#savolimbor Assalomu alaykum, xodim 1 yilda 2 marta ta’tilini to’liq olishi mumkinmi?

https://www.tg-me.com/mehnathuquqi javobi 📤:

✅ Ha, mumkin. Buni quyidagicha asoslaymiz. Bu yerda kalendar yilga chalg’imaslik lozim. Ta’til xodimning ish yili davomida beriladi, kalendar yil davomida emas.
MK 225-moddasiga koʼra, ish yili deganda xodimning muayyan ish beruvchida 12 oyga teng boʼlgan va haqiqatda ish boshlangan sanadan eʼtiboran hisoblab chiqariladigan ish davri tushuniladi.

Masalan, xodim 22.02.2024 dan ish boshladi. Uning ish yili 22.02.2024 dan 21.02.2025 gacha boʼladi. Bizning misolda har yilgi mehnat taʼtili xodimga taʼtil berilayotgan ish yili tugaguniga qadar yaʼni 21.02.2025 gacha ( shu kuni ham) berilishi kerak. ❗️ Koʼpchilik mana shu oʼrinda kalendar yilga chalgʼib ketib, xodimni 31-dekabrgacha taʼtilga chiqarsam boʼladi deb, xato oʼylashadi. Yaʼni xodimni kalendar yil tugagunga qadar emas, xodimning ish yili tugaguniga qadar taʼtilga chiqarish shart ekan.

Misolimizdagi xodim 2025-yil 21-fevral kuni ta’tilga chiqdi. Shu xodim 2025-yili, masalan, may oyida yana ta’til olishi mumkinmi yoki faqat 2026-yil fevraldagina ta’tilga chiqa oladimi? Xodim 2026-yil 22-fevralgacha ham ta’tilga chiqishi mumkin. Qanday qilib deysizmi? Xodim yangi ish yili boshlangan sanadan ya'ni 2025-yil 22-fevraldan boshlab 22.02.2025 dan 21.02.2026 gacha ish yili uchun ta’tilini olishi mumkin. Ko’pchilik mana shu yerda xodim 1 yilda ya'ni 2025-yilda 2 marta ta’tilga chiqyaptiku, bu xato emasmi deb so’rashadi. Yo’q xato emas. Chunki xodim 2025-yil fevral oyida 22.02.2024 dan 21.02.2025 gacha bo’lgan ish yili uchun ta’til oldi.

2025-yil may oyida esa 22.02.2025 dan 21.02.2026 gacha bo’lgan ish yili hisobiga ta’til oldi ya’ni sodda qilib aytganda qarzga ta’til oldi. Xodim boshqa-boshqa ish yillar uchun ta’til olmoqda. ❌ Diqqat! Lekin xodim 22.02.2026 dan 21.02.2027 gacha bo’lgan ish yili hisobiga ta’tilni 2025-yilda ololmaydi. 22.02.2026 dan 21.02.2027 gacha bo’lgan ish yili hisobiga ta’tilni ish yili boshlangan sana 22.02.2026 dan boshlab olishi mumkin.

⚠️ Diqqat! MK 228-moddasi 1-qismiga ko’ra, ikkinchi va keyingi ish yillari uchun har yilgi mehnat ta’tili ish beruvchi va xodim uchun majburiy bo‘lgan ta’tillar jadvali bilan belgilanadigan har yilgi mehnat ta’tillarini berish navbatiga muvofiq beriladi.

⚠️ MK 228-moddasi oxirgi qismiga ko’ra, jadvalda belgilangan har yilgi mehnat ta’tilini berish vaqti xodim va ish beruvchi o‘rtasidagi kelishuvga binoan o‘zgartirilishi mumkin.

⚠️ MK 269-moddasi 2-qismi 6-bandiga ko’ra, xodim qaysi ish yili hisobiga ta’til olib bo‘lgan bo‘lsa, o‘sha yil tugaguniga qadar mehnat shartnomasi bekor qilinganda ta’tilning ishlab berilmagan kunlari uchun xodimning yozma roziligidan qat’i nazar, ish haqidan ushlab qolish amalga oshiriladi, bundan 269-moddasi 3-qismidagi holatlar mustasno.

🎯 Yanada batafsil ma'lumotlar va hujjatlardan namunalar elektron qo'llanmalarda keltirilgan: https://www.tg-me.com/mehnathuquqi/8470

Ekspertga murojaat: @MuhammadaminKarimjonov

Telegramdagi kanalimizni yaqinlarga ulashishni unutmang👇 https://www.tg-me.com/mehnathuquqi

#qonunbilan

📢 Prezident Farmoni: Davlat xizmatida yangi davr!

🇺🇿 2025-yil 19-iyunda Prezident Shavkat Mirziyoyev davlat fuqarolik xizmatini isloh qilish bo‘yicha muhim farmonni imzoladi.

🔑 Asosiy yangiliklar:
✅ “Davlat xizmatiga kirish” kurslari majburiy bo‘ladi. Har 3 yilda malaka oshirish shart!
✅ Ishga yangi kirganlar bilan 1 yillik mehnat shartnomasi tuziladi. Ijobiy natijadan so‘ng u nomuayyan muddatga uzaytiriladi.
✅ Har bir xodim uchun kasbiy rivojlanish xaritasi (portfolio) yuritiladi. Bilim, IQ, davlat tili, hujjat yuritish, rahbarlik va kommunikatsiya – barchasi baholanadi.
✅ Ish faoliyati natijadorligiga (KPI) qarab rag‘batlantirish mexanizmlari joriy etiladi.
✅ Xizmat safari, malaka, sog‘liq – raqamli tizimda monitoring qilinadi (“hrm.argos.uz”).
✅ Ishga qabul qilish tanlov asosida, faqat yagona portal orqali amalga oshiriladi (vacancy.argos.uz).
✅ “TOP-100” dasturi orqali salohiyatli yosh rahbarlar aniqlanadi va mukofotlanadi (100 BHMgacha!).

📲 “Davlat xizmatchisi” mobil ilovasi ishga tushadi – bilim, takliflar, aloqa va rivojlanish barchasi bir joyda.
📌 Maqsad – samarali, halol va zamonaviy davlat xizmatini shakllantirish.

📎 Farmon matni bilan tanishing: https://uza.uz/oz/posts/davlat-fuqarolik-xizmatini-yangi-yondashuvlar-asosida-tashkil-etish-hamda-professional-va-natijadorlikka-yonaltirilgan-davlat-xizmatchilari-korpusini-shakllantirish-chora-tadbirlari-togrisida_732602

📓Hujjatlar to'plami 1-qism
📕Hujjatlar to'plami 2-qism
📔Hujjatlar to'plami 3-qism
📚 Paket hujjatlar (ishdan bo'shatish haqida)

🛒 Hujjatlar, konsultatsiya uchun murojaat qiling: @miryoqubraximov
Kanalimizni yaqinlarga ulashishni unutmang https://www.tg-me.com/mehnathuquqi

#Тарихий_кун

Ўзбекистон Суверенитети декларацияси қабул қилинганига 35 йил тўлди

1990 йилнинг айни шу куни, ўн иккинчи чақириқ Ўзбекистон ССР Олий Кенгаши II cессиясида мазкур тарихий ҳужжат қабул қилинган эди.

Ўзбекистон ўша кезлар СССР таркибида бўлиб, республиканинг сиёсий, ижтимоий-иқтисодий ва маданий ҳаётига доир масалаларни мустақил ҳал этиш имконидан маҳрум эди. Мамлакатимиз ижтимоий-иқтисодий тараққиёт даражаси бўйича иттифоқдош республикалар орасида сўнгги ўринлардан бирини эгаллаган, амалда социалистик лагерь учун хомашё манбасига айланиб қолган эди.

Декларацияда Ўзбекистон ССР давлат ҳокимияти ваколатига ички ва ташқи сиёсатга тегишли барча масалалар, шунингдек, иттифоқдош республикалар ва бошқа давлатлар билан муносабатларни белгилаш ҳамда амалга ошириш кириши алоҳида қайд этилди. Давлат ҳокимияти республика ҳудудига кирадиган барча таркибий қисмлар устидан амалга оширилиши кафолатланди.

Ўзбекистон ССР Олий Кенгаши ҳуқуқий демократик давлат барпо этиш борасида қатъий қарор қабул қилинганини маълум қилди. Эндиликда Москва томонидан қабул қилинган барча қарорлар республика ҳудудида қонуний кучга кирмоғи учун Ўзбекистон ССР Олий Кенгаши томонидан тасдиқланиши лозим эди. Шу билан бирга, “давлат суверенитети”, “давлат чегараси” каби атамалар жорий этилиб, уларнинг дахлсизлиги эълон қилинди.

Бу ҳали тўлиқ давлат мустақиллигини англатмас эди, аммо Ўзбекистон йиллар мобайнида йиғилган иқтисодий-сиёсий муаммоларни ўзбек халқининг кўп асрлик анъаналари, эътироф этилган халқаро ҳуқуқ меъёрлари, умуминсоний қадриятлар ҳамда демократик тамойиллар асосида нисбатан мустақил ҳолда ҳал этишга киришмоғи мумкин эди.

Пировардида, ушбу декларация асосида “Ўзбекистон Республикасининг Давлат мустақиллиги асослари тўғрисида”ги қонуни, Ўзбекистон Республикасининг Конституцияси каби фундаментал аҳамиятга эга ҳуқуқий ҳужжатлар қабул қилинди.

@IslomKarimov

#namuna
Mehnat shartnomasini bekor qilish to‘g‘risidagi kelishuv

📑 Jamlanmada:
O‘zbek (kirill va lotin yozuvi) tilidagi kelishuv namunalari
Video tushintirish (https://youtu.be/iVmZ6ZV25u0?si=ZNzpNBfbAXqExsoC)

🔒 Xususiyatlari:
Ikkita qonun hujjati bilan asoslangan
Tez va oson foydalanish uchun WORD formatda
2 betli to‘liq hujjat

💵 Narx: 10 ming so‘m
💳 Karta raqami: 6262730098638887

📓Hujjatlar to'plami 1-qism
📕Hujjatlar to'plami 2-qism
📔Hujjatlar to'plami 3-qism
📚 Paket hujjatlar (ishdan bo'shatish haqida)

🛒 Hujjatlar, konsultatsiya uchun murojaat qiling: @miryoqubraximov
Kanalimizni yaqinlarga ulashishni unutmang https://www.tg-me.com/mehnathuquqi

Xodim ma’naviy ziyon uchun davlat boji to’laydimi ?

#savolimbor Ассалому алайкум Устоз фукаро мехнат масаласи юзасидан давлат божидан озод этилган. Аммо етказилган манавий зарар учунчи? Яни ишдан ноконуний бушатганлик учун маьнавий зарар учун компенсатсия сурасак бож тулаш шартми, агар тулаш шарт булмаса ходим судда ютказсачи давлат божи тулайдими?

https://www.tg-me.com/mehnathuquqi javobi 📤:

❌ Yo’q, xodim har ikki holatda ham ma'naviy ziyon uchun davlat boji to’lamaydi. O’zimiz ham amaliyotda bu muammoga duch keldik. Ya’ni ayrim sudlarda yakka tartibdagi mehnat munosabatlaridan kelib chiqadigan talablar bo‘yicha sudga murojaat etilganda ma’naviy ziyon uchun davlat boji to’lanmagan degan asossiz vajlar bilan arizani qaytarishmoqchi bo’lishdi. Lekin bu holatda biz ma’naviy ziyon uchun davlat boji to’lanmasligini quyidagicha asoslab berdik.

✅ MK 562-moddasiga ko’ra, xodimlar yakka tartibdagi mehnat munosabatlaridan kelib chiqadigan talablar bo‘yicha sudga murojaat etganda sud xarajatlaridan ozod qilinadi.

✅ FPK 127-moddasiga ko’ra, sud xarajatlari davlat boji va ishni ko‘rish bilan bog‘liq chiqimlardan iborat bo‘ladi.

“Davlat boji to‘g‘risida”gi Qonun 8-moddasiga ko’ra, fuqarolik ishlari bo‘yicha sudlarda davlat bojini to‘lashdan quyidagilar ozod qilinadi:
1) da’vogarlar — ish haqini undirish to‘g‘risidagi da’volar va mehnat huquqlari munosabatlaridan kelib chiqadigan boshqa talablar yuzasidan.

Shu o'rinda, yana bir narsani ta'kidlab o'tish lozim! MK 562-moddasida "xodimlar" deyilganku, mehnat shartnomasi bekor qilingandan shaxs xodim maqomini yo'qotadiku❓“Davlat boji to‘g‘risida”gi Qonun 8-moddasiga e'tibor bersangiz, u yerda "xodimlar" emas "da'vogarlar" tushunchasi ishlatilgan! Qonunda “xodimlar” deb chegara qo‘yilmay, aksincha, “da’vogarlar” degan jumla bilan, shaxs mehnat munosabatlari yuzasidan da’vo kirityaptimi, demak, u davlat bojidan ozod qilinishi nazarda tutilmoqda.

MK 562-moddasi hamda “Davlat boji to‘g‘risida”gi Qonun 8-moddalaridagi yakka tartibdagi mehnat munosabatlaridan kelib chiqadigan talablar bo‘yicha sud xarajatlaridan ozod qilinadi deganda, bu imtiyoz ish beruvchidan ma’naviy ziyonni undirishga oid da’volarga ham tegishli. Ya'ni ma'naviy ziyon mehnat huquqlari munosabatlaridan kelib chiqadigan boshqa talablar jumlasiga kiradi❗️Chunki xodimning ma’naviy ziyon undirish talabi aynan yakka tartibdagi mehnat munosabatlaridan kelib chiqmoqda.

Xodim ishda yutqazgan taqdirda ham ma’naviy ziyon uchun davlat boji undirilmaydi! Agar xodim ishda yutsa, bu holatda ish beruvchidan BHMning 2 barobari miqdorida (750 ming so’m) ma’naviy ziyon uchun davlat boji undiriladi.

Ekspertga murojaat: @MuhammadaminKarimjonov

Telegramdagi kanalimizni yaqinlarga ulashishni unutmang👇https://www.tg-me.com/mehnathuquqi

Erkaklar uchun layfhaklar😊

#savolimbor Assalomu alaykum, Ustoz. Foydali videokontentlar uchun rahmat. Bir videoroligingiz bo’yicha savol paydo bo’ldi . Videoda ishlaydigan erkaklarga o‘z xohishiga ko’ra xotinining homiladorlik va tug‘ish ta’tili davrida yillik mehnat ta’tili 1-ish yilida ham ishlab berilgan vaqtdan qat’i nazar beriladi degan ekansiz. Lekin MK 227-moddada ko’rsatilmaganku bu toifa erkaklar, 228-moddaga ko’ra 2- va keyingi ish yillari uchun emasmi bu kafolat ?

https://www.tg-me.com/mehnathuquqi javobi 📤

✅ MK 228-moddasi (ikkinchi va keyingi ish yillari uchun har yilgi mehnat ta’tilini berish tartibi) 5-qismida ishlaydigan erkaklarga har yilgi mehnat ta’tili ularning xohishiga ko‘ra xotinining homiladorlik va tug‘ish ta’tili davrida berilishi ko’rsatilgan. Ya’ni e’tibor bering, bu modda 2- va keyingi ish yillari uchun har yilgi mehnat ta’tilini berish tartibini belgilaydi.

❌ Haqiqatan ham, MK 227-moddasi (1-ish yili uchun har yilgi mehnat ta’tilini berish tartibi) 3-qismida 6 oy o‘tguniga qadar xodimning xohishiga ko‘ra har yilgi mehnat ta’tili beriladigan shaxslar toifasida bu toifa erkaklar ko’rsatilmagan.

❌ Shunga ko’ra, ayrim ish beruvchilar ushbu toifa erkaklarga 1-ish yili uchun ushbu kafolatni taqdim qilmayotgan ekan, MK 227-moddasida va jamoa kelishuvlarida, shuningdek jamoa shartnomasida yoxud boshqa ichki hujjatlarda ham belgilanmagan deb. Bu asossiz.

✅ Chunki MK 400-moddasi 4-qismiga ko’ra, ishlaydigan erkaklarga xotinining homiladorlik va tug‘ish ta’tili davrida o‘z xohishiga ko‘ra yillik mehnat ta’tili:

👉 1-ish yili uchun — ishlab berilgan vaqtdan qat’i nazar;

👉keyingi yillarda — ta’tillar berish jadvalidan qat’i nazar beriladi.

Demak, e’tibor bering garchi MK 227-modda 3-qismida ko’rsatilmagan bo’lsada, lekin 400-moddada ushbu kafolat turibdi.

✅ Shuning uchun ham, ishlaydigan erkaklarga xotinining homiladorlik va tug‘ish ta’tili davrida o‘z xohishiga har yilgi mehnat ta’tili 1-ish yili uchun ham ishlab berilgan vaqtdan qat’i nazar berilishi kerak ekan.

⚠️ Shunga o’xshash ta’tillar bilan bog’liq chalg’ituvchi holatni MK 232-moddasi 2-qismida ham ko’rishimiz mumkin. Unga ko’ra, 18 yoshga to‘lmagan xodimlarni, homilador ayollarni va mehnat sharoitlari o‘ta zararli va o‘ta og‘ir ishlarda band bo‘lgan xodimlarni har yilgi mehnat ta’tilidan chaqirib olishga yo‘l qo‘yilmaydi. E’tibor bering, bu yerdagi ro’yxatda I va II guruh nogironligi bo‘lgan xodimlar yo’q.

❗️Lekin MK 429-moddasi 3-qismiga ko’ra, I va II guruh nogironligi bo‘lgan xodimni yillik mehnat ta’tilidan chaqirib olishga yo‘l qo‘yilmaydi.

⚠️Shuning uchun ham xulosa qilishga hech qachon shoshilmanglar! Mehnat kodeksini diqqat bilan o’qib chiqinglar yoki ekspertga murojaat qilinglar: @MuhammadaminKarimjonov

Batafsil: https://www.tg-me.com/mehnathuquqi/8470


💻 Telegramdagi kanalimizni yaqinlarga ulashishni unutmang👇 https://www.tg-me.com/mehnathuquqi

#namuna
Xodimni ishga tiklash to‘g‘risidagi kelishuv

📑 Jamlanmada:
O‘zbek (kirill va lotin yozuvi) tilidagi kelishuv namunalari
Video tushintirish (https://youtu.be/rf_MypLonro?si=M3n_X8f_1f8pqRyR)

🔒 Xususiyatlari:
Bitta qonun hujjati bilan asoslangan
Tez va oson foydalanish uchun WORD formatda
4 betli to‘liq hujjat

💵 Narx: 10 ming so‘m
💳 Karta raqami: 6262730098638887

📓Hujjatlar to'plami 1-qism
📕Hujjatlar to'plami 2-qism
📔Hujjatlar to'plami 3-qism
📚 Paket hujjatlar (ishdan bo'shatish haqida)

🛒 Hujjatlar, konsultatsiya uchun murojaat qiling: @miryoqubraximov

Kanalimizni yaqinlarga ulashishni unutmang https://www.tg-me.com/mehnathuquqi

#баёнот

Тўланмаган таътил пулларини тўлаб қўйинг.

Сўнгги вақтларда бизга таътил пуллари масаласида кўплаб мурожаатлар келмоқда. Жумладан, Республика тез тиббий ёрдам маркази Жиззах филиалидаги айрим ходимларнинг мурожаатида меҳнат таътили пуллари кам тўланаётганлиги юзасидан биздан амалий ёрдам сўралмоқда. Масала минглаб ходимларга алоқадор бўлгани учун бу муаммони эътиборсиз қолдира олмаймиз.

Мавжуд ҳолатни ўрганганимизда, бу ташкилотда Меҳнат кодексининг 223, 224 ва 225-моддалари масъул ходимлар томонидан нотўғри талқин қилиниб, ходимларга ишлаган вақтига мутаносиб равишда таътил пуллари тўлаш ҳолатларига йўл қўйилаётганлиги маълум бўлди. Масалан, бир неча йиллардан бериб ишлаб келаётган ходимга жорий иш йилининг ярмидан меҳнат таътилига чиқаётган бўлса, унга фақат амалда ишланган вақти учун (масалан, 6 ой учун) таътил пули тўланмоқда.

Аслида, МК 224-моддасида ҳар йилги меҳнат таътили давомийлигини ишлаб берилган вақтга мутаносиб равишда ҳисоблаб чиқариш тартиби белгилаб қўйилган. Бу ерда меҳнат таътили тўловларини ишлаган вақтга мос равишда бериш, уларнинг ярмини ушлаб қолиш ва иш йили якунидан сўнг тўлаб бериш ҳақида гап кетмаган. Аксинча, МК 233-моддасида меҳнат таътилида бўлган вақти учун ходимга ушбу Кодекснинг 257-моддасига мувофиқ ҳисоблаб чиқариладиган ўртача иш ҳақининг сақланиши кафолатланиши белгилаб қўйилган.

Шунингдек, меҳнат таътили пулини ишланган вақтга мутаносиб равишда берилишига доир чекловлар МК 223-моддасида кўрсатилган. Жумладан, мазкур модданинг учинчи қисмида “ишнинг биринчи йили учун ҳар йилги меҳнат таътили қуйидаги тоифадаги ходимларга ишлаб берилган вақтига мутаносиб равишда ҳақ тўланган ҳолда тўлиқ давомийликда берилади:
– ҳар йилги меҳнат таътили ўқувчиларнинг ёзги таътили даврида бериладиган таълим ташкилотларининг ўқитувчилар таркибига ва услубиётчиларига. Ушбу тоифадаги ходимларнинг иккинчи ва кейинги иш йиллари учун ҳар йилги меҳнат таътилига тўлиқ ҳажмда ҳақ тўланади;
– биринчи иш йилида олти ойдан кам ишлаган ўриндошларга — асосий иши бўйича ҳар йилги меҳнат таътили билан бир вақтда меҳнат таътили берилганда. Биринчи иш йилида ўриндошлик асосидаги ишда олти ойдан кўп ишлаган ходимларга бундай ишда бериладиган меҳнат таътили, шунингдек кейинги иш йилларидаги ҳар йилги меҳнат таътиллари учун тўлиқ ҳақ тўланади".

Яъни, ушбу ҳолатлардан ташқари бошқа ҳолатларда меҳнат таътили пуллари жорий иш йилида қанча вақт ишланганидан қатъий назар тўлиқ ҳажмда тўланиши лозим.

Қолаверса, Меҳнат кодексининг 269-моддаси иккинчи қисми 6-бандида ходим тегишли иш йили ҳисобига таътил олиб бўлган бўлса, бироқ ўша йил тугагунига қадар меҳнат шартномаси бекор қилинган бўлса, иш берувчи таътилнинг ишлаб берилмаган кунлари учун иш ҳақидан ушлаб қолиши лозимлиги кўрсатиб ўтилган (айрим бўшатиш турларида хатто ушлаб қолинмайди). Бундан ҳам кўринадики, иш берувчи иш йилининг ўртасида меҳнат таътилига чиққан ходимга барибир таътил пулини тўлиқ тўлайди. Мабодо, агар ходим иш йили тугамасидан туриб, ишдан бўшаб кетадиган бўлса, таътил пулининг қолган қисми ходимнинг иш ҳақидан ушлаб қолиниши мумкин. Яъни, бу муаммога Кодексда бошқа мувофиқ бир ечим берилган.

Юқоридагиларга асосланиб, Республика тез тиббий ёрдам маркази Жиззах филиали раҳбариятидан меҳнат таътили берилаётган ходимларга таътил пулларини ўз вақтида ва тўлиқ тўланишига эътибор қаратишни сўраймиз. Ҳамда шу вақтгача кам таътил пули олган ходимларнинг таътил пулларини қисқа вақт ичида тўлаб қўйишларини сўраб қоламиз.

Шу ўринда, МК 333-моддаси бўйича кечиктирилган таътил пуллари учун ходимлар ҳисобига ундириладиган фоиз тўловларига раҳбарият жавобгар бўлишини, қолаверса, бундай ҳуқуқбузарлик учун МЖтКнинг 49-моддасида алоҳида маъмурий жавобгарлик белгиланганини эслатиб ўтамиз.

Саидали Мухторалиев

Мухаммадамин Каримжонов

👉@yuristkadr

#qonunbilan

🟢 “Oila hamkori” platformasi – yangi ijtimoiy xizmatlar yo‘lga qo‘yiladi!
🔹 O‘zbekiston Respublikasi Vazirlar Mahkamasining 2025-yil 18-iyundagi 376-son qaroriga muvofiq, “Faol hayotga qadam” dasturi doirasida “Oila hamkori” platformasi 2025-yil 1-iyulgacha ishga tushiriladi.

📌 Qarorga ko‘ra, vaqti-vaqti bilan yoki doimiy tarzda boshqalarning parvarishiga muhtoj bo‘lgan fuqarolar endilikda vaucher asosida 5 turdagi yangi ijtimoiy xizmatlardan foydalanish imkoniga ega bo‘ladi:
Uydagi ijtimoiy-maishiy yordam
Uyda qarov xizmatlari
Tibbiy-ijtimoiy reabilitatsiya
Kunduzi qatnov asosidagi parvarish
Shaxsiy yordamchi xizmati

🧾 Xizmatlar quyidagilarni o‘z ichiga oladi:
Ovqat tayyorlash, tozalik, kiyim yuvish
Gigiye­na yordamlari
Tibbiy va sport muassasalariga kuzatish
Tyu­torlik – raqamli xizmatlar, qonunlar va davlat xizmatlaridan foydalanishga o‘rgatish

🖥 “Oila hamkori” platformasi orqali:
Ijtimoiy xizmatlar to‘g‘risidagi ma’lumotlar yig‘iladi, boshqariladi va nazorat qilinadi
Vaoucher ajratish va to‘lovlar amalga oshiriladi
2025-yil 1-oktabrdan boshlab ushbu xizmatlarni tadbirkorlik subyektlari va o‘zini o‘zi band qilgan shaxslar ham ko‘rsata oladi.

📚 Sertifikat talab etiladi:
Ushbu xizmatlarni ko‘rsatmoqchi bo‘lgan shaxslar 36 soatdan kam bo‘lmagan o‘quv kurslarini tamomlab, muddati 3 yillik sertifikat olishlari shart.
📎 Bu tizim mehnat huquqi doirasida yangi bandlik shakllari – o‘zini o‘zi band qilish, xizmat ko‘rsatish orqali daromad topish imkoniyatlarini kengaytiradi.

🔗 Qaror to‘liq matni: Lex.uz – 376-son VM qarori

📓Hujjatlar to'plami 1-qism
📕Hujjatlar to'plami 2-qism
📔Hujjatlar to'plami 3-qism
📚 Paket hujjatlar (ishdan bo'shatish haqida)

🛒 Hujjatlar, konsultatsiya uchun murojaat qiling: @miryoqubraximov
Kanalimizni yaqinlarga ulashishni unutmang https://www.tg-me.com/mehnathuquqi

#savolimbor Assalomu alaykum, Muhammadamin aka. Bir erkak xodimimiz xizmat safariga borishdan bosh tortyapti, 14 yoshga to’lmagan bolam bor deb. Shu qanchalik to’g’ri?

https://www.tg-me.com/mehnathuquqi javobi

❗️Xodimni MK 287-moddasi bo’yicha xizmat safariga yuborishda rozilik olinmaydi, bundan homilador ayollar, 14 yoshga to‘lmagan bolaning (16 yoshga to‘lmagan nogironligi bo‘lgan bolaning) ota-onasidan biri (ota-onasining o‘rnini bosuvchi shaxs)lar mustasno.

⚠️ Diqqat! MK 287 va 147-moddalarini chalg’itmaslik lozim. MK 147-moddasiga ko’ra, xodimni boshqa ish beruvchiga vaqtincha xizmat safariga yuborish faqat uning yozma roziligi bilan bir yildan ko‘p bo‘lmagan muddatga amalga oshirilishi mumkin va bu xodim vaqtincha xizmat safariga yuborilgan ish beruvchi bilan tuziladigan alohida muddatli mehnat shartnomasi asosida amalga oshiriladi. MK 147 va 287-moddalarining farqli jihatlarini ushbu audiopostimizda batafsil tushuntirganmiz: https://www.tg-me.com/mehnathuquqi/5168

❗️MK 396-moddasiga ko’ra, homilador ayollar, 14 yoshga to‘lmagan bolaning (16 yoshga to‘lmagan nogironligi bo‘lgan bolaning) ota-onasidan biri (ota-onasining o‘rnini bosuvchi shaxs) faqat o‘z yozma roziligi bilan tungi ishlarga, ish vaqtidan tashqari ishlarga, dam olish kunlaridagi va ishlanmaydigan bayram kunlaridagi ishlarga jalb qilinishi, shuningdek xizmat safariga yuborilishi mumkin. Bunda ish beruvchi mazkur xodimlarni tungi ishlardan, ish vaqtidan tashqari ishlardan, dam olish kunlaridagi va ishlanmaydigan bayram kunlaridagi ishlardan yoki xizmat safaridan voz kechish borasidagi huquqi to‘g‘risida xabardor qilishi shart.

❗️Demak, 14 yoshga to‘lmagan bolaning (o‘n olti yoshga to‘lmagan nogironligi bo‘lgan bolaning) ota-onasidan biri (ota-onasining o‘rnini bosuvchi shaxs) faqat o‘z yozma roziligi bilan xizmat safariga yuborilishi mumkin.

❓Shunda 14 yoshga to‘lmagan bolasi bor har qanday erkak xodimni xizmat safariga yuborishda yozma roziligi kerakmi? Yo’q, unday emas. Chunki MK 410-moddasini (Oilaviy vazifalarni bajarish bilan mashg‘ul shaxslardan biriga kafolatlar berish sharti) ham esdan chiqarmaslik lozim! Ya’ni erkak xodim MK 396-moddasidagi kafolatdan foydalanishi uchun, MK 410-moddasidagi talablarga rioya qilinishi kerak.

Ushbu Kodeksda bolaning otasiga yoki oilaviy vazifalarni bajarish bilan mashg‘ul boshqa shaxslarga (onadan tashqari) mehnat sohasida qo‘shimcha kafolatlar nazarda tutilgan hollarda, ular bolaning onasi yoki oilaviy vazifalarni bajarish bilan mashg‘ul boshqa shaxs bu kafolatlardan foydalanmayotganligini tasdiqlovchi hujjatni (ish joyidan ma’lumotnomani, o‘lim to‘g‘risidagi guvohnomani, ona va oilaviy vazifalarni bajarish bilan mashg‘ul boshqa shaxs muomalaga layoqatsiz deb topilganligi to‘g‘risidagi qonuniy kuchga kirgan yoki ota-onalik huquqidan mahrum qilish haqidagi qonuniy kuchga kirgan sud qarorini va hokazolarni) ish beruvchiga ish joyi bo‘yicha taqdim etishi kerak.

❌ Agar bolaning onasi ishlamasa hamda bolaning parvarishi va tarbiyasi bilan mashg‘ul bo‘lsa yoxud ishlasa hamda ushbu paragrafda nazarda tutilgan kafolatlardan foydalansa, otaga yoki oilaviy vazifalarni bajarish bilan mashg‘ul boshqa shaxslarga mazkur kafolatlar berilmaydi.

❗️Agar erkak xodim yuqoridagi talablarga tushmasa, xizmat safariga borishdan bosh torta olmaydi. Agar bosh tortsa bu mehnat intizomini buzish hisoblanadi va ish beruvchi bu xodimga MK 312-moddasidagi intizomiy jazo choralaridan birini qo'llashi mumkin.

Ekspertga murojaat: @MuhammadaminKarimjonov

💻 Telegramdagi kanalimizni yaqinlarga ulashishni unutmang👇 https://www.tg-me.com/mehnathuquqi

#qonunbilan

🇺🇿 2025 yil 19 iyundagi PF-95-sonli Prezident farmoniga ko‘ra, 2025–2026 yillarda davlat fuqarolik xizmatini isloh qilish bo‘yicha 7 ta asosiy yo‘nalish belgilandi:

1️⃣ Kadrlar siyosati – zamonaviy tizim va mexanizmlar joriy etiladi.
2️⃣ Rahbarlar zaxirasi – yosh va salohiyatli rahbarlar tayyorlanadi.
3️⃣ Kasbiy rivojlanish – xodimlar bilim va ko‘nikmalarini doimiy yangilab boradi.
4️⃣ Xotin-qizlar ishtiroki – ularning davlat xizmatiga qiziqishi va ishonchi oshiriladi.
5️⃣ 2030 strategiyasi – davlat xizmatini uzoq muddatli rivojlantirish yo‘nalishlari izchil amalga oshiriladi.
6️⃣ Odob-axloq va madaniyat – xodimlar etik me’yorlarga qat’iy amal qiladi.
7️⃣ Natijadorlik asosida maosh – samarali ishlagan xodim rag‘batlantiriladi.

📓Hujjatlar to'plami 1-qism
📕Hujjatlar to'plami 2-qism
📔Hujjatlar to'plami 3-qism
📚 Paket hujjatlar (ishdan bo'shatish haqida)

🛒 Hujjatlar, konsultatsiya uchun murojaat qiling: @miryoqubraximov
Kanalimizni yaqinlarga ulashishni unutmang https://www.tg-me.com/mehnathuquqi

#qonunbilan
🎉 23-iyun — Davlat xizmati kuni!

🇺🇿 2025 yil 19 iyundagi PF-95-sonli Prezident farmoniga ko‘ra, bayram nishonlanadi.

🇺🇳 BMT tomonidan 23-iyun — Davlat xizmati kuni deb e’lon qilingan. Endilikda har yili ushbu sana doirasida davlat xizmatining obro‘sini oshirish va xodimlarga munosib sharoitlar yaratish bo‘yicha quyidagi tadbirlar o‘tkaziladi:

🔹 Har yili quyidagilar tashkil etiladi:
✅ Har bir vazirlik va idora o‘z sohasidagi natijalar, yutuqlar va rejalar haqida jamoatchilikka interaktiv taqdimot qiladi;
✅ Eng namunali davlat xizmatchilari faoliyati targ‘ib qilinadi, ular haqida videoroliklar va filmlar namoyish etiladi;
✅ Davlat xizmatchilarining oila a’zolari uchun "Oila kuni" (Family Day) tadbirlari o‘tkaziladi.

🎯 Ma’naviy rag‘bat, ochiqlik va ijobiy imij – yangi davlat xizmatining ustuvor yo‘nalishlaridan biri!

📋 Ushbu tadbirlarning yillik ro‘yxatini Davlat xizmatini rivojlantirish agentligi tasdiqlab boradi.

📓Hujjatlar to'plami 1-qism
📕Hujjatlar to'plami 2-qism
📔Hujjatlar to'plami 3-qism
📚 Paket hujjatlar (ishdan bo'shatish haqida)

🛒 Hujjatlar, konsultatsiya uchun murojaat qiling: @miryoqubraximov
Kanalimizni yaqinlarga ulashishni unutmang https://www.tg-me.com/mehnathuquqi

#savolimbor Ассалому алайкум! Мехнат таътилида бўлган ходим сиртқи таълимда ўқиши бошланганлиги тўғрисидаги маълумотномани олиб келди. Ушбу холатла қандай йўл тутилса тўғри бўлади? Илтимос асоси бн жавоб берворилар

https://www.tg-me.com/mehnathuquqi javobi 📤:

MK 229-moddasiga ko’ra, har yilgi mehnat ta’tili o‘quv ta’tiliga to‘g‘ri kelib qolganda xodimlar har yilgi mehnat ta’tilini uzaytirish yoki boshqa muddatga ko‘chirish huquqiga ega.

Agar har yilgi mehnat ta’tilidan foydalanishga monelik qiluvchi sabablar ta’til boshlanguniga qadar kelib chiqqan bo‘lsa, xodim bilan ish beruvchi o‘rtasidagi kelishuvga binoan ta’tildan foydalanishning yangi muddati belgilanadi. Bunday sabablar ta’til davrida kelib chiqqan hollarda ta’til tegishli kunlar soniga uzaytiriladi yoki xodim bilan ish beruvchining kelishuviga ko‘ra ta’tilning foydalanilmay qolgan qismi boshqa muddatga ko‘chiriladi.

Xodim har yilgi mehnat ta’tilidan foydalanishga to‘sqinlik qiladigan, yuzaga kelgan sabablar to‘g‘risida ish beruvchini yozma shaklda xabardor qilishi shart.
Agar xodim ushbu Kodeks 228-moddasining uchinchi qismida nazarda tutilgan muddatda ta’til boshlanadigan vaqt haqida o‘z vaqtida xabardor qilinmagan yoki unga ta’til boshlanguniga qadar ushbu Kodeks 233-moddasining ikkinchi qismiga muvofiq ta’til vaqti uchun haq to‘lanmagan bo‘lsa, har yilgi mehnat ta’tili xodimning arizasiga ko‘ra boshqa muddatga ko‘chiriladi.

Demak, Sizning holatda ta’tilidan foydalanishga monelik qiluvchi sabab ya'ni o'quv ta'tili har yilgi mehnat ta’tili davrida kelib chiqqanligi sababli, xodim o'quv ta'tili tufayli har yilgi mehnat ta’tilini uzaytirish uchun ariza yozadi, arizaga OTMning chaqiruv qog'ozini ilova qiladi hamda xodimning har yilgi mehnat ta’tilini uzaytirish bo’yicha ish beruvchinig buyrug’i qabul qilinadi. Yoki xodim bilan ish beruvchining kelishuviga ko‘ra ta’tilning foydalanilmay qolgan qismi boshqa muddatga ko‘chiriladi.

Ekspertga murojaat: @MuhammadaminKarimjonov

Telegramdagi kanalimizni yaqinlarga ulashishni unutmang👇 https://www.tg-me.com/mehnathuquqi

#savolimbor
Олий таьлим муассасаси, июль ойидан бошлаб барча укитувчиларни таьтилга чикариш керак 56 кунга. Лекин булар яна без содержания хам оформлять килишар экан шу 56 кунга. Агар 07.07 да оформлять килса 31августга тугри келяпти. Кайси бири тугри?

Javob
O‘zbekiston Respublikasi Mehnat kodeksining 218-, 223-, 241- va 501-moddalariga muvofiq hamda Vazirlar Mahkamasining 2023-yil 26-iyundagi 263-son qarori asosida, oliy ta’lim muassasalari pedagog xodimlariga quyidagicha yillik mehnat ta’tili tartibi belgilangan:

📌 1. Pedagog xodimlarga yillik uzaytirilgan mehnat ta’tili beriladi.
Mehnat kodeksining 501-moddasida oliy ta’lim tizimi pedagoglariga yillik uzaytirilgan mehnat ta’tili i belgilangan. O‘zbekiston Respublikasi Vazirlar Mahkamasining 26.06.2023 yildagi 263-son qaroriga ko'ra, oliy ta’lim tashkilotlari professor-o‘qituvchilar 56 kalendar kun ta'til beriladi.
Bu ta’til haq to‘lanadigan bo‘lib, unga boshqa shakldagi ta’til (masalan, "bez soxraneniya")ni aralashtirish qonunga xilofdir.

📌 2. "Ish haqi saqlanmaydigan ta’til" (BS) faqat xodim arizasiga asosan berilishi mumkin
Mehnat kodeksining 241-moddasiga ko‘ra, ish haqi saqlanmaydigan ta’til faqat xodimning yozma arizasiga asosan, uning shaxsiy sabablari bilan, ish beruvchi bilan kelishuv asosida berilishi mumkin.
Bu ta’til hech qachon majburiy yoki avtomatik tarzda berilmaydi. Ta’tilning davomiyligi har o‘n ikki oylik davrda jami 3 oydan ortiq bo‘lishi mumkin emas.

📌 3. Yozgi mehnat ta’tili davrida BS (ish haqi saqlanmaydigan) rasmiylashtirish — qonunbuzarlik hisoblanadi
Pedagogning yillik mehnat ta’tili o‘quv yili tugagach yozda beriladi va bu davr uchun ish haqi to‘liq saqlanadi.
Shunday ekan, agar o‘qituvchi ariza yozmagan bo‘lsa, har yilgi ta’til ya'ni pulli ta'til o‘rniga BS berilishi — noqonuniy hisoblanadi,

✅ Xulosa
Oliy ta’lim o‘qituvchisiga 7-iyuldan 31-avgustgacha 56 kunlik haq to‘lanadigan ta’til berilishi to‘g‘ri.
Ammo bu davrni "ish haqi saqlanmaydigan ta’til" sifatida rasmiylashtirish — qonunga ziddir, agar o‘qituvchi o‘zi ariza bilan so‘ramagan bo‘lsa.

📓Hujjatlar to'plami 1-qism
📕Hujjatlar to'plami 2-qism
📔Hujjatlar to'plami 3-qism
📚 Paket hujjatlar (ishdan bo'shatish haqida)

🛒 Hujjatlar, konsultatsiya uchun murojaat qiling: @miryoqubraximov
Kanalimizni yaqinlarga ulashishni unutmang https://www.tg-me.com/mehnathuquqi

#Cўраган_эдингиз

❕Мурожаат: Мен ўз хоҳишимга кўра ишдан бўшамоқчиман. Лекин ишхонамдан қарздорлигим бор экан, таътил пулидан. Амалдаги тартиб бўйича шундай бўлиши мумкинми?

Ушбу масала юзасидан эксперт, Тошкент давлат юридик университети катта ўқитувчиси Муҳаммадамин Каримжонов маълумот берди.

Batafsil: https://www.tg-me.com/mehnathuquqi/8470

Telegramdagi kanalimizni yaqinlarga ulashishni unutmang👇 https://www.tg-me.com/mehnathuquqi

Mehnat kodeksining barcha 581 ta moddasini bepul o'rganing!
1) Mehnat kodeksining 1-33-moddalari tahlili
2) Mehnat kodeksining 34-47-moddalari tahlili
3) Mehnat kodeksining 48-59-moddalari tahlili
4) Mehnat kodeksining 60-79-moddalari tahlili
5) Mehnat kodeksining 80-93-moddalari tahlili
6) Mehnat kodeksining 94-102-moddalari tahlili
7) Mehnat kodeksining 103-112-moddalari tahlili
8) Mehnat kodeksining 113-117-moddalari tahlili
9) Mehnat kodeksining 118-128-moddalari tahlili
10) Mehnat kodeksining 129-132-moddalari tahlili
11) Mehnat kodeksining 133-144-moddalari tahlili
12) Mehnat kodeksining 145-150-moddalari tahlili
13) Mehnat kodeksining 151-154-moddalari tahlili
14) Mehnat kodeksining 155-160-moddalari tahlili
15) Mehnat kodeksining 161-167-moddalari tahlili
16) Mehnat kodeksining 168-170-moddalari tahlili
17) Mehnat kodeksining 171-174-moddalari tahlili
18) Mehnat kodeksining 175-180-moddalari tahlili
19) Mehnat kodeksining 181-190-moddalari tahlili
20) Mehnat kodeksining 191-200-moddalari tahlili
21) Mehnat kodeksining 201-212-moddalari tahlili
22) Mehnat kodeksining 213-223-moddalari tahlili
23) Mehnat kodeksining 224-235-moddalari tahlili
24) Mehnat kodeksining 236-242-moddalari tahlili
25) Mehnat kodeksining 243-249-moddalari tahlili
26) Mehnat kodeksining 250-257-moddalari tahlili
27) Mehnat kodeksining 258-268-moddalari tahlili
28) Mehnat kodeksining 269-278-moddalari tahlili
29) Mehnat kodeksining 279-284-moddalari tahlili
30) Mehnat kodeksining 285-294-moddalari tahlili
31) Mehnat kodeksining 295-301-moddalari tahlili
32) Mehnat kodeksining 302-311-moddalari tahlili
33) Mehnat kodeksining 312-315-moddalari tahlili
34) Mehnat kodeksining 316-324-moddalari tahlili
35) Mehnat kodeksining 325-330-moddalari tahlili
36) Mehnat kodeksining 331-336-moddalari tahlili
37) Mehnat kodeksining 337-343-moddalari tahlili
38) Mehnat kodeksining 344-350-moddalari tahlili
39) Mehnat kodeksining 351-359-moddalari tahlili
40) Mehnat kodeksining 360-366-moddalari tahlili
41) Mehnat kodeksining 367-372-moddalari tahlili
42) Mehnat kodeksining 373-382-moddalari tahlili
43) Mehnat kodeksining 383-387-moddalari tahlili
44) Mehnat kodeksining 388-391-moddalari tahlili
45) Mehnat kodeksining 392-399-moddalari tahlili
46) Mehnat kodeksining 400-405-moddalari tahlili
47) Mehnat kodeksining 406-410-moddalari tahlili
48) Mehnat kodeksining 411-416-moddalari tahlili
49) Mehnat kodeksining 417-422-moddalari tahlili
50) Mehnat kodeksining 423-431-moddalari tahlili
51) Mehnat kodeksining 432-436-moddalari tahlili
52) Mehnat kodeksining 437-442-moddalari tahlili
53) Mehnat kodeksining 443-449-moddalari tahlili
54) Mehnat kodeksining 450-455-moddalari tahlili
55) Mehnat kodeksining 456-459-moddalari tahlili
56) Mehnat kodeksining 460-464-moddalari tahlili
57) Mehnat kodeksining 465-472-moddalari tahlili
58) Mehnat kodeksining 473-484-moddalari tahlili
59) Mehnat kodeksining 485-490-moddalari tahlili
60) Mehnat kodeksining 491-494-moddalari tahlili
61) Mehnat kodeksining 495-499-moddalari tahlili
62) Mehnat kodeksining 500-moddasi tahlili
63) Mehnat kodeksining 501-moddasi tahlili
64) Mehnat kodeksining 502-moddasi tahlili
65) Mehnat kodeksining 503-moddasi tahlili
66) Mehnat kodeksining 504-506-moddalari tahlili
67) Mehnat kodeksining 507-513-moddalari tahlili
68) Mehnat kodeksining 514-520-moddalari tahlili
69) Mehnat kodeksining 521-526-moddalari tahlili
70) Mehnat kodeksining 527-529-moddalari tahlili
71) Mehnat kodeksining 530-533-moddalari tahlili
72) Mehnat kodeksining 534-538-moddalari tahlili
73) Mehnat kodeksining 539-540-moddalari tahlili
74) Mehnat kodeksining 541-542-moddalari tahlili
75) Mehnat kodeksining 543-546-moddalari tahlili
76) Mehnat kodeksining 547-551-moddalari tahlili
77) Mehnat kodeksining 552-557-moddalari tahlili
78) Mehnat kodeksining 558-565-moddalari tahlili
79) Mehnat kodeksining 566-569-moddalari tahlili
80) Mehnat kodeksining 570-574-moddalari tahlili
81) Mehnat kodeksining 575-581-moddalari tahlili
Yuridik fanlar bo'yicha falsafa doktori (Phd), dotsent Miryoqub Raximov