✅ Samarqandda tashkil etilgan Davlat xizmati forumida O‘zbekistonning Elektron hukumatni rivojlantirish borasidagi yutuqlari e’tirof etilib, taqdirlandi

➡️Samarqand shahrida o‘tkazilgan BMTning Davlat xizmati forumi (UNPSF 2025) doirasida O‘zbekistonning so‘nggi yillarda davlat boshqaruvi va raqamli texnologiyalarni joriy etish borasidagi yutuqlari xalqaro darajada tan olindi.

❕Xususan, forum davomida e’tibor markazida bo‘lgan asosiy yo‘nalishlardan biri – elektron hukumat tizimini rivojlantirish masalasi bo‘ldi. Mazkur yo‘nalishda O‘zbekiston tomonidan amalga oshirilgan islohotlar, innovatsion yondashuvlar va zamonaviy axborot-kommunikatsiya texnologiyalarini tatbiq etish borasidagi sa’y-harakatlar yuqori baholandi.

📊 Ma’lumki, “UN E-Government Survey” — davlat boshqaruvi va elektron xizmatlar ko‘rsatish sohasidagi eng nufuzli xalqaro reytinglardan biri hisoblanadi. Ushbu reytingning 2024-yilgi natijalariga ko‘ra, O‘zbekiston Elektron hukumat reytingida (EGDI) 6 pog‘onaga ko‘tarilib, eng yuqori ko‘rsatkichga ega bo‘lgan mamlakatlar qatoriga — “Juda baland” (Very High EGDI) guruhiga kiritildi.

⚜️Samarqand forumida ushbu yutuq alohida e’tirof etilib, rasmiy marosim davomida O‘zbekistonning elektron hukumatni rivojlantirishdagi yutuqlari e’tirof etilib, taqdirlandi.

📩Telegram 📱Facebook 📱 Instagram 📺Youtube 🌐 LinkedIn 🐦 X

📌 Vazirlik va UNESCO o‘rtasida raqamli statistika bo‘yicha hamkorlik muhokama qilindi

BMT Davlat xizmati forumi doirasida Raqamli texnologiyalar vaziri Sherzod Shermatov va UNESCO Statistika Institutining Osiyo-Tinch okeani boʻyicha katta mintaqaviy maslahatchisi Bajracharya Roshan o‘rtasida uchrashuv bo‘lib o‘tdi. 

Uchrashuvda mamlakatda raqamli transformatsiya, axborot-kommunikatsiya texnologiyalari, davlat xizmatlarini raqamlashtirish va statistika sohasidagi hamkorlik masalalari muhokama qilindi.

Vazir 2017-yildan beri mamlakatda ma’lumotlar tarqatilishi va sifatining yaxshilanishi, inson salomatligini ta’minlashga qaratilgan chora-tadbirlar, shuningdek, IT sohasining rivojlanishi haqida so‘zlab berdi. Shuningdek, ta’lim sifatini oshirish va sun’iy intellekt muhitini yaratishga alohida e’tibor qaratilayotgani qo‘shimcha qilindi.

Batafsil: 👉 https://digital.uz/oz/news/view/64063

📩Telegram 📱Facebook 📱 Instagram 📺Youtube 🌐 LinkedIn 🐦 X