قصيده بين السيده زينب ع وامها فاطمة الزهراء

*قصيدة انه وامي شكد شبه بيناتنه*
_
انه وامي شكد شبه بيناتنه
متنه لا ام لا أبو اثنيناتنه

ماتت وخوان ما عدها الزچيه
وانه خواني گضو بالغاضريه
انه زينب انه زينب
🖤🖤🖤🖤🖤🖤🖤🖤🖤🖤

اثنينه اصبرنه وحنينه للمصيبه ضهورنه
محنة الباب الفجيعه وكربله وعاشورنه
انه والزهرة الزچيه بنار حرگو دورنه
اثنينه احتركت عبينه وسلبوها خدورنه
طلعت وردو عليها يرجعوها
وانه شمر يصيح زينب طلعوها
امي ردت من رجع حامي الحميه
وانه خواني گضو بالغاضريه
انه زينب انه زينب
____
انه وامي متنه حسره اثنينه بفد نايبه
بظلع ظامي ماتت امي وانه متت امسلبه
ماتت الزهرة الزچيه بدم ابنها مخضبه
وانه متت امتوني زرگه والعبايه متربه
امي ماتت لچن مكسورة گلب
وانه مكتوب اندفن بين الغرب
يا هو غمض عيني واسبلهن اديه
وانه خواني گضو بالغاضريه
انه زينب انه زينب

امي بفراش المنازع من دنت ليها المنيه
اتوصي بحسين ابو اليمه والصميده يوصي بيه
وانه متت بدار غربه ياهو احملنه الوصيه
رفعت صوتي بالمنازع بلكي تسمعني رقيه
أرد اوصيها تعدل داري
خاف عالغفله ويطب خطاري
عمه يا خطار تحضر هالمسيه
وانه خواني گضو بالغاضريه
انه زينب انه زينب
_
أرد احلفها باخوهه وجسم أبوها العاري
وهيه تدري انه غريبه وهظم گلبي وناري
عمه باچر يا رقيه انتي شمعة داري
مسحي بيدچ يا رقيه روس كل زواري
هلي بيهم يا هله ومية هله
عمه بيهم ريحه من طف كربله
وبعد بيهم ريحه حسين وأخيه
وانه خواني گضو بالغاضريه
انه زينب انه زينب
_
حال امي بهالرزيه هنانه أشد من حالي
لنهه تدري حيل تدري بالاخو شگد غالي
لون بالطف صار موتي من الهظيمه اشوالي
ولا اطب ديوان وابقه بالخرايب تالي
والشمر رد هسه جايبلي حبل
يم ظريحي اردود جابوها الهزل
رددوها الگوم يردوها سبيه
وانه خواني گضو بالغاضريه
انه زينب انه زينب
_
امي ماتت من حزنها والوصي الي شالها
لاچن امي بالمغيسل ما جفل غسالها
اندفنت بطيبه وأبوها وكل ولدها گبالها
موش مثلي صار يمها لفرحو بشل حالها
امي ماتت ألم لو ما عدها داي
امي ماتت من بواجيها لبچاي
مو لبوها الزهرة اظن تبچي عليه
وانه خواني گضو بالغاضريه
انه زينب انه زينب
__
الشاعر أحمد الهلباوي

https://www.tg-me.com/mjals2

قناة نشر مجالس

بنهر العلكمي العباس // سوه الناس طشاره

روس زلم طشرها
سبع الكنطره ومرها
هز المعركه وفرها

طب بيها الكفيل و ساطعة انواره

****

زينب بيك تتباها
اخوها ونور عيناها
بلمجزره سواها

برض المعركه هل شاعت اخباره

****

هذا الحيد ابو فاضل
طب للعلكمي ونازل
كل زود من كافل

معروف السبع عباس ابو شاره

**

زود القوصره زوده
من حيدر علي عوده
فدوه لهيبه زنوده

يكلهم بلمعارك دوم صداره
**

طشرها الصفوف وصاح ياويله
وبرايه العقيله شدت الشيله
هوسه اليوم للعباس يا شيعه نسويله

بيوم الشال رايه // طب الحومه وهزاه

*
بصوت خادمة الحسين ملا ام ریحانه المحمداويه بقلم علي العبيدي

https://www.tg-me.com/mjals2

قناة نشر مجالس

https://vt.tiktok.com/ZSY9cynY7/

بنهر العلقمي العباس //سوه الناس طشاره

لطمية مع هوسة للأمام الحسين عليه السلام ( سوتلك اقرايه )


زينب عالهزل سوتلك اقرايه
گلبي اتصيح يحسين انشده رايه


گلبي اتصيح من فرگاك يوجعني
اشلون تنام هالنومه وتضيعني
حته اوداع ماتگدر توادعني
(( باصرني وحاچيني احچايه ))


خويه ادخيل عمرك گوم حاچيني
حال الضيم حالي لاتخليني
لبن ازياد چتالك اموديني
(( للمجلس متعني اعنايه ))


چتالك خذاني وراح متعني
ايريد ابمجلس الشامت يوگفني
يطگ الراس گدامي ويشتمني
(( ماتقبل يحسين بهايه ))


ادري بهالظلم يحسين ماتقبل
حالي اوداعتك كلساع يتبهذل
وين انصب عزاك وصاعده الهزل
(( چادر مريود وملايه ))


ملايه وثواب بمجلسك مريود
والعدوان صاحو بالخيم فرهود
حشمت البطل ويگول ماكو ازنود
(( وامطبر واجروحه اهوايه ))



امطبر والجروح اهواي ماتنعد
مثل النار گلبي ولاقبل يبرد
ماضنيت راس البطل يتمرد
(( ويطيح الچف فوگ الرايه ))


چف الحيد طاح ورايته الخضره
مطبور بجبينه وتوجعه الطبره
كون ام البنين الطاهره اتحضره
(( واتشد اصوابه الوفايه ))



لشاعرة اهل البيت
ام هجران العمارچية
غير مبري الذمة من يمسح اسم الشاعره او يغيره او ينسب الرثاء لشخص اخر


https://www.tg-me.com/mjals2

قناة نشر مجالس

#من_ديوان_مراثي_الفاقدين_ج١

قصيدة للأهل و الديار (يم باب اهلنه)
❥━──➸➽❥❂❥━──➸➽❥❂
يم باب اهلنه             يم باب اهلنه
مريت اونن وانتحب    يم باب اهلنه
وابچي بمحنه           وابچي بمحنه
اذكر ليالينه المضت    وابچي بمحنه
❥━──➸➽❥❂❥━──➸➽❥❂
اتذكر ايام المضت وتهل العيون
ليش الاحبهم يا زمن من عندي يرحون
ناموا بوسط المگبره وماظن يردون
هيهات اليه يا زمن احبابي يلفون
اظلم نزلنه اظلم نزلنه / من شالو اعزاز الگلب اظلم نزلنه
❥━──➸➽❥❂❥━──➸➽❥❂
البيت وحشه وبعد ما ظلي تچيه
چا وين اروح واشتكي هموم العليه
تعبني كلش هالزمن واشبعت اذيه
ما احمل فراگ الاهل وشلون بيه
اطشر شملنه / اطشر شملنه / هيهات شيلمه بعد اشطر شملنه
❥━──➸➽❥❂❥━──➸➽❥❂
الدار الخليه من الاهل تمرد الدلال
من انظر الها بس اون والدمع همال
يفراگهم كلش صعب ويغير الحال
من عني شالوا وابعدوا بيه الحمل مال
واگطع الظنه / واگطع الظنه / منهم دئيس يا گلب واگطع الظنه
❥━──➸➽❥❂❥━──➸➽❥❂
ياروحي بطليه العتب كفي اعتابچ
سكنوا بأرضي المگبره كلهم احبابچ
بس الصور ظلت الچ تسمع جوابچ
راح الحنين الي يجي واليدگ بابچ
حظن اليلمنه / حظن اليلمنه / چا ليش غطاه الثرى حظن اليلمنه
❥━──➸➽❥❂❥━──➸➽❥❂
امي الحنينه ويا ابوي وذيچ الإخوان
يا وسفه ليش الهم حلت نومة التربان
خلوني وحدي والدمع خلالي نيشان
وعيوني ذبلها السهر والوجه ذبلان
ما يرجع النه / ما يرجع النه / والساكن بوادي الغري ما يرجع النه
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*

https://www.tg-me.com/mjals2

قناة نشر مجالس

https://vt.tiktok.com/ZSYQHtRau/


يم باب اهلنه             يم باب اهلنه
مريت اونن وانتحب    يم باب اهلنه

الراس والذباح يمشي وياها
و زينب المحد صدگ عزاها
                                
الراس والجتال هاليمشن سوه
وضلت وحيده يبت حامي اللوه
السوط فوك امتونها كلساع هوه
او بالضرب لمتونها ورماها
                                
تنظرب لو صاحت احا ياحسين
سكتي طفالج يگلها هاللعين
ماأريد اسمع بواجي ولا وانين
تنسبي لو صاحت الولياها
                                 
شلون تنصبلك عزه يبن النبي (ص)
والعقيله حايره ويه السبي
تمزگت بالسوط يامهدي العبي
ومحد بطف كربلاء واساها
                                
واساها زينب ياعلي بس الشتم
فوگ نهر العلگمي طاح العلم
كلها نومه عالثرى اهل الشيم
اويا سهم عباس صاب جلاها
                                 
الشيبه مخضوبه بدمه فوگ الرمح
اخ من گلبج نصاب بجم جرح
وانه ادري زينب بذاك الصبح
الموت وي احسينها وافاها
                                    
*تـــــــمت والـــــفضـ🤲ل الله تعالى
بقلم ✍️الشاعرة ام نور الذبحاوي
صاحبة ديوان غريبة الاوطان. 

❌لايجوز شاعأ وغير مبرء الذمه كل من يحذف أسم الشاعرة
وينسب القصيده اله علمأ أن القصيده قد سجلت بدفتر الزهراء عليها السلام
https://www.tg-me.com/mjals2

قناة نشر مجالس

#من_ديوان_مسير_الفواطم_ج_٦
قصيدة لاولاد مسلم(الطم عله العين)
❥━──➸➽❥❂❥━──➸➽❥❂
يم نهر المسيب ضاعوا اثنين
وانه محيره والطم عله العين
❥━──➸➽❥❂❥━──➸➽❥❂
انه محيره والطم عله الراس
اگعد دور اطفالي يعباس
گوم افزع الي يالكلك احساس
گوم الحگ عليه خويه يحنين
❥━──➸➽❥❂❥━──➸➽❥❂
گوم بساع خويه وشوف الاولاد
فراك البزر خويه  لگلبي مراد
ضاعو من اديه وحزني ازداد
ماخذهم يوسفه صارم البين
❥━──➸➽❥❂❥━──➸➽❥❂
خذوهم للذبح گوم الاعادي
انهض ياگمر وانضر السادي
عله راك النهر ذبحو اولادي
شمالك يا دهر تاخذ الحلوين
❥━──➸➽❥❂❥━──➸➽❥❂
شد وياي مرمرني  زماني
اخذ بزري وضهدني ولوعاني
عليهم بس اون وانحب واعاني
ابچي والدمع حفر الخدين
❥━──➸➽❥❂❥━──➸➽❥❂
ابچي وما نشف دمعي عليهم
حلوين المعاني مذبحيهم
ظلام ال اميه مجتفيهم
مابطل بعدهم خويه الونين
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*

https://www.tg-me.com/mjals2

قناة نشر مجالس

ليلة الوحشة جيبيلي

جيبنلي العبايه وخل اغطيه
اخاف الشمس باجر تطلع اعليه
➖➖

جيبنلي العبايه ودگعد بسده
من امس تعبان اخوي ولحد ايگعده
اذا هد الشمر لحسين خنرده
اخاف جروح صدره حيل تاذي

جيبنلي العبايه وخل اغطي
خاف الشمس باجر تطلع اعليه
➖➖
گومن ودعنه ونصن الصوت
لاعتدي جفن ماعندي تابوت
اذا نبجي اعله اخوي البجيه بسكوت
نشاب البصدره سكينه شيلي

جيبنلي العبايه وخل اغطي
➖➖
عمه يارقيه ابوج عوفي
ارد بيج الفجر ونسلم اعلي
اذا ابوج العصر لا ماتشوفي
يلا يالحنينه ابوي غطي

خاف الشمس باجر تطلع اعلي

➖➖
يعمتنه يزينب گومي ويانه
اونوصل للحنين انعلي مبجانه
ونشيل الولي ونغير امجانه
وعله الهون عمه من تشيلي

جيبلي العبايه اوخل  اغطي
خاف الشمس باجر تطلع اعليه
➖➖

خل انروح للعطشان جمعيه
وسده انصير للعطشان لميه
ابونه من العطش ذابت جلاويه
انشيله من الترابه مانخلي

جيبلي عبايه  اوخل نغطي
خاف الشمس باجر تطلع  اعليه
➖➖
يم راسه گعدت ونحبت يحسين
اجيتك صارخه وياي النساوين
باجر عالهزل يبن امي ماشين
اجينه نودعه ونسلم علي
➖➖
اجينه نودعك ونروح من يمكم
يبن امي الشمر مايرضه اظل يمكم
اجيم النوح ونصبلك تعازيكم
راح امشي يخويه وعاري اخلي
➖➖
الشاعره ام روكان الشمريه

https://www.tg-me.com/mjals2

قناة نشر مجالس

🚩 عمه شو هذا الشمر بهدومه دم🚩


عمه شو هذا الشمر بهدومه دم
وبیده راس واكف اباب الخیم
راسمن هذا یعمه . شایله ویسیل دمه
****
من طلعت امن المخیم شفته كدامي الشمر
شایل الراس ابجفوفه والدمه منه یخر
خفت من شفته یعمه وجیت اكلج بالامر
عمه عطر الراس اشمه وهذا اعرفنه العطر
مو غریب اعلیه یاعمه تره
عطر ابوي وجنت اشمه ابمنحره
هسه شو بالراس اشمه
****
یله كومي ویاي عمه نسئل الشمر اللعین
راسمن هذا التشیله ویجري دمه امن الجبین
شوفي سبحانك یلاهي امن الشبه سوه اربعین
تباوعیله ابروح اخیج عمه مو جنه الحسین
حطي عینج عل الملامح عمتي
عمه شو توجعني كامت ركبتي
وعمه واشتاكیت اضمه
****
عمه طك صبري دخیلج بعد مابیه احتمل
سولفیلي شبي حبیبي مات لو بعده عدل
عمه هذا الراس میت بس دمع عینه نزل
اسمع ایكلي رقیه ازغیرة انتي اعله الحبل
شو اشوفه ادموعه یاعمه تصب
ایكلي متنج ترف ما یحمل ضرب
حالي یاعمه یهمه
****
شفته فك عینه علیه اكبالي نزلت دمعته
نشغ من شافاني عمه وحالتي شو آذته
ایرید یشبكني احسه امحسب انه ابنیته
امن العطش ذابل اشوفه وكوه یفتح شفته
عمه ذابل شفته من كثر العطش
خدوده صفره وصایر اعلیهن نقش
نقش ما اكدر افهمه
****
غوشت عیني یعمه انه ما شوفن بعد
جفوف خشنات وخبیثه كامت ابعیني تسد
عمه شو واحد احسه حبل بجفوفي یشد
هیست كل حیلي مات ورحي ظلت تنمرد
عمه كلیلي شنو الصار وحصل
الوادم ایصیحون الحسین انجتل
هذا ابوي الاسمع اسمه
****
الشاعر مصطفى البدیري

https://www.tg-me.com/mjals2

قناة نشر مجالس

قصيده فاتحه للسيده زينب ع

❥❥ـــــــــــــ❁❂❁ـــــــــــــ❥❥

على الناكات زينب سوت اقرايه
كـومـن يا حـبايـب لطمن اويايه

❥❥ـــــــــــــ❁❂❁ـــــــــــــ❥❥

على الناكات تلطم ليش خلوهه
ســوت فاتحه وبالدرب بجوهه
لمـصــاب الولي هاليوم عازوهه
{ ونــون اويـاهــه // انـعازيهه}

❥❥ـــــــــــــ❁❂❁ـــــــــــــ❥❥

لا جادر عــزه نصـبـت المسبيه
عــالناكــه تــون ويــه الافاعيه
صـاحت ياهلي كل حيل مابيه
{ حسـين الهوســـه // تحلاله}

❥❥ـــــــــــــ❁❂❁ـــــــــــــ❥❥

احنـه أهل العزه ونلطم وياهه
وهـاي الفاتــحه لاما كضيناهه
كــل احـنــه حـبايبـها يملفاهه
{ حسين ويومـه // ما ننساه}

❥❥ـــــــــــــ❁❂❁ـــــــــــــ❥❥

مصـيبتها تـره هـيـه مصيبتنه
يازيـنـب الـج هـاليوم لطمتنه
سمعيها يــزينب هاي هوستنه
{انجول اعليه//بونه وهوسه}

❥❥ـــــــــــــ❁❂❁ـــــــــــــ❥❥

للـعبـاس نلطـم وانـتــي ويانه
ضحه بلعــيون وانطه ذرعـانه
كلنـه اليوم الج هلجينه عوانه
{ اوياجن طـــبــت // عينيها}

❥❥ـــــــــــــ❁❂❁ـــــــــــــ❥❥

تــــمت بقــــ✍🏻لم خادمه أهل البيت عليهم السلام

✍🏻الشـــاعره الكبيره العلويه ام كنـــان الهاشمــي

https://www.tg-me.com/mjals2

قناة نشر مجالس