فزاعيه. وقفلها هوسه
لوفاة السيده زينب ع



تون اليوم. زينب وين اهاليها
ميته بالغرب شو مادرو بيها


تون الغاليه محد اجه يمها
لاواحد يواسها و يكلمها
مكان الراس حيل الحره المها

(بمصاب حسين يذكروها )



تتذكر على خيها شجره والصار
مهظومه عليه والكلب يلهب نار
فوك الضيم والالام والاكدار

(بحسين وراسه يفجعوها)



اجت يمها المنيه ومحد وياها
ياوسفه الزمن بالغربه وازاها
اجت ليها المنيه ووين رجواها

(وتريد احباب يدفنوها )



؛
تريد حسين واخوانه يحضرون
يشيلون النعش ليها ويشيعون
ياوسفه تموت مغربه ام عون

(والغربه شلون يدفنوها)



يدفنون الحنينه شلون الاغراب
هاي ام خدره وبت داحي الباب
ضل بس الدمع عالوجنه سجاب

(جاليش الغربه الشالوها)




عمت عيني على بت الميامين
لايمها حضر عباس وحسين
ضلت ناحله والدمعه بالعين


(وتريد اخوتها يودعوها)


ام زينب السعداوي. ناصريه

https://www.tg-me.com/+YYosLSOp1HtiYjYy

https://vm.tiktok.com/ZM6Q9Kd5k/
فزاعيه. وقفلها هوسه
لوفاة السيده زينب ع

#قصيده تجليبه للأمام العباس عليه السلام🍃🚩🍃

جيبو بيرغ العباس بمتوني اشدنه
عجز مني الطبيب وجيت اكصدنه
🚩🚩🚩🚩🚩🚩
جيبو بيرغه ولرايه عكدوهه
خل تنخه التريد مراد ينطوهه
وحلفوه بخدر زينب وشدوهه
ينطي مراد عاجل بس ندبنه
🚩🚩🚩🚩🚩🚩
ينطي مراد ولله ولنعم منه
اسد حيدر علي الكرار المجنه
بطل ومخيف وتخاف الزلم منه
معرف بل شجعاعه من صغر سنه
🚩🚩🚩🚩🚩🚩
شجاعه ومرجله ولغيره حربيه
نعم هذا الشبل ابنج يبدويه
سطرهه الركاب تنومسي بيه
خله الكاع حمره بدم بني ميه
🚩🚩🚩🚩🚩🚩
اريد انخاك ولونات اجربيه
وبسم ام البنين اليله امشيه
تفرج هموم لبكلبي يوليه
حرت ياباب اكصد اله وتعنه
🚩🚩🚩🚩🚩🚩
عندي مشكله وتحيرت بيه
حرت مولاي المن اتجه بيه
كالولي كمر عدنان يكظيه
كفو ونعمين باسمه الحاجه مكظيه
🚩🚩🚩🚩🚩🚩
جارت دنيتي وهمومنه هوايه
بس انتو الوسيله ولله الغايه
تدعولي بفرج عاجل يوفايه
كل غركانه بذنوبه تنجونه
🚩🚩🚩🚩🚩🚩

#تمت✍
الشاعره : اسيره الاحزان💔
مريم العبوديه


https://www.tg-me.com/+YYosLSOp1HtiYjYy

https://vm.tiktok.com/ZM6Ca4J1M/
جيبو بيرغ العباس بمتوني اشدنه

كلمات الشاعرة أم هجران العمارجية

للبطل وديت خط اعتابي
لیش نايم ما حضر بمصابي
*

للبطل وديت خطي ودمعتي
ردته بس ايشيل بيده اجنازتي
يا مصيبه وما مثلها مصيبتي
ولا مثل همي ولا دولابي
*
لامثل ضيمي ولا هم جبير
ضلت اعيوني لبو فاضل تدير
وماكو عد البين ذمه ولا ضمير
صوباني وما يطيب اصوابي
****

صوباني اصواب بضلوعي الدهر
عيني مشبوحه وتصد اعله النهر
ويه اخوتي اليوم مشتهيه السمر
وينهم اخلهم يجون احبابي

*
وينهم اخلهم يجون من الحرب
حیل مشتاگه ويحن ضل الكلب
عيني مشبوحه وتصد اعله الدرب
لا رجع عباس لا دك بابي
**

لا رجع عباس لا عني سأل
کون نتلاكه ونلم ذاك الشمل
يا حسافه اعله النهر تالي انكتل
وبالدموع امبللات اثيابي

****

من دمع عيني الثياب امبلله
كون يدفني العليل بكربله
حتى ابو اليمه يكلي ياهله
يشيل تابوتي ويهيل اترابي

*

يحفر اترابي ويوسدني الغريب
اشلون اشوف اصواب دلالي يطيب للنوايب نار بفادي ولهيب
والمصايب قسمتي وكتابي
****
https://www.tg-me.com/+YYosLSOp1HtiYjYy

https://vm.tiktok.com/ZM6CvEG38/
للبطل وديت خط اعتابي
لیش نايم ما حضر بمصابي

الدكتور العلل يانا س

جيت اليوم شچايه

جيت اليوم يالكاظم
ودمعي عالوجن ساجم
اسمع صرخه الوادم
اتنوح او ليك عنايه


اجتك هالمسه الشبان
وتقرالك شعار الوان
هليله كدر واحزان
تگول او شايله الرايه


رايه عمك العباس
جابوها تراها الناس
يالمثلك فلا ينقاس
او جوك اليوم مشايه




مشايه الدموع اتسيل
ماتعرف نهار او ليل
تسرع ليك حيل حيل
وتبقه ليك وفايه


اجيتك ياشهم اني
ابجي وشايله احزاني
دهري اهواي اذاني
لا ماانصف او يايه


الكاظم يااسد بغداد
جيتك عندي انه امراد
اريدك تحفظ الويلاد
وكل الحظرتك جايه


واريدنك تشافيني
يالكاظم يضي عيني
دهري حيل ماذيني
هايه طلبتي هايه



تمت بحول الله وقوته
اهدي عملي هذا الى الحجه عج

العلويه ام غيث الالذبحاوي


https://www.tg-me.com/+YYosLSOp1HtiYjYy
قناة نشر المجالس

https://vm.tiktok.com/ZM6XXVqkJ/

الدكتور العلل ياناس
جيت اليوم شچايه

#الفزاعيه_بديوان_أقل_الوفاء_في_مصائب_كربلاء_الجزء_٢٩_.


فزاعيه للأمام الكاظم عليه السلام


وين ابو الرضا هاليوم
للشدات يكضيهه
❥━──➸➽❥💔❥━──➸➽❥💔
كل شده بكت يمه
ايحلهه صاحب الهمه
بجاه ابو الرضا اوسمه
ولا مايعتذر بيهه
❥━──➸➽❥💔❥━──➸➽❥💔
يكضي حاجت المظلوم
وبجاه الرضا المسموم
يا باب الكرم هاليوم
حاشا ماتخليهه
❥━──➸➽❥💔❥━──➸➽❥💔
وينه حاضر الشده
والمات بسجن وحده
احلفه بالحسن جده
الكل حره انته واليهه
❥━──➸➽❥💔❥━──➸➽❥💔
للمسموم اريد انخاه
عندي مشكله اترجاه
يحلهه ابو الرضا بيمناه
والعله يشافيهه
❥━──➸➽❥💔❥━──➸➽❥💔
اندبنه واريد امراد
اطلبه من سبع بغداد
يحفض جمله الأولاد
امنلعدوان يحميهه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/+YYosLSOp1HtiYjYy
قناة نشر المجالس

https://vm.tiktok.com/ZM6XVF5av/

وين ابو الرضا هاليوم
للشدات يكضيهه

https://vm.tiktok.com/ZM6xEuMXB/

فزاعيه حول استشهاد الإمام الكاظم
عمامه عله الجسر      چاوين راعيهه

القصيده للمله ام هجران العمارجيه دیوان مسلوب العمامه الجزء السابع عشر


القصيده اشلون اعوفن عمتي،،وعنها شكل السكينه

لوبيدي اضل وياهه
واشلون ارد و انساهه
وتنوح سكنه الكاهه
بلوه الدهر بالينا
**

كل يوم يفجعنه الدهر
لاخله حيل ولا ضهر
للحومه اصد وللنهر
وعمي البطل جاوينه
***
جاوين سبع الكنطره
ضليت وحدي مادره
ماتت غريبه الطاهرة
وماشالها ابجفينه
****
جناز بيها رادته
عوف الشريعه نادته
يا حيف طبرو هامته
والسهم طشر عينه
*
ممروده عينه بالسهم
ماغطه زينب بالعلم
بكلوبنه اصواب والم
وردناه يفزع لينه
****
ردناه يفزع ما فزع
وبكربله نام السبع
ذاك الشمل ما ينجمع
وفلت العشره الزينه
****
https://www.tg-me.com/+YYosLSOp1HtiYjYy

https://vm.tiktok.com/ZM64swthB/

اشلون اعوفن عمتي

گومي وياي خل نلطم على أم عون
بدرب الشام مطروحه یگولون
***

گومي وياي خلينه انتعازه
بدرب الشام مطروحه الحنازه
صدگ یا عازت الخوان عازه
اليوم اتريدهم زينب يحضرون //

اليوم اتريدهم يمشون بيها
دگومي وياي خل نلطم عليها
محد غمضاهه ومد اديها
مهضومه وغريبه ادير العيون //

ودارت عينها للغاضريه
بدرب الشام وازتها المنيه
وين اليوم عباس الشفيه
شلون اينام سبع الكنطره اشلون //

شلون اتنام عينه وموش اله النوم
خل ينصب عراضه بزینب یگوم
ماتت بالدرب والحيل مهضوم
محد شيعاهه وگال ممنون //

محد شيعاهه ولا حضرهه
أبو السجاد مازتمه الكبرها
ماتت من مصايبها وقهرهه
وضيم المر عليها يعجز الكون //

ضيم المر عليها يهدم اجبال
الطمي والطم ميدان والبال
تريد حسين للتابوت شيال
وعباس اليباري النعش بالهون //

تريده ويالنعش عباس دفان
وتكضي الروح ياعزت الخوان
بیش ایشیلها الماعنده ذرعان
اجفوفه مگطعه ماعنده امتون //

ديوان جبل الصبر الجزء / الأول بقلم الشاعره المله أم هجران العمارحيه

https://www.tg-me.com/+YYosLSOp1HtiYjYy
قناة نشر المجالس

https://vm.tiktok.com/ZM6VpXGsf/

گومي وياي خل نلطم على أم عون
بدرب الشام مطروحه یگولون

https://vm.tiktok.com/ZM6qTnmWH/

متباركين
لايك مشاركه

فزاعيه للسيدة زينب ع{العلوية تون}🔥

العلوية تون گـوم الحگ اعليها
بعازة يالگمـــــــــــر لا لا تخليها
❥❥❥❥ـــــــــــــ❁❁ـــــــــــــ❥❥❥❥
ياكـــــــفالها گــــوم الحگ اعليها
الحگ شوف زينب شنو الماذيها
ماهـــــــــــود دمعها ولا نواعيها

معتازه// جفك يالكافل
❥❥❥❥ـــــــــــــ❁❁ـــــــــــــ❥❥❥❥
معتازه تجـــــيها تـزت الجـنازه
حكه يالگــــلب عالعتب يتوازه
راد اليوم يحضه بشوفة اعزازه

تخليها // عباس شلون
❥❥❥❥ـــــــــــــ❁❁ـــــــــــــ❥❥❥❥
ياعباس زيــنب ضلت بحيره
تگول شعطلك يا منبع الغيره
حارت يا وجهه المـــن اديره

تعبانه // صاحتلك وينك
❥❥❥❥ـــــــــــــ❁❁ـــــــــــــ❥❥❥❥
تعبانه العــــقيله تريـدك الليله
من ادموم اه يالمـدمع تسـيله
بعد مابيه احمل يالاخو الميله

حاجيني // عباس ادخيلك
❥❥❥❥ـــــــــــــ❁❁ـــــــــــــ❥❥❥❥
ادخيلك لا تضل ساكت يعباسي
لفت ليه المنيه نكطعت انفاسي
عجب تنساني ماضنك انه ناسي

تنساني // ماصدگ تغفه
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني

https://www.tg-me.com/+YYosLSOp1HtiYjYy

https://vm.tiktok.com/ZM6gDoWWG/

فزاعيه للسيدة زينب ع{العلوية تون}

قصيده للامام الكاضم ع{حشمت الهواشم}

حشمت الهواشـم ليش ماجوني
مسموم وغريب شلون عافوني
❥❥❥❥ـــــــــــــ❁❁ـــــــــــــ❥❥❥❥
حشمت الهواشم وانه بتابوتي
ميت بالسجن ماحضروا بموتي
صحت اه يالاهل محد سمع صوتي

مخليني // بديرة غربه
❥❥❥❥ـــــــــــــ❁❁ـــــــــــــ❥❥❥
مشموره الجنازه تريد شياله
عشت عمري بسجن والدمعه هماله
الميت بالسجن بله شنو حاله

يدموعه // ميت ويهلن
❥❥❥❥ـــــــــــــ❁❁ـــــــــــــ❥❥❥❥
نايم يالكفيل وياهو اليكعدة
جا حاضر اعرفه بساعة الشدة
شهم عباس ياهنيال بي لحدة

يسمونه // رهاب الطف
❥❥❥❥ـــــــــــــ❁❁ـــــــــــــ❥❥❥❥
معتاز الهواشم كلهم الليله
ابنكم ياهلي بالسم ركد حيله
عالوا بيه عالوا واحنه اهل عيله

يسموني // بالسم شلون
❥❥❥❥ـــــــــــــ❁❁ـــــــــــــ❥❥❥❥
هذا اخر عتب بالروح يحبابي
مابياش اعاتب اخر اعتابي
چتال الفراگ النزف اصوابي

مشتاگ الكم // اه يحبابي
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني

https://www.tg-me.com/+YYosLSOp1HtiYjYy

https://vm.tiktok.com/ZM6pJrB9o/

حشمت الهواشـم ليش ماجوني
مسموم وغريب شلون عافوني