Bog‘ emas, ko‘chadan 820 tonna hosil, 450 tonnasi eksportga

🍇Buloqboshi tumanining M. Ismoiliy mahallasidagi 405 ta xonadonning 380 tasi uzumchilik bilan shugʻullanadi. Mahalla koʻchalarining 4 kilometrga yaqin qismida tokzorlar barpo etilgan. Bir xonadon yiliga 4 tonnagacha hosil oladi.

🌎"Uzumchilar" mahallasining birgina Oybuloq koʻchasida 820 tonna uzum yetishtirilib, 450 tonnasi eksportga yoʻnaltirilmoqda. Hosilni saqlash va realizatsiya qilish uchun maxsus sovitkich va omborlar ham qurilgan.

Mahsulotlarni to‘g‘ri parvarishlash va yuqori hosil olish maqsadida Kambag‘allikni qisqartirish va bandlik vazirligi tashabbusi bilan mahallaning o‘zida maxsus Agromarkaz tashkil etilgan.

Sayt | Telegram | Facebook | Instagram | Youtube

"Obyektivka"ni haliyam qo‘lda to‘ldiryapsizmi? my.mehnat.uz da tayyori bor.

👉Saytga OneID orqali kirib, qisqa soniyalarda yuklab olishingiz mumkin.

Sayt | Telegram | Facebook | Instagram | Youtube

Namanganning olmasi, anori va o‘rigi bordur!

🍎Olma va anori bilan dong taratgan Namangan endi o‘rik yetishtirish bo‘yicha ham ilg‘or. Viloyatning yer bilan tillashayotgan bog‘bonlari kuniga 5 tonnagacha o’rik eksport qilib yaxshigina daromad topmoqda.

Sayt | Telegram | Facebook | Instagram | Youtube

1-iyuldan pensiya va nafaqalar, 1-avgustdan ish haqi va stipendiyalar 10% oshiriladi

🖊Prezident farmoniga muvofiq, 2025-yil 1-iyuldan boshlab pensiyalar, nafaqalar hamda kam taʼminlangan oilalarga bolalar nafaqalari va moddiy yordam toʻlovlari 10 foizga oshiriladi.

1. Yoshga doir eng kam pensiya 918 ming soʻm, nogironlik pensiyasi 1 million 12 ming soʻmni tashkil etadi;

2. Kam taʼminlangan oilalarga bolalar nafaqasining har oylik miqdori:

— 3 yoshgacha boʻlgan bitta kichik farzandi uchun – 360 000 soʻm,
— 3 yoshdan 18 yoshgacha boʻlgan bitta farzandi uchun – 275 000 soʻm,
— oilaning ikkinchi farzandi uchun qoʻshimcha – 165 000 soʻm;
— oilaning uchinchi va undan keyingi har bir farzandi uchun qoʻshimcha - 110 000 soʻm;

3. Kam taʼminlangan oilalar uchun moddiy yordamning oylik miqdori 420 000 soʻm etib belgilandi.

ℹ️ 2025-yil 1-avgustdan boshlab budjet tashkilotlari xodimlarining ish haqi va stipendiyalar miqdori ham 10 foizga oshirilishi belgilandi. Yaʼni, mehnatga haq toʻlashning eng kam miqdori amaldagi 1 mln 155 ming soʻmdan 1 mln 271 ming soʻmga oshirildi.

Sayt | Telegram | Facebook | Instagram | Youtube

Ishga qabul qilishda kimlarga dastlabki sinov belgilanmaydi?

▪️homilador ayol, 3 yoshga to‘lmagan bolasi bor ayol yoki 3 yoshga to‘lmagan bolani yolg‘iz o‘zi tarbiyalayotgan ota (vasiy);

▪️zaxiraga qo‘yiladigan ish o‘rinlariga ishga joylashtirish uchun yuborilgan aholining ijtimoiy ehtiyojmand toifalaridan bo‘lgan shaxslar;

▪️davlat grantlari asosida o‘qigan va oliy ta’lim tashkilotini tamomlagan kundan e’tiboran 3 oy ichida yo‘llanma bo‘yicha olingan mutaxassisligiga doir ishga kirayotgan oliy ta’lim tashkilotlarining bitiruvchilari;

▪️tegishli ta’lim tashkilotini tamomlagan kundan e’tiboran 1 yil ichida birinchi bor ishga kirayotganda olingan mutaxassisligi bo‘yicha mustaqil ravishda ishga joylashayotgan umumiy o‘rta, o‘rta maxsus, professional va oliy ta’lim tashkilotlarining bitiruvchilari;

▪️6 oygacha muddatga mehnat shartnomasi tuzilayotgan xodimlar;

▪️18 yoshga to‘lmagan shaxslar;

▪️ishga qaytadan qabul qilingan taqdirda ish beruvchi ilgari qaysi xodimlar bilan mehnat shartnomasini alohida asoslar bo‘yicha bekor qilgan bo‘lsa, o‘sha shaxslar;

▪️ishlab chiqarishda o‘qitish shartnomasi bo‘yicha ushbu ish beruvchida o‘qishni o‘tagan o‘quvchilar.

👉batafsil

Sayt | Telegram | Facebook | Instagram | Youtube