#القصيده من ديوان جبل الصبر الجزء العاشر


اليوم الروايه معلكه
والــبـيوت مفتوحه
ـــــــــــــــــــــــــــــــــــ
نسوان حزنانه وزلم
كل بيت يصفك بي علم
لحسين نذكر ياالم
باادموعنه المسفوحه
ــــــــــــــــــــــــــــــــــــ
واجب علينه نهل دمع
ولحسين نلطم عالضلع
وماننسه عباس السبع
ودم هامته وجروحه
ــــــــــــــــــــــــــــــــــــ
ماننسه جفه وهامته
عباس حلوه وكفته
ولحسين تلطم شيعته
وهيهات نكطع نوحه
ــــــــــــــــــــــــــــــــــــ
للموت ننصب ماتمه
ونعزي امه فاطمه
ضلت اعيونه مسلهمه
ولاام الحزن مشبوحه
ــــــــــــــــــــــــــــــــــــ
شابح لزينب عينه
ومره يصد لسكينه
ومصيبته تبجينه
وعطشان راحت روحه
ــــــــــــــــــــــــــــــــــــ
وعطشان كطعو منحره
واعضامه كلهه مكسره
وكلنه نعزي الطاهره
وهيهات نكطع نوحه
ــــــــــــــــــــــــــــــــــــ
يالخوتك بيهه وفه
بعدك عله الدنيه العفه
جرح البراسك ماشفه
واجنازتك مطروحه

للشاعره ام هجران العمارچية


https://www.tg-me.com/mjals2

قناة نشر مجالس

( اي والعباس)
اي والعباس نوصله بعراضات
يحلاله اللطم لو كله هوسات
~
اي والعباس نوصله بعراضه
مو مجلس عزه نسوي انتقاضه
نلطم حييل مانطلم براضه
*(( من ازنوده للطيح چفه)) *
~
نخلي بمجلسه ترفرف الراية
سابع يوم اله ساچي الضماية
يابيت النطبه بي قرايه
*(( يحليله بسمه العباس )) *
~
حار ويومه حار احنه نعرفه
وحگ عينه وجبينه وبتر چفه
عليل الي يكصده بساع يشفه
*(( يطلع ومراده بچف ايده )) *
~~~~
حلو مجلس ابو الغيره ونحبه
تحس دون المجالس بيه رهبه
نحضر كل حوايجنه ونطلبه
* (( ويكلك مقضيه الحاجة)) *
~~
عزنهه الزچيه وام البنين
وشدن اللطم وي اخت الحسين

~~~
اداء والحان العلوية بنت المنهال
كلمات رسل الابراهيمي


https://www.tg-me.com/mjals2

قناة نشر مجالس

فزاعيه جنوبيه للأربعين
عندما رجعت زينب من الشام الى كربلاء في يوم الأربعين جلست عند قبر اخاها ابا الفضل العباس تكله لسان حالهه

♕المستهل ♕

اختك من مشت مادنكت هامه
وماهمني يزيد النذل وزلامه

♕♕♕♕♕♕♕♕♕♕♕♕♕♕♕♕♕
ضلت شامخه زينب المهيوبه
وماهمني طريج الشام ودروبه
وشكتله ليزيد اسمعني النوبه

كتله. ♕اخت القاده كدامك هاي
♕♕♕♕♕♕♕♕♕♕♕♕♕♕♕
اخوي القائد وانه القياديه
وماطخ راسهه زينب النشميه
مو حسبالكم صحتولي مسبيه

تاج اعليكم الحره اتضل
♕♕♕♕♕♕♕♕♕♕♕♕♕♕♕♕♕
تاج انه وعليكم هايالحثاله
ويخسه النذل لو ضلي تدناله
انه شامخه اعله الشام ورجاله

ذليته جم واحد بيهم
♕♕♕♕♕♕♕♕♕♕♕♕♕♕
جم واحد بواحد انه ذليته
الشمر عن الرجوله اهناك حاجيته
مدنك راسه اعله الكاع خليته

دنك راسه من شاف الحك
♕♕♕♕♕♕♕♕♕♕♕♕♕♕♕♕
ضل الراس عالي ومانزل راسي
وكتله انه السبع معروف عباسي
وانه حيدريه منبعي وساسي

تعرفوني بت داحي الباب
♕♕♕♕♕♕♕_♕♕♕♕♕♕♕♕♕♕♕
بقلمي عاشقه العباس الشاعرة والملا ام عراق الشمري البصره صاحبة ديوان الرايه الخضراء ولايجوز حذف الاسم شرعا وغير مبري الذمه لكل من ينسب الكلام لنفسه

صاحبة الحسچه الجنوبيه
ام عراق الشمري البصره

https://www.tg-me.com/mjals2

قناة نشر مجالس

فزاعيه ظهر يوم عاشوراء



وطاح حسين.  يا يمه تلحگيلي

ومحتاره. ابناته. اشلون گليلي




هذيج الخيل ملتمه عله والينه
وانه وياج يمه انشوف ابو سكينه
كبل لا ينذبح نوصل تخلينه
ونعوت والده عله الولد تنعيلي



تعاي وياي نشرك يمه بالونه
وما اكدر اخوي بوحدي اشوفنه
اريدنج تجين وياي اودعنه
اخاف امشي واشوف وينهدم حيلي



عليج الله تعالي ولا تعوفيني
وشوفي بكربله يا يمه شوفيني
مامش كل ولي ظل ويحاميني
وطاح عله النهر مايكعد كفيلي



حيلي راح والله وبعد مابيه
اشلون بعيلته والوكت ظهريه
صعب كلش صعب يوم الوداعيه
واريدج عالولي وياي ونيلي



طاح حسين من هجمت الخياله
وانه حايره يا ام حسن بعياله
بعد ياهو اليرد فزعت العياله
ومن حجي الشماته اليوم ياويلي



لخادمة الزهراء العلويه ام جعفر غير مبري الذمه من يحذف الاسم وياخذ الكلام وينسبه له م

https://www.tg-me.com/mjals2

قناة نشر مجالس

https://www.tg-me.com/mjalst
للتواصل وطلب القصائد 👆👆

*من ديوان مسير الفواطم لارض المظالم ج٣*
*قصيده للسبي (رايحه عنكم)*
❥━──➸➽❥❂❥━──➸➽❥❂
رايحه عنكم يخوتي رايحه
لا لطمت ولا نصبت الفاتحه
لا نصبت الكم عزيه ... حملت عنكم سبيه
والچثث عالغبره ضلت طايحه
❥━──➸➽❥❂❥━──➸➽❥❂
رايحه عنكم يخوتي ميسره
امگابله الروس وجثثكم عالثره
گلبي مايصبر بعد شيصبره
والدمع فايض عله اخدودي وجره
اشهالمصيبه الله واكبر صايحه
❥━──➸➽❥❂❥━──➸➽❥❂
شهالمصيبه الصارت علينه وسدت
عشت بالهم والالم واتمرمرت
يا عذاب ويا هظيمه تحملت
مثل هاي الفاجعه لا ما شفت
روحي منهه بگت تبچي ونايحه
❥━──➸➽❥❂❥━──➸➽❥❂
نايحه روحي عليهم ما تهيد
اعزاز همه ويسري حبهم بالوريد
العيشه والله خلافهم لا ما اريد
شلون افارگهم واطب مجلس يزيد
صعبه نضرات الشماته وجارحه
❥━──➸➽❥❂❥━──➸➽❥❂
صعبه نضرات الشماته وموجعه
روحي تحمل يامصيبه وفاجعه
عفت ابو السجاد مرمي بمصرعه
عفت چفين الكفيل امگطعه
والهضم مصباح گمنه انصابحه
❥━──➸➽❥❂❥━──➸➽❥❂
نصبح ونغفه عله الون والهموم
والفرح يا ناس النه ما يدوم
ضلت العدوان بس يمنه تحوم
خويه ياعباس وينك ماتگوم
عين اخياتك الراسك شابحه
❥━──➸➽❥❂❥━──➸➽❥
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:

https://www.tg-me.com/mjals2

قناة نشر مجالس

(السيده رقيه ع تخاطب احد بنات الشام)

يبنيه ماعدكم ماي// والله انه عطشانه هواي
خليني اعرفج بيه// الگدامج انه ارقيه
≈≈≈≈≈≈≈≈≈≈≈
يلواگفه اباب الاهل تتفرجين اعليه
منج اريدآ بس طلب جيبيلي بس اميه
ريجي يبس مثل الخشب جرت نفس مابيه
يبنيه من كثر العطش ترجف تره رجليه
يبنيه انتي ابحلي// بس المهم مو مثلي
يسموني المسبيه// الگدامج انه رقيه
≈≈≈≈≈≈≈≈≈≈≈
والله انه من كثر التعب بعيوني اشوفج گوه
واظح على وجهي الظما شوفي بشفافي شسوه
بس كون ابلل شفتي مو لازم اله اتروه
شوفيني كاتلني التعب ماعندج انتي امروه
قطرة عذب مو اكثر// يچويني نفسي الينجر
من النفس مجويه // الكدامج انه ارقيه
≈≈≈≈≈≈≈≈≈≈≈
بلگوه اجرنه النفس من ريتي احس تطلع نار
يبنيه گلبج مايحن حسبيني عندج خطار
بهيكل غفينه بهل كتر يسمونها عود الدار
يعني احنه جيران من امس والجار حگه على الجار
نمنه بخرابه بلا باب// صارت وسادتنه تراب
شفنه شكثر اذيه// الگدامج انه رقيه
≈≈≈≈≈≈≈≈≈≈≈
ماننطي ماي الكم تره هيج الاهل وصونه
مو بيدي يرقيه تره ماننطي شي منعونه
باجر يجي راس برمح الخارجي يسمونه
بدو الماي على الارظ خلي تشوف عيونه
تبدونه گدام حسين// وخلو يشوفه بالعين
من الاهل وصيه // الگدامج انه ارقيه
≈≈≈≈≈≈≈≈≈≈≈
مابيدي شي حكم الاهل خلاني اسد بيباني
حكم القوي عليه تره بهذا الوظع خلاني
امنيتي اجيبنلج عذب بس الابو وصاني
صادر امر من القصر خلو السبيه تعاني
يقهرني حيل ونينج // بس انتي شوفت عينج
عيون الحرس عليه//الگدامج انه ارقيه
≈≈≈≈≈≈≈≈≈≈≈
هذا التطلبينه صعب اعفيني لا مااگدر
مجبوره اردنلج طلب من عندج انه اتعذر
التنطي شي گالو تره توگف مثلهم با الحر
بچفوفها ينشد حبل تنظرب حيل وتنجر
مثلج يظربونه هيج// مااگد الله يخليج
ينشد حبل بيديه// الگدامج انه رقيه
≈≈≈≈≈≈≈≈≈≈≈


تمت _ ازهر الزيدي


https://www.tg-me.com/mjals2

قناة نشر مجالس

https://vt.tiktok.com/ZSYE48W1L/

فضلا لايك للفيديو نحضر.
تعليق

هذه واقـــع لو حلــم.
وامشــي مابين الزلم
خويه عباس. خويه عباس

$_
أرد اسـولف قصـــتي.
من البدايه الشيبتي
بالطــفو له تلوعـت وكــبرت وي ونتـي

زيــنب أنه ام الخدر.
وانه كعبه من الصبر
روحي ماشافت فرح ودمعتي طول العمر

ومدمعي يــبلل هدم. وامشي مابين الزلم
خويه عباس. خويه عباس
$_
والله مرمرني الدهر
منين اجيبنـه الكمر
وانه مو مالت سبي. وانه مو مالت سفر

وامشي بديار الغرب.
خويه مجروحت كلب
هذه حالتي بغــربتي خــويه مااندل درب


وكلبي العيالك يهم. وامشي مابين الزلم

خويه عباس. خويه عباس
_$____
عيالك بدرب السبي
خويه ممــشاته دابي
سكنه لو تنحب تره يطكها صوط الجنبي

خويه ويلي من الهظم
والـــحبل كص العظم
والدمه تســيل وتـخر . هذه حالي ويه الظلم


والـــــعدو لا مـايهــم. وامشي مابين الزلم

خويه عباس. خويه عباس
$_
بقصتي يطول الشرح.
وبيـــه ماطاب الجرح

وانه عاشرته الدمع. ويبقى دمعي الصبح

وانه من دون البشـــر.
حرمه بس كلبي نكسر
ويلــي اه من الزمن. بيــة دالاالي نفطر


من المشي ماضل جدم. وامشي مابين الزلم

خويه عباس. خويه عباس

_$____
كلمات خادمكم
الشاعر الحسيني
مرتضى مكطوف.


https://www.tg-me.com/mjals2

قناة نشر مجالس

يالرايح العباس بلغه الرساله
كله النخاك العام بعده اعله حاله

•───✧◐🕊🌻🕊◐✧───•

‏كله النخاك يريد من عندك امراد
موجوع من الظيم والكلب ماهاد
كاصدله وتعنيت من وجعي الزاد
معقوله ابو الكلفات حملي مشاله

•───✧◐🕊🌻🕊◐✧───•

يالرايح العباس وياك اخذها
حاجه بعلك خليت بشباجه شدها
هاي الرساله اليوم ماضن يردها
والدمعة عالخدين ضلت وشاله

•───✧◐🕊🌻🕊◐✧───•

تسألني هاي الناس كلها على همي
كتلهم بعباس شديته عزمي
مهظومه جيت اليوم من كثر هظمي
باب الله وانه انخاك تردني استحاله

•───✧◐🕊🌻🕊◐✧───•

يم بابك الحاجات ماضنها صعبه
عيني على درب الجاك مولاي تربه
مشتعله روحي بنار وبكلبي لهبه
ابجاهك العند الله رب الجلاله

•───✧◐🕊🌻🕊◐✧───•

معقوله ياعباس اتردلي حاجه
صارت سنه ولليوم وجوابي ماجه
احلفك آنه بحسين وكطعت اوداجه
معروف بالشدات صيته وجلالة

•───✧◐🕊🌻🕊◐✧───•

حلفتك اني اليوم بجاه العقيله
ذيج المشت للشام عكبك ذليله
اجيتك بكلبي هموم دمعي اسيله
بجاه الشهيدحسين وكطعت اوصاله

•───✧◐🕊🌻🕊◐✧───•

بقلم المله والشاعرة ام علي الامارة
غير مبري الذمه اليحذف اسم الشاعره


https://www.tg-me.com/mjals2

قناة نشر مجالس

نشر مجالس نساء:
https://vt.tiktok.com/ZS2M9PHXj/

https://vt.tiktok.com/ZS6pyGRce/

توجد مكتوبه بالقناة👆👆

https://vt.tiktok.com/ZSk5HwL5X/
توجد مكتوبه