قصيدة للسيدة زينب ع {كون مدفونه}

ابين اهلچ يزينب _كون مدفونه
مو بالشام وحدچ آه يمحزونه
❥❥❥❥ـــــــــــــ❁❁ـــــــــــــ❥❥❥
مو بالشام وحدچ اخوه مايمچ
سودة اعليه متي من كثر هظمچ
غريبة وبس بواچي والهظم سهمچ

عليچ الدنيه يأم الحزن مرجونه
❥❥❥❥ـــــــــــــ❁❁ـــــــــــــ❥❥❥
حزنچ من حزنه وداعت الزهره
علئ مصابچ ننوح وبالگلب جمره
جرحج بالگلب هيهات لو يبره

العازه بمجلس يالحره خيعونه
❥❥❥❥ـــــــــــــ❁❁ـــــــــــــ❥❥❥
العازه بمجلس خيعونه هالليله
دمعه من دمه يا زينب ايسيله
يواسي دمعتچ الضلت اهميله

طول ايام عمرچ آه يمحزونه
❥❥❥❥ـــــــــــــ❁❁ــــــــــــ❥❥❥
طول ايام عمرچ دمعتچ تجري
عليچ النوح يحله يابعد عمري
اريد انخاچ نخوه بالكبر مري

احلفنچ اريد ابداعت اعيونه
❥❥❥❥ـــــــــــــ❁❁ـــــــــــــ❥❥❥
احلفنچ اريد ابداعت الخوه
من النار اريدن وكفتچ تجوه
لتعوفيني وحدي بالكبر فدوه

وحشه ايضل يكبري من يعوفونه
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني

https://www.tg-me.com/+YYosLSOp1HtiYjYy

https://vm.tiktok.com/ZM6sEtTuc/

ابين اهلچ يزينب _كون مدفونه
مو بالشام وحدچ آه يمحزونه

من دیوان مسلوب العمامة ج 17 بقلم الشاعرة ام هجران العمارجية
فزاعية للكاظم ع

ها لطمه السبع بغداد،،، يمحبات شدنهه


للمسموم خلنهه
گومن خل نعازي امه
تون او تبچي بهضمه
ويفطر الصخر ونهه
*__

تفطر الصخر ونتهه
عازوها يشيعتهه
والشوغات كتلتهه
شيريد الدهر منهه

*__

من عدها الدهر شيريد
كل يوم وفجعها بحيد
مات الكاظم الصنديد
والزهره انگطع ضنهه

*___
صاحت يالولد يبني
يومك حيل شيبني
وجروحي يلجمني
تعميني من اشوفنهه
*____

غایب بالسجون اعوام
صاير بس جلد واعضام
اجروح البيك ماتلم
اجيت بدمعي اغسلنهه

**____
الك ونه وعراضه وبيرغ وهوسه
مو بس الضريح اترابك انبوسه
يم بابك و گفته انصیح یا موسه
اليوم ادخيلك صحنه / وعندك شجايه

*__
https://www.tg-me.com/+YYosLSOp1HtiYjYy

https://vm.tiktok.com/ZM6GtHcTA/


فزاعية للكاظم ع

ها لطمه السبع بغداد،،، يمحبات شدنهه

فزاعيه بدايتها نعي   للكاظم ع

تعال ابيرغك وانهض يشياله
الكاظم عالجسر محد تدناله
كوم بساع يمخوف العياله

نزلت الفزاعيه

عراضه  عالجسر   عباس  سويله
تعال ابيرغك   للكاظم   وشيله
..............
نحشمك ياسبع  للكاظم   اتعنه
ابيرغ  وبعراضه  شيع  المجنه 
نريد   اليوم   جفينك  يشيلنه
اسباع  وماتعدت  بيكم   العيله
..............
ليكم   ياسبع   ماوصلت علومه
ميت بالسجن والجبد مسمومه
نازع  وابومحمد  ماحضر يومه
مات  بهظمته  والمدمع  يسيله  
............
عليكم يجر ونه وسالت  دموعه
تمنه خوان وكت الموت مجموعه
ياعباس  حشم  الكسرو ضلوعه
كوم ادفن الكاظم والترب هيله
...............

سويله  عراضه وخل  يشيلونه
بهيبه   كاضي الكلفه  يشيعونه
يسباع  النعش  واجب تلحكونه
تمنيتك   ياكافل   تحضر  اليله
.............
تشوف  شلون بسم فتت افاده
مطروح  ويتاني فزعت الساده
العطاي المراد   اعتنت   وفاده 
كضاي الكلافه   دموم  تبجيله

✍أم زينب كربلاء غير مبري الذمه من ياخذ الكلام وينسبه له اويحذف الإسم

https://www.tg-me.com/+YYosLSOp1HtiYjYy 

https://vm.tiktok.com/ZM6WBKJ9J/

عراضه  عالجسر   عباس  سويله
تعال ابيرغك   للكاظم   وشيله

مربعه بقفل الهوسه للكاظم ع


اليوم اعله الولي شتكول معصومه
خل نلطم سوه للكاظم او يومه

بعد شتكول لو سمعت خبر عنه
وسفه حيف مالحكت على الونه
لو راح الحنين منين اجيبنه
شيعوض الراح من اعيوني

***

عمت عيني نحيل او رگدن اهدومه
روحه رايحه والجبده مسمومه
نايم بالسجن ومطول النومه
ها ويريد اهله ايدير اعيونه
****

يريد أهله ويدير العين هماله
لا يمه ولد لا حضرو اعياله
تابوت الغريب ايريد شياله
چا وین اولاده ايحضرونه

****

دربه بعيد واهله وين پلگونه
وهارون الرشید امشدد عيونه
من سجن سجن كامو يودونه
احا يالمات ابزنزانه

***
شيحمله السجن باب السجن ضلمه
يجر حسره اعله حسره وحاير بهمه
احا يالمات محروم الهوه وشمه
و نگطعت من اهله اخباره

****

ماكو أخبار عنه وضيعه الملعون
عمت عيني وكظتني حالت المسجون
ضل تابوت موسى عله الجسر مرهون
چا وین احبابه ایشیلونه

****

وين اليحضر التابوت ويشيله
بهیده بهيده لا يلجم مفاصيله
طبعات السلاسل هدمن حيله
خاف الدفانه ایلچمونه
****
الشاعرة أم رشا الناصري


https://www.tg-me.com/+YYosLSOp1HtiYjYy

https://vm.tiktok.com/ZM6WfMjoY/

اليوم اعله الولي شتكول معصومه
خل نلطم سوه للكاظم او يومه

https://vm.tiktok.com/ZM6THQcEx/

هلهولة للعباس 👏👏👏👏

https://vm.tiktok.com/ZM6EuPg7t/

هلا بشعبان يوم النور هلاله

قصيدة مربعة للأمام علي (ع)
ديوان المآسي الفاطميّة /ج ٣١


الليله وي أم عون،،،، خل نلطم سوه
بطبرت الكــرار ،،،،، مــافاد الـــدوه
ـــــــــــــــــــــــــــــــــــــــــــــــــــــ
مالگه الدكتور طيبه العلته
مالهه علاج ويعالج طبرته
اظنه ابو الحسنين ودع دنيته
والگلب هاليوم بوداعه انچوه
ــــــــــــــــــــــــــــــــــــــــــــــــــ
الليله خل نبچي ونون وياهه
وطبرت الكرار ضاع ادواهه
لطمت أم عون الخبر من جاهه
هذا ابوهه الاعز حتى امن الهوه
ـــــــــــــــــــــــــــــــــــــــــــــــــــ
غالي ابوها وشالع اصبـي عينها
التصرخ اوياهه عله حيدر وينها
اليوم محنيه وثچيل اونينها
انحنت يم الحيد والضلع التوه
ـــــــــــــــــــــــــــــــــــــــــــــــــ
اليوم محنيه وتدگ عالهامه
ياشهر رمضان سوده ايامه
حيل توجع لچت الوهامه
ضلمت دنياچ من راح الضوه
ـــــــــــــــــــــــــــــــــــــــــــــــــــ
اليلة زينب رايده العوانه
وياهه صيحن ياعلي مولانه
حيـدر بيوم الحشر يحمانه
واليون اعليه من چفه انروه
ــــــــــــــــــــــــــــ

✍أم زينب كربلاء غير مبري الذمه من ياخذ الكلام وينسبه له او يحذف الاسم

https://www.tg-me.com/+YYosLSOp1HtiYjYy
قناة نشر المجالس

https://vt.tiktok.com/ZSFCtQw7A/

الليله وي أم عون،،،، خل نلطم سوه

عزانه اليوم لصابوه بالهامه
للحمل وشال وعايف ايتامه
**
عزانه اليوم وي زينب الواليها
نون ونينها ونبحي البواجيها
ابوها محمل وبالهم امخليها
خلاها وحمل بضعونه
***
ظلت تنتحب مكسور خاطرها
منهو يا علي بخلافك ايمرها
زينب بعدك الدنيا تمرمرها
اتراويها اشكل الدنيا
**
شايل يا علي وعايف المهضومه
اكعد موشلك ياحيد هنومه
بكت بتك حزينه وحيل مالومه
يا واليها الزينب رد
****
ماتحمل هجر بتك يوالدها
واليها وذخرها وغيرك شعدها
واحنا اليوم اجيناها ونساعدها
انعازيها عشايل منها
*

نعازيها علفكدك ها يولينه
وي زينب اجينه وكنه عوانه
نعدل لطمته انكابل الحزنه
لمصابه الدك امكابل
***
الشاعرة نورس الحلفي

https://www.tg-me.com/+YYosLSOp1HtiYjYy
قناة نشر المجالس

https://vm.tiktok.com/ZMMPLrgDH/

عزانه اليوم لصابوه بالهامه
للحمل وشال وعايف ايتامه

فزاعية جنوبية لشجاعة ابا الفضل العباس ع


نزل عباس... للحومة ولعب بيهة
زلزل گاعهة وترعد امخليهة

شايل رايتة والسيف بيمينة
طب المعركة ويخزرهم بعينة
يصيح افديك روحي ياابو سكينة
(واشحدة / اليوصل لخيامي)

فنة ليوصل ويگربهن اخيامة
خلاها الجثث منثورة گدامة
گطاع الرگاب يشهدن ايامة
( ايعرفونة / ابن الكرار)

وارث من ابو هاي الفروسية
الموت يخاف من ضيغم الحربية
اجساد وروس عالتربان مرمية
(بأفعالة / تشهدلة الگاع)

تشهدلة ارضهة اليوم واسماها
وزينب بالكفلهة حگهة تتباها
تتنومس بخوها الزين وحماها
(اتزامط بي/ الكلة مروة)

امة مرضعتة غيرة وامروة
وبروحة يضحي لخاطر الخوة
لحسين واخيتة هالعمر فدوة
(يفديهم /عينة وچفينة)
-----------------------------------

*بقلم✍خادمة تراب الزهراء(ع) الكربلائية فاطمة علي صالح الحلفي*
*غير برئ الذمة امام الله والزهراء من يحذف الاسم والرابط او يأخذ من القصائد وينسبها له*
https://www.tg-me.com/+YYosLSOp1HtiYjYy

https://vt.tiktok.com/ZSYDcMAwY/

نزل عباس... للحومة ولعب بيهة
زلزل گاعهة وترعد امخليهة

دیوان دمعة سبية / ج ٢ للشاعرة هديل المياحي

"فزاعيه للوداع"

اليوم عيني ماتنام،،، للصبح سهرانه
*

اليوم وي زينب اضل
خلي دمعاتي تهل
حسين باجر ينكتل
ويخلصون خوانه
**
اليوم خل وني يزيد
واذكر حسين الشهيد
حسين مكطوع الوريد
براس گلبه الصابه

**

اليوم اللطم عالصدر
على محزوز النحر
ريت لا طر الفجر
لا يهل لا جانه

*

ريت لاطر الصبح
حسين باجر ينذبح
اليوم دمعي منسفح
انصيح يامولانه
***

الليل ياليل الحزن
حگهن ادموعي جرن
هاي ليله ام المحن
بس حزن يلفانه
***
الملة ممنونه تضل
للمدامعهه تهل
للغريب بلا غسل
ما يفل اعزانه
*
اگعد لعضيدك داست / صدره الخياله اتصيح ادخيلك ريض لا تقطع راسه

https://www.tg-me.com/mjals2

قناة نشر مجالس

زينب للحرم وصّت وصيه
عبيچن بالدرب شدّنهه بيه
اسمعن ياخواتي .. ترهبهم عباتي
عبيچن بالدرب شدّنهه بيه
*
باچر لو مشينه بحضرة الناس
غيمتچن اصير وامطر احساس
باچر لاتدنگن شيلن الراس
لو سار الضعن شوفني عباس
..................
شمّات الخلگ لتهملن العين
باچر بالدرب زينبچن حسين
تشبههم صفاتي .. ترهبهم عباتي
عبيچن بالدرب شدنهه بيه
*
لو جابو ضعنه على المچاتيل
لتخافن ابد لو شفتن الخيل
اذا همّه ابرهه وخيولهم فيل
ابابيل وصبرنه يصير سجّيل
...................
كعبه نصير وشحدهم يمرون
عبينه استارنه ويعميهه العيون
اراويهم ثباتي .. ترهبهم عباتي
عبيچن بالدرب شدنهه بيه
*
حتماً عالفرات نمر عالبدور
لتسمعن اخوتي عتاب عاشور
من ظهر الهزل للكافل نزور
ماقصّرت ابد ونگله مشكور
.................
لو گادو ضعنه يم عضيدي
امشي بهيبتي والرايه بيدي
لاتهتم يغاتي .. ترهبهم عباتي
عبيچن بالدرب شدنهه بيه
*
لو حمّل ضعنّه وسارت النوگ
عبينه بس شرف مابيهن شگوگ
ولو عمداً خذونه لزحمة السوگ
من نمشي بكرامه نسكت الحلوگ
..................
باچر ياخواتي هواي شمات
من تمشن سويه رتلن آيات
قسم بالذارياتِ .. ترهبهم عباتي
عبيچن بالدرب شدنهه بيه
*
اصبرن لو تدور علينه الايام
رحلتنه طويله ونوصل الشام
لو صاحو علينه وين الازلام
گدام آل اميه رفعن الهام
.................
شيلن روسجن غصباً عالجراح
مثل شيلة الروس بعالي الرماح
من شافو صلاتي .. ترهبهم عباتي
عبيچن بالدرب شدنهه بيه
*
باچر لو نطب قصر الملاعين
مجبوره صرت ادخل دواوين
احبسنهه خواتي دمعة العين
باچر كون انصر ثورة حسين
..................
كون يزيد اذله وما اهابه
من حيدر خذت فن الخطابه
ياقصة حياتي .. ترهبهم عباتي
عبيچن بالدرب شدنهه بيه
*
سيد علي المدني


https://www.tg-me.com/mjals2

قناة نشر مجالس