*اللهم صل علی محمدوال محمدوعجل فرجهم*


*نعی للولیان*


خیعونهه یل عدهه احباب
طرو علیهه ودگو الباب
صاحت هلا بجییت الغیاب


خیعونهه یل عدهه ولیان
متنومسه والگلب فرحان
هیبه الولی اشلون ما چان


کل الهلا بلجای لیه
حیِیتله بثنین ادیه
اَنه ویا گعدینه سویه

(هلا بیک یفرح بیک گلبی)


کل الهلا بلگاصد وجای
وینشد علیه جای عنّای
من‌شفته هل ادموع عینای


گلی یبویه شبیچ مابیچ
عینچ بچت یاهو المبچیچ
ردی علیّه وآنه احاچیچ


گلیلی بویه لیش تبچین
اَنه ابوچ گولی شنهی تردین
یمچ تره محنه بعیدین

✍
*خادمه اهل البیت ع*
*ام ابو الفضل مقدم*

📓📓📓📓📓📓📓


●○●○●○●○●○●○●○●○●○

قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

*نعی للوالده*


یاسورنه وخیمه چبیره
اعدال شیخ اُمنه وعشیره
یاشمعت البیت ومنیره


کلچ هلا ، یل حلو ملگاچ
حلوه الگعده چانت اویاچ
روحی تحن واترید سلواچ


محلاتهه ذیچ الیالی
ولَذ السمَر یمچ حلالی
عدمن بعد ، اشکیله حالی


شلتی وگطعتی لیش بیه
و زاد الهظم فگدچ علیه
بعدچ تره مالی تچیه


یل شایله بلیل بلیل
عفتینی یمه وماخذه الحیل
فرگاچ حن اضلوعی یاویل


یل شایله ردی علینه
خلافچ تره محد یجینه
ظعن الغُرب مابی حنینه


مامش محنه ولا مروه
ومامش بعد ایام حلوه
راحت بعد طیبت الخوه


یمته ترد والشمل یلتم
نگعد سوه وانسولف الهم
حیلی تره بگفدچ تهدم


حیلی حیلی😭
بفگدچ تره خلصان حیلی💔

✍
*بقلم خادمه اهل البیت ع*
*ام ابوالفضل مقدم*
📓


قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

*ابوذیه لسان حال مولانا الحجه عج عند مصاب مولاتنا الزهراء ع*


وفاتچ بلعجل گربت وحانت
وجرعت الآه بمصابچ وحنیت
نشب بضلوعی البسمار و احنیت
وکسر ضلعای ضلعچ یلزجیه


😭😭😭😭😭😭


✍
*خادمه اهل البیت ع*
*ام ابوالفضل مقدم*


قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

قصیده مربعه لسیده الزهرا علیه السلام

____
المستهل:
ذکرناچ وبچینه یمنه یلحنینه

شلتی بساع عنه
ومنچ ماشبعنه

یل بحظنچ ربینه ذکرناچ وبچینه

___
ذکرناچ وبچینه وهَلّت دمعت العین
فَگدچ حیل چتال یم الحسن واحسین
تخلینه یتامه ییمه شلون تمشین
تره اخلافچ ذلایل ونضل عگبچ بتمحین

یل شلتی ومشیتی وبینه ماحسبتی
ومافکرتی بینه ذکرناچ وبچینه

_____

یل حَمّلتی ابلیل وظعنچ سار وابَعَد
علیچ اگلیبی شب ناروعلی اغیابچ تمِرَد
تدرینی ذلیله اخلافچ مالی احَدَ
وکسرتینی کسَر چاد مایضمد ویِنشَد

دگولی بیش اشَدّه حتی ایطیب ویهده
عگبچ ماهدینه ذکرناچ وبچینه

_____

ذکرنه ذیچ الایام ولیالی المرت ویاچ
وماننسه التعب ذاک وسهرچ یمه ورباچ
بعدنه بعازت ارباچ حسافه یلفگدناچ
موهینه علینه ویصعب حیل فرگاچ

مانصبر ونحمل لفرگه حیل تکتل
وعلیچ اتحسرینه ذکرناچ وبچینه

______

اگظی الیل بلآه ، وساعاته طویله
علیچ امکدر الحیل ویاروحی نحیله
البت اخلاف امهمه المن تشتکیله
ذلیله عگب عیناچ یایمه ذلیله

عدمن اشکی لهموم وگلبی حیل مهظوم
شلون اتفارگیینه ذکرناچ وبچینه

______________

✍بقلم خادمه اهل البیت ع
ام ابوالفضل مقدم ایران💫
https://www.tg-me.com/joinchat-AAAAAEq5BzBkY78KqBsvyw

قصیده لیسده الزهراء علیها السلام


شالت والمحنه شالت ویاها
های اُمنه الحنینه شلون ننساها


ما ننسه العزیزه الچانت ویانه
چانت زاهیه ویّاهه دنیانه
عگبهه بلهظم البین خلانه
وظیعنه المحنه ، وین نلگاها


ماننسه الحنان البی رَبتّنه
وچان الشمل یزهی وحلوه لمتنه
یاحیف الوکت و الدنیا طشتنه
وَطیح سورنه والخیمه گَشّاها


شالت لیش امی وما حچت بیّه
و لاگالت زغیره عندی ابنیه
لا رَدّت بعد لا نشدت اعلیه
وضل بخاطری یا ضاک ملگاها


رحت لفراشهه وحییل شمیته
بی ریحت محنه بشوگ حظنیته
لِچَم گلبی المکان‌ بیوم صدیته
خذاها الموت عنه وصعب فرگاها


لا ما تِنِسّیِ الوالده وهیهات
شما دارت الدنیا والوکت هم فات
یذَکِّرنی مکانچ بیچ کل لحظات
اباب الدار اگعد ابچی وانعاها


آیم المحنه لیش عفتینه
ماگلتی بعد من ینشد اعلینه
عگبچ بلمرار وظیم ظلینه
یاشمعت الدار وطافی اظواها


✍
*خادمه اهل البیت ع*
*ام ابوالفضل مقدم*
📓


قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

ابوذيات لسان حال مولانا امير المؤمنين عليه السلام



دمع الهجر عالخدين من صاب

الچ ماتم بلب احشاي من صاب (منصوب)


صدكوني الفكر بجنون من صاب

بيوم العصرو الزهره الزچيه

_

بگيت اصفگ على الغربت راحات (الايد)

ايام الفرح وي الزهره راحات (راحت)

الدنيه بس تعب مابيه. راحات. (راحه)

صفى ثوب الحزن لايگ عليه

__

على امصاب الزچيه الگلب بيه.داي
(بمعنى داء مرض)

عليها اشلون اهيل اتراب بيداي
(بمعنى يد)

حگي من بعدهه اسكن البيداي
(بمعنى الصحراء الباديه)

مكسور الظلع جسيته بديه

#✍خادمه البتول الطاهره ام مهدي الفرطوسيه
لا اجيز حذف الاسم شرعا

قدوة المرأه العفيفه بكل زمن
لكل مجالاة الحياة ام الحسن
🌹🌹🌹🌹🌹🌹
قدوه بلأخلاق والصبر الجميل
شما اكولن ياخلك كلش قليل
هاي زهرة بيت حماي الدخيل
بعشك تتلكاه تنسيه المحن
🌹🌹🌹🌹🌹
تعامل الكرار بلحب والحنان
احترام وعاطفه تعم المكان
البيت بلزهراء جنه امن الجنان
شكد بسيط وصار جن جنة عدن
🌹🌹🌹🌹🌹🌹
اي بسيط اهواي ومبين فقير
مبني طين البيت وافراشه الحصير
والقموس البيه خبزات الشعير
ماشكت فد يوم ماكالت كضن
🌹🌹🌹🌹🌹
لله بارك بيه مايكضي الطعام
مشبع اهل البيت ومكفي الايتام
خابزه الخبزات بت خير الانام
خلت امن الرؤح وياهن اضن
🌹🌹🌹🌹🌹
هيه اميره وبيده اسوي الطحين
بلرحه ونيشان خلت بلأدين
صدك هنياله امير المؤمنين
فاطمه ام البيت والحب والوطن
.....
الشاعره
فاطمه هاشم الحسيني

https://www.tg-me.com/mhdweh313

فزاعيه لأم البنين ع

ام عباس وكت الموت....... ياهو الحاضر وياها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
وكت الموت وحدهه
لا واحد اليسندهه
فگد حسين ماردهه
تريده اليوم ملفاها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
وين اولادها الشجعان
امهم حالها تعبان
ما حاضر گمر عدنان
من غمضت عيناها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
من يحضر يشيعها
ومحد طلع وادعها
ما كو اولاد تتبعها
ابو السجاد ماجاها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
وحدهه تموت شلون
ياهم بالنعش يمشون
لم عباس ماضل عون
وضيم الدهر اذاها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
الحره ضيمها هوايه
احتاجت صاحب الرايه
ضل اعلى المسنايه
وامه الموت وافاها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
ليش الحمل عالغربه
صعبه يالوفي صعبه
هم حگ الربه اتطلبه
منك وانته رجواها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
هاي ام المحنه هاي
هيه التنطي كل عناي
عليها خل تهل عيناي
شلون الطاهرة انساها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
لخادمة ام البنين ع

زينه الگريشاوية لانجيز حذف الاسم

*فزاعیه لم البنین ع*

جدییییییید ساعه ۱۴:۰۰
۱۴۰۰/۱۰/۲۴


*تسوه النوح های الرّبت ابطال*
*های ام الوفه ونعمین من گال*


تسوه النوح هایه الجابت حیود
یرجال الکلافه وبیهم الزود
عَلَم راس المعارک والهم الشهود

*(والجابتهم های اکحیله)*


های ام الوفه وتسوه المناحات
وتستاهل عراضه وکون هوسات
ننصب ماتم الهه عوام وسادات

*(نتشارک بلنوح اعلیهه)*


یم زود الوفیه وغیره غیرتهه
وَفّت للزچیه وزین وَفّتهه
تِحل اعجود هایه وشاره شارتهه

*(یل ما تصعب یمهه الحاجه)*


های ام البطل تستاهل الونه
الرضعته بحلیب الغیره المچنه
ابوفاضل کفو ها وِنعِم منّه

*(امک هیبه والزود الهه)*



های امک یهیبه گوم والحگهه
تعالج بلمنیه ترید کل حگهه
تعال انهض علی اچتافک دشیعهه

*(تنومس بیهه شیال امک)*


تمت بعون الله الکریم
✍
*بقلم خادمه اهل البیت ع*
*ام ابوالفضل مقدم*
📓



قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

يامحله العبايه تصير فوك الراس
ارث الزهره هاي وافتخر بيها
...
ارث الزهره هاي ولازم احفظها
تاج وفوك راسي بعفه اخليها
....
مو عقده العبايه ولا تقيدني
اليثمن قيمة الدرات يخفيها
....
مااعوف العبايه وقدوتي الزهراء
ولا اخلي الموديل يأثر اعليها
......
تخط بلكاع مثل اعبايت ام حسين
الخلف الباب لاذت حته تحميها
...


اداء الطفله هاجر الحسيني
كلمات الشاعره
فاطمه هاشم الحسيني

🌹🌹🌹
دايم هل فرح يا ناس وي حيدر
وكل اكلوبنه بهل يوم خل تنسر
لئن هوه الشفيع هناك بالمعشر
يودينه
يودينه حيدر للجنه يودينه
🌹🌹🌹
بكل بيت الفرح هاليوم وبكل دار
و نهني الجعفريه و اول المختار
ويا فرحت المهدي اليوم للكرار
فرحانه
فرحانه كل شيعة حيدر
🌹🌹🌹
غديرك يا علي نور بلياليه
وهامك والحسن عالعهد تلكينه
حب الشيعي الك يسري بشراينه
ماعوف
ماعوف حبك يا حيدر
🌹🌹🌹
بغديرك يا علي اليله فرحنه
لون مو بيعتك حيدر  فرحنه
يبو صالح خلص صبري فرحنه
فرحنه يدوم من تجبل علينه
يمن بسمك عله الوادم علينه
بأمر الله النبي اختاره عليه
استلم بيعت غدير بي فرحنه
🌹🌹🌹
  علي الكرار من اسمك تفز الكوم
علي بكل المعارك كاسب انه اعلوم
علي اليهزم القاده وابد ما مهزوم
من سيفه
من سيفه مهز ومه القاده
🌹🌹🌹
حسن صالح العيساوي

*ابـوذیّـات*
🌸🌹🌸🌹
بمناسبة میلاد *السیّدة الزهراء البتول* علیها السلام
لخادمها الشاعر مرد مقدم
🌸🌹🌸🌹
✅✅✅
🌸🌹🌸🌹
ــــــــــــــــ
کل عام ابهنه اعیادچ نحیها
ابلهفه او شوگ یا زهرا نحیها
لیالیها ابـفرح زاهي نحیها
ابشمع وازهور وابحنّه او تحیّه
ــــــــــــــــــــ
ابمیلادچ فـرحنه ونسعدنه
واهـازیج ایتبـدّل ونسعدنه
میلادچ یـزهـرا ونسعدنه
میلادچ هنه ودنیا زهـیّه
ــــــــــــــــــــ
وجود الکون دونچ ماله معنه
واحنه ابدون نورچ ماله معنه
یا زهراء الیضدّچ ماله معنه
اذا رب العرش ناده البریّه
ــــــــــــ
عطاشه و من عسل حبّچ وردنه
او جانه اشما تمـنّـینه وردنه
خذانه الشوگ یم دارچ وردنه
او عشنه ایامچ الحلوه الزهیّه
ــــــــــــــــ
لیالي السـود میلادچ محلها
او فیض اعیادچ الـدنیا محلها
محبتچ گلب کل شیعي محلها
یم الحسن یل زهرا الزچیّه
ــــــــــ
الاقصی والنبي عیّدنه وزهار
او شع نورچ ابکل الکون وزهار
حِنّه ابمولدچ واشموع وزهار
نفظ یم الحسن هاي المسیّه
ــــــــــــــ
الفرح یا فاطمه اللیله نزوله
او همنه ابمولدچ عنّه نزوله
شوصفچ والوحي ابیتچ نزوله
یمعنه الخیر دنیه وآخریه
ــــــــــــــ
مولدها لـعـنـد الگلب ینسه
یِلها بل فرح والـحزن ینسه
بیهـا اتمسّکن واقتدن ینسه
مثلها اتحجّبن واخذن سجیّه
ــــــــــــــ
فرح کل محب واحزانه نسلها
ابمولد فاطمه او هَـنّــه نسلها
نَسلها ابجاه والـدها نسلها
تصیر النه سند بالآخـریّه
🌸🌹🌸🌹
مـــــرد مقــــدم

*هـوسـات*
🌸🌹🌸🌹
بمناسبة میلاد *السیّدة الزهراء البتول* علیها السلام
لخادمها الشاعر مرد مقدم
ــــــــــــــــ
الشیعه اللیله فرحت والفرح منشود
وامعیّده الساده او ضوت کل حدود
شعلنه اشموعنه او راحت لیالي السود
وابعیدچ عیّدنه اللیله
‌ـــــــــــ
میلادچ سعاده او خیر یا زهراء
یا اروع مثل بالجود یا حوراء
یم الحسن اسمچ مرهم الکل داء
میلادچ فرحه الکل شیعي
ــــــــــــ
کل شیعی فرح هالیوم یا فاطمه ابمیلادچ
یا بنت النبي المختار یا من شاعت امجادچ
انهنّي الیوم ابوالحسنین والمختار واولادچ
وانهنّي ابهل فرحه الساده
ـــــــــــــــ
للساده تهاني ابمولد الکوثر
وانهنّي العوام او کل گلب مستر
شفیعه النه تصیر ابساعت المحشر
وابجنّه ایفوز الیهواها
ــــــــــ
🌸🌹🌸🌹
و الی کل مـوالیة *للزهراء البتول* علیه السلام👇🏻
ــــــ
یل تردن الجنّه طیعن الزهره
قدوه اهیا او منار الکل مره حرّه
الجنّه بیدها امنل خالق وامره
والتهوه الجنّه اتکظ بیها
🌸🌹🌸🌹
مــرد مقـدم

🌸🌹🌸🌹
ابیات ابوذیّة‌ بمناسبة *میلاد السیدة المرضیّة الزهراء البتول علیها السلام* للشاعر مرد مقدم
🌸🌹🌸🌹
ابـابـچ نـوّخت ظعنی وحرّه
وفیّه وطاهــره ودرّه وحرّه
اریدچ بـل نِـده وشرّه وحرّه
شفیعه ومنقذه اتصیرین لیّه
ـــــــــــــــــــــــــ
الــچ عنوان عند الله وسامی
وشانچ کل وکت عالی وسامی
دنیا وآخــره انتی وسامی
وبیچ اتلوذ کل الجعفریّه
ــــــــــــــــــــــــــ
یواشی اترک هوانه ونسعدنه
الباری الیوم خلّـــه ونسعدنه
تهنّینه وفرحـــــنـه ونسعدنه
ابمولد فاطمه الزهره الزچیّه
ــــــــــــــــــــــــــ
الکون ابتشر بل زهرا وباها
صبرها حیّـــر العالم وباها
خدیجه الطاهره اُمها وباها
طه المصطفی سید البریّه
ـــــــــــــــــــــــــــــ
الباری للنبــــی ودّه بشاره
ابمولد فاطمه وخصها بشاره
باچر بل حشر کلنـــه بشاره
منها انفوت بالجنه الزهـیّـه
🌸🌹🌸🌹
مـــــرد مقـــــدم

#ولادة الزهرا س.


یهادي الیله امـلاڪ السمه مسـروره
یهادي الباري خالق فاطمه من نوره
یهادي یاعظیم اللّي خلق هالصوره

الله نـزّل سـورتڪ
هیه فاطم بضعتڪ

ابجیّتهه الهادي استبشر
وڪل هاذ الڪون اتنوَّر
انّا اعطیناڪ الـڪوثـر

فاطم حیّاهه الله
ــــــــــــــــــــــــــــــــــــــــ
متنشاف حوریـّه خالقهه الجلیل العالم
متنشاف حتیٰ شمس الله اخجلت من فاطم
متنشاف والگمر نوره انطفه وظل هایم

اتـنـوِّرت مـنهه الشمس
اتحیّي بیهه الجن وانس

رب الڪـون ابهالغایه
نـزّل عالـڪوثـر آیـه
و الدین الزهره افیایه

ثابت بسم الزهراء
ـــــــــــــــــــــــــــــــــــــــــ
یهنّیڪ جـبریـل نازل للحفـل یاطاها
یهنیڪ ابهای الهدیه الربڪ اللّی انطاها
یهنیڪ بیهه الملایڪ حگهه من تتباها

نور شع امن السماء
نــوَّر العالم ضــواء

الله الباعث جبـریلـه
ایهنّي الهادی بهالیله
بیده اوروده ویهدیله

بمولود بضعة طاها
ــــــــــــــــــــــــــــــــــــ
یشیعي عله اعناد الناصبي اللّي ایعادي
یشیعي ابهالولاده إفـرح اویـه الهادي
یشیعي خلّي گلبڪ بس بسمهه اینادي

الیـوالي الطاهـره
ایفوز دنیه و آخره

یرضه الباری الیرضاهه
الله ایعـادي العاداهـه
تشفع ڪلمـن والاهه

تخسر یالناڪرهه
ــــــــــــــــــــــــــــــــــــــ
ّیزهرا سر الله سرّچ یا عظیمه اسرارچ
یزهرا الله خالق جنـِّتـه امن انوارچ
یزهرا سیـّدة ڪـل النساء اختارچ

الله أدره ابحڪمته
الـهـه خالق جنـّته

من نـور الخالق هیـّـه
های الزهـره المرضیـّه
صوغه و للهادي اهدیه

تزهي وتسطع انوار
ـــــــــــــــــــــــــــــــــــــــــــــــــ
بقلم الرادود یعقوب البوغبیـش

ذكرى ولادة السيده فاطمة الزهراء ع
🌹🌹🌹🌺🌺🌷🌷💐💐💐

الزهـــــره آيـــه ونزلت ابهيئة مــره
وضـــوت العالم ابمنظرها العجيب
الشمس خجلت من بزق نور البتول
اوقبل لاتشرق ترد رأســـــــن تغيب

طلبهه امن الله ابوالقاسم . وطه
أله.. وجنـــح الملك صـاير . وطه
ابمولدهه افرحـو حيــــــدر. وطه
وخديجه واســـيا ومريم ســويه

يهز مهدچ محمد ســــــيد الكون
وعلى نبرات صوته ابساع تغفين
ربچ حاط وي نورچ طعم خاص
ورده وعطرچ امحلي البســـاتين

✍كامل السعيدي

ذكرى ولادة آية السماء فاطمة الزهراء ع.

طلبها مـــن الله ابوالقاسم #وطه
اله وجنـــح الملك صــــاير #وطه
ابمولدها افرحو حيـــــــدر #وطه
وخديـــــــجه وآسيا ومريم سويه

كامل السعيدي

لولادة الزهراء🌹🌹
يا عطر جــنة عدن عشــنه ابهواچ
النشـــمه ابدونـــچ اصلن موهــوه
هــوه لو ما نور وجهــچ بالوجــود
كلشي ضلمه ايصير وبعازت ضوه
محفلــچ اتحــفه وتعــــــناله كون
مثل ما موسى دخـل وادي طــوه

✍كامل السعيدي

🌹🌷💐💐🌹🌷💐
شرد اوصفچ يالجمالچ سر عظيم
يعجـــــز الســاني وتكــف الانملي
انتي آيه وصــورچ رب الســـــماء
أليوصـــــــفچ لو محمد لو علي

✍كامل السعيدي