يا رسول الله ،،، يا رسول الله

ـ

نزين العالم ـ بجيت الخاتم
الليله فرحانه ـ كل بني ادم

تصفگ الشيعه ـ تجدد البيعه
والفرح حاشه ـ سيدي نبيعه

ما نتعب صباحّي الليله


يا رسول الله ،،، يا رسول الله

ـ

بمولد الهادي ـ الرافضي ينادي
افـرح ورايد ـ مــنــك مرادي

يا شمس ربنه ـ وسيد الجنه
الما فرح لجلك ـ فاطمه تلعنه


واليتعب خل يطم روحه


يا رسول الله ،،، يا رسول الله

ـ

الشيعي هل ليله ـ خل يشد حيله
الـيفــرح ويـانـه ـ الزهره تـدعيله

يا بعد شوفي ـ تصفگ جفوفي
والنهر ناده ـ فرحن جروفي


يتروه يريد امن عيونه


يا رسول الله ،،، يا رسول الله

ـ

نشفت دموعي ـ اشتعلت شموعي
ياب بعد كلبي ـ الساكن ضلوعي

يا رسول الله ـ يا حبيب الله
يا صراط الله ـ يا يقين الله


عيد الله بميلاد الغالي


يا رسول الله ،،، يا رسول الله

ـ

الليله ميلاده ـ سيد الساده
نوره ابو الزهره ـ للضوه كلاده

بالفرح نبدي ـ نهني بالمهدي
وهم تهانينه ـ والله اله نهدي


ندعي احنه ويا سنة الجايه


يا رسول الله ،،، يا رسول الله



محمود محمد العطواني

هوسات لولادة النبي الاكرم (ص)


فرحانه السمه والكاع فرحانه
والرافضي اليوم يـردد لـسانـه
فرحنه واليبحنه يفرح ويـانـه

اليوم جفوفي تحومر ،،، من كثر التصيفيگ

ـ


الفرح مو مستحب هل ليله لا واجب
ويصـفك الليله الـشـاب والـشـايـب
بـربـيع الاول كـلـيـبـي وعـلـي ذايـب

كليبي اليوم يهلهل ،،، يا هنيالي اعليك

ـ


يلعب كون كلبي بهل مسه جوله
ويستاهل الغالي نسمعه هلهوله
الما فرحـان مــا معذور كـلـولـه

اليتعب خل يتكتر ـ صباحّيه اليوم



ـ

طلگت بت وهـب بالله مـخـتـاره
وطفت نيران كسرى وشعت انواره
وابو الزهره نبي مرسل امن صياره

شع نوره ها ها
وبـ مكه الخاتم شع نوره





محمود محمد العطواني

(نصاري)

يبعد العافيه ويا شمعة البيت
ادخليج ويـنـي اويـن التوابيت

ـ

يا غـالـيـتـي اجيبن مثلج مـنـيـن
عكبج حـالـي حاير بين الاثـنـيـن
اسكت روحي لو اسكت بالحسين

اموت وياج يام زينب تـمـنـيت
ادخليج ويـنـي اويـن التوابيت

ـ

ضلعج منكسر وكليبي مكسور
وما تحلالي بس كعدات الكبور
كل مغرب يمرني چفاج عاشور

يفاطم بالدمع عكبج توضيـت
ادخليج ويـنـي اويـن التوابيت

ـ

عكبج حيدره للـنـوح تـالـيّ
قـالع باب خيبر بـابـه يـاذيّ
تسگي اجم نهر ضلت بواجيّ

تغطيتي بترب وبـ هم تغطيـت
ادخليج ويـنـي اويـن التوابيت

ـ

ذبحني الباب حيف ورمحي بسمار
اون ضليت كـلمـا ازتـلـي خـطـار
واشـوف الباب ذاك وبـي اثر نـار

بفراكج يزهره انه الـتـچـويـت
ادخليج ويـنـي اويـن التوابيت

ـ

امن دموعي انمله يا فاطمه البير
واليدفن زهرته بعطره شـيـصـير
جـذاب الـيـكـلـج حـيـدر بـخـيـر

اعله ذوالفقار من امشي توچيت
ادخليج ويـنـي اويـن التوابـيـت

ـ

تهمل دمعتي واحجي اويه الاحباب
ومامش صوت يرجع من الاحباب
طاحت كل سنيني بدفعة الـبــاب

وكون بضلعي كسر الزهره يا ريت
ادخليج ويـنـي اويـن الـتـوابـيـت

ـ

منهو المثلي حط عمره اعله المتون
وهـوه شـلون يبجي الـفـاكـد عـيـون
ضلمه سنين عمري وصبحي مدفـون

انه مبجي الزلم وعليج ونيت
ادخليج ويـنـي اوين التوابيت

ـ

كلـمـا اطب حجرتج دمعتي تزيد
يل كلما اشوفج ينـحـسب عـيـد
واريدن بس اشوفج كلشي ما اريد

وا ويـلا يـام حسين نـاديـت
ادخليج ويني اوين التوابيت



محمود محمد العطواني

اسود لبس حتى الجِفن ـ بس الشعر فك الحزن

بعزت شبابي والشعر شاب
ضليت اصيحن اه يـل بـاب

ـ
عمري مو مالت تجاعيد وتعب
ذهب حيدر ونكلب لون الذهب
منهو مثلي الفرح من بيته انسلب
منهو عايش وامن الاموات انحسب

هوه اليفارك فاطمه ـ يرافگ چفن عينه الدمه

يوميه اونــن يـم الــَعـتـاب
ضليت اصيحن اه يـل بـاب

ـ
كل صفاتي وكل وملامح شوفتي
ماتن وعاشت يفاطم دمعتي
من اسولف كمت اغص بجلمتي
كمت ادعي ربي عجل طبرتي

دمعي اليهل يجوي الجمر ـ ما يرهم لفكدج صبر

مو غتره دمع العين الانكاب
ضليت اصيحن اه يـل بـاب

ـ
هوه منهو المثلي دافن قـل هوه
وكلبه مجروح ودفن بيده الدوه
ومنهو دمعه البير من عدها ارتوه
انه اول واحد يـغـسـل الـضـوه

شفت الضلع بالمغتسل ـ ماجني ذاك اني البطل

مو بيج ريت بضلعي الصواب
ضليت اصيحن اه يـل بـاب

ـ
انه ذاك اليلوي برگاب الــزلـم
كمت كل ماشوفن الباب انلجم
بياض وجهي اسود صفه عليها الهدم
واليشهم الزهره بجفاها شيشم

لا مو كبر يا زهرتي ـ انتي مكانج ريتّي

ما بي طعم حتى الهوى الهاب
ضليت اصيحن اه يـل بـاب

ـ
انه مو انه و وضع حالي انگلب
بالصلاه من دمعي موعت الترب
العمره ما مغلوب بالفركه انغلب
ومحني ضهره ويمشي قتال العرب

وهمي الذي ما ينحمل ـ من ولدج اعليج انسئل

يعرفونه من دموعي الاجواب
ضـليـت اصيحن اه يـل بـاب

ـ
لحد يلوم الـيـفـارك فـاطـمـه
لَون من كد الدمع شوفه انعمه
حزام كدامه الشماته مـحـزمـه
وبوصية طاها (طه) صَبر صارمه

لوما وصِيت المصطفه ـ منهم ولا واحد صفه

بس يم حفيدي المهدي الحساب
ضـلـيـت اصـيـحـن اه يـل بـاب


محمود محمد العطواني

مضلومية الـزهـره ـ امانه بركبة الشيـعـه
الما يعترف بالعصره ـ بتراب الفله نبيعه

ـ
ما نعامل ما نجامل ـ عل عقيده بكل لغظ
مو صاحبه اي عصابه ـ حجي باسم ما غلط
والي ضدنه ما يهمنه ـ فاطمه تهمنه فقط

عنه الحجو ـ وستكلبو
ما نتعب وهمه ـ اتعبو

وراح النقاط بهل اليوم ـ انحطها فوك الاحرف

همه البدو هل مره ـ بعد كلمن وتشريعه
الما يعترف بالعصره ـ بتراب الفله نبيعه

ـ
همه هجمو همه دفعو ـ كالها الساني واصر
والله زحمه نغطي اسمه ـ احنه ونغض البصر
نحجي لازم يهل وادم ـ همه ابو بكر وعمر

يهل البجي ـ كفو الحجي
واعله الكتب ـ خل ننتجي

ألاسم نلكاه مكتوب ـ ما نلكه مكتوب فلان

المؤرخ يشهد وحبره ـ اسمهم يله خـ نذيعه
الما يعترف بالعصره ـ بتراب الفله نبيعه

ـ
موش خوفاً احتراماً ـ جان اسم ما ينذكر
بس ولكن هسه باين ـ عبد منهو ومنهو حر
والله تبشر احنه ننصر ـ ام ابو دلال السمر

بخط من دمه ـ بنص السمه
نـكـتـب مـدد ـ يـا فـاطـمـه

انصارج احنه وخدام ـ غصبن على الكرهونه

الج واحدنه دك صدره ـ وجينه نجدد البيعه
الما يعترف بالعصره ـ بتراب الفله نبيعه

ـ
العل عقيده تلطم ايده ـ والله منه والنعم
واليجامل هذا باطل ـ رايده الشغله زلم
ابن حيدر سبع خيبر ـ مو ابن الذب الهدم

احنه طرف ـ عنه انعرف
دافع على ـ الزهره بشرف

وذاك الطرف بي معروف ـ وين الجبان الملعون

باجر ينكسر ضهره ـ وضهر كلمن تره يطيعه
الما يعترف بالعصره ـ بتراب الفله نبيعه

ـ
غداً يضهر شبل حيدر ـ ياخذ بـثـار الـضـلـع
يكول وينه الهد علينه ـ وخل يكول انه السبع
يرد حكه وهم يحركه ـ وفاطمه تبطل الدمع

والمنتضر ـ جنه الكمر
هذا اخر الاثنا ـ عشر

بجفوفه سطرة عباس ـ باجر يرد ثار الباب

يحط لام الحسن حضره ـ بثواب حسين توزيعه
الما يعترف بالعصره ـ بــتراب الـفـلـه نـبـيـعـه


محمود محمد العطواني

من الدفن حيدر رجع ـ باوع على الباب اوكع

اعله الزجيه استعجل الموت
ام الـحسـن شايلـهـا تـابـوت

ـ
يا حال الدفن بعد النبي الزهره
ما يندل طريقه ومنكسر ضهره
واحد جاب كلبه وذبه بالحفره
اذا سولفله كلمه يموت بالعبره

مخنوكه ريته بلا هوه ـ دافن خليله بلا ضوه

خلف الجنازه ما طلع صوت
ام الـحسـن شايلـهـا تـابـوت

ـ
يقالع باب خيبر حالتك تقهر
منو المر بشعور الدافن الكوثر
بسمار بضلعهه ياعلي تكسر
يخنكت صدرك اكبر من صحاري البر

ام الحسن ربت خدر ـ لا مو حلو عليها الصبر

وعله الكبر كمت ابجي بسكوت
ام الـحسـن شايلـهـا تـابـوت

ـ
يالمرجع شمسنه بخنصر شمالك
اريد اتصور الموقف شنو ابالك
باب ومن جذوع يصير چتالك
مثل عطشان بالطف وصفت حالك

دمعي اليصب كد النهر ـ وحلامي ضيعها السهر

والدار صارت جن بطن حوت
ام الـحسـن شايلـهـا تـابـوت

ـ

يا باب العلم ما تنحصي همومك
ثگيله تحسها كلش لبست هدومك
مو فارس بدر متغيره ارسـومـك
يـ أول منتقل لله قبل يـومـك

بيدكـ علي تسد الجفن ـ وتواسي الحسين وحسن

وزينب تذكرك لمن تـفـوت
ام الـحسـن شايلـهـا تـابـوت

ـ

لِيث بكل حرب ما تنلوي يمينك
هسه الكسره كامت تنقري بعينك
بدون ام الحسن متيتمه سنينك
شفتك ما عرفتك وسئلت وينك

يل ضيعك حتى العرف ـ ما بطلن جروحك نزف

وياك اون وگليبي مفـتـوت
ام الـحسـن شايلـهـا تـابـوت


محمود محمد الطعواني

(شوط كربلائي) لفاطمة الزهراء


علي للزهره من يشتاگ ـ مجلس يحيي وي قمبر
لان بأم الحسن يدري ـ بمجلسها تجي وتحضر

ـ
اول مُله بالتاريخ ـ علي بالمجلس اليقره
و اول مستهل بالكون ـ وا ويلاه على الزهره
و خَد امه الحسن يذكر ـ اذا احمر صبح صدره

يلطم يمه ابو اليمه
حيل وصدره ميهمه
مجلس منترس همِه

وينزل حتى جبرائيل ـ وياهم يلطم موزر

ـ
يدك ويوجع العطشان ـ اعلى صدره يصيح يا هضمه
وشافت حسرته الزهراء ـ واتـدنـت عـلـيـه امـه
تكله الطم اشواي اشواي ـ وصدرك للسحگ ضمه

صدرك حيل لا تاذي
لحوافر خيلهم خلي
بزمان ومنه محد بي

كلمن منه بيه اصواب ـ وانتا تشيل المكور

ـ
شادود العزه العباس ـ بالنص واكف محزم
جانت امه كل مجلس ـ تلطم حيلها مهدم
وهوه بمهده جان زغِيِر ـ وتكله يَولدي اتعلم

تكله وليدي راعي الجود
اريدك كل عزاء موجود
بالنص توكف الشادود

ويحرم كل حليبي عليك ـ اذا بالمجلس مگتر

ـ
الله يساعد الكرار ـ ابجان الزهره شيسده
بشده ومالها حَلال ـ حيدر حاضر الشده
اليدلي الحار تحير ـ يسكت روحه لو ولده

يقره بكل عزه المقتل
ومدمع عينه يسرسـل
علي شكبر اسمه حاير ضل

نهر الكوثر دموعه ـ حيدر هل على الكوثر

ـ
الله يـسـاعـد الـكـرار ـ ايـامـه اصـبـحـت سـوده
انكشف عنه الغطاء وشوف ـ بعزاها الزهره موجوده
يكلها انتي عمود البيت ـ وطاح البيت عاموده

وتكله هيه بالعبره
يحيدر توجع العصره
لطم راسه ولطم صدره

بوصيه مجتف يكلها ـ والى الروس تطّشر


محمود محمد العطواني

ميمر


باب البخت ـ وسفه اطبَگت
عالزهره من ـ بيها احتمت

سايل شكد عالزهراء ـ بالعتبه حيدر دَمعه

ـ
باب الفقير الدومه يطرق بيها
نار وحطب جاب اللعين اعليها
فاطم وآن هالكلمة ضل يحجيها

جاب الحطب ـ تبو وتب
نفس الصنف ـ وي بو لهب

وعلِيهم شكد غضبان ـ اليرضه لرضات البضعه

ـ
الجابو حطب همه الحطب لجنهم
وشتمو الكالت خلو عن ابن العم
بعروگهم تمشي النذاله اويه الدم

بهاي الربع ـ شحه السبع
نحسبهم ـ وكسر بجمع

القله القليله الاصحاب ـ الدفنوا الزهره التسعه

ـ
ارد اعرف المنعول شنهي احساسه
لو باب خيبر هذا جا ضم راسه
لو ما وصية طـه جا ما جاسه

وصه النبي ـ يا صاحبي
تحمل افعال ـ الناصبي

وباجر حفيدك بالنار ـ جم جلد منه يشلعه

ـ
وين العشاير يله خل نفرضها
واعلى الفراضه المشكله نعرضها
دوسة بيوت الساده شني يفضها

يهل العَگل ـ يهل العِگل
ما اضن للطلابه ـ فصل

باجر المهدي الموعود ـ يفرض واحنه انسمعه

ـ
يرثا لها يا حال فارس عدنان
باب اليقهره وهوه داحي البيبان
بمكفاه يبين كام طبع الذرعان

يهمل دمع ـ ينعى الضلع
بالزهره حيدر ـ منفجع

امن يشوف بابه الكرار ـ تطبگ عليه السبعه

ـ
وي حيدر يسولف وحزنان الباب
يكله الذنب مو ذنبي ذنب الاصحاب
ومهدينه بل مرصاد لابن الخطاب

يِطَلع الجسر ـ من الكبر
ويكله دمك ـ منهدر

لا مفر من البتار ـ اي وحق جدي وضلعه


✍️ محمود محمد العطواني

لحن غير الميمر لهذه القصيده

(شور لمولاتي الزهراء) ١٤٤٣هـ

عدنه قوائم اسماء ـ بالهجموا اعله الزهراء
اشخاص دمهم مهدور ـ كلهم بدون استثناء

احساب عدنه وكتاب ـ للساهم بدفع الباب
يصلبهم الحجه بنار ـ اولهم ابن الخطاب

تبت ادين اولهم وثانيهم
او على راس القائمه مخليهم
اليحجي اساميهم شرط يتعوذ
يحضر الشيطان وي طرايهم


نعلة الله عليهم حتى ترضى فاطمه


حق هذا لازم ينكال ـ وعَلِيه تدرس اجيال
إلثلثميه وشواي ـ كلهم هذوله انذال

ابن ابي قـحـافـه ـ والـبـعـده بالـخـلافـه
اليلعن هذوله بالذات ـ محله عطر شِفافه

صديقهم زنديق لا مو صادق
بين الوصي وبينه جبير الفارق
هذا سجد لصنام ابو الملعونه
وهذا علي قرآن الله الناطق


نعلة الله عليهم حتى ترضى فاطمه


باجر اسامي تنذاع ـ يطلعون من جوه الكاع
مربع يرده الموعود ـ حك الزجيه وما ضاع

ذات وقود النيران ـ يشعلها هيبة عدنان
ِالمهدي سره يوكفهم ـ ويكله دورك عثمان

ابن الوليد البعده يوصل دوره
وكل الاسامي البل كتب مذكوره
يحركهم المهدي بلهب من غيضه
كل نذل منه فـاطـمـه مـقـهـوره


نعلة الله عليهم حتى ترضى فاطمه



اِلمهدي نفس اجـداده ـ والعـفـو عنده عاده
بس لازم يرد الحيف ـ امن الحرك بيت الساده

الـي شـتـم مـحـمد ـ واعلى عـلـي تـمـرد
اعليه حرام الرحمه ـ بل حركته اتـجـدد

كلمن هجم عل باب واذه الزهره
احاسبه عليه ينعاد مو بس مره
َالنار التحركه نار مو عاديه
ابكد جنهم منه وحده الجمره


نعلة الله عليهم حتى ترضى فاطمه



موصيته امه البضعه ـ يالمهدي ثاري رجعه
سمعاً وطاعه كلها ـ امن عيونهم اطلعهَ

اماه كـلـهـا الـقـائـم ـ الـثـار ارده وخـادم
امن اضهر اجيب الثارات ـ للخدر والهواشم

ويتعلى صوتي بيال ثار الطايح
عالغبره والله ودمه بالطف سايح
وارثها من عمي الكمر خزراتي
بتاري اسله وابد لا ما سامح

نعلة الله عليهم حتى ترضى فاطمه


محمود محمد العطواني

هنيالج ـ هنيالج ـ يام البنين

ـ
يفخر العشاير ـ طلكتي بكواسر ـ تره اربع عساكر
موش اربع اولاد

اقلهم يعادل ـ يفاطم كبايل ـ يبت الاصايل
يا نسل الامجاد

ها يا ضنوة حزام يا لبوة ولينه
ابنج بين الرجال ما يحصل قرينه
ويدافع باليّسار لو كطعوا يمنه
من حد كربله الزود واصل للمدينه

لاولادج ـ لاولادج ـ مامش قرين
هنيالج ـ هنيالج ـ يام البنين

ـ
وحك المجالس ـ بنينج اشواس ـ تراهم محابس
بجفوف الحسين

يطيحون امامه ـ تراهم نشامه ـ مثل يوم القيامه
بارض الميادين

عبدالله اويه عثمان هيبه ورفعة الراس
الهم بـالـمـيـاديـن حاشه طارف انداس
جعفر هد على الجيش سيفه ينكط احساس
واسمه اليرعب الكوم مامش غيره عباس

فدوه احنه ـ فدوه احنه ـ لنحر الحسين
هنيالج ـ هنيالج ـ يام البنين

ـ
بنينج غياره ـ شجاعه ومهاره ـ خذوها بجداره
لصوله بالطفوف

وكمر هل لعشيره ـ يخوف زئيره ـ ولا صح نضيره
ويضحي بجفوف

تـربـات ام الـبـنـيـن اسمه يخوف الجيوش
كـدامـه هـل اعـداد ما ضل مـنـهن طـروش
يفدي بروحه الحسين طوله كباله مفروش
فوك ركـاب الـرجـال اسمه بسيفه منقوش

خيعونه ـ خيعونه ـ ليث العرين
هنيالج ـ هنيالج ـ يام البنين

ـ
بواسل تره وعز ـ و هل من مبارز ـ العدو كله عاجز
ولدج صناديد

لبن صافي رضعوا ـ ولج هامه رفعوا ـ على القاده هجموا
حيد بضهر حيد

جواهم تره الكاع وكت الهده ترجف
لبيكَ يمولاي يابو الـيـمـه تـهـتـف
حاشاها بالوعود يالبدويه تخلف
وبشورارب هل جيوش ولدج والله تنتف

بالقاده ـ بالقاده ـ ولدج تهين
هنيالج ـ هنيالج ـ يام البنين

ـ
ضريحج نعمره ـ والج نبني حضره ـ ولابو اليمه نقره
اعليه نبجي وياج

يأمنه الجليله ـ وحك العقيله ـ تره انتي الوسيله
كل شده ننخاج

ويانه تقصرين يا مولاتي هيهات
ما فشلتي فد يوم واحد عنده حاجات
ربج يام البنّين خصج بالكرامات
شمعه ابيت الحسين جنتي بكل الاوقات

مثل امه ـ مثل امه ـ كلج حنين
هنيالج ـ هنيالج ـ يام البنين



محمود محمد العطواني

يا يمه حك رباي ـ لسكينه جربة ماي

اوصيك بوصيه وكون تسمعني
ماريدن جتف منك يــشـيعنـي

ـ
ها يا يمه يا عباس ـ تعبي اعليك ما ريده
من عدك اريدن هاي ـ وانت فارس البيده

اريدن هاي منك يا ضوه العين
مو تجوه لكبرتي تجوه لحسين


اعليك ارضه يا عباس ـ لمن اشيل الراس

اريد اتباها بسمك يل كمر يبني
ماريدن جتف منك يـشـيـعنـي

ـ
جفوفك مـا اريـدنـهـا ـ تهل تراب فوكايه
اريد جفوفك يطيحن ـ كبل ما توكع الرايه

صح هوه الـولـد لــلـكـبـره مريود
اهم من عمري لاجن يولدي الجود

لازم تـوصـل الماي ـ شي ابده من شي هاي

اريدن ترتوي زينب وتذكرني
ماريدن جتف منك يشيعنـي

ـ
عزيزه عليك واعرف هاي ـ بس ماردين بموتي
عـيـنك يـمـه يا عـبـاس ـ تـدمـع فـوك تابوتي

عليّ عينك تهل لا يبن الطياب
اريدنها بمثلث كـون تـنـصاب

عينك انه يالحيد ـ منها دمع ماريد

اريدن منذبح زينب تبشرني
ماريدن جتف منك يشيعني

ـ
ماريدك انه وياي ـ تنزل يمه للحفره
اردينك ثلث تيام ـ طايح كون عالغبره

انه بفاتحتي واكف يبني ما اريد
اريـدك طـايـح ولا راس لا ايـد

سالم الي لتعود ـ يوليدي ضحي زنود

اريدن فعلك لفاطم يقربني
ماريدن جتف منك يشيعني

ـ
بّر الام شرط عباس ـ وتباريني مـاريـدك
اريدك تمسح الاثار ـ يوليدي السبع بيدك

يا صـنـديـد هـا يـا زلِـمَـة الـزيـن
ارضه اعليك لمن يرضه الحسين

وللغيره اسمك تاج ـ تتوصه ما يحتاج

اريدن بـاجـر بلا ايد تشبـكـني
ماريدن جتف منك يشيعـنـي


محمود محمد العطواني

رد الظعن مو ذاك الاول .. واسمع بواچي وصوت مقتل
گوه اعرفت نسوانه .. وزينب اجت تعبانه
واسمع بواچي وصوت مقتل
............
من يوم عافوني ومشو .. ظليت اتاني يرجعون
ومن البچي اعليهم بعد .. ما ظلت بوجهي عيون

غالين راحو عني غالين
ضعن الحسين وحتى الحسين
ماشين وين اعزازي ماشين
ظلت عليهم شابحه العين

حسيت سفرتهم طويله .. خلوني انوح ويه العليله
موت السفر عنوانه .. وزينب اجت تعبانه
واسمع بواچي وصوت مقتل
.............

راح الضعن بس من رجع .. ازغرهم يكض صفاح
كد ما عليه اتغيروا .. جان الفضل بيدي وطاح

والليل لـونـه بـيـهم اندار
مشيبين ردوا حتى الزغار
توجع جدمهم كلمة النار
بوجناتهم شمسوي الحجار

منه بهوادج مو تعدو .. ليش بهزايل لينه ردو
تعب الدفن خوانه .. زينب اجت تعبانه
واسمع بواچي وصوت مقتل
.........

ردولي ردت مندفن .. كلهم اتراب وحسرات
كل ما بالوجوه امتعن .. ما اعرف العلويات

والاكثر انه اعليها ونيت
يوم لضعنهم من تعنيت
وجا وينها ام عون انه سئليت
ثاريني من زينب تعديت

بعيوني احشم دورن وياي .. ياهيه زينب هاي مو هاي
متغيره كالت انه .. وزينب اجت تعبانه
واسمع بواچي وصوت مقتل
……..

ردولي ما بيهم ضوه .. ميت ضواهم عالماي
واجدامهم تنزف دمه .. چوتهن النار هواي

گمت احچي وي زينب بالدموع
طافين اجيتو طفية اشموع
وين الضوه الوياچ مرفوع
گالتلي مات وراسه مگطوع

بيديهه دم شويه منه .. شميته ريحة هيل چنه
گتلهه شو ما جانه .. وزينب اجت تعبانه
واسمع بواچي وصوت مقتل
.............
گمت اقره بعيون الفضل .. عبدلله ماهوه يگول
جا ليش حتى اصيار امس .. بالطف ذبيح ومكتول

حسبته يرجع لينه كبران
نكبر سويه نصير صحبان
ليش بضعنهم ما إله امچان
حاچيني عمتي يا ام الاحزان

جا وينه ابن عمي وتنيني .. ردت انه اكحل بشوفه عيني
وبمهده خالي امچانه .. زينب اجت تعبانه
واسمع بواجي وصوت مقتل
.............
اظلم صبح بيت الأهل .. غياب كلهم غياب
كل رجعه ما الهم صفه .. وحشه بغياب الاحباب

والبيت وبلياهم شلون
مثل الوجه بي فاگد عيون
والچانو ويانه يگعدون
راحو بعد لا ما يرجعون

لليفگد احبابه دعينه .. الله يعينه الله يعينه
ويعينهه الحزنانه .. وزينب اجت تعبانه
واسمع بواچي وصوت مقتل
.............


الشاعر علي عبدالله المفرجي
والشاعر محمود محمد العطواني

والنعم منج يـلـبـوة حـيـدره
وام كمر عدنان سبع الكنطره

ـ
والـنـعـم تـنـكـال مـنـج والـنـعـم
جـبـتـي لـلـكـرار خوش اربـع زلـم
مـرجـلـه ونـومـاس واصـرار وعـزم
المثلج انتي تجيب بس وين الشهم

بعد ام حسين انتي اعضم مره
والنعم منج يـلـبـوة حـيـدره

ـ
حرمه بت اجواد هيبه معدله
رباتج الصنديد راعي الـمـرجله
بزوده اسمج صار شيخه كربله
لسورة الكوثر صبحتي البسمله

ونار باب الزهره بيج موجره
والنعم منج يـلـبـوة حـيـدره

ـ
علي امن يناديج باسمج فاطمه
حسينج اتحسين اسمج يألـمـه
كلتي لـلـكـرار ودمـوعـج دمــه
خـلي اسمي ام البنين الخادمـه

حسين متكسرين باسمج خاطره
والنعم منج يـلـبـوة حـيـدره

ـ
انتي ربيتي بـنـيـنج عـل وفـه
والفخر يتباه باسـمج واكـتـفـه
صيتج اعله الكاع يا يوم انجفه
بس ابو السجاد قدرج ينصفه

وتلطم اعله مصابه دوم موزره
والنعم منج يـلـبـوة حـيـدره

ـ
حسين يمه يكلج وهذا فـخــر
انتي يل جبتي اله حزام الضهر
كلتي انا الخدامه بس صيتج كبر
لان علـمـتي المراجل لـلـكـمـر

ولدج اعلى الموت دوم محضره
والنـعـم مـنـج يـلـبـوة حـيـدره

ـ
عـل نـهـر عـبـاس جـان بـنينوه
لجن ذب الماي من ايده وهوه
تـذكـر الـهـيـبـه وصيـج واتـروه
سيف ابنج مدري جم فارس چوه

باسمج اتنخه وتبسم ناضره
والنعم منج يلـبـوة حـيـدره



محمود محمد العطواني

بكلبك نار ـ لا تحتار ـ ام عباس تطفيها

ـ

كلمن حاجه من ام الكمر رايد
يقره ام الكتاب وباجر يـشـاهد
تره الينخاها تكضي حاجته وزايد

بت اصل الكرم فاطم ـ تسگام لبخت هاشم
منها استعطت الوادم

انخاها ــ لا متبات الحاجه

يا هل ناس ـ ام عباس ـ والعباس تكضيها
بكلبك نار ـ لا تحتار ـ ام عباس تطفيها

ـ

منو الشايف كبل يا هل خلگ دكتور
ميكلف تره وكشـفيـته بـس انـذور
بس ام البنين الضحـت بـعـاشـور

لو عندك مرض مخطر ـ يشفه بسرعه بس تنذر
بس حلفها بالخنصر

بيها ـ جم حاتم ضل حاير

عندك داي ـ فاطم هاي ـ بس حلفها تشفيها
بكلبك نار ـ لا تحتار ـ ام عباس تطفيها

ـ

سفرتها نمدها ومنها نـتـخـيـر
ولا فديوم كالت انـه مـا اكــدر
تشيل الهم لوّن جان بثگل خيبر

آي حاجه احنه ندريها ـ لا ما تصعب اعليها
يشفي العله طاريها

تشيله ـ همك يل تنخاها

بت حزام ـ ما تنضام ـ من تذكره طاريها
بكلبك نار ـ لا تحتار ـ ام عباس تطفيها

ـ

يـا اول مـره لـحـسـين خـدامـه
وجبتيله الكفيل الشد اله حزامه
اسمج بس اميـره يـرهـم اولامـه

يا لبوة اسد خيبر ـ يل كُفؤج فقط حيدر
بيج شكم نبي تحير

ناده ـ جبرائيل بصيتج

امن اهل البيت ـ عندج صيت ـ والشدات تلويها
لـبـوة شـيـخ ـ والـتـاريـخ ـ حـايـر يـم مـعانيها

ـ

بقه التاريخ متحير يـنـشـميه
اضلمج كال اذا اسميج بدويه
وافعالج تـدل اعليج عـلـويـه

بيج تحير العاقل ـ خيرج عل خدم نازل
يل ربيتي ابو فاضل

رباتج ـ الما دنك هامه

لبوة شيخ ـ والتاريخ ـ حاير يم معانيها
بكلبك نار ـ لا تحتار ـ ام عباس تطفيها


محمود محمد العطواني

#دارت_سنه
#الرادود_احمد_الحميداوي
#محمود_محمد_العطواني

https://youtu.be/60DJyXUnuRs?si