نعی لاولاد مسلم ع

لیوم السادس


حیرنی وکتی والزمان
طشر شملنه وبینه خان
وضیعت کل اوجوه الاحنان


فریت من الخیمه اصیحن
وساعه انهض ساعه اطیحن
عگب الولد التزم بیمن


ارکض واصیحن ها یهلناس
دلونی دربه وین عباس
خال الولد نایم یجرناس


نایم یخال الولد نایم
اگعد ودورلی الیتایم
ضیعت دربی وعگلی هایم


ضیعت خویه اولادی الثنین
اگعد وادور شوفهم وین
وین انطی الوجه وماکو امعین


حرگوا خیمنه وکلهه فرت
واثیابنه والعبی احترگت
وکل الیتامه منی طشت


فریت اصیحن وینکم وین
یابعد روحی وگرت العین
تخلونی ابگه هنا بتمحین


کفروا من ایدی بحرگ الخیام
لا وین امشی والعگل هام
یاجرح الفگد چا بیش یلتام


تمت بعون الله

✍بقلم خادمه اهل البیت ع
ام ابوالفضل مقدم📓

قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

مربعه
لاابی الفضل العباس ع
یوم السابع من محرم

○○○○☆••°~○○○

گصدت ابلیل للشاطی وتعنیت
اشوفک یاکفیلی لیش ماجیت


گصدت ابلیل واتعثر بلهموم
یاحمّای خدری وینک الیوم
شوضلمه السمه وحزنانه النجوم
وینک یاضوانه بصوت نادیت


گصدت بلیل ارکض جدمی حافی
اشوفّنِه کفیلی وین غافی
یابوالمرجله یلچفه دافی
اخوی البی حمیه وبی توَزمِیت


صوب المشرعه رکضیتله ابشوگ
من ابعید شفته وصوتی مخنوگ
خویه الحال هذا اعلیک میلوگ
من شفت الوضع علراس دگیت


من شفت الولی علراگ ممدود
کل چف بطرف، مگطوعه الزنود
عینه امصوبه والراس ممرود
عسانی بدال حالک خویه یاریت


الله اعلیک خویه چلمه حاچینی
تراهو اخلاف عینک گومی تسبینی
انهض گوم شد حیلک بعدعینی
یل بیک الفخر والزود والصیت


خویه اعلیک بُمک گوم شد حیلک
میل اعلیه وآنه ابحیلی اتچیلک
ردلی الصوت لاتجفینی ادخیلک
تره نار بدلیلی خویه وجّیت


شد حیلک یخویه گوم رد بینه
حتی اعداک لاتشّمت اعلینه
بعد اخلاف عینک من یحمامینه
لتخون الوعد یل بیک زمطیت


تمت بعون الله
✍بقلم خادمه اهل البیت ع
ام ابوالفضل مقدم📓

قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

ثگیله لیوم السابع من محرم
لسان حال ام البنین ع وسیده الزهراء ع حول نهرالعلگمی

وزن(فائزی)

شمسین گعدن عل نهر یبچن سویه

ام البنین وفاطمه الزهرا الزچیه



شمسین گعدن علنهر، اوضاوی الکون
های الزچیه الطاهره وهای ام البنون
وحده تدگ علراس وحده تجری العیون
عباس طاح اعلی النهر وجثته رمیه



گعدت علی راگ النهر تبچی ام البنین
وعنهه تصَبّر فاطمه ام الحسن واحسین
ادگلهه یخیه کافی بس ، بطلی من الونین
لیخییب ظنچ بلبطل حامی الحمیه



ادگلهه یخیه شلون ما ابچی اعلی عباس
ابزوده اجت اخته وعلیهم تشهد الناس
ابچی اعلی زینب لووگع تولیهه الارجاس
من عگب عینه بلهظم تبگه وسبیه



ادگلهه یخیه ما الومچ هذا حگچ
تبچین ولا لا ما اگلچ هذا ولدچ
بس رفعی راسچ یلوفیه ونشفی دمعچ
ما گَصّر ابنچ ، وفِده اچفوفه الصخیه


یافاطمه ابچی علی احسین وخواته
یبگون ماعدهم حِمه عگبه وحیاته
واحسین بعده ینذبح گبل صلاته
ویسبون زینب والیتامه ویه علیّه


یم البنین ارجوچ لا تبچین کافی
عباس مو میت وگع علگاع غافی
لا مابرد جسمه وبعدهو چفه دافی
نعمین ابوالغیره وشهم و روحه ابیه


تمت بعون الله

✍بقلم خادمه اهل البیت ع
ام ابو الفضل مقدم📓

قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

ثگیله لابی الفضل العباس ع
لیوم السابع من محرم


اصیح بصوت یاناس ادگ والطم علی الراس
کفیلی الجابنی وین نایم لیش عباس

☆☆☆☆☆☆☆

نایم لیش عباس وعایف لیش اخیتک
خویه نومت الگاع شوچنهه حلتلک
یابوالغیره والزود ترضالک محَنتک
اختک جایه اویاک ماتگعد یجرناس

☆☆☆☆☆☆☆

انته الی جبتنه من ذیچ المدینه
حرایم هاشمیات اویاک احنه اجینه
اخونه وبیک الآمال وکفیل انت الظعینه
چاوینه الوعدضاک جاوبنی یعباس


☆☆☆☆☆☆

چاوین الکفلنی وتکَفّل بلهواشم
هوهَ الجابنی اویاه هسه لیش نایم
بدونک ها یغالی حرمه اشبع هضایم
اعتب وابگه اعتب یابو الغیره والطاس

☆☆☆☆☆☆

اجیت ارکض وانوحن ومکسورت الجناح
یم العلگمی نور بس لاهو الگمر طاح
یروحی لبسی احزان بعد خلصت الفراح
راح البی محنه ضاک البانی الساس

☆☆☆☆☆☆☆

راح البی وفه وزود هذا اهوه کفیلی
من شفته یهلناس منی باد حیلی
یعینی حیل‌صبّی ودمعچ دوم هیلیِ
راح الماکو مثله ولا ینوجد بلناس

_
تمت بعون الله
✍بقلم خادمه اهل البیت ع
ام ابوالفضل مقدم📓

قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

قصیده فزاعیه لحال السیده زینب علیها السلام حول فراق اخیها ابی الفضل العباس ع

°°°°°°°°○○○°°°°°°°●°°°°°°°☆

دنسیهه یزینب چِلمت الخوهَ

شالت ونتهت من شال ابو النخوهَ



دنسیهه یزینب های هلچلمه
راعیهه وگع التجری ابدّمه
عینی من عساها اعلی الولی تعمه
الدنیا اخلاف عینه ودونه ماتسوهَ


من بعدک یخویه هبطیت الراس
شِلت عنی یخویه لیش یاعباس
مالی قابلیه ابّین های الناس
حسافه اتشیل ها یل کلک امروه


فگدنه الزین هیبه وراعی المروه
شَهِم یلی فداهه روحه للخوهَ
یمن ذاته وفیه اوخوُتِه حلوهَ
عگب عینه الزمن مایدری اسوه


یدنیا شبیچ غداره ولچ صرتی
اویه البیهم محنه لیش چا خنتی
زینب تنسبی چا عگبه ماگلتی
وتمشی بغیروالی والزمن بلوه


من شال الولی. اوخِلصت ایامه
اخاف من الهوه والیل مانامه
یاحیف الوکت ویانه مادامه
لاضلت محنه اخلافه لا سلوه



تمت بعون الله
✍بقلم خادمه اهل البیت ع
ام ابوالفضل مقدم📓

قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

فزاعیه لابی الفضل العباس ع



فگدنه الزین هیبه وراح عباس

ابوالغیره و کلف یومک یجرناس

🙅‍♀️🙅‍♀️🙅‍♀️🙅‍♀️🙅‍♀️

یاحیف والف یاحیف والوسفه
فگدنه الزین والبی شارت الکلفه
الما هم بحیاته وروحه وی چفه
ابو الغیره ومحنه وکله احساس


فگدنه یاحسافه الخوته حلوه
ولا ضلت محنه اخلافه ومروه
شالن وانتهن من شال ابو النخوه
ومن عنده گطعنه گوه الیاس


فگدنه الزین یابو رایت الخضره
هذا المایخلی اگلوب متحیره
هنیاله الگصد والزارهه الحضره
وینطی امرادهه لو تطلب الناس



راح الزین یهلی وراحت ایامه
ویاحیف الزمن ویانه مادامه
یروحی اخلاف عینه الیوم محتامه
ماینفع بچی ولا لطمت الراس


راح الی کفلنی وجابنی بیده
وبعد الراح یاهلناس شیعوده
بعد اخلاف عینه عمری ما ریده
من بعده سبیه امشی ویه الارجاس


یاوسفه الزمن ایصَیید اسباع
وما مصدگ سبع ویطیح علگاع
لیش الزین عنه ایحمل ابساع
واشوفه امدد ومگطوع الانفاس


تمت بعون الله

✍بقلم خادمه اهل البیت ع
ام ابوالفضل مقدم📓

قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

فزاعیه لابی الفضل العباس
لسان حال السیده زینب ع حول فراق اخیها


فزعت الولی بس مافزع لیه

ایعیلون الغرب یاابولفضل بیه



فزعت الولی وندهیته خویه اگعد
بینک والخیم محتاره عینی اتصد
حیلی بیا عزم عگبک بعد ینشد
یل کلک عزم وزود و حنیه


چنت بجاه زوده مایمسنی الشر
ومیمسنی الهوی من یمی هم لو مر
اگعد لا تخییب ظنی یمشکر
تراهو اخلاف عینک امشی مسبیه


تعنیت و ندبته او حشمیته بصوت
المثلک یاوسف وحیف خویه ایموت
یمخوف العده بصولاته یامنعوت
یل مو بلفرد تنحسب بلمیه


اگعد یل نخیتک لیش ماتفزع
اختک آنه زینب شنهی ماتسمع
انهض گوم خلیهه العده ترجع
رد بیهم وردلی الروح بس لیه


اگعد یلگمر یمضوی کل الیل
گمت انهض واطیحن گوم ردلی الحیل
ماصدگ ابد یاخویه عنی اتشیل
یل هدیت حیلی وگطعت بیه


تمت بعون الله

✍بقلم خادمه اهل البیت ع
ام ابوالفضل مقدم📓

قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

قصیده للیسر(و ماحال الهاشمیات)


گضانه الظیم والخوان عافونه
لیش البی محنه غمض اعیونه


اریداندب واحشِم راعی الغیره
نایم علارض خلانی ابحیره
ضلیت ابملامه وحیرتی اچبیره
بس نسوان والعدوان ایگودونه


علّیه ظیم لیش الوالی عایفنی
وخلانی اجرابنوحی وابوّنی
حیرنی زمانی اخلافه حیرنی
یل ماگال اخیتی ونایم ابکونه


صوب المشرعه تعنیت للوالی
ماظنیت اشوفه نایم اگبالی
چاماگال اخیتی تنسبی تالی
لیش البی محنه چایغدرونه


اخذونی للشریعه وخل انظرنه
یل عایف خواته ارد اعتبنه
اخاف اعتب علیه والگلبه اجرحنه
ومایرضه العتب عباس تدرونه


یاگمر العشیره غایب اعلینه
ولیش اموذره ومبتوره زندینه
اگله یل جبتنه گوم رد بینه
خویه اخلافکم گامو یشتمونه


یاکافل ظعنه خویه بس اگعد
الغیره بس الک اتلوگ مولحَد
نایم لیش علتربان وامدد
بیکم یاشهم گاموا یعیرونّه

............................................

✍بقلم خادمه اهل البیت ع
ام ابوالفضل مقدم📓


قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

السلام علیکم ورحمت الله وبرکاته

الی جمیع المتابعین والمشاهدین الاعزاء
دمتم سالمین ومتالقین لخدمت محمدوال محمدالطیبین الطاهرین

لکن کلامی موجه للذین ینشرون القصائد
غیر مبرین الذمه للی ینشرون ویمسحون الرابط وینسبون رابط قناتهم علقصائد

هذه تعب و حق الناس والرجاء‌ راعوا مشاعرهم
ارجو الالتزام بلقوانین لکلمن ینشر ویغیر بلروابط


👆👆👆👆👆👆👆👆👆👆

اللهم لاتحرمنا من خدمت اباعبدالله الحسین😭🤲

فزاعیه للعباس ع


حلو خال الولد ماینشبع منه
صدگ ماینحمل یومه یلمچنه



حلوخال الولد لو کِّله حنیه
یمر وینشد اعلی احوالی یومیه
علی یومک ترانی حیل مابیه
المثلک وبحنانک وین احصلنه


حلو خال الولد لو مر علی اخیته
هلا بثنین ادیهه شلون حییته
صاحت یاهلا وکل الهلا بجیته
ویحلالی العتب وَیّاه و اعتبنه



ابد ماینشبع منِّه الولی غالی
یلطوله حلو مثل الگمر عالی
ابجاهه مایمسنی الخوف مابالی
یمسنی الگال وینه وخل یجی فنّه



هلا بخال الولد یلحلوه اسنینه
سویه من الزغر ویّاه تره اربینه
وذکرنه ذیچ لمتنه ولیالینه
وتزهی ایامنه ویّا من چنّه



شبی خال الولد شو طول النومه
رکد حیلی علیه وروحی مالومه
عسانی کون میته ولا ذگت یومه
الله اعلی الدهر یوم ابعدک عنه


خلونی ارد ادگ علوالی خلونی
ویستاهل ونین وطیحت متونی
وخلیهه تروح وتعمه اعیونی
ارید اگظی العمر اخلافه بلونه


یخویه اشبیک ماشی ولیش مستعجل
یل حلوه عشرتک ما ابد تنمل
یخویه لو تفتش عینک وتعدَل
اگص اثنین ادیه وما احط منه



تمت بعون الله

✍بقلم خادمه اهل البیت ع
ام ابوالفضل مقدم📓


قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

فزاعیه لشجاعت ابوفاضل ع


سبع وبخیت واتخاب الزلم منه
حسافه یل خذاک البین من عدنه



سبع وبخیت خویه وکلک احساس
مثلک وین احصّل کلّه نوماس
خویه العدهه مثلک ترفع الراس
یل وصفک حلو ماینشبع منه


یازین الزلم بضیج ینخونه
سبع الگنطره عباس ایعرفونه
زود بزود وترهب خزرت عیونه
وماتکمل تواصیفه الوصف عنه



هلا بزودک یمن بغیرتک معروف
سبع البرشجاع ومایهمک خوف
بنص الحومه کلهه اتشاهدک وتشوف
وزلمه الیگرب حدوده ویتعنه



گصد للمشرعه ومثل السبع گاصد
ماعرفوا واجف عنّه لو گاعد
کلهه اترددت وبعینهه اتشاهد
وین الی یمنعه ویوصل الحدنه



حسافه اعلیک خویه البین خاناک
یافارس شهم یمخوف اعداک
شجاعه ومرجله ویازین ملگاک
مُر فگدک یخویه شلون اجرعنه



بعید الموت خویه اعلیک یعیونی
یلی الناس بوجودک یهابونی
تره اخلافک یخویه اعداک یسبونی
لاتگطع رجای بگلبی والظنه


تمت بعون الله

✍بقلم خادمه اهل البیت ع
ام ابوالفضل مقدم📓

قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

فزاعیه لبوفاضل ع


راح الیگظی الکلفات ویفزع من احشمنه

یلبیک العزم ینشد یلمچنه
راح الیگظی الکلفات........



راح البی محنه وینگط امروه
ابوالغیره وکفو نعمین ابوالنخوه
تفارگنه حسافه وحیف بلگوه
وین الگه بعد مثله واجیبنه
راح الیگظی الکلفات .............



راح الچنت احشمه ویفزع ابسیفه
یتحده العده ویمشی علی کیفه
مثل حیدر ابویه کل تواصیفه
راس ازماط ویسوه من اعتبنه
راح الیگظی الکلفات.................



راح البی وفه ویسواهن عیونی
هله براعی المحنه وکافل اظعونی
علی سیرت وجوده الناس ایهابونی
صدگ عینه غفت ومادره عّنه
راح الیگظی الکلفات..............



فاجعنه الوکت ابطیحت الوالی
وبعدهَ ادوهنَت بهمومهه احوالی
چان اهوهَ گمرنه وفوگنه ایلالی
والله اخلاف عینه العیشه ماردنه
راح الیگظی الکلفات................



راح الدگلی صدره وگال عدعیناچ
الچ روحی ویمنتی ویسرتی تفداچ
والچ دین برگبتی اعتاب لو انساچ😭
اجیبنه النهر یمچ واصولنه
راح الیگظی الکلفات..............



ارید ابچی علی الوالی وشد راسی
علی العایش بروحی ومالک انفاسی
یلذبیتنی وتدری الوکت قاسی
رحت للعلگمی الوالی اندهنه
راح الیگظی الکلفات.................


تمت بعون الله🏴
✍بقلم خادمه اهل البیت ع
ام ابوالفضل مقدم📓


قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

شده( فزاعیه) مخیرین بلاطوار
لسان حال السیده زینب س حول اخیها ابی الفضل العباس ع


حلّفته بحلیب امه ولا گام
حرگوهه علینه خویه الخیام


حشمت الولی کافی بعد نوم
علیک بداعت امک یاگمر گوم
بینه فرهدو اخلافک الگوم
ومنی اطشرت یاخویه الایتام


رحت صوب النهر الوالی اعتبنه
حسِبت احساب یگعدمن احشمنه
علیک بداعت امک یلی ربّتنه
اگعد یانفل یاخویه لتنام



اگعد یل نخیتک یا ابوالمروه
عساها اثنین ایدی اتروحلک فدوه
وتسوه اعیونی اعمیهه الک تسوه
حسافه صابتک شلون السهام



اگعد یاشِهم لطول النومه
ریت البی محنه هذا مویومه
روحی الفرگته ماتبره ملچومه
وعگبه اتسودت بعینی الایام


رحت للعلگمی والشاطی عتبیته
علیّه المای یحرَم خویه ندبیته
رد بینه یخویه گوم حشمیته
وعلینه استر یبعداختک یضرغام



تعنیت بعزم وامشی بجدم حافی
حلفته بحلیب الطاهر وصافی
اگعد یل نمت واعلی الترب غافی
شوف اخلاف عینک مامن اسلام



/// اگعد لینا یلکافل گوم/ /////



تمت‌بعون الله
✍بقلم خادمه اهل البیت ع
ام ابو الفضل مقدم📓


قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

فزاعیه لشجاعت للعباس ع



هلا بعباس من شد اعلی الکحیله

طب للمعرکه وشد العزم حیله



طب عباس وینه الیگرب احدوده
وکلف ما یِتّگاَوَش یا بحر زوده
ذبهن علنهر شمرهن ازنوده
ومِله جوده وتعَنه الخیمت العیله



هلا براعی الوفه شد حیله بعزومه
یل مای النهر یشهد علی اعلومه
الغیره والشجاعه بعینه مرسومه
ابوالحملات هذا الیعدل المیله



گصد صوب الشریعه ورافع الرایه
طب علی النهر ضل یشطر ابمایه
یگص بلروس ویذب بلمسنایه
یشیل المای یّم اعداه ویِهیله


طب للمشرعه وزلزال هز کونه
یازلمه الیراوی طوله لعیونه
لوله اسباع کلهم ما یدانونه
بطل بی زود یل ماکو بتماثیله


بطل عباس هذا الکل تواصیفه
زلزل کونهه وضل یاخذ ابکیفه
وبرگاب الزلم یلعب لعب سیفه
وتشهدله المعارک فارس اکحیله



تمت بعون الله

✍بقلم خادمه اهل البیت ع
ام ابوالفضل مقدم📓


قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

قصیده لسان حال السیده زینب س
حول اخیها ابی الفضل العباس ع
مخیرین بلاطوار

°°°°°°°°°°°°°°

درب المشرعه دلونی امنین
صدگ عباس طاح ونبله بلعین


دلونی علی دربه وین کافلنه
طایح وین اخونه خل احضرنه
ارید بحرگت اخیامی اخبرنه
واگله برگبتک یاخویه ضل دین



فگدک نار یل وجّ بدلیلی
مانی ناسیه ازماطک چفیلی
لو جاسچ هظم یختی اشتکیلی
حسافه تشیل ها یا زلمت الزین



دلونی الشریعه اگصد الوالی
ماصدگ یطیح ولا هو ابالی
شال الحیل کلّه بشیلت الغالی
وحیرنی وکسر بلحیل ثلثین



دلونی النهر والگاصد المایه
اروح الکافلی وفّای الحچایه
راعی المرجله یل بی الکفایه
بیّه ما یخییب ظنی احنین



درب المشرعه دلونی اعلیهه
ادور وین واگع حامی جاریهه
الرایه علترب چا وینه راعیهه
دلونی بچفیلی چا وگع وین



صحت عباس بس مارد علی صوت
ماضل حیل بیه وگلبی مفتوت
ابوفاضل شهم یل چان منعوت
منه تنگطع یاوسفه الایدین


(ویاحیف ایموت البی هیبه)

تمت بعون الله

✍بقلم خادمه اهل البیت ع
ام ابوالفضل مقدم📓


قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

فزاعیه لیوم السابع
ماحال مولاتی زینب س وهیه طلعت تدور عن کافل ظعنهه


گصدت بلیل $ یاخویه واصایح

یاکافل ظعنه وین طایح



یاخویه علیک ارواحنه اتنوح
وبغیابک یگلبی الیوم مجروح
دگعد یاچفیلی وین مطروح

((لاوین اتهج بعدک روحی))

____________

وینک یاچفیلی یا بوفاضل
وین انطی الوجه یابو المراجل
تره مال الحمل خویه یشایل

((والحمل الضل محد شاله))

_____________

جاوبنی یخویه بداعت الخوه
طایح وین یا ابوالغیره والنخوه
ترانی بدونکم یاخویه ما اسوَه

یعینی ابچی لبوفاضل و هلیهه

(( وبمیلاته مِیَلّنه البین))

_____________

منّ ابعید اشِمّن رایحه اتفوح
یل عطره حلو وسبّاح لروح
یا دَوّای طاریّه للجروح

((ویل بیّه اترد کل عافیتی))

______________

من شفته الفرح بیّه مموصوف
بس لاچن لگیته بلیّه اچفوف
عیونه امصَوّبه ویلی ولیشوف

((ومن زندینه ایگاطر دم))

______________

مثل الطیر احوم ایتله بشوگ
بلیه زنود ویلی وجرفه ممزوگ
خویه اعلیک های الحاله متلوگ


فوگ العلگمی یاخویه ممدود
ویاعینی العمت شفته بله زنود
علیک انفت یخویه و گلبی ممرود

اویلی اعلیک یاخویه وشگول آنی

((امدد وبکتره ازنوده))

_______________

آه من الفرح یل ما یلوگ النه
وآه من الدهر یتّمنه من امُنه
ومِن اخوانّه ناوی یفرّگنه

((وبدولابه فرّگنه البین))
_______________

شعندی من فرح گلولی یاناس
بعد مسلم خذالی دهری عباس
اَنه زینب وتالی خدری ینداس
واروح میسیره وامهبطه الراس


((یادهری اشسویت ویانه)))
__________

(اگعد خویه اگعد مو وکت النومه)

((((وضیعنا بدر الثانی)))



تمت بعون الله

✍بقلم خادمه اهل البیت ع
ام ابوالفضل مقدم📓


قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

قصیده لیوم السابع من محرم
حوار بین السیده زینب س وابی الفضل العباس ع



چفوف اعلی النهر چا وینه راعیهن
هذنی الچان ماواحد یلاویهن



چفوف اعلی النهر مشموره های المن
والینشد علیهن مِنّه یتعَذرن
مستحیات ویّه الحّره ما وَفّن
وراعیهن وگع والچان باریهن



عمیه ریتهه ولا شاهدت عینی
نهلانه اوگعت الطم علی اجبینی
اوصاله مگطعه وراح الیحامینی
ومن عگبه خواته من یحامیهن



رحت صوب النهر والوالی گابلته
وروحی ادوهنت من عینی شافته
یخویه وین وعدک یلّی واعدته
ویتَعذر یگول اچفوفی تسویهن



اعذرینی یخویه ماوفیت اویاچ
یختی مستحی منچ وحگ عیناچ
یزینب سامحینی خویه اترجاچ
عیونی مادریت اسهام تعمیهن



اتگله یاگمر لاتعتذر منی
والمفروض انت کون تعذرنی
لتخییب رجای وتگطع بظنی
الرایه والعلم چاوین اودیهن



هاک اچفوفی خویه وشد عله ایمینک
یبوالغیره دگوم ویلله شد حیلک
نتعاون سویه اعلیک وانشیلک
خواتک هل اجِنَک گوم رد بیهن



تمت‌بعون الله

✍بقلم خادمه اهل البیت ع
ام ابوالفضل مقدم📓


قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

عزاء لیوم السابع من محرم
(طور قدیم)



وین البطل حامینه ویلی وویلاه
چالیش نامت عینه لا الا اله الله

_____________________

وین الوعد چا وینه ویلی وویلاه
عباس یاحامینه لا الا اله الله


وین الکفاله والوعد ویلی وویلاه
یل واعدتنه بلعهد لا الا اله الله


وین التوزم بینه ویلی وویلاه
وبذمته احنه ایینه لا الا اله الله



انته الگلتلی بشمیتی ویلی وویلاه
وانتی ودیعه ابذمتی لا الا اله الله



انت اکفلتنی بمحملی ویلی وویلاه
ودگیت صدرک خویه الی لا الا اله الله


عباس آنه بغیرتک ویلی وویلاه
وانه الاجیت بذمتک لا الا اله الله



وینک یراعی الموزمه ویلی وویلا
روحی علیک معلمه لا الا اله الله



وینک یشیال العلم ویلی وویلاه
حرگوا علینه الخیم لا الا اله الله



وینک یحدای الظعن ویلی وویلاه
خویه المحامل ارِتخن لا الا اله الله


یلنایم اعلی المشرعه ویلی وویلاه
روحی علیک امصدعه لا الا اله الله



راعی الشیم چا وینه ویلی وویلاه
حرگو خیمنه اعلینه لا الا اله الله


للمشرعه رحناله ویلی وویلاه
لاکِّنه ابیا حاله لا الا اله الله



یتفایضن زندینه ویلی وویلاه
والسهم صایب عینه لا الا اله الله



وبکتره طایح الجُرب ویلی وویلاه
وبیده المای وماشرب لا الا اله الله

""""""""""""""""""""""""""""""""""""""""""


تمت بعون الله

✍بقلم خادمه اهل البیت ع
ام ابوالفضل مقدم📓


قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

نعی لیوم السابع من محرم
لسان حال مولاتی زینب ع حول اخیها العباس ع



یاریتنی عمیه ولا شوف
شفت الولی نایم بلهَ اچفوف
وبگلبی جاس الظیم والخوف


یل نایم او نومک حلالک
یاریتنی میته بدالک
ولا شوفک امگطعه اوصالک


نایم شریچ الروح نایم
یل چنت ازامط بی دایم
نشمی وتکَفّل بلحرایم


یاریت عمیه ولا اشوفن
عگبک یوالی وین اروحن
طول العمر لبچی وانوحن



نایم یبو ذات الوفیه
وخلیتنی مالی تچیه
یاهو البعد ینشد علیه



نایم یخویه لیش عباس
یل چنت بسمک رافعه الراس
ماینحمل یومک یجرناس



وین الکفاله والوعد
یلّی جبتنی من البلد
چا شو عفتنی یا اسد



مالَحَگِت حتی اداویه
لگیت الولی کل روح مابیه
عینه مصوبه وامگطعه ایدیه



خلیتنی خویه ونمت
یل بیک دوم ازمط چنت
زینب تضل. چا ماگلت



اگعد یمن بلوفه معروف
حتی الو ما عندک اچفوف
بس تبگه والی عن الصفوف


بلیاک مارید الهوه
یامن لعد جرحی دوه
ویّاک یل جینه سوه


اگعد یخویه وشوف حالی
شوف الشمر صایرلی والی
یل ما تمر چانت ابالی


تمت بعون الله


✍بقلم خادمه اهل البیت ع
ام ابوالفضل مقدم📓


قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl