Partiyaga yaxshi bitta kopirayter kerak ekan. Birinchi abzast mutlaqo tushunarsiz.

@masofatalim

@masofatalim kanali adminlariga endi hech qanday Telegram botsiz toʻgʻridan toʻgʻri yozish mumkin.

Maxfiylik Telegram tomonidan kafolatlangan.

Oliy ta’lim, fan va innovatsiyalar vazirligining Telegram kanali toza reklamachi kanalga aylandi-yu, a?

Faoliyatlari goʻyoki tadbir, tadbir va yana tadbir; reklama, reklama va yana reklamadan iborat boʻlib qolgandek.

Besh yildan beri ilk marta ularning kanalidan chiqib ketdik. Oʻqishga arziydigan narsalari qolmadi. Barchasi zerikarli.

@masofatalim

Yangi ruhiyatdan ilhomlanib orzu qil: yoshlar oyligi vodiyda!

2-iyun kuni Andijon, 3-iyun kuni Farg‘ona, 4-iyun kuni esa Namangan viloyatlarida yoshlar bayrami juda yuqori atmosferada o‘tkazilibdi.

Yoshlar oyligi doirasida O‘zbekiston bo‘ylab yoshlar uchun xorijiy tillarni o‘rganish, kitobxonlikka targ‘ib qilish, intellektual o‘yinlarga jalb etish, sun’iy intellekt va zamonaviy kasblar kabi muhim yo‘nalishlardagi loyihalar ko‘paytirilib, gala-konsertlar ham tashkil etilmoqda.

@masofatalim

Oʻzbekiston terma jamoasiga bugungi oʻyinda faqat va faqat gʻalaba tilaymiz!

Hayitga zoʻr hayitlik boʻlardi.

@masofatalim

Velosipeddagi oʻgʻil bola emas, qiz bola. Taxminan 18-20 yosh atrofida edi. Yetkazib berish xizmatida ishlab, tirikchilik qilmoqda.

U halol mehnat qilyapti. Lekin bu holatni kuzatib turib, odam biroz gʻalati boʻlib ketdi. Negaligini ifodalashga soʻz yetmayapti.

@masofatalim

AloqaBank ta’lim va innovatsiyani qo‘llab-quvvatlash maqsadida “Startap yo‘li” nomli media loyihani amalga oshirdi.

Bank moliya va texnologiyani birlashtirgan ushbu yangi format orqali startaplarni qo‘llab-quvvatlash va investitsion muhitni rivojlantirishga intilmoqda. Ushbu loyihaning ilk sonida TOKCHA startapi haqida so‘z boradi.

TOKCHA — talabalar va o‘quvchilar uchun bilimni qulay va arzon usulda olish imkonini yaratuvchi platforma bo‘lib, hozirda 1,6 milliondan ortiq foydalanuvchiga ega. Loyiha AloqaVentures tomonidan 20 000 dollar sarmoya olgan va Startap Garage akseleratsiya dasturidan muvaffaqiyatli o‘tgan. Unga Murodillo Ismoilov asos solgan.

Loyihaning to‘liq videosini tomosha qiling va ilhomlaning: https://youtu.be/Kz1n5r-lk-Y

@masofatalim

Toshkent davlat iqtisodiyot universiteti

Sport bilan shugʻullanish zoʻr, ammo darsni boʻlishga rektorning ham, vazirning ham, undan kattasining ham haqqi yoʻq.

Nima ahvol bu? Kim u darsni boʻladigan vallomatlar? Talabalar shuning uchun kontrakt toʻlayaptimi?

@masofatalim

Tashqaridan darsni boʻlish, afsuski, kamdan kam uchraydigan holat emas. OTMlarda tiqilib yotibdi. Nazorat qiladigan odam yoʻq.

Balki bu holatlardan muhtaram vazirimiz va ularning jamoalari bexabardir, kim bilsin. Balki ular ham tuzukroq yangiliklar qila olmay, sekin “uyqu”ga ketishni boshlagandir.

Ta’lim sifatini oshirishni osmondan emas, yerdan boshlash kerak.

@masofatalim

Ha, azizlar, bular odam boʻlmaydi.

@masofatalim

“Poytaxtning SMMchi qizlari” loyihasi ikkinchi bosqichi yakunlandi

O‘tgan yili Toshkent shahar hokimligi “Toshkent yoshlarni sevadi” loyihasi doirasida poytaxt qizlarini zamonaviy kasblarga o‘qitib, bandligini ta’minlash va ularni daromadli qilish maqsadida 30 yoshgacha bo‘lgan 1 000 nafar qizni SMM sohasiga mutlaqo bepul o‘qitish tashabbusini amalga oshirgandi. Birinchi mavsumda qizlarga sertifikatlar topshirilgan.

Loyihaning ikkinchi mavsumi ham yakuniga yetdi. Unda 24 modulli bepul SMM kurslarini muvaffaqiyatli tamomlagan yana 500 nafar qizga sertifikatlari topshirildi. Alisher Navoiy nomidagi Milliy kutubxona old maydonida o‘tgan tadbirda Toshkent shahar hokimi o‘rinbosari Durdona Rahimova, SMM Maktab jamoasi va o‘qituvchilar ishtirok etishdi.

Tadbir davomida bitiruvchi qizlar o‘z loyihalari, dastlabki muvaffaqiyatlari va rejalari bilan o‘rtoqlashdi. Ayni paytda bitiruvchilarning 30 foizi qisqa muddatda SMM sohasida ishlashni boshlagan va ilk daromadga chiqqan.

@masofatalim

Vazirlikka bugun 12-iyun ekanini aytarmiz?

Oliy ta’lim, fan va innovatsiyalar vazirligi matbuot xizmati oʻz ishidan boshqa hamma ishni qilib koʻryapti, shekilli.

Bu mayli, 10-iyundagi xabarni bugun, 12-iyun kuni (biroz avval) instagramga joylashibdi.

Ikki kun orqada yurishibdi. Oʻzbekiston - Qatar oʻyini 10-iyun kuni tugadi. 3:0 hisobida Oʻzbekiston yutdi. Kutubxona oldidagi maydon esa yigʻishtirilyapti.

P.S.: Bular nimani joylayotganini ham bilmasa kerak.

@masofatalim

Oliy ta’lim vazirligi nafaqat 2 kun, balki bir necha yil ortda qolgan koʻrinadi

Oliy ta’lim, fan va innovatsiyalar vazirligi rasmiy Telegram kanalida 11-iyun kuni universal Telegram botlari haqida post joylagan va botning afzalliklari haqida ma’lumot bergan.

Botning ustiga bosib, unga kirilganda “2021-2022-oʻquv yilida” deb boshlangan ancha eski ma’lumotga koʻzingiz tushadi. Ehtimol, ular hozir 2025-yil ekanini inobatga olib, ma’lumotlarni yangilash eslaridan chiqqandir.

Ammo e’lonni berayotganda vazirlik matbuot xizmati nimani chiqarayotganini, ma’lumotlar qanchalik toʻgʻri yoki notoʻgʻri ekanini tekshirmaydimi? Kim javobgar bunga?

@masofatalim

Sobiq oliy ta’lim vaziri Abduqodir Toshqulov davrida shu “aylanma varaqa” degan narsalar yoʻq boʻlgandi. Oʻshanda (2022-yil) bu haqida yozganimizda vazirlik matbuot xizmatidan tezkor reaksiya ham boʻlgandi.

@masofatalim

Oliy ta’lim, fan va innovatsiyalar vazirligi vakili mazkur holatga reaksiya bildirib, Telegram botdagi ma’lumotlar yangilanayotgani, yaqin vaqt ichida oʻzgarishlar koʻrinishini ma’lum qildi.

@masofatalim

Yozni “Yonda” bilan mazmunli o‘tkazing!

Yozgi ta’til — bu o’quvchi va talabalar uchun faqat dam olish emas, balki o‘z ustida ishlash, yangi ko‘nikmalarni egallash va shaxsiy rivojlanish uchun eng qulay vaqt!

⚡️Yoshlar ishlari agentligi esa sizga shunday imkoniyatlarni beruvchi yangi formatdagi loyiha – “Yonda” mobil ilovasini taqdim etadi!

📱“Yonda” ilovasi orqali o‘zingizga yaqin bo‘lgan ta’lim, sport, san’at, zamonaviy kasblar, xorijiy tillar va boshqa yo‘nalishlardagi o‘quv kurslarini oson topishingiz hamda mashg‘ulotlarda ishtirok etishingiz mumkin.

Eslatib o‘tamiz, ilova hozirda Toshkent shahrida sinov tarzida yo‘lga qo‘yildi. Albatta, tez orada ushbu loyiha boshqa hududlarni ham qamrab oladi.

✅ Bu yoz – o‘zingizga sarmoya kiritadigan faslingiz bo‘lsin.

⬇️Hoziroq yuklab oling va rivojlanishni boshlang:

App Store | Google Play

Aloqa markazi: +998-55-511-80-88

@masofatalim

Oliy ta’lim, fan va innovatsiyalar vazirligi £765 596 evaziga texnikumlar uchun ta’lim dasturi sotib olibdi. Bu o‘zbek so‘mida qariyb 13,8 mlrd so‘mni tashkil etadi.

P.S.: Chet eldan shuncha pulga ta’lim dasturi sotib olaveradi ham, darsni o‘rtasida vallomatlar kirib, darsni buzaveradi ham. Bu endi ta’limning toza o‘zbek modeli :)

@masofatalim

Brifingga chiqishdan avval, albatta, tayyorgarlik ko‘rish kerak. Shunda videodagi kabi tutilishlar, so‘zlarni xato o‘qish kabi kamchiliklar kamroq kuzatiladi.

@masofatalim

Elektron shahodatnomani qanday olish mumkin? (videoqoʻllanma)

Maktabni bitirganlik haqidagi shahodatnomani e-shahodatnoma.uz va my.gov.uz saytidan bepul va oson yuklab olish mumkin.

Ma’lumot uchun, 2023-yildan keyin maktabni tamomlagan bitiruvchilar ushbu xizmatdan foydalanishi mumkin.

@masofatalim