شيخ الانصار
إبني دوله للشعائر
شيخ الانصار
يا حبيب ابن مظاهر
علم.. بيده عابس
علم ..للمجالس
...
العمر تاليته الاجل مهما العمر طال
وانت راح تظل درس تقراه الاجيال
ارجال توگف بالقتال
وللشعائر هم رجال
الله يخلق كل زمن لحسين ابطال

يخلق انصار
بالكره الارضيه كلها
يخلق انصار
واحسينا مستهلها
خدم كالنوارس
علم للمجالس
...
يا حبيب وشيبتك تبقه علامه
صاحب الشيبه تعلمه اعله الخدامه
يوگف بموكب يصيح
هله بزوار الذبيح
وذلة الخدمه يسميها كرامه
وبمحرم
انت توگف بالحرايب
وبمحرم
هم خدام المواكب
وفه بلا منافس
علم للمجالس
...
يا حبيب وجون شوفه اسود اللون
بعده راح يصير بالخدمه الف جون
الناس بعده تنتبه
خدمتي اتبيض الوجه
وانه احط خدي على خد اليخدمون

والخدمني
هذا اسمه صاحب الحظ
والخدمني
بالقيامه وجهه ابيض
درس للمدارس
علم بالمجالس
...
يا حبيب وعابس اتعرفه الملايين
اجنونه راح يسوي دوله للمجانين
جيل من هذا الجنون
للمجالس قادمون
ناس لطامه وعشگهم ينحسب دين

اعقل الناس
من تسجل عندي خادم
اعقل الناس
من تجنن بالمآتم
أنه اعليها حارس
علم للمجالس
...
يا حبيب وموقف الحُر يبقه مكتوب
بعده چم مذنب يجيني لبابي ويتوب
اليجي تايب من ذنب
من انصاري ينحسب
انه اسمي رحمة الله واوسع البوب
الماله محبوب
مْن آخر الدنيه اجيبه
الماله محبوب
اني يلگاني حبيبه
فعل مو هواجس
علم للمجالس
...
لو گضت انصاري بالطف تنوجد ناس
تنوح لمصابي تظل لآخر انفاس
شيعتي ليوم الظهور
تبچي لگطع النحور
عالصدر تلطم وتذكر صدري الانداس
عندي موعود
ياخذ بثاره السبيه
عندي موعود
ينصره اليبچي عليه
غداً تلگه فارس
علم للمجالس
...
خادم الحسين ( عليه السلام)
كرار حسين الكربلائي
( ابو كميل)

عظم الله اجوركم بأستشهاد القاسم ابن الامام الحسن المجتبى (عليهما السلام)💔

كل صدرك اسهام      وما تگدر اتنام
شگد ادري عطشان      وعينك عالخيام
وكت الظهر راح الشمر   يگطع وريدك
***
يحسين اشوفنك جرح            والجرح هذا شكبره
واتخيلك فوك الرمل           وخيول فوكك عشره
وسمعت كل كسرت ضلع            وصدرك شفت بي حفره     
ونحرك يبو اليمه الشمر             اثنعش طبره ايطبره  

من صدرك اتنوح     وكل جسمك اجروح
شگد ادري تعبان       يالضامي مذبوح
اتوسلك  افرشني الك  بلكت افيدك
***
يا ابو علي وحدك شفت     والتمت الكوم عليك
هذا بسهم ذاك برمح     وهذا بحجر ظل يرميك
وهذا  يسلب اعمامتك     ويرفس هذاك برجليك
وذاك اليسب ابفاطمه          وهذا  اليگلب بيديك

شو حاضن الگاع         يالكلك اوجاع
من محبسك راح     يعني اصبعك ضاع
اشگد صحت لمن طحت  وين اصبع ايدك
***
الف وتسعمية جرح             الطعنه فوك الطعنه
وما ادري منهن ياجرح          الياذيك وتون منه
جرح الرمح جرح السهم           لو للضلع هالونه
لو جرح زينب بالخيم         وتصيح خويه الحگنه

ماتگدر اتگوم         غارك بالدموم
ومن عندك حسين    سلبوها الهدوم
واكبر جرح راس الرمح واصبح وعيدك
**
اشلون كلي اتحملت         سهم الذي طر جبدك
كالو طلع من الظهر       وكل حيل ما ظل عندك
عن الخيم ليش الشمر                يحسين راد ايبعدك      
وظل الرمل يا ابو علي       كل ساعه يجوي بخدك

نايم بالشموس          وسهام متروس
الخيل اعتنت ليك     وبصدرك اتدوس
ظل ينسمع كسر الضلع  الحافر يريدك
***
كلي شحمل ليك العطش       بذيج الشمس والحر ذاك
مرمي عله وجهك عالترب     وضاع الهوه عليك اهناك
خلوك عطشان وتون                ومحد اجه اميه انطاك
ومحد اجه وعن الشمس            جاباله وصله وغطاك

من الماي محروم      ومتغيره الرسوم
بالشمس يحسين        مايصلح النوم
عن السبي  لو سولفت اجروح ازيدك
**
اشلونك لمن شفت الشمر       ثاني ركبته بصدرك
وبيده لزمها لحيتك             وبتده ايحز ابنحرك
بمنحرك  حيرني الشمر            يحسين ليش ايطبرك
كلي شحمل ليك الالم          وساعتها الله يصبرك

حز نحرك وگام        وتعنه الخيام
براس الرمح شال    راسك للايتام
زينب تون وظلت تحن وعالتل تريدك
****
تمت
ميثم العمري

آه الخيل يُمّــــه الخيل
شو سون نهارك ليل
يالهزّك جنح جبريل
ياعطشان يايُمّه
ــــــــــــــــــــــــــــــــــــــ
مذبوح واجروح تارس حياتي
اتعنيت انعاك وافرش عباتي
يحسين چاوين راحن بناتي

ظليت اعاتب بالشمس .. ياشمس رحمي بحاله
كل ميّت اهله اتشيعه .. وميتنه محّد شاله
اتلمس ابصدرك واحن .. مارحـمته الخياله

دمك بالحوافر ذاك
ولا يمك اخت تنعاك
ياهــــو العالرمل خلاك
ياعطشان يايُمّه
ــــــــــــــــــــــــــــــــــــــ
اتدنيت حنيت اشتم وريـدك
انعه اعله الراس لو خنصر ايدك
امك الزهـــراء تعذرني اريدك

ماجيتك ابوكت الذبح .. يالجثتـك مرمـيه
يوليدي وابعيد الدرب .. وآنه الگوه مابيه
ايدي اعله خاصرتي تره .. وامشي عله العوچيه

حيلي امن الضلع مهدوم
اعذر وجهي الملطوم
ميته من هذاك اليوم
ياعطشان يايُمّه
ــــــــــــــــــــــــــــــــــــــ
عريان ذبلان خليني احضنك
تعبـان والخيل شمخليه منك
والماي غلطان من عطّش ابنك

شمسوي يايمه الطفل .. واتعنو ايذبحونه
عبد الله مومالت عطش .. كون ابورد يسگونه
ابعمر الفراشه وينذبح .. والموت سد اعيونه

جيبوله الرباب ابساع
خل تشيله من الگاع
محتاج العزيز اوداع
ياعطشان يايُمّه
ــــــــــــــــــــــــــــــــــــــ
كضيت مگفاك رمحك اجره
صلّيت لله ايســهّلي امره
والدم شلال ظل يجري حدره

محتاره اطلع ياسهم .. هنه السهام اهوايه
واچفوفي ترجف عالجسد .. تشبه رجيف الرايه
سجلني اني اول مره .. اتعنيت الك مشايه

وانه ادري المشه الگبرك
طيب جرح من صدرك
سبحـانه الرفع قدرك
ياعطشان يايُمّه
ــــــــــــــــــــــــــــــــــــــ
لن صوت من روح كـلش وجيعه
انداريت عالصوت بس ابفجيعه
لنهه ام عبـاس يـم الشريعه

اتعاتب بابنهه اعله النهر .. واتكله ياعباسي
قصرت لو ماقصرت .. وي السكن بانفاسي
ردتـك يَيمّه ابوگفتك .. بالحشر ترفع راسي

ومن شافتني محنيه
ركضت چلبت بيه
وگامت تقره لطميه
ياعطشان يايُمّه
ــــــــــــــــــــــــــــــــــــــ
واهناك عالـماي جينه وگعدنه
وادموع واعتـاب واقرايه عدنه
ومن يـوم رحتو نبچي بعدنه

طول الزمان ابمجلسك .. احضر واحن وانعه
والگه ابعزائك كل سنه .. كل الخدم مجتمعه
واليجري دمعه امسجله .. وانه الاجر ماضيّعه

وخدّامك يعرفوني
لو بس مره ينخوني
اكلهم هاكم اعيوني
ياعطشان يايُمّه

محمد الجماسي


#اللهم_عجل_لوليك_الفرج

لشهادة السجاد ع
.
.
.

مشــتاگ يـامــوت لـهــل الــغـاظــريه
مشــتاگ لحـسـين والعـمـتي الســبيه
اريد اهناك اشوف اشصار ماصار
بعدهي اجروحهم من كربله اكبار
اهل الغاظريه

_______

هــايــموت اشــبـيك مــتأخــر عــليه
انــه زيــن الــعابــديـن وتــدري بــيه
انـه نـفــسـي الــبالحــبل شــدو اديه
الوالـــدي مــشتاگ والعـمـتي ورقـيه

اتمنيت يـمـي الحظـنـت راس ابــوها
اتمنيت تگعد هـسه ابحــظن اخــوها
ما اسئــلها عــن ايـديــها الـــزغار
بعدهي اجروحهم من كربله اكبار
اهل الغاظريه

_______

العـمــتي يامـوت ابدلـيلي اشـــكـثر آلام
الـبعد ذبــح احـسين ماعاشت سوه ايام
بلــكــي جرح امتــونــهـا هالمــده ملــتام
وادري كلشـي ايطيب وتضل طبة الشام

الجـــمال من گال زينــب جايبــيها
الجـــمال شــمــتان ويــأشــر عليها
اخــاف الــذكــريات اتـوجر الـنار
بعدهي اجروحهم من كربله اكبار
اهل الغاظريه

_______

إي يمـوت امتاني جفني يمته اطـبگه
الوالــدي مـشـتاگ حــيل وارد اشـبگه
ارد اشــم صدره ابكــثر مابيــه حـرگه
وخوفي والله امهشمات اظلوعه الـگه

محـتار يامـوت گـلي امنــين اشــمه
محـتار بحـســين خــايـف لا الــچمه
اخاف ايـگــول اخ ابـهــاي محتار
بعدهي اجروحهم من كربله اكبار
اهل الغاظريه

_______

جــايــني يامـــوت شـو مــتأخر اهــــواي
اوياك احچي اشبيك ساكت احچي وياي
راحــو اخــواني عطــاشه ابحـسرة الـماي
عــلى عـــبد الله والاكـــبر هـــذا مبـــچاي

أخـوان عــندي الــواحد چــنه ورده
أخــوان راحــو چــن مــاي وتـبــده
عــن اعـــزاز گـــلبي مــاكو اخـبار
بعدهي اجروحهم مـن كربله اكبار
اهل الغاظريه

_______

السم سره بعضاي واسئل مـوتي چا وين
وابچـي بـس مـو عـلى روحي عالبعيدين
حلـمي مـن وجـه ابو فاضل اتـرس العين
كــون يشبـگني واشــبگـه وعنـده چــفين

العبــاس عــمـي عنــوان القـداســه
العــباس لازم ابـوســه عـلى راســه
العــمود ابراسـه يــمكن تارك اثار
بعدهي اجروحهم من كربله اكبار
اهل الغاظريه
_______
تمت والحمد لله
حيدر تركي الكربلائي

#قصيدة #الاربعين ....
وزن..الهجري مقطوع..
.
..

خطوه خطوه أمشيها...خطوه خطوه أمشيها
يوم اربعين ازيارتك....خطوه خطوه أمشيها
.
..
.
آنه شيعي اسمي وموالي رافضي ايسموني
آنه مجنون ابأمامي ماله حد اجنوني
هذا دربي ما. اردن. فنهم. ايمنعوني
تسري يحسين ابدمائي وانت ضي اعيوني
.
دمعتي أجريها.... دمعتي أجريها
لمن أطوف بحظرتك... دمعتي أجريها
.
.
.
حسين حبك كل كياني وبيقيني وذاتي
هنه يندلن طفوفك لو مشن خطواتي
بيرغك عالي ترفعه يسرتي ويمناتي
آنه احب احرگ گلبهم حيل كل شماتي
.
نيتي انويها......نيتي انويها
اسجد واقبل عتبتك.....نيتي انويها
.
.....................
.
يالتفجر ما يهمني وين عدمن دارس
ماتخوفني. بجنونك. لو حزامك لابس
حسين علمني البطوله صرت بالطف فارس
عابس آنه وهايه حربي هم سمعت بعابس
.
المنيه اشريها....المنيه اشريها
بس كون اشمن تربتك....المنيه اشريها
.
.
.
ما اهاب آنه النواصب ما اهم كل غادر
ما ارد عن اعتقادي لو حقدهم شاجر
لسه صوتك هالينادي ما ألي كل ناصر
ثوره آنه وبمسيري اگطع الهم دابر
.
چفي من يلويها.... چفي من يلويها
لمن اعلي رايتك .....چفي من يلويها
.
.
.
الوسيله حسين حبك وانت انت الغايه
احسب أيام ولياليه. لربعينك. هايه
خلها تنشر الدواعش عالدرب رمايه
تسحگ الموت وتعبره .لجلك المشايه
.
روحي الك افديها....روحي الك افديها
يلي فديت ابعترتك....روحي الك افديها
.
.
.
الك يبن الهادي ترخص دوم وتظل روحي
ويه حبك آنه شلي غير دمعي ونوحي
منك اتنفس شجاعه يالطفوفك سوحي
آنه اطيبن لو تجارت الك دم اجروحي
.
الكرامه الگيها.....الكرامه الگيها
رايه وترف ابگبتك....الكرامه الگيها
.
....................
.
الذبح اصبح وسامك طحت دامي وضامي
بالحجر صوبوا هامك ريت صابو هامي
خطوه خطوه وياي تمشي.تشفي كل آلآمي
صرت مصدر فكري انت.ومرجعي والهامي
.
.......................
.
خطوتي اهديها.....خطوتي اهديها
للي انحرم من شوفتك... خطوتي اهديها
.
.

حسن الموالي الفاطمي
.
القصيده محرمه على رواديد ال DJ

للمشاية المقدسه
اربعين الامام الحسين ع
.
.
.


جيناك .. رايـه تـسـبگ رايـه
جيناك .. ابـمـوكب المـشايـه
جيناك .. الـغايه انتـه الغايـه
يا ابا عبد الله

-----------------------------------------

بـــده حــج الاربــعــين الكــربـــلــه المــعـموره
وصـورة المـشايه بيــها سـيدي اجــمل صـوره
احچايه نحچيها ابيقين وهاي ماهي اسطوره
لــون يــم الشــمس گــبرك هــم نـروح انـزوره

جيناك .. عــالعـــهد وفــــايه
جيناك .. ابـمـوكب المـشايـه
جيناك .. الـغايه انتـه الغايـه
يا ابا عبد الله

-----------------------------------------

الــذي علمــنه المســير الكــربله القــدســـيه
مـدرسة زيــــن الـعبــاد وحـوزتــه العلــميه
انواسي يحسـين ابمـشيـنه زيـنب المـسبيه
اويانه حتى الشمس تمشي والكره الارضيه

جيناك .. وتـدري بالــوفــايه
جيناك .. ابـمـوكب المـشايـه
جيناك .. الـغايه انتـه الغايـه
يا ابا عبد الله

-----------------------------------------

مانــهـم ومـــا نبـالــي لـو بعــيـده ادروبــنه
احنه چم محبوب عدنه انته بـس محبوبنه
اسلـوبنــه كـل سـنه هـذا ومانـغيـر اسلوبنه
علـى هالـرايـات اجـيـنه شــاديــن اگلــوبنه

جيناك .. وبســمك امسـمايه
جيناك .. ابـمـوكب المـشايـه
جيناك .. الـغايه انتـه الغايـه
يا ابا عبد الله

-----------------------------------------

باربعـينك مانـعوف المشـي يابـو اسكينه
لــون تتــگطع ادينــه وروســنه ورجـلينه
هـددونه اهـواي هـمــه واحــنه مامــلينه
گلنه نتحـدى الـظـروف وصدگ اتحدينه

جيناك .. اليحچي هيچ احچايه
جيناك .. ابـمـوكـــب المـشــايـه
جيناك .. الـغــايه انـتـه الـغـايـه
يا ابا عبد الله

-----------------------------------------

لـو عـمر نمشـيلك احـنـه مانـمـل مـمشــانه
نبـقه مادام الامـام الحجـه يمــشي اويـانه
نقره وي كـل خطـوه ندبه سيدي ابمسرانه
عجــل اللـهــم عــجـــل بالـفـــرج مـــولانه

جيناك .. الشيعه تدعي وجايه
جيناك .. ابـمــوكب الــمـشايـه
جيناك .. الـغــايه انتـه الغايـه
يا ابا عبد الله

-----------------------------------------

اشگد حـسبنه الأربـعينك ننـطـر ايمر بيـنه
يـبو اليمه أحنـه مــوته والمــشي يحـيينه
خدمـتك نعـمه فضـيله الخـدمـتك خـلينه
الله لايــحــرمــنه منـك كــون يــاوالـــينه

جيناك .. تبـچي هاي وهـايه
جيناك .. ابـمـوكب المـشايـه
جيناك .. الغايه انتـه الغايـه
يا ابا عبد الله

-----------------------------------------
تمت والحمد لله في ١٣ / ١١ / ٢٠١٦
حيدر تركي الكربلائي

قصيدة ( ميمر مجنس ) في رثاء فاطمة الزهراء عليها السلام والإمام المهدي المنتظر عجل الله فرجه الشريف


يالتستمع اجري الدمع
ما ينجبُر. كســر الظلع
إلّا بظهور الموعود من يظهر ابفقّاره
_ 1

ما يشفه ظلع امّ الحسن. يالمها
تشكي لأبوها المصطفى. يالمها
لو جَـمّـع انصــاره الولي. يالمها
يوفي الوعد. شبل الأسد
ثـار الظلــــع. لازم يــرد
ثاره ويردّه بضعفين هيهات يترك ثاره
2

ليش الصحـابه ما وفت دافعها
يعرف سبب هجمتهم و دافعها
ويله العصرها بلا ذنـب. دافعها
الصار السبب. خل يرتقب
امـر الفَـــرج. كلش قـرب
والحرگ باب الزهراء مهدينه يحرگ داره
_ 3

لَـمّـه الزچيـــة المنتظر. سرّاها
ثـارچ امـانـه بـرگبتـــي سرّاها
للباري دعـوة من الگلب سرّاها
يدعي بحزن. ابن الحسن
صبح ومسه. لثاره يحـن
( اَمّن يُجيِبُ المُضْطَرْ ) يدعي وتصب اعباره
_ 4

من تگرب حبـــال الصبر. يگطعها
دروب الصحــاري برايته. يگطعها
روس اللي ظلمت فاطمه. يگطعها
هـــذا الشـهـم. مـن ينتقم
بسيفه الغضب. يفني الظلم
والهجموا عله الزهراء. يـذبـحـهـم ابتّــاره
___ 5

بهـاي القضيـة المنتظـر. صاحبها
امر السقيفه يكشفه وي. صاحبها
اهل السقيفه الخانت بــ. صاحبها
لابُـد تـذل. من تنسئل
منهم عذر. ما ينـقـبـل
إلّا بقصاص الشيخين. انزف للزچيّة ابشاره

سيد زيد الفحام
__________________________

يمه وينج ليش للطف ما أجيتي
يمه وينج عليه حيل تأخريتي
آنه جوه الخيل ونظر للنهر // بصدري جم حافر ترك يايمه أثر
*
يم البنين اشكد حجي اختصره الج بحجايه
لمن طحت من المهر الخيل اعتنتني عنايه
وكلما أجر يمه النفس يوجعني صدري اهوايه
يم الوفه وذاك النهر جارحني حيل ابمايه

يجري دمي وعالترب ظليت انازع
يجري دمي من أيدي أصبع يمه ضايع
بنحري لو تدرين جم سيف العثر // بصدري جم حافر ترك يايمه أثر
****
عن كربله احجيلج ردت منها شفت يمه الويل
حر وعطش نار وحرك واطفالي دمعتها اتسيل
ياحسرة الفاكد أخو مني خذت كل الحيل
ومن كثر ما صدري انهشم أكره كمت جلمة خيل

شحجي عنها الخيل ماعدها مشاعر
شحجي عنها بصدري مطبوعه الحوافر
جم ضلع يمه بضلع مني انكسر // بصدري جم حافر ترك يايمه أثر
*
هذا الي يكطع خنصري ويطعني ذاك برمحه
وهذا اليكله ياشمر لترحمه زيد جرحه
حط سيفك بنص منحره وكون عله كيف اتذبحه
ويايمه راسي عله الرمح خايف رقيه تلمحه

راسي نزله اكبال طفله لا ترفعه
راسي نزله بعيني ماخليت دمعه
والرقيه اهواي كمت اربي النظر // بصدري جم حافر ترك يايمه أثر
*
تدريني عطشان شكثر وحرموني يمه من الماي
ايضللي ياهو من الشمس كربله مابيها افياي
بالخيل يمه من طحت كامو يسحكوني اهواي
وكعدت شفت يمي مره بس لا صحت زينب هاي

خويه ارجعي الخيل كل خوفي تسحكج
خويه ارجعي صدر ماعندي وشبكج
حيل يوجعني تره سهم الظهر // بصدري جم حافر ترك يايمه أثر
*
يم البنين من الشمس تغيرت حيل ارسومي
مرمي عله وجهي والعده سلبوني حته اهدومي
زينب اجت ليه تون وتمسح غدت بدمومي
راحو يحركون الخيم بساعج بزينب كومي

والله حيره خويه حيرني زماني
والله حيره ذبحتي ظليت اتاني
بعد ساعه خويه ينحز النحر // بصدري جم حافر ترك يايمه أثر
****
تربع على صدري الشمر وظل يذبح عله كيفه
يمه ضربني بالنحر أثنعش ضربه بسيفه
وزينب تكله ياشمر لتذبحه خايب عيفه
ابن أمي عطشان شكثر وتارس عيوني بطيفه

عوفه نايم خلهن ايطيبن جروحه
عوفه نايم شكد عزيزه حسين روحه
شفته كام ايصيح ايتامي بخطر // بصدري جم حافر ترك يايمه أثر
***
تمت
ميثم العمري

قصيدة تدري ياباب لإستشهاد سيدة نساء العالمين عليها صلوات الله

تدري يا باب .. من عصرت ابگوتك
زَهْـــرَةْ اللهَ .. والقَـضِـيَّـه ابْذِمِّتَك
تدري ياباب .. تدري ياباب
ــــــ
تـدري يـاباب المصايب هاي خلفك فـاطمه
كَسَّرِتْ ضلعين منها إعليها يـاحـيـف إنغمه
شنهو عـذرك بالقيامه لو سـأل رب السِّمَهَ
لـيـش آَذِيـتْ البتوله الـيـوم يـوم المحكمه

فــاطمه دَيْنْ .. تِطْلِبَكْ يـوم الحشر
شنهي الَاعْذَارْ .. اليا قَـضِـيَّـه تعتذر
اليوم الِحْسابْ .. تدري ياباب
ــــــ
مِــنْ لِفُوهَا الـگـوم چانت خايفه وامروعه
زَهْرَةْ الرحمن فـاطـم مـنـك اتـريـد اربعه
رادتك سِـتْـرْ او حمايه هم حِجَابْ او مگنعه
مـا درت يـا باب خلفك آلم عَصْرَهَ اوفَاجِعَهَ

خلفك اوجاع .. نـايـبـه اوضيم اوهضم
رادتـك سُورْ .. وأنته كَسَّرْتْ الـعـظـم
والضلع عاب .. تدري ياباب
ــــــ
مـن أثر رَضّة ضلعها بالطف إنرض كم ضلع
إنرضت السَّبْعْ الأراضي وِالسَّمَاوَاتْ السَّبِعْ
من ابو الأكبر تِگَنْطَرْ وِالْتَفْ عـلـيـه الجمع
طحنت اضلوعه حوافر والسبب كسر الضلع

لـوما رَضِّـيـتْ .. يا خشب ضلع البتول
بِالطَّفْ احسين .. مَاعِلَتْ صدره الْخِيُولْ
اوماهوى اتراب .. تدري ياباب
ــــــ
لـيـش يـا باب الـنـوايـب آلَّمِتْ گلب النبي
طاوعت جيش النواصب صـرت منهم ناصبي
لـيـش مـا راعيت فـاطـم يوم خلفك تختبي
سَكَّطِتْ مِنها حَمِلْهَا مـنـهـا يـابـاب اشتبي

ياخشب ليش .. مـالنت مثل الحديد
مــن تِعَنُّوكْ .. وَگَّعِتْ مُحْسِنْ شهيد
ابلايا اسباب .. تدري ياباب
ــــــ
لـيـش بالگوه إعصرتها سَگَّطِتْ منها الجنين
تدري مـسـمـار الزرعته بالصدر وَرَّثْ آنين
عصرتك بالطف سببها روعـت گلب الحسين
حيـن عبدالله إعله چفه صَوَّبَهَ ابسَهْمْ اللعين

محسن إنـعـاد .. بالطف اتحول رضيع
السَّهَمْ مسمار .. والفـعل نفسه شنيع
كم طفل غاب .. تدري ياباب
ــــــ
امـن إحترگ دار الزچيه الُّوحْ ناح اويه القلم
الـنـار مـا چانت سلامه چانت أوجاع او آلم
إمتدت الـنـار ابْعِرِگْهَا الكربله او شَبَّتْ خِيَمْ
لُـو سِـلـَمْ دار الوِدِيعَهَ چـانِ إلِمْخَيَّمْ سِِـلَـمْ

نــــار نَمْرُودْ .. شَـبَّـتْ إبــدار النَّبِي
ابسبب هالنار .. راحت الحوره سـبـي
اوحِرْگَتْ أطناب .. تدري ياباب
ــــــ
مـسـألـه اوبيها أسايل قـالـع الباب البَطَلْ
ياصبر عندك أسألك صبرك أعـظـم من جَبَلْ
مـا نِبَضْ عِرْگْ الْهِواشِمْ بـيـك يا خير العمل
ما قلعت الـبـاب لمن هِجْمَتْ أصحاب الدَّجَلْ

إشلون گـادوك .. وانته سردال الحرب
مچتوف اخذوك .. ياعلي أمرك صعب
داحــي الباب .. تدري ياباب
ــــــ
باچر الـغـايـب يِعُودْ اوتِنْتِهِي كِلْ الْـمِـحَـنْ
مـن يـرد حَـگْ الوديعه يِنْلِوِي أَنْفْ الـزِّمَـنْ
يصرخ ابـصـرخـه شِجِيَّهَ اتدللي يـم الحسن
هاي دوله هاشميه اومَهْدَوِي صار الـوطـن

المهدي لو عاد .. يـاخـذ ابـحـگ فاطمه
ايْنَكِسْ الرُّوسْ .. مـثـل حَمَّايِ الْـحِـمَـه
اويمحي الِارْهَابْ .. تدري ياباب



كلمات خادم الزهراء عليها السلام :
السيد موسى السلمان الأحسائي