الواحد لما يشيل كوبايه مياه دقيقه مش حتحس بحاجه
لما تشيلها ساعه زراعك حيبدا يوجعك
لما تشيلها يوم مش حتقدر تتحمل و لا كمان حتقدر تشيل اى حاجه تانيه لازم تسيب الكوبايه علشان تشيل حاجه تانيه

ده زى الهموم و التفكير فيها
لما يكون عندك هم شيله و فكر فيه... انا معاك احنا بشر بردوا

لكن لازم تسيبه متخليش كل تفكيرك فيه بس
حيوجعك فى دماغك و اعصابك و حيعطل حياتك كلها لأنه أصبح محور حياتك كلها

هى دى الهموم و انت إللى بتديها حجمها ووقتها
سيب همك و اهتم بحله
الهموم تقيله لكن البحث عن الحل افيد كتير

الهم ممكن يكون واحد لكن اختلاف البشر هو الفرق الأكيد

#مستشاره_علاقات_زوجيه_وتربويه
#ريهام_محمود

💕كلماتى بكل الحب كتبتها فضلا لا تمحى اسمى عند النقل 💕

حبك لابنك مالوش علاقه بدرجاته فى المدرسه
حبك لابنك مالوش علاقه بانه احسن من فلان او انه كسب علان

حبك لابنك له علاقه انه ابنك انتى مش ابن حد تانى

حبك لابنك له علاقه انه إللى فى اتمنتيه من ربك
و بحنانك غمرتيه
و الأيام و الليالى سهرتى بيه

حبك لابنك لأنه ببساطه ابنك و ربنا اختارك انتى و ميزك بيه

حبك لابنك لأنه هبه من الله ليكى و إللى باذن الله تدخلى الجنه بيه

حبي ابنك زى ما هو و بلاش بالمقارنة تحطميه

#مستشاره_علاقات_زوجيه_وتربويه
#ريهام_محمود

💕كلماتى كتبتها فضلا لا تمحى اسمى عند النقل 💕◈══👰🌹

عقل الكسلان بيت الشيطان

الكسلان شخص ينام و يقوم و يرتاح بعد الكسل بالنوم
الكسلان هو شخص لا خطه لديه
لكن يريد الدنيا بين يديه

الكسلان هو شخص
بلا هدف
بلا حياه
بلا نظام
بلا غايه

مرتع للشيطان يلعب به فى كل مكان
بين الشهوات يعيش
افلام اباحيه
العاب جيمز بالعنف محشيه
ينام و يقوم يزم فى الناس و يحسد و الحقد ماليه
لان عقله ليس غايه لديه

اجعل لنفسك هدف و اشتغل عليه
بلاش بطاله فى العقل و الجسم

فى الاخر حتلاقى نفسك واحد ممتلئ ليس فقط دهون من عدم الحركه
إنما ممتلئ ذنوب من كثره العيوب

اشتغل و ابحث عن شغل تكون ذا عقل مشغول بالخير و ليس بيت الشيطان مشغول بالشرور

#مستشاره_علاقات_زوجيه_وتربويه
#ريهام_محمود
💌
💕 كلماتى كتبتها فضلا لا تمحى اسمى عند النقل 💕

عدوى تجارب الاخرين

كتير بنقابل ناس تحكى لنا تجربتهم ف الحياه
تجربه سيئه ف الغالب
ف الجواز ف ترييه الاطفال
ف الكليه ف الشغل

و تتنقل لينا العدوى منهم

ان الزواج سجن
ان الاطفال متعبين
ان الشغل عبوديه

لكن لازم نفهم ما هى تجارب الاخرين اولا

تجارب الناس تكون جزئين
الاول حقيقه
الثانى راي شخصى

مثلا الزواج

واحد رائيه
انك تعيش مع واحد طباعه مختلفه عنك
دى حقيقه ممكن ناخدها اساس نبنى عليه فى تجربتنا الخاصه

وواحد رائيه

انك تعيش فى استجواب و حمل زايد ع دماغك فوق شغلك بره
ده رائيه الشخصى و لا ينفع اننا نطبقه ع كل حالات الزواج

و ف النهايه

خد الحقايق من تجارب الناس
و اترك الاراء من تجارب الناس

و كل واحد عقله فى راسه يعرف يعيش تجربته الشخصيه

بقلمى
#ريهام_محمود

#مستشاره_علاقات_زوجيه_وتربويه

💕كلماتى بكل الحب كتبتها فضلا لا تمحى اسمى عند النقل 💕

كما أن السعاده قرار
فإن الحزن ايضا قرار

انت من تجعل الأمر حزينا او سعيد او لا مبالى به

السعاده و الحزن

رؤيتك للاشياء و احساسك بها

القرار قرارك اما

حزن أو سعاده

بقلمى
#ريهام_محمود

#مستشاره_علاقات_زوجيه_وتربويه

💕كلماتى بكل الحب كتبتها فضلا لا تمحى اسمى عند النقل 💕
قناه ريهام محمود في واتساب:
https://whatsapp.com/channel/0029Va96g7uHQbS9FcDNtD1o
💎تلجرام

https://www.tg-me.com/joinchat-RDh3lWCU6VCko9oV

💎 انستقرام https://www.instagram.com/remomo2020

💎 قناه اليوتيوب
https://youtube.com/@rehamotobya4910?sub_confirmtion=1

💎فيس بوك

https://www.facebook.com/Remomo2020

🤑 طرق ربح المال من تيك توك: دليلك الشامل لتحويل المتعة إلى أرباح؟

اكتشف طرق ربح المال من منصة تيك توك بخطوات بسيطة وفعّالة. تعلم استراتيجيات الربح، زيادة المتابعين، وتحقيق الدخل من محتواك لتحويل شغفك إلى مصدر دخل.

🖇 https://t.co/r8lwujIJFd
🖇 https://t.co/r8lwujIJFd

اسقوا زرعكم

هو كان معايا و انت مش موجود
هو كان بيسمعنى لما اكون زعلان
هو كان بيطبطب عليا لما ابكى
هو كان بيخادنى فى حضنه لما يحس انى محتاجه

هو كان بيفرح معايا و يضحك و يلعب و يغنى و يجرى

كان عايش معايا و انت مش موجود

و انت بتقول بشتغل علشان اجيب فلوس اكلكم

و انت بتتكلم فى التليفون مع اصحابك تضحك و تهزر

و انت بتخرج مع زمايلك علشان تجاملهم

و انت مش معايا

دى رساله كل ابن انحرف مع أصحاب السوء
ادمن او اتعلم الشذوذ او سرق علشان بس يكون معاه حد بيحبه و يشاركه في اى حاجه حتى لو كانت غلط

دى رساله كل زوجه خانت زوجها أو حتى فكرت فى واحد تانى غير زوجها و اتمنت انها تعيش مع واحد تانى

دى رساله كل بنت انحرفت على الفيس و على الارض و بقي عندها أصحاب ولاد علشان بس تحس انها مرغوب فيها

دى رساله كل زوج خان زوجته لانها اهملته و كان شغلها هو حياتها او أولادها بس هما الحياه و هو مجرد ضيف فى البيت علشان الشكل الاجتماعى

كل واحد بيقول انا بعمل إللى عليا
لكن مش مهم تعمل اللي انت شايف انه عليك
المهم انك تعمل إللى معاك شايفين انه عليك

اسقوا زرعكم و لا تجعلوه يشتاق لماء غيركم

#مستشاره_علاقات_زوجيه_وتربويه
#ريهام_محمود

💕كلماتى كتبتها فضلا لا تمحى اسمى عند النقل 💕

🛑كونى ذات هيبه و لا تكونى ذات خيبه 🛑

♻️يعنى لكل الناس حدود معاكى فى الهزار
♻️يعنى فيه خط أحمر محدش يتعداه
♻️بعنى تعرفى قيمتك علشان الناس تعرف قيمتك

فيه حدود الهزار مافيش هزار بالايدى و الضرب لأنه حيزيد

فيه حدود فى لغه الحوار مافيش شتايم تحت تصنيف الهزار
الشتايم هى الشتايم مالهاش معنى تانى

فيه حدود لمعرفه الناس عن أحوالنا مالهمش دعوة عامله ايه مع جوزك و لا جابلك ايه ده تدخل فى حياتك

فيه حدود للخصوصيه حتى مع ولادك
مافيش دخول غير باذن
كلامهم معاكى يكون محترم
غير مقبول التريقه عليكى

خلي عندك هيبه و افرضى وجودك و قوانينك

احسن حتكونى خيبه و مش حتفرقى مع حد

#مستشاره_علاقات_زوجيه_وتربويه
#ريهام_محمود

💕كلماتى كتبتها فضلا لا تمحى اسمى عند النقل 💕

بئر الحساب

حاسب قبل ما تحاسب الغير
احسن تقع ف كلام كبير
تقول و تقول و تلافى نفسك بعملك مغرور

انا احسن من فلان و علان و احسن حتى من الطيور
حاسب ان يكون حسابك عند ربك عسير

قول كلمه طيبه فى حق الغير
لا انت عارف ايه اللى عملوه و لا سبب التغيير

حاسب احسن تقع فى البير
تشرب و تاكل لحم ميت خطير

ماهو اللى يتكلم بالنميمه كانه اكل لحم اخيه ميت يا كبير

حاسب نفسك قبل ما تحاسب الغير

بقلمى

ريهام محمود مستشاره اسريه

حتى لو نسى الناس فضلك

فيوم القيامه
فايديهم ستشهد عليهم بعطائك و بفضلك
و السنتهم ستشهد عليهم باذاك بعد فضلك

فلا تقلق و لا تجعل الاخرين يغيروك من فضلك

بقلمى
#ريهام_محمود

#مستشاره_علاقات_زوجيه_وتربويه

💕كلماتى بكل الحب كتبتها فضلا لا تمحى اسمى عند النقل 💕
قناه ريهام محمود في واتساب:
https://whatsapp.com/channel/0029Va96g7uHQbS9FcDNtD1o

🤑 كسب المال عن طريق الكتابة: دليلك الشامل لتحقيق دخل من المهارات اللغوية؟

كسب المال عن طريق الكتابة: دليلك الشامل لتحقيق دخل من المهارات اللغوية اكتشف كيف يمكنك كسب المال عن طريق الكتابة…

🖇 https://t.co/cXAcnzopqA
🖇 https://t.co/cXAcnzopqA

Web - Instagram - Twitter - Telegram - Yuotube