Да, кадыне каналть, лоткань сёрмадома од валморот, арась сякокс тонафнемать лангс, тейне аф эряви кельгома ломань, лама прябалада, конатнень саворня ётнесайне, но сяка илядонь чиллонь цёракс🤙🏻

Тячи мекольце шись… Мекольце шись 2024-це кизоса. Ковгярьксса полафтови лувкссь, сембот аноклайхть, учихть мезе-мезе од, кати-мезе павазу.
Ули тренд кизоть песта азондомс результаттнень колга, сась моньге пингозе.
Ушедсь кизось лац, вайомсень кудса, максыне сессиять, мрдафтыне стипендиять. А Мордовиять оцюняц казсь тейне казне. Оцю сяськома ульсь, кода мархтон кенярдсть сембе мала ломанне. Бабазень повфтазе фотографиять нежеть лангс, коса ащан мон, Здунов и Ольга Васильевна – «Мокшень Правда» газетса оцю редакторсь, а тянь мархта, пара ломань, кона лама мезти тонафтомань. Ванондонь исяк фототь лангс, кундань ностальгия.

Тяни сяван тяфтама кизонь пакш: Даволков-Марайков-Шудиков. Да, азса, инь цебярь пингсь тя кизоса. Монь палсть сельмоне. Ульсь покодема вастозе, кельгома ломань(ужяль, тусь), а тага, оцю перспективат! Кепотьф мяльса ванонь омбоце кизоть пялькстонц да сай пингть лангс. Лама мезе учень. «Три Дня Дождя» пуромкссь макссесь концерт ошсон, улень тоса васенце ряттнень эса. Синь музыкасна лездсь тейне 2023 кизоть песа.

Сась панжиковсь, а мон сизень, ардсь прязе. Универса машнихть, покодема вастста тунь. Кельгомаса тага аф удалай. Но пингсь пара, лямбе, сетьме. А сяда тов, топодсь тейне 20, од этап эряфса.

Лямбеков–Псиков. Ушедсь кизось. Ётань тёждя сессия, практика. Тянь мархта мольсь Еуропань чемпионат футболса, ваныне сембе налхкоматнень. Ульсь пара тейне, ваймосень, ётафнень пинге лац. Максыне практикать, тейне путсть автомат, нолдамазь сяда рана.

Ваймань аф лама и лисень покодема велеса, кочкань ярмак. Ётась ков шить ала, но покодень лац. Тяфта и кизось ётась.

Но кизоть мекольце шиц ульсь сяда пара. Цебярь ялгазе Мария Маршакова нолдась од коллекция, конань лездонь няфтемс сценать лангс Даньшино велеса. Марнек шись ётась лац, а куду мрдань ни сёксенда, васенце шистонза. Кундань лама пара эмоцияда да энергияда.

И ушедсь сёксесь. Тонафнемс арась стака, путсть тяфтама программа. Якань автошколав. Полафтовсь сембось, арась стака. Тинць няесть, кода полафтонь, кода тейне ульсь стака, кодама валморот нолнень.

И вов, сай од кизось. Палы сельмоса аф ванан. Аф учан тяни мезевок, стабильностьши аш тячи масторлангса. Тяни эсь павазозень инкса карман тюрема. Сембось кядьсон, аньцек инголи. Кда пандсь аф моли Магометти, то кинди молемс? Курок тейне максомс сессиять, тиендемс тефт, а сяда тов – эряфозе.

Ялгат, сюкпря, мес уледе да илядоде мархтон, кенярдян, мес улихть перьфкан тяфтама валда да пара ломатть. Кельгтядязь. Уледа шумбрат, ванфтость эсь прянтень. Павазу Од киза да малаткшни (а кинди, топодьф) Роштувать мархта❤️🎄

I'm back..🤫

Аф содатя.

Одкс маряса содаф ёжать,
Тейне кати-мес мрдась.
Тяфтапт няендень ни тёжят,
А эздост стама аньцек фкя.

Шава вастса тага юмафтонь пря,
Тейне няфтезе, коса лисемась.
Ласькозь ширезонза молян, кенярдян.
Сембе, пачкодень, аньцек эльбядень…

Конашкава ульсь тейне мала,
Тяни кати-мес ащи ичкозе.
Куцень вяри, коволнятне пильгалон,
Курок праян, лиендян, мзярс ашень сргозе.

Аньцек ёран азомс: мон аф содатя!
Кият тон стамсь, мезе эздон эряви?
Кадомак ни, саты, мон аф содатя.
Сокоран, котоце ёжазе аф маряви.

Ламос учень сатфкс, сатонь лазкс,
Конашкава ёнюста кундамазь.
Пара, мес панжемс сельмот макссь,
Сембось одкс уставась.

Кие тя ульсь? Васенцеда няйса.
Афоли, ни васедькшнеме марса?
Содай, мезьда пелян, мезе прясон,
Кода эсон сатомс. Аньцек ёран азомс…

… Мон аф содатя!
Аердт ингольден, листь прястон.
Юкстамак, ваксозон аф нолдатя,
Аф эряви вятемс кядьта.

Васенцеда сёрмадан тяфтама стака валмора. Сон лама кода шарьхкодеви.
А кие васедсь мархтон? Од стирсь, арьсеф ломанць прястон али монць? Тя стака он али афкуксонь эряф? Кинь колга сёрмадонь: тя улень мон али тон?
Меквалсь кизефксть лангс вешеви прясот лувомда меле.

Учеда аф ламняс. Симан сянгяря чайняда да мрдан, 5 минутат!

Сельмотне.

Ащетяма марса апак корхтак,
Валхне аделавсть, вай каяк толти.
А мезе сельмотне азыхть колган?
Мезевок аф – паламста синь коневсть.

Сельмосот цяткне вишкста лиендсть,
А кати-мзярда толське палсь.
Тяни сонь матсы салу пиземсь,
Стака сельмованфце алу прась.

Сельмаванясот няйса эсь прязень,
Няйса тоса, кода стакаста кулсян.
Марса лувсаськ стака мяльнень,
Ванцаськ, ков шамордозь туян.

Тят пеле, аф эряви киньге пондамс,
Козовок эздот аф юман.
Тятя пеле, авардян аньцек онцтон,
Аньцек мзярдовок аф удан.

Сельмотне няихть сярятьф,
Синь няйсть стака отт.
Катк няихть вандынь эряф,
Коса апак токак улян мон.

Мрдань, vamos!!
Кода теент?

Макссь мяль сёрмадомс валмороть «Katarsis» Лиетуваста🇱🇹 пуромксть «Tavo akys» морось. Мунь пяк мала атмосфера да лирика ваймозти

Tuščios kalbos tik didina ugnį
Dega namai
Jie pradeda griūti
Iš akių ji didžiausią liūtį
…

Tavo akys mato skausmą
Mano akims tik duoda jausmą
Tu nebijok
Tavo sapnuose verkiu…

Йоу, щаскиге нолдан од валмора. Арьсян, сембонди ули 18 кизот?🫢

Мархтот.

Ворьгоделень мархтот сяда ичкози,
Максолине тондейть сембе седизень.
Сяшкава ламбамат, кода кенерьф инези,
Ёрдамс эсь ляпе вастозон оцю мялезе.

Кда эряфсь казино, эста тон - джекпот
Вакскан лама авада,
Тейне эряват аньцек тон.
Лазонь лама седида, моннеть салайть тонць.
Эрь веня вайгяльцень мархта няян отт.

Кизефтсамак, кона палясь тейть ладяй сяда?
Стирьняй, пяк туть мялезон щамфтома.
Кельгса, мзярда ащат вакссон штада,
Ёратама фкя-фкянь лангса мезевок аф кадомс.

Сёлговсть сембе кенкшне. Ськамонк.
Ётксонк аньцек цяткт, тол да ураган.
Конашкава вачедат, аф максат лацкас сельмос ваномс.
Содан аньцек фкя – тячи аф удан.

Сетьме-сетьме, стакаста тарган вайме,
Сельмаване пяк келемсть,
Эндофриттне прязень сявозь марнек,
А кода вишкста тотназевсь седись..

Кода фалу, начке минь трваньке
Ляпе паламаса кемоста педсть.
Азорава… Максса семботь,
Аньцек ульхть тейне ърьвянякс.
Мархтот эряфозе ули ламбама медькс.

Перьфпяле ёряфт щамоньке,
Читорды-тары кели вастозе,
Фкя-фкянь каршек ваныхть шаманьке,
Улемс малас тейть монь вастозе.

Макст тейне лама воляшида,
Эста няйсак, кода мархтон пара.
А топафтомазт сави лама вийда,
Сяка варжасак, кода цебярьть марямс.

Кайги вайгяльце… Солайхть сембе пилене,
Ляпе токаматнень эзда кунара иредень.
А тяни сяфтанза трнатомась,
Семботь шумордасы кувака паламась.

Ётафтса лангозт инь цебярь шизень,
Меколи поладса мархтот инь цебярь веть.
Эсон крвястить толть, стайть лазф седизень,
Семботь ёрдаса да ласкозь тейть.

Мезе? Кода тон?

Курок од валомора

Пец кармай сёрмадф рузкс, учеда..

Диалог (аньцек тон аф кулят, ужяль)

Шумбрат.. аф кунара прязон ледеть.
Тон кода? Ёран кизефтемс, кода тефне.
Монь вага, тяфтак азомс, моли лац,
Тага фкя стирьняти молемста максонь кядь.

Эхи сизень. Кивок тейне аф ладяй.
Азондт тяни, кода тоса тонць?
Няень, кода молеть од цёра мархта.
Шовань сельме, виде, тя аф он.

Молихть шитне, сембось станяк,
Юкстань, кинь мархта улень исяк.
Шобда ве. Содаф яння,
Ветеня аськоляма тага туян.

Тя веня няихтень онцтон,
Няень, кода тага тейне пеедят.
Валда сельмотне эсон аф нолдайхть,
Сргоземста сельмоведне пяярихть.

Кулень, кода колган тяни корхтат,
Аньцек мон аф кирдян кяжь,
Эздон лия шири тяни молят,
Моньге эздот шаромс ули мяль.

Аф кунара пяк ичкози арнень,
Ёран тянь лангса аф лотксемс,
А тяни ни кадтя,
Аф ёран тага корхнемс.


[Бонус]

Только в жизни все прояснилось.
Ну что такое? Все же хорошо.
Передо мной опять появилась,
Зачем ты издеваешься, сука, надо мной.

Я прошел все стадии, полный ретрит,
Даже уезжал от дома далеко.
Уже все потухло и больше не горит,
Знаешь, это было не легко.

А может, это стокгольмский синдром?
А может, мне наконец пора домой?
Поеду и до дома, и в Стокгольм,
Но не с тобой…

Пока.

Океан

There is a storm and thunder,
I go deeper under the water.
It's very cold in the depths,
No one reached my hands.

Кельгомазе - крхка океан,
Ужяль, тон пелят ведьта.
Эсь венчсон ичкози уян,
Торсяйть кирьдса кядьса.

Комболхне трнафтыхть,
Кочкавихть стака коволхт,
Шуфтонь венчезе аф срады,
А перьяпяле ни шоподсь.

Прафтомайть алу, тяни ни ваян,
Мезе ащат? Макст тейне кядь.
Аф? Кода тейть пара, вдь ведьботмоста няян,
Кода сидеста учсить тянь.

Тя ульсь ни кунара, уян тячи ськамон,
Пяк кельговсь иневедень жольфсь.
Ванан перьфпяле – вакскан уи Титаник,
А бортсонза няихте тонь.

Кулеви атямсь, виензавсь штормсь,
Прязень вельф шарфтомс аф стака,
Венчть мархта люкаван,
Мзярсь ускови армагедонць.

Океанць ваяфнемань - ашень вая.
Сембось сетьмось, валдоптовсь менельсь.
Начке кияксста саворня стяян,
Кенярдян - трваса маяксь тейне няевсь.

Тейне 21, вага и молихть кизоне)
21-це тундазе прважави

Мокшень поэтть планонза тя кизоти (My fckin’ summer):
1. Ётамс сессиять
2. Нолдамс 3-да лама валморот
3. Мумс цебярь психолог