⚡️ЧҲҚБТ раҳбари лавозимига номзодларни саралаш ҳақидаги Низом тасдиқланди

Ўзбекистон Республикаси Мудофаа вазирининг 2025 йил 1 февралдаги 108-сон буйруғи билан "Чақириққа қадар бошланғич тайёргарлик раҳбарлари лавозимига номзодларни саралаб олиш тартиби тўғрисида"ги низом тасдиқланди.

🗂Низом билан батафсил юқоридаги файлда танишишингиз мумкин.

«Maktab uchun hujjatlar» - kanaliga obuna bo'ling! 👇👇👇

👉 @maktablar_uchun_hujjatlar
👉 @maktablar_uchun_hujjatlar

⚡️Мактабларни тўлиқ 5 кунлик ўқиш ва иш режимига ўтказиш таклиф қилинмоқда

Мурожаат “Менинг фикрим” порталига ўтган йили октябр ойида қўйилган. Фуқаро умумий ўрта таълим мактабларини 5 кунлик дарс бериш ва ишлаш режимига ўтказиш орқали устозлар ҳафтасига 2 кун дам олишини, бу билан иш унуми ва сифати ошишини билдирган.

Тармоқларда 2024 йил 23 октябрда “Менинг фикрим” жамоавий мурожаатлар порталига жойлаштирилган петиция муҳокамаси кетмоқда. Унга кўра, Неъматилла Набиев исмли шахс мактабларни тўлиқ 5 кунлик ўқитиш ва ишлаш тизимига ўтишини сўраган.

“Умумий ўрта таълим мактабларида барча ўқувчиларни 5 кунлик таълим олиш дастурига ўтказиш. Педагог ходимларга ҳам 5 кунлик иш тизимига ўтказилса, мақсадга мувофиқ бўлар эди. Устозлар ҳам бемалол ҳафтасига 2 кун дам олса, иш унуми ва сифати ошади деб ўйлайман”, – дейилади унинг петицияси изоҳида.

Ҳозирча ушбу петицияга жами 3584 та овоз берилган, шундан 3562 таси ёқлаб, қолган 22 таси эса қарши.

Маълумот учун, “Менинг фикрим” порталига жойланган ҳар бир петицияга етарлича овоз берилса, уни парламент кўриб чиқиши мумкин. Олий Мажлис палаталари петицияни кўриб чиқишга қабул қилиши учун мурожаат камида 10 минг овоз, Қорақалпоғистон Жўқорғи Кенгеси, халқ депутатлари вилоятлар ва Тошкент шаҳар Кенгашлари кўриб чиқиши учун камида 5000 овоз, туман (шаҳар) кенгашлари кўриб чиқиши учун камида 1000 овоз тўплаш керак бўлади.

Умумий овоз бериш петиция эълон қилинган кундан эътиборан 90 кун ичида ўтказилади. Мурожаат зарур миқдорда овоз тўплаган тақдирда овоз бериш муддатидан олдин тўхтатилиши ҳам мумкин.

Петицияни кўриб чиқиш якунларига кўра ваколатли орган томонидан қарор қабул қилиниб, “Менинг фикрим” сайтига жойлаштирилади. Мурожаатларни кўриб чиқиш ва қарор қабул қилиш муддати 60 кундан ошмаслиги керак.

«Maktab uchun hujjatlar» - kanaliga obuna bo'ling! 👇👇👇

👉 @maktablar_uchun_hujjatlar
👉 @maktablar_uchun_hujjatlar

⚡️Фарзанд – Сизники, унинг ҳуқуқлари эса ўзиники: болани мактабга юбормасликнинг қандай ҳуқуқий оқибатлари бор?

Қонунчиликда боланинг таълим олиш ҳуқуқи ва бу ҳуқуқни амалда рўёбга чиқариш борасида давлатнинг, шу жумладан ота-оналарнинг мажбуриятлари белгиланган. Фарзандини мактабга юбормаганларга қандай жавобгарлик бор? Дарс қолдирган болаларнинг муаммосини ўрганишга ким масъул? Hudud24.uz қуйида таълим олиш ҳуқуқи ва унга тўсқинлик қилишнинг ҳуқуқий оқибатлари ҳақида маълумот беради.

1. Ҳар бир бола билим олиш ҳуқуқига эга

Конституциянинг 50-моддасига кўра, ҳар ким таълим олиш ҳуқуқига эга.

77-моддада эса ота-оналар ва уларнинг ўрнини босувчи шахслар ўз фарзандларини вояга етгунига қадар боқиши, уларнинг тарбияси, таълим олиши, соғлом, тўлақонли ва ҳар томонлама камол топиши хусусида ғамхўрлик қилишга мажбурдирлар, деб белгиланган.

“Бола ҳуқуқларининг кафолатлари тўғрисида”ги Қонунга кўра давлат боланинг бепул мажбурий умумий ўрта таълим ва ўрта махсус таълим олишини кафолатлайди.

Демак, боланинг бепул таълим олишини давлат кафолатлаб, таъминлаб бермоқда. Ота-оналар эса боланинг ўз вақтида таълим олиши учун шароит яратиб бериши лозим.

2. Боланинг таълим олишига тўсқинлик қилувчи ҳар қандай меҳнат – мажбурий меҳнат деб баҳоланади

Конституциянинг 44-моддасига кўра, болалар меҳнатининг боланинг соғлиғига, хавфсизлигига, ахлоқига, ақлий ва жисмоний ривожланишига хавф солувчи, шу жумладан унинг таълим олишига тўсқинлик қилувчи ҳар қандай шакллари тақиқланган.

Демак, ҳеч бир шахс боланинг мактабга боришига тўсқинлик қилиб, уни ишлатиши мумкин эмас. Яъни болани ўқиш вақтида турли ҳашарларга ёки бошқа ишларга жалб қилиш Конституция билан тақиқланган.

3. Дарс қолдирган болаларнинг муаммосини ўрганишга ким масъул?

Дарс қолдирган болаларнинг муаммосини ўрганиш ва уни бартараф қилиш учун – мактаб, ҳокимлик, мактабгача ва мактаб таълими органлари ҳамда Миллий гвардия масъул.

Юқоридаги органлар болаларни дарсларга қатнашиш ҳолати юзасидан мониторинг олиб бориши ва унинг натижасида аниқланган муаммоларни бартараф этиш бўйича зарур чоралар кўриши керак.

❓Бу қандай бўлади?

Дарсга келмаётган бола билан индивидуал иш олиб борилади, ота-онаси мактабга чақиртирилади, зарурат бўлганида боланинг уйига борилади, хуллас, боланинг дарс қанташишини таъминлаш чораси кўрилади.

Бола дарсга ота-онаси ёки уларнинг ўрнини босувчи шахс сабабли келмаётган бўлса, уларга нисбатан маъмурий жавобгарлик масаласи кўриб чиқилади.

4. Боланинг мактабга боришига тўсқинлик қилиш учун – ЖАВОБГАРЛИК бор

Маъмурий жавобгарлик тўғрисидаги кодекснинг 47-моддасида болаларни тарбиялаш ва уларга таълим бериш борасидаги мажбуриятларни бажармаслик учун жавобгарлик белгиланган.

✅Унга кўра қуйидагилар жавобгарликка сабаб бўлади:

➡️ ота-оналар ёки уларнинг ўрнини босувчи шахслар томонидан болаларни тарбиялаш ва уларга таълим бериш борасидаги мажбуриятларни бажармаслик, шу жумладан болаларнинг маъмурий ҳуқуқбузарлик содир этишига олиб келиши – БҲМнинг 1 бараваридан 5 бараваригача жарима;

➡️ юқоридаги ҳуқуқбузарликлар маъмурий жазо чораси қўлланилганидан кейин бир йил давомида такрор содир этилса – БҲМнинг 5 бараваридан 10 бараваригача миқдорда жарима;

➡️ болаларнинг мажбурий умумий ўрта таълим, ўрта махсус, касб-ҳунар таълими олишига ота-оналар ёки уларнинг ўрнини босувчи шахслар томонидан тўсқинлик қилиш — БҲМнинг 10 бараваридан 15 бараваригача жарима;

➡️ таълим олишга тўсқинлик қилиш маъмурий жазо чораси қўлланилганидан кейин бир йилда такрор содир этилса – БҲМнинг 15 бараваридан 25 бараваригача жарима солишга ёки 15 суткагача маъмурий қамоққа олишга сабаб бўлади.

«Maktab uchun hujjatlar» - kanaliga obuna bo'ling! 👇👇👇

👉 @maktablar_uchun_hujjatlar
👉 @maktablar_uchun_hujjatlar

⚡️Янги ўқув йилидан бошлаб жисмоний тарбия фани ўқитувчилари тоифа олиш учун ҳам тест, ҳам амалий имтиҳон топширади

Ўзбекистон Республикаси Президентининг “Умумий ўрта таълим муассасаларида жисмоний тарбия фани ўқитилишини тубдан такомиллаштириш ҳамда ушбу фан ўқитувчиларининг касбий фаолиятини ривожлантириш чора-тадбирлари тўғрисида”ги қарори қабул қилиинганлиги ҳамда жисмоний тарбия фани ўқитувчиларига тоифа беришнинг (2 босқичли) янги тартиби ишлаб чиқилиши ва биринчи босқич (тест жараёнлари) Мактабгача ва мактаб таълими вазирлиги томонидан, иккинчи босқич (амалий имтиҳон) Спорт вазирлиги томонидан ташкил этилиши тўғрисида хабар берилган эди.

Мазкур қарор ижросини таъминлаш мақсадида Мактабгача ва мактаб таълими вазирлиги ҳамда Спорт вазирлигининг қарори қабул қилинди.

Қарор асосида умумий ўрта таълим ташкилотларининг жисмоний тарбия фани ўқитувчилари учун амалий имтиҳон синовларининг жисмоний тайёргарлик даражаси нормативлари ҳамда спорт турлари бўйича машқлар техникаси ва баҳолаш мезонлари тасдиқланди. (Юқоридаги файлда батафсил танишишингиз мумкин).

✅Умумий ўрта таълим мактабларининг жисмоний тарбия фани ўқитувчилари учун: (2025-2026 ўқув йилидан бошлаб, 2025 йил август-декабрь ойларилари аттестациясидан бошлаб):

➡️ биринчи босқич – Мактабгача ва мактаб таълими вазирлиги томонидан ўтказиладиган тест синовлари (40 та тест саволи 1 балдан жами 40 балл);

➡️ иккинчи босқич – амалий имтиҳон (жами 60 балл, шундан жисмоний тайёргарлик даражаси нормативлари бўйича-20 балл, спорт турлари бўйича машқлар техникаси - 40 балл).

❗️Таъкидлаш жоизки, мазкур баҳолаш мезонлари 2025 йил август-декабрь ойларида ўтказиладиган педагог кадлар аттестациясидан бошлаб жорий этилади (январь-июнь ойлари аттестациясида эса, ўтган йиллардагидек 50 та тест саволи берилади).

«Maktab uchun hujjatlar» - kanaliga obuna bo'ling! 👇👇👇

👉 @maktablar_uchun_hujjatlar
👉 @maktablar_uchun_hujjatlar

⚡️Мактаб ёшидаги болаларнинг ўқишда диққатини жамлаши учун 5 та эрталабки одат

Тонгги одатлар нафақат кунни қандай бошлашни белгилайди, балки боланинг мактабдаги фаоллиги, кайфияти ва диққатини жамлаши учун ҳам муҳим пойдевор ҳисобланади. Улар фарзандингизнинг кун давомида ўзига ишончини оширади ҳамда тетик ҳис қилишига ёрдам беради.

✅Қуйида болаларга мактабда диққатни жамлаш ва ўқув фаолиятини яхшилашга ёрдам берадиган 5 та эрталабки одатларни келтирамиз:

1. Тонгни бир стакан сув билан бошлаш

Сув организмни уйғотади, мияни фаол ишлашга ундайди. Эрталаб ичилган бир стакан тоза сув боланинг ҳушёрлигини оширади ва концентрациясини яхшилайди. Бу оддий одат, аммо жуда фойдали.

2. Ўз вақтида уйғониш

Фарзандимизга яна 10-15 дақиқалик ухлаб олиши учун имкон бериш бу меҳрибонлик эмас, балки кун тартибини бузишдир. Бундай қилиш болага фойда келтирмаслиги мумкин, чунки кеч уйғонган ўқувчи тонгда кўп шошилади, бирор нарсасини унутади ва стрессга тушади. Шунинг учун болани ўз вақтида ётқизиб, эрталаб эса доимий тартибда уйғонишини одатга айлантириш муҳим.

3. Фойдали ва мазали нонушта

Нонушта — барча ёшдаги одамларнинг, жумладан ўсиб бораётган болалар организми учун муҳим энергия манбаи. У нафақат очликни қондиради, балки ақлий фаолликни ҳам қўллаб-қувватлайди. Оқсил, мураккаб углеводлар ва фойдали ёғлардан иборат нонушта фарзандингизнинг бутун куни самаралироқ бўлишига ҳисса қўшади.

4. Тонгда гаджетлардан воз кечиш

Телефон ва планшетлар боланинг диққатини чалғитади. Айниқса эрталаб, ўқиш ва янги билимларни эгаллашдан аввал телевизор кўриш уларнинг фаолликни пасайтиради ва мияни тўғри ишга тайёрламайди. Энг яхши вариант — эрталабки соатларни экранларсиз ўтказиш.

5. Енгил жисмоний тарбия

Бадантарбия — организмни уйғотувчи энг табиий усуллардан бири. 5-10 дақиқалик машқлар қон айланишини яхшилайди, мияни кислород билан бойитади ва кунни фаол кайфиятда бошлашга ёрдам беради.

❗️Хулоса ўрнида: Фарзандингиз эрталабки одатларини тўғри ташкил қилиш орқали сиз унинг мактабдаги муваффақияти учун мустаҳкам пойдевор яратасиз. Юқоридаги 5 та оддий қадам орқали ҳар бир тонгни фойдали, тинч ва ижобий бошлаш имконияти туғилади.

«Maktab uchun hujjatlar» - kanaliga obuna bo'ling! 👇👇👇

👉 @maktablar_uchun_hujjatlar
👉 @maktablar_uchun_hujjatlar

#сарказм
⚡️Ҳа писмиқ чол! Абадий умр тилаяпсанми!?

— Тила тилагингни, чол!
— Шу десанг, мен Ўзбекистонда ўқитувчиларга 1000$ ойлик бериладиган кунга етмоқчиман...
— Ҳа писмиқ чол! Абадий умр тилаяпсанми!?

P.S.: Бунақада ўқитувчиларнинг ойлиги ошишини бутун умр кутамиз-ов.

©Нишондаги гаплар.

«Maktab uchun hujjatlar» - kanaliga obuna bo'ling! 👇👇👇

👉 @maktablar_uchun_hujjatlar
👉 @maktablar_uchun_hujjatlar

⚡️Ўқитувчига ҳурматсизлик қилган ўқувчига қонуний чора кўриб бўлмайди

❓Савол:

Assalomu alaykum. Men o’qtuvchiman. Bugun maktabda 11 sinflar uchun nazorat ishi  oldim,  bir o’quvchi birinchi navbatda 20 minut kechikib kirdi, so’ng  nazorat ishini yozlasligini aytti  xohlagan bahongizni qo’ying deb menga tahdid qildi. savolim shundan iboratki men bunday o’quvchiga qanday qonuniy chora ko’rishim kerak. Javob uchun oldindan rahmat.

✅Юрист хизмати жавоби:

Ўқувчига сиз қонуний чора кўра олмайсиз. Бундай ҳолатда сиз мактаб психологи, ЎИБДЎ ва бошқа раҳбар ходимларни чақириб, далолатнома тузишингиз ва шу асосда ўқувчининг ота-онасини чақиртиришингиз мумкин.

Шунингдек, ушбу ҳолат юзасидан мактабга масъул бўлган миллий гвардия бўлимига ёки участка инспекторига ариза беришингиз мумкин.

❗️Бу вазиятда ўқувчига эмас, унинг ота-онасига нисбатан маъмурий жавобгарлик чораси қўлланилади.

Таълим тўғрисидаги қонуннинг 51-моддасига мувофиқ вояга етмаган таълим олувчиларнинг ота-онаси ва бошқа қонуний вакиллари боланинг ўқиши, тарбияланиши, жисмоний, маънавий ва интеллектуал ривожланиши учун масъулдир.

Шу билан бирга ушбу модданинг тўртинчи қисмига кўра вояга етмаган таълим олувчиларнинг ота-онаси ва бошқа қонуний вакиллари:

👉 болаларининг умумий ўрта, ўрта махсус таълим ёки бошланғич профессионал таълим олишини таъминлаши;
👉 болаларининг ўқув машғулотларига қатнашишини таъминлаш ва ўзлаштириши устидан назоратни амалга ошириш шарт.

💁‍♂ Шуни ҳам айтиш керакки, агар ота-она мазкур мажбуриятларни бажармаса ёки бўйин товласа, бундай ҳолатда уларга нисбатан Маъмурий жавобгарлик тўғрисидаги кодекс 47-моддасига мувофиқ ота-оналар ёки уларнинг ўрнини босувчи шахслар томонидан вояга етмаган болаларни тарбиялаш ва уларга таълим бериш борасидаги мажбуриятларни бажармаслик, шу жумладан вояга етмаган болаларнинг маъмурий ҳуқуқбузарлик содир этишига олиб келиши:

➡️ базавий ҳисоблаш миқдорининг 1 бараваридан 5 баравари (375 000 сўмдан 1 875 000 сўм)гача миқдорда жарима солишга сабаб бўлади.

«Maktab uchun hujjatlar» - kanaliga obuna bo'ling! 👇👇👇

👉 @maktablar_uchun_hujjatlar
👉 @maktablar_uchun_hujjatlar

⚡️Мактаб битирувчилари ўрганган касб-ҳунари бўйича олган сертификати билан ишлаши мумкин бўлади

Мактабгача ва мактаб таълими вазирлиги ҳамда Камбағалликни қисқартириш ва бандлик вазирлигининг "Умумий ўрта таълим муассасалари битирувчиларини ўрганган касб-ҳунари бўйича якуний имтиҳондан ўтказиш ва уларга давлат намунасидаги электрон сертификат бериш тартиби тўғрисида"ги қарор лойиҳаси жамоатчилик муҳокамасига қўйилди.

✅Унга кўра:

➡️ Касбий таълим йўналишига мос касб-ҳунар ўрганган 11-синф битирувчиларига мактаб директорининг буйруғига асосан якуний имтиҳонни топширишга рухсат берилади.

➡️ Якуний имтиҳон ўтказиладиган куни ва вақти якуний аттестация комиссиянинг раиси томонидан тасдиқланади ва якуний имтиҳон бошланишидан камида ўн беш кун олдин ҳудудий касбий кўникмалар марказига расмий хабар берилади ҳамда мактабнинг кириш қисмига осиб қўйилади.

➡️ Якуний имтиҳонни баҳолаш мезонлари ва якуний имтиҳон саволлари Мактабгача ва мактаб таълими вазирлиги томонидан ишлаб чиқилиб, умумий ўрта таълим мактабига етказилади.

➡️ Якуний имтиҳон натижалари имтиҳон якунлангандан сўнг шу куннинг ўзида эълон қилинади.

➡️ Имтиҳонга узрли сабабларга кўра келмаган ўқувчилар Комиссия қарорига асосан имтиҳонни шу йили 1 июлга қадар қайта топшириши мумкин. Қайта топширишдан ўта олмаган битирувчиларга сертификат берилмайди.

➡️ Битирувчиларга сертификат мактаб педагогик кенгашининг қарори асосида електрон платформа орқали берилади.

➡️ Битирувчиларга сертификат ҳар йили 25 июнга қадар берилади. Якуний имтиҳонни қайта топширган ёки маълум сабабларга кўра кеч топширган битирувчиларга сертификат 1 июлга қадар берилиши мумкин.

«Maktab uchun hujjatlar» - kanaliga obuna bo'ling! 👇👇👇

👉 @maktablar_uchun_hujjatlar
👉 @maktablar_uchun_hujjatlar

#Фото
⚡️Вазир Ҳилола Умаровадан кун фотоси

Расмни Хоразмдаги мактаблардан бирида олдим. Ҳудуддаги қолган мактабларда ҳам бу тажриба аллақачон йўлга қўйилибди. Пластик идишлар тўплаш учун оддий симлардан ясалган идишнинг баландлиги нақ 2,5 метр.

Мактабларда ҳафтанинг шанбаси соғлом турмуш тарзи ва экологик маданиятни тарғиб этиш куни. Расмдаги идишга тўпланган пластик идишларни ҳар ҳафта махсус машинада олиб кетишади, тушган пул мактаб эҳтиёжлари, тозалик ишлари, тўтиқуш ва балиқларни озиқлантириш учун ишлатилади. “Ҳафталик даромаднинг энг ками 450 минг, энг кўпи 850 минг сўм бўлди”, - дейди мактаб жамоаси. Қизиқ, фойдали ташаббус, шундай эмасми? Табиатни асраш, тозаликка меҳр боғча ва мактабданоқ шаклланиб бориши керак.

P.S.: “Эко бурчак” даги тўтиқуш ва балиқларни расмга олиш ёддан чиқибди.

Ҳилола Умарова, Мактабгача ва мактаб таълими вазири

«Maktab uchun hujjatlar» - kanaliga obuna bo'ling! 👇👇👇

👉 @maktablar_uchun_hujjatlar
👉 @maktablar_uchun_hujjatlar

⚡️Мактабларни 5 кунлик иш режимига ўтказиш ҳақидаги таклиф ҳукуматга юборилди

Яқинда "Менинг фикрим" электрон жамоавий мурожаатлар порталида фуқаролардан бири, Набиев Неъматулла Ҳамидуллаевич томонидан илгари сурилган таълим тизимини тўлиқ 5 кунлик ўқиш ва иш тартибига ўтказиш ҳақидаги таклиф қисқа вақт ичида кенг эътибор қозонди. Атиги бир неча кун ичида ушбу мурожаат 10 мингдан ортиқ овоз тўплашга муваффақ бўлди.

Собиқ депутат Расул Кушербаевнинг ёзишича, "Менинг фикрим" веб-порталига фуқаро Набиев Неъматулла Ҳамидуллаевичнинг "Таълим тизимини тўлиқ 5 кунлик ўқиш ва иш тартибига ўтказиш ҳақида"ги 375-с-р/24-сонли электрон жамоавий мурожаати 2025 йилнинг 28 март кунидан 3 апрель кунига қадар 10 мингдан ортиқ овоз тўплашга эришган.

Низом талабларига мувофиқ, 10 мингдан ортиқ овоз тўплаган ушбу мурожаат тегишли ваколатли давлат органи Вазирлар Маҳкамасига юборилган.

"Менинг фикрим" веб-портали орқали электрон жамоавий мурожаатлар бериш ва уларни кўриб чиқиш тартиби тўғрисидаги Низомнинг 35-бандига мувофиқ, тегишли ваколатли давлат органи мурожаатни кўриб чиқиб, асослантирилган қарор қабул қилиши белгиланган.

Эндиликда, 10 мингдан ортиқ овоз тўплаган мурожаат юзасидан тегишли давлат идоралари томонидан расмий кўриб чиқилиши ва асослантирилган тарзда қарор қабул қилиниши керак бўлади.

Ҳозирда бу мурожаатни кўриб чиқиш жараёни бошланган. Тегишли қарор "Менинг фикрим" порталида эълон қилинади.

«Maktab uchun hujjatlar» - kanaliga obuna bo'ling! 👇👇👇

👉 @maktablar_uchun_hujjatlar
👉 @maktablar_uchun_hujjatlar

⚡️O‘QUVCHILARINGIZGA YUBORIB QO‘YING:

Yakuniy imtihondan o‘tolmagan o‘quvchini sinfda qoldirib yuboriladi

Maktab bitiruvchilari uchun umumiy o‘rta ta’lim dasturlarini to‘liq o‘zlashtirgandan keyin yakuniy attestatsiyadan o‘tish majburiydir. Maktab bitiruvchilarining bilimi, malaka va ko‘nikmalariga qo‘yilgan talablarning bajarilishi bo‘yicha yakuniy attestatsiya yozma, og‘zaki yoki test usulida har bir fanning amaldagi o‘quv dasturi asosida o‘quv yilining yakuni bo‘yicha o‘tkaziladi.

Ta’lim dasturlarini davlat ta’lim standartlari talablari darajasida o‘zlashtirgan va o‘quv fanlaridan yil yakuni bo‘yicha ijobiy baholangan, yoki bitta o‘quv fanidan qoniqarsiz baholangan bitiruvchilar maktab pedagogik kengashi qaroriga asosan yakuniy attestatsiyaga qo‘yiladilar.

Xalq ta’limi vazirining 2008-yil 4 martdagi 56-sonli buyrug‘i bilan tasdiqlangan «Umumiy o‘rta ta’lim oluvchilarning yakuniy davlat attestatsiyasi to‘g‘risida”gi nizomnga ko‘ra, bir yoki ikki fandan o‘tkazilgan yakuniy attestatsiyada qoniqarsiz baho olgan bitiruvchilarga oxirgi yakuniy attestatsiyadan keyin ikki hafta o‘tgach qoniqarsiz baho olgan fanidan qayta yakuniy attestatsiyadan o‘tish huquqi beriladi.

Yillik baho va yakuniy attestatsiya natijalariga ko‘ra, umumiy o‘rta ta’lim davlat ta’lim standartlari talablarini bajarmay, «qoniqarsiz” baho olgan bitiruvchilar shu sinfda qayta o‘qishga qoldirilishi mumkin.

«Maktab uchun hujjatlar» - kanaliga obuna bo'ling! 👇👇👇

👉 @maktablar_uchun_hujjatlar
👉 @maktablar_uchun_hujjatlar

#bahorgi
#attestatsiya2025

⚡️2025-yilning 15-aprel kungi bo‘lib o‘tgan toifa attestatsiyasida kasb standarti hamda pedagogik mahoratidan tushgan testlarning javobli jamlanmasi.

✅Savollar soni 26 ta

🔖Savollar yana to‘ldirib boriladi

©Nilufar_Ahmadaliyeva


«Maktab uchun hujjatlar» - kanaliga obuna bo'ling! 👇👇👇

👉 @maktablar_uchun_hujjatlar
👉 @maktablar_uchun_hujjatlar