በ44ኛው የሰበካ አጠቃላይ ጉባኤ ማኅበረ ቅዱሳን በተለያዩ አኅጉረ ስበከቶች በ2017 ዓ.ም የሠራቸው ሥራዎች ሪፖርት ቀረበ።

ማኅበሩ ከ41ሺ በላይ አዳዲስ አማኒያንን ማስጠመቁ የተገለጸ ሲሆን በካህናት እጥረት የተዘጉ 34 አብያተ ክርስቲያናት ካህናት በመቅጠር አገልግሎት እንዲሰጡ ማድረጉን ተገልጿል።

ማኅበረ ቅዱሳን በዩኒቨርሲቲና በኮሌጆች በሚሰጠው አገልግሎት ከ200ሺ በላይ የግቢ ጉበኤ ተማሪዎችን በሀገር ዉስጥና በውጭ ሀገራት በተለያዩ ቋንቋዎች እያስተማረ እንደሚገኝ አስታውቋል።

ትምህርታቸውን ያጠናቀቁ 27,524 ተማሪዎች ደግሞ ባላቸው ሙያ ቤተ ክርስቲያንን እንዲያገለግሉ መሰማራታቸው ተገልጿል።

ሪፖርቱ 8418 የግቢ ጉባኤ ተማሪዎችን የአብነት ትምህርት  በማስተማር 146ቱ ሥልጣነ ክህነት አንዲቀበሉ ማድረጉንም ጠቅሷል።

ማኅበሩ በሚሰጠው የትምህርትና ሐዋርያዊ አገልግሎት ከ41ሺ በላይ አዳዲስ አማኒያንን ማስጠመቁ የተገለጸ ሲሆን በካህናት እጥረት የተዘጉ 34 አብያተ ክርስቲያናት ካህናት በመቅጠር አገልግሎት እንዲሰጡ ማድረጉን ተገልጿል።

በስበከተ ወንጌልና በሐዋርያዊ አገልግሎት 58,673,518,00 ብር ወጪ በማድረግ 31 መጽሐፍትን በ94,544 ቅጅ በተለያዩ ቋንቋዎች አሳትሞ አሰራጭቷል።

በአዲስ አበባ ዩኒቨርሲቲ ለሦስቱም ግቢያት አዲስ ተማሪዎች አቀባበል መደረጉን ተገለጸ

ጥቅምት ፯/፳፻፲፰ ዓ. ም

በአዲስ አበባ ዩኒቨርሲቲ የአራት ኪሎ ፣ የአምስት ኪሎ እና የስድስት ኪሎ ግቢ ጉባኤያት ተማሪዎች አቀባበል መደረጉን ተገልጿል።

በመርሐ ግብሩ ላይ ተማሪዎች በዩኒቨርሲቲ ቆይታቸው በግቢ ጉባኤ አገልግሎት ንቁ ተሳታፊ በመሆን በመንፈሳዊ ሕይወታቸው መጠንከር እንደሚገባቸው ተመላክቷል።

በአቀባበል ዝግጅቱ  ላይ የማኅበረ ቅዱሳን አዲስ አበባ ማእከል ምክትል ሰብሳቢ አቶ በረከት መሠረት መልእክት ያስተላፉ ሲሆን በመልእክታቸው ተማሪዎች በቤተ ክርስቲያን የሚሰጠውን ትምህርት ጠንክረው መማር እንደሚገባቸው ጠቁመው ከመጡበት ዓላማ አንጻር በአስኳላ ትምህርታቸው በመረዳዳት፣ አብሮ በማጥናት፣ የደከሙትን በማበርታት በወንድማማችነትና እኅትማማችነት መንፈስ ከፍተኛ ውጤት ለማምጣት ጠንክረው መሥራት አለባቸው ብለዋል።

ምክትል ሰብሳቢው አክለውም ከፀረ- ሃይማኖት እና ከፀረ-ባህል አስተሳሰቦች፣ ጠባያት እና ድርጊቶች በመራቅ ራሳቸውን እነዚህ ከሚያስከትሏቸው መጥፎ ውጤቶች ማለትም ከበሽታ፣ ከሱሰኝነት፣ ከዘረኝነት፣ ከዓለማዊነት በአጠቃላይ ክፉ ጓደኝነት እና የማኅበራዊ ሚዲያ አለአግባብ መጠቀም ከሚያመጣቸው አሉታዊ ተጽእኖዎች መራቅ እንደሚገባቸው መክረዋል።

በአቀባበል ሥነ ሥርዓቱ እግር የማጠብ መርሐ ግብር የተከናወነ ሲሆን ጸሎተ ወንጌል ፣ መዝሙር ፣ ቅኔ እና የጋራ ወረብ የቀረበ ሲሆን ዲያቆን ያረጋል አበጋዝ ለተማሪዎቹ ትምህርት ሰጥተዋል።

ዲያቆን ያረጋል አበጋዝ "በነጻነት ልንኖር ክርስቶስ ነጻ አወጣን!" በሚል  ርእስ ትምህርተ ወንጌል የሰጡ ሲሆን በዚህም ርእሰ ጉዳይ በመመርኮዝ  ተማሪዎች ክርስቶስ በሰጠው ነጻ ፈቃድ ውስጥ በመሆን በአገልግሎት ሊተጉ እንደሚገባ በትምህርታቸው አንስተዋል።