«Аньцек претендент.»
Шись валдопты, но тейне аф валда,
Эжди монь эсон, но тейне аф лямбе.
Азомс тейть семботь аф саты валда,
Ужяль, аш кода тейне панжемс вайме.
Ётксонк кельгома, но минь аньцек ялгат.
Сембода тейть малан, но мон кивок аф,
Мес монь ёженень тон ёрат калмамс?
Мес валфтома тейне мярьгат "аф"?
Улемс мархтот, кода казиноса налхкомс.
Семботь, мезе монь ули, аф ужяльдса,
Аф сяськан, поладан, но аф ёран лоткамс.
Мезевок ашезь лисе, тяни зепозе шава.
Аньцек азк, мезе тиень тейть кальдяв?
Аньцек азк, мес тяфта тиендят мархтон?
Мес тяфта васькафнесак эсь пряцень?
Няеви въдь, кода кяшсак кельгомацень.
Тага вешат стама, конац шары лангозон,
Аф ванат лангозон, мон стама, но лия.
Кельгсамак, на тага сельгат ваймозон,
А мзярда яраштан, эсон тънярда муят.
Содаса, мон тондейть аф аньцек ялган,
Но мон кивок аф, аньцек претендент,
Саты эсон шавома, макст тейне ваймамс,
Мон въдь кивок аф, аньцек претендент.
Карман учема эсот ведялксса,
Карман учема эсот лама кизот,
Аньцек вятьк лангозон ванфцень,
Тондедот башка аф эряви кивок.
Тиить урекс эрекшинь ломантть,
Сембе кельгомать ётксонк шавить.
Тят кирде эсон, макст тейне ваямс,
Нолдак кядезень, макст тейне ваямс.
Шись валдопты, но тейне аф валда,
Эжди монь эсон, но тейне аф лямбе.
Азомс тейть семботь аф саты валда,
Ужяль, аш кода тейне панжемс вайме.
Ётксонк кельгома, но минь аньцек ялгат.
Сембода тейть малан, но мон кивок аф,
Мес монь ёженень тон ёрат калмамс?
Мес валфтома тейне мярьгат "аф"?
Улемс мархтот, кода казиноса налхкомс.
Семботь, мезе монь ули, аф ужяльдса,
Аф сяськан, поладан, но аф ёран лоткамс.
Мезевок ашезь лисе, тяни зепозе шава.
Аньцек азк, мезе тиень тейть кальдяв?
Аньцек азк, мес тяфта тиендят мархтон?
Мес тяфта васькафнесак эсь пряцень?
Няеви въдь, кода кяшсак кельгомацень.
Тага вешат стама, конац шары лангозон,
Аф ванат лангозон, мон стама, но лия.
Кельгсамак, на тага сельгат ваймозон,
А мзярда яраштан, эсон тънярда муят.
Содаса, мон тондейть аф аньцек ялган,
Но мон кивок аф, аньцек претендент,
Саты эсон шавома, макст тейне ваймамс,
Мон въдь кивок аф, аньцек претендент.
Карман учема эсот ведялксса,
Карман учема эсот лама кизот,
Аньцек вятьк лангозон ванфцень,
Тондедот башка аф эряви кивок.
Тиить урекс эрекшинь ломантть,
Сембе кельгомать ётксонк шавить.
Тят кирде эсон, макст тейне ваямс,
Нолдак кядезень, макст тейне ваямс.
«Кеме юром.»
Стакаста аварди мокшень менельсь,
Торай кайгиста атямсь, моли пиземсь.
Пачкодсть масторозонк ногайхне,
Шавондозь ня пинетне аляньконь.
Минь мъзярдовок аф макстама пря,
Карматама тюрема, пандсаськ кяжть.
Инь виихть и тазат минь ушманоньке.
Аньцек инголи молихть мокшетне.
Сюду ханти тёждя эряф аф макстама,
Ърдазу кяденц алу аф суватама,
Верса-ливозьса араласаськ кудонькень,
Аф максаськ шавомс юромонькень.
Шобда менельть валдоптозе шись,
Сембось курокста перьфпяле сетьмось,
Сяс мес ушматтне тюрема лиссть,
Масторонькень инкса ащихть кевокс.
Тюрихть. Эсь пряснон аф ужяльдсазь.
Эздост кържа, но лезды шачема масторсь,
Максы теест вий кемоста ащемс,
Аляньке тёждяста душматтнень паньцазь.
Юромоньке киндивок аф сяськови,
Мастороньке киндивок аф сявови.
Лама сталмот мокшень ломанць ётась,
Но нинге эряй и мзярдовок аф лоткай.
Стакаста аварди мокшень менельсь,
Торай кайгиста атямсь, моли пиземсь.
Пачкодсть масторозонк ногайхне,
Шавондозь ня пинетне аляньконь.
Минь мъзярдовок аф макстама пря,
Карматама тюрема, пандсаськ кяжть.
Инь виихть и тазат минь ушманоньке.
Аньцек инголи молихть мокшетне.
Сюду ханти тёждя эряф аф макстама,
Ърдазу кяденц алу аф суватама,
Верса-ливозьса араласаськ кудонькень,
Аф максаськ шавомс юромонькень.
Шобда менельть валдоптозе шись,
Сембось курокста перьфпяле сетьмось,
Сяс мес ушматтне тюрема лиссть,
Масторонькень инкса ащихть кевокс.
Тюрихть. Эсь пряснон аф ужяльдсазь.
Эздост кържа, но лезды шачема масторсь,
Максы теест вий кемоста ащемс,
Аляньке тёждяста душматтнень паньцазь.
Юромоньке киндивок аф сяськови,
Мастороньке киндивок аф сявови.
Лама сталмот мокшень ломанць ётась,
Но нинге эряй и мзярдовок аф лоткай.
«Carpe Diem» («Кундак моментть»)
Мезе тага пряса лятфнят, ялгай?
Содаса, ётай пингста ульсь пара.
Азк, а мезьса кальдяв тячинь шись?
Тят юксне эрямс, мзярс моли "кись".
Ялгай, лятфнемаса эрямс аф эряви,
Синь пара мяльса эряви тиемс.
Тънярда эряфсь валдса тюсса архтови
И сяда тёждяста кармай эрямс.
Кеняртть тага, мес тячи тон шисат,
И тянь инкса Шкайти аст "сюкпря".
Исяк ульсь пара, а тячи сяда лац,
А меколи и валда вандысь сай.
Сембе кальдявть куроконя юкстак,
Аф ризнамс теенк питни эряфсь максф.
Кундак моментть, катк ваймось ваймай.
Кштик-морак, и катк вандысь аф кармай.
Тят ризна, кеняртть, кода ёмла идь,
Въдь питни эряфсь фкя, а пингце туй.
Тячи мезевок тят лятфне, аньцек тихть,
Штоба куломада инголе лятфтамс мезе ульсь.
--------------
(Аф содаса мезе путомс, катк кармай монь фотозе😊)
Мезе тага пряса лятфнят, ялгай?
Содаса, ётай пингста ульсь пара.
Азк, а мезьса кальдяв тячинь шись?
Тят юксне эрямс, мзярс моли "кись".
Ялгай, лятфнемаса эрямс аф эряви,
Синь пара мяльса эряви тиемс.
Тънярда эряфсь валдса тюсса архтови
И сяда тёждяста кармай эрямс.
Кеняртть тага, мес тячи тон шисат,
И тянь инкса Шкайти аст "сюкпря".
Исяк ульсь пара, а тячи сяда лац,
А меколи и валда вандысь сай.
Сембе кальдявть куроконя юкстак,
Аф ризнамс теенк питни эряфсь максф.
Кундак моментть, катк ваймось ваймай.
Кштик-морак, и катк вандысь аф кармай.
Тят ризна, кеняртть, кода ёмла идь,
Въдь питни эряфсь фкя, а пингце туй.
Тячи мезевок тят лятфне, аньцек тихть,
Штоба куломада инголе лятфтамс мезе ульсь.
--------------
(Аф содаса мезе путомс, катк кармай монь фотозе😊)
«Тяште»
Тя веня ковсь тейне кода ши.
Аф пяк валда, но валдоптсы кить.
Няян тага, што ни семботь удыхть,
А мон тя пингста аньцек сань куду.
Саян, мадан, а аф матодован,
Вень менельть лангс тага ванондан.
Арьсян тоста кундамс валда тяште
И тондейть седизень ваксста каземс.
А тон тя пингть няят ламбама отт,
А тон тя пингс нинге аф лятфтамайть.
Аф токсетянза кизефкссь "косан мон?"
Весть шити сёрмадат и кадсамак.
Тяни учт тон, а монць менельти куцян,
Улема, тондейть тяштеня кундан.
Куцян вяри, праян и лазован,
Улема, лангозон тяни варжакстат.
Мон ба монць аралень тяштенякс,
Вярьде сембонь лангс ванондолень.
Ичкозде няелихтень тонь – мазынять,
А меколи эсь кудозон шарфтолень.
Улема, тон ни аф мяляфтсак,
Кода кельгозь лемдихть тяштенякс.
Меколи минь кемоста паламе,
Фкя-фкянь сельмос ламос ваноме.
Ужяль, но тячи мон эздот ичкозян,
Менельти пачкодемс сяда мала.
Мяльце, эсон учт, а мон туян,
Улема, тондейть тяштеня муян.
Тя веня ковсь тейне кода ши.
Аф пяк валда, но валдоптсы кить.
Няян тага, што ни семботь удыхть,
А мон тя пингста аньцек сань куду.
Саян, мадан, а аф матодован,
Вень менельть лангс тага ванондан.
Арьсян тоста кундамс валда тяште
И тондейть седизень ваксста каземс.
А тон тя пингть няят ламбама отт,
А тон тя пингс нинге аф лятфтамайть.
Аф токсетянза кизефкссь "косан мон?"
Весть шити сёрмадат и кадсамак.
Тяни учт тон, а монць менельти куцян,
Улема, тондейть тяштеня кундан.
Куцян вяри, праян и лазован,
Улема, лангозон тяни варжакстат.
Мон ба монць аралень тяштенякс,
Вярьде сембонь лангс ванондолень.
Ичкозде няелихтень тонь – мазынять,
А меколи эсь кудозон шарфтолень.
Улема, тон ни аф мяляфтсак,
Кода кельгозь лемдихть тяштенякс.
Меколи минь кемоста паламе,
Фкя-фкянь сельмос ламос ваноме.
Ужяль, но тячи мон эздот ичкозян,
Менельти пачкодемс сяда мала.
Мяльце, эсон учт, а мон туян,
Улема, тондейть тяштеня муян.
«Розат»
Уленди, мзярда мезе-бди кандан,
Монь кядьне сизесть, но тейне эряви
Кандомс, а мяльне сталмоть ёрдамс,
Но тейне мзярдовок аф ёрдави.
Стака, мзярда паршись кемоста сотовсь,
И тяни сави ёрдамс седиста.
Стака, мзярда тондейть сави лоткамс,
Но меколи сембось туй тёждяста.
Бъта кядьса мазы роза кирдян,
Якстерь пря да салмоксу ронга.
Фкя ширьде – мазы панчфкя кирдян,
Лия ширьде – кядьнень эса сялган.
Эрь медальса бокта аньцек кафта,
Но сембот ваныхть аньцек фкяти.
И мзярда омбоцети аф ванат –
Сембе цебярть кяшсы кальдявсь.
И сяка тон якстерь розат кирдят,
Аф няят – кядьстот шуди якстерь вер.
И въдь вииста эсост люпштать,
А сяка иляды ваткаф кядь.
Уленди, мзярда нолдамс сяда тёждя,
Но инголи, эряви лац арьсемс:
Нолдамда меле эрямс кармай пара?
Афток карман аварьдемс да явсемс?
Уленди, мзярда мезе-бди кандан,
Монь кядьне сизесть, но тейне эряви
Кандомс, а мяльне сталмоть ёрдамс,
Но тейне мзярдовок аф ёрдави.
Стака, мзярда паршись кемоста сотовсь,
И тяни сави ёрдамс седиста.
Стака, мзярда тондейть сави лоткамс,
Но меколи сембось туй тёждяста.
Бъта кядьса мазы роза кирдян,
Якстерь пря да салмоксу ронга.
Фкя ширьде – мазы панчфкя кирдян,
Лия ширьде – кядьнень эса сялган.
Эрь медальса бокта аньцек кафта,
Но сембот ваныхть аньцек фкяти.
И мзярда омбоцети аф ванат –
Сембе цебярть кяшсы кальдявсь.
И сяка тон якстерь розат кирдят,
Аф няят – кядьстот шуди якстерь вер.
И въдь вииста эсост люпштать,
А сяка иляды ваткаф кядь.
Уленди, мзярда нолдамс сяда тёждя,
Но инголи, эряви лац арьсемс:
Нолдамда меле эрямс кармай пара?
Афток карман аварьдемс да явсемс?
«Кит тонь идолхне?»
Тонь идолхне каттядязь ськамот,
Тонь маралятне тондейть аф лездыхть,
Синь лангозт мзярдовок аф ваныхть.
Тя мяльсь кодавок эсот аф керы?
Ломаттне кунара юкстазь видешить,
Вешихть "мялень вяти" – ванфсна кулость.
И въдь синць кельгсазь эрекшить,
Но аф содазь арайхть урекс.
Тя аф ломаньтнал, а учань пуромкс,
Шкайть вастс од шкайнят кочкайхть,
Ушманснон инкса ёрайхть куломс,
А идолнясна колгаст содайхть?
Курокста нолдайть сельмотнень алу,
Сяс мес менельса идолце ашель.
Инголенза аф эряви комамс,
Мес модамасторса сембода содаф.
"Тяштеняцти" стака – ризнат мархтонза,
Стака тондейть – ризнак ськамот.
Сонь кода-кода ётайхть прябаланза
А тонць мезе тиендема кармат?
Варжакст, тонцень эряфце въдь ули,
Арьсян, мяльнень лацкас кулить.
Сельмостот сюлмафкснень юксыть –
Тонь идолхне кулость.
Тонь идолхне каттядязь ськамот,
Тонь маралятне тондейть аф лездыхть,
Синь лангозт мзярдовок аф ваныхть.
Тя мяльсь кодавок эсот аф керы?
Ломаттне кунара юкстазь видешить,
Вешихть "мялень вяти" – ванфсна кулость.
И въдь синць кельгсазь эрекшить,
Но аф содазь арайхть урекс.
Тя аф ломаньтнал, а учань пуромкс,
Шкайть вастс од шкайнят кочкайхть,
Ушманснон инкса ёрайхть куломс,
А идолнясна колгаст содайхть?
Курокста нолдайть сельмотнень алу,
Сяс мес менельса идолце ашель.
Инголенза аф эряви комамс,
Мес модамасторса сембода содаф.
"Тяштеняцти" стака – ризнат мархтонза,
Стака тондейть – ризнак ськамот.
Сонь кода-кода ётайхть прябаланза
А тонць мезе тиендема кармат?
Варжакст, тонцень эряфце въдь ули,
Арьсян, мяльнень лацкас кулить.
Сельмостот сюлмафкснень юксыть –
Тонь идолхне кулость.
«Мзярда васенце кись шумордави – омбоцесь ушеды.»
Матыне толть, сяс мес тя кудста лисень,
Надиян, што тоза тяни аф мрдан,
Сембе азкссь кунара шумордаф.
Мархтон аньцек содамошит лихтень
И вов кельги мирдсь кадозе рьванц,
Кинди эрявсь - тонац сяськсь.
Эряйсь кулось, менельса лиись прась,
Аф кемат тя семботи, но лиись прась.
И вов ванан фильма шава кинозалса,
Трагедиять лангса, кода сюду, рахсян.
И въдь юкстайне, кинь колга экранца
Тяфтама кадрат няфтихть…
Тяни кати-мес аера кельме вармась,
Эсон аф уфай, а максы тейне эжемс.
Инголен ащи парста урядяф калма,
Коса калмаф… Ётай пингонь шизе.
Пингсь аф ащи эсь вастсонза, содасть.
Полафты модамасторсь, полафты ломанць.
Пара, мзярда цебярьти полафтсь.
Кальдяв, мзярда полафтозе идеалонц.
Кунардонь ялгазе тейне васедсь,
Но аф сърхкай мархтон шумбракстомс.
Аф венептезе тейне эсь кяденц,
Сяс мес эсон аф шарьхкодсь.
Поладонь ичкози молемс тага,
Ков сянгяря сельмоне ваныхть.
Цёрась горизонтти пцтай пачкодсь,
А тонац. Тага ичкози ворьгодсь.
И вов кядьса кирдян мазы панчфкат,
Тяса и лоткась кувака монь кизе,
Сяс мес инголен парста урядяф калма,
Коса калмаф ётай пингонь шизе.
Матыне толть, сяс мес тя кудста лисень,
Надиян, што тоза тяни аф мрдан,
Сембе азкссь кунара шумордаф.
Мархтон аньцек содамошит лихтень
И вов кельги мирдсь кадозе рьванц,
Кинди эрявсь - тонац сяськсь.
Эряйсь кулось, менельса лиись прась,
Аф кемат тя семботи, но лиись прась.
И вов ванан фильма шава кинозалса,
Трагедиять лангса, кода сюду, рахсян.
И въдь юкстайне, кинь колга экранца
Тяфтама кадрат няфтихть…
Тяни кати-мес аера кельме вармась,
Эсон аф уфай, а максы тейне эжемс.
Инголен ащи парста урядяф калма,
Коса калмаф… Ётай пингонь шизе.
Пингсь аф ащи эсь вастсонза, содасть.
Полафты модамасторсь, полафты ломанць.
Пара, мзярда цебярьти полафтсь.
Кальдяв, мзярда полафтозе идеалонц.
Кунардонь ялгазе тейне васедсь,
Но аф сърхкай мархтон шумбракстомс.
Аф венептезе тейне эсь кяденц,
Сяс мес эсон аф шарьхкодсь.
Поладонь ичкози молемс тага,
Ков сянгяря сельмоне ваныхть.
Цёрась горизонтти пцтай пачкодсь,
А тонац. Тага ичкози ворьгодсь.
И вов кядьса кирдян мазы панчфкат,
Тяса и лоткась кувака монь кизе,
Сяс мес инголен парста урядяф калма,
Коса калмаф ётай пингонь шизе.
«Ёмла стирь»
( Валморось «Superheaven» коллективть “Youngest daughter” морть мокшень кяльс ётафтомац)
Изь лисе, сембось стак, тяряфтонь,
Штоба азомс тейть семботь, мезе содань.
Кода вииста эсон комболфты.
Мрдак куду.
Таргак вайме, мзярс тевлафне аф срадыхть,
Морак, мзярс пилетне пяравгодыхть.
Эрь шиня, аф гайфтят теенза, кода фалу,
Маряса тянь, тон праят алу.
Мон сярядян,
Пелян семботь эзда, мезе кулян.
Ёмла стирезе юмафтозе кинц,
Эрь шиня сембось ушеды одкс.
Маятаманьконь эзда ёненьке прястонк листть.
Эняльдян, мрдак куду.
Урафтомась явсамазь,
Наркотикне куломати сизефттядязь.
Таргак вайме, мзярс тевлафне аф срадыхть,
Морак, мзярс пилетне пяравгодыхть.
Эрь шиня, аф гайфтят теенза, кода фалу,
Маряса тянь, тон праят алу.
( Валморось «Superheaven» коллективть “Youngest daughter” морть мокшень кяльс ётафтомац)
Изь лисе, сембось стак, тяряфтонь,
Штоба азомс тейть семботь, мезе содань.
Кода вииста эсон комболфты.
Мрдак куду.
Таргак вайме, мзярс тевлафне аф срадыхть,
Морак, мзярс пилетне пяравгодыхть.
Эрь шиня, аф гайфтят теенза, кода фалу,
Маряса тянь, тон праят алу.
Мон сярядян,
Пелян семботь эзда, мезе кулян.
Ёмла стирезе юмафтозе кинц,
Эрь шиня сембось ушеды одкс.
Маятаманьконь эзда ёненьке прястонк листть.
Эняльдян, мрдак куду.
Урафтомась явсамазь,
Наркотикне куломати сизефттядязь.
Таргак вайме, мзярс тевлафне аф срадыхть,
Морак, мзярс пилетне пяравгодыхть.
Эрь шиня, аф гайфтят теенза, кода фалу,
Маряса тянь, тон праят алу.
«Аржат.»
Няят, кода тага шудихть сельмоветть,
Ломанць аф лафча – сизесь улемс виикс.
Эздонза сельмозт пядихть керсеф кятть,
Теенза пара кальдяв эстеенза тиемс.
Психикась кальдяв, ушеды депрессиясь,
Мельганза — селфхарм, аутоагрессия.
Кодама туфталсь, мес тяфта эрят?
Мезе кальдяв эстейть тиеть?
Фкя аськолкс, пильгалот арай менелсь,
Но коволнятнень ланга аф якават кяпе.
Тя стака он, но мзярдовок аф сргозят,
Сргозть тонць, кодавок аф стяфтоват.
И таргаматне аф лездыхть тяса,
Минутас лоткафтсазь эряфть.
Аделавихть, иляды качамсь пряса,
А меколи эряфти сави мрдамс.
Оржа пяльса тага вятят верзанга.
Тя сембось, мезе тейть афкукс эрявсь?
Саворня ащезь лазф ваномать ваксса,
Мярьготь: «афкукс, пяк эрявсь»
«Оду мзярдовок тяфта аф карман» –
Эсь пряцень тёждя валса васькафнят,
«Мяляфтса, но тя ульсь мекольцеда» –
Эрь крдаста корхтамс поладат.
Ворьгоделень ичкози тяста
И катк эсон кивок аф муй.
Минь аф вастоньке калма лангса,
Аф эряви эряскодомс тоза тумс.
Няят, кода тага шудихть сельмоветть,
Ломанць аф лафча – сизесь улемс виикс.
Эздонза сельмозт пядихть керсеф кятть,
Теенза пара кальдяв эстеенза тиемс.
Психикась кальдяв, ушеды депрессиясь,
Мельганза — селфхарм, аутоагрессия.
Кодама туфталсь, мес тяфта эрят?
Мезе кальдяв эстейть тиеть?
Фкя аськолкс, пильгалот арай менелсь,
Но коволнятнень ланга аф якават кяпе.
Тя стака он, но мзярдовок аф сргозят,
Сргозть тонць, кодавок аф стяфтоват.
И таргаматне аф лездыхть тяса,
Минутас лоткафтсазь эряфть.
Аделавихть, иляды качамсь пряса,
А меколи эряфти сави мрдамс.
Оржа пяльса тага вятят верзанга.
Тя сембось, мезе тейть афкукс эрявсь?
Саворня ащезь лазф ваномать ваксса,
Мярьготь: «афкукс, пяк эрявсь»
«Оду мзярдовок тяфта аф карман» –
Эсь пряцень тёждя валса васькафнят,
«Мяляфтса, но тя ульсь мекольцеда» –
Эрь крдаста корхтамс поладат.
Ворьгоделень ичкози тяста
И катк эсон кивок аф муй.
Минь аф вастоньке калма лангса,
Аф эряви эряскодомс тоза тумс.
My friend
(Экспериментальнай валмора)
I call you every day,
Every time I say your name.
I think I've lost you forever,
But you will stay in my heart forever.
Still waiting for the appearance,
Without showing indifference.
I'm suffering, tearing my skin,
All the streets can hear my scream.
Another sleepless night has passed,
Another busy day has passed.
Lost in the darkness,
I hope it's from blindness.
Please, please come back.
Dead or alive, come back.
In the end, you made your choice.
Now, I won't hear your voice.
Now I'm dying inside,
Because you walked away.
You went to the wrong side,
Now everything has turned gray.
Listen, I call you every day,
Every time I say your name.
I think I've lost you forever,
But you will stay in my heart forever.
(Экспериментальнай валмора)
I call you every day,
Every time I say your name.
I think I've lost you forever,
But you will stay in my heart forever.
Still waiting for the appearance,
Without showing indifference.
I'm suffering, tearing my skin,
All the streets can hear my scream.
Another sleepless night has passed,
Another busy day has passed.
Lost in the darkness,
I hope it's from blindness.
Please, please come back.
Dead or alive, come back.
In the end, you made your choice.
Now, I won't hear your voice.
Now I'm dying inside,
Because you walked away.
You went to the wrong side,
Now everything has turned gray.
Listen, I call you every day,
Every time I say your name.
I think I've lost you forever,
But you will stay in my heart forever.
«Урмаськодсь, аф срхкай пчкамс.»
(Аф ладяй лувомати ломаттненди, конатненди нинге ашезь топоде 16 кизот. Наркотикне – кальдяв парши, а наркоманиясь – стака урма. Сембе событиятне валмороса аф молихть марса афкуксонь эряфть мархта, сембось – авторть арьсемац)
Шобдавань заря. Кода най, юмать.
Алкоголь, веществат – курокста кулат.
Вешендтя, сембе куротнень ётайне,
Пряце юмась – монга сонь юмафтыне.
Юмсят, куфцят, кулсят и вельмосят.
Ваймосят да тага кярьмотькшнят.
Инксот нолятама: мон – кятть, тон – ярмак.
Тейть пара, а ашусь – мон, марят?
Валхненди кодамовок питне аш,
А энельдематне тердихть кяжь.
Сотнеф кядьта пякстаф кудса тейть кржа,
Юмафтыть сембонь, а пчкамс ярмак ужяль.
Сембе кельгомаце кяшф зиплокса,
Монцень кельгомазе – сярядемс мархтот.
Вешендят эсон, ашкордайхтень бокста.
Надиян, аф мекольцеда ащат вакссон.
И вов кудсь шава, тага ичкози туят,
Ласькондян ошева, васта аф муян.
Сембе ужетнень да шяйхнень ётайне,
Вешевсь: лофтана, тишеть ала коваряй.
Аф васенцеда тяфта, но теенк саты.
Мзяра ётась истерикада, сельмоведьта,
Верда, передозировкада. Пара, саты,
Хуш тячи сетьмоняста сяфтя кядьта.
Ваймоце аф таргави, но таргавсь качамсь,
Седице аф пиксы, потмосот пикссь фармась*.
Мекольцеда велять модать лангс,
А сяда тов, мекольцеда кандонь панчфт.
*фарма – фармацевтика, таблеткат
(Аф ладяй лувомати ломаттненди, конатненди нинге ашезь топоде 16 кизот. Наркотикне – кальдяв парши, а наркоманиясь – стака урма. Сембе событиятне валмороса аф молихть марса афкуксонь эряфть мархта, сембось – авторть арьсемац)
Шобдавань заря. Кода най, юмать.
Алкоголь, веществат – курокста кулат.
Вешендтя, сембе куротнень ётайне,
Пряце юмась – монга сонь юмафтыне.
Юмсят, куфцят, кулсят и вельмосят.
Ваймосят да тага кярьмотькшнят.
Инксот нолятама: мон – кятть, тон – ярмак.
Тейть пара, а ашусь – мон, марят?
Валхненди кодамовок питне аш,
А энельдематне тердихть кяжь.
Сотнеф кядьта пякстаф кудса тейть кржа,
Юмафтыть сембонь, а пчкамс ярмак ужяль.
Сембе кельгомаце кяшф зиплокса,
Монцень кельгомазе – сярядемс мархтот.
Вешендят эсон, ашкордайхтень бокста.
Надиян, аф мекольцеда ащат вакссон.
И вов кудсь шава, тага ичкози туят,
Ласькондян ошева, васта аф муян.
Сембе ужетнень да шяйхнень ётайне,
Вешевсь: лофтана, тишеть ала коваряй.
Аф васенцеда тяфта, но теенк саты.
Мзяра ётась истерикада, сельмоведьта,
Верда, передозировкада. Пара, саты,
Хуш тячи сетьмоняста сяфтя кядьта.
Ваймоце аф таргави, но таргавсь качамсь,
Седице аф пиксы, потмосот пикссь фармась*.
Мекольцеда велять модать лангс,
А сяда тов, мекольцеда кандонь панчфт.
*фарма – фармацевтика, таблеткат
Вайгяльхть.
Вармась уфай, кеподсь вишке ураган.
Юрнек сязи, канды мархтонза шуфтт.
Но ломаттнень мархта кядьта кирдян,
Аф кулан, тонга эряк, аньцек мархтонк ульхть.
Кемоста кирттяма, пилькне нолдасть юрхт,
Сетьмось ураганць, но толть ашезь мата.
Толть, кона эсонк палы, фалу эсонк ульсь.
Аф эендат, няжедть, эжнек мархтонк.
Ужяль, тячи эздонк аф пяк лама,
Но мзярдовок аф кулотама, аф кулотама.
И кулевихть вайгяльхть, лама вайгяльхть.
Кулхцондт – кодама кайгихть.
А пандомс эсонк киндивок аш кода,
Вайгяленьке пачкодихть менельти,
Карматама тердема, ушедтама морамс,
Монга нолдан вайгяль, ваймось кенярди.
И катк шудихть салу сельмоветть,
Тячи ризфста, а ванды кенярдезь.
Эсонк шуди лямбе мокшень версь.
Пяяреськ сонь, штоба эряфти кярьмодемс.
Ватт сельмозонк, мзяра синь няйсть.
Но сяка эсост палы тол, синь учихть паваз.
И теенк лама кельгомада, вийда кадсть
Нят, кит тя вандыть аф няйсазь.
Мзярс масторсь эряй, усковихть вайгяльхть,
Кодавок аф кулотама, аф кулотама.
Терттяма, пешкоттама, и катк сязф кргапарсь –
Мзярдовок аф кулотама, аф кулотама.
Аф эрявикс валфтома, аньцек озкст.
Эсонк ули кельгома, ашезь мада толсь.
Тят пеле, кодавок аф илядят ськамот.
Ащек вакссонк, вайгяленьке мархтот.
Мокшень кялень шить мархта! Кяленьке мзярдовок аф кулы, аф кулотама миньге🙏🏻❤️🔥
Вармась уфай, кеподсь вишке ураган.
Юрнек сязи, канды мархтонза шуфтт.
Но ломаттнень мархта кядьта кирдян,
Аф кулан, тонга эряк, аньцек мархтонк ульхть.
Кемоста кирттяма, пилькне нолдасть юрхт,
Сетьмось ураганць, но толть ашезь мата.
Толть, кона эсонк палы, фалу эсонк ульсь.
Аф эендат, няжедть, эжнек мархтонк.
Ужяль, тячи эздонк аф пяк лама,
Но мзярдовок аф кулотама, аф кулотама.
И кулевихть вайгяльхть, лама вайгяльхть.
Кулхцондт – кодама кайгихть.
А пандомс эсонк киндивок аш кода,
Вайгяленьке пачкодихть менельти,
Карматама тердема, ушедтама морамс,
Монга нолдан вайгяль, ваймось кенярди.
И катк шудихть салу сельмоветть,
Тячи ризфста, а ванды кенярдезь.
Эсонк шуди лямбе мокшень версь.
Пяяреськ сонь, штоба эряфти кярьмодемс.
Ватт сельмозонк, мзяра синь няйсть.
Но сяка эсост палы тол, синь учихть паваз.
И теенк лама кельгомада, вийда кадсть
Нят, кит тя вандыть аф няйсазь.
Мзярс масторсь эряй, усковихть вайгяльхть,
Кодавок аф кулотама, аф кулотама.
Терттяма, пешкоттама, и катк сязф кргапарсь –
Мзярдовок аф кулотама, аф кулотама.
Аф эрявикс валфтома, аньцек озкст.
Эсонк ули кельгома, ашезь мада толсь.
Тят пеле, кодавок аф илядят ськамот.
Ащек вакссонк, вайгяленьке мархтот.
Мокшень кялень шить мархта! Кяленьке мзярдовок аф кулы, аф кулотама миньге🙏🏻❤️🔥
Панжиков
Рана шобдава сргозень пеедезь –
Шалхкозень котькофтсы васенце шить сюролдац.
Пинге ни тефненди кярьмодемс.
Аньцек, ужяль, мес тага кржа удан.
Шитеня сембось панжи,
А ветеня лац няеви ковсь.
Монцень ваймозе панжи,
Кенярди – сась панжиковсь!
Шить лямбе сюролданза
Сюрекс стасазь седизень.
Тяни тёждя и кятав ванфса
Ванан, кинди максомс кядезень.
И катк, кальдявсь ашезь ту,
А тячи шаштовсь фталу.
Эздост киндивокс аф лиси тумс –
Тяфта ули фалу.
Кельгомась? А мезе кельгомась?
Кельгонь кирдемс веры кядьса розат.
Тячи аньцек кельгса эрямать,
Ськамон улемс пара, ваксозон аф озат.
Панжи ваймозе, мзярс моли ковсь.
Панжиковсь – тя ёмла эряф,
Мзярда ваймось морай мор –
Кода пара эрямс!
Рана шобдава сргозень пеедезь –
Шалхкозень котькофтсы васенце шить сюролдац.
Пинге ни тефненди кярьмодемс.
Аньцек, ужяль, мес тага кржа удан.
Шитеня сембось панжи,
А ветеня лац няеви ковсь.
Монцень ваймозе панжи,
Кенярди – сась панжиковсь!
Шить лямбе сюролданза
Сюрекс стасазь седизень.
Тяни тёждя и кятав ванфса
Ванан, кинди максомс кядезень.
И катк, кальдявсь ашезь ту,
А тячи шаштовсь фталу.
Эздост киндивокс аф лиси тумс –
Тяфта ули фалу.
Кельгомась? А мезе кельгомась?
Кельгонь кирдемс веры кядьса розат.
Тячи аньцек кельгса эрямать,
Ськамон улемс пара, ваксозон аф озат.
Панжи ваймозе, мзярс моли ковсь.
Панжиковсь – тя ёмла эряф,
Мзярда ваймось морай мор –
Кода пара эрямс!
Сембось моли планть коре.
Видептезе пацянзон куцьканць,
Молаткась да тарвазсь кунара валгсть.
Кеподи бизнессь, цалковайсь тага прась,
ГОСТ хрущёвка мархта союзсь теенк кадсь.
Тячиень планозе: молемс рынкав.
Шразень лангса “Il Pricipe”, Макиавелли.
Ашезь кирдев тяса социализмась,
Постиндустриализмась ни пачкодсь вели.
Валхтфоль ни мзярда кшнянь шаршавсь,
Варшавань пактсь мельганза кяшевсь.
Лия кигя тусь рузонь экономикась,
Кода инголе арьсефоль – азондсазь историкне.
Мзяра кизот арьсян, кода путфоль планць,
Кда "стабильностсь" – тя мзярда стабильна кальдяв,
И тянь каршес аф максови азомс вал,
Пара, мес нинге максови арьсемс.
Сембось моли планть коре,
Сяс мес пачкодень ни рынкав,
А сембось моли рынкать коре,
Тейне – топодемс, мишендити – прибыль.
Видептезе пацянзон куцьканць,
Молаткась да тарвазсь кунара валгсть.
Кеподи бизнессь, цалковайсь тага прась,
ГОСТ хрущёвка мархта союзсь теенк кадсь.
Тячиень планозе: молемс рынкав.
Шразень лангса “Il Pricipe”, Макиавелли.
Ашезь кирдев тяса социализмась,
Постиндустриализмась ни пачкодсь вели.
Валхтфоль ни мзярда кшнянь шаршавсь,
Варшавань пактсь мельганза кяшевсь.
Лия кигя тусь рузонь экономикась,
Кода инголе арьсефоль – азондсазь историкне.
Мзяра кизот арьсян, кода путфоль планць,
Кда "стабильностсь" – тя мзярда стабильна кальдяв,
И тянь каршес аф максови азомс вал,
Пара, мес нинге максови арьсемс.
Сембось моли планть коре,
Сяс мес пачкодень ни рынкав,
А сембось моли рынкать коре,
Тейне – топодемс, мишендити – прибыль.
Стака паршитнень колга.
Скрипка кельги стирнясь,
Ужяль, лангозонза ярмак аш.
Мазы инструментть вастс
Тевс молихть пеель мархта кядь.
Аф шарьхкодихть тядят-алят,
Ков юмси кудста фенибутсь.
Тя ёжу стирьсна фалу салай,
Пяк ни мялезонза тусь.
Кельгсы мазы цёранять,
Кона кельгсы лиять.
Терди токаф сединясь:
«Вальмаста нарьмонькс лийкстак».
Од аржат няевихть кядьса –
Веры скрипкань мор.
Тага пеель кирди кядьса,
А сельмосонза ведь да тол.
Сюци тага кяжи тядяц,
«Аф шарьхкоди», кода и фалу.
Тяни тага ули мялец
7-це этажста ваномс алу.
Аделавсть сембе сельмоветтне,
Нерватнень кунара порезь,
Ётась мялец семботь петнемс,
Пинге сельмотнень ни конемс.
Стирьня и пяшкодьф ванна,
Кяльть ала 3-шка таблеткат.
Кяттне керсфет, пряса калмот,
Арьсесь, кода кирди скрипка кядьса.
Скрипка кельги стирнясь,
Ужяль, лангозонза ярмак аш.
Мазы инструментть вастс
Тевс молихть пеель мархта кядь.
Аф шарьхкодихть тядят-алят,
Ков юмси кудста фенибутсь.
Тя ёжу стирьсна фалу салай,
Пяк ни мялезонза тусь.
Кельгсы мазы цёранять,
Кона кельгсы лиять.
Терди токаф сединясь:
«Вальмаста нарьмонькс лийкстак».
Од аржат няевихть кядьса –
Веры скрипкань мор.
Тага пеель кирди кядьса,
А сельмосонза ведь да тол.
Сюци тага кяжи тядяц,
«Аф шарьхкоди», кода и фалу.
Тяни тага ули мялец
7-це этажста ваномс алу.
Аделавсть сембе сельмоветтне,
Нерватнень кунара порезь,
Ётась мялец семботь петнемс,
Пинге сельмотнень ни конемс.
Стирьня и пяшкодьф ванна,
Кяльть ала 3-шка таблеткат.
Кяттне керсфет, пряса калмот,
Арьсесь, кода кирди скрипка кядьса.
😢1
Mokšeń cörať valmoronza
Стака паршитнень колга. Скрипка кельги стирнясь, Ужяль, лангозонза ярмак аш. Мазы инструментть вастс Тевс молихть пеель мархта кядь. Аф шарьхкодихть тядят-алят, Ков юмси кудста фенибутсь. Тя ёжу стирьсна фалу салай, Пяк ни мялезонза тусь. Кельгсы мазы…
Тона эксклюзивсь, конань колга корхтань. Тяфтама валморотнень лангс фалу путнихть запретт да блокт.
Но тяса кодамовок тердема аш.
Кеподень стака тема. Ментальнай прябалатнень лангс аф эряви сёлгондомс сельмот.
Няфтень, мезьти пачкодихть од ломаттне, кда аф макссемс теест психологическяй лезкс, кадондомс ськамост прябаласнон мархта
Но тяса кодамовок тердема аш.
Кеподень стака тема. Ментальнай прябалатнень лангс аф эряви сёлгондомс сельмот.
Няфтень, мезьти пачкодихть од ломаттне, кда аф макссемс теест психологическяй лезкс, кадондомс ськамост прябаласнон мархта
🔥1
Арьсян – тя инь стака валморозе.
Улема, сяда стака оду мзярдовок аф сёрмадови. Кой-коста и сельмоведезе тусь сёрмадомста, мзярда лятфнень интернетста тяфтама историят
Ванфтость эсь мала ломанентень❤️🩹
Улема, сяда стака оду мзярдовок аф сёрмадови. Кой-коста и сельмоведезе тусь сёрмадомста, мзярда лятфнень интернетста тяфтама историят
Ванфтость эсь мала ломанентень❤️🩹
Эмигрант
Молемс аньцек инголи, меки аш ки,
Аф васенце ни поколениясь велеста лиссь.
Тумста пятнав катонязень сюдеряса,
Мявксты мельган, мзярда нинге няйса?
Тядяй, аляй, эняльдян, тяда ризна,
Павазукс и козякс велес мрдан,
Од вастса эстейне кельгома муян,
Мархтонза мрдан! А тячи, пинге, туян.
Эрян ошса, но аф кельгса сонь,
Тянь лемоц — Стокгольмонь синдром.
Якайхть велева кой-кодама кулят:
«Велень цёраньке тяни эмигрант».
Од васта, од ломатть, од эряф.
Кудозе эжди седи, а тяса тейне кельме.
Лия кяль, лия культур да лия эряф.
Шары прязе, велеса сяда сетьме.
Лиякс аш кода – урбанизация.
Лафча вастть кирьфтасы эмиграциясь.
Тейне савсь тумс, но шачема куду мрдан,
А од вастса аф юкстаса тядянь валть.
Молемс аньцек инголи, меки аш ки,
Аф васенце ни поколениясь велеста лиссь.
Тумста пятнав катонязень сюдеряса,
Мявксты мельган, мзярда нинге няйса?
Тядяй, аляй, эняльдян, тяда ризна,
Павазукс и козякс велес мрдан,
Од вастса эстейне кельгома муян,
Мархтонза мрдан! А тячи, пинге, туян.
Эрян ошса, но аф кельгса сонь,
Тянь лемоц — Стокгольмонь синдром.
Якайхть велева кой-кодама кулят:
«Велень цёраньке тяни эмигрант».
Од васта, од ломатть, од эряф.
Кудозе эжди седи, а тяса тейне кельме.
Лия кяль, лия культур да лия эряф.
Шары прязе, велеса сяда сетьме.
Лиякс аш кода – урбанизация.
Лафча вастть кирьфтасы эмиграциясь.
Тейне савсь тумс, но шачема куду мрдан,
А од вастса аф юкстаса тядянь валть.
❤1