ابو ذيات لولادة الامام علي


يل ابنهج الله دوم اسمك ،، مؤاول
وابوه حاروا منو العدك ،، مو اول
وتره تسبيحة الـزهـره ،، مئه ولـ

واحد انتا يا حمي الحميه


،،،🤍،،،🤍,,,🤍،،،🤍،،،🤍,,,🤍,,,


علي اول مسلم وما صار ،، قبله
ومسقط راسه لـلاسـلام ،، قبله
بحلك جبريل اسمه صار ،، قبله

يقبل بيه عرش اصل البريه


،،،🤍،،،🤍,,,🤍،،،🤍،،،🤍,,,🤍,,,


عيوني انتَ ابو التاريخ ،، قرأن
وكلت يا كلبي بالكرار ،، قر ان
هوه التورات وبعيناه ،، قران

وحجي الانجيل من بعل الزجيه


،،،🤍،،،🤍,,,🤍،،،🤍،،،🤍,,,🤍,,,


حـيـدر حـبـه ليه صار ،، مذهب
ولَغيره بساعة الشدات ،، مذهب
عطره بريتي ابد ما راح ،، مذ هب

والمتشهگه هاي شلون ريه


،،،🤍،،،🤍,,,🤍،،،🤍،،،🤍,,,🤍,,,


يهبيتنه ويكشختنه ،، واصلنا
بحبك للسمه السبعه ،، وصلنا
يمينك بالحشر تختم ،، وصلنا

الامر بيدك يحماي الحميه


محمود محمد العطواني

ولادة الامام علي (عليه السلام) 🤍


اناشيد ولائيه •🤍• وافراح إلاهيه


،،،🤍،،،🤍,,,🤍،،،🤍،،،🤍,,,🤍,,,


هاي افراح واناشـيـد تـضـل مـسـمـوعـه
الشيعي هل يوم يهل ناس علگها اشموعه
يا علي يكول بقـه يـعـيـد تـره بـمـوضـعـه


احاسيس غنائيه •🤍• وافراح إلاهـيه
انـشـيـد ولائـيـه •🤍• وافراح إلاهيـه


،،،🤍،،،🤍,,,🤍،،،🤍،،،🤍,,,🤍,,,


انزين الكون والبيوت تـره بـهـل فـرحـه
وصدري والله بابو حسين اللهي يشرحه
وهوه لو جان انـه انـخـاه يهمي يطيحه


هتافات سماويه •🤍• وافراح إلاهـيه
انـشـيـد ولائـيـه •🤍• وافراح إلاهيـه


،،،🤍،،،🤍,,,🤍،،،🤍،،،🤍,,,🤍,,,


مرتفع صوت والحسين نشيد نعيده
الـمـا يـريدك يمولاي ابـد مـنـريـده
مـولـدك صار مواليك يحيدر عـيـده


مجانين بعقليه •🤍• وافراح إلاهيه
اناشيد ولائـيـه •🤍• وافراح إلاهيـه


،،،🤍،،،🤍,,,🤍،،،🤍،،،🤍,,,🤍,,,

لوّن مـعـلول عـلـى ادواك ابـد لا تـسـئل
يا عـلي كـول يـمـحـتـار وحـكك تـسـهـل
يحصد الضيم نعم صار يل اسمك منجل


علامات اماميه •🤍• وافراح إلاهيه
اناشيد ولائـيـه •🤍• وافراح إلاهيـه


،،،🤍،،،🤍,,,🤍،،،🤍،،،🤍,,,🤍,,,


فضله يا ناس ابو حسين منوه يشرحه
بمكه واللهْ تره بيت جـداره يـوضـحـه
فضله معروف عل اديان اللهي مصرحه


بأقوال كـتـابيه •🤍• وافراح إلاهيـه
اناشيد ولائـيـه •🤍• وافراح إلاهيـه



محمود محمد العطواني

لمولاتي زينب (ع)


يم بت اخوها ام عون ـ جتها المنيه شلون

بالشام اجيت وجتي الي المنيه
خاطر اواسي اعله الغرب رقيه

ـ
يهون الـغـربـه عليّ كـبـرج يـعـمـه
چيف عطر حسين من عطرج اشمه
بس بدون انكاب اخوتي نعشي زحمه
وانه اخت ذاكه الكمر عدنان اسمه

يا بت اخوي الشام ـ غربه وهجر والام

موصيه وانفذ جايه بالـوصـيـه
خاطر اواسي اعله الغرب رقيه

ـ
انتي يا بت الحبيب وهم حبيبه
جايه اموتن يمج ومـنج قـريـبـه
حتى لتكولين وحدي انه وغريبه
كلبي اريدن يمج ايسكن نـحـيبه

يل موتاج الراس ـ وانه هجر عباس

يمج متت يل مـتـي بـيـن اديه
خاطر اواسي اعله الغرب رقيه

ـ
اثنينه متنه بسبب هجر الـحـبـايـب
هـم سبايه اثنينه وهـم بـالـخرايـب
مخدرات حسين احنه وآل طالب
تقاسمينها يعمه هــل المصايب

متنه بنفس إلاسباب ـ وشيرجع الاحباب

وميته ويشمرون الحجر عليه
خاطر اواسي اعله الغرب رقيه

ـ
انه بت الرد شـمـس ربـنـه ابصبعه
ليش اخوي اليوم اصابع عنده تسعه
ردته يقره الفاتحه اعليه واسـمـعـه
وسفه سلبوا محبسه وسيفه اويه درعه

ويم بته انه اليوم ـ تشتمني هاي الكوم

مِيمِر علينه وليش ماله جيه
خاطر اواسي اعله الغرب رقيه

ـ
يا كلب هيهات مـا يـحـضـر عـزوتـك
ميل يا ضهري وبعد هـاجـر تـچـوتـك
يل متت عطشان عطشانه اعله صوتك
بنعشي جنت اتمنى حاضر ويه اخوتـك

يابو رقيه شلون ـ نعشي يريد متون

والناس صاحت ماتت السبيه
خاطر اواسي اعله الغرب رقيه

ـ
جني شمعه من بعدكم اهمل ادموع
عشت يخواني بعدكم عيشة أشموع
بس لجن ما ضوي انه وكلبي مفجوع
وهضمه بارض الشام صار النوح ممنوع

يمخوف العيال ـ ما تدري بيدي احبال

بالغربه موتي وقلة الـحـمـيـه
خاطر اواسي اعله الغرب رقيه



محمود محمد العطواني

حانت ساعتي وعباس ما هوه
بتشييعي تمــنيته الـي عـزوه

ـ
الي عزوه لواه لو رف عل الجنازه
وهنيال اليموت وتحضر اعزازه
والعباس انـه لعباس مـعـتـازه

عطشانه الك يا نهر المروه

ـ
المروه تجيبك هذا كل ضـنـي
اويه السجاد تحضر كون تدفني
تمنيت بحفرتي انتا الـتـلـقـني

وتقرالي اعله كبري سورة الخوه

ـ
الخوه الوكفت بعينك بوكت الماي
ما وكـفـت بموتي لـيـش يـا وفـاي
من كد البواجي انعمت هاي وهاي

وذا متشوف عينك يعني ما تسوه

ـ
ما تسوه الدمع مو راح اجيك هناك
مشتاكـه لوكفتك خويه ولـمـلـكـاك
بــس شلون تشبكني وبلا يـمـنـاك

يا اول كمر فوك الرمح ضَوه

ـ
الرمح ضوه الدرب طول السبي براسه
روحه و رده ضـل ينزف تـره احساسه
شكثر معتازه هسه لشهگة انـفـاسـه

وكبل ما موت يا ريته الي تچوه

ـ
الي تچوه الاخو لو صار هـنـيـالي
وسف ضليت بس الدمعه تبرالي
يـتكـفل دفـنـتـي ردتـه كـفـالـي

ما حسبته ابد فوگ النهر يهوه

ـ
النهر يهوه الشجاع الما يطخ هامه
واخذ مني الردت بجنازتي الـثـامـه
ويا محله النعش لـو انـتـا كـدامـه

تمشي وخاطرك مكسور يل ضنوه

ـ
يل ضنوه شـكـثر معتازتك هـسـه
وانه ادري باخوي الحيد ما يـنـسه
لا كمرت علي حضرتني لا شمـسه

الدنيا ويايه مالت وإلطف شسوه



محمود محمد العطواني

رزقيني الـزياره احلفج بالضلـع
يا زينب ازورج واهل يمج دمع

•••

مولاتي رجواتي ترزقيني الزياره
امنيتي تدعيني وي هاي الغياره
هنيالي لو اغفه يم فيّ المناره
اليتغرب يتحمل صحنج هوه داره

امنيتي كلتها واريدن تـنسـمـع
يا زينب ازورج واهل يمج دمع

•••

يا زينب ما اتعب لو عام المسافه
شما يطول جا عمري وما ازورج حسافه
غير انتي النشميه وتربات الكلافه
ويا صحنج هنياله كلمن والله شافه

شوكي لمن يزيد الج اشعل شمع
يا زيـنـب ازورج واهل يـمـج دمع

•••

نتمنه كل احنه يمج هل حبايب
ونزورج ونشوفج يا ام المصايـب
لو كبرج هم يمنه سوينه العجايب
بس وسفه مولاتي بالشام وخرايب

لو يمنه بمحبتج ارضنه تنزرع
يا زينب ازورج واهل يمج دمع

•••

حـلـفـتج يا زينب بـالـزهـره وضـلـعها
يم صحنج خل تطلم هل ناس بجمعها
وذنـوبــه كـل خـادم يم بابج نـزعـهـا
وكـلـمـاتـج يـا اهلاً اي والله سـمـعـهـا

بلا ذكرج حياتي ابد ما تنجرع
يا زينب ازورج واهل يمج دمع

•••

رزقـنـي مـولاتـي زيِـاره وي مجالس
وبدمعي لمصابج ما شايف منافس
مجنونج وحسنيج بي جنني عـابـس
وكل عمري ثوبي اسود يا مولاتي لابس

كل عمري بخدمتج وحك جف السبع
يــا زيـنـب ازورج واهـل يـمـج دمـع


محمود محمد العطواني

( نزله اهوازيه ) لمولاتي زينب ع

عجل يا مماتي بساع لـلـعـبـاس مشتاكه
الاشوفه منين ما اندار ما اكدر على فراكه

ـ
وينك يا مـمـاتـي اليوم اجبل مني لا تبعد
ما ضل عيني بيها دموع دمعي بعيني ما يركد
كل الساده مذبوحين ما مذوبح بس سـيـد

وي دموعي ما يناقس نهر العلكمي وراكه
الاشوفه منين ما اندار ما اكدر على فراكه

ـ
اريد البعده صار حسين ضهره يشبه كرابه
اتمناه يجي جـنـاز بـيـه ويـلـبـس انـكـابـه
ما يكدر يجي ومعذور عني عَطله صوابه

ما ضل شي واشوفه هناك يم الزهره نتلاكه
الاشوفه مـنـيـن ما اندار ما اكدر على فراكه

ـ
بعد كل المصايب ذيج الهضمه هنا تهد حيلي
الهضميه موتي يم شمات ومحد راح يبجيلي
وكلش كبره عني بعيد الاتمناه يتجيلي

مر فركاه كمر عدنان ميحس بي الما ضاكه
الاشوفه مـنـيـن ما اندار ما اكدر على فراكه

ـ
اليهون عليه الموت اشوف الكمر وخوانه
ما نكدر تره يكولون يا زينب عل متانه
مشتاكين موتي بساع خل نشوفج ويانه

ذبل صبري انه كتلهم عليكم طاحن اوراكه
الاشوفه مـنـيـن ما اندار ما اكدر على فراكه

ـ
هم لا صوت لا تشيـع تطلع راح الجنازه
اثاري موتت المشتاك تشبه موتت اعزازه
بس نعش امي عنده متون وانه متون معتازه


اريد متون البدونه تصعب صعدت الـنـاكـه
الاشوفه مـنـيـن ما اندار ما اكدر على فراكه


محمود محمد العطواني

لمولاي موسى ابن جعفر (ع)
لسان حال الزهراء (ع)

وا ويلاه يوليدي ••• وا ويلاه يوليدي

=====

انه امك يابن جعفر فاطمه لصحنك اجيت
ويه هل مشايه لجلك يمه مشايه مشـيـت
فوك شباجك اجيت بكسرت ضلوعي ونعيت
انه ويه احبابي يـمـه جوه كباتك بـجـيـت

وا ويلاه يوليدي ••• وا ويلاه يوليدي

=====

مو دمعتي تطيح لجلك لازم تطيح الـعـيـون
خلصت زهرت شبابك يا وسف بين السجون
امصابك اعله امك يموسى لا تضن يهده ويهون
اليله احمر صار لجلك يل وفي لون الجفون

وا ويلاه يوليدي ••• وا ويلاه يوليدي

=====

الك منصوبه المواكب يمه والمدمع يسيل
وشيعتك يا يمه كالت يسهل الدرب الطويل
وانه من الطف اجيتك جايبه جفوف الكفيل
وجبت من النجف دمعت حيدره حامي الدخيل

وا ويلاه يوليدي ••• وا ويلاه يوليدي

=====

جيتك ابسمار ضلعي يل متت ومكـيـديـك
دمي ينزف يمه اجيتك وانتا هم تنزف ايدك
حسين هم بلايه منحر وي انصاره يـجـيـك
ويمه من مشهد تعنه ابنك بدمعه عـليـك

وا ويلاه يوليدي ••• وا ويلاه يوليدي

=====

جيتك ومشتاكه يمه بكثر شوك ام الـبـنـين
ساعة الطول عليها بسفرته هناك الحسين
هيه صبرها دمعها واني صـبـرني الـونـيـن
كلبي بارض الكاضميه قبلي واصل للحنين

وا ويلاه يوليدي ••• وا ويلاه يوليدي



محمود محمد العطواني

اهوازي
لمولاي موسى ابن جعفر (ع)


حيهم يا نسل عدنان چفو الدله و المـوگد
عدكم بالغرب صنديد حيف بسلسله مگيد

ـ
اسرجوها الاصيل ذيج حيهم يا نسل هاشم
بسجن اللا رشيد هناك مات امسمم الكاظم
يل ما منكم انتو بيوم واحد على الذل نـايـم

موسى اعله الجسر يا حيف يا بزرت علي موسد


ـ
وين الساده هذا اليوم الاخضر وينه بـيـرغـهـم
عميد الساده الف يا حيف راح وشال من عدهم
عراضه خـلـهم يـسـون ويـنـصـبـون جـادرهـم

عدهم ثار يم هارون وهذا الثار ما يبرد

ـ
لعنت الله على هارون مخلي الضوه بـطـامـوره
باجر تِصلي بيه النار امن المصحف سجن سوره
ايـرتـل بـيـها جبرائيل ومـن عـدهـا اخـذ نـوره

والكاظم يشع بالنور وارثها مِن اب وجد

ـ
فاكد خيمته بـهـل يوم الله يـسـاعـد الـضـامـن
يكلك يا عزيز الـــروح فـكـدك عـل وجـه بـايـن
ومعصومه ذبحها الشوك ولدروب اليجي تعاين

الله يعينها بفركاك والله يعين ابو محمد

ـ

گيد الكاظـم يذكره بگيد المشت مسبيـه
سجنه اعليها كضا نوح سواه جن حسينيه
تره ابغداد نوحه يزيد ودمعته كـربـلائـيـه

والسم من وصل جبده ويلي اعله النحر ردد



محمود محمد العطواني

لمولاي موسى ابن جعفر (ع)



وا كاضما وا ويلا

ـ
كصته جانت زركه من كثر السجود
وزركه هم جفوفه من ضب القيود
مات مسموم بسجون اللا رشيد
اعليه ينوح اليوم كل هذا الوجود

هذا الشيعوه ودمه بـجـفـوفـه
هم بالغربه مسلم جنه بالكوفه

على جسر الرصافه ـ انترك وبكل صلافه

وا كاضما وا ويلا

ـ
مات ما شيف حبايب لا شموس
شوكه جان لوجه سلطان النفوس
لهفته لمعصومه يشبكها يريد
مات بالحسره وحك ذيج الرؤس

كضم غيضه لجن ما كدر لشواكه
الرضا غالي عليه يا مصعب افراكه

الرضا يا ضيم فركاه ـ حتى احنه جربناه

وا كاضما وا ويلا

ـ
فدوه لو تنعمي لمصابه العيون
عمره خلص بالضلام وبالسجون
شوكه من يخنكة لحفاده الزغار
تطبك السبعه عليه طبك الجفون

الله يعينه ضيم مجلجل بكلبه
شوكه لولده جفه وجفه للغربه

من الغربه شيب ـ الله يعين زينب

وا كاضما وا ويلا

ـ
بالسجن وحده يشاهد بالضلام
دفعة الباب وحرك ذيج الخيام
وجده ابو السجاد وحده بلا معين
يشوفه عالغبره ذبيح بكل منام

يقارن ويه يروحه الخيل و السحكه
ويــه الـبـاب ذاكـه وقـوة الـطـبـكـه

ويفز كل يوم حلمان ـ يشوف حسين عطشان

وا كاضما وا ويلا

ـ
بالصلاه لو راد يقنت بالجفوف
منضر يكطع الكلب بيده يشوف
عشر اصابع ينضر بهذا العدد
الخيول العشره البارض الطفوف

واصابع يمنته امن يشوفها يذكر
محبس جده ذاك وكصة الخنصر

يفز من كلمة الماي ـ اثر بي تارك هواي

وا كاضما وا ويلا


محمود محمد العطواني

لمولاي موسى ابن جعفر (ع)


اسد بغداد يستقبل المشايه

ـ
يم كاضم الغيض التعب محلاته
يحمينه الكمر وفياي ريـشـاتـه
ياهو العنده حاجه يجيب حاجاته
وهنا هم حبيب يعدها خطواته


والحاجات ترد مكضيه

ـ
كلمن عده عله وبل دوه تـحـيـر
بهل ايام بس خل ينخه ابن جعفر
بس يحلف المسموم بالـمـنـحـر
تشفه العله والله يم ابن حيدر


والمعلول هنا يتعالج

ـ
بغداد انشدوها عن قصر هارون
راح تكول صار الصيت للمسجون
تكصد موسى ابن جعفر زلم يمشون
لارض الكاضميه صلاله ميتيهون


كبته تصيح اهلاً يالزاير

ـ
هذا الشيعوه ودمه بـجـفـوفـه
هم بالغربه مسلم جنه بالكوفه
نهر موسى ابن جعفر دجله بجروفه
صاحت شيعته للموت منعوفه


شلون نعوف الكاضم وسفه

ـ
علينه اجداد اضنهم ما يعرفونه
وعوفو المشي يا شيعه يحاجونه
واحنه البعث ما كدروا يمنعونه
مجانين الحسين احنه يسمونه


وام حسين حيهم صاحت



محمود محمد العطواني

ميمر كربلائي لمولاي الكاظم

اداء || الرادود مالك العطواني
كلمات|| محمود محمد العطواني

الرابط 👇👇
https://youtu.be/aDYyioBvdJ0?si=gz288gRIi5b9nc8J

هوسات شعبانيه




الفرح يا هل خلك لو جان عنده لسان
يصَيح جـا بـقـه بس يا هله بـشـعبان
وي هــلــت الـهـلال نـكـتـر الاحــزان

والفرحه تزيد بكل ليله

الفرح يتصاعد بشعبان كل ليله
والرافضـي دمـعـاتـه التـغـنـيله
الملا اليوم يطربنه بــمـولـويـله

هنيال الشيعي بافراحه




،،،🤍،،،🤍,,,🤍،،،🤍،،،🤍,,,🤍,,,




هوسات للامام الحسين (ع)


جنح فطرس قبل مـكسور وبـمـيـلادك تـجـبـر
وما صارت لغيرك هاي جا غير انـتـا ابـن حـيدر
وجرف يا سيدي امن جروف نهر الزاجيه الكوثـر


ترخص من الزهره يهز بمهدك ميكائيل


عقيقه عــدنـه للـمولود نذبح ربـنـه تـرتـيـبه
وعقيقت حيدره لحسين راس العامري يجيبه
صاح بصوت جبرائيل هيبه وخـلـفِـت هـيـبه


يا هنياله حسين عليك وانت اعلي هنياك



،،،🤍،،،🤍,,,🤍،،،🤍،،،🤍,,,🤍,,,



هوسات للامام العباس (ع)


أذنت بأذن عباس ودخن راس ابو الغيره
اشهد ان سيفك راح يخلي بالزلم حـيـره
عن طبراته بالميدان ديره تسولف لديره

انتا المن مهدك فارس ومناغاتك صوت السيف




الولد كالو اله بالخال ياخذ منه ثـلـثـينه
بس عباس يفرق جان طالع كله لحسينه
يشبه حيدر الكرار جي مخلوق من طينه

الكافل لو يتوضه بگطرت كصته ومن بالماي



طبرة الـعباس طـبـره بـيـهـا مـحـتـار العگلّ
تگسمه نصين المقابل وابــد ما يضرب غفلّ
طبرته محيره الگبايل والـعـشـايـر والـعـگِـلّ
انه ما شايفلي طبره تگسمه نـصـيـن الفصلّ

انتا الطبراتك كامت تحكم بالميدان وبالديوان




محمود محمد العطواني

#اسعد_الله_ايامكم
٢/١٤ ـــ ٣ شعبان



#محمود_محمد_العطواني

بالمنتضر هنيالنه 🤍 بالمنتضر هنيالنه

،،،🤍،،،🤍,,,🤍،،،🤍،،،🤍,,,🤍,,,

دار احزان فاطم صار دار افراح
وتزَين الليله بـشـمـع وبـقـداح
وتصَفگ الشيعه والنجم مرتاح

وشمس الله تلالّي 🤍 والبدر العالي 🤍 بميلاد الغالي
عيد الله بميلاد الغالي


بالمنتضر هنيالنه 🤍 بالمنتضر هنيالنه

،،،🤍،،،🤍,,,🤍،،،🤍،،،🤍,,,🤍,,,

طشو الواهليه وزيدو بالصفكه
وادعو الباري خل يَعجل الملگه
والميكول يضهر باجر انسحكه

من يضهر باجر 🤍 يرد ثار العاشر 🤍 الما يصبح ناصر
اندوسه الما يصبح ناصر


بالمنتضر هنيالنه 🤍 بالمنتضر هنيالنه

،،،🤍،،،🤍,,,🤍،،،🤍،،،🤍,,,🤍,,,

بميلاد اليضوي وشمعه بالهندس
مريم وي خديجه واسيا تهوس
الزجيه وياهن وكاللها يا نرجس

طلگاتج هايه 🤍 قران وآيه🤍 للمذهب رايه
مولودج للمذهب رايه


بالمنتضر هنيالنه 🤍 بالمنتضر هنيالنه

،،،🤍،،،🤍,,,🤍،،،🤍،،،🤍,,,🤍,,,

وحك جف الكفيل ورايته الخضره
ورد مـفـروشه اله كربله وسامـره
الفرحه اليوم تشبه فرحة الزهره

تخبل هل عاده 🤍 عوام وساده 🤍 بليلة ميلاده
فرحتنه بليلة ميلاده


بالمنتضر هنيالنه 🤍 بالمنتضر هنيالنه

،،،🤍،،،🤍,,,🤍،،،🤍،،،🤍,,,🤍,,,

اليوم العسكري ضحكاتـه تـحـلالـه
وفرح بالمهدي كلبه هواي من شاله
هـنـيـالـه عـلـيـك هـواي هـنـيـالـه

يا اجمل صوره 🤍 بعين المعموره 🤍 بجيتك مقهوره
واعداك بجيتك مقهوره


بالمنتضر هنيالنه 🤍 بالمنتضر هنيالنه




محمود محمد العطواني

ثــار الله الــمــنــتــضــر ثار الله
وجده ردتله الشمس بعد الصلاه

،،،🤍،،،🤍,,,🤍،،،🤍،،،🤍,,,🤍,,,

١٥ شـعـبـان صـار الـمـنـتـقم
وصاحت الاكوان منك والنعم
بجيتك الانذال بــاجــر تـنهزم


هذا عالي وبالارض محد علاه

ثــار الله الــمــنــتــضــر ثار الله
وجده ردتله الشمس بعد الصلاه

،،،🤍،،،🤍,,,🤍،،،🤍،،،🤍,,,🤍,,,

بأجمل الاطوار غنت كربله
هله بهل مولود يا مية هله
نّور الاكوان شـيـخ الـمرجله


نّور بجيته ارض ربنه وسماه

ثــار الله الــمــنــتــضــر ثار الله
وجده ردتله الشمس بعد الصلاه

،،،🤍،،،🤍,,,🤍،،،🤍،،،🤍,,,🤍,,,

هذا هنياله الذي بحبه حضه
داره من الخير حاشاه ما فضه
هذا يا هل ناس جنه المرتضى


بالفضائل هذا واصل مستواه

ثــار الله الــمــنــتــضــر ثار الله
وجده ردتله الشمس بعد الصلاه

،،،🤍،،،🤍,,,🤍،،،🤍،،،🤍,,,🤍,,,

نهني نرجس بيه ويــه العسكري
واسمه من اقراه يــنسر نـاضـري
سـيـد الاكوان فــارس حـيـدري

اسمه يفرح بي جا كلمن قراه

ثــار الله الــمــنــتــضــر ثار الله
وجده ردتله الشمس بعد الصلاه

،،،🤍،،،🤍,,,🤍،،،🤍،،،🤍,,,🤍,,,

لا محال يصيح كلبك لا مـــحــال
يوم جيتك عـيـد ابـنـاء الـــحــلال
بس ضهورك ليش يـا مـولاي طـال


العطش لاسمك سيدي محد رواه

ثــار الله الــمــنــتــضــر ثار الله
وجده ردتله الشمس بعد الصلاه

،،،🤍،،،🤍,,,🤍،،،🤍،،،🤍,,,🤍,,,

اي وحگ قتال مرحب وابن ود
اغله من الكون هذا المـنـولـد
نــزل جـبـرائـيـل ويــوزع ورد

ووكف ميكائيل ويردد وراه

ثــار الله الــمــنــتــضــر ثار الله
وجده ردتله الشمس بعد الصلاه

،،،🤍،،،🤍,,,🤍،،،🤍،،،🤍,,,🤍,,,

يوسف و عيـسـى الــه كالو نـقـيـم
محفل بـهل يوم وويانه الـكـلـيـــم
غير هذا المهدي ذو الشأن العضيم

بعد هذا المهدي حجتنه شحلاه

ثــار الله الــمــنــتــضــر ثار الله
وجده ردتله الشمس بعد الصلاه



محمود محمد العطواني

لسان حال الامام الحسن ع

عجل يخويه وياي ـ انشيل الي جان فياي

محرابه من دمه انمله علـيـنـه
حيله انهدم يا خويه خل نعينه

ـ
يا علي كول وعلي خلنه نسنده
الدومه حلال الشدايد فكده شده
بيا وكت حيدر علي يسندونه ولده
حيله وي دمه على القبله تـبـده

صاحب سواد الليل ـ ما عنده ضل كل حيل

شالانه بيده وهسه دور اديـنـه
حيله انهدم يا خويه خل نعينه

ـ
عمامته المنها يفوح المسك عطره
ايتامه بيها يغطي جان ويكسي فقره
بيها بخت الساده كله عمامه خضره
لونها تغير يـخـويه وهـسـه حـمـره

تاسع عشر رمضان ـ مـتـخـضـب القران

راح وبعد بس الحزن يـجـيـنـه
حيله انهدم يا خويه خل نعينه

ـ
طاح ابونه وطاحت ويا كل سمانه
ومنهو أِليعوض الابو ويترس مكانه
منهو يوصل عشرته الحلوه وحنانه
عــلــمــانــه ودلالانـــه وكـبـرانـه

راح العزيز الجان ـ هيبه وصدر ديوان

ومن دمه تراس لحيته وجبـيـنه
حيله انهدم يا خويه خل نعينه

ـ
يمه كعدت ولده وتشاهد طبرته
وراح يصفك راح من راحت ضحكته
الكمر يمه ينوح ويشاهد دمـعته
وكالت ام كلثوم ابونه ما عرفته

متغير ومتعوب ـ منه الفرح مسلوب

وما بّطـل الكافـل ابـد ونـيـنـه
حيله انهدم يا خويه خل نعينه

ـ
حسين زينب شافته ويا لوعة اخته
بين طبرة حيدره وطيحـة دمـعـتـه
تكله من بعد الولي ودمه وطبرتنه
خوف عاشوراء يالعطشان عـشتـه

شفت الولي مطبور ـ وتخيلت عاشور


چفت مدامعنه بكثـر بـجـيـنـه
حيله انهدم يا خويه خل نعينه

ـ
يا عميد الساده يا شيخ النشامه
اباب دارك واكفه اتاني الـيـتـامه
تدعي ربها تكوم ليـها بالـسـلامـه
يل العلي خلي علي يتمم صيامه

حيدر ولي الايتام ـ يسمونه يابو الثام

واب النه كالو مو فقط ولـيـنـه
حيله انهدم يا خويه خل نعي


محمود محمد العطواني

علي علي علي علي علي يا علي

ـ
علي الاسم الاعضم ـ علي لا ما يـنـضـم
علي الهيبه الضيغم ـ بالحرب ما يرحم

علي دومه الـعـالـي ـ علي كـلش غـالـي
علـي راحـت بـالـي ـ بـحـبـه يا هنيـالـي


هذا الاسم من ينذكر الهم ينجلي
علي علي علـي عـلـي علي يا علي


ـ
علي النور الساطع ـ علي البدر الطالع
علي صيته الشايع ـ ولا حشاه مو رابع

علي بـ طه اتـكـفـل ـ عـلـي هـوه الاول
علي مصحف منزل ـ ذل زلم بس ما ذَل


تخشع سمانه بهل اسم من ينـتـلـي
علي علـي عـلـي عـلـي علي يا علي


ـ
علي راعي الشيمه ـ علي فّي بالهيمه
علي للحك خيمه ـ وبالقحط هم غيمه

علي ايه وسوره ـ علي العرش ايزوره
علي الكون ايدوره ـ كشخة المعموره


والـجـنـه لـمن تنسئل منهو الولي
علي علـي عـلـي عـلـي علي يا علي


ـ
علي رازق واهـب ـ علي سيفه الضارب
علي عالشر غاضب ـ امنتف اكبر شارب

علي حـيـل الـبـاري ـ علي بالـدم سـاري
عـلـي وانـه الـقـاري ـ اسمه من صياري


هذا النداء امن الصغر ضل يعتلي
علي علـي عـلـي عـلـي علي يا علي


ـ
علي مربع حيفه ـ علي شاطر سيفه
علي كلشي بكيفه ـ الوحي بداره وضيفه

علي احزام الهادي ـ علي باسمه انادي
علي ولجلك فادي ـ يالعزيز اولادي


هوه انه غيرك يل فحل جا منهو الي
علي علـي عـلـي عـلـي علي يـا عـلـي


ـ
علي ذخر الشيعه ـ علي امره انطيعه
علي لا مـنـبـيـعه ـ واله نهدي البيعه

علي اليصبح جاره ـ عـلـي ايبَـرد نـاره
علي واحنه انصاره ـ الميت و حّي زاره


لمن يدفنوني افتخر يمـه هـلي
علي علي علي عـلـي علي يا علي



محمود محمد العطواني

ميمر كربلائي


مختلفه يا حيف الناس ••• اول علي لو رابع

=====

ما تفتهم هاي الخلگ عاذرهم
مو بالتسلسل قدرك شيقنعهم
سِيِد الرسُل طه لجنه اخـرهـم

العاشر لّون يحطوك ••• واضح تضل ما ضايع

=====

موش برقم قدرك عـلـي يــتـحدد
يل ما يعرفك بس إلهك واحــمــد
ودومه الوحي لدارك يجيي ويتردد

هذا الحمه بسيفه الدين ••• وذمته لاحد ما بايع


=====

الرابع حسب حيدر عرفنه جروحه
جـده تره الـفـقـاره مـاخـذ روحه
يكول العنب حامض تره الميلوحه

ومنهو اليلوح الكرار ••• بهاي الزلم ما سامع

=====

الرابع يكول اخذه اعلى كد عقليته
وكله شتضــن قدر الوصي نصـيته
لوما علي اول الله مـا شـگ بـيـتـه

الكعبه البناها ابراهيم ••• انشكتله حتى تبايع

=====

الاول علي قبل اكتشاف الارقــام
واكبر مصيبه انشافت بهل ايــام
اللاح الشمس يتقارن ويه الاقزام

شوف الفرق بالمقياس ••• ما حاجه اكلك شاسع

=====

الاول علي بكلشي تره متفقين
بس ذولفقاره يأشر برقم ثنين
معناها انه وشيعتي منـتصرين

من الرضاعه امن صباي ••• حبك يحيدر نابع

=====

باكبر كتبتهم شفنه هذا الشاهد
الثاني شـرد بالحومه واول واحد
الـثـالـث ثلث تـيـام كالوا شـارد

ابسط مثال انه انطيت ••• وشكد مصادر جامع



محمود محمد العطواني

نزله اهوازيه


الجانت شوفتك تسگي ذابل من عكب عينك

ـ
رد يا والدي اعله العيد ضل جم يوم يل غالي
بعدك كلي اعيد شلون وانتـا بطولك اهـلالـي
كل عام ودموع العين بعدك بـويـه تـبـرالـي

ميت من بعد عيناك واليحيـنـي جـفـيـنـك
الجانت شوفتك تسگي ذابل من عكب عينك

ـ
يل صنديد احلفك بيش لحباببك تـرد سـالـم
تدري بروحتك هل يوم كسرت كل بني هاشم
ابو الاكبر عليك يـنـوح ويا لوعة ابو الـقـاسـم

ليش تشيل يل كرار رد يا خيمة حـسـيـنـك
الجانت شوفتك تسگي ذابل من عكب عينك

ـ
طحت وطيحتك يل شيخ طاح وياها كل حيلي
عكبگ ضـلـمـت دنـيـاي ومصباحي شبه ليلي
شاب وشيبت بـچـفـاك ويا عمري سبگ جيلي

من بعدك دموعي تسيل وينك يل رحت وينك
الجانت شوفتك تسگي ذابل من عكب عينك

ـ
عميد الساده شال اليوم وچفه الحسن دلاته
وضلت تـنسمع عـبـاس لذاك الصوب وناته
راح الـجـان روح الـروح وراحت ذيج ضحكاته

وترجع النه يل كـرار سـالـم جـا مـتانـيـنـك
الجانت شوفتك تسگي ذابل من عكب عينك

ـ
بعدك بويه أنه حسين راحي يصفگ براحي
يل غالي وگبل عاشور هجرك صار ذباحي
عدويي اغيابك الچتال ولا ما ينفع اسلاحي

يـال حيرت ريتي ويـاك بين الهوه وما بـيـنـك
الجانت شوفتك تسگي ذابل من عكب عينك


محمود محمد العطواني

لا سـلـطـه رايد منه انـه ولا شُـهره
بس رايد اطلب هل طلب من نحره
احيي اربـعـينه الجايه واول عـشـره


اسئل الله ان يوفقنا وأياكم لخدمة مولاي سيد الشهداء

👇برنامج محرم الحرام ١٤٤٦هـ 👇


خادمكم #محمود_محمد_العطواني