#Msone Release - 3506 (Movie)

Love in Magic (2005)
ലൗവ് ഇൻ മാജിക് (2005)

പരിഭാഷ: അരവിന്ദ് കുമാർ
പോസ്റ്റർ: നിഷാദ് ജെ.എൻ

ഭാഷ: കൊറിയൻ
സംവിധാനം: Se-Hwan Cheon
ജോണർ: കോമഡി, റൊമാൻസ്

IMDb : 6.2 (R)

നഗരത്തിലെ ഒരു മജീഷ്യനാണ് വൂ ജി ഹൂൻ. തൻ്റെ കയ്യിലെ ചെപ്പടിവിദ്യകൾ ഉപയോഗിച്ച് പെണ്ണുങ്ങളുടെ മനസ്സ് കീഴടക്കാൻ ആളൊരു വിരുതനാണ്. വെറും നേരംപോക്കിന് മാത്രം സ്ത്രീകളുമായി ബന്ധം സ്ഥാപിക്കുന്ന ജി ഹൂന് ഓർക്കാപ്പുറത്ത് ഒരു തിരിച്ചടി നേരിടേണ്ടി വരുന്നു. തൻ്റെ പഴയ കാമുകിമാരിൽ ഒരാളുമായി ഏതോ ഒരു ഹോട്ടൽമുറിയിൽ വെച്ച് നടത്തിയ സെക്സ്, ഒളിക്യാമറ വെച്ച് പകർത്തി, ആ ഹോട്ടലുകാർ ഇൻ്റർനെറ്റിൽ കൊടുത്തിരിക്കുന്നു. പോലീസിൽ പരാതിപ്പെട്ടാൽ തൻ്റെ പ്രതിച്ഛായയ്ക്ക് കോട്ടം തട്ടുമെന്ന് ഭയന്ന്, ജി ഹൂൻ തൻ്റെ പഴയ കാമുകിയ്ക്കൊപ്പം ഇതിന് പിറകിലെ കാരണക്കാരെ കണ്ടുപിടിക്കാൻ പുറപ്പെടുന്നു. എല്ലാവരും വീഡിയോ കണ്ട് അവരെ തിരിച്ചറിയുന്നതിന് മുമ്പ് ഇതിന് പിന്നിലുള്ളവരെ കണ്ടുപിടിച്ച് എന്തെങ്കിലും പരിഹാരമാർഗം കാണാനുള്ള നായകന്റെയും നായികയുടെയും തത്രപ്പാടുകളാണ് ചിത്രം പറയുന്നത്.
ഒട്ടും മുഷിയാതെ, ആസ്വദിച്ച് കാണാൻ പറ്റുന്ന ഒരു കൊറിയൻ റൊമാന്റിക് കോമഡി ചിത്രമാണിത്.

അഭിപ്രായങ്ങൾ പങ്കുവെക്കാൻ

#Msone Release - 3507 (Movie)

Gran Torino (2008)
ഗ്രാൻ ടൊറീനോ (2008)

പരിഭാഷ: വിഷ്‌ണു പ്രസാദ്
പോസ്റ്റർ: നിഷാദ് ജെ.എൻ

ഭാഷ: ഇംഗ്ലീഷ്
സംവിധാനം: Clint Eastwood
ജോണർ: ഡ്രാമ

IMDb : 8.1 (R)

വംശീയ മുൻവിധികളുമായി ജീവിക്കുന്ന അമേരിക്കൻ യുദ്ധവീരനായ വാൾട്ട് കൊവാൾസ്കിയുടെ ജീവിതം, അയൽക്കാരനായ മോങ് വംശജനായ തൗ, തൻ്റെ പ്രിയപ്പെട്ട ഗ്രാൻ ടൊറീനോ കാർ മോഷ്ടിക്കാൻ ശ്രമിക്കുന്നതോടെ മാറിമറിയുന്നു.

അഭിപ്രായങ്ങൾ പങ്കുവെക്കാൻ

#Msone Release - 84 (Movie)

Tangerines (2013)
ടാൻജറീൻസ് (2013)

പരിഭാഷ: മുബാറക്ക് റ്റി എൻ
പോസ്റ്റർ: നിഷാദ് ജെ.എൻ

ഭാഷ: എസ്റ്റോണിയൻ, ജോർജിയൻ
സംവിധാനം: Zaza Urushadze
ജോണർ: ഡ്രാമ, വാർ

IMDb : 8.1 (N/A)

1991 -ലെ സോവിയറ്റ് യൂണിയന്റെ പതനത്തോടെ, ജോർജിയ ഉൾപ്പെടെ പല രാജ്യങ്ങളും സ്വതന്ത്രമായി. എന്നാൽ ജോർജിയയിലെ അബ്ഖാസിയ എന്ന പ്രദേശം ജോർജിയയിൽ നിന്ന് വേർപെട്ട് സ്വതന്ത്രമായോ, അല്ലെങ്കിൽ റഷ്യയുമായി ചേർന്ന് ഒരു പ്രത്യേക നിലനിൽപ്പിനായോ ആഗ്രഹിച്ചു. ജോർജിയൻ നയങ്ങൾ തങ്ങളുടെ ഭാഷയെയും സംസ്കാരത്തെയും അടിച്ചമർത്തുമെന്ന ഭയമായിരുന്നു കാരണം. പക്ഷേ ജോർജിയയാകട്ടെ, തങ്ങളുടെ ദേശീയഐക്യം നിലനിർത്തുവാനായി അബ്ഖാസിയയെ സ്വതന്ത്രമാക്കാൻ തയ്യാറല്ലായിരുന്നു. സോവിയറ്റ് യൂണിയന്റെ തകർച്ച മൂലമുണ്ടായ അധികാരശൂന്യതയും (power vacuum) റഷ്യയുടെ തന്ത്രപരമായ ഇടപെടലും ഈ പിരിമുറുക്കത്തിൻ്റെ തീവ്രത വർധിപ്പിച്ചു. അവസാനം, 1992 -ൽ ഇതൊരു പൂർണയുദ്ധമായി മാറി.

റഷ്യയുടെ സൈനിക, ധന, രാഷ്ട്രീയ സഹായങ്ങളും ചെചെൻ, കോസാക്ക് തുടങ്ങിയ വടക്കൻ കോക്കസസ് പ്രദേശങ്ങളിൽ നിന്നുള്ള കൂലിപ്പടയാളികളും യുദ്ധത്തിൽ അബ്ഖാസിയയെ സഹായിച്ചു. മറുവശത്ത് ജോർജിയൻ സർക്കാർ, തങ്ങളുടെ സൈന്യവുമായി അബ്ഖാസിയയെ നിയന്ത്രണത്തിലാക്കാൻ ശ്രമിച്ചു. ഇതിനിടയിൽപ്പെട്ടുപോയ എസ്റ്റോണിയൻ വംശജരായ ന്യൂനപക്ഷത്തിന്,
ഇരുകൂട്ടരുടെയും ആക്രമണങ്ങളിൽ അനേകം നഷ്ടങ്ങൾ നേരിടേണ്ടി വന്നു. ഈ യുദ്ധത്തെ പശ്ചാത്തലമാക്കിയാണ് 2013 -ൽ ജോർജിയൻ സംവിധായകനായ Zaza Urushadze, ‘Tangerines’ എന്ന
ചിത്രമൊരുക്കിയിരിക്കുന്നത്.

യുദ്ധം കൊടുമ്പിരി കൊണ്ടിരിക്കുന്ന സമയം. ഇവോ എന്ന ആശാരിയും അയാളുടെ കർഷകനായ സുഹൃത്ത് മാർഗോസുമൊഴികെ, ഗ്രാമത്തിലെ എല്ലാ എസ്റ്റോണിയൻ വംശജരും തങ്ങളുടെ മാതൃരാജ്യത്തേക്ക് മടങ്ങിയിരിക്കുകയാണ്. മാർഗോസിൻ്റെ കൃഷിയിടത്തിലെ മധുരനാരങ്ങകൾ വിളവെടുക്കാൻ വേണ്ടിയാണ് ഇരുവരും അവിടെ തുടരുന്നത്.

അങ്ങനെയിരിക്കെ, ഗ്രാമത്തിൽ നടക്കുന്ന ഏറ്റുമുട്ടലിൽ പരിക്കേറ്റ ഇരുപക്ഷത്തും നിന്നുള്ള രണ്ട് സൈനികരെ തൻ്റെ വീട്ടിൽ താമസിപ്പിച്ച് ശുശ്രൂഷിക്കാൻ ഇവോ തീരുമാനിക്കുന്നു. കൊടുംവൈരികളായ ഇരുവർക്കുമിടയിൽ സമാധാനം നിലനിർത്താൻ ശ്രമിക്കുന്ന ഇവോയും തുടർന്നുനടക്കുന്ന സംഭവങ്ങളുമാണ് ചിത്രത്തിൻ്റെ ഇതിവൃത്തം.

യുദ്ധത്തിൻ്റെ നിരർത്ഥകതയെപ്പറ്റി ശക്തമായ സന്ദേശം നൽകുന്ന സിനിമ, മികച്ച വിദേശ ഭാഷ ചിത്രത്തിനുള്ള ഓസ്കാർ ചുരുക്കപ്പട്ടികയിൽ ഇടം നേടിയിരുന്നു. ലോകത്തിൻ്റെ പല കോണുകളിൽ നിന്നും യുദ്ധങ്ങൾക്കായുള്ള മുറവിളികളുയരുന്ന ഇക്കാലത്ത്, മനുഷ്യത്വം, സഹാനുഭൂതി, ദയ തുടങ്ങി പല മാനവിക മൂല്യങ്ങളെയും വരച്ചു കാട്ടുന്ന ഒന്നാണ് ഈ ചിത്രം.

അഭിപ്രായങ്ങൾ പങ്കുവെക്കാൻ

#MsoneTrending

കഴിഞ്ഞ ആഴ്ചയിലെ ട്രെന്‍ഡിങ് സബ്

21/07/25 മുതല്‍ 27/07/25 വരെയുള്ള ആഴ്ചയില്‍ ഏറ്റവും കൂടുതല്‍ ഡൗൺലോഡ് ചെയ്യപ്പെട്ട സബ്:
Nocturnal Animals (2016)
നൊക്റ്റേണൽ അനിമൽസ് (2016)

https://malayalamsubtitles.org/languages/english/nocturnal-animals-2016/

പ്രസ്തുത സബ് പരിഭാഷ ചെയ്തത്: പ്രശോഭ് പി.സി
https://malayalamsubtitles.org/tag/prashobh-pc/

കഴിഞ്ഞ ആഴ്ചയിൽ സബ്
നേടിയ ഡൗൺലോഡുകൾ: 5796

പരിഭാഷകന് അഭിനന്ദനങ്ങൾ.
ഒപ്പം, സബ് കണ്ട പ്രേക്ഷകർക്ക് നന്ദിയും രേഖപ്പെടുത്തുന്നു.

പോസ്റ്റർ: നിഷാദ് ജെ.എൻ

#Msone Release - 3508 (Movie)

Stolen (2023)
സ്റ്റോളൻ (2023)

പരിഭാഷ: ഡോ. ആശ കൃഷ്ണകുമാർ
പോസ്റ്റർ: പ്രവീൺ അടൂർ

ഭാഷ: ഹിന്ദി
സംവിധാനം: Karan Tejpal
ജോണർ: ഡ്രാമ, ത്രില്ലർ

IMDb : 7.5 (R)

യഥാർത്ഥ സംഭവത്തെ ആധാരമാക്കി കരൺ തേജ്പാൽ സംവിധാനം ചെയ്ത് 2023 -ൽ പുറത്തിറങ്ങിയ ഹിന്ദി ത്രില്ലർ ചിത്രമാണ് സ്റ്റോളൻ.
ഒരു പ്രത്യേക സാഹചര്യത്തിൽ അർദ്ധരാത്രി റെയിൽവേ സ്റ്റേഷനിൽ എത്തേണ്ടി വന്ന രമൺ, ഗൗതം എന്നീ രണ്ട് സഹോദരന്മാർ തട്ടിക്കൊണ്ടുപോകപ്പെട്ട ഒരു കുഞ്ഞിനെ കണ്ടുപിടിക്കാനുള്ള അന്വേഷണത്തിൽ സഹായിക്കാൻ തീരുമാനിക്കുന്നു. എന്നാൽ അതവരെ കൊണ്ടെത്തിച്ചത് വലിയ അപകടത്തിലേക്കാണ്. ആൾക്കൂട്ടാക്രമണത്തിന്റെ ഞെട്ടിപ്പിക്കുന്ന ഭീകരത ഈ ചിത്രം നമുക്ക് കാണിച്ചു തരുന്നു.
2023 -ലെ വെനീസ് ഫിലിംഫെസ്റ്റിവലിലാണ് ഈ ചിത്രം ആദ്യമായി പ്രദർശിപ്പിക്കുന്നത്.

അഭിപ്രായങ്ങൾ പങ്കുവെക്കാൻ

#Msone Release - 3509 (Movie)

Hear Me: Our Summer (2024)
ഹിയർ മീ: അവർ സമ്മർ (2024)

പരിഭാഷ: അരവിന്ദ് കുമാർ
പോസ്റ്റർ: നിഷാദ് ജെ.എൻ

ഭാഷ: കൊറിയൻ
സംവിധാനം: Jo Sun-ho
ജോണർ: ഡ്രാമ, റൊമാൻസ്

IMDb : 7.5 (N/A)

2009 -ൽ പുറത്തിറങ്ങിയ മികച്ച ജനപ്രീതി നേടിയ ചൈനീസ് ഹിറ്റ് മൂവി “ഹിയർ മീ” യുടെ, കൊറിയൻ റീമേക്ക് ചിത്രമാണ് 2024 -ൽ പുറത്തിറങ്ങിയ “ഹിയർ മീ: അവർ സമ്മർ”.
ഒർജിനൽ വേർഷനിൽ നിന്ന് നേരിയ വ്യത്യാസങ്ങളോടെ പുറത്തിറങ്ങിയ ചിത്രം മികച്ചൊരു ഫീൽ ഗുഡ് അനുഭവം തന്നെ പ്രേക്ഷകർക്ക് സമ്മാനിക്കുന്നുണ്ട്. സ്വന്തം വീട്ടുകാരുടെ റെസ്റ്റോറൻ്റിൽ, പാർട് ടൈം ജോലി ചെയ്യുന്ന നായകനായ യോങ് ജുനിന്, തൻ്റെ ഫുഡ് ഡെലിവറിക്ക് ഇടയിൽ ഒരു പെൺകുട്ടിയോട് ആദ്യകാഴ്ചയിൽ തന്നെ പ്രണയം തോന്നുന്നു. ബധിരയായ ആ പെൺകുട്ടിയോട് കൂടുതൽ അടുക്കാനുള്ള അവൻ്റെ ശ്രമങ്ങളിലൂടെ കഥ സഞ്ചരിക്കുന്നു.
ഒരു പ്രണയചിത്രത്തിലുപരി ബധിരരായ ആൾക്കാരുടെ ലോകവും ചിത്രം പ്രേക്ഷകർക്ക് മനോഹരമായി കാട്ടിത്തരുന്നുണ്ട്. പല റീമേക്ക് ചിത്രങ്ങളും പ്രേക്ഷകരെ തൃപ്തിപ്പെടുത്താറില്ല. പക്ഷേ, ഇവിടെ ഒർജിനൽ വേർഷൻ കണ്ടിട്ടുള്ള പ്രേക്ഷകർക്കും സംതൃപ്തി നൽകുന്ന മനോഹരമായ ചിത്രമാണ് “ഹിയർ മീ : അവർ സമ്മർ”. ഫീൽഗുഡ് സിനിമാപ്രേമികൾക്കും കൊറിയൻ ആരാധകർക്കും മികച്ച ഒരനുഭവം തന്നെ ചിത്രം സമ്മാനിക്കുമെന്ന് തീർച്ച.

അഭിപ്രായങ്ങൾ പങ്കുവെക്കാൻ

#Msone Release - 3510 (Movie)

28 Years Later (2025)
28 ഇയേഴ്സ് ലേറ്റർ (2025)

പരിഭാഷ: വിഷ്‌ണു പ്രസാദ്
പോസ്റ്റർ: നിഷാദ് ജെ.എൻ

ഭാഷ: ഇംഗ്ലീഷ്
സംവിധാനം: Danny Boyle
ജോണർ: ഹൊറർ, ത്രില്ലർ

IMDb : 7.1 (R)

ജൈവായുധ ഗവേഷണശാലയിൽ നിന്ന് ‘റേജ് വൈറസ്’ എന്ന മാരക വൈറസ് പുറത്തുചാടിയിട്ട് ഏകദേശം മൂന്ന് പതിറ്റാണ്ടുകളായി. നിർബന്ധമായി നടപ്പാക്കിയ ക്വാറൻ്റൈനുള്ളിൽ കഴിയുമ്പോഴും, രോഗബാധിതർക്കിടയിൽ അതിജീവിക്കാൻ ചിലർ വഴികൾ കണ്ടെത്തിയിട്ടുണ്ട്.

അത്തരത്തിൽ അതിജീവിച്ച ഒരു സംഘം താമസിക്കുന്നത് ഒരു ചെറിയ ദ്വീപിലാണ്. അവരിലൊരാൾ മെയിൻലൻഡിലേക്ക് പോകാൻ തീരുമാനിച്ചപ്പോൾ, രോഗബാധിതരിലും മറ്റ് അതിജീവിച്ചവരിലും ഒരുപോലെ പടർന്നുപിടിച്ച ഒരു ജനിതകമാറ്റം അവൻ കാണാനിടയാകുന്നു.

അഭിപ്രായങ്ങൾ പങ്കുവെക്കാൻ

#Msone Release - 3511 (Series)

Weak Hero Class 2 (2025)
വീക്ക് ഹീറോ ക്ലാസ് 2 (2025)

പരിഭാഷ: അഗ്നിവേശ്, സാബിറ്റോ മാഗ്മഡ്
പോസ്റ്റർ: നിഷാദ് ജെ.എൻ

ഭാഷ: കൊറിയൻ
സംവിധാനം: Yoo Soo-Min
ജോണർ: ആക്ഷൻ, ഡ്രാമ, ത്രില്ലർ

IMDb : 8.4 (NC-17)

ഒന്നാം സീസണിലെ സംഭവങ്ങൾക്ക് ശേഷം യോൻ സീ-ഉനിന്, ഈൻജാങ് ഹൈ എന്ന പുതിയ സ്കൂളിലേക്ക് മാറേണ്ടി വരുന്നു. ഓർക്കാൻ ആഗ്രഹിക്കാത്ത പഴയസംഭവങ്ങൾ മനസ്സിനെ വേട്ടയാടുന്ന സീ-ഉൻ, ഒരു പ്രശ്നത്തിലും ഇടപെടാതെ പുതിയ സ്കൂളിൽ തന്റെ ദിവസങ്ങൾ തള്ളിനീക്കുന്നു. എന്നാൽ അങ്ങനെയൊരു സ്കൂൾജീവിതത്തിന് അധികനാൾ ആയുസ്സുണ്ടായിരുന്നില്ല. തന്റെ കൺമുന്നിൽ വെച്ചു നടന്നൊരു സംഭവത്തിനെതിരെ പ്രതിക്കരിക്കേണ്ടി വന്നത് മൂലം സീ-ഉനിന് പുതിയ ശത്രുക്കളുണ്ടാകുന്നു. ആ ശത്രുക്കൾ വെറും സ്കൂൾ റൗഡികളല്ലെന്നും, ‘യൂണിയൻ’ എന്ന് അറിയപ്പെടുന്നൊരു മാഫിയ സംഘത്തിന്റെ ഭാഗമാണെന്നും സീ-ഉൻ മനസിലാക്കുന്നു.

ഈൻജാങ് സ്‌കൂളിനെ, അവരുടെ മാഫിയ സംഘത്തിൽ ചേർക്കാനുള്ള യൂണിയന്റെ ശ്രമങ്ങളും അതിനെതിരെയുള്ള സീ ഉനിന്റെയും പുതിയ കൂട്ടുകാരുടെയും പ്രതിരോധവുമാണ് 8 എപ്പിസോഡുകൾ അടങ്ങുന്ന സീസൺ 2 -ന്റെ ഇതിവൃത്തം.ആകാംക്ഷ നിറഞ്ഞ രണ്ടാം സീസണിൽ ഒരുപറ്റം പുതിയ അഭിനേതാക്കളും കൂടെ ചേർന്നിട്ടുണ്ട്. 2025 ഏപ്രിലിൽ ഇറങ്ങിയ പുതിയ സീസൺ നെറ്റ്ഫ്ലിക്സിലാണ് ലഭ്യമായിട്ടുള്ളത്.

അഭിപ്രായങ്ങൾ പങ്കുവെക്കാൻ

🎬Msone Release - 3510

🎬28 Years Later (2025)

🎬പരിഭാഷ: വിഷ്‌ണു പ്രസാദ്
🎬ജോണർ: ഹൊറർ, ത്രില്ലർ

കാണുക. 💥

Hey, Don't miss this Msone subtitle:🔥
https://malayalamsubtitles.org/languages/english/28-years-later-2025/