للعليله
..
عفتني لوحشة الدار
وادوّر بالهوه اخبار
عليك شصار ما صار .. بويه بويه
علي لو صار الغروب
اطش عيني اعله الدروب
دخيلك دزلي مكتوب .. بويه بويه
...
انه وجرح الوكت واحلامي الازغار
وگفت بدرب جيتكم مناره
صرت مثل الشمع وافراگكم نار
وليل الفرگه يكتل بنتظاره
ادور ضعونكم
دخيل اعيونكم
وخبر ما جاني
يگلي اشلونكم

عليكم تسأل العين
وناشد وين ما وين
يموت الفارگ حسين .. بويه بويه

بدمع عيني توضيت
وصلاة الغربه صليت
هلالك عني محجوب ..بويه بويه
...
نزل بالدار بعدك وحي السكوت
الجنه بغير وجهك ما هي جنه
تره كلمة وداعاً بالاصل موت
گلتها ومتت بعدك ونه ونه

الهجر بحساسي
يشيب راسي
هو احتاجيتك
يبعد انفاسي

لحنانك گلبي مشتاگ
تعال وكافي الفراگ
المدينه احله من العْراگ .. بويه بويه

مشيت وحالي مو ذاك
ذبلت بصيف فرگاك
يموت العافه محبوب .. بويه بويه
...
لباب ام البنين بدمعي حنيت
وطلبت مراد منها بلكت تعود
طلعت تِلَگتني وبيها شميت
ريحة چف گمر ومفارگ الجود

گعدنه اثنينه
شكثر ونينه
على هجرانك
بعد ما بينه

التقينه ابيت الاحزان
وگعدنه نقره قران
وجهنه لكربله چان
بويه .. بويه
بچينه بعدك اعيون
ودمعنه ابيض اللون
ييوسف صرنه يعگوب .. بويه بويه
....
يبويه الراح عنها واحد تنوح
وانه اثمنطعش واحد راح عني
اشوفن باب گلبي لحزني مفتوح
الحزن گام ايتداين حزن مني
عليله وصيحْتي
يبعد ارويحتي
يباب جروحي
بعتبتك طيحتي

دگلي ابيش ارتاح
وضعنكم للغرب راح
تعب صوتي من الصياح .. بويه بويه
ولا انسه المثل گال
وداع الغالي چتال
زغيره اوجهي متعوب .. بويه بويه
....
چان الوكت سكته وصاح جبريل
بعد ما خلصت وكت الظهيره
صدر حسين ملعب صار للخيل
وزينب تلم بضلوعه الكسيره
السهام بصدره
اطلعت من اظهره
واشوفن زينب
تقبله بنحره

وعله التل عمتي اتصيح
ونداها جابته الريح
خيمكم راحت اتطيح .. بويه بويه
وبنات العرش واللوح
سبايا بعدك اتروح
واجه دور السبي النوب .. بويه بويه
...
خادم الحسين ( عليه السلام)
كرار حسين الكربلائي
( ابو كميل)

كعدة

▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁


#كعدة

بويه يحسين ترد ليه ابسلامه دمع العيون يخط عالخد علامه
وحدي راح ابكه عليله والعليل اشيكظي ليله
ابعلته محتار وليله ما ينامه بويه يحسين ترد ليه ابسلامه
--------------------------------------------------------------
صوت من ارض المدينه من صدى النيبه نسمعه
من طلع ظعن ابو اليمه من دياره اشلون طلعه
وكفــت الطفله العليله رايـــده الوالد تودعه
نادت تريض يا ابه
صابت دليلي النايبه
اقسملك ابحق الربه وبظلع فاطمه البضعه
حيلي مهدوم عله افراكك يغالي وكلبي ما بيه هظم سهر الليالي
روحتك كلفه عليه يالوجودك ظل اليه
شجره آمال وانه مثل الحمامه بويه يحسين ترد ليه ابسلامه
---------------------------------------------------------------
يلي ماشي بهالضعينه امودع ا ابربنه ونبيه
روح واخذ اوياك روحي ومن ترد اترد اليه
وجسمي خليه ابونينه نايم ابحجر المـنــيــه
ابدارك بده ايوشل العمر
ما يمي ظل غير الصبر
لاوين راح ابكه انتظر وغيبتك تصعب عليه
روح ويـــاك اخــذ حيـلي ودليلي وعوف وياي هموم اتواسي ليلي
والالم ويــه الاذيه اثنين واتفقن عليه
صارت الآه تغطي الابتسامه بويه يحسين ترد ليه ابسلامه
-------------------------------------------------------------------

بويه يالساكن دليلي اشلون اعيش ابلا دليلي
بويه وانته الحيل بيه ومن تروح ايروح حيلي
بويه من تبعد عليه عالوجن يكتب مسيلي
يالساكن اصبي البصر
يالماشي عني ابهالسفر
لا تكطع اوياي الخبر خلّي اخبارك تجيلي
بويه ارجاك فلا تكطع وصالك دزلي مرسال واشرح بيه حالك
بويه راح انطر جوابك وابكه منتظره اعله بابك
بلجن اردود تشع شمس الامامه بويه يحسين ترد ليه ابسلامه
------------------------------------------------------------------
بويه راح اتنه اعله بابك ما امـلّـن انتظاري
واكعد اتخيــل ظعيـنـه راده وياك الدياري
وآنه وي هالحسبه اهيمن صافنه ليلي ونهاري
كل صفنه ترسم جم جرح
ابهاي الجروح اشيتضح
جنـــي اشوفــك منــذبــح ودمك اعله الكاع جاري
جني اشوفك طريح اعله الوطيه وصدرك اتجول عليه خيل آل اميه
وجثّتك جنها سليبه هلله هلله اشهالمصيبه
اخلافك الروح تعض اصبع ندامه بويه يحسين ترد ليه ابسلامه
---------------------------------------------------------------------
خادم اهل البيت عليهم السلام عمار العيساوي


✿

يالخذت كل امنياتي دعوتي وهيبة صلاتي
بعت عمري واشتريت
ريحتك لمن مشيت
بويه يحسين
.........................................
يالخذت وياك كلشي وانتضر منك جواب
وزعت دمعات عيني الجيتك بويه ثواب
آنه طفله وهم عليله وييني اوين العذاب
فدوه أرجع بويه ليه والله ذابحني الغياب
ذكره ذكره اتصفحتها صورتك لاما شفتها
آنه واجروحي نعيت
ريحتك لمن مشيت
بويه يحسين
.................................................
ويه ريح الهاب اودي جلمه وحده ماترد
خايفه ومحتاجه حضنك بويه كاتلني البرد
من يمر الليل طيفك يوصل البابي ويرد
كمت اسولف ويه روحي واقره ياروحي الحمد
ميته وشوكك حياني اليا وكت ابقى اتاني
آه لو تدري شبجيت
ريحتك لمن مشيت
بويه يحسين
.............................................
اباب بيتي رايحه اكعد وانتضر نورك يشع
الطفله من تبجي اعله ابوها تبتسم وتصب دمع
خضر بخدي حنانك خايفه لا ينكطع
لحضه لو ترجعلي بويه لشعل العشره شمع
يا حسافه ويا هضيمه بويه احس روحي يتيمه
الموت اجاني وما اجيت
ريحتك لمن مشيت
بويه يحسن
...............................................
يوسف امن اغيابه طول ودى للوالد خبر
القميص وخله عطره حتى يرجعله النضر
فدوه وديلي حنانك مو ترى كلبي انكسر
عايشه والحمد لله امشي محنية ضهر
حايره والحيره حيره لا اهل عندي وعشيره
بويه من بعدك عميت
ريحتك لمن مشيت
بويه يحسين
..................................................
اتفكدت حيطان بيتي غرفه غرفه اتفكدت
جنت مرعوبه وشعوري من على طولي طحت
استنشقت نفحة عبيرك انتعش كلبي وكمت
عاينت خالي مكانك هسه بويه أيست
خايفه والبيت وحشه ويه نعشك شال نعشه
روحي ذبلت وانتهيت
ريحتك لمن مشيت
بويه يحسين
...............................................
خادم خدمة الحسين
الشاعر
محمد الموالي

نعي الليلة الثالثة من محرم العليلة

مرض وفراگ صارن ذني بيه
حملت بعد الابو وعلتي سويه
خذو كلشي وبگيت اصفگ بديه
شگد مشتــاگه لسوالف رقيه
الليالي ويه الاخت چانت زهيه
خالي فراشها سوده علـــيه
هنا گعدت هنا ضحكت إليه
أويلي اعله المشت للغاضريه
زغيرة وخاف ماتحمل أذيه
رحت فدوه لخيتي الهاشميه

ــــــــــــــ

گلبي من الونين انگطع ـ بته
وعليك الليل بالآهــات ـ بته
حملت افراگ ابوي وبُعُد ـ بته
رقيه الجنت انيمها اعله اديه
ـــــــــــــــ

مهدي عبد الحسين التقي

قصائد العليله 👆

ميمر في حق ام البنين
.............
طلعت تنادي ام عباس ومن الحزن محنيه
راحت بنيني البيها چنت ارفع راس
آنه الحزينه ام الگمر يا هلناس
دمعي وحسرتي اعله الحسين وعباس
گلبي خلص من النوح راحت هلي امنديه
.............
گامت توصي والدمع عالخدين
يولادي طيحو بالحرب گبل احسين
يا گمر هاشم انته ضحي الچفين
خل جثتك راعي الجود يم النهر مرميه
..................
ربيتك ويومك وصل يمشكر
واعرف وگفتك بالحرب موت احمر
زينب امانه بشاربك بت حيدر
رف العلم يم زينب وانته العلم راعيه
................
ناداها عد عينچ ييمه ابعبره
تتدلل ابزودي العقيله الحره
خل يرتفع راسچ امام الزهره
ياييمه حين اتسمعين چثت الگمر مدميه
..............
نادته اعرفك يا عزيزي الغالي
بيك اكسبت يا ابوالفضل آمالي
وآنه ابوجودك راسي صبح عالي
مابطل اعليك النوح وابچي ابحزن يوميه
...................
خادم الحسين
سيدرضا البوشوكه

بين العباس وام البنين ع

يعباس .. عينك أعله زينب
ــــــــــــــــــــــــــــــــــــــ
امبلّل ابماي يوفّاي علي انطاك العلم
حته بالطيف نده بصيف تنگّـط عالخيم

اخلس الحومه خلس ياثگيـل السطره
كون تسمعهه ترن من تذب الابـــره

يعباس .. اعطــش ولتشرب
يعباس .. عينك أعله زينب
ــــــــــــــــــــــــــــــــــــــ
راسك الحار اذا فار جهنم تنچوي
اتزلزل الگاع والاسباع رگبهم تنلوي

والگرب صوب الخيم يوگع ابزلزالك
امك آنه وافتخر ياسبـع بأفعالك

يعباس .. نـار أريدك تنصب
يعباس .. عينك أعله زينب
ــــــــــــــــــــــــــــــــــــــ
همه سبعيـن والاحسين يعرفك هم سبع
عالخيم ذوب يمحبوب وأخذ دور الشمع

اتداين أمن الله الشته وذبه وسط الهيمه
لاتخلّي الحرْ يجي ويجوي ظهر الخيمه

يعباس .. والرمـل لا يلهب
يعباس .. عينك أعله زينب
ــــــــــــــــــــــــــــــــــــــ
ازعل ودوس عله الروس لأجل بنت النبي
واگلب الشام عله الشام اذا گالو سبي

الهاشمي ايحرگه حرگ الزعـل لو جاسه
وعلي گالو غيرته اندارت ابعبــاسه

يعباس .. وللوفه انتـــه الرب
يعباس .. عينك أعله زينب
ــــــــــــــــــــــــــــــــــــــ
يبـني عبّاس عله الراس احطنك چنت
وافتخر بيك واصلّيك فرض لو أذّنت

كثرتلك بالـوفه اكثر أمن اخوانك
لان گـلّالي علي عن گطع ذرعانك

يعباس .. يبن شـــاطر مرحب
يعباس .. عينك أعله زينب
ــــــــــــــــــــــــــــــــــــــ
عالضعن دور يناطور مثل نجمه بسمه
واحرس احجاب الاحباب ودايـع فاطمه

من تضحّي بهـامتك هامتي اتعليهه
المهدي عاشگ رايتك عالنهر خليهه

يعباس .. المهدي يومه گرّب
يعباس .. عينك أعله زينب


محمد الجماسي

محـرم 1443هـ

( ام البنين ع )

ضحيتلك ولدي اربعـه .. تاليك جـثه مگـطعه
لبالي سالـم ترجـع .. لنـك وذر بالمصرع
……………………………
ربـيت ولـدي الاربعـه الخـدمتـك والحـبك
وغذيتهم غيره ووفه يموتون كون بدربك
يحسين علمت الولـد يرحون فدوه الگلبك
خالقـهم الله النصرتك هيچـي ارادت ربك

انطاني ربك منزله .. لجلك اضحي بكربله
فدوه بنيني الاربع .. لنك وذر بالمصرع
……………………………
وصيتـهم گبل السفر يبيضون وجـهي عـندك
يلـزمون ظـهرك بالحـرب ممنوع تبقـه لوحدك
ناس الي طلبت نصرتك بالكوفه تصبح ضدك
يخـونـوك ادري بكربلـه الخـانـو ابـوك وجـدك

وصيت يحسين الولـد .. للموت لجلك تستعـد
بالخطر چنت اتوقع .. لنك وذر بالمصرع
……………………………
وصيت ابني وهـيبتي عـباس غيرت حـيدر
للمـوت گـتلـه بكـربلـه دون الحـسين اتحـظر
ويايمـه ابـشـري گـال الي افديـه بهذا المنحر
مادام اشم اني الهوه عله حسين محد يجسر

وادري الگمر گول وفعل .. هذا النفل وابن النفل
عله اطباع ابوه امطبع .. لنك وذر بالمصرع
……………………………
ولن الخبر من كربله جـابه بن حذلم ينعه
يا اهل يثـرب فاجعـه تحضرولـها بالدمعـه
ابكربله حسين انذبح وذبحو اخوته وربعه
تمنيت اناْ بهذا الخبر طمتني كـون السبعه

هد حيلي يحسين الخبر .. گالولي ضل جسمك وذر
معقوله هذا الاسمع .. لنك وذر بالمصرع
……………………………

تمنيت ميته ولا اجـه بهـذا الخـبر بـن حـذلم
مذبوح راسك من گـفه والگـاع فاضت بالدم
وصدرك حوافر سحگته بخيل اعوجيه تهشم
هذا الاسمعنـه صدگ لـو وهـم لــو اني احـلم

يحسن من عگب الذبح .. راسك يشيلونه برمح
وفوگ الثره اموزع .. لنك وذر بالمصرع
……………………………

ذبحـوك يابعـد الگـلب وزينب مشـو يسبـوها
بالنـار يحسين العــده خـيام الستر حرگـوها
وسكينه چتفوها بحبل شماصاحت يضربوها
وبنتك رقيه عله الجمر حافي شكثر ركضوها

حرگوها يحسين الخيم .. وچتفوها كل ذيچ الحرم
وماصح ولي الهن يفزع .. لنك وذر بالمصرع

الشاعر عقيل الحسناوي..

قصيده بحق ام البنين ع
------------------------

ام البنين تصيح والدمعه بالعـيـن
انه وبنيني شلون مانفدي لحسين
----------------------
اربـع اشـبـول حـيـود مــن كـبـرتهـــم
ينصرون ابـو السجاد بالطـف ردتهــم
الهل موقف وهل يوم انه اذخــرتهـــم
مطلوبه للــزهـراء يـولادي هـالـديــن
-----------------------
ديــن بـــرگـبـتـي شـلــــون لازم ارده
للزهـره هــا يــولاد خـــلـونــي اســده
لاتـتـركــون حسيـن بـالحـومه وحــده
اعـرفـكـم انتـو سباع انـتـم يطيـبـيـــن
-------------------------
عبد الله جعفر عـون صاحت يهل لناس
ويلادي والنعـمـيــن يـا رفعــت الـراس
والاغله من الروح والشمعـه عـبــاس
سمعـو وصيتي زين خاف انتو ناسين
-----------------------
ضحوله فـدوه الروح يـولادي وحموه
بالحـومه وحـده حسيـن لا لا تخـلـوه
والعـمــر للـمـظـلـوم لمـن تـقـدمــــوه
لأمكم فخـر يــولاد بالعــزه مـاشـيــــن
---------------------

عـندي بعـد عـبـاس هــاي الوصـيـــه
زيـنـب تظـل بحـمــاك بـالـغـاضـريـــه
بـيــدك امانـه تصـيـر مــن الـــزچـيـه
توصل عـزيـزه ويـاك فخـر النساوين
--------------------------
ويـاك امـانـه تـروح زينب والعـيــال
لتـقـصـر وحاشاك وبأصعــب الحـال
يايمه ياعـبـاس خاف السفـر طــــال
تبقه وتظل بحماك حـتى الصواويـن
---------------------
ظـلـت تون وتـنـوح بــرض المدينـه
ام البنين هـنـاك تبچـي وحــزيــنـــه
ماتدري طاح شلون حامي الضعينه
ومنفصل راس حسين عن جسمه نصين





الشاعر السيد رياض الرسل الجابري

بحرگه ابچن يالعيون
هلي ما ظن يردون
واكتبيها رساله بعمر السنين
المرض ما يمنع اليبچي عله احسين
...
جدامي من راح الضعن طلعن بنات عيوني
عافوني اني ودمعتي والغربه باگت لوني
الخافو علي من كربله بچم كربله خلوني
بفراگهم مية ذبح مية سبي راووني

السبي مو الا عالنوگ
تره مثل السبي الشوگ
ومثل شوفي الدموع معاشره العين
المرض ما يمنع اليبچي عله احسين
...
گالو عليله والدمع ياذيچ من تبچينه
گلتلهم العنده بخت لحسين تهمل عينه
يا ناس خليت البچي مرسال بيني وبينه
يا مرض يمنع دمعته العطشان مات حسينه

بعلتي وعيني متنام
وأَنه ابچي اعله الخيام
وسط گلبي شلت جمرة صواوين
المرض ما يمنع اليبچي عله احسين
....
آنه بمحرم وبصفر ما فارگت دمعاتي
شهرين باعدني الوكت عن اخوتي وعماتي
ابعيده المسافه بس گلت جرح الحسين بذاتي
يوميه انصبله عزه وما بطلت آهاتي

لنحر الما شرب ماي
بچه حتى الهوه وياي
المصيبه أَكبر من سنيني مرتين
المرض ما يمنع اليبچي عله احسين
....
الغيم استحه من دمعتي من كثر ما بچيته
وحسين عندي اكبر جرح جرح المرض ناسيته
البمصيبته مبچي صخر شيگول گلب ابنيته
محرومه من گبر الابو لا زرته لا شميته

روحي لگبره تشتاگ
حنه ظهري بهالفراگ
البچاله واليزوره ايحصل اجرين
المرض ما يمنع اليبچي عله احسين
...
والدي ظل محني الظهر من فارگه عباسه
واگبال عينه اتذبحت صحبته واهله وناسه
شلي بعمر ما بي حزن وحسين گطعو راسه
صعبه اعيش بلا لطم والصدر حافر داسه

من گالولي مذبوح
گضه عمري بچي ونوح
بسبي زين العباد وعاش الونين
المرض ما يمنع اليبچي عله احسين
...
خادم الحسين ( عليه السلام)
كرار حسين الكربلائي
( ابو كميل)

يالمهدي كلي اشلونك ذبلانه حيل عيونك
تمشي بدرب كله اجروح الله يكون بعونك
****
من يجي الليل الخلك تتهنه وتنام
وانته طول الليل تبجي الحرك الخيام
اشكد تون واشكد سوالف بالكلب ضام

يالمهدي اشكثر متعوب الله ايساعد احوالك
كل ما تصفن انته تشوف صورة زينب اكبالك

انته خيم تتنفس وتبجي اعله ذاك المحبس
من كلبك تصيح حسين وصار الدمع مضمونك
*****
انه غلطان اعترف يالمهدي وياك
امن الذنوب اشجم سهم من عندي صاباك
انه مشكلتي الوحيده كلش اهواك

انه الاخرك مولاي بهاي عماله وذنوبه
جيتك مستحي ومخنوك ومنك رايد التوبه

كل يوم ازيد نوحك واشكد لجمت اجروحك
يالمنتظر سامحني مكدر اعيش بدونك
*****


انه ذاك البل ذنب كل يوم أئذيك
والتهيت بغيرك وما فكرت بيك
اشراح اكلك يابو صالح من الاكيك

زعلتك حبيبي اهواي ويالمهدي صحت وينك
وين انطي الوجه مولاي عني لو درت عينك

يالمهدي سوده اعمالي اغفرلي الذنب يالغالي
انه ادري كلبك طيب وتحب اليحبونك
******
انه كلش مستحي من عندك اهواي
انه غلطان اعترفلك واعتذر جاي
بيك شمسويه المصايب كلي مولاي

كلي يا كلب بالكون يحمل هاي وناتك
تبجي اعله الغريب حسين لو تبجي اعله عماتك

بالون تخلص ليلك وما واحد اليدعيلك
عايش غريب وحزنان وتريد اليذكرونك
******





انه ناسيك وابد ما عندي وجدان
مدفي روحي وانته ليلك كله بردان
وين بيتك ارد اجيك انطيني عنوان

بجروحك ملح ذبيت وانته بكبرك جروحك
اهتميت اشكد بروحي ويالمهدي عفت روحك

كل جمعه انته اتاني وانه الزمن غراني
والله السبب من عندي ما حققيت ضنونك
****
تمت
تحسين الخفاجي