Ижара тўлов етимнинг ҳаққими?

❓Савол: Ёлғиз аёлман. Хўжайиним оламдан ўтганларига 14 йил бўлди. 19 ва 14 ёшли ўғил фарзандларим бор. Синглимни уйида ижарада тураман. Шукр, ижара пулини тўлай оляпман. Лекин мени қийнаётган нарса етимнинг ҳаққи синглимнинг оиласига зиён бўлмасмикан?

📥Жавоб: Бисмиллаҳир Роҳманир Роҳим. Шариатимизда балоғат ёшига етган (яъни ўғил болалар эҳтилом бўлгач, қиз болалар ҳайз кўргач) болалар етим дейилмайди. “Етимнинг ҳаққидан эҳтиёт бўлиш” деганда, уларнинг “мулкларини тортиб олиб ейиш” тушунилади. Яъни олди-сотди, ижара, ҳадя каби ўзаро розилик билан бўладиган келишувлар натижасида уларнинг пулларини олиш етимнинг ҳаққини ейиш бўлмайди. Демак, сизнинг синглингизнинг ҳам ижара учун олаётган пули етим ҳаққини ейишга кирмайди. Валлоҳу аълам.

“Фатволар тўплами”дан.
@mehrob_uz

📿Зикр қалбни сайқаллайди, унга жило беради, Аллоҳнинг азобидан қутқаради.

Расулуллоҳ соллаллоҳу алайҳи васаллам: «Ҳар бир нарсанинг сайқалловчиси бўлади. Қалбни сайқалловчи нарса эса Аллоҳни зикр қилишдир. Аллоҳнинг азобидан нажот беришда хеч нарса Аллоҳнинг зикрига тенг кела олмайди», дедилар. «Аллоҳ йўлида жиҳод ҳамми?» дейишган эди, Расулуллоҳ соллаллоҳу алайҳи васаллам: «Ҳатто қилич билан душманнинг бўйнини узиш ҳам», дедилар» (Имом Ибн Абу Дунё ва Имом Байҳақий ривояти).

✅Каналга аъзо бўлинг:👇
@mehrob_uz

Ассалому алайкум!
Хайрли тонг!

🍃🕊🌷🍃🕊🍃

Аллоҳим бугунги кунингизни хайли ва барокатли қилсин! 🤲

Расулуллоҳ соллаллоҳу алайҳи васаллам: «Ким эрталаб ёки кечқурун:
سُبْحَانَ اللهِ وَبِحَمْدِهِ
☘️«Субҳаналлоҳи ва биҳамдиҳи»,☘️
(Аллоҳга ҳамд айтиш билан Уни айбу нуқсонлардан поклаб ёд этаман), деб юз марта айтса, қиёмат куни бирор киши ундан афзал бўлмайди. Фақат ана шу киши айтганидек ёки ундан ошириб айтсагина, бўлиши мумкин», дедилар.
Имом Муслим ривоятлари.

✅Каналга аъзо бўлинг:👇
https://www.tg-me.com/joinchat-AAAAAD-ZGmdHp-O75FyVsg

ФАРЗ НАМОЗИНИНГ ФАЗИЛАТИ

Аллоҳ таоло Қуръони каримда бундай марҳамат қилади: “Албатта, намоз мўминларга ўз вақтида фарз қилингандир” (Нисо сураси, 103-оят).
Набий соллаллоҳу алайҳи васаллам айтдилар: “Аллоҳ таоло бандаларига беш вақт намозни фарз қилди. Кимки намозидан бирор нарсасини камайтирмай, унинг ҳаққини енгил санамай охиратга олиб келса, Аллоҳ таолонинг ҳузурида ўша бандани жаннатга киритиш ваъдаси ҳақ бўлади. Кимки шундай қилмаса, унинг учун Аллоҳнинг ҳузурида ҳеч қандай ваъда йўқдир. Хоҳласа, уни азоблайди, хоҳласа жаннатга киритади” (Имом Абу Довуд, Насоий, Ибн Можа ва Ибн Ҳиббон ривояти).

✅Каналга аъзо бўлинг:
https://www.tg-me.com/joinchat-AAAAAD-ZGmdHp-O75FyVsg

Аср намозини кечиктирмаслик

❓Савол: Aср намозни бир дақиқа ҳам ўтказиб бўлмайдими?

📥 Жавоб: Бисмиллаҳир Роҳманир Роҳим. Аср намози борасида Аллоҳ таоло: «Намозларни, (хусусан), ўрта намозни муҳофаза қилинг ва Аллоҳга тоат ила қоим бўлинг», дея буюрган (Бақара сураси, 238-оят).
Намозни муҳофаза қилиш бу доимо “ўз вақтида адо этиш” деганидир. Кўпчилик уламолар “ояти каримадаги “ўрта намоз”дан мурод – аср намози”, деганлар. Зеро, аср намози кундузининг икки намози бомдод ва пешин ҳамда кечанинг икки намози шом ва хуфтон орасида бўлади.
Абдуллоҳ ибн Умар розияллоҳу анҳумодан ривоят қилинган ҳадисда Пайғамбаримиз соллаллоҳу алайҳи васаллам: “Аср намозини ўтказиб юборган одам оиласидан, бойлигидан айрилган киши кабидир”, деганлар. Яъни аср намозини узрсиз ўқимаган одам оила аъзоларидан, мол-мулкидан айрилиб қолганга ўхшайди.
Аслида ҳар қандай намозни ҳам вақтидан кечиктириш мумкин эмас. Аммо юқоридагилардан аср намозига яна ҳам аҳамиятли бўлиш зарурлиги келиб чиқади. Чунки бошқа ҳадисда “Аср намозини қазо қилганнинг амаллари ҳабата бўлибди”, дейилган. Валлоҳу аълам.

“Фатволар тўплами”дан.
@mehrob_uz

ЁМОН ХАЁЛЛАРНИНГ МУОЛАЖАСИ

Хаёл ва васвасаларни муолажа қиламан десангиз, уларга эътибор қаратманг. Эътибор қилмасангиз, иншааллоҳ, бу хаёллар ўз-ўзидан йўқ бўлиб кетади. Балки ишингизга диққат қилинг, намозга турсангиз, бутун диққатингизни намозга қаратинг.
Ҳакимул уммат, Мавлоно Ашраф Али Таҳонавий қуддиса сирруҳ бир мавъизаларида шу нозик нуқтани очиб берганлар: “Намоз – талаб қилинган ва буюрилган амал.
Агар намоздалигингизда беихтиёр бошқа хаёллар келаётган бўлса, у сабабли намозингизнинг қадрини пасайтирманг. Намозхонлар кўпинча шундай савол беради: “биз намоз ўқиймиз, лекин маза ва лаззат топмаймиз” ёки “олдин жуда маза қилиб намоз ўқир эдим, энди ўша маза ва лаззат тугаб қолгандек”.
Бу гапларнинг жавоби шуки, эй биродар, намоз сизга фақат маза ва лаззат бериши учун фарз қилинмаган. Балки бу амал Аллоҳ таолога ибодатдир, бандалик-қулликнинг бир кўринишидир.
Мабодо, намозда маза ва лаззат келса, у ҳолда бу ҳолат Аллоҳ таолонинг бир неъматидир. Агар намозда маза лаззат келмаса, унинг сабабидан намозга заррача нуқсон етмайди. Агар сиз намознинг арконлари ва шартлари ҳамда одобларини тўла-тўкис адо этаётган ва суннатга мувофиқ бажараётган бўлсангиз, у ҳолда агар бутун умр маза ва лаззат келмаса ҳам, бунда сизнинг айбингиз йўқ.
Ибодат чоғи маза ва лаззат келса ҳам, келмаса ҳам намоз ўқишингиз керак”.

“Насиҳатлар гулдастаси”дан.

✅Каналга аъзо бўлинг:
@mehrob_uz

АССАЛОМУ АЛАЙКУМ!
☘️ Хайрли тонг! ☘️
Тонгги зикр

“Асбаҳнаа ва асбаҳал-мулку лиллаҳи Роббил-ъааламиин. Аллоҳумма ас‘алука хойро ҳаазаал-йавма фатҳаҳу ва насроҳу ва нууроҳу ва барокатаҳу ва ҳудааҳу ва аъуузу бика мин шарри маа фийҳи ва шарри маа баъдаҳу”.

Маъноси: “Биз ҳам, мулк ҳам оламлар Парвардигори Аллоҳники бўлган ҳолда тонг оттирдик. Ё Аллоҳ! Сендан бу куннинг фатҳини, ғалабасини, нурини ва баракасини ҳамда ҳидоятини сўрайман. Ё Аллоҳим! Сендан бу куннинг ва кейинги кунларнинг ёмонликларидан паноҳ тилайман”.
@mehrob_uz