زينب يازينب
###########
فوك ضيم جروحها وضيم المصاب
اموسدين اخوانها فوك التراب
فكدت ام الخدر هالليله شباب
لجن ظلت بت علي ام الحجاب
زينب زينب يازينب
###########
حرك الخيام وضمه ولوعة حرم
النوب فوك الغبره شيال العلم
تحمل اجم نايبه واجم الم
نار جتل اخوانها ونار الخيم
زينب زينب يازينب
############
ينادي ابن جوشن ارفعو اعله الرماح
راس الحسين التكاثر بالجراح
خل تشوفه العايله حته استراح
شحال زينب شافته اعله الرمح لاح
زينب زينب يازينب
×××××××××××××
خله راس حسين يمشي ويه العيال
شامت وحاقد وسوطه اعله الاطفال
وسطوه لا ريده يمنه ولاشمال
خل تشوفه العايله لو دمه سال
زينب زينب يازينب
############
## محسن الجنابي ###

آنه ام المصايب والرزيه
اخوتها كضو بالغاضريه
/////////////////
فوك التل لون تشوف حالي
حرمه وتدري بيه بلايه والي
اردن للخيم مشدوه بالي
شلون اوصلك وماصح بديه
==============
انهض ياكمر سويلي جاره
ترضاها اعله اختك بالمعاره
مخيمكم غدت مستعره ناره
انهض ليش نايم علوطيه
==============
هذا اليل اجاها وتدري ايتام
وسمعت باجر يودوها للشام
عينك يابوفاضل تقبل اتنام
باجر بيد عدوانك سبيه
==============
خويه اتصور اليحدوني اغراب
بين الماله ذمه وبين سلاّب
وحيده وحايره واخوتها غياب
جنت وياكم اتمنه المنيه
###محسن الجنابي ###

لترويج المجالس الحسينية وللوصول الى اكثر من 60 الف مساهدة على الفيس بوك التواصل مع
@ahmed_alziwar0

يوجد لدينا
1.ترويج مقاطع فيديو على اليوتيوب
2.ترويج مقاطع فيديو على الفيس بوك
للاستفسار
@ahmed_alziwar0

(الزهراء ع في كربلاء)
اجيت اتوجه محنيه عله جروحي
يم حسين كلبي وعلنهر روحي
مابين السهم والنار_ اتذكر مصاب الدار
يم حسين كلبي وعلنهر روحي
##############
عله هونك يوكتي شعندك من احساب
ماكفاك كسري والجره بالباب
اشو كل يوم لن كلبي بجرح ينصاب
مااعتب بعد ماتسوه مني اعتاب
شتحمَّل بعد منك_ كصيت وياي ماجنك
واني بضعة المختار_ اتذكر مصاب الدار
يم حسين كلبي وعلنهر روحي
#############
امر اعله النهر واتعاين الجفين
شفت بسمار ضلعي ويه السهم بالعين
هاعباس يبني والعلم جا وين
واحسه يكلي اني امقصر ويه حسين
لالايبني كلك زود_ وفّيت وكضيت اعهود
ومثلك بالوفه ماصار_ اتذكر مصاب الدار
يم حسين كلبي وعلنهر روحي
#####$#$$$$$$$##
ادور علنهر يبني عله جفوفك
اشم بيهن عطر يوليدي معروفك
تهيج اهمومي خافن زينب تشوفك
عفه كلبي وكلبها تكدر اتعوفك
وترد بالضعن دونك_ واطفالك يفكدونك
حرمه وبالدرب تحتار_ وأتذكر مصاب الدار
يم حسين كلبي وعلنهر روحي
#############
اروح النوب ألم اوصال ابواليمه
واشوف اجم ضلع من عنده متهشمه
وعله نحر الرضيع السابح بدمه
احط راسي اعله نحره واكعد اشتمه
هايبني بعطش ذبحوك_ بحوافر خيلهم داسوك
وردت ضربة البسمار_ واتذكر مصاب الدار
يم حسين كلبي وعلنهر روحي
$$###########
بعدني بكربله ومستانسه بالنوح
شوفني المصاب جروح يابو جروح
بين الطايح اعله الشاطي والمذبوح
وبين اخيام محروكه ودمه مسفوح
بيهن ياجرح يشفه_ ولانار الخيم تطفه
لاولدي ولاالانصار_ اتذكر مصاب الدار
يم حسين كلبي وعلنهر روحي
#####$#########
اجيت امشي بونين ومالكيت اخيام
ولاحامي عليها وبيها بس ايتام
خيم تحرسها زينب نايحه ومتنام
تكلي يكول حاديهم وجهنه الشام
باجر للسبي ماشين _ لاعباسج ولاحسين
باجر لوضعنهم سار_ اتذكر مصاب الدار
يم حسين كلبي وعلنهر روحي
#### محسن الجنابي ###

آنه زينب_ شجابني لدرب اليسر
آنه زينب _شسوه وياي الدهر
امشي بين الناس _ وانه اخت عباس
÷÷÷÷÷÷÷÷÷÷÷÷÷÷÷
من بعد طيحة اخوتي واللي صار بكربله
صرت مسبيه واسيره وللضعن متحمله
من بعد كافل خدرنه بعهدتي هلعايله
بين اطفالي اليتامه والنسه المترمله
هذا حالي _ ماشيه لديرة غرب
هذا حالي _ امشي والمدمع يصب
والعده الحراس_ وأنه اخت عباس
××××××××××××××
حره مهمومه واسيره وايدي مجتوفه بحبل
والدرب موحش علينه وسفه والحادي نذل
نمشي وعيون الشماته بلا حيا وبلا خجل
آه ياليل المواجع يشد حزني ومايفل
ياكفيلي_ لون شايف حالتي
ياكفيلي_ تزيد همي ولوعتي
بين دمعه وياس_ وانه اخت عباس
×××××××÷÷××××
لوردت احسب جروحي بعدد خطوت الدرب
بيهه كل خطوه أمرها تلجم بنص الكلب
من اصد خويه اعله راسك وحده المدمع يصب
اتمحنت مدري شسوي واني بديار الغرب
نار كلبي_ خطوه خطوه تزيدني
نار كلبي_ جرح بيه ايجيدني
من اصد عالراس_ وانه اخت عباس
×××××××××××××
عيوني يم راسك يخويه و روحي اجت يم جثتك
مدري ياهو اكبر عليه لوعتي لو لوعتك
بحسرتك يوم المشينه جني احس بحسرتك
لون بيديها تواطن اختك وما عافتك
موبديه_ خويه رحت اميسره
موبديه_ عفت جثتك عل ثره
جرح ماينقاس_ وأنه اخت عباس
×××××××××××
دنيه غداره يخويه حيرتني دنيتي
شلون جسم حسين اعوفه وهو يدري بمحنتي
عل ثره امكطع واجيت وغصب صارت جيتي
صوت من منحر اسمعه خويه احفظي عيلتي
هل امانه_ ادري موسهله عليج
هل امانه _ هاي من ايدي لاديج
صرتي بين ارجاس_ وانه اخت عباس
×××××××××××××
من يجن ليلي يخويه وآني بعيوني ادير
مدري للسجاد اشوفه مدري بطفالي احير
ليل وهموم ومآسي وماعرف شنهي المصير
ولوخلص ليلي وكضيته تصبح سياط المسير
إيمر عليه_ ليل مايغمض جفن
إيمر عليه_ من حزن كلبي لحزن
وموقفي حساس_ وأنه اخت عباس
### محسن الجنابي ###

اللهم صل على محمد وال محمد وعجل فرجهم
يامشافي يامعافي يا الله نسألك بحق محمد وال محمد الشفاء وراحة البال

تعيش ابالي_ تعيش ابالي _ ذكره الطف تعيش ابالي
شسوه بحالي_ شسوه بحالي
يوم حسين شسوه بحالي
××××××××××××××
تلجمني جروحي وتاذييني وتعيش وياي الاحزان
كل لحضه ولن صوره كبالي
بين الطايح والعطشان
ترسملي بكل موقف نبله
وكل منحر دمعه وعنوان
تكبر الآمي وآهاتي
من اذكر ذيج الشبان
كلشي كبالي كلشي كبالي نبله ومنحر كلشي كبالي
#####
نيران بكلبي وتتوجر
من اذكر بالخيمه النار
من هجمت بالبر اطفالي
وزينب بالموقف تحتار
ارسم صوره ليل الحادي
بذيج الليله ويانه شصار
لسه جروحي التلجم كلبي
ماراحت عني الافكار
من دلاّلي من دلاّلي متروح ابدن من دالاّلي
######
تاخذني افكاري واتحسر
وتنزل دمعاتي من العين
وامشي بحسباتي واحسبهن
واوصل للشط للجفين
لعمي العباس وإحساسه
المايشرب كبل حسين
وضح للخوه ومعناه
والايثار بهذا الدين
جوده الخالي جوده الخالي ياعباس وجوده الخالي
######
درب الشام الشفته بعيني
فوك الهم فوك الاغلال
متحمل ليلي واهاته
وحيره زينب بالاطفال
ومن انضر للماي اتذكر
اهلي المنكطعين أوصال
ظلت بيه جروح العاشر
احسب والمدمع همال
دمعي الهالي دمعي الهالي درب الشام ودمعي الهالي
××××××××××
اني السجاد الحيرني
دهري وعيشني بالآم
ماأنسه الخدّر من فرت
مرعوبه وماعدهه خيام
وماانساها ولاتنساني
جروحي الصارت بارض الشام
بيه تعيش وتاخذ بالي
وماانسه دموع الأيتام
راح الغالي راح الغالي هاي إيتامه وراح الغالي
#####
ماانسه الشام وآلآمه
وعماتي بديوان إيزيد
ياموقف إنسه ويامحنه
وبعده شلون جروحي تهيد
هد حيلي الشام واحداثه
وذكراه بكل خطوه تزيد
من طب راس الوالي ويانه
لهل الشام العدهم عيد
راس الوالي راس الوالي عيني تشاهد راس الوالي
### محسن الجنابي ###

اللهم يامشافي يامعافي يا الله نسألك بحق محمد وال محمد
الشفاء العاجل

صوت ايتام ،،
من تجفل النوك بليل
من زينب يهد الحيل ،،،
ماظل حيل
والحادي يصيح اطفال سكتوها
درب غربه وتعب وهموم
لاعباس يسمع لاحسين ايكوم
وين يكوم ؟
جثه اموذره ع الكاع خلوها
عثرات الدرب واحبال
وحرم مستحيه من اخيال
لو طفله اوكعت لمنها بالسكته
خاف يشوفهن رجال
اجدام امفطره من المشي والحر
من يمشي الضعن شتلحكه ماتكدر
دمعه ووجه مغبر شككاه الجوع
من لفحة سموم انطر
مثل طرة امتون الطرها سوط الغيظ
بالبر لاولي ولا رايه لاخيال
والجو كيض
هلكد مايعت حبل السبي تعبت
هلكد مايطكها السوط حته اجتافها ورمت
هاا وصلت الشام
اشبعد ماوصلت'؟؟
شبيها الشام؟
هم نار وخيام وتل
هم نومة رماد وخيل
ليل وزلم ماتخجل
هم جود وسهم وضلوع
هم حافر وخنصر بالعره مكطوع
شبيها الشام؟
هم هناك عبدالله بمهد ويلوع
هم تسحك الخيل حسين
واهو راس برمح مرفوع
هااا يالشام
امعيده وتدك بيج ادفوف
اجه راس الحسين الماحناه الخوف
واجه عباس بعيونه ايحمينه
واجه بلايه جفوف
اجت فاطمه بنار الباب
ومحمد ويه زينب حاطلها احجاب
اجو كل انبياء الله اعله رمح حسين
عله دموع اليتامه بمدمع السجاب
## محسن الجنابي ##

خدام احنه الخدام خدمة حسين الغايه
×××××××××××××
هاي المواكب والعزه يلوكنه
خدام احنه من صدك لو كلنه
تحله الخدامه وبالوفه اتحزمنه
كلمن يشد حيله يكوم_ للزهره نعقد رايه
×××××××××××××
خل تحجي ماتحجي وتلوم الوادم
بالحشر باجر فايز انت الخادم
رفعة الراس ولا ابد ما نادم
خله اليوصف شيكول _مسموم ندري برايه
××××××××××××××
خله اليسولف خلهم يلوموني
يا محلاها خادم ايسموني
مجنون بحسين وفله اينسوني
عاشك واحس روحي اجبير_ من اخدم المشايه
××××××××××××××
يوم القيامه الزهره متخليني
صك الشفاعه فاطمه تنطيني
هذا البجه بدمعه ومشه يواسيني
بدفتر شفاعتها هناك_ تتفدم الوفايه
××××××××××××××
خلهم يكولون المشي هم بدعه
وحسين مات وليش هاي الدمعه
مانلتفت هذا الحجي ومنسمعه
عين البجت لجل حسين_ بالحشر تنسَر هايه
×××××××××××××××
هيه شعَليها الناس بيه من الطم
لو بالمواكب اركض ومتحزم
من زغر عمري ومن هلي متعلم
خلوني مجنون بهاي_ تعب الخدامه ادوايه
××× محسن الجنابي ×××
×××××××××××××××

خدام احنه الخدام خدمة حسين الغايه
×××××××××××××
هاي المواكب والعزه يلوكنه
خدام احنه من صدك لو كلنه
تحله الخدامه وبالوفه اتحزمنه
كلمن يشد حيله يكوم_ للزهره نعقد رايه
×××××××××××××
خل تحجي ماتحجي وتلوم الوادم
بالحشر باجر فايز انت الخادم
رفعة الراس ولا ابد ما نادم
خله اليوصف شيكول _مسموم ندري برايه
××××××××××××××
خله اليسولف خلهم يلوموني
يا محلاها خادم ايسموني
مجنون بحسين وفله اينسوني
عاشك واحس روحي اجبير_ من اخدم المشايه
××××××××××××××
يوم القيامه الزهره متخليني
صك الشفاعه فاطمه تنطيني
هذا البجه بدمعه ومشه يواسيني
بدفتر شفاعتها هناك_ تتفدم الوفايه
××××××××××××××
خلهم يكولون المشي هم بدعه
وحسين مات وليش هاي الدمعه
مانلتفت هذا الحجي ومنسمعه
عين البجت لجل حسين_ بالحشر تنسَر هايه
×××××××××××××××
هيه شعَليها الناس بيه من الطم
لو بالمواكب اركض ومتحزم
من زغر عمري ومن هلي متعلم
خلوني مجنون بهاي_ تعب الخدامه ادوايه
××× محسن الجنابي ×××
×××××××××××××××

وعلى اعتاب الشام المشؤؤم
ترتفع رؤؤس الحريه لتذل امامها وتنحني ائمة الظلال رغم سطوتها وسلطانها '
كلمات من امرأة مكثورة الجراح
تكسر هيبة رجل يملك جيوش جراره فتقرع آذان الزمن بكلمات روحانيه من وحي العلم والعقل والعفاف ( فكد كيدك """"")
لتقلب موازين الأمور فيصبح المقتول حياً والقاتل ميت
انها الاعلام الرسالي والداعيه الى الحق
انها زينب العفة والحجاب واللسان الملكوتي الناطق
كلمات لم يذكر التاريخ اقوى منها
ارعبت فرعون الدهر وتخطت باقدامها على رأس الشر لتفضح اكذوبته وتبيين من هو الخارج عن طريق الصواب
السلام عليكِ ايتها اللبوه العلويه
والداعية الربانية

بعد الاربعينية ان شاء الله سيتم نشر دروس للمقامات على قناة اليوتيوب سارع بالاشتراك بالقناة👇👇👇👇
https://youtube.com/channel/UCz03jT4unuka51X7foOyXcg

السلام عليكم ورحمة الله وبركاته
ارحب بكل الاخوه والاخوات خدام الحسين عليه السلام الذين لنضمو لقناتي اتمنى ان تنال إعجابكم
ولي الشرف ان اكون خادمكم
اخوكم الشاعر محسن الجنابي

(جبل الشموخ_زينب )
لاتقل بالاسر يبن الطلقاء
فأنا زينب للستر وقاء
####### ########
من تكن كن فأنا بنت العفاف
بنت من في الله قطعا لايخاف
خيرمن في الخلق من لبى وطاف
ذاك جدي ياسليل الادعياء
#################
ان تامرت رقاب المسلمين
فحسين في قلوب العارفين
حسبنا في الحكم رب العالمين
ماجرى في عين جبار السماء
#################
إن قتلت السبط فالسبط شهيد
دٌم على بغيك وافعل ما تريد
نحن اولى بمحمد يا يزيد
وبدين الله اولى بالوفاء
$$$$$$$$$$$$$$$$$$
سترى من يرد الحوض غدا
لتجيئن وشيكا موردا
ما أرى جمعك الا بددا
وسيمسي يبن هند في فناء
################
اسع ما شئت وكد كيدا بنا
لا ولن تطفىء انوارا لنا
جدك المبعوث قل ام جدنا
كان منا خمسة اهل الكساء
##########-######
إن سبينا او قتلنا فقليل
ذاك في الله جميل وجميل
في كتاب الله قد كان الدليل
في سبيل الله يحيى الشهداء
######محسن الجنابي #####