تابعونى

ريهام محمود

https://www.facebook.com/Remomo2020?mibextid=ZbWKwL

♻️🤝 *روبابيكيا* ♻️🤝

كل حاجه قديمه للبيع
كل علاقات باهلنا
كل زكرى جميله
كل صاحب فى حياتنا

كل حاجه فى الدنيا اصبحت قابله للبيع
و مين يبيع و مين اشتراه منك
و بكام بعت

🛑بعت كلامك مع اهلك بلعبه على الموبايل

🛑بعت صله رحمك بفرجه على فيلم

🛑بعت صاحب عمرك بوقتك على الفيس و تعليقات مع ناس اصلا متعرفهمش

🛑بعت صلاه الفجر بسهر لمتابعه برنامج توك شو ناس كل همها الفضائح للآخرين

🛑بعت اخوك علشان أساء ليك و مش قابل اعتذاره و بتدور على أخ بديل

🛑بعت زوجتك ووقتك معاها علشان واحده بتكلمها على النت

🎈بعت ايه و بكام 🎈

و يا ترى بتقول بعد البيع ربح البيع
و لا بعت ببلاش

بعت و خلاص

بعت و دفعت كمان من عندك

دفعت وقتك و جهدك و مالك و لسه حتدفع الفاتورة فى الدنيا و الآخرة

فكر كويس و اوعى تكون بعت نفسك و انت مش عارف

#مستشاره_علاقات_زوجيه_وتربويه
#ريهام_محمود

💕كلماتى بكل الحب كتبتها فضلا لا تمحى اسمى عند النقل 💕

تابعني ريهام محمود مستشاره اسريه
https://www.facebook.com/Remomo2020?mibextid=ZbWKwL?sub_confirmtion=1

لكل من يسالنى عن حالتى
انا مكتئبه من هموم المسلمين و اقول هل لحلها من سبيل
فرفوشه متفائله ان الامر، بيد الله
و ان سعادتى بيدى ليست بيد الناس
سنجل مع افكارى و اتكلم معايا كتير فانا صديقتى الصدوقه
مفركشه مع كل ما يؤذينى و كل المؤذين فالحياه لا تحتملهم
مثقفه جدا ف الاكل و ايضا ف مجالات متعدده قد تكون غريبه
هبله جدا مع الاطفال اضحك بدون وعى معهم

حكايتى طويله فى حياتى
قصيره ف حياه البشر

لكن ف النهايه نرحل و يبقى الاثر

و تواضعا لا احب الكلام عنى فانا ابسط خلق الله

بقلمى
#ريهام_محمود

#مستشاره_علاقات_زوجيه_وتربويه

💕كلماتى بكل الحب كتبتها فضلا لا تمحى اسمى عند النقل 💕

🌹💕💌عرضحالجى💌🌹💕

اصل الكلمه عرض حال

العرضحالجى هذا شخص كان يجلس ع باب المحاكم يكتب شكاوى الناس للقاضى

فهو يصيغ بطريقته الشكوى للقاضى

و ده اللى احنا بنعمله فى الاستخاره و دعائنا لله نعرض عليه حالنا و ما اصابنا و نقول يارب قدم لنا اللى فيه الخير

مافيش واسطه بيننا و بين ربنا
هو القاضى بيننا صحيح
لكن نكلمه بلغتنا
مش مهم الكلام المنمق
المهم يكون الكلام صادق
مش مهم الكلام مرتب
المهم يكون عندك يقين بعدل ربك و حكمته

زى ما الناس بتلجأ للقضاه و عندهم ثقه فى عدلهم مع انهم بشر ممكن يصيبوا و يخطأوا

احنا بقين و ثقه و توكل على الله عندنا يقين فى عدله و حكمته و عندنا يقين اكتر ان ربنا لا يخطئ و انه ديما حيعطيك الخير لكن يمكن انك مش عارف مصلحتك فين

لكن اكيد حتعرف بعد وقت ان اللى حصلك احسن شئ لكن انت لا تعلم

اعرضوا حالكم على ربكم فهو الاقرب لكم
اعرضوا حالكم على ربكم فهو القادر على ما تراه معجزة لن يحدث فهو يستطيع و انت لا تستطيع

*محبتكم
#مستشاره_علاقات_زوجيه_وتربويه

💍💍ا / ريهام محمود 💍💍

💕كلماتى كتبتها فضلا لا تمحى اسمى عند النقل 💕

تابعني ريهام محمود مستشاره اسريه
https://www.facebook.com/Remomo2020?mibextid=ZbWKwL?sub_confirmtion=1

‏🙈مافيش وقت🙈

حاجات كتير نفسنا نعملها
لكن بنقول مافيش وقت ليها
الوقت سرقنا و ملحقناش

الحقيقه الموضوع ده علشان تحكمه كويس لازم نحدد حاجتين

أولا ايه اولولياتك فى امورك كلها يعنى ايه اهم من ايه
علشان تحدد الاهم فالمهم فتعرف تبدأ منين الحكايه و الحاجات إللى مش مهمه اجلها اوالغيها اساسا من قائمه اعمالى

تانى حاجه امتى اعمل ايه يعنى ايه الوقت المناسب ليها انهارده و لا بكرة و لا كمان سنه

الموضوع ده حيسهل عليك حاجات كتير ووقت كمان

صحيح ف الاول ممكن ياخد منك وقت لترتيب الاهم فالمهم و امتى اعمله

لكن ف الاخر حينظم وقتك ويوفر جهدك

فالتنظيم الجيد توفير كبير

بقلمى
#ريهام_محمود

#مستشاره_علاقات_زوجيه_وتربويه

💕كلماتى بكل الحب كتبتها فضلا لا تمحى اسمى عند النقل 💕

*🏃‍♂️🏃‍♂️الهروب الكبير*🏃‍♂️🏃‍♂️

ناس كتير عايزة تغير حياتها
ناس كتير عايزة تسافر و تسبب بلدها
ناس كتير نفسها تهج من أهلها و أصحابها

شكوى انهم السبب
شكوى محدش فاهمنى
شكوى الناس محبطينى
شكوى احنا عايشين التخلف كله

ده اسمه هروب من الواقع
و امانى انك تلاقى حياه حلوة من غير مشاكل

بدل ما تحل مشاكلك بتهرب منها
بدل ما تعرف ايه السبب فى تعاستك يترمى الحمل على حد تانى غيرك

مين قال لو غيرت حياتك حتكون احسن
مين قال لو غيرت الناس إللى معاك حتكون أفضل

شوف كويس حياتك و دور على أسباب الفشل و عالجها

الناس إللى انت مش طايقهم فى حياتك يمكن يكونوا احسن ناس ع الارض ممكن يحبوك و يهتموا بيك بس انت مش فاهمهم

الحياه إللى فيها تخلف لو انت غيرت نفسك فيها حتحسنها و تعيش انت و إللى حواليك احسن

كل حياه جديده محتاجه شغل من الاول و جديد

انت عندك بدايه فى حياتك إللى انت عايشها حتوفر لك وقت و جهد كتير

ابدا بص لحياتك بشكل تانى شكل متفائل

و بدل الهروب الكبير تكون البدايه الجديده لحياه سعيده

#مستشاره_علاقات_زوجيه_وتربويه
#ريهام_محمود

💕كلماتى بكل الحب كتبتها فضلا لا تمحى اسمى عند النقل 💕

لست كاملا لكنى كافى
كافى بحبي لمن حولى
كافى باعتنائى لنفسي
كافى لمن اراد الاكتفاء بي

اسعى للكمال هذا حقى
اسعى للكمال هذا شغفى
اسعى للكمال هذا املى

لكن كلما وجدت الكمال ف شئ عندى علمت انى مازلت اتعلم فيه
فما بعد الكمال الا النقص

احب نفسي كما هى و اعرف عيوبي و اتقبلها و اعمل ع اصلاحها

فانا بشر اصيب و اخطئ

فانا مكتفيه و متقبله بنفسي كانسانه
لكن اريد الزياده لاكون الافضل عند ربي

قد لا نكون كاملين فالكمال لله وحده
لكن ممكن ان نكون راضين متقبلين و هذه هى السعاده ع الارض

قد لا نكون الافضل
لكن ممكن ان نحسن من انفسنا فهذا هو شغف الحياه

قد لا نكون الاجمل شكلا
لكن ممكن ان نجمل ارواحنا فهذا ما يتبقى لنا من الحياه

التقبل جميل
لكن الاجمل ان تعمل لتكون الافضل كل وقت وحين

بقلمى
#ريهام_محمود

#مستشاره_علاقات_زوجيه_وتربويه

💕كلماتى بكل الحب كتبتها فضلا لا تمحى اسمى عند النقل 💕

🛑لازم يتغيروا 🛑

كل واحد عنده مشكله مع حد

سوء فهم او اختلاف رأى

اول كلمه يقولها هو لازم يتغير
الناس عمرها ما حتتغير من مجرد طلبك ليهم بالتغيير

التغير الصح انك انت إللى تتغير
تغير معاملتك معهم
تغير اسلوبك فى الحوار
تغير انك تقبل الاختلاف بينكم

الناس بتتعامل معاك ع اساسيات
اول حاجة رد فعل لما تفعله
ثانى حاجه يعملوا ما يروه انك حتتقبله
ثالث حاجه ان ده حقهم و لازم ياخدوه

الحل فى اى مشكله بينك و بين الناس

انك تعرف هما عملوا كده ليه و انك تعرفهم انت عايز ايه

الناس مش بتقرا الغيب او انهم حيحسوا بيك

ده كلام عايز علماء نفس
و احنا ناس عاديه و حتى علماء النفس مش ديما بيكونوا على حق

فاى علاقه فيها مشاكل
اعرف حقوقك و حقوق الاخر
اعرف واجباتك وواجبات الاخر
و ما تقبله و ما يقبله الاخر

و دمتم بحب و سلام

#مستشاره_علاقات_زوجيه_وتربويه
#ريهام_محمود

💕كلماتى بكل الحب كتبتها فضلا لا تمحى اسمى عند النقل 💕

قلب ميت و قلب حى
بعد المرور بالمصاعب ف الدنيا
نشعر ان قلبنا مات
مات مش بيخاف ع زعل الناس
مات عايز يساعد نفسه مش محتاج مساعده الناس
مات مش متاثر باللى حواليه
مات كل المشاكل بقت عادى

لكن الحقيقه دى مرحله فى بدايه حياه القلب او موته بالفعل

انه مات فعلا انه يعيش لنفسه بس مش مهم اى حد
الحق اعيش يومين
العمر، عدى عليا و انا مطحون للاخرين
ابويا و امى عاشوا و ماتوا غير مستمتعين

و يبقى القلب انانى و يموت من حياه الناس
و يغرق نفسه ف الملذات بكل شكل كل حين

او
انه ان قلبه يعيش بجد
يعرف ان المهم ارضاء ربنا فى الوقت الفاضل لنا
يعرف مهم انى اساعد الناس لكن اهتم بنفسي لانها الاقرب
يعرف ان مهما مر بالمصاعب حتخلص لكن المهم مش تخلص عليا
يعرف ان سنده الحقيقى بعد ربنا نفسه
يعرف يعيش صح

و هنا القلب تتجدد فيه الحياه
دم جديد يخلى القلب يعيش من جديد

حياه قلب ❤ او موت قلب 💔

بيكون بطريقتنا ف فهم حكمه رينا
بيكون باسلوب نفكير جديد
بيكون بتمسك بالله و الامل فيه

و من هنا فعلا تقدر رمم جرحك و تستعين بربك
لانه الوحده القادر انه يحيي العظام و هى رميم

بقلمى
#ريهام_محمود

#مستشاره_علاقات_زوجيه_وتربويه

💕كلماتى بكل الحب كتبتها فضلا لا تمحى اسمى عند النقل 💕

♦️🧩طوب احمروطوب ني♦️🧩

الطوب اللى بنبنى بيه بيوتنا

اما طوب ني و هو طوب طين و قش و يجفف ف الشمس فقط

او طوب احمر و هو طين و يجفف فى افران شديده الحرارة لكى يكون تام الجفاف

و الطوب ده هو الخامه اللى بتبنى بيها بيتك اللى حتعيش فيه

و الطوب ده هو بالظبط خبراتك و تعبك و اللى بتحصله فى دنيتك

و كل ما تكون مريت بصعوبات في حياتك حتكون طوبتك جامده و بيتك حيكون قوى حتعرف تقف فى وجه اى صعوبه و بيتك حيكون قوى

متخفش من الصعوبات
لانها سبب فى انك حتكون اقوى
لانها سبب فى انك حتعرف تقف امام اى ريح

كل الناس بتبنى بيتها
بس الفرق البيت من طوب نى لم يعرف نار الخبره و المسؤليه
و لا بيت من طوب احمر قوى دخل نار الخبره

لكى يكون بيتك شديد

*محبتكم
#مستشاره_علاقات_زوجيه_وتربويه
💍💍ا / ريهام محمود 💍💍

💕كلماتى كتبتها فضلا لا تمحى اسمى عند النقل 💕

تابعني ريهام محمود مستشاره اسريه
https://www.facebook.com/Remomo2020?mibextid=ZbWKwL?sub_confirmtion=1

دموع الرجال

الراجل لا يبكى
الراجل جامد
الراجل يتحمل
الراجل شديد و قوى

كلمات اصبحت مفاهيم راسخه لا تتغير عن معنى الرجوله
كلمات تضع الرجل فى قالب من الجمود و الصعوبه

يجعله صنم لا يتحرك
يجعله بلا مشاعر
لا يواسى لا يحزن لا يشعر بالغير

من قال هذا الكلام
هل هذا من سنه رسول الله
كان رسول الله يواسي كل البشر و حتى لا يقبل الاذى للحيوان
كان رسول الله رقيق المشاعر يحن قلبه اذا سمع سيره عن خديجه
كان رسول الله يبكى عند فراق ابنه

ليست معصيه ان يبكى الرجال
بل رقه قلب

ليست معصيه ان يحنو الرجل على زوجته او اولاده
بل صلب الدين و ياخذ عليه اجر

ليست معصيه ان يساعد الرجل زوجته و يلعب مع اولاده
بل سنه رسول الله اذا دخل البيت كان فى عمل اهله

المعصيه هى ان لا تتقى الله فى بيتك و اهلك وولدك

فالشديد ليس بالصرعه انما الشديد من يملك نفسه عند الغضب كما قال رسول الله

رقه القلب هى دليل على رجولتك
فلا تهن الرجوله بقلب جامد لا يشعر بالآخرين

بقلمى
#ريهام_محمود

#مستشاره_علاقات_زوجيه_وتربويه

💕كلماتى بكل الحب كتبتها فضلا لا تمحى اسمى عند النقل 💕