كل خـطـوه بالـف اهلاً يبو الـيـمه
اجيت وجبت النه اللوعه والخدمه

ـ
شديت الرحال وكربله المسره
محضوضين كلش بيك والزهره
وزغيرنه حضر للطم صدره

والشيعي الك اسود صبح هدمه
اجيت وجبت النه اللوعه والخدمه

ـ
دمك يا ابو السجاد شرفنه
تره ومن نينوى شكد غارت الجنه
لو ما انتا عدنه كلشي ما عدنه

ترهم بس الك ثق كلمه النعمه
اجيت وجبت النه اللوعه والخدمه

ـ
بلاد الخير عود وبي يصب نهرين
صح بي خير بس لكن يبعد العين
كل خير العراق العدنه من حسين

وصار الخير بي لمن وطاء جدمه
اجيت وجبت النه اللوعه والخدمه

ـ
كاصد كربله شد العزم مولاي
وبضعن الخدر راعي العلم حداي
عمت عين اليعوفه وعمت عين الماي

وقبله حسين دز للكوفه ابن عمه
اجيت وجبت النه اللوعه والخدمه

ـ
تلث يمه اجونه بهل ضعن يحدون
متريس ضعنهم راكب الميمون
ما نفرش ورد نفرشها كون عيون

شيعتهم فخر هل اسم نتسمه
اجيت وجبت النه اللوعه والخدمه

ـ
ضعن اصل النبوه ومعدن النوماس
عز ما بعده عز بالدنيه ما ينقاس
من هودج ام عون لريشة العباس

ضعن غيره وشجاعه ومرجله وهمه
اجيت وجبت النه اللوعه والخدمه


محمود محمد العطواني

تراثنا ـ عزاً لنا

ـ
اللطم لجل الحسين و ولده والساقي
مـن جَـهـنـم بـيـوم الـحـشـر واقـي
الشوط الـكـربـلائـي بـكـل وكت باقي


((زينب لفت يم الحسين ـ لجن كابعه بالهم
تكله يا ضوه عيوني ـ عليمن هل فزع ملتم))


اطوارنا ـ عزاً لنا
تراثنا ـ عزاً لنا



ـ
وحگ ذاكه الرجع من النهر مكسور
بلا هاي القصايد ما يصح عـــاشـور
والتجليبه يا محلاته هــذا الـــطـور


يبني الضيعتني بضيعتك مني
دوهني زماني بيك دوهــــني

ـــــ
دوهـنـي زماني وتاه مني الراي
يلب حشاي يالمنگطع من حشاي
يـماي  العين عگبك نزل بيها الماي
ظني چان بيك وخيبت ظني
ــــــــــــــــــــــــــــــــــــــ


اهاتنا ـ عزاً لنا
تراثنا ـ عزاً لنا



ـ
اللطم عـنــد الروافض والله ابد ما شح
اليصح بس الصحيح وغيره ابد ما صح
وقصايدنه شحلاها بـطـور الـمـــوشـح


زلزل العالم مصابك يا وحيد
يا جريح ويا ذبيح ويا شهيــد
ـــ
اه ما والله يبن الـــمــصــطـفه
الجرحك البجبودنه يحصل شفه
ومشعل مصابك فلا ساعه طـفـه

وبحشه الاسلام للمحشر وجيد


ابائنا ـ عزاً لنا
تراثنا ـ عزاً لنا


ـ
شبلنه امن الزغر يحضر حسينيات
امه امن المهد تقرالـه لـطـمـيـات
بطور اهل النجف يهوه الثلث دكات


((لمن توجه للنهر حـامـي الـضـعـيـنـه
جم طفله ضلت جم طفل تربيله عنيه
يا ريت يسراه سالمه وتسلم يمينه

خاف القدر ميرجعه لخيمة عضيده))


امجادنا ـ عزاً لنا
تراثنا ـ عزاً لنا

ـ
بـعـاشـور بـمـحـرم ذبـحـوا عـزازي
وبدينه احنه العقيله وفاطمه نعازي
بدار الشيعي تسـمـع طـور الـهـوازي


((يا دار الاهل يا دار يا صوب ارحلوا عنج
شالوا والمسير ابعيد ما يبطل بعد ونج ))


الحاننا ـ عزاً لنا
تراثنا ـ عزاً لنا


محمود محمد العطواني

اهوازيه ( للعليله )

يا نوك الاهل يا نوك اعليج مجاني جا وينه
ارضه بهزله مو مكعاد لو اركب وي سكينه

ـ
رحتي وحمليتي وياج وين الغالي والغالي
جتال الاهل المرسال وانه الفركه جتالي
كد ما انطر اعله الباب يعلم بابنه بحالي

جنت اتمنى ابو السجاد بهاي النوك حادينه
ارضه بهزله مو مكعاد لو اركب وي سكينه

ـ
كل ما اوكف اعله الباب اذكر جدتي الزهره
واسمع باب داري يكول ويحاجيني بالعبره
بالطف مو اباب تصير بحوافر باجر العصره

لو رحتي ويه ابوج هناك وي عمتج تلمينه
ارضه بهزله مو مكعاد لو اركب وي سكينه

ـ
يا نوك الاهل يا نوك اخذتي وياج عافيتي
الف يا حيف راعي البيت بفراكه نهجم بيتي
حنينه النوك كالوا عود ريت عليه حـنـيـتي

وي ام الكمر ضليت والمدمع يـواسـيـنه
ارضه بهزله مو مكعاد لو اركب وي سكينه

ـ
عيوني لوالدي الصنديد والعباس مشتاكه
الاشوفه منين ما اندار ما اكدر على فراكه
وي دموعي ما ينقاس نهر العلكمي وراكه

ابوي الكلي اردن ليج يل علويه تـانـيـنـه
ارضه بهزله مو مكعاد لو اركب وي سكينه

ـ
اشوفن خنصر وجفين واحلم بالطفل ضامي
واتمناه طغاة احلام وما تتحقق احلامي
واسمع رمله تبجي تصيح وا ويلاه يجسامي

وعمي اعله النهر مطروح عاميها السهم عينه
ارضه بهزله مو مكعاد لو اركب وي سكينه


محمود محمد العطواني

لمولاتي العليله

رحت ـ يل حملت عافيتي رحت
متت ـ من ما لكيت مجاني متت

يا غالي بعدك جريحه احوالي ما باقي بس خيالي
وحدي بجروحي

بدموعي بس الدمع موضوعي بردانه حيل ضلوعي
يمدفي روحي

يا بويه بعدك حالي بالويل
بل يمته ترجع يخلص الليل

ـ
الم ـ يل من رحت عايفلي الم
خيم ـ بروحي توج يوميه خيم

بالفركه كوه النفس لو شهكه روحي تحن للملكه
جا يمته ترجع

بدلالي يل ساكن انتَ ابالي نوحي اعله هجرك عالي
بنياحي اسمع

يا بويه اسئل عتبت الباب
يوميه انطر يمها الاحباب

ـ
سهر ـ مرافك يبويه عيوني سهر
قهر ـ كل مسه وكل اصباحي قهر

حاجيني حط جفك بجفيني وينك يقرة عيني
يا بويه وينك

يا هيبه غالي ويشيخ النيبه الرايح بعد شيجيبه
رايح حنينك

عبدلله لو عايفلي يا جان
هون عليّ وحشة هل مجان

ـ
ضمه ـ فراكك عطش يا غالي ضمه
سمه ـ يل جنت تارس عيني سمه

يل رايح بحلامي شفتك طايح عل غبره دمك فايح
احاه يغالي

يا ويلي مصابك يفتت حيلي مصباحي يشبه ليلي
مشلول حالي

بحلامي شفتك حيل ونيت
وداعي طغات احلام يا ريت

ـ
ترد ـ ما ضل امل يا بويه ترد
ورد ـ ماي انتا بويه وانه ورد

يمعدل تدريني بعدك اذبل والفركه صارت منجل
تحصد بالافراح

هاهيه منك كطعت الجيه مجانك يبويه الريه
مو فوك الرماح


يا راعي بيتي البيت مهدوم
ماضلي منك بس الهدوم


محمود محمد العطواني

يا عباس من سيفك ردت راده

ـ
اعرفنك كفيلي وتسمع النخوه
احلفنك يخويه بداعت الخوه
من عندك ردت يا خويه بس رجوه
خلي الروس منك كون تتچوه

وابشري وكافلج انه الكمر ناده
يا عباس من سيفك ردت راده

ـ
يكلها اني الي مني انخلقت الغيره
لاخلي جيوش خالي باجر بـحـيـره
كل راس الاذبحه هـنـا بـتـكـبـيـره
و وجهه الجيش باجر المن يـديـره

يـتـيـه مني باجر حتى مشراده
يا عباس من سيفك ردت راده

ـ
المثلك بالحرب يا خويه ما اكله
يابن الما سكت فد يوم عل ذله
ضيگ كربله عليهم يابو الحمله
شما تصعب عليك المعركه سهله

وعلگ روسهم بحصانك گلاده
يا عباس من سيفك ردت راده

ـ
الموت بكربله مو كلـمن ويـومـه
الموت اليدنه من كفالي بالحومه
ميلحگ الـشـارد يـنـزع اهـدومـه
وهيه الكاع كاعه بـكـيـفه محكومه

وخل يذوگ خدكم سطرت الساده
يـا عـبـاس مـن سـيـفـك ردت راده

ـ
راية كـافـلي مـا يـوم طـبـگـهـا
ودوم بنص جيوش الناصبي يادگها
ربات زلام ابد ما منوكل حگها
وكل جيوشهم بگعابه يسحگها

ما يستنكي بس شيوخ والقاده
يـا عباس من سـيفك ردت راده

ـ
اخيج اني اخيج يا نضر عيني
وما يحتاج يا زينب تحشميني
لاخلي الجيش هذا اليوم تدريني
شط من الدمه ما بينه وبيني

ومن سيفي اليريد يحصل مراده
يا عباس من سيفك ردت راده



محمود محمد العطواني

هذا انه عباس ـ صاح الكمر لـمـن نــزل
هذا انه عباس ـ تربات ابو الحمله الفحل

ـ
من هد على الكوم ـ شافوها الَنجوم
وكت الضهر يم النهر

كال انه هل جاي ـ ولجودي رواي
وارويها من عدكم صَقر

سيفي انـه صـيـاد ـ للـمـالـه رداد
غير انه ابن فارس مضر

هذا انه موجود ـ والسالم يعود
هل حاله صارت ما ندر


هذا انه عباس ـ اذبحكم بسيفي بعـجـل
هذا انه عباس ـ تربات ابو الحمله الفحل

ـ
صاح انه صنديد ـ وابـن الاجـاويـد
ربانـي قـتـال الـعـرب

ما اتعب بيوم ـ تشهـدلـي الـعـلـوم
بسمي المثل والله انضرب

بـيـه يـعـرفـون ـ مـنـي يـرجـفـون
ما يرجع لبيـته الـكـرب

سيفي مِن يصوم ـ يفطر عل الدموم
سيفي على دمهم طرب

هذا انه عباس ـ والـيـسلم يسموا بـطـل
هذا انه عباس ـ تربات ابو الحمله الفحل

ـ

من يخزر الجيش ـ يهتز مثل ريش
من صارمه الكون ارتجف

منه الذي فات ـ ينعد عالموات
تربات الي بكاع النجف

صاح انه والواي ـ عازم على الماي
وافنهيم العل شط حلف

واليكرب يصير ـ من المخاسير
وانه الذي سيفه انعرف

هذا انه عباس ـ يا زلمه لحـدودي وصـل
هذا انه عباس ـ تربات ابو الحمله الفحل

ـ
تربات الخيام ـ عالذل ولا نام
وام البنين الرتبه

ما طاحت بيوم ـ مرفوعه للدوم
بين العشاير رايته

لو بيهم يصيح ـ تخنكهم الريح
ما ثنه صوته وضربته

وصاح انـه كـفـال ـ لـلـربـت ارجـال
واخته اعز من دنيته

هذا انه عباس ـ اعضم مره بـوكـتـه كـفل
هذا انه عباس ـ تربات ابو الحمله الفحل

ـ
الما يعرف الخوف ـ ما عز الجفوف
فدوه انه كال لسيدي

صاح انه عباس ـ افنيها هالناس
كلها بأمر من قائدي

عاشك للحروب ـ وكلبي تره يذوب
بيها مثل ما والدي

عنده الحرب عيد ـ ورباته صنديد
بيه الاشواس تقتدي

هذا انه عباس ـ اشبه علي خـيـر الـعـمل
هذا انه عباس ـ تربات ابو الحمله الفحل


محمود محمد العطواني

ابن الحسن هذا وربات دلاله

ـ
أني انا شبل الحسن من ناده
خله المعسكر يخلّه من القاده
غاضب تعنه ربات شيخ الساده
وينادي وين العلى عمي تماده

وين من سيفه يفر ـ ابن سعد اويه الشمر
الزلمه من يمه يمر ـ ما يكوم الـيـنـسـطر

يا زلمه بيهم مسعتد يدناله
ابن الحسن هذا وربات دلاله

ـ
ابن الحسن هذا الفحل ترباته
وارثها من عمه الكمر خزراته
مثل الحسين تهل نده حجايته
وحيدر علي الكرار جن صولاته

هذا تربات الشيم ـ عزمه يرعب من هجم
من طلع من الخيم ـ شمعه شايله وعلم

نسل الهواشم بزرت العياله
ابن الحسن هذا وربات دلاله

ـ
شردت الوادم لمن اتعناها
وجفوفه من دم الزلم حناها
وذيج الصفوف بكربله طشاها
هاشمي واباله الزلم حطاها

وشيفضها طلابته ـ هاشميه غيرته
ما يثني بضربته ـ بي تنخت عمته

ومحلاته فوك حكيلته المياله
ابن الحسن هذا وربات دلاله

ـ
هل من مناصر ناده عم القاسم
يا عمي ابشر كله وانه الخادم
لفنيها عن بكرت ابيها الوادم
يا عمي لخيامك اليكرب واهم

عليهم ابن العود هد ـ من زئر مثل الاسد
جيشهم خله وشرد ـ وره التل كله لبد

بالصحره دمهم شبل حيدر ساله
ابن الحسن هذا وربات دلاله

ـ
معرس عليهم هد حلات لثامه
جنه الحسن لمن لبس هندامه
ومن شال سيفه وبيده شد حزامه
ركض زلمها وما بقت كدامه

بجدمه داساها الزلم ـ هذا جاسم والنعم
هد عليهم مبتسم ـ جا بعد هوه الشهم

يكسر الخاطر جيشهم ضل حاله
ابن الحسن هذا وربات دلاله


محمود محمد العطواني

تيهتك يخويه وفكري ضل حاير
وكلت خـل اتـبـع اثـار لـلـحافـر

الخيل خويه السحگتگ دلتني بيك اثاراهـا
جيت اكلـلـك تره هالـكوم شــبـت نـارهـا

ـ
اجيتك والـدلـيـل اثار ـ حوافر خيل سابينه
وجبتها ويايه يل المذبوح ـ عزيزة كلبك سكينه
ولازم بيده سوط هناك ـ خولي يدور اعلينه

خويه الحك بناتك كوم ـ ما ترحم سياط الكوم
يل ما يحله ليـك الـنـوم ـ نـسـوه وغربه تدرينه


اجيت وبالمخيم عفت علويه
دم متروسه اذنها بلايه ترجيه

تنادي يا بويه العده من يمنـه اخذت ثارها
جيت اكللك تـره هـالـكـوم شـبـت نـارهـا

ـ
جـسمـك سـورة الـتـوبـه ـ وراسك بسمله صاير
وجدنه المصطفى المختار ـ الجان لجيتك يناطر
عـلـى صـدره نـزل قـران ـ وعلى صدرك نزل حافر

بصفين انرفع مصحف ـ وراسك منرفع بالطف
و الله بـغايـتـك أعَـرف ـ من الداني والكافـر

اعداك تجيبهم تاخذهم حـجـايـه
وبس سبعينك الفهمو شني الغايه

وعداك من بعدك اجت بنارها اويه حجارها
جيت اكلـلـك تـره هالـكوم شــبـت نـارها

ـ
اجيت بضهري عفت ارماد ـ ما ضلت ولا خيمه
والبحضنك ربن يحسين ـ عگبگ ترسن الـهـيمه
دمعهن تارس الوجنات ـ وتلكه بكل جفن غيمه

يبجن والدمع مدرار ـ ولو شردن تره امن النار
سياط يلاكن اويه حجار ـ من الي بلا شيمه

ذبـاحـك اجـانـه ونـهـب صـيـوانـك
و وحده بوحده لاذت خويه نسوانك

خاف ما عندك علم بالعيله شنهي اخبارها
جيت اكللك تـره هـالـكـوم شـبـت نـارهـا

ـ
من حد الخيم للتل ـ كل عثره اصبحت شيبه
وجسمك تارس التربان ـ كبالي مطشره الهيبه
الدلال اجفاك شال وراح ـ ودلالك خويه شيجيبه

التعبهم قـبـل عـزمـك ـ ضربونه وخذوا هدمك
وشمرهم لو ذكرنه اسمك ـ متنّه برضبته يصيبه

شمرهم جاب نحرك يمنه من شاله
و وي فجر اهدعش حضرهن احباله

والي من سيفك شرد بحباله زينب جـارها
جيت اكللك تـره هـالـكـوم شـبـت نـارهـا


ـ
اجيت وجيتي صحوة موت ـ يل جسمك خطف لوني
مـنـك خـويـه مـن رديـت ـ على الاموات حسـبـوني
بيـهـن مـا اهـم بالـشـوف ـ اهـم لـدمـعـي بعيوني

يل جنت الهوه لعمري ـ بعدك ما عشت تدري
يحسين انسلب خدري ـ والمسبـيـه سـمـونـي

لوما بـالـحـرم وصيت ما اعوفك
يعيش شلون هوه الطايح يشوفك

وداعت الخلف الجذع منغرس بسمارها
جيت اكللك تـره هـالـكـوم شـبت نـارها


محمود محمد العطواني

كل الهلا كليبي اليوم ••• بشهر المجالس ردد

===•===

حسين بمحبته شكد قدر منطينه
و ربـه خـلـق كـل الخدم من طينه
واحـنـه وعــد مــن الزغر منطينه

منعوفه للموت ويا ••• وهاي المجالس تشهد

===•===

هاي الخدم بس مجلسك كافي الها
اي جـا وحــك زينب وحـك كافلها
فوك الصدر ضل منـطـبـع كف الها

فوك الصدر ضل نيشان ••• يا سيدي طبع اليد

===•===

مجلسك عل صح والعدل رباني
ونعمة محبـتـك بيها سـر رباني
جـني سـفينـه وفـطـرتـي رِباني

غِصت ابحر حب حسين ••• واعليه روجه اتسيد

===•===

يل مـبـغـض شعندك حقد راوينه
وحسين حبـه امن العطش راوينه
عـدنه حديث اهل الـعـلـم راوينه

دمعة اليبجي اعله حسين ••• بيها جهنم تبرد

===•===

ربنه اعله حب المنذبح فاطمنه
وكل احنه يا عالم خدم فاطمنه
اعله حسين ويانه تــون فاطمنه

بكل مجلس ويانه تنوح ••• وحزامها ويانه انشد

===•===

هل خدمه امنه وما خسر من برها
ومـن دنيتي ارد اشـــرد ومن برها
كاصد خضار الـزهــره يــم منبرها

ادريها تبجي اعله حسين ••• وكل حيلها اعليّ منهد

===•===

الله يـجــلــه خــدمــتـه من جلها
وهاي المجالس ما خسر من جلها
ويحصد شدادينه ام حسن منجلها

لو نحلفها بحسين ••• كل الشدايد تنرد



محمود محمد العطواني

تردد دمعـات العـيـن ـ اهلاً يا شهر حسين
نتـانيك احنه امن شهور ـ لايامك مشتاكين

ـ

بجيتك هلا وميّة الهلا يل بيك ريـحـة كربلا بـجيـتـك هـلا
يلحه اللطم ويه الهضم للما سلم بي كل عضم يحله اللطم

تنتضرك مجانين ـ بكثر جروح الحسين
بجيتك دمعة العين ـ ترخص يا محرم

يومك ماهوُ ابعيد ـ يا رزق الشواديد
تنتضرك رواديد ـ والشاعر تحزم


المنبر كلش مشتاك ـ لصوت صدور العشاك
يـردد ويـه الـخـدام ـ لايـامـك مـشـتـاكـيـن

ـ

نوح ودمع ما ينكطع ورايـــة مـحـرم تـنـرفـع نـوح ودمـع
يسوه تعب لجل الذهب والخنصر يمينه انسلب يسوه تعب

اليتعب سعيه مشكور ـ طول ايام عاشور
وكلمن كلبه مكسور ـ مبخت والله هذه

بلطمة صدره يا ناس ـ يتعلم عل احساس
خل ينادي عباس ـ امن انجهنم ملاذه


ميقصر راعي الجود ـ بالشدات وموجود
ويوم السابع محلاه ـ لايامك مشتاكين

ـ

عدنه رسـم سـود الهدم ونحضر القامه بعزم عـدنـه رسـم
بشهر الحزن روحي تون وزنجيلي لجتافي يحن بشهر الحزن

الـيـوم الـمـا اون بـي ـ بـل يـا وسفه اكضي
حـسـين هوايـه طـاري ـ بيه يـخـلـي لـوعـه

والله وكـثـرت الـنـوح ـ إترجم معنى الجروح
وجرح حسين بالروح ـ وامشي انه اعله طوعه

جرحه امن گماطي وياي ـ وتشهد دمعة عيناي
يل جرحك مالي الكون ـ لايامك مشتاكين

ـ

ويـاه دهر لا مو شهر مو بس محرم وي صـفـر ويـا دهــر
طول العمر يبقه الجمر ويلجم دليلي ومستقر طول العمر

منعوفك يمذبوح •• بجرحك تكشخ الروح
ورايه تحلي السطوح •• بيها اسمك نعلگه

ولو بيدي اسمك يكون •• اقرب من العيون
اقبل واني ممنون •• خل اسمك اشهگه

خصصلك الله انصار •• دمعتهه تطفي النار
يل شانك ضاهه الغيم •• لايامك مشتاكين

ـ

لا ما نرد عل يـنـتـقـد الصبير ما يـهـوه الـورد لا مـا نـرد
شابع قهر والله خسر الما عنده الحسين انعذر شابع قهر

وعدهم قابل منين •• واحد مثل الحسين
نعذرهم مسـاكيـن •• لو ضلوا ينقدون

يشعر بالنقص دوم •• من هل نعمه محروم
جهنم تنطر الكوم •• الما ناحت على ام عون

واليبجي اعله الحوراء •• تاخذ بيده الزهراء
والصاح بصوت حسين •• لايامك مشتاكين



محمود محمد العطواني

وا ويلاه يا بويه ،،، وا ويلاه يا بويه

،،، ،،،

بويه لمن فارگتني دمعي رافـگ وجـنـتـي
ومن كثر ما انته غالي حمره نزلت دمعتي
والـــهـوه كلفته بويه الـك ينـقل حسرتي
وهيه من ثنين وحده شوفتك لــو مـوتـتي

وا ويلاه يا بويه ،،، وا ويلاه يا بويه

،،، ،،،

بويه بس الوحشه ضلت كلشي من بعدك رحل
امن الـضـحـى لـلـمغربيه ادعي يا موتي العجل
شَّـرد اسولف عن مصابي وحلمي كدامي انجتل
يلي تسگيني بنضرتك عـمـري مـن بـعـدك ذبـل

وا ويلاه يا بويه ،،، وا ويلاه يا بويه

،،، ،،،

ويلي مـن اذكـر مـكـانـك يل ابو وذاك الحجي
كلشي ما يرهملي بعدك حالي ضل بس للبجي
ضهري مكسور بغيابك على الحـيطان انـتـچـي
يمته اكسر كلبك انـه يـا بـعـد عـيـنـي وتـجـي

وا ويلاه يا بويه ،،، وا ويلاه يا بويه

،،، ،،،

ضلمه وا ويلا نــهاري من بعد عين الضوه
روحي مختنكه وتريدك يمته ترجع يل الهوه
جمر الادلال الي يلهب بويه من كلبي انجوه
وجم نهر من دمع عيني يا بعد عيني ارتـوه

وا ويلاه يا بويه ،،، وا ويلاه يا بويه

،،، ،،،

لشبيتك مشتاكه عيني المنها نور الله يــشــع
المر اجرعه بكل سهوله فراكك الـمـا يـنـجرع
وشكثر يا بويه انادي صوتي هـلبت يـنـسـمـع
وكل مسه تمرني المنيه اي وحك كسر الضلع

وا ويلاه يا بويه ،،، وا ويلاه يا بويه

،،، ،،،

اي وحك كسرت ضلوعك كلبي يا بويه انكسر
الدوم متعوده اعله طولك عودتها اعلى السهر
هوه بس موقف كسرني وموتاني امـن الـقـهـر
لا عـلـي الاكـبـر اجاني ولا اجه عـمـي الـكـمـر

وا ويلاه يا بويه ،،، وا ويلاه يا بويه



محمود محمد العطواني

هايه علتي والله صعبه ـ بدار ابويه وكلشي غربه

داري خالي امن الغوالي وحشه صاير
البيده عمري كَضه صبري بـي انـاطـر

ـ
يا غربتي الماكو مـنــهــا منهو بدياره وتــغَــرب
هوه اليفارك غوالي بس مــمـاته المنه يــكــرب
اكثر امن الفركه ماضن عــل حنين يصير اصعب
وحجرت الغالي بغيابه تصير كلش صعبه تنطب

والتذبحه سيوف اميه ـ فراكه يذبح باقي بيه

والمصيبه منين اجيبه كلبي حاير
داره كبري كَضه صبري بــي اناطر

ـ
بداره خلاني ابويه وحدي مـــن دون الــفــواطــم
روحي طلعت وي طلعته من مشه بضعن الهواشم
طير كمت اتمنى نفسي فوك ريشت عـمـي حـايــم
من عـگـب عين الغوالي كلبي بيــمن يـبـقــه زايــم

صلفه عين الفركه صارت ـ والدموع اعليه غارت

كلشي وحشه حزني افرشه وفوكه اساهر
محني ضهري كَضه صبري بي انــاطـــر

ـ
ابــيــضــت عيون المدامع بويه من كد ما بجينه
وهوه جا ليش اليفارك شــعــره ياخذ لـــون عينه
بحسرت المكتوب اضلن بــلــه هـــاي بيا سنينـه
لا يـــــدز الــغـــالـي واحـد لا يـمـر هــوه علينه


وهوه اليفارك غوالي ـ بيمن يخلص الليالي

الذكره مـــره بكلبه جمره ودمعه كاثر
مسلمه امري كَضه صبري بي انــاطــر

ـ
شــحــجــي عــن المغربيه لـمـن يعرضن صوركم
يل خـذيتو كــلــشــي بيه ومــا خذيتوني بضعنكم
حــتــى ريــتي شــوك بيها والله يــا بويه لعطركـم
عــيــونــي لــو تبجي عليكم لــو تضل تنظر دربكم

ولو بجينه يرد اهلنه ـ جا توضينه بدمعنه

لــو نـحـيـبي يــرد حبيبي ما اكابر
دمعي يجري كَضه صبري بي اناطر

ـ
امجانه نقطة ضعفي صاير خالي كلما اشوفه اطيحن
وماكو واحد منهم يرد يا هلي بـصوتي امـن اصيـحن
وهوه المفارك عشيره حـيـره جـا يـبـجـي عـلـيـمـن
لا اخـت لا اخ بـقـالـي روحـي جـا اسـلـيـهـا بـيـمـن

دنيتي ضلمه بلاهم ـ وما نشف دمعي بجفاهم

يهل دمعنه فراك اهلنه كلبي كاسر
راعي خدري كَضه صبري بي انـاطـر



محمود محمد العطواني

كلبي الي بين ضلوعي ـ راح وتهـل دمـوعـي

امن الاربعه هوه اغله
ونار الهجر شـيـحـمله

ـ
يا بعد نسمة ريتي ـ بعدك صفه اضلم بيتي
ونار الهجر تاذيني

يل اغله من اولادي ـ ضل كلبي بيك ينادي
يل اغله من سنيني

ها يل دوه والعله ـ مجبليني صوب القبله
وبس نضرتك تشفيني

تلحكلي لو ما تلحگ ـ لكن الخيل التسحگ
بسمار جنها بعيني


امن احلم وافسر احلامي ـ الكه السحگ كدامي

وصدرك البي جم نبله
ونار الهجر شيحـمـلـه
ـ

انتضرك و رگ حملي ـ سالم ييمه تردلي
بالسبحه اعد ايامك

ها جاني لو ما جاني ـ ويه العليله انتاني
ونفرش ورد كدامك

لا ما عفت امالي ـ ما آيست يل غالي
افرح واشوف اعلامك

شو ما وصل مرسالك ـ لو احنه موش ابالك
حاير بحرك خيامك


يا ربي اخذ من عمري ـ بس خل اشوفن ذخري

شو طولت هل رحله
ونار الهجر شـيحمله

ـ

وداني لحسين الشوگ ـ بحلامي شفته ومسحوگ
وطايح كفيل الحره

من كل كتر شفت النار ـ رماح وسهام اويه حجار
والغالي رفعوا نحره

جسمه انترس كله جروح ـ واخته صفت يمه تنوح
وبين الخيم متحيره

يل غالي صاحت ويلاه ـ يصعب بدونك والله
يكضي العمر بالذكره


كلما نمت باحلامي ـ يا يمه اشوفك ضامي

تدريها ابد مو سهله
ونار الهجر شيحمله


ـ
حنيت الك تدريني ـ وبس انتا تارس عيني
وبعدك بقيت باحزان

صورتك وي شرب الماي ـ ما فاركتني و وياي
وعطشانه الك يل عطشان

يل ماخذ كليبي وياك ـ يوميه اموتن بچفاك
وانتضرك اعله البيبان

يل سافرت يمته تعود ـ بعدك يبس عمر العود
يا والي ضعن الشجعان


من بعد روحة حيلي ـ مصباحي يشبه ليلي

يمه السئل شنكله
ونار الهجر شيحمله


ـ
ها يـا عـزيـز الزهره ـ تدري الكلب شيصبره
شحال اليفارگ مثلك

شو طولت هل سفره ـ وما عندي ضلت ذكره
يل فدوه اروح لضلك

كلما ادز مرسالي ـ يمه اويه ريح العالي
حاير يضل شيكلك

تدريني اناطر جيتك ـ لا مو خبر فاتحتك
يل مندفن مو كلك


ثق واعتقد يل غالي ـ هذا الخبر جتالي

خل ربي موتي يعجله
ونار الهجر شـيحملـه



محمود محمد العطواني

علتك يهل تسمع لو حرت بيها
اقره الفاتحه ولام الوفه اهديها

ـ
همك لّون جان اعله الكلب زايد
لام عباس اقره الفاتحه وشاهد
بـــت اجواد مـا ردت ولا واحـد
تكضي الحاجه هاي واطلب شرايد

خايب ما رد الينخاها

ام عباس هاي الحاجه تكضيها
اقره الفاتحه ولام الوفه اهديها

ـ
ام الحاشه بالطف ما ثنه الضربه
والمستعصي منها بحركتك طلبه
ام عباس تسهل يمها كل صعبه
ودمعك الها يل تسمع نعم صبه

من ينشف دمعك تكضيها

علتك يهل تسمع والله تشفيها
اقره الفاتحه ولام الوفه اهديها

ـ
بت اجواد هاي وشيخه نشميه
واذا بالكرم مشهودلها بـدويـه
الما يـعـرفها عنها يكول علويه
والحاجات يمي تصيح مكضيه

واليقره الحمدُ يرد سالم

الكرم والبخت مرسوم بمعانيها
اقره الفاتحه ولام الوفه اهديها

ـ

بشخصيتها كل معنه الوفه اتجسد
صارت للـحـوائـج بـاب مـا يـنسد
كل اهل البخت لام الكمر تـشـهـد
وحـجايـتـهـا يم الـبـاري مـا تـنرد

مترد اليطلب معروفه

ويعشك طه يا هل ناس طاريها
اقره الفاتحه ولام الوفه اهديها

ـ
ام عباس هاي الهيبه مـعـروفـه
ابنها الخله بگلوب الزلم الخوفه
موصيته يضحي بعينه وجفوفه
العشاير يم بختها تروح واطوفه

والكافل خلاها عكاله

جنها ام الحسن تشبه محاجيها
اقره الفاتحه ولام الوفه اهديها

ـ
اسم لبوة علي مو كل مره تـشـيـله
بصوت حسين اسمها شمحله ترتيله
جابتله العضيد الـبـي يـشـد حـيـله
وهيـه مـن كلب ولـسـان تـدعـيـلـه

ترباته وموش مربيته

محتار الشعر يوصف قوافــيـها
اقره الفاتحه ولام الوفه اهديها



محمود محمد العطواني

حميدة بنت مسلم ابن عقيل


للكوفه طبيت وشفت مكتوب بالدم تذكار
يا بـويـه مـسلم والدج بالكوفه صار الكرار

قصر الاماره الشاهد
حيفج اخـذته وزايـد

•••,•••,•••,•••

بنص السبايه وراسي علـيـتـه
عطر الحبيب الغالي شـمـيته
وتذكار انه بلون الدمه اقريته
بدمهم قصرهم بويه حنيـتـه

وشوفت عينج الكوفه •• قصرها لهسه بس خوفه
أبوج وسرفن جفوفه •• بعد يا زلمه يسلم
وحسامي توضه بالدم

يا بيت ضل ما منفجع بالكوفه من سيفي الحاد
بكل طبره من سيفي صحت سجلها يابو السجاد

استنكي وين القائد
حيفج اخذته وزايد

•••,•••,•••,•••

مكتوب شفته ومحله عنوانه
يا بويه مسلم قبـلـج هـنـانه
قبل السبي ثـارج اخـذتـه انه
لهسه زلمهم مـني تـعـبـانـه

ابوي واعرف افعاله •• يچفَي العايل دلاله
بعد يا زلمه يدناله •• منو بسيفه يلوحه
الما رايدها روحه

مو اربعين امن الشبه همه اليشبهونه ثـنـين
عباس سبع الكنطره والهيبه ابن عمه حسين

كاتب كلمته وعايد
حيفج اخذته وزايد

•••,•••,•••,•••

خل هامتج يا بـويــه مرفـوعـه
سيفي طبرته لهسه مـســموعه
وبضهري جانت حرمه موسوعه
مامش زلم بالكوفــه بس طوعه

حرمه بجم الف زلمه •• تهد ويايه متحزمه
صارت للشرف قمه •• ام عباس جنها
الحور تغار منها

ضافتني بس ليله لجن ضلت دهر معروفه
يا بـويه بـيها تـحزمت من اغدرتني الكوفه

وهل عينج انتي تشاهد
حـيـفـج اخـذتـه وزايـد

•••,•••,•••,•••

صح وحدي بس ما كدرو اعليه
شكد بيه غيره وبـيـهم شـويـه
والمعركه البيها احنه مـكـضيه
غيرة عـلـي وزود الـكـمـر بـيـه

رادو من يذبحوني •• دموع تّنزل عيوني
لجنهم ما يعرفوني •• متاني الساعه هايه
افرح بالمنايه


امن القصر دفعوني وطحت يا بويه مرفوع الراس
چـي ادري ثـاري بكربــله مـربع يـــرده الـعـبـاس

مـيـبـقـي حتى الشارد
حـيـفـج اخـذتـه وزايد

•••,•••,•••,•••

كاتبلي كلمه والدي شلونج
خليها زينب بويه بـعـيـونج
وهنيالي اذا ويـاهـا يسبونج
ترفعينه راسي بهايه خيعونج

كيدج باجر تذكره •• يا بت مسلم الزهره
تعله لوالدج حضره •• إلي يحلفه بحميده
ينطيله اليريده


وكتله اني اجيت اعله الهزل مسبيه شوفت عينك
وخواني ضاعوا بالحرك فدوه احنه لجل حسـينك

هنالي باجمل والد
حيفج اخذته وزايد


محمود محمد العطواني

يبو طاهر ـ يبو طاهر

ـ
طوعه من حيته ـ فاضت من گصته ـ غيره هواي
سوه امن الدم نهر ـ ضنوا هذا الكمر ـ تـاه الـراي
ضل يهتف من نزل ـ انه اربات الفحل ـ عمي حذاي

خيعونه ـ عمه قالع خيبر
وعيونه ـ بيها هيبة حيدر


يبو طاهر ـ يبو طاهر

ـ
مسلم لمن حمل ـ حيدر جن ونزل ـ لـلـعـز بـير
الما لحك ينهزم ـ ذب يمه كل هدم ـ عادي تصير
اي صارت من قبل ـ ويسويها النذل ـ مـن يـحـيـر

من سيفه ـ شردت الرجاله
ومن حيله ـ تعبت الخياله


يبو طاهر ـ يبو طاهر

ـ
يا لمعة صارمه ـ خجلت منها السمه ـ لو فر بيي
بنصهم من ارتجز ـ كل عسكرهم عجز ـ مَيضاهيي
كال انه الهاشمي ـ وصلوا للعلكمي ـ يا طاريي

زاهدها ـ هل عساكر هاهيه
شمكثرها ـ بعينه موش هوايه


يبو طاهر ـ يبو طاهر

ـ
مستانس مبتسم ـ يحصد روس الزلم ـ دمه يفور
بيرغ هاشم يرف ـ والعسكر ترتجف ـ ضل مكسور
الفارس لو منطعن ـ لو راسه بلا متن ـ لو مطبور

فارسهم ـ يمه يزغر صيته
وجهنم ـ تذبح متانيته


يبو طاهر ـ يبو طاهر

ـ
حمزه عم والده ـ ويا سطرة ساعده ـ جتاله
منه اللحك يــفــر ـ حكه من يفتخر ـ هنياله
امن اكبرهم للمهد ـ هاي الساده بعد ـ عياله

واكرابه ـ ويه سيفه يقاتل
والقاده ـ تنادي هذا الكافل


يبو طاهر ـ يبو طاهر



محمود محمد العطواني

نجمعنه بخيمة الغيره گبل ذاك الفجر كلـنه
منعوفك يابن حيدر لحد كطع النفس صحنه

يابو الاحرار •• الك انصار

===•===

اجينه ومـن اجـيـنـه يذبحونه دريـنـه
بتهانينه بـديـنـه هنيئاً لليموت اول

جمعنه ومن جمعنه بده يسولف ذبحنه
تفاخرنه وضحكنه شحلاته من قره المقتل

للعباس كــال وداعت الواك
بصحني يصير للانصار شباك
ما شالتنه كاع الطف بالافراح
هاي ارواحنه كـنـاله تـفـداك


لعد وين الصبح طول هتفنه وطفحت الغيره
غداً كل راس النذبحه يكـلـف مـنـه تـكـبـيـره

حمامه وغار •• الك انصار

===•===

خلص وكت السوالف بده وكت المواقف
ابد ما بـيـنـه خـايـف ولا هبنه الزلم مره

تره حسين شغلاته الذبح لجله شحلاته
فده لتربة صلاته وفده لعمامته الخضره

وهب لجله وهب دنيا والسنيـن
عمري يروح فدوه يكول لحسين
مسلم لو مسيحي حسين للكل
جبير حسين متحجمه العناوين


عرف روح القدس هذا الحسين وهل وهب عمره
رفع راس امه وام عيسـى كـبـال الزاجـيه الـزهـره

المسيحي اختار •• الك انصار

===•===

چهبناها المنايه كتبنه اعضم روايه
فدينها الولايـه علينه نينوى تشهد

العساكر ما تهمنه بالف واحدنه احنه
ابو فاضل حسبنه لكانا وياها سد بسد

برير البر ملاه من دم الانــــذال
بالفرسان ضلت بس الـوشــال
انصارك يغالي وياك يحــجــون
حبيب انت حبيبي بكل فخر كال


بـكـثـر حبنه الك نذبح غداً يا غالي بـالـقـاده
بخجل نهدي القليل احنه الك يا سيد الساده

چوينه النار •• الك انصار

===•===

اجـيـنه وانـتـا تـعـلـم زلم نحمي المخيم
الجيوش الضدنه تندم وكت سلت صوارمنه

الابيض ويه الاسود فرق ما شفنه باحد
جميعاً الله يـشهد خدم يم الحسين احنه

جون يكول مجنون انه بحسين
وللزهره زهير يكول مـنـطـيـن
وعد منعوف ابو السجاد للموت
نشيل عيّونه ونحطه بـالـعـيـن


الك طلكنه دنيانه وابد ما نخلف حـجـايــه
ونحس قصرنه يل غالي لان ما جينه مشايه

وحك الثار •• الك انصار

===•===

يهيبه احنه وغلاتك فده لخيط بعباتك
درع صرنه بصلاتك يهيبتنه ويغالنيه

خدم لتعدنه ربعـك نطيع امرك نسمعك
نضل محبس بصبعك وعلى كيفك تمشينه


ومسلم بيدك امسلم تره الروح
يكول حسين فدوه الروح اله تروح
صح راح انذبح لجن فلا اموت
يضل عايش تره الوياه مذبوح

عابس وجهه هد عابس وراس الناصبي يريده
والـحـر انـتـا حــررتـه يـامـولانــه من كـيـده

ولا تحتار •• الك انصار



محمود محمد العطواني

يابن علي بخدمتك ••• يابن علي بخدمتك


===•===

زلمك وياك على اعداك تحزم بيهـا
هاي الارواح غداً راح الـك نـفديهـا
عندك انصار على النار تهد تجويهـا
ترعب الكوم يمضلوم تره بطـاريـها

بس كلمه انطينه ونكضيها


يابن علي بخدمتك ••• يابن علي بخدمتك

===•===

بعجت الخيل الك حيل فزعنه اتشاهد
هدت اسباع على الكاع يـضـل يـا قـائد
نعطف اعلي نـخــلــي خطـيه الـشـارد
ولدك نصير شني تحيـر يـاجـمـل والـد

والبيك يعيل نكص راسه


يابن علي بخدمتك ••• يابن علي بخدمتك

===•===

نهتف بصوت شنو الموت ابد ميهمنه
واحنه ندريك نلاكيك غـــداً بـالـجـنـه
احنه خوان يعطشان نـعـم تـحسـبـنـه
بروحه يفديك يَـحـيـك تره واحــدنــه

خلينه الطف دمه بطوله


يابن علي بخدمتك ••• يابن علي بخدمتك

===•===

تاذي يمناك يحملاك سطرتك بينه
يا ضوه العين يل حسين وحك سكينه
جـــفـك نصير فلا تحير منو يلاوينه
فارس الكوم منو اليوم يجي يلاكينه

خلينه الشط احمر لونه


يابن علي بخدمتك ••• يابن علي بخدمتك

===•===

بضهرك حزام هل زلام يشيخ الهيـبه
كبلك نطيح تره نصيح شباب وشيبه
الـيـكـرب يريد يصـنـديد يرد بخيبه
والشمر وين للحسين ذلـيــل نجيبه

ونستنه بذبح العياله


يابن علي بخدمتك ••• يابن علي بخدمتك



محمود محمد العطواني

شوط كربلائي

بوكت ماضل رسول حسين ـ عايش شحت الانصار
وطوعه دارها المصيـون ـ لرسول حسين اصبح غار

ـ
اعله مسلم طلعوا يدورون ـ وحمامه اصبحت وكفتها
وخـيـط العنكبوت هـنـاك ـ صـايـر خـيـط شـيـلـتـهـا
الرساله طاحت اعـلـه الكاع ـ وبديها هـيـه شـالـتـهـا

شدت مسلم احزامه
وتكله ارفـع الـهـامـه
صرتلك ليله خـدامـه

هنيالي وصرت مـولاي ـ انـتـا ابمنزلي الـخـطـار

ـ
مسلم وكت ضاع هناك ـ وطن صارتله بالغربه
وصار اتراب ذاك الدار ـ لَهسه مشرف الـتـربه
وتكلـه عـمـك الـكـرار ـ طـوعـه ذابـت بـحـبـه

فدوه لعمك سـنـيـنـي
والك اهم يا بعد عيني
بخدمتك انه تـدريـنـي

وعزوبتي الك مولاي ـ غداً تحميني من النار

ـ
مصباح الحرب من صار ـ ومسلم عل حرب مجبل
حيهم صاحت اعله الكوم ـ طوعه و كامت تهلـهـل
يمسلم هد على الفرسان ـ يابن هاشم اســتـرسـل

صولت عمك هناك عيد
لقـنهـم درس يـل حـيـد
يل جنك علي الـصـنـديد

صدها بسفيك الفرسان ـ وذكرها بعلي الكرار

ـ
سل سيفه العجيد هناك ـ ومشه الودام بطوعه
سكتت كل سيوف الجيش ـ وكلمة سيفه مسموعه
افـنـيـلـج جـيوش زيـاد ـ ابشري يكلها يـا طـوعه

وحتى لو جنت وحدي
يخسه اليوصل لحدي
الحيل الهاشمي بزندي

ومن سيفي فلا يسلم ـ كلمن باَيع الـديـنـار

ـ
احـنـه آل هـاشـم دوم ـ تـضـل صـولـتـنـه معروفه
وتضل للحشر والعـبـاس ـ بـسـمـي تـردد الـكوفـه
گبر كبري وقصرهم ذاك ـ لـَهـسـه مني بي خـوفـه

قصرهم يمي ما ينشاف
ومزاري ملجئ الاشراف
جبريل وعلي بي طاف

وكبتي الوازت النجمات ـ لَهسه لصولتي تذكار



محمود محمد العطواني