ــــــــــــــــــــــــــــــــــــــــــــــــــــــ
📜 القصيدة: يا زَهراء
🎤 أداء:محمّدبَاقِر الخَاقانيّ
🖋 كلمات: كرّار المحمّداوي
ــــــــــــــــــــــــــــــــــــــــــــــــــــــــــ
يا زَهراء.. يا زهراء.. يا زهراء
ــــــــــــــــــــــــــــــــــــــــــــــــــــــــــ
هالصوت مِن زينب صَاح.. يا زَهراء يا زَهراء
بيرغ عَضيد إبنچ طاح.. يا زَهراء يا زَهراء
الموافي دوم بخوّته.. يا زَهراء يا زَهراء
عالنهر طاحت رَايته ... يا زَهراء يا زَهراء
بالخٓيم زينب ندبته ... يا زَهراء يا زَهراء
صوب الخِيم جَرّت نار ... يا زَهراء يا زَهراء
راعي العلم رِد بالعلم ... يا زَهراء يا زَهراء
رِد بالعلم يا عبّاس ... يا زَهراء يا زَهراء
هجمت علىٰ حسين الناس ... يا زَهراء يا زَهراء
شي بالنبل شي بحجار ... يا زَهراء يا زَهراء
إعله حسين يُمّة فاطمة ... يا زَهراء يا زَهراء
خيل و زلم متحزّمة ... يا زَهراء يا زَهراء
شي بالعصي و شي بسيوف..يا زَهراء يا زَهراء
و گامت علىٰ خِيامي تطوف ..يا زَهراء يا زَهراء
و النار و صلتلي النار  ! .. يا زَهراء يا زَهراء
ــــــــــــــــــــــــــــــــــــــــــــــــــــــــــ

ــــــــــــــــــــــــــــــــــــــــــــــــــــــ
📜 القصيدة: يا خُوية
🎤 أداء:محمّدبَاقِر الخَاقانيّ
🖋 كلمات: ابو محمّد الزبيدي
ــــــــــــــــــــــــــــــــــــــــــــــــــــــ
حُسين.. آه حُسين.. آه
ــــــــــــــــــــــــــــــــــــــــــــــــــــــ
يا خُوية.. رحنا ب سبي وردّينا
يا خُوية.. هـٰذا الجرح ضَل بينا
يا خُوية.. للمجلس مِن أخذونا
يا خُوية.. بنص الزلم طبّينا
عين الناس يَحسين شافتنا
تِهد الحيل بالشام حَالتنا
بين اجناب لا دين لا غيرة
نمشي جروح وتطيح دَمعتنا
يَحسين.. بالديوان اشوف عين الشماته إعله الحَرم
يَحسين.. هَلّينا الدموع مِن شفنا ناس بِلا رَحم
حُسين.. آه حُسين.. آه
ــــــــــــــــــــــــــــــــــــــــــــــــــــــ
بعيوني.. هاك إقرا لَحن آلامي
بعيوني.. رسمت دَمعتي اخيامي
بعيوني.. نار وعُطش بظعونك
بعيوني.. شفت الهِزل گدّامي
جابوهن والخُوف مَرّ بيّه
شلون امشي للشام مَسبية؟
مشّونا والشام يا خُوية
شفناها بعيون مَدمية
آهات.. ودموع وونين صاير حچينا مِن الهَضم
آهات.. بگلب إختك صبر وتحمّل اشكال الظُلم
حُسين.. آه حُسين.. آه
ــــــــــــــــــــــــــــــــــــــــــــــــــــــ
مشّونا.. والسوط أخذ حيل إختك
مشّونا.. واسمع شَتم مِن عفتك
مشّونا.. مِن يمّك وحاچيتك
مشّونا.. بدموعي لَمّن شفتك
عَ الوادي مرّيت يا رُوحي
حسّيتك عطشان مَذبوحي
ما اصيحن والنوگ عُرفتني
مهضومة والآه بجروحي
عَ النوگ.. واتحسّر واگول راح العُمر ويّه الحَبيب
عَ النوگ.. مِن رحنا وبُقيت يا خُوية عطشان وغَريب
حُسين.. آه حُسين.. آه
ــــــــــــــــــــــــــــــــــــــــــــــــــــــ
بالكوفة.. حَسرة گلب تأذيني
بالكوفة.. رَد الزمان لعيني
بالكوفة.. لمّن دَخل حادينا
بالكوفة.. گمت اذكر اغلىٰ سنيني
بيت اهلي ما ضَال بس ذكرىٰ
ضَل مُوحش لا نور لا عُطره
ذكّرني بخِيام محترگة
مِن ضَلت جمرات عَ الغَبرة
حنّيت.. لسنيني المُضن ويّ والدي وذاك الشَمل
حنّيت.. ودروب السَبي خُلصن ونين إعله الهِزل
حُسين.. آه حُسين.. آه
ــــــــــــــــــــــــــــــــــــــــــــــــــــــ
هضموني.. مِن ودّعت كافلنا
هضموني.. واگضي الليالي ب ونّة
هضموني.. والطَف أخذ كل حيلي
هضموني.. وبالشاطي امُر اتمنّىٰ
عَطشانة لعبّاس خلّوني
ما مرّت عَ الماي ظعوني
لا إخوتي لا دَار لا خيمة
يا ويلي بِلا دار عافوني
للشام.. رِحنا والرِماح ويّه الظعن شالت جروح
للشام.. ظَعني مِن مشه يُوگع طِفل تُوگعلي رُوح
حُسين.. آه حُسين.. آه
ــــــــــــــــــــــــــــــــــــــــــــــــــــــ

ــــــــــــــــــــــــــــــــــــــــــــــــــــــ
📜 القصيدة: ما مات مثل الوادم حسين
🎤 أداء:محمّدبَاقِر الخَاقانيّ
🖋 كلمات: عبّاس الشبلاوي
ــــــــــــــــــــــــــــــــــــــــــــــــــــــ
حَگ لو عِمت لمُصيبته العين
ما مات مِثل الوادم حسين
يا ميّت إعليه تركض الخيل ؟
مِن جِسمه عبرت للصواوين
حَگ لو يطيح بمَجلسه الحيل
عَـ إلي إنفرد عَن المچاتيل
ع المّالگوا بمچانه مِن طَاح  !
لهناك جِسمه دَنّته الخيل
مو ثُوب تسوه نِطرّ الگلوب
ما شفنه مَيّت ثُوبه مَسلوب
عَـ الظهر كل مَيّت ينيّموا
و مات إعله وجهه حسين مَگلوب 
ثغيب الثواكل نثغب إعليه
المّا لَحّگت نسوانه تبچيه
و عافوه بالبَر ثلث أيام
مَكشوف صدره و ما مغطّيه
طاح و عِلت بين الخِيم نار
و طُلعوا حِفاية زغار و كبار
مِن الجَمر ركضت لاگت الخيل
وإحتار خِدر الكافل إحتار
وَاويلاه  وَاويلاه  وَاويلاه
حَگ لو تدگ چفوفنا الهَام
يالسادة گلب الخِدّر إنضام
ذِبّوا العَمايم و إحنوا الرُوس
طلّعوا زينب مِن الخِيام
يا اُوف تشفي الگلب يا اُوف
عَـ المّا لِمح خمسينها الشوف
يَـ اُمّة مُحمّد بنت عَلي هاي
مو ايّ مَرة الطُلعت بالطفوف
هَاشم حِنت گدّامها الراس
و ليها ب إشارة يگوم عبّاس  !
تالي الوكت ب اُم الخِدر مال
و حَد العقيلة بكربلا إنداس
ــــــــــــــــــــــــــــــــــــــــــــــــــــــــــ

✨خدمة محبي باسم الكربلائي تقدم:
📜قصيدة : سامحيني
✒للشاعر: سید عبدالخالق المحنة

موقف ايهد الرواسي مر عليه
حيرتي من فوق مهري ابلا ايديه
مدري اطيح اعله الوجه مدري اعله ظهري
و آنه كل هذا و افكر شنهو عذري
سامحيني ... سامحيني
📌📌📌📌📌
خويه من قطعوا يميني عاتبتها
ظلت املزمه ابقميصي سامحتها
من أخذت السيف منها ووقعتها
و إنزلت من نهري مسرع قابلتها
ها يا إيدي بيج زينب صافحتها
بيج أنا دقيت صدري من جبتها
جن تقلي اوداعة الله امشي قاتل
بالعطاشه هالله الله يابوفاضل
واحملت سيفي بيساري دمي يجري
و آناكل هذا و افكر شنهو عذري
سامحيني...سامحيني
📌📌📌📌📌
قمت أشوف الجيش غيمه يمي يقرب
حاصروني و آنه ضامي قلبي يلهب
ابهالوضع و آنا ذكرتج خويه زينب
اتذكرت مره سألتي و جنه نلعب
قلتي لو واحد ضربني خويه تغضب
و بوكتها ازعلت منج و الدمع صب
اتذكرت هسه سؤالج يالحبيبه
أسود ايخلون متنج يالغريبه
لو طفت  نارالخيم شيطفي جمري
و آنا كل هذا و افكر شنهو عذري
سامحيني...سامحيني
📌📌📌📌📌
يختي من طاحت يساري استضعفوني
سدوا اعليه طريقي حيّروني
اسهام و ارماح و بواتر قطعّوني
نمت فوق الجود و أبجي شاهدوني
قالوا اعليمن دموعك ناشدوني
من قلت أبجي اعله زينب عذّبوني
صوبوا جودي و تبده و باوعت لج
و آنا بس بعين وحده اتعذرت لج
عاينت وشجم سهم نام اعله صدري
و آنا كل هذا و افكر شنهو عذري
سامحيني...سامحيني
📌📌📌📌📌
أشعر بفارس إجاني و هذا حالي
قلي انت اتقول آنا الما أبالي
يالله أدعوك النزالي و القتالي
قلت له لا يمناي عندي و لا شمالي
قلي شنهو الغالي عندك رد سؤالي
قلت له خدر الفاطميه اهوايه غالي
قلي ما يسلم خدرها بنت أبوها
بوقعتك نكسرظهرها و ظهر أخوها
و ابتسم لمن تحشمك خويه خدري
و آنا كل هذا و افكر شنهو عذري
سامحيني...سامحيني
📌📌📌📌📌
بالعمد لمن ضربني راسي انطر
يختي جن القاع قامت بيه تفتر
اهنا صحت يحسين خويه احضر احضر
راح أروح و الك الله يا بو الأكبر
وقعتي خويه اعله وجهي اتألم أكثر
ابعيني سهم العين أسمعه من تكسر
يا مهر خبّر عضيدي و ابجي حرقه
قبل لا ينقص وريدي أرد أشبقه
آخر أنفاسي يضع ثغره اعله ثغري
و آنا كل هذا و افكر شنهو عذري
سامحيني..سامحيني
📌📌📌📌📌
بن سعد بالجيش ناده آنا أسمعه
هسه ظل حسين وحده خل نقطعه
حاولت أنهض و أقلهم بيَّ فزعه
بس يزينب هيه قومه و هيه وقعه
ابلايه شوف و لا ايديه بيش أنفعه
يا الهي  رد لي سيفي شوفي رجعه
ها يملج الموت سارع بالمنيه
خاف أشوف حسين واقع عالوطيه
خويه زينب من يطيح حسين احذري
و آنا كل هذا و افكر شنهو عذري
سامحيني...سامحيني
📌📌📌📌📌
حسين ناداني يخويه وينك انته
و اركضت لاجن يزينب من وصلته
الشمر جاثي اعله صدره بعيني شفته
قلت له يا ملعون أذبحك لو لمسته
خويه جنه ما سمعني و حز رقبته
و أشعر اتجاهلت ضربتي من ضربته
خويه ثاري آنه ميت من إجيته
و المهم بسته بوريده و بلحيته
ميت و بأمرج بقه مشغول فكري
و آنا كل  هذا و افكر شنهو عذري
سامحيني...سامحيني
📌📌📌📌📌
نار المخيم شفتها و شفتج انتي
و آنه جيت أركض و أنادي و ما سمعتي
خايف الوادم تشوفج لو طلعتي
من قرب لج الشمر قلت له اترك اختي
شفت امن السوط طحتي بس وقفتي
و الشمر من شتّم أمج انهضمتي
يذبح اعتابج يخويه وداعة أمج
آنه جسمي اعله الشريعه روحي يمج
و الله يا خويه الدموعج أفدي عمري
و آنا كل هذا و افكر شنهو عذري
سامحيني...سامحيني
📌📌📌📌📌
الشمر من صاح بسمج انتي جيتي
باوعي السيفي يقلج يا سبيتي
هذا دم حسين هذا ما دريتي
شفتج اتقبلين سيفه و انحنيتي
هوه قصده يشوف دمعج ما رضيتي
عفيه أختي درتي وجهج من بجيتي
قطّع السوط اعله متنج و آنه أنحب
ابلا جلد متنج لقيته آه يزينب
متنج اشسوه ابدليلي الله يدري
و آنا كل هذا و افكر شنهو عذري
سامحيني...سامحيني
📌📌📌📌📌
#اللهم_عجل_لوليك_الفرج
◇◈◇⇩..تابعونا..⇩◇◈◇

القصيده 📜كل حياتي محرم
الشاعر ✍🏼محمد البطحاوي
الرادود 🎙سيد فاقد الموسوي


كل حياتي محرم محرم
شهر الاحزان نصبت المخيم  المخيم
عشت كل هاي السنين
ما احب غير الحسين
كل حياتي

꧁꧂ ꧁꧂꧁꧂

اذا ما بيها الحسين على الدنيا السلامه
گبل لا يهل عاشور انا محضر خيامه
هو الحبنه مذبوح وهايم في غرامه
العشگ كتال الگلوب ويحط بيهن علامه

الحسين وهله
اجونه الكربله
وصل هذا الضعن
يا ميت هله

ينور القافله
يشع مثل السمه
وكل البيه اجن
امهن فاطمه

خدمتك هاي بيها كرامه كرامه
فدوه روحي الخيامه الخيامه
ينذكر تدمعلي عين
ما احب غير الحسين
كل حياتي
꧁꧂꧁꧂꧁꧂

الخلاها اعله الحسين ما شاف الخساره
بعدني بحركت العام محرم بانتظاره
الخدمه بدرب الحسين هيه افضل تجاره
التواضع شرط الاخلاص لدوره كباره


ترى الخدمه بحر
الثمن  جان النحر
العاشق محترگ
على طول الشهر

يحير بحالتك
واحفظ خدمتك
شما تسمع حسين
رخصتم دمعتك

يا ملاذ الخائفين
ما احب غير الحسين
كل حياتي
꧁꧂꧁꧂꧁꧂

هلال الشهر كاروك بس مابيه طفل نام
النحر جن خنصر. حسين ما يتحمل سهام
على الهزل بالحبال انسبت زينب والايتام
الموت زينب السوك عساها بذمه الشام


تعب جان الدرب
يغث ممشه الغرب
وشام النايبه
على زينب صعب

عليها ننهضم
وهيه ام اللطم
ومن خدمته كون
لا ما ننحرم

شما نقدم لزينب قليله
ما نوفي ابدمعنه العليله
بحسره گضتها ونين
ما احب غير الحسين
كل حياتي
꧁꧂꧁꧂꧁꧂

جرحك ما يداويه دمعه ولا تواسيل
يا اول بشر مذبوح داست صدرك الخيل
بين الجثث يحسين تدورك زينب بالليل
لو قصرت وياك انه اعتذر حيل


يا اغلى من هلي
تضل بس انت الي
الغيرك ما كلت
يبن حيدر علي


خادمكم عله
وغيرك ما اله
حسين ابحضرتك
كل المساله


يا اغلى من هلي
تضل بس انت الي
الغيرك ما كلت
يبن حيدر علي


انه طالب رضاكم عليه عليه
والعطفكم امدن اديه اديه


رافع اچفوفي الثنين
ما احب غير الحسين
كل حياتي

꧁꧂꧁꧂꧁꧂



آلگآتبهہ‌‏
🌸آيماטּ الكربلائيه🌸
#نسالكم_الدعاء_امانه_غير_مبري_الذمه_حذف_اسم_الكاتبه💦💦💦💦💦

لا ماتطيح الرايه .
وكاتب حبيب برايته ..لا ماتطيح الرايه
والله ونعم من شيبته ..لا ماتطيح الرايه
بسيوف ربعه حيته ..لا ماتطيح الرايه
سبعين زلمه نادته ..لا ماتطيح الرايه
انصار احنه وعزوته ..لا ماتطيح الرايه
وداعت حسين وخيمته ..لا ماتطيح الرايه
واحنه نطينه حجايه ..لا ماتطيح الرايه
وهوس برير بصارمه ..لا ماتطيح الرايه
نقسم وحك رب السمه ..لا ماتطيح الرايه
باجر نسوي ملحمه ..لا ماتطيح الرايه
نترس الطف من الدمه ..لا ماتطيح الرايه
نخلي النهر يشبع ضمه..لا ماتطيح الرايه
وخدام عد بت فاطمه ..لا ماتطيح الرايه
نذل الفرات ومايه ..لا ماتطيح الرايه

حسين حسين .. حسين حسين

لا ماتطيح الرايه . لا ماتطيح الرايه .

نخل كما كبرنه نتعب الصاعود
الشيب البينه مو عالعمر عالنيه
بيضه كلوبنه كاعد بنصهه حسين
جان اسمر وجه بس كلبه صبحيه
يابعد الماغفه وكرابهن مكسور
ويابعد الماغفن لو بجنه طاريه
دور غيرنه يبيعك بنص الليل
احنه المشترينك نفس بالريه
احنه المشترين الموت حتى نعيش
واحد وصه واحد عيش لطميه
حسين حسين .. حسين حسين

لا ماتطيح الرايه . لا ماتطيح الرايه .

عابس كتب فوك النجم
جيش ابعده عدهم علم
ربع الحسين شكد زلم
دك صدرة عابس والنعم
وماريد عقل بلا فهم
ومجنون بحسين المهم
صار الحسين الغايه

حسين حسين .. حسين حسين

لا ماتطيح الرايه . لا ماتطيح الرايه .

نطبك السبعه عالارض لا ماتطيح الرايه .
وكاتب حبيب برايته ..لا ماتطيح الرايه
والله ونعم من شيبته ..لا ماتطيح الرايه
بسيوف ربعه حيته ..لا ماتطيح الرايه
سبعين زلمه نادته ..لا ماتطيح الرايه
انصار احنه وعزوته ..لا ماتطيح الرايه
وداعت حسين وخيمته ..لا ماتطيح الرايه
واحنه نطينه حجايه ..لا ماتطيح الرايه
وهوس برير بصارمه ..لا ماتطيح الرايه
نقسم وحك رب السمه ..لا ماتطيح الرايه
باجر نسوي ملحمه ..لا ماتطيح الرايه
نترس الطف من الدمه ..لا ماتطيح الرايه
نخلي النهر يشبع ضمه..لا ماتطيح الرايه
وخدام عد بت فاطمه ..لا ماتطيح الرايه
نذل الفرات ومايه ..لا ماتطيح الرايه

حسين حسين .. حسين حسين

لا ماتطيح الرايه . لا ماتطيح الرايه .

نخل كما كبرنه نتعب الصاعود
الشيب البينه مو عالعمر عالنيه
بيضه كلوبنه كاعد بنصهه حسين
جان اسمر وجه بس كلبه صبحيه
يابعد الماغفه وكرابهن مكسور
ويابعد الماغفن لو بجنه طاريه
دور غيرنه يبيعك بنص الليل
احنه المشترينك نفس بالريه
احنه المشترين الموت حتى نعيش
واحد وصه واحد عيش لطميه
حسين حسين .. حسين حسين

لا ماتطيح الرايه . لا ماتطيح الرايه .

عابس كتب فوك النجم
جيش ابعده عدهم علم
ربع الحسين شكد زلم
دك صدرة عابس والنعم
وماريد عقل بلا فهم
ومجنون بحسين المهم
صار الحسين الغايه

حسين حسين .. حسين حسين

لا ماتطيح الرايه . لا ماتطيح الرايه .

نطبك السبعه عالارض
ناخذها بالطول وعرض
وتكول دكات النبض
حب الحسين اجمل فرض
والمارضه خل يعترض
نزرع الرايه بكل ارض
اتخضر انصار هواي

حسين حسين.. حسين حسين

لا ماتطيح الرايه . لا ماتطيح الرايه .

احنه المشترين الموت حتى نعيش
واحد وصه واحد عيش لطميه
موتتنه سوة مثل المطر لو طاح
من نفترك نخرب غزل خاجيه
لمنه بكبر واحد مانخزر الكاع
ولو واحدنه يسوة الكرة الارضيه
اعزل بس حبيب الصدر حصه الشيخ
ومكان الشيخ محد يكعد بفيه
شربنه حجايتك والعطش ذليناه
وحجينه بخلك بدوي الدنيه مكضيه
ضملك سالفه تنذكر بيهه بخير
الكبر يكبر مكانه بخت راعيه

حسين حسين .. حسين حسين



لا ماتطيح الرايه ..لا ماتطيح الرايه .

ناخذها بالطول وعرض ..لا ماتطيح الرايه
وتكول دكات النبض ..لا ماتطيح الرايه
حب الحسين اجمل فرض ..لا ماتطيح الرايه
والمارضه خل يعترض ..لا ماتطيح الرايه
نزرع الرايه بكل ارض ..لا ماتطيح الرايه
اتخضر انصار هواي ..لا ماتطيح الرايه

حسين حسين.. حسين حسين

لا ماتطيح الرايه . لا ماتطيح الرايه .

احنه المشترين الموت حتى نعيش
واحد وصه واحد عيش لطميه
موتتنه سوة مثل المطر لو طاح
من نفترك نخرب غزل خاجيه
لمنه بكبر واحد مانخزر الكاع
ولو واحدنه يسوة الكرة الارضيه
اعزل بس حبيب الصدر حصه الشيخ
ومكان الشيخ محد يكعد بفيه
شربنه حجايتك والعطش ذليناه
وحجينه بخلك بدوي الدنيه مكضيه
ضملك سالفه تنذكر بيهه بخير
الكبر يكبر مكانه بخت راعيه

حسين حسين .. حسين حسين



لا ماتطيح الرايه . لا ماتطيح الرايه .



المله .. حيدر البياتي
الشاعر .. مصطفى العيساوي
الكاتب .. بهاء

محمد ابو جباره :يزينب طاح باالميدان الحسين



يزينب طاح باالميدان الحسين
يزينب طاح باالميدان الحسين

عينج عل يتامه وعل نساوين
يزينب طاح باالميدان الحسين

راسه علرمح يلحره مرفوع
يزينب طاح باالميدان الحسين

اجت خياله عشره تكسر ضلوع
يزينب طاح باالميدان الحسين

الخيم محتركه ماتطفه بدموع
يزينب طاح باالميدان الحسين

شتفيدج بـعــد لو سالت العين
يزينب طاح باالميدان الحسين

لمي الطفال التاهت باالوديان
يزينب طاح باالميدان الحسين


ومري عله لذي ذبحوه عطشان
يزينب طاح باالميدان الحسين

كطعو راسه وتوسد التربان
يزينب طاح باالميدان الحسين

لا اهله هنا الج لمن تونين
يزينب طاح باالميدان الحسين

رقيه من اضرب ماتكدر تشوف
يزينب طاح باالميدان الحسين


طفله وركضت من سوط والخوف
يزينب طاح باالميدان الحسين

عثرت والحزن ذبها عله لجفوف
يزينب طاح باالميدان الحسين


هناك عله نهر حضت الجفين
يزينب طاح باالميدان الحسين


صاحت كوم ادركنه يعباس
يزينب طاح باالميدان الحسين

ولونه يابو فاضل عكبك الناس
يزينب طاح باالميدان الحسين

ولاناصر بقى النا وله معين
يزينب طاح باالميدان الحسين


خيمتنه حركوها بنار الحقاد
يزينب طاح باالميدان الحسين


وسفه وبيها ضل بٰس علي سجاد
يزينب طاح باالميدان الحسين


يزينب طاح باالميدان الحسين
يزينب طاح باالميدان الحسين
يزينب طاح باالميدان الحسين



وبحزام اليسر جدام ينكاد
يزينب طاح باالميدان الحسين

عليل ويلتفت يسار ويمين
يزينب طاح باالميدان الحسين


حميدة هناك صربوها عله لمتون
يزينب طاح باالميدان الحسين

رباب عليها خيمته يحركون
يزينب طاح باالميدان الحسين

📜 القصيدة: هذا لطمنه كل سنة
🎤 أداء: مسلم الوائلي وعلي الوائلي
~~~~
هذا لطمنه كل سنة
... عله حسين وولاده
عالظل غريب بكربله  
... عله حسين وولاده
ومحد فزعله وغسله  
... عله حسين وولاده
حيهم تصيح السادة   
... عله حسين وولاده

وهذا لطمنه كل سنه   عله حسين وولاده
~~~~
عالصاحت الحگ يا علي
... عله حسين وولاده
ما ضلي واحد من هلي
... عله حسين وولاده
ضليت تالي بلا ولي  
... عله حسين وولاده
راح اليگلي ادللي     
... عله حسين وولاده
لا من هلي ولا محملي
... عله حسين وولاده
شيردهم الهداده
... عله حسين وولاده

وهذا لطمنه كل سنه   عله حسين وولاده
~~~~
وهنانه كسران الظهر
... عله حسين وولاده
عالراد يمشي وما گدر
... عله حسين وولاده
وباب المخيم عثر
... عله حسين وولاده
من ركضته الصوب النهر
... عله حسين وولاده

هوسوا بيها                ويحسين العمامه
وهذا لطمنه كل سنه    عله حسين وولاده
~~~~
حشمت من فوگ الهزل
... عله حسين وولاده
يحسين ميت لو عدل
... عله حسين وولاده
مشي الغرب ما ينحمل
... عله حسين وولاده
والناگه ما فوگاها ظل
... عله حسين وولاده
شما توگف يجرها النذل
... عله حسين وولاده
وضعنك غريب الگاده
... عله حسين وولاده

وهذا لطمنه كل سنه   عله حسين وولاده
~~~~
عالسلبوها بنينوى
... عله حسين وولاده
مختنگه ودور هوه
... عله حسين وولاده
ويه الخيل نتراكض سوه
... عله حسين وولاده
لحگوني المخيم دوه
... عله حسين وولاده
فوگاي طاح ارماده
... عله حسين وولاده

اليعدل الميله             يهل عدنان راح
وهذا لطمنه كل سنه   عله حسين وولاده
~~~~
المفروض كل يوم الدمع
... عله حسين وولاده
واللطم لازم ينسمع
... عله حسين وولاده
وسحگت الخيل اعله الضلع
... عله حسين وولاده
طايح جبير الساده
... عله حسين وولاده

ادوس خياله              فوگ حسين اخونه
وهذا لطمنه كل سنه    عله حسين وولاده
~~~~
دارت الخيل اعله الخيم
... عله حسين وولاده
يا ناس والحيل انهدم
... عله حسين وولاده
ويلي اعله عباس بسهم
... عله حسين وولاده
والقتل صاير عاده
... عله حسين وولاده

احترگت خيمت زينب   جا وين العباس
وهذا لطمنه كل سنه    عله حسين وولاده
~~~~
يا ناس طگ گلبي وعلي
... عله حسين وولاده
وي ظهري مايل محملي
... عله حسين وولاده
يا غربتي بديرة هلي
... عله حسين وولاده
زينب اجت نشاده
... عله حسين وولاده

حرگوا اخيامي           وخل يلحگ علينه
وهذا لطمنه كل سنه    عله حسين وولاده
~~~~
نلطم اجينه من السبي
... عله حسين وولاده
ونسوان تبجي بموكبي
... عله حسين وولاده
وتراب متروسه العبي
... عله حسين وولاده
وعالهظم عدهم عاده
... عله حسين وولاده

وهذا لطمنه كل سنه    عله حسين وولاده
~~~~
سوينه مجلس بالدرب
... عله حسين وولاده
تشتمنه يا ديره النطب
... عله حسين وولاده
وما ينحمل حجي الغرب
... عله حسين وولاده
والحرگ وين اضماده
... عله حسين وولاده

صعدت الناگه              تعور ظهر اخيتك
وهذا لطمنه كل سنه    عله حسين وولاده
~~~~
نسوان ذني اجمعن
... عله حسين وولاده
وبين الگبور اتوزعن
... عله حسين وولاده
لطمن وكلش جزعن
... عله حسين وولاده
وتراب گبرك ناده
... عله حسين وولاده

وهذا لطمنه كل سنه    عله حسين وولاده
°°°°°°°°°°°°°°°°°°°°°°°°°°°°°°°°°°°°
#اللهم_عجل_لوليك_الفرج_والنصر_والعافية
هذا لطمنه كل سنة مكتوبة
هذا لطمنة كل سنه

(﷽)
قصيدة: سر العافية
بصوت: علي الساعدي
الشاعر: حيدر الخفاجي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بالك تطلب الحاجات اذا مو من أهاليها
جرب وجهب أم عباس والعباس تكظيها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
لا تسأل حكيم بهاي لازم تسأل مجرب
ما درست بكليات بس الأول اعله الطب
سر العافيه بجفها وبراجيته ما تكتب

من يأيس الدكتور . لأم العباس يبدي الدور
من عدها الدوه والشور
إقره الفاتحه اعليها بنيه صادقه وأطلب
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
تربات المضايف هاي واعله الهاك متعلمه
بت خير وأهلها شيوخ ترس عيونها النعمه
حرمه الخلفت عباس تتعادل بألف زلمه

فوك الغيم سُمعتها . مره وشالت عشيرتها
وبيها أفتخروا أخوتها
لو كتلك بألف رجل اي ما تنحسب حُرمه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
علي بيده يدير الكون من أوله لتاليته
شكد حاسب لهاي إحساب من إختارها لبيته
رباها وثلث تنعام من حيدر وتربيته

مو كل واحد اليختار . صارت قبلة الإيثار
أم الأربعة الأقمار
ضحت واليضحي اليوم تقديره اعله تضحيته
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
إحفظ ماي البوجهك بالك تطلب من فلان
يكضيها ويمن عليك دين ومنت الديان
دك باب الوفه أم عباس لا تفتر على البيبان

تنطي وما تحسبه بدين . لا هسه ولا بعدين
بس كلها بثواب حسين
تاخذ حاجتك بيدك ومنها وما تضل حيران
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
جان الحسن بالديوان لا يهتم ولا يحتار
من تتحزم أم عباس نار وتوكف اعله النار
ما طب للمضيف الزاد بارد دومه حار بحار

إكرام الضيف غايتها . وتعلمنه حالتها
وبكل بيت سفرتها
من ذاك الزمن لليوم وإحنه نعزب الخطار
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الينفق في سبيل الله تاج وينحط اعله الراس
لازم ينحسبله احساب ومقدر بين الناس
من سمعت الطف تريد كامت وأنطت العباس

ال تنفق زلم لله . وتعيش بدمع والله
تاخذ كل شي تتمناه
حرمه والمثلها تصير جفه بكل وكت تنباس
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
#اللهم_عجل_لوليك_الفرج_والنصر_والعافية
سر العافيه .. مكتوبة

للأستماع 👇

(﷽)
قصيدة: خليني يمك
بصوت: علي الساعدي
الشاعر: مؤمل رمل
+++ ،،، +++ ،،، +++
خليني يمك .. يا سيدي
وأُرزقني همك .. يا سيدي
يا سيدي حسين .. يا سيدي
+++ ،،، +++ ،،، +++
يا مولاي . خلني يمك ما أعوفك
يا مولاي . يخسر العايف جفوفك
يا مولاي . روحي ترتاح من أشوفك
أبقى وياي . وجيبني دوم لحضرتك
أبقى وياي . ولا تفاركني نضرتك
أبقى وياي . وحدك تكفي عشرتك

عمري بلا وجودك ضايع لكيته
يا حُب مِلك كياني وكلِّي هويتك
بأسمك هوى المجالس وتنفسيته

يطمني إسمك .. يا سيدي
وأُرزقني همك .. يا سيدي
يا سيدي حسين .. يا سيدي
+++ ،،، +++ ،،، +++
يا أبو الروح . علك شديت لوصالك
يا أبو الروح . مدّت الجف لسؤالك
يا أبو الروح . خلها معكوده لجمالك
يا مذبوح . الماي لو مر بقصيده
يا مذبوح . انلجم ما ودّي أعيده
يا مذبوح . خيامكم مذبوحه بإيده

إيد العطش ما حدها ورواكم
من الضمه هناك يتفطر هواكم
ونيشانه موجود مرسوم بسماكم

ما أريد ألجمك .. يا سيدي
وأُرزقني همك .. يا سيدي
يا سيدي حسين .. يا سيدي
+++ ،،، +++ ،،، +++
هاك العين . عميه كون الما تشوفك
هاك العين . مرها وين تصح حروفك
هاك العين . وبضريحك خل تطوفك
آه يحسين . يا نشيد جروحها كلها
آه يحسين . أمل مني وما أملها
آه يحسين . التصعب عيونك تحلها

رافكني ذكراك يرعاني بحنانه
ذول أحنه الصغار وأسمك كبرانه
يا شهكة الروح يا لذه بهوانه

بكلهن نشمك .. يا سيدي
وأُرزقني همك .. يا سيدي
يا سيدي حسين .. يا سيدي
+++ ،،، +++ ،،، +++
بس وياك . تحلى كل هاي السوالف
بس وياك . يا جبير اعله الطوايف
بس وياك . من فركتك قلبي خايف
يا محلاك . يالحنين بلا مُقابل
يا محلاك . لكل زوايا الروح واصل
يا محلاك . رايتك تحمي المنازل

راياتك السود بحماها بُقينا
بفطرتنه نقراك من الذر بجينه
وخضرنا دمعات بيك تميزينه

روّانا دمك .. يا سيدي
وأُرزقني همك .. يا سيدي
يا سيدي حسين .. يا سيدي
+++ ،،، +++ ،،، +++
يا منحور كون أجيك بلايه راسي
يا منحور . حتى أعيشك من أواسي
يا منحور . محوري وإنتَ الأساسي
ما مكسور . شامخ بصدر الأعالي
ما مكسور . الله يعرف إنتَ غالي
ما مكسور . ضوه ويرافك خيالي

شفتك ضوه وراي للظلمه الخذتني
تدليني لو أضيع بسمك عبرتني
مكبرني مولاي وإنتَ الدللتني
يا سيدي حسين .. يا سيدي
+++ ،،، +++ ،،، +++
#اللهم_عجل_لوليك_الفرج_والنصر_والعافية
خليني يمك .. مكتوبة

للأستماع 👇

▪️اسم القصيدة : [ #واويلي_على_العباس ]
▪️اداء الرادود الحسيني 🎼: #قحطان_البديري
▪️ليلة ٧ محرم الحرام ١٤٤٥ه‍ـ
•
خويه انهبنه .. راح منه العباس
•
مصيبتنا مصيبه الـمـاسـدت لحد
عفته اعله الـنـهـر كـفّـالـچ امـمدد
يا مصباح الأگشر يا صـباح اليوم
لطمن روسچن گومن بخمشة خد
لطمن وجهچن راح اخوي العباس

هسه انكسر ظهري و گطعوا حـزامــي
راح الـــمـــن اهـــد  الـــگــاه گــدامــي
بعد صارت صـدگ شـدن عبيچن زين
بعد عـنـچـن و عـنـي مـحـد يـحـامـي
شــدن عـبـيـچـن بـعـد طـاح الـعباس

لــحـگـت انــه عـلـيـه بـأخـر انفاسه
السهم نـابـت بـعينه و عالرمل راسه
لگيته ومـا لگيت وبيه عثرت اهناك
هـمـزيـن الـفـرس يـم چفه مـا داسه
امـقـطـع عـالـشريعه اهـنـاك و اهـنـا

بـعـد لا حـيـل ظـل لا جـدم ينگلني
فـوگـاهـا عـديـت و يــاهــو يعدلني
الم من روحي بس تتبدى يم عباس
اعـلـه سـيـفـه انـتـچـي بلكت يردني
خطوه خطوه بـليـاك من ما مشيتوا
•
هوسات)
•
يذكر واحد العباس اهو التاريخ شمفهمه
انه الشايف ابعيناي چـيـف اقتنع ابچلمه
اهو العباس چم عباس حته بكربله اتلمه
.. ايكفيله مدري اشچم كون ..

صارت ضجه بين صفوفها الأرجاس
امـر حير الجيش و ناس تسأل ناس
طلع من گبـره مـعـقـولـه علي الكرار
سبحان الله نـسـخـه الثانيه العباس
.. حيدر هد لو هد عباسه ..

الـغـيـره بـلايـه كلشي و تحرگ بدمه
چـا شـيـصـيـر لـمـن زيــنـب اتحشمه
مو شغلة عطش من راح صوب الماي
راح يــگـول يــم الــعـلـگـمـي چـلـمـه
.. و شرادت زينب سويته ..

يالتحچي و تـسـولـف سيرة الكافل
شـتـگـول اعـتـبـرهـا كلشي ما گايل
يظل بس ابو فاضل هوه ابو فاضل
.. و للان انسولف بخباره ..
•
▪️لمشاهدة قصائد الملا قحطان البديري«مكتوبة»أضغط هنا⤵️

📜 قصيدة: دافن اهل گلبي / مو بيدي احبهم
🎤 بصوت: مسلم الوائلي 
🖋 الشاعر: عباس طالب السعيدي
~~~~
جيت اعثر بدربي  
دافن اهل گلبي .. بالتراب
ياهو الصبر مثلي  
لو ميت احسلي .. بالتراب

شناسي انه يمهم .. امشي وارجعلهم
             بالتراب .. بالتراب
~~~~
اصعب موقف عاش وياي
گبر العطشان عليه ماي
.. ومبلل اترابه
انه الشلعوا گلبه اعزاز
هم دفان وهم جناز
.. مو هين امصابه

مامش متن واتعطل عن الدفن
بلكي يگعدون
طر الفجر وانه احجي بصف الگبر
هسه يگومون

الغالي عله اعزازه  
يجلب بالجنازه .. وره الناس
يگضيها بس ردوا   
من عندي كلشي اخذوا .. وره الناس

مو بديه احبهم .. امشي وارجعلهم
          بالتراب .. بالتراب
~~~~
اصعب موقف مر عالروح
من تدفن بيدك مذبوح
.. ومطشره ضلوعه
اجمع بي منا لليل
گد ما صدره مطشره الخيل
.. بالمنحر دموعه

ما يلزم جسمه من خيول الزلم
بي شمسوين
طول العصر ادفن بس خالي الگبر
جا شمخلين

مثل العطر جسمه    
ما ينكض اشتمه .. يالهواي
خلصت بجي عيني  
وما خلص حسيني .. يالهواي

يمه اخوته كلهم .. امشي وارجعلهم
           بالتراب .. بالتراب
~~
ليش حسين بلا تابوت
لا تشييع ولا زاتوت
.. حته البجي سكته
لا فاتحته اطبها الناس
لا واگف بيها العباس
.. وزغيره فاتحته

ضيمي من امس شدفن من عدها الشمس
واهلي يتانون
كلما گلت راح اگضي خنصر شفت
ظل ما مدفون

مطشر ضوه الجنه   
يا حيره شدفننه .. صدگ هاي
من اجمعت ظهره  
لاگاني دم صدره .. صدگ هاي

خطوه لو عفتهم .. امشي وارجعلهم 
            بالتراب .. بالتراب
~~
امشي واسمع صوت هناك
هاي جفوفي ادفنها وياك
.. لا تبتعد عني
يا دفان اخذ الجفين
فدوه ادفنهن يم حسين
.. بلكي الله يشبگني

وتعثرت بجفوفه ويمهن طحت
وي عمي شلون
والجف نگع بالدم جن توه انگطع
من گتله ام عون

الطوله جبل وسفه 
بزغر گبر كفه .. صحت ليش
شاورني من گبره   
سلملي عالحره .. صحت ليش

گال اخذني الهم .. امشي وارجعلهم
            بالتراب .. بالتراب
~~
رديت الزينب تعبان
عطشان ودافن عطشان
.. گوه انگل اجدامي
گالت جا يبني اشنساك
لو جايب عبد الله وياك
.. مو تدري بي ضامي

گتله الولد كبران ومو بالمهد
ما رد وياي
گالت علي حاجيني شبيهم هلي
لو شربوا ماي

ما شربوا اميه      
جي انتي مسبيه .. يگولون
اخوانج بهيمه     
وسئلوا عله الخيمه .. يگولون

حيره شرد اگلهم .. امشي وارجعلهم
            بالتراب .. بالتراب
°°°°°°°°°°°°°°°°°°°°°°°°°°°°°°°°°
#اللهم_عجل_لوليك_الفرج
موبيدي أحبهم مكتوبة

(مقدمة القاسم)
لا تطفوها شمعة زفاف وليدي
بخيمته انخليها لحد يطفيها
شمعة زفاف وليدي

والده وعندي حلم تتمنه عيني اتشاهده
لجاسم احضر زفته وافرح مثل كل والده
ما دريت بكربله جاسم يوذرونه العده
عمه جابه لخيمته يم جسم الاكبر مدده
هامته طبروها وللاسف طفوها
شمعة زفاف وليدي

كلبي يحجي بلوعته من يستمع حجي الكلب
كاعده اباب الخيم مشبوحه عيني اعله الدرب
لا تطفون الشمع ساعه ويرد من الحرب
اي رجع جاسم الي متحني من دمه اليصب
كلبي صاح بشوكه خل تظل معلوكه

شمعة زفاف وليدي


لا تكلولي انذبح ووليدي ما يرجع الي
كولو عريسج رجع كومي يرمله هلهلي
كومي حضري حنته وللغالي كومي استقبلي
يوم عرسه انحصنه بالله ومحمد علي
بالفرح ندعيله وخل تشع هالليله

شمعة زفاف وليدي

رمله صاحت يالزلم لحد يظل بخيمته
ارد اذب حجابي واصبغ شيبي من دم هامته
مدري ابجي مدري افرح مدري احضر حنته
ابني مو ميت تره ساعه ويكوم لزفته
ارد اشم الغالي وبيدي هاي تلالي
شمعة زفاف وليدي

امه واعرف لونخيته ما يردلي نخوتي
يمه فك عيني يجاسم لا تخيب رجوتي
ها يمعصب راسي انهض بيدك امسح دمعتي
اني ذاخرتك لشيبي وانته التلم كبرتي
انت عيني وشوفي ولازمه بجفوفي
شمعة زفاف وليدي

يمه ايس لو تردلي أسأل وماكو جواب
يمه بس حاجيني مره كلبي ما يحمل عذاب
يمه كوم ورد لهفتي يابدر عن ليلي غاب
يمه راح امشي يسيره وانته تبقه عالتراب
لليسر يوليدي راح اروح وبيدي
شمعة زفاف وليدي
خادم الحسين (عليه السلام)
كرار حسين الكربلائي

ثواب النشر هدیة الی روح امي و ابوي

#الناشر_مهدي_الكعبي

#اللهم_عجل_لوليك_الفرج

◇◈◇⇩..تابعونا..⇩◇◈◇

https://www.tg-me.com/mehdialkabii


📲Whatsapp
00989336054731🇮🇷
00989381599023🇮🇷

*من باب احترام حقوق الآخرين*
*نرجو عدم تغيير روابط الخدمه*

ــــــــــــــــــــــــــــــــــــــــــــــــــــــــــ
📜 القَصيدة: شَمرة عصا
🎤 أداء:مُرتضىٰ حرب
🖋 كلمات: مُرتضىٰ حرب
ــــــــــــــــــــــــــــــــــــــــــــــــــــــــــ
درب اليحبّك يگصر
مِن البَحر للمنحر.. شَمرة عصا
اليسبگ اجدامه بگلبه
ما يتعب يِحس دَربه.. شَمرة عصا
ــــــــــــــــــــــــــــــــــــــــــــــــــــــــــ
سَيّدي جاي جاي صَاح يَبن الزَهرة كل شيعي ضَميره
شِما شرب مَاي ماي فوگ خَدّه دموعه تكتب والله حيرة
انتَ كِلشي يحس إله.. حَگّه يِمشي لكربله
ما يِتعذّر
يا دَلالي سَيّدي.. بكل شي غَالي تِنفدي
يابو الاكبر
حِزام اليحبّك حِزنه
دربك يِحس بي عَنّة.. شَمرة عصا
اليسبگ اجدامه بگلبه
ما يتعب يِحس دَربه.. شَمرة عصا
ــــــــــــــــــــــــــــــــــــــــــــــــــــــــــ
كِل گلب رَاح رَاح لكربلائك قَبل موعد اربعينك
اليِمشي إلك صاح صاح عَايش بغُربة ولگيت الوَطن عينك
فِدوة لإسمك كِل إسم.. برُوحه رَسمك كِل شَهم
رَاضع غيرة
يا هُو غيرك يستحق؟ .. انتَ احلىٰ مِن الرِزق
عِشنا بخيره
مِن كِل بَلد يِمشولك
بهذا المَشي يگلولك.. شَمرة عصا
اليسبگ اجدامه بگلبه
ما يتعب يِحس دَربه.. شَمرة عصا
ــــــــــــــــــــــــــــــــــــــــــــــــــــــــــ
لخِدمتك ناس ناس الله خَالقهم يبو رُوح الحِنينة
الغيرة تنقاس تنقاس مِن يصير الزلمة حَمرة اعليك عينه
الرَاية حِلوة مِن ترف.. كِلها خِوّة مُو عِرف
اليمشولك
يابو الاكبر هَـ الاجو.. احلىٰ منظر لو مشوا
يتعنّولك
زِلمك يَغالي الزهرة
صاحوا طَريقك شمرة.. شَمرة عصا
اليسبگ اجدامه بگلبه
ما يتعب يِحس دَربه.. شَمرة عصا
ــــــــــــــــــــــــــــــــــــــــــــــــــــــــــ
بينا إلك نار نار يَابو عبد الله مِن نار المُخيّم
جِينا زوّار زوّار للبكيفه الجَنّة وبكيفه جَهنّم
سَيّدي إنتَ احلىٰ حُب.. اي مِلكته هَـ الگلب
بحنّيتك
الخطوة حُجّة تِنحسب.. إلها ضَجّة وتنكتب
حُجّة ببيتك
كِل سَنة نحجّ بدارك
تگول الدَرب زوّارك.. شَمرة عصا
اليسبگ اجدامه بگلبه
ما يتعب يِحس دَربه.. شَمرة عصا
ــــــــــــــــــــــــــــــــــــــــــــــــــــــــــ
للگلب عين عين الخَلّه گلبه بس إلك بيها يشوفك
بُوية يحسين حسين الجِست رُوحه بعد ما يگدر يعوفك
العينه شَافت گُبّتك.. رُوحه عاشت برَحمتك
يابو الرَحمة
هُمَ قُربك كل گلب.. محلىٰ تَعبك والدرب
فُوگ النِعمة
الإنتَ اهم جروحه
عَن كربله يحس رُوحه.. شَمرة عصا
اليسبگ اجدامه بگلبه
ما يتعب يِحس دَربه.. شَمرة عصا
ــــــــــــــــــــــــــــــــــــــــــــــــــــــــــ
مَوعدك حان حان يا جِدم إطوي المَسافات الطويلة
ومِن الآن الآن بيّنت هالسنة المشّاية ثگيلة
كلها صَاحت يا علي.. تِمشي راحت يالولي
كل احبابك
يابو فاضل المَدد.. انتَ كافل للعدد
اليم اعَتابك
جيشك طلع يالقائد
واحد يگل للواحد.. شَمرة عصا
اليسبگ اجدامه بگلبه
ما يتعب يِحس دَربه.. شَمرة عصا
ــــــــــــــــــــــــــــــــــــــــــــــــــــــــــ

ثواب النشر هدیة الی روح امي و ابوي

#الناشر_مهدي_الكعبي

#اللهم_عجل_لوليك_الفرج

◇◈◇⇩..تابعونا..⇩◇◈◇

https://www.tg-me.com/mehdialkabii


📲Whatsapp
00989336054731🇮🇷
00989381599023🇮🇷

*من باب احترام حقوق الآخرين*
*نرجو عدم تغيير روابط الخدمه*

قصيدة رايات المشاية مكتوبة للرادود مرتضى حرب


شيل ايدك حيي المشاية



شيل أيدك حيي المشاية

===============

وعد هذا يبو اليمة نعلي رايتك ونجي لزيارتك

بدمعنة وحسرت البينة نجي نحبي حبي عله تل الزينبي

هضمنة النحرك الدامي يضل طول العمر وحك دمع الخدر

عليك انعوف اهالينا ولا بيهم نهم ياشيخ الزلم



رفت رايات المشاية…رفت رايات المشاية

================

من اولاية لو لاية الك نطوي الدرب ينبضات الكلب

المشي بدربك يبو اليمة نحس من مو مستحب علينة نحس وجب

البجدمة اثر نلگة نجي نبارك الة ونضل نتوسلة

يخلينة نحب جدمة هذا نحس شرف تعب بس ماوكف



كل مايتعب تفرح روحة…كل مايتعب تفرح روحة

================

يالذت دربك وتعبة وعلي نعشكة عشك يالتمطر صدك

ابو الموكب يرف گلبة اذا مشاية اجو ويبچي لو بطو

يحط ايدك على خدة اذا طر الفجر ويبقة ينتظر

يشوف الراية مرفوعة ترف رف بل سمة لابن حامي الحمة



كل خادم فاتح ذرعانة…كل خادم فاتح ذرعانة

=================

التعب زينب شما نمشي ولا نوصل ابد لجن ننطي وعد

مشاية نلاگيهة بكل دورت سنة نواسي المحزنة

وياهة نجسم الونة والدمعة التهل هاي اخت النفل

تعبهة المشي زينب حك نتعب اذن على طول الزمن



تجايت زينب سمونة…تجايت زينب سمونة

ثواب النشر هدیة الی روح امي و ابوي

#الناشر_مهدي_الكعبي

#اللهم_عجل_لوليك_الفرج

◇◈◇⇩..تابعونا..⇩◇◈◇

https://www.tg-me.com/mehdialkabii


📲Whatsapp
00989336054731🇮🇷
00989381599023🇮🇷

*من باب احترام حقوق الآخرين*
*نرجو عدم تغيير روابط الخدمه*

القصيدة :- عاتبتهم

آداء :- ملا مرتضى حرب

كلمات :- عبد الخالق الحريشاوي



✧･ﾟ: *✧･ﾟ:*✧･ﾟ: *✧･ﾟ:*✧･ﾟ: *✧･ﾟ:*



عاتبتهم بالأسامي ليش عفتوني يهلنه

ناشدتهم غالي غالي مو عليلتكم يهلنه

اصيحن يل تضعنون العليلتكم تردون يهلنه



يهلنه يهلنه





****



امنمس بيدي الثياب وكاعده اتنطر

والنوم اعله عيني امن الفرح مامر

باجر نوك اهلنه امن الصبح تحضر

واشوفن ناكه اليه والدي اتخير



بيده ركبهن خواتي ومابقت كل هاشميه

صحت بويه حسين وأنه وينهه الناكه الألية



وين الجنهم ابدور اتبعتهم كلبي مكسور يهلنه



يهلنه يهلنه



عاتبتهم بالأسامي ليش عفتوني يهلنه

ناشدتهم غالي غالي مو عليلتكم يهلنه

اصيحن يل تضعنون العليلتكم تردون يهلنه



يهلنه يهلنه





****



عله الميمون ابوي ودارلي ظهره

واجراس النياك ايجيبن العبره

وامراكض عليله والدرب عثره

بأمل چلمة تعالي وشبكة من صدره



ادللي يابوية جانت فاطمة يانظر عيني

هايه أول بويه رجعي من ضعنه وسامحيني

ابعذر ماتنطفي النار خلت من عدهم الدار يهلنه



يهلنه يهلنه





عاتبتهم بالأسامي ليش عفتوني يهلنه

ناشدتهم غالي غالي مو عليلتكم يهلنه

اصيحن يل تضعنون العليلتكم تردون يهلنه



يهلنه يهلنه





****



يارايات اهلنه امن السلف طلعن

ياخضر العمايم بالضعن يزهن

ياذاك العفاف ابسد كمر ركبن

يمناغات عبدالله الكلب لجمن



اثنين من الألمني خذوه عبدالله امنديه

وجلمة اخذوهه عليله الخاطري اتكلهم رقيه



عليله والهه حنيت وعليهه اظلم البيت يهلنه



يهلنه يهلنه





عاتبتهم بالأسامي ليش عفتوني يهلنه

ناشدتهم غالي غالي مو عليلتكم يهلنه

اصيحن يل تضعنون العليلتكم تردون يهلنه



يهلنه يهلنه





****



ياخيل العمايم بلشيم تصهل

يادورت ظهرهم بالضعن تكتل

أتبعتهم عالي نوحي ودمعتي تهمل

ردت عمي القمر من المهر ينزل



جلمة الياعم حنينه وهو ياعم أبو فاضل

والأبد ما حاسبتهه بيده ردني امن المحامل



رجعت امدنكه الراس سباني امعاين الناس يهلنه



يهلنه يهلنه



عاتبتهم بالأسامي ليش عفتوني يهلنه

ناشدتهم غالي غالي مو عليلتكم يهلنه

اصيحن يل تضعنون العليلتكم تردون يهلنه



يهلنه يهلنه





****



يموادع خواتي امبجي والينه

ياملح المحاجي ودمعة سكينه

عليج أدموع ابونه الغالي أعذرينه

مامقسوم الج يختي تماشينه



ودعتني اوداعت الله ردي يااختي الحبيبه

لا يموت حسين ابونه ابصدره ضل دافن نحيبه



حمدت الله أعله كل حال صحت ودولي مرسال يهلنه



يهلنه يهلنه





عاتبتهم بالأسامي ليش عفتوني يهلنه

ناشدتهم غالي غالي مو عليلتكم يهلنه

اصيحن يل تضعنون العليلتكم تردون يهلنه



يهلنه يهلنه





****



ياذاك الجمال الهاشمي الأزهر

ياهي العدهه اخو يشبه علي الأكبر

بجه ابكد غيرته وبدموعه يتعذر

ابسلامه لو وصلنه الخاطرج احضر



ابعتبة الباب واناطر علي يرجعلي اتاني

من رحل شو عيني رفت اشضاملي الاكبر زماني



كتبت اشكد مراسيل بلمناحب والأعويل يهلنه



يهلنه يهلنه



عاتبتهم بالأسامي ليش عفتوني يهلنه

ناشدتهم غالي غالي مو عليلتكم يهلنه

اصيحن يل تضعنون العليلتكم تردون يهلنه



يهلنه يهلنه


ثواب النشر هدیة الی روح امي و ابوي

#الناشر_مهدي_الكعبي

#اللهم_عجل_لوليك_الفرج

◇◈◇⇩..تابعونا..⇩◇◈◇

https://www.tg-me.com/mehdialkabii


📲Whatsapp
00989336054731🇮🇷
00989381599023🇮🇷

*من باب احترام حقوق الآخرين*
*نرجو عدم تغيير روابط الخدمه*

القصيدة :حب علي
اداء : مرتضى حرب
كلمات : الشاعر احمد الهلباوي
✮✮✮✮✮✮✮✮✮
علي جف الله النحب تقبيلها
علي دنيا وحب علي غربيلها
بالكرم اول شجاع ... علي ياحد للسباع
علي دنيا وحب علي غربيلها
✮✮✮✮✮✮✮✮✮
علي عالي علي والي علي شريان الكلب
علي كافي علي وافي علي اللين والصعب
علي واهب علي الغالب بالسلم او بالحرب
ال بالكتب مايجن ربع ال ماإنذكرن بالكتب
العرب من اتبغضه هاي أسبابها
للاسلام أمن الشوارب جابها
مدرع ولازم يطاع ...علي ياحد للسباع
علي دنيا وحب علي غربيلها
✮✮✮✮✮✮✮✮✮
علي بالميدان هزبر علي كوثر بالعلم
علي جلجال الحرايب علي جهبذ بالزلم
علي اول وجه لله ويستحق أن ينخدم
ماصعد فوكه تهزهز عرش الله امن الاسلام
لا تجلب بالكتب والسيره
من علي وإكطع الحب والغيره
انتشل عبده الضياع ...علي ياحد للسباع
علي دنيا وحب علي غربيلها
✮✮✮✮✮✮✮✮✮
علي قديس الخلائق علي بالحب معتقد
انفج جدار الكعبه لأمه وبت أسد جابت أسد
واي نبي ماصار لوما نادى ياحيدر مدد
على دين أمي وأبوي بشاربك يابو الشدد
علي خواص المنايه وساسها
وكطع حيات الرمل من راسها
والجمل وأم الرضاع ...علي ياحد للسباع
علي دنيا وحب علي غربيلها
✮✮✮✮✮✮✮✮✮
علي كيس علي افطن بشر دنيا وآخره
وبالمراجل لاتسولف زلمة الله حيدره
والحرب مثل الطراط وعلي لزمهم سره
كطع إظهور الكتايب ميمنه اتطك ميسره
سيفه ياكل بالزلم بكشورها
ماتعرف اوجوهه أمن إظهورها
يستر الله السيف جاع ...علي ياحد للسباع
علي دنيا وحب علي غربيلها
✮✮✮✮✮✮✮✮✮
الدنيا عبد الزهره خربت كوه مشاها علي
وكل موالي يحب عترته يعني لازم يبتلي
كربله الدين الحقيقي وعلي الحب الاولي
وأبو اليمه رحمة الله والكمر الجلي
فدوه لأمك واللبن يبوفاضل
اتنست ابحيدر وجابت كافل
ماتشيل إجدامه كاع ...علي ياحد للسباع
علي دنيا وحب علي غربيلها
✮✮✮✮✮✮✮✮✮

ثواب النشر هدیة الی روح امي و ابوي

#الناشر_مهدي_الكعبي

#اللهم_عجل_لوليك_الفرج

◇◈◇⇩..تابعونا..⇩◇◈◇

https://www.tg-me.com/mehdialkabii


📲Whatsapp
00989336054731🇮🇷
00989381599023🇮🇷

*من باب احترام حقوق الآخرين*
*نرجو عدم تغيير روابط الخدمه*

القصيدة : جرحك غار
اداء : مرتضى حرب
كلمات : مرتضى حرب
✮✮✮✮✮✮✮✮✮

جرحك غار من عدك شتريد النار
من حزنك مالمك دار
من تصفن يم كوز الماي
يعرضن بعيونك لهواي
جرحك غار .. جرحك غار
✮✮✮✮✮✮✮✮✮
كبر عمرك اويا كبرن اهمومك
عمر يمشي بحزن والمادره يلومك
تشوف بعين ابوك وجدك السجاد
حزن تعبك حد ماذبل ارسومك
الجان يحطك بحضنه
وبهدومه تشم حزنه
شحجالك جدك السجاد
يمولاي اعرف اتمنه
جنت تشوف/ نيشان اركبته المعروف
جنت تشوف/ شصاير بيهن احلى جفوف
وحده من العايشهن هاي
من تصفن يم كوز الماي
جرحك غار .. جرحك غار
✮✮✮✮✮✮✮✮✮
مشه حادي التعب حداي بسنينك
وخذاك الشكو اخ نعزز اونينك
يبو اجروح الغماك المايلمهن خيط
مثل علمك ولا ينضم حزن عينك
الحزنك شاد احزامك
الفرح ما مر على ايامك
الماي الكربله يوديك
كل ما شفته كدامك
آ يالماي/ شمسوي بروحك مولاي
آ يالماي/
والركضن بالبر حفاي
هاي اجروح وجرحك جاي
من تصفن يم كوز الماي
جرحك غار .. جرحك غار
✮✮✮✮✮✮✮✮✮
يا سادس ركن بس هدمك حزنك
حنين وطيحت ادموعك يطيحنك
كلشي يصير يمك ياخذك لحسين
والمغرب يجيلك باليبجنك
ابوك الطاف بالكوفه
شفت نيشانه بجفوفه
شيبرد دمعتك وانته
تعرف الماهي معروفه
ما ترتاح/ بصفناتك يحدي الذباح
ما ترتاح/ حكك ماهو شويه الراح
يذكرك بيهم كل افياي
من تصفن يم كوز الماي
جرحك غار .. جرحك غار
✮✮✮✮✮✮✮✮✮
يمولاي الصدك مو مثل النسمعه
ودمعتك سيدي مو مثل كل دمعه
يمولاي انته تبجي الخلك يتباجون
اطيح عيونك المكفوف من ينعه
يالصادق الك عبره
محد مرت بصدرة
الجرح جرحك يبعده الناس
بس ادموعك الحمره
ما تلام/ يالصادك لو حزنك دام
ما تلام/ جرحك ماي ونار وشام
بحساسك شفت الحادي
من تصفن يم كوز الماي
جرحك غار .. جرحك غار
✮✮✮✮✮✮✮✮✮
جرحك مالتم لن جرحك ابذاتك
كضيت وما كضت قصت عذاباتك
لاخر لحظه ومسوي الدمع نيشان
رسمن جرحك الما طاب دمعاتك
بروحك ضعن مسبيه
بي مجتوفه علويه
وبعيونك طفل عطشان
ما سمعو محاجيه
راح تموت/ وهمومك تمشي الزاتوت
راح تموت/ وعليك تبجي التابوت
ميت من همك شجاي
من تصفن يم كوز الماي
من تصفن يم كوز الماي
جرحك غار .. جرحك غار
✮✮✮✮✮✮✮✮✮

ثواب النشر هدیة الی روح امي و ابوي

#الناشر_مهدي_الكعبي

#اللهم_عجل_لوليك_الفرج

◇◈◇⇩..تابعونا..⇩◇◈◇

https://www.tg-me.com/mehdialkabii


📲Whatsapp
00989336054731🇮🇷
00989381599023🇮🇷

*من باب احترام حقوق الآخرين*
*نرجو عدم تغيير روابط الخدمه*

القصيدة : حيرة
اداء : مرتضى حرب
كلمات : الشاعر عبدالخالق الحريشاوي
✮✮✮✮✮✮✮✮✮
ياكوفه شايل جم جرح غيره
إمن الطبره مايحجي علي حيره
أيشوف أويه دمعاته الجرن
يسبون اله أبكاعج ضعن
حيره ... حيره
✮✮✮✮✮✮✮✮✮
علي أبكل طلعه جان الشوفة أيتامه
تتزاحم صور بالكوفه كدامه
يمر أباب طوعه وتثكل أجدامه
أهنا مسلم يشوف أتطيح اله إعمامه
المشهد يعيشه العبره خانكته
مسلم غريب الكوفه خاينته
بالغربه نازح عن وطن
يسبون اله أبكاعج ضعن
حيره ... حيره
✮✮✮✮✮✮✮✮✮
أختلط لون المدامع وي دمه الطبره
يلم أبكبريائه وخان بي طبره
طلعت من كلب بي فركة الزهره
جلمة حيره شايلهه علي أبصدره
أهنا بالحجر ينصاب بجبينه
راس الحسين الهامله عينه
نوك الهزل منا يجن
يسبون اله أبكاعج ضعن
حيره ... حيره
✮✮✮✮✮✮✮✮✮
علي مو من طبرته العبره بانفاسه
علي ثكل المشاعر ذابح أحساسه
أبضعن مسبي يشوف وناس موناسه
أبرمح راس الكمر بس منهشم راسه
بالغيره جرحه مو جرح هامه
ينداس حدهن باجر أخيامه
وبخدره يندار الزمن
يسبون اله أبكاعج ضعن
حيره ... حيره
✮✮✮✮✮✮✮✮✮
مونزف الدمعه الذبل علي لونه
يكوفه أهنا درب سابيهن أعيونه
تعبره أبمستحاهه العنده مصيوبه
أبثكل خطوت غريبه وشحت العونه
زينب عفافه وغيرته وخدره
وشهكه محنه وريحة الزهره
وجرح الترس كلبه شجن
يسبون اله أبكاعج ضعن
حيره ... حيره
✮✮✮✮✮✮✮✮✮
أنكتب منوه الرحيل وذبلت أرسومه
ونثر جلمات روح أبكلبه مضمومه
صبراا بويه زينب كلمن ويومه
وراج الشام اه يل الشام وهمومه
دار الزمن وحانت الفركه
أبآخر عمرهه زينب اشتلكه
جفوف الكفلهه لو هبون
يسبون اله أبكاعج ضعن
حيره ... حيره
✮✮✮✮✮✮✮✮✮

ثواب النشر هدیة الی روح امي و ابوي

#الناشر_مهدي_الكعبي

#اللهم_عجل_لوليك_الفرج

◇◈◇⇩..تابعونا..⇩◇◈◇

https://www.tg-me.com/mehdialkabii


📲Whatsapp
00989336054731🇮🇷
00989381599023🇮🇷

*من باب احترام حقوق الآخرين*
*نرجو عدم تغيير روابط الخدمه*

☜ بـسمـه تعـالى ☞

الـقصـيدة : أنه امكم
اداء : مرتضى حرب
كلـمات : مرتضى حرب

☆☆☆☆☆☆☆☆☆☆☆☆

اويلاه انه امكم يابعد امكم
اويلاه شسوت بيه فركتكم


من اهدكم كلبي متعلعل الحكوني ياهل كلبي
ادري مالكم رده وعيني على الدرب تربي
ضل ينشاف برسومي ماينضم ابد تعبي
اخاف من اعتب الجمكم لان ماينحمل عتبي

اويلاه ياجرحي الصعب ينشل
اويلاه محد مثلي يتحمل

اويلاه انه امكم يابعد امكم
اويلاه شسوت بيه فركتكم

☆☆☆☆☆☆☆☆☆☆☆☆

كل مغرب اكل للدار اهلنا مالهم بينه
تكلي موش بس عليج عليه الفركه مو هينه
اكل للدار انا امهم انه ام عباس الحنينه
جنت ماعرفتيني الفركه بمشيتي مبينه

اويلاه يادار الوفه الينشم
اويلاه راحو بعد مانلتم

اويلاه انا امكم يابعد امكم
اويلاه شسوت بيه فركتكم

☆☆☆☆☆☆☆☆☆☆☆☆

انه ام البنين انه انه ام معصب المايل
حضن حسين لو ميته ويغسلني بدمع سايل
كرب يومي وحدر راسي ردت جفك يابو فاضل
تذب اعمامتك فوكي انه الربيتك استاهل

اويلاه تغطوني بجفافيكم
اويلاه اموتن لو اتانيكم

اويلاه انه امكم يابعد امكم
اويلاه شسوت بيه فركتكم

☆☆☆☆☆☆☆☆☆☆☆☆

احا ياعمله الفركه مثلها ماسدت عمله
انه ام كلب الحنين انه عليه الفركه مو سهله
حيره ودمعي كل ماطاح احسبوني طحت مثله
اذا احمل هجر عباس هجر حسين شيحمله

اويلاه بكلشي عيونكم تعرض
اويلاه الهجر رضرضني ترضرض

اويلاه انه امكم يابعد امكم
اويلاه شسوت بيه فركتكم

☆☆☆☆☆☆☆☆☆☆☆☆

صوركم من احط راسي سره يلزمن على عيوني
منهدكم ماشفت راحه يابعد صبيها لحكوني
اطلبكم بالتعب والدر حشاكم ماتجازوني
طرو لحودكم ياحيود تره انطر كلبي تدروني

اويلاه من احجي وياكم لوحدي
اويلاه واحط ايدي على خدي

اويلاه انه امكم يابعد امكم
اويلاه شسوت بيه فركتكم

☆☆☆☆☆☆☆☆☆☆☆☆

صوركم ترسم ضنوني واحاجيها وتحاجيني
واتخيلكم بصفي واضل احظنكم بعيني
وافز والكه الدمع يحجي وامد ايدي ويجويني
وابجيكم واضل ابجي المثلكم حك يبجيني

اويلاه الهوه يلجمني لو شهكه
اويلاه بيه شسوت الفركه

☆☆☆☆☆☆☆☆☆☆☆☆

ثواب النشر هدیة الی روح امي و ابوي

#الناشر_مهدي_الكعبي

#اللهم_عجل_لوليك_الفرج

◇◈◇⇩..تابعونا..⇩◇◈◇

https://www.tg-me.com/mehdialkabii


📲Whatsapp
00989336054731🇮🇷
00989381599023🇮🇷

*من باب احترام حقوق الآخرين*
*نرجو عدم تغيير روابط الخدمه*