك اللفاهم ولله طركاعه
شلون الي توده تحمل اوداعه
بتهم من مشو ما يوم ذكروهه


*لخادمة الحسين ((ع)) العلويه ام اياد لا يجوز حذف الاسم*



https://www.tg-me.com/joinchat--h0l4_B6FIg2ZjYy

قصيده حوار ابو الفضل مع زينب الحوراء ((ع))



*ياالعقيله اوداعتج    الماي اجيبه الخيمتج*
*خويه اوعدنج وعد   اترس الجود وارد*

*انه عباس     انه عباس*


امني يازينب اجيب الماي ورويج
ابن البوج انه يحره ابوعدي اوفيج
اليوم عطشانه يزينب ما اخليج
ابد مارد خالي/شوفي خويه افعالي
انه اضللج سند  اترس الجود وارد
انه عباس             انه عباس


خويه اقسم باالجفوف وعيني والراس
اكصد الحومه وضيك عليهه النفاس
الماي شنهي الماي اجيبه وانه عباس
اليوم ارد الكنطره/  وبيهه اعيد اليجره
وسيفي بيهم مايرد/  خويه اوعدنج وعد
انه عباس      انه عباس


تكله لاتبطي عليه  الماي  مريود
اطفالنه من العطش ماتكدر اتهود
وسكنه امتانيتك  تردلهه بالجود
وهذا عبد الله الطفل/  من العطش عينه تهل
انه صيوان وعمد / خويه اوعدنج وعد
انه عباس      انه عباس


الكوم اطرهه بسيفي وتعنه الشريعه
والماي ماشربه  كبلكم  ياالوديعه
اليوم الجل الخوه خويه جفي ابيعه
اليوم اطي اعيوني / خويه وتعذروني
خاف ماردلج بعد  خويه اوعدنج وعد
انه عباس        انه عباس

سالم ترد  الينه  ياابو  فاضل
انته شايل محمل وللخدر كافل
دمعي ابطراف عيني عليك سايل
خويه يحزام الضهر / خاف تبطي على النهر
يكلهه يازينب وعهد / خويه اوعدنج وعد
انه عباس      انه عباس



تحزم وشال الدر والسيف وطاس
وبيده الرايه نزل باالحومه عباس
ابسيفه يكطع روسهه وضيم الانفاس
وخته زينب تندعي /خويه سالم ردالي
الطف اله ابيومه شهد/ خويه اوعدنج وعد



لخادمة الحسين (( ع ))العلويه ام اياد لا يجوز حذف الاسم

https://www.tg-me.com/joinchat--h0l4_B6FIg2ZjYy

‏مقطع صوتي من العلوية ام اياد

قصيدة ولائيه للخدمه



اعد ايام وشهور      الخدمة شهر عاشور
هلا بيام الحسين    احضر دمعة العين
           الخدمة شهر عاشور



اعدن وحسب ايام يمولاي العزائك
احن المجلسك دوم وبدمي ولائك
بمحرم شهر الاحزان بي نعلن حدادك
خادم كون  يحسين تقبلني بلوائك
خادم وافتخر بيك// مولاي بعمري افديك
ودمعي بعيني يفور  الخدمة شهر عاشور
         اعدن وحسب اشهور


اشد للخدمه احزام واواسيهه العقيله
نعد الشهر عاشور  ليلة  بعد ليلة
غير حسين مالي بهالدنيا وسيله
كل مايمر ذكراه دمعي عليه اسيله
ارخص دمعة العين//واونن وابجي لحسين
احزن حتى الدور   الخدمة شهر عاشور

           اعدن وأحسب شهور

مرحب شهر الأحزان هيعونه التلكاه
بيه الزهراء تنزل تصيح الشيعي حياه
تسجله خادم حسين هذا الاحنه ردناه
يفوز الي يواليهه ابو اليمه ومشه اوياه
نسير بدربه ماشين // ونلطمله باليدين
النه الاجر مذخور بخدمة شهر عاشور
     اعدن وحسب شهور

علينه يهل الهلال ونواسي الزجيه
على المذبوح عطشان غدرون بني اميه
وضل النحر دامي وهوه على الوطيه
وزينب بعد عيناه سبوهه الهاشميه
ويلي من سبوهن// على النوك اركبوهن
وكفرهه عليهن دوربخدمة شهر عاشور


اون وابجي وانوحن بالمجلس يامولاي
وصيح حسين عطشان بثوابه نوزع الماي
هوه الرفع صيتي وتقديري بخدمته هاي
اضل للموت انعاه واعمي عليهه عيناي
اون بكل مسيه.   على الراحت سبيه
ومشت وياهه النحور اويلي بشهر عاشور
       اعدن وأحسب شهور

لخادمة الحسين ((ع ))ام اياد العلويه ام اياد لايجوز حذف الاسم
https://www.tg-me.com/joinchat--h0l4_B6FIg2ZjYy