فزاعیه لمسلم بن عقیل علیه السلام


مچتول الولی جابولی اعلومه

لبوطاهر یروحی الیوم مالومه


من علمک لفانی یابوطاهر
ضلیت بملامه وگلبی حایر
ماادری اعلیک اشجار وصایر
بگیت بلایه رای وروحی معدومه


انهد حیلی ودلیلی من العلم جانی
والله اتغیرت وانخطفت الوانی
لحگوا یابنی هاشم یخوانی
مسلمکم وگع وامسلبه اهدومه


علی مسلم دلحگوا یابنی هاشم
بلَچنَه عدل ویرد علی سالم
تره ذابت مهجتی والعگل هایم
صدگ مرمی الولی ومسفوحه ادمومه


من علمه لفانه وسمعت بنیته
گالت وین ابویه طوَلَت جیته
عسانی کون عمیه ویومه لاشفته
لا یبطی علیهه ویحله بلنومه


گلوله یجی لا یگطع بظنهه
ومکسورت الخاطر لا یفارگهه
محتاجه لحنانک ها یوالدهه
البت خلاف ابوهه تضل مهظومه


التمن الحبایب گامن ایلطمن
وام کلثوم ورمله ضلن ایِعّدن
ونصبن فاتحه عل الوالی ویبچن
حنین وبی محنه یاکلف یومه


تمت بعون الله

✍خادمه اهل البیت ع
ام ابوالفضل مقدم📓

قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

قصیده لیوم الخامس من محرم
لمسلم بن عقیل علیه السلام


ادگ اعلی الولی والروح ملهوفه

علی امصاب السفیر الغِدرته الکوفه


ادگ اعلی الولی یاهی ال تساعدنی
علی امصاب الجره وهمی تشارکنی
تسلینی وتعازینی علی ونی
هد حیلی مصابه وروحی مرجوفه


انوحن للسفیر الراح ماجانه
وضلینه بحزن وگلوب حیرانه
تبچی ابنیته والروح لهفانه
وتنعیله بحزن والدمعه مذروفه


یگولون الولی بحبال مچتوف
ومن طرف الطرف حاطته الصفوف
هذا البل حرایب صوله معروف
شجاع وکل اسف غدرته الکوفه


الحگوا یابنی هاشم یَخّوان
علی الطایح غریب بدار الوطان
کسر بینه ضلع یومک یریسان
عسانی کون عمیه ویومه متشوفه


التمن یاحبایب وابچن بهید
علی الوالی الصفه بلغربه اوحید
دهرنه مانصف ویّانه شیرید
کلیوم بسهم صایبنی ابهُوفه


تعالن جابلنی ونوحن اویای
نبچی اعلی الحیاده ویوم ولیای
جدام الحزن باچر تره هوای
یطیح الجابنه وتتگطع اچفوفه


تمت بعون الله

✍بقلم خادمه اهل البیت ع
ام ابوالفضل مقدم📓


قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

فزاعیه لمسلم بن عقیل علیه السلام


وین ابوطاهر وگع دلوووونی

اویااااکم یلرایحین اخذونی

▪︎○○○○▪︎

خذونی یل مشیتو ویاکم خذونی
نلحگ علولی یاناس ودونی
اعیننُکم علی الونه وتعِینونی

(ونشارک بلهم والوعه)
▪︎○○○○▪︎

مشونه انروح نگصد والدمه ایفور
علی الطایح . ومرمی من القصور
صبح غایب بدر یهلی من البدور

(وضیعناه بدر الاول)

▪︎○○○○▪︎

خذونی للولی وخلونی انظرنه
واگع وین طایح وین ابن عمنه
حیِره یاهلی والله تحَیِرنَه

(وحیرنه امصاب البی هیبه)


▪︎○○○○▪︎

خذونه للولی خل نگصد الحفره
وبحال ابنیته نشکیله ونخُبره
ربیه عیونهه لدروبه واتنطره

یعینی ابچی لبوطاهر وهلیهه
(الریسانی اخذاه البین)

▪︎○○○○▪︎

من الناس بخباره سمعنه
اموگع علارض حامی ظهرنه
خویه حسین لَحِگ لبن عمنه
(اعضیدک غدرته الکوفه)

▪︎○○○○▪︎

علامک یادهر بینه تغادر
وتاخذ وین ما زین الیغایر
چثیره اهموم والدلال حایر

(وشیشیله افراگ الغَرّب)


تمت بعون الله
✍بقلم خادمه اهل البیت ع
ام ابوالفضل مقدم📓
قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

قصیده لمسلم بن عقیل علیه السلام


ملیان الگلب هم وعتایب

مسلم مارجع والیوم غایب


ملیان الگلب اهموم ملیان
وکلیوم بِسَهم مرمی والاحزان
تمنیته لون فد یوم فرحان
بس مگلوب ظنی ودومه خایب


ملیان الگلب اهموم واعتاب
ومن جور المصایب والحزن عاب
ومافارگ اخدودی دمعی سچاب
یرتاح الگلب من یامصایب


مسلم من مشه مارد علینه
فگدنه الیوم یاوسفه ولینه
حیرانین یاخویه شبیدینه
گلبی الفرگت الزینین ذایب


وحید ولا اله ناصر ولا ناس
وطایح حیف بین الگوم الارجاس
مخضب بلدمه ومگطوع الانفاس
ویاحیف الاسد عباس غایب


لَمّه وحاطِته صوبین عدوان
لایمه اهل ! لایمه خوان
عینه مسوربه ویلی وحیران
ومایملک ابد غیر النوایب


تمت بعون الله

✍بقلم خادمه اهل البیت ع
ام ابوالفضل مقدم📓

قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

مربعه لیوم الخامس
لمسلم بن عقیل


علی الوالی ارید انصب عزیه

شال ومارجع مسلم علّیه


ارید انصب عزه وابچی بدمع دم
وعلی افراگ الولی حیلی تهدم
غاطینی الحزن والآه والهم
ارید ابچی واحن صبح ومسیه


ارید انصب عزه المسلم الریسان
الراح ومارجع لینه یولیان
قاسی یادهرنه ولیش خوَان
خان اهل الوفه ودایر علیّه


نار او واجّه بگلبی لهیبه
راح البی محنه منین اجیبه
عجیبه قصته والله عجیبه
یجرونه بحبل ودمومه مجریه


یخویه شلون باصرنی یعباس
موسهله المصیبه اتشیب الراس
ابن عمنه وگع مابین الارجاس
ومو هینه الولی راح من ادیه


متهون المصیبه اعلینه متهون
عزیزالراح گَطَعّ حیل المتون
وحگهه لو تهل وتعمه العیون
کلف یومه کسر حِیلیَن بّیه


تمت بعون الله

✍بقلم خادمه اهل البیت ع
ام ابوالفضل مقدم📓

قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

قصیده لمسلم بن عقیل


یلله یاحبایب ساعدنی

الشال ویَتّم اولاده فجعنی


یلله یاحبایب حَزنَن الخیمه
علی الولیان وسفه وحیف وهظیمه
بعدهم لسکن البیدات والهیمه
وعلیهم ما یبَطّل نوحی او ونی


خل ننصب عزه وماتم للحباب
سکنوا بلحود وسدو الباب
زینین الزلم یانسل الاطیاب
علیهم ما افل للموت حزنی


یایوم الولی والله هظمنه
وحگنه لو نون واعلیه حِزَنّه
علم اگشر یعلمه من وصلنه
وهدنی اغیاب شخصه حیل هدنی


یلله یاحبایب کلنه جمعیه
نبچی وننصب اعلی الوالی تعزیه
علی یومه وفجعته العین مدمیه
دگن حیل یلله وجابلنی


من عالی القصر مسلم صدگ مرمی
وحفروله حفیره ! وذاری ومدمی
من یومه ومصابه اّبتَده همّی
وگلبی من الجره والصار یوجعنی


مشن لهل الوفه خَلنَه نِفزعُهم
وعن حال الولی نگصد نِخبُرهم
انگلهم راح ابوطاهر یسافُرهم
واگل للراح عن احواله یخبرنی



تمت بعون الله

✍بقلم خادمه اهل البیت ع
ام ابوالفضل مقدم📓
قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

نعی لمسلم‌ علیه السلام وحال بنته حمیده ع


یل عاشریتک عیب تنمل
عین التِصد وعین تِهمَل
والفاگده بیش اتِئامل؟


جور الیتم ماینحمل
واخلاف اهلهه البت تذل
ویوحش علیهه النزل


مسلم ترک بته وحیده
ومسافر ادیار البعیده
والفرگته تبچی بهیده


اوی یلدهر من یتمانی
وضلیت من بعدک اعانی
واخلاف عینک مرمرانی


شطاوعک بویه ورحت
خلیتنی بنوح وشلت
چا بلیتم !! مافکرت


شلک یادهر ابیت الاحنان
ویتمت البنیه من الاحضان
وخلیتهه بهموم واحزان


اشبیک آ یبو المحنه
یعُمود بیتی ویاسترنه
افراگک یبویه حیل هدنه


یوم المشیت ورحت عنی
حسیت ابیتم وزاد حزنی
شمال الدهر منک بعدنی


تمنیتک یبویه تکون یمی
یلی تِشد وتشیل همی
بعدک صفه والنوح سهمی


تمت بعون الله

✍بقلم خادمه اهل البیت ع
ام ابوالفضل مقدم📓

قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

نعی للاحباب (یوم العید)


هلیوم روحی کاظه الباب
وترید ملگاکم یلاحباب
گلبی الیودهم حدر التراب


یاعید لا تجبل عَلیّه
تره امفارجه البیهم حمیه
ونیران فرگاهم سریه


الناس تفرح من یجی العید
تتزین وتلبس اجدید
ایمرون بتهم شنهو ترید


من الفجر عینی ربیه
بلچن هلی ایمرون بیه
بلعید ونتعاید سویه


عید المبارک لا تگولون
حد ما هلی وغیابی یلفون
نلتم سوه اویانه یعیدون


یامحله ذیچ ایام اهلنه
واسنین حلوه مرت النه
وسفه ایامنه مادامت النه


مادامت ایام الفرح
وعگب المشو ماکو مرَح
وکلیوم گلبی ینجرح


روحی تون وترید اهلهه
وترید شیالت حملهه
والفاگده ؟بیمن املهه



تمت بعون الله
جدید

✍بقلم خادمه اهل البیت ع
ام ابوالفضل مقدم📓

جدید ۱۴۰۰/۴/۳۰
قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

قصیده للولاد

لفقد شباب الاحواز 🏴💔

حداد یاوطنی ✋ 🏴🏴🏴💔


علی الشبان ونی ولایگه الونه

علی الراحو چَتِل والبین فرّگّنه


محزن یابلدنه وینزف الاحواز
ویفجع یامصاب الفاگد اغله اعزاز
ومسِرع وین بیهم شایل الجناز
وکلیوم بعزیز البین یفجعنه


یهد الحیل ،حال الفاجعه اچبیره
مکَدّر یابلدنه وطایح بحیره
بعد مامش محنه ولا بگت غیره
یم الله بگت یفرجهه کِل مِحنه


ینزف یا بلدنه دموم فوگ دموم
علشبان یل شالت طبگ هلیوم
لفرگاهم یون وکل گلب مالوم
مو هینه المصیبه والله مو هینه


یعینی ابچی علی الاولاد جمعیه
شالو من وکت من غیر وعدیه
ویهظمنی الحلو دفنو معانیه
وبی ما لَحگِت یاحیف ازِفّنه


علی الشبان ونی الغربوا بیهم
ونتگابل سویه ونبچی اعلیهم
شالو من وکت دفنوا معانیهم
ویل طوله حلو مابیّه اعوفنه


یل طوله حلو نایم یبعد امه
ویاحیف الترب ضاک الوجه طمّه
عایف لیش داره موحشه وضلمه
ونایم خوش نومه شلون اندهنه


شباب الغربوا لاوین منواهم
وبیهم یل سرَه لا وین ودّاهم
وبتراب الگبر غَبّر لحایاهم
وعلیهم دوم حزنی وعیب افلنه


تمت.........جدید ۱۴۰۰/۴/۳۰

✍بقلم الخادمه ام ابوالفضل مقدم📓

قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

لیوم السادس من محرم
(لاولاد مسلم ع)


احوم وشایطه مابین الخیام
اثنین اولاد ضاعوا من الایتام


احومن شایطه وصیح یاناس
الخیمه امدخنه والطم علی الراس
ماتلحگ تحامینه یعباس
خویه اطشرو منی الایتام


طلعت امدوهنه وافتر بلبلاد
چماله اعلی الولی ضیعت الولاد
فگدکم للگلب و الروح مرّاد
مرمرنی الوکت وجور الایام


طلعت مدوهنه ارکض واحشم
ماتگعد تلا حگنی یمسلم
ارید اگعد علی الشاطی واخیم
اندب وانتخی والطم علی الهام


وین البی . زود وبی حمیه
ایدورلی الولد ضاع من ایدیه
ادور وین وامشی الیانویه
الدنیا دوهنتنی والفکر هام


وین انطی الوجه دلونی یاناس
ودونی الکفیل اظعونی عباس
من ظیم العلیه شیب الراس
وجروح الگلب هیهات تلتام


احشم رایحه صوب الشریعه
نایم وین ابو اچفوف الگطیعه
اخبرنه علی حالی الفجیعه
واگله اخلافکم حرگوهه الخیام



تمت بعون الله

✍بقلم خادمه اهل البیت ع
ام ابوالفضل مقدم📓


قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

لیوم السادس من محرم
ثگیله لاولاد مسلم ع


ضاع الولد ضاع یهلی یلسباع
افتر وادور بلبلد منی الولد ضاع


ضاع الولد ضاع وضلیت احومن
افتر و ادور ویاصوب اروحن
الطم علی الراس ابچی وانوحن
وین الولد راح ضاع الولد ضاع


طاحت زلمنه وحرگو خیمنه
اهل الکرایم بیهم شرفنه
اخلاف الاجاوید مایل حملنه
وماینعدل لا ضاع الولد ضاع


حرگوا الخیام وفرّت الاطفال
اندب واحشم بس ماکو ارجال
کلهه ضحایه ونامت بلرمال
وماعندی والی ضاع الولد ضاع


ابچن یلعیون وصّبن یلدموع
ًضیعت الولاد الچانوا اشموع
گلبی علیهم ضل دامی مفجوع
ومایرهم الچان ضاع الولد ضاع



ضاع الولد ضاع وتایه دلیلی
افتر وادور ومهدوم حیلی
بس سهمی الآه یادمعه هیلی
مایرجع الراح ضاع الولد ضاع



ابچی وانوحن وبس هذا سهمی
ماعندی والی ولا چان یمی
یشارکنی بلآه ویشیل همی
یامهجتی آه ضاع الولد ضاع



تمت بعون الله

✍بقلم خادمه اهل البیت ع
ام ابوالفضل مقدم📓

قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

لیوم السادس من محرم
لاولاد مسلم ع



آنه الوالده،،، ومن حگی الونین

آنه الفاگده ،،، اولادی الاثنین


آنه الوالده وملچوم گلبی
روحی تایهه وامضیعه دربی
ضیعت الولدوضاع تعبی
وشلعو موش وحده اعیونی الاثنین


آنه الوالده وامضیعه هلیوم
وبیّه یاخلگ لا اَحد ایلوم
گلبی منترس عِلّات واهموم
یاهو الیجبره المجروح علزین


کلمن فاگده خلهه تجینی
تسلینی علی اهمومی و ونینی
ابچی بحسرتی واعمیهه عینی
مو هینه علیّه امضیعه اثنین


حرگوا خیمتی وفرّت الایتام
ومن حر الخیم منی الولد هام
احشم بلغرب ومامش ازلام
کلهه امطرحه ونامت علی الطین


یاهلناس بس ودونی لیهم
خوال ابنی ویحگ عتبی علیهم
ماجاس العتب شو چَنه بیهم
ذوله الچنت ازامط بیهم اسنین


وین اهل الحیاده مایگعدون
اصیح بصوت بس ماچن یسمعون
ماگامو علی اولادی یدورون
بگیت محیره واصفج بلایدین


تمت بعون الله

✍خادمه اهل البیت ع
ام ابوالفضل مقدم📓

قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

قصیده مربعه لاولاد مسلم ع
لیوم السادس من محرم

(ملاحظه✋ المستهل👇 لغیرشاعره )
فقط وفقط المستهل👆
لکن الابیات بقلمی خادمه اهل البیت ع وخادمتکم ام ابوالفضل مقدم📓🙆‍♀️


☆ضلیت ادور بلبلد یاناس ضایعلی ولد☆
☆ یلولد یبنی
یلولد یبنی☆

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎

حرمه وادور بلبلد افتر وانوحن
ضلیت محتاره بزمانی وین اروحن
حرگوا خیمنه یاهلی وضلیت احومن
ضلیت اصیحن یاهلی ☆ حرمه وادور بلخلی
یلولد یبنی
یلولد یبنی


ماطبگ جفنی یلولد وسهرانه یبنی
من حرگوا اخیمنه علینه وضِعت منی
انتَ عزیز الروح یمه وبیک ظنی
ماغمضت عینی ونمت ☆ اذکر گعدتک وانحبت
یلولد یبنی
یلولد یبنی


ضلیت احومن وانشد من الراح والجای
ماشفتوا اولادی الی چانو نور عینای
صوب الشریعه اتوجهت انشد من المای
مالک خبرهم یانهر ☆ گلبی علیهم انفطر
یلولد یبنی
یلولدیبنی


یانهر مامرو علیک اولادی الاثنین
فرو من الخیمه عطاشه یامسلمین
اطفال ویلی بیا ذنب صبحو امذبحین
یانسل الاطهار النبی ☆ تبراهم الناروسبی
یلولد یبنی
یلولد یبنی


افتر وادور بلبلد وگلیبی مفجوع
ونشفت عیونی من البچی مابیهن ادموع
راحو الچانولی ضیاء البیت واشموع
گلبی علیهم منصدع ☆ راح الولد ومارجع
یلولد یبنی
یلولد یبنی


خلونی اروحن للولی واخبره بلصار
حین الی حرگوهه الخیم وشبّت النار
فرّت من ایدی اطشرت ازغار واکبار
یاخویه انظر حالتی ☆ ذابت علیهم مهجتی
یلولد یبنی
یلولد یبنی
...........................

تمت بعون الله

✍بقلم خادمه اهل البیت ع
ام ابوالفضل مقدم📓
قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

فزاعیه لاولاد مسلم ع

لیوم السادس من محرم


احشم بلولی نایم ولا گام
دورلی الولد اگعد یضرغام


احشم بلولی نایم واندهنه
یدورلی الولد لوماعلیه مِنّه
صدگ عینک غفت یاخویه یمچنه
علینه اخلافکم حرگوها الخیام


احشم بلولی رکضیتله بلهفه
وحلفّته بحلیب امه وگَطِع چفه
عجب ماجاس بیک اعتابی یاوسفه
یابوالمرجله یاعالی الهام

(یاخویه یل بیک الهیبه)


صوب المشرعه رکضیتله بهمّه
ضنیت الولی یگعد الو حشمه
حملی امطشر وماتگعد اتلّمه
ولتنه الگوم خویه وجور الایام


حرگوا خیمتی والنار تبرالی
وتدری ارمادهه اطشر علی اطفالی
ساعه اگعد یخویه وانظر الحالی
وشوف شلون بیّه اتلوذ الایتام


احشم بلولی و ماینهض ایگوم
ویگول اشبیهه اخیتی گاعده اتحوم
حتی استارنه احترگت والهدوم
وماواحد نهضلی والفکر هام

(وین الغیره عباس اگعد)


گلی شلون عینک یلولی نامت
ماتدری بعیالک فرّت وهامت
الدنیا ابغیبتک بحمولنه مالت
وبیکم یاحسافه دهری مادام


احشم بلنشامه ولالهم صوت
ورد مایوس گلبی وحیل مفتوت
وینه الصاح یختی وچان منعوت
حط راحه وغفه وماحس بلالام

(یاخویه اگعد دور اولادی)


تمت بعون الله

✍بقلم خادمه اهل البیت ع
ام ابوالفضل مقدم📓
قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

قصیده لاولاد مسلم ع
یوم السادس من محرم


حرمه بلا ولی وافتر بلبلاد

وانشد یاخلگ ماشفتو الاولاد


حرمه بلا ولی افتر وادوُرن
وعلی شاطی المسیب گمت احومن
نوبه الطم ونوبه اصرخ وانوحن
دوهنی الولد وافراگه مرّاد


ادور بلبلد واندب یهلناس
ادگ علی الوجه نوبه علی الراس
وینک یلولی اگعد یعباس
دور وین ضاعوا وین الاولاد


افتر بلبلد ماعندی تفکیر
وین انطی الوجه وین الگه الزغیر
محروگه الخیم ونارهه اتجیر
عمانی وطش علی الاطفال الرماد


اَنه احتاریت . آیهلی بزمانی
منی ضاع ولدی یا خوانی
احشم بلولی النام ونسانی
احیود الراحو الچانولی اسناد


امشی والتفت عینی اعلی الدروب
مارَد الولد وصار الغروب
بکل ساعه التمر گلبی اکثر ایذوب
بعد ماضل صبر والحیل هم باد


ربِّیت الولد یازین ربِّیت
وبرباته اشکثر یاناس تعبیت
ویاذیچ الیالی اعلیه السهریت
یایمه الولد للظیج ینراد


طشرنه الوکت بعد اشیلمنه
طاحت علارض کلهه زلمنه
اعداک احسین هل حرگت خیمنه
ولعب بینه الوکت وشلون ماراد


تمت بعون الله
.✍خادمه اهل البیت ع
ام ابوالفضل مقدم📓

قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

قصیده لاولاد مسلم ع
لیوم السادس من محرم


ارید اعتب علی شاطی المسنایه

مضیعه واجیت ادور وانشد ابمایه


مضیعه وجیت احوم وتجری العین
یروحی امفارجه وامضییعه اثنین
محتاره ادور و امشی لاوین
امشی للشریعه الصاحب الرایه


یاشاطی علیک ابمایک الجاری
شربوا مای گلی وبَرِّد ابناری
ادور شایطه بکل لیلی ونهاری
مضیعه اثنین مو هینه علی هایه


حرگوهه خیمنه وضاوعوا من ایدی
ادور وانتحب وعلیهم اشبیدی
من الراح واجه انشد علی ولیدی
تسعر نارهم ابگلبی دوایه


من حرگ الخیم ونارهه فرو
ومن کثر العطش صوب النهر انوو
یشاطی علیک گلی مای هم شربو
کسرو خاطرک لوماتو اضمایه


گلبی ذاب من شفت النهر یجری
ماضاگ المیه اولیدی بی ادری
نشبت اویانه گلی لیش یادهری
ومدریت الوکت یفجعنی بهایه


من عینی عمت وبیهه ماشوفن
اضل ابچی لحد مایعمن ایروحن
اشوف المای یجری ومنه ماضوگن
عسانی مشربت ولا ضگت مایه


(یولیدی اشرب مای اعیونی)


تمت بعون الله.

✍بقلم خادمه اهل البیت ع
ام ابوالفضل مقدم📓
قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

مربعه لاولاد مسلم ع
لیوم السادس


بعد میفید حزنی ودمع العیون

اولاد اثنین راحو ومایرجعون


بعد میفید حزنی ودمعت العین
راحولچ یروحی اولادچ اثنین
ماینفع بچی ولانوح و اونین
بعد راحو ولا ظنهم یردون


ماینفع حزن اشما حزنتی
ولا ینفع بچی شگد مابچیتی
یروحی شبیچ چا بیش التهیتی
وظیعتی الولد البی الظنون


بعد یاعین بسّچ من الدموع
ماینفع ابد ولا هو مسموع
مالوم الگلب وادریه مفجوع
شما صحتی علیهم مایسمعون


اگل للروح بلله شویه هیدی
تگول شلون اهیدن ماهو بیدی
موهینه علی ضایع اولیدی
خلینی ادگ خطیح المتون


تگول اشلون اهیدن واگعد اصبر
و اولیداتی تاهو منی بلبر
گلبی من الوجل والهم تفطر
وسهرانه وفلا تطبگ الجفون


تمت بعون الله

✍بقلم خادمه اهل البیت ع
ام ابوالفضل مقدم📓
قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl