يومكم جميل زي قهوتي🥰

قهوة الصبح دي بتغسلني من جوة

اللي هو بزعل على اخر بوء.. (كده ياغالية تخلصي بسرعه)

اقرب صاحبة ليا قهوتي

وبما اني اول امتحاناتى في الماجستير بكرة

أحب أشكر قهوتي لمساندتي في بحر الكتب اللي غرقت فيه

وأنت بقي ايه اللي في حياتك مهم حابب تشكره..؟!

#مي_طارق
#اخصائي_نفسي
#بتاعت_علم_نفس

في ناس ربنا رزقها باعاقة جسدية وبرضه في نوع ثاني من الاعاقة اسمه الاعاقة الذهنية.
كلها مش من اختيار الشخص.

بس في ناس كده عندها نوع مميز من الاعاقات اسمه الاعاقة النفسية

اللي هو معندوش احساس.. معندوش دم.. معندوش ذكاء عاطفي.. معندوش حاجات كتير.

بيبقي فاقد القدر علي جبر الخواطر.. او الطبطبة علي الاخر

بيبقي محسوب كده علي البشر وخلاص.. موجود عشان ياذي ومبيخدش باله انه بيأذي وساعات بياخد باله عادي ومكما

نوع جديد دحلاب.. لازم يدخل ضمن الاضطراب النفسية.

أكيد قابلت منه في حياتك....

#مي_طارق
#اخصائي_نفسي
#بتاعت_علم_نفس

الحدود بتخوفهم

ايون الحدود الشخصية اللي من حقك دي

بتخوفهم

اللى هو ايه دة انت عامل حدود للتعامل وعارف بتعمل ايه

طيب يلا نكسر الحدود دى.. او نقول انت معقد.. انت خايف مخبي ايه.. شكلك واخد مقلب في نفسك...

المهم متبقاش عامل حدود وسايبه بره.. ولا كأنك قافل الباب على صباعه.

الحقيقة ان من حق تعمل حدود في التعامل.. ولما بتبقي عارف ايه عى الحدود دى وقادر تميزها لكل واحد.. وفاهم ان الكل مش زى بعض.

دة دليل انك حد ناضح نفسيا وفاهم نفسك.

ودة اللى بيخوف الشخص اللى هو ضعيف من جوه ومقفل عليه الفرص انه يأذيك ويضايقك ولخبط حياتك.

فيبدأ يهاجم.. ويعافر.. ويعمل إسقاط عليك.. عشان تبقي زيه

وده بيفسر شكوى البنات اللي تيجي تقولك كنت تمام ولما وثقت فيه مشي وسابني.

مهي كانت مهمته ياعزيزتي يكسر الحدود اللي حطاها عشان تبقي زيك زيه وخلصت المهمه.

ولا علاقة صداقه ولا زماله شغل وانت حد عارف مبادئك وحدودك..ويجي حد يكسر الحدود دي وهوب يسيبك غرقان

موضوع الحدود دة كبير.. وموجود في كل علاقتنا ابتداءا من آلام لحد أبعد واحد واقف هناك أهون.

خليك دايما علي تواصل مع نفسك.. وثق في حدودك.. ومتننازلش عنها طالما انت متأكد ومتشككش في نفسك لما تتهاجم مش عشان هما كتير يبقي انت غلط.

#مي_طارق
#اخصائى_نفسي
#الحدود

تنفس بهدوء و عمق.. شهيق كامل و زفير كامل… لاحظ الهواء كيف يملأ جسدك ثم يغادر و تظل موجود.. هكذا هي الحياة..أحداثها مثل المد و الجزر..

#مي_طارق
#اخصائى_نفسي

المية بتكدب الغطاس

جملة كلنا عارفينها..

في العلاقات بقي المواقف بتبين البني آدم

اي علاقة (صداقة.. قرابة.. ارتباط.......) ليها مواقف تظهر معدن الشخص لا محالة.

الشطارة هنا تقرأ الموقف صح ومتعدهوش ومتغميش عينك.

وأهو أعرف صحبك وعلم عليه😎

#اخصائي_نفسي
#بتاعت_علم_نفس
#مي_طارق

لا تدع الشعور بالوحده يجعلك تعيد التواصل مع الأشخاص السامين، لا يجب أن تشرب السم لمجرد انك عطشان

#مي_طارق
#اخصائي_نفسي
#بتاعت_علم_نفس

بيقولك ان لم تتألم لم تتعلم
فتألم بصمت بلاش صياح 😅

#اخصائي_نفسي
#مي_طارق
#علم_النفس

كل فترة هتلاقي قوانينك في الحياة بتتغير.. ساعتها اعرف ان درجة وعيك زادت
عشان كده اتعلم انك تكون مرن والحاجة اللي رافضها دلوقت هتبقلها بعدين والعكس طبعا.
مفيش حاجه اسمها ثبات.. كل شيء بيتغير

#مي_طارق
#اخصائي_نفسي
#بتاعت_علم_نفس

لا يكفي أن تكون على قيد الحياة فقط ! يجب أن تكون على قيد المحاولة، على قيد حلم سيتحقق يوماً ما

#اخصائي_نفسي
#بتاعت_علم_نفس
#مي_طارق

ستُرزق على ما يحمله قلبك.. وستُنجيك صدق نواياك.

يومكم حلو

#مي_طارق
#اخصائي_نفسي

الحزن.. الضعف.. أو أي مشاعر سلبية.. جزء منك ومن طبيعتك كأنسان مش محتاج تتهرب منها وتجري ولا محتاج حل سريع من ٣ خطوات للتخلص منها نهائيا.
فقط تقبل المشاعر الطبيعية دي واديها وقتها واتعلم ازاي تفرغ مشاعرك وافكارك صح وكمان تديرها

#بتاعت_علم_نفس
#مي_طارق
#اخصائي_نفسي

فيديو مهم عن الصمت العقابي والشخصية النرجسية

https://vm.tiktok.com/ZM2wsomrr

قواعد السعادة الأربعة:

◉ لا تكره أحدا مهما أخطأ في حقك.

◉ عش في بساطة مهما علا شأنك.

◉ توقع خيرا مهما كثر البلاء.

◉ أعطي الكثير حتى لو امتلكت القليل ....

#اخصائي_نفسي
#مي_طارق

كل تأخيرة في حياتك هي لحكمة بالغه يعلمها الله وحده
لذلك سلم أمرك له وثق به ولا تيأس
وَتيقن أن الله سيعوضك خيرا

#مي_طارق
#اخصائي_نفسي

متجريش زي اللي بيجروا هناك دول وتستعجل نفسك.. خد كل خطوة بروقان
انت مش هما.. كل واحد ليه طاقته وقدراته
فمتهلكش نفسك عشان تبقي زيهم.. وتبقي مش عارف عايز تبقي زيهم ليه
الحياة فيها ضغوطات كتير فمتتغضش على نفسك بزيادة
براحة علي نفسك

#الضغوط_النفسية
#مي_طارق
#اخصائي_نفسي

الأحتواء الصح.. الحضن اللي في وقته.. انك تسمعه وتديه جودة وقت..
كل ده يعتبر خلطة لحماية طفلك من الأضطرابات النفسية اللي ممكن يتعرضلها لما يكبر

#بتاعت_علم_نفس
#أخصائي_نفسي
#مي_طارق

العلاقات السابقة.. أو ex زي ما بيتقال دلوقتي

لو متعلمتش منها.. واتطورت وشخصيتك اختلفت..

يبقي انت كده خسرت كتير ولسه مش مستعد تبدأ من ثاني.

مفيش حاجه اسمها اقطع الصفحة وابدأ من الأول.. انت بس محتاج تاخد وقت وتعدى مرحلة ليه حصل كده.. هو انا عملت ايه غلط..

وترجع تفهم ايه اللي حصل.. وتدخل لمرحلة أنا فهمت اني كنت غلطان لما اختارت الشخص ده عشان كذا وكذا...
او انك تعرف ان الشخص ده كان توكسيك اصلا (شخصية مؤذية)

او تتعمق أكتر وتبحر في التفاصيل وتعرف بعض الأخطاء اللي كانت في التواصل أو في الشخصية واساسها ايه اصلا

وهنا هتكون وصلت لمرحلة وعي تخليك تقول.. انا اتعلمت كتير اوي من العلاقة دي..

او لما يعدى عليك شوية وقت حلوين وتبقي فخور انك اتغيرت

ياترى انت اي شخص لما بتمر بعلاقه خلاص انتهت...

ولو انت مهتم بالعلاقات شاركني ب ده في الكومنتات..

#العلاقات
#مي_طارق
#اخصائي_نفسي