(السيده رقيه ع تخاطب احد بنات الشام)

يبنيه ماعدكم ماي// والله انه عطشانه هواي
خليني اعرفج بيه// الگدامج انه ارقيه
≈≈≈≈≈≈≈≈≈≈≈
يلواگفه اباب الاهل تتفرجين اعليه
منج اريدآ بس طلب جيبيلي بس اميه
ريجي يبس مثل الخشب جرت نفس مابيه
يبنيه من كثر العطش ترجف تره رجليه
يبنيه انتي ابحلي// بس المهم مو مثلي
يسموني المسبيه// الگدامج انه رقيه
≈≈≈≈≈≈≈≈≈≈≈
والله انه من كثر التعب بعيوني اشوفج گوه
واظح على وجهي الظما شوفي بشفافي شسوه
بس كون ابلل شفتي مو لازم اله اتروه
شوفيني كاتلني التعب ماعندج انتي امروه
قطرة عذب مو اكثر// يچويني نفسي الينجر
من النفس مجويه // الكدامج انه ارقيه
≈≈≈≈≈≈≈≈≈≈≈
بلگوه اجرنه النفس من ريتي احس تطلع نار
يبنيه گلبج مايحن حسبيني عندج خطار
بهيكل غفينه بهل كتر يسمونها عود الدار
يعني احنه جيران من امس والجار حگه على الجار
نمنه بخرابه بلا باب// صارت وسادتنه تراب
شفنه شكثر اذيه// الگدامج انه رقيه
≈≈≈≈≈≈≈≈≈≈≈
ماننطي ماي الكم تره هيج الاهل وصونه
مو بيدي يرقيه تره ماننطي شي منعونه
باجر يجي راس برمح الخارجي يسمونه
بدو الماي على الارظ خلي تشوف عيونه
تبدونه گدام حسين// وخلو يشوفه بالعين
من الاهل وصيه // الگدامج انه ارقيه
≈≈≈≈≈≈≈≈≈≈≈
مابيدي شي حكم الاهل خلاني اسد بيباني
حكم القوي عليه تره بهذا الوظع خلاني
امنيتي اجيبنلج عذب بس الابو وصاني
صادر امر من القصر خلو السبيه تعاني
يقهرني حيل ونينج // بس انتي شوفت عينج
عيون الحرس عليه//الگدامج انه ارقيه
≈≈≈≈≈≈≈≈≈≈≈
هذا التطلبينه صعب اعفيني لا مااگدر
مجبوره اردنلج طلب من عندج انه اتعذر
التنطي شي گالو تره توگف مثلهم با الحر
بچفوفها ينشد حبل تنظرب حيل وتنجر
مثلج يظربونه هيج// مااگد الله يخليج
ينشد حبل بيديه// الگدامج انه رقيه
≈≈≈≈≈≈≈≈≈≈≈


تمت _ ازهر الزيدي


https://www.tg-me.com/mjals2

قناة نشر مجالس

https://vt.tiktok.com/ZSYE48W1L/

فضلا لايك للفيديو نحضر.
تعليق

هذه واقـــع لو حلــم.
وامشــي مابين الزلم
خويه عباس. خويه عباس

$_
أرد اسـولف قصـــتي.
من البدايه الشيبتي
بالطــفو له تلوعـت وكــبرت وي ونتـي

زيــنب أنه ام الخدر.
وانه كعبه من الصبر
روحي ماشافت فرح ودمعتي طول العمر

ومدمعي يــبلل هدم. وامشي مابين الزلم
خويه عباس. خويه عباس
$_
والله مرمرني الدهر
منين اجيبنـه الكمر
وانه مو مالت سبي. وانه مو مالت سفر

وامشي بديار الغرب.
خويه مجروحت كلب
هذه حالتي بغــربتي خــويه مااندل درب


وكلبي العيالك يهم. وامشي مابين الزلم

خويه عباس. خويه عباس
_$____
عيالك بدرب السبي
خويه ممــشاته دابي
سكنه لو تنحب تره يطكها صوط الجنبي

خويه ويلي من الهظم
والـــحبل كص العظم
والدمه تســيل وتـخر . هذه حالي ويه الظلم


والـــــعدو لا مـايهــم. وامشي مابين الزلم

خويه عباس. خويه عباس
$_
بقصتي يطول الشرح.
وبيـــه ماطاب الجرح

وانه عاشرته الدمع. ويبقى دمعي الصبح

وانه من دون البشـــر.
حرمه بس كلبي نكسر
ويلــي اه من الزمن. بيــة دالاالي نفطر


من المشي ماضل جدم. وامشي مابين الزلم

خويه عباس. خويه عباس

_$____
كلمات خادمكم
الشاعر الحسيني
مرتضى مكطوف.


https://www.tg-me.com/mjals2

قناة نشر مجالس

يالرايح العباس بلغه الرساله
كله النخاك العام بعده اعله حاله

•───✧◐🕊🌻🕊◐✧───•

‏كله النخاك يريد من عندك امراد
موجوع من الظيم والكلب ماهاد
كاصدله وتعنيت من وجعي الزاد
معقوله ابو الكلفات حملي مشاله

•───✧◐🕊🌻🕊◐✧───•

يالرايح العباس وياك اخذها
حاجه بعلك خليت بشباجه شدها
هاي الرساله اليوم ماضن يردها
والدمعة عالخدين ضلت وشاله

•───✧◐🕊🌻🕊◐✧───•

تسألني هاي الناس كلها على همي
كتلهم بعباس شديته عزمي
مهظومه جيت اليوم من كثر هظمي
باب الله وانه انخاك تردني استحاله

•───✧◐🕊🌻🕊◐✧───•

يم بابك الحاجات ماضنها صعبه
عيني على درب الجاك مولاي تربه
مشتعله روحي بنار وبكلبي لهبه
ابجاهك العند الله رب الجلاله

•───✧◐🕊🌻🕊◐✧───•

معقوله ياعباس اتردلي حاجه
صارت سنه ولليوم وجوابي ماجه
احلفك آنه بحسين وكطعت اوداجه
معروف بالشدات صيته وجلالة

•───✧◐🕊🌻🕊◐✧───•

حلفتك اني اليوم بجاه العقيله
ذيج المشت للشام عكبك ذليله
اجيتك بكلبي هموم دمعي اسيله
بجاه الشهيدحسين وكطعت اوصاله

•───✧◐🕊🌻🕊◐✧───•

بقلم المله والشاعرة ام علي الامارة
غير مبري الذمه اليحذف اسم الشاعره


https://www.tg-me.com/mjals2

قناة نشر مجالس

نشر مجالس نساء:
https://vt.tiktok.com/ZS2M9PHXj/

https://vt.tiktok.com/ZS6pyGRce/

توجد مكتوبه بالقناة👆👆

https://vt.tiktok.com/ZSk5HwL5X/
توجد مكتوبه

قصيدة

نار الفراگ ... تصعب أعله العاشروا
نار الفراگ ... احبابنه فجأة مشوا
نار الفراگ ... للمنية اتحظروا

بويه أخذني يالحنين وياكم
وحدي ما احمل الم فرگاكم

تذبل أغصان الورد ... لون عنكم ابتعد

بويه ارجاك ... خذني وياك

❥ـــــــــــــ❁🪶❁ـــــــــــــ❥

بويه يا روحي وحياتي شلون ترحل كل هلي
عگب عبد الله و رقية منهو بويه يضل الي
لو رحلتوا تغيب روحي بالمرض بويه انولي
اقسم اعليك بمحمد بويه وبجدي علي

خذني وياك ... گلبي ما يحمل ألم
خذني وياك ... بويه احس گلبي انثلم
خذني وياك ... بهالسفر حيلي انهدم

❥ـــــــــــــ❁🪶❁ـــــــــــــ❥

افرش الهودج بـ اديتي وافرش مصلايتك
عودتني انت بحنانك يا هوى لبنيتك
بويه لمني بفيض چفك فدوة اروح لشوفتك
رايده وياكم يبوية وانتظر لحچايتك

يا عزيزي ... بغيركم يالغالي أموت
يا عزيزي ... والعمر يصبح سكوت
يا عزيزي ... يا عزيزي ... يا عزيزي

❥ـــــــــــــ❁🪶❁ـــــــــــــ❥

التروح احباب گلبه يعيش بويه بلا گلب
وين ما يندار وجه اظلم بعينه الدرب
لون رحتوا بعيد عني أصبح بموقف صعب
مرض والفرگة تهدني وللأهل دمعي يصب

نار الفراگ ... تصعب أعله العاشروا
نار الفراگ ... احبابنه فجأة مشوا
نار الفراگ ... للمنية اتحظروا

❥ـــــــــــــ❁🪶❁ـــــــــــــ❥

لازمة هدومي واعاين والحبايب حملن
صحت وينچ عمة زينب باوعلي وانحن
رقية فوگ الناگة تبچي والهوادج غربن
واگفة گوة ع حيلي من البچي عيوني انعمن

عمة تاني ... واگفة بالباب أصيح
عمة تاني ... من المرض كلساع اطيح
عمة تاني ... صرختي تغير الريح

❥ـــــــــــــ❁🪶❁ـــــــــــــ❥
واثق الخفاجي

https://www.tg-me.com/mjals2

قناة نشر مجالس

زينب .. باجر يعمه نشرد منين
زينب .. تارس الهيمه دم الحسين
زينب .. باجر الخيمه تصير دخان
زينب .. والخيل اجتنه واحنه نسوان
وعيونج .. ماخايفه من الخيل والناس
بس خايفه .. يشوفونه ويغتاض عباس
باجر سبي .. وآل هاشم نومه
هيه عبي .. وزلم ترس الحومه
...
صاحوا .. يحسين ذني الخارجيات
صاحوا .. جا كوم كون احنه عزيزات
صاحوا .. لبسوا هدومك وانه فزيت
صاحوا .. واتبشرت عبالي رديت
ظلينه .. طرك العبايه وشدهة البال
وسكينه .. رجال يدفعهه عله رجال
والله فشل .. ماشيات برايهم
ومن العطش .. خاف نشرب مايهم
...
وينك .. عباس ظلت خيمه وحده
وينك .. لاتحترك وتصير شده
وينك .. كالولي ياهيه انتي ومنين
وينك .. كتلهم الماشافهه حسين
كالولي .. باجر غصب تمشين عالنوك
وانشالله .. يومين نفتر بيج بالسوك
فشله وعلي .. يمي توكف طايفه
وانه كبل .. يم علي ما واكفه
...
رايحه .. ماالك نيه تكوم وياي
رايحه .. يوجعني كلبي بنومتك هاي
رايحه .. محتاره والله منين احاجيك
رايحه .. اختك وتيهت العرف بيك
عبالي .. نام وكلت بالعافيه النوم
ثاريهه .. يحسين ظلت بس الهدوم
طشة خرز .. طشراك العاشر
عينك طفت .. عمت عين الحافر
....
باجر .. ديوان والوادم غريبه
باجر .. يحسين نوكف شيبه شيبه
باجر .. نبجيلهه من الكلب والعين
باجر .. وكفتنه بالديوان يحسين
ماراهمه .. ويانه يحجي الماعرفنه
يدرينه .. خدر وكلشي ولا شرفنه
ماتنكسر .. هيبة الشاهينه
بس القصر .. شاف طول سكينه
...
حالي .. متغير عله فراك وجهك
حالي .. رديت للبيت وذكرتك
حالي .. بالبيت والحسره ونستي
حالي .. وتشيب الوادم صفنتي
ما اشوفهه .. ترجع هذيج اللمه بالبيت
نتسابك .. جنه عله فك الباب لو جيت
عندك يظل .. هذا حال العاشكه
لو تنهظم .. لو تظل مفاركه
....
محمد الموسوي


https://www.tg-me.com/joinchat-AAAAAFBf2txHQa9wcTbdOg
قصائد قصائد مقروءه من قبل الرواديد المعروفين

قصيده للقاسم

ماهلهلن عماته
زفن العريس وبچن

زفن القاسم بلدمع
للمعركه عنهن طلع
ضمن الحنه والشمع
يتباچن مضيعاته

يتعازن بعرس الولد.
رمله كلبها ما برد
بل خيمه ساعه ما گعد
يتنازفن طبراته

ما فاد بجروحه دوه
عماته يتباچن سوه
عريس محروم الهوه
شم العذيبي فاته

محروم من شم العذب
يابس السانه والگلب
عريس وصوابه صعب
بگصته صواباته

قاسم صوابه بگصته
رمله تون وشافته
بل گوه يجذب ونته
ما تنگطع وناته

من يون جاسم يلچم
مصيوب جابه للخيم
حسين ناده للحرم
طفن بعد شمعاته

﴿ عماته عليه يونن ﴾

https://www.tg-me.com/mjals2

قناة نشر مجالس

ما اندل تره انه كربله وین
انه مدلله سويت يحسين
خویه اعثر بل نساوين
اذا طر الفجر اعثر بل نساوين

🔸🔸🔸🔸
ادورك وين كلي اليل مااشوف
اخاف امن الشمر كمت ازحف ازحوف
🔸🔸🔸🔸🔸
اخاف من الشمر يزمخ عليه
ويطكني اذا شربك اميه
حسين يصيح جيبيلي رقيه
خويه وداعتك بليل ما اشوف
🔸🔸🔸🔸🔸
اسحك علجمر وركض بهليل ماشوف
بس عندي حرم واطفال والخوف
كلبي يا ابن امي عليك ملهوف
کلوله تره يزمخ عليه
🔸🔸🔸🔸🔸
وصاني وصيه بليل ماطلع
اخافن يزعل العباس لويسمع
کلوله ابد ماشالت المقنع
اخاف من الشمر كمت ازحف ازحوف
🔸🔸🔸🔸

اخاف من الشمر يسحل عباتي
ويطكني ويرد يضرب خواتي
شنهي العطلك دكعد يغاتي
اخاف امن الشمر كمت ازحف از حوف
🔸🔸🔸🔸
جيتك ناحله من غصبن اعليه
امي شوصتك من ماتت اعليه
شافوني مره وعالووو اعليه
خويه وداعتك بليل ماشوف
🔸🔸🔸🔸🔸
ياهو الغاثج ياهو الوياج
الوعندي يمين انطي يمناي
خاف امن الشمر كمت ازحف از حوف
🔸🔸🔸🔸🔸
اسمعنه يكلي نطيني ميه
ياحسين الخو متروس حنيه
خويه وداعتك متروس حنيه
لايك
🔸🔸🔸🔸🔸
https://www.tg-me.com/mjals2

قناة نشر مجالس