Насроний фундаментализми билан исломий фундаментализмни, насроний модернизм билан исломий модернизм фарқини англоймайдиган неосиёсатчилар бор.

Улар насронийликдаги модернизм ва либерализмнинг келиб чиқиши сабаблари ва оқибатлари, ютуқ ва камчиликларини Исломга кўчирмоқчи бўладилар.

Ваҳоланки, насронийлар 19 асрда дуч келган консерватор (зоҳирий) ва либерализм (рационал) қарама-қаршилигини Ислом VIII асрда бошдан кечириб бўлган ва унга энг маъқул ўрта йўлни - васатийликни таклиф қилган.

Бунда Абу Ҳанийфа раҳимаҳуллоҳ каби уламоларнинг хизмати беқиёс. Исломда Жаброил ҳадисида, Аллоҳнинг ҳудудлари ҳақидаги оятларда, Бақара сурасининг илк беш оятида баён қилинганидек фундаментал тушунчалар бор. Шунингдек, мутакаллимлар илмий асослаб берган "набавий мўъжиза"нинг ҳақлиги ҳам бор.

Шу билан бирга, тафсир ва таъвил, мужтаҳидлар ижтиҳоди каби кенг имкониятлар ҳам бор.

Умуман олганда, Ислом ўзининг моҳияти, таълимоти ва тажрибаси билан насронийлик динидан ўн аср олдинда юради. Ўша илғорлиги туфайли минг йил давомида энг илғор цивилизацияга асос солди.

Насронийлик жамияти ҳам Ислом тажрибасини ўрганган ҳолда зоҳирийликдан рационал таъвил йўлига ўтгани боис, Зулмат асрида яшаётган Европага ёруғлик кирган.

Буни бугунги кунда атеизм билан боғлашга уринишади. Ғарбнинг илғорлигини атеистлар томонидан эгалик қилиши паразитликка ўхшайди. Чунки, Ғарбнинг уйғонишида атеизм эмас, балки зоҳирийликдан қочиб, рационал фикрлашга ўтиш билан боғлиқ бўлган.

Шу боис, Исломнинг моҳияти, ундаги мужаддидлик тушунчаси, умуман Ислом тарихини яхши билмаган неосиёсатчиларнинг ғарбдаги ижтимоий, диний ва сиёсий жараёнларни кўр-кўрона тақлид қилиш орқали мусулмон жамиятига олиб келиш, камида уқувсизлик, аслида эса фитна ва зарардир.

© Саид Комил Мухаммад Карим

@Muslim_Mind

Византия ва Форс империясида чет эллик император ҳукумронлиги остида яшаётган аҳоли учун мусулмонларни ҳукумронликка келиши қулликни англатмаган. Кўп византияликлар ўз хоҳишлари билан Греко-Рим бошқарувидан воз кечиб араб хукмронлиги остида яшашга рози бўлганлар. Чунки диний эркинликка қўшимча фақатгина бир турдаги «зиммийлик» солиғини тўлашган ва бу анча арзон тушган.

"Europe and Islamic World: A History"
J.Tolan G.Veinstein H.Laurens

© Хуршидбек Муҳаммадрозиқов саҳифасидан

Зиммийлар ҳақида бошқа мақола:
https://www.tg-me.com/Muslim_Mind/1029

@Muslim_Mind

Тиббиёт, сиёсат, муҳандислик каби шахсий ва жамият учун фойдали бўлган табиий ва ижтимоий фанларни ўрганиш вожибдир, чунки бу жамоавий бурчдир. Бундай илмларни ўрганувчилар маломат қилинмайди, токи бу илмларни ўрганиши шаръий илмларни ўрганишдан тўсмаса.

Шуни таъкидлаш керакки, ёшларни, жинсидан қатъи назар, истаклари ва мойилликлари фарқли бўла туриб, уларни шаръий илмларга жалб қилиш - кучни бекорга сарфлашдир ва бу умматнинг қолоқлигини давом эттиришга бевосита ўз ҳиссасини қўшади.

Шу билан бирга, қанчадан-қанча шаръий бўлмаган илмлар бўйича мутахассислар борки, уларнинг бу илмларга шўнғиши уларни ҳидоятга ва Аллоҳ Таолодан тақво қилишга олиб келган.

(C) Шайх Лабиб Нажиб

@Muslim_Mind

Агар имом минбарга чиқиб, камбағалларни дунёдан йироқ бўлиш ва тақводорликка чорласа, лекин ўша камбағалларнинг озуқасини ўғирлаб ейдиган кимсалар ҳақида гапирмаса, демак у имом, даъватчи киймини кийиб олган ўғридир.

(c)Шайх Мутаввалли Шаъровий

@Muslim_Mind

1898-1901-yillarda Turkiston oʻlkasining general-gubernatori boʻlgan Duxovskiy islom haqida oʻzining quyidagi fikrlarini bildirgan edi:

1. Islom oʻzining bu holida xristian madaniyatiga dushman boʻlish bilan birga, oʻlka musulmonlarini ruslashtirish siyosatiga batamom qarshidir.
2. Soʻfizm biz uchun zararlidir.
3. Rossiya imperiyasining insonparvar qonunlaridan va bizning madaniyatimiz inʼomlaridan foydalangan islom mustahkamlanib, jipslashib, davlatga qarshi boʻlgan tashkilotga aylanib bormoqda. Bunda esa biz yoʻl qoʻygan xatolardan foydalanmoqda.
4. Bundan keyin islomni taʼqib etish nomaʼqul ish boʻlgani bilan birga buning iloji ham yoʻqdir.
5. Turkiston oʻlkasi yirik musulmonchilik markazlaridan biri boʻlish bilan bir qatorda, diniy va etnografik jihatdan zich joylashgan. Aholisi esa soʻfizm bilan zaharlangandir. Bu esa alohida diqqat eʼtiborni talab qiladi.
6. Musulmonlarni yagona diniy tashkilotga birlashtiruvchi diniy boshqarmani tashkil etish zararlidir.
7. Asrlar oʻtsa-da, 14 millionli musulmon aholining hammasi xristianlikni qabul qilmaydi.
8. Musulmon aholining xristianlar bilan yaqinlashuvi islom dinining ahamiyati kamaygan taqdirdagina boʻlishi mumkin. Baʼzi bir vaqtlarda musulmonlarning dushman emasligini isbotlashga urinish hollari ham uchrab turadi. Bunday gap soʻzlarga ishonish ularga eʼtiborsizlik bilan qarashga olib keladi. Bu esa bizning olib borayotgan siyosatimizga qarama-qarshidir.
9. Islom johil va gʻayratli osiyoliklar nazarida shunday kuchliki, shunday ruhda tarbiyalangan kishilar ongidan uni tezda chiqarib tashlashga boʻlgan urinish behudadir. Faqat oʻsib kelayotgan yosh avlodlarga toʻgʻri taʼlim berishgina islomga begona boʻlgan hamma narsalarni tan olmaslik nosoglom fikr ekanligiga ishonch hosil qildirish mumkin. Buning uchun hozirda koʻpchilik musulmon maktablaridagi taʼlim-tarbiyani rus maktablaridagidek umumiy taʼlim bilan almashtirish zarur.
10. Bizning maʼmuriyatdagilar mahalliy xalq tilini oʻrganmoqlari zarur. Shu bilan birga tarjimonlarni asta-sekinlik bilan kamaytirib borish kerak. Bu esa rus tilining mahalliy xalq orasiga kirib borishiga olib keladi.
11. Turkiston oʻlkasidagi qozi sudlarini ham umumiy asosdagi sud mahkamalari bilan almashtirish kerak. Bu tadbir islom dini va musulmon ruhoniylarining mahalliy xalqqa boʻlgan taʼsirini kamaytiradi.

(Chorizm davrida Islom)

@Islom_Fikri

Немис шарҳловчиси Қатарда ўтаётган ЖЧ-2022 да марокашлик ўйинчилар ўйиндан сўнг ўз оналарини қучоқлаб ўпгани, ҳар бир ўйиндан кейин сажда қилишларига эътибор қаратди:

«Биз ғарб жамиятимизда қалин оилавий ришталарни ортиқ кўрмай қўйдик. Оила концепцияси йўқ бўлиб кетмоқда, биз футболдан кейин моделлар ёки дугоналарини ўпаётган футболчиларни кўрамиз, қачонки ота-оналари қариялар уйида бўлишади.

Марокашнинг ғалабаларида оиланинг маънавий қўллови катта рол ўйнади, биз эса бу ерга ЛГБТни қўллаш учун келиб, оғзимизни кафтимиз билан ёпдик.

Биз марокашликларни футбол ўйнашга ўргатдик, улар биздан ҳам ўзиб кетишди, энди улардан этика ва оилавий қадриятларни ўрганишимиз керак. Шунда қачондир бизнинг ўйинчиларимиз ҳам ота-онасининг пешонасидан ўпаётганига гувоҳ бўлармиз».

Манба: Bobur Akmalov

@Muslim_Mind

Ницше бир нарсада ҳақ эди…

Янги атеистларнинг позицияси жуда оддий: “Худо йўқ, биз ҳаммамиз тасодифан пайдо бўлиб қолганмиз ва ҳоказо.”

Уларнинг ғояси ҳеч қандай интеллектуал манбага таянмаган. Жуда содда, тўғрими?

Эски атеизм, ҳозирги неоатеизмдан анча устун (кучли) бўлган. Масалан Ницше.

Ницше бир нарсада анча ҳақ бўлган. Моддапарастлик нуқтаи назаридан қаралганда, сўзлар, маъно ва ҳаракатлар ҳеч нимани англатмаслигини Ницше тушунган. Яъни соддароқ қилиб айтганда бу олам шунчаки мантиқсиз ва қийматсиз.

Масалан:
Агар дарахтдан ерга олма тушса ва бўлакларга ажралиб кетса, бу ҳолат шунчаки атомларнинг бошқа-бошқа жойга қайта жойлашувини англатади. Худди шу тарзда, мени ҳам болға билан уриб бўлаклаб ташлашса, ўша ҳолатдан фарқи бўлмайди. Негаки, бу ҳам атомларнинг бошқа-бошқа жойга қайта жойлашиши ҳисобланади.

Эски атеизм буни очиқ тан оларди.
Улар ҳаётдан маъно йўқлигини, қолаверса ундаги ҳуқуқлар, қадриятлар ва ахлоқ йўқлигини ҳамда буларнинг барчаси ижтимоий тушунчалар эканини билишар эди. Ҳеч бўлмаганда ана шу нарсаларда улар иккиюзламачи бўлмаган.

(с) Саббур Аҳмад

Яъни улар учун ҳар қандай ҳаракат ҳеч қандай муаммо туғдирмаган – қотиллик, зўрлаш, некрофилия (ўлик билан жинсий алоқа), зоофилия буларнинг барчасини эски атеистлар нотўғри деб билишмаган.
Ахлоқ манбаси бўлмаса, унда ҳамма нарса мумкин, буни тан олишган.

Аммо янги атеистлар иккиюзламачи. Чунки асосий мафкурасига зид бўлса-да, “бизда ахлоқ бор” дейишади. Уларнинг ахлоқ манбаси, яъни "худолари" бу либераллар. БМТ инсон ҳуқуқларини ўйлаб топган акаларига ишонади ва бўйсунади. Бу билан бирданига иккита тешикка кирмоқчи бўлишади.

Ахлоқ, ҳуқуқлар, ҳаётдан маъно, бу асли Илоҳий ваҳийнинг мевалари. Санаб ўтилганларнинг ҳеч бирини соф (классик) атеизм тан олмайди. Илоҳий дин бўлмаганда, атеизм ҳақ бўларди. Айнан шу ерда нигилизмга кирамиз.

Нигилизм - барча конкретикани, барча маъноларни, барча семантик ва мантиқий тасдиқларнинг охиридир. Бу эса оҳир-оқибат таслим бўлган ва умидсизликка чўккан "инсон", табири жоиз бўлса "тирик мурда", дегани.

Моҳиятан атеизм ҳам нигилизмдир. Улар шунчаки ростини тан олишдан қўрқишади. Ҳақиқий нигилист бўлишдан қўрқишади, негаки бу ҳаммаси тамом дегани. (Яна ҳам аниқроқ тушуниш учун бу ўқилсин)

Аслида улар шунчаки сохта мушрик, "атеистман" деб бақирадиган бутпараст ҳисобланишади. Уларнинг бутлари бугунги либераллар ва ундаги сохта инсон ҳуқуқлари, қайсидир олимлар ва ҳоказолардир.

@Muslim_Mind

Бугунги кунда кўпгина араб кўрфази давлатлари ўз ерларида топилган ресурслар туфайли бой; Кўпгина Европа мамлакатлари эса бошқа одамларнинг ерларида топилган ресурслар туфайли бой.

© Муҳаммад Ҳижаб

@Muslim_Mind

Гуноҳларни тараққиёт ва цивилизация сифатида кўрсатиш инсонни уларни ғурур билан бажаришга, уларни ишонч билан ҳимоя қилишга, мухолифига эса нафрат билан қарашга мажбур қилади, чунки фикрий мастлик, ҳамр (спиртли ичимликлар) туфайли мастликдан хавфлироқдир.

© Шайх Абдулазиз Торифий

@Muslim_Mind

Мустамлакачилик ва Ғарбнинг қора тарихи ҳақида ёзсак, жазавага тушадиган инсонлар бор. Бу ҳақида ёзиш худдики, Ғарбни фақат қоралаш билан тенг баъзиларнинг наздида. Аммо ҳар қандай ҳукмрон цивилизацияни ҳар жиҳатдан ўрганиб, ютуқ ва камчиликларини билиб олган фойдадан холи бўлмайди. Яхшиямки бу борада бутун илмий тадқиқот марказлари фаолият юритиб келмоқда.

Яқинда эълон этилган илмий тадқиқотга кўра , Британия мустамлакачилиги 1880 йилдан 1920 йилгача (атиги 40 йилда) Ҳиндистонда тахминан 165 миллион кишининг ўлимига сабаб бўлган ва триллионлаб доллар бойликларни ўғирлаган. Глобал капиталистик тизим Адолф Гитлерни илҳомлантирган ва фашизмга олиб келган Европа империал геноцидларига асос солган эди.

Таниқли иқтисодчи ҳисоб-китобларига кўра, қарийб 200 йиллик мустамлакачилик даврида Британия империяси Ҳиндистондан (камида) 45 триллион доллар бойлик ўмарган.

“Бу кўрсаткич иккала жаҳон уруши, жумладан, фашистларнинг ҳолокости қурбонларининг умумий сонидан ҳам кўпроқ,” — таъкидлади улар.

Улар қўшимча қилдилар: "Ҳиндистоннинг умр кўриш давомийлиги деколонизациядан кейин 1950 йилгача илк замонавий Англия даражасига (35,8 йил) етиб бора олмади".

Бу ҳайратланарли рақам Британия империяси сабабчи бўлган инсон қўли билан қилинган очарчиликда ҳалок бўлган яна ўн миллионлаб ҳиндларни ўз ичига олмайди!

1943 йилда Бенгалдаги катта очарчиликда 3 миллионга яқин ҳиндлар очликдан ўлди, ўшанда Британия ҳукумати доимий равишда озиқ-овқат экспорт қилган ва дон импортини тақиқлаб келган.

Олимлар томонидан олиб борилган академик тадқиқотлар шуни кўрсатдики, 1943 йилги Бенгал очарчилиги табиий сабаблар натижаси эмас; бу Британия Бош вазири Уинстон Черчилл сиёсатининг маҳсули эди.

Черчиллнинг ўзи таниқли ирқчи эди, бир сафар у шундай деган эди: "Мен ҳиндларни ёмон кўраман. Улар ёввойи динга эга бўлган ваҳшатли халқдир”.

1930 йилларнинг бошларида Черчилл нацистлар етакчиси Адолф Гитлер ва фашизмга асос солган итальян диктатори Бенито Муссолига ҳам таъсир кўрсатди.

Черчиллнинг ўз илмий тарафдорлари у "Муссолинидан қойил қолганини" ва "агар Италия фашизми ва Италия коммунизми ўртасида танлов қилишга мажбур бўлса, Черчилл иккиланмасдан биринчисини танлаганини" тан олишди.

Машҳур ҳиндистонлик иқтисодчи Утса Патнаик Британия империяси Ҳиндистон яриморолидан 45 триллион долларлик бойликни қуритганини тахмин қилди.

Замонавий капиталистик дунё мустамлакачиликсиз ва дренажсиз мавжуд бўлмайди. 1780 йилдан 1820 йилгача Буюк Британиянинг саноатга ўтиш даврида, Осиё ва Ғарбий Ҳиндистондан тушган маблағ Британия ялпи ички маҳсулотининг тахминан 6 фоизини ташкил этди, бу ўзининг жамғарма даражаси билан деярли бир хил эди. 19-аср ўрталаридан сўнг Буюк Британия континентал Европа ва Шимолий Америка билан жорий ҳисоб-китоблар тақчиллигига дучор бўлди ва шу билан бирга бу минтақаларга катта миқдордан сармоя киритди. Бу эса капитал ҳисоби тақчиллигини ҳам англатарди. Икки тақчиллик ушбу ҳудудлар билан катта ва ўсиб бораётган тўлов баланси тақчиллигига олиб келди.

© Муҳаммад Довуд тайёрлади

@Muslim_Mind

​Миссионерлик ҳаракати – мустамлакачилик сиёсатига ҳар замонда энг катта ёрдам берган куч ва шукурки, бу бизнинг ҳудудларда қонунан тақиқланган ҳаракат.

Миссионерлик ҳатто узоқ тарих (13-16 аср)ларда Рим империясига янги ерларни ўзлаштиришда катта хизмат қилган бўлиб, бундаги тарғибот усулларидан бир муҳим жиҳати маърифат тарқатиш ниқоби остидаги фаолияти бўлади.

Аксарият миссионерлик ташкилотлари илгари имкони бўлмаган ҳудудларда христианлик таълимоти асосида фаолият кўрсатаётган мактаблар ташкил этишган.

У. Черчиллнинг фикрига кўра, “Миссионерлик фаолияти учун сарфланадиган ҳар бир пена яхши бошқарув ва омонат маблағларни келтириш муқаррар. Миссия харажатидаги ҳар бир “пена” “фунт стерленг” келтиради” – дея таъкидлаган.

Бунинг салбий оқибатлари гувоҳли сифатида Кениянинг биринчи бош вазири Жомо Кенятта (1889-1978) томонидан билдирилган фикр ҳам эътиборга молик.

Бу хақда у: "христианлик Африкага келганида африкаликларнинг ерлари, христианларнинг эса инжиллари бор эди. Христианлар бизга кўзларимизни юмиб дуо-ибодат қилишимиз кераклигини ўргатдилар. Кўзларимизни очганимизда улар бизнинг ерларимизни, биз эса уларнинг инжилларини олган эдик" – дея таъкидлайди.

@Muslim_Mind

Миссионерлик соясида ички низолар

Дэвид Баррет Бутунжаҳон христиан энциклопедияси (World Christian Encyclopedia) да Ўрта Шарқ ва Осиёнинг айрим минтақаларида яшовчи 1800 та йирик этник гуруҳлар орасида христианликни тарғиб этиш муҳим эканлигини алоҳида таъкидлаб ўтиб, мазкур минтақадаги йирик (ҳомий) давлатлар геосиёсий манфаатларини инобатга олган ҳолда христианликдаги секталарини Ислом ва буддавийлик дини вакиллари ҳудудларида кўпайтириш мақсадида улар ўртасида низолар ва курашларни авж олдириш лозимлигини алоҳида қайд этади.

Шу тариқа, турли дин ва конфессиялар орасидаги низоларни вужудга келтиришда миссионерлик ҳаракатлари муҳим рол ўйнайди. Шакллантирилган прозелит ҳудудлар эса ўзга (яъни молиялаштирилган) давлат сиёсий манфаатларини амалга оширишнинг ўчоқ майдонига айлантирилади.

Бугун Миср, Яман, Ливия, Сурия, бир қатор Африка ва яна Яқин Шарқ давлатлари ҳудудларида юзага келган низолар бунга ёрқин мисол.

Мазкур "кўзга ташланмайдиган" ҳаракатларнинг оқибатлари эса бугунги кунда нафақат инсонларнинг эътиқодига, балки турли дин, миллат ва элатларнинг ҳамжиҳатлигини издан чиқаришда (хоҳ исломофобия ёки мусулмонларни динига нисбатдан шубҳалантириш кўринишида бўлсин) ҳали ҳам давом этмоқда.

@Muslim_Mind

Ҳавои нафсига эргашганлардан бошқа ҳеч ким фикрлар ва эътиқодлардан кўра шахсларни танқид қилиш билан шуғулланмайди.

©Шайх Aбдулазиз Торифий

@Muslim_Mind

​Зардуштийлик ва Ислом:
жамиятнинг Исломгача бўлган кечмиши
(18+)

Башарият учун маънавий-аҳлоқий таназзул хавфи ёпирилиб келаётган айни замонда биз учун бирдан бир таянч ва нажот ёлғиз Исломдагина топилади.

Голландия, Дания, Франция каби Ғарб давлатларида жорий этил(аёт)ган "инсоний ҳуқуқ" (!!!) ниқоби остидаги ярамас жинсий бузуқликлар афсуслар бўлсинки, Ислом динигача Ўрта Осиёда (масалан Бухорода) зардуштийлик таълимоти мавжуд бўлган кезларда ҳам бўлган.

Зардуштий руҳоний( муғ)лар ачитилган ғалла донидан тайёрланган (пивога ўхшаш) хаума ичимлигини ичиб олов атрофида айланиб, қўшиқ куйлаб, кейин... биргаликда "билганини" қилишган.

Минбарларда турволиб бизнинг аждодлар зардуштий бўлган, бу "дин" бизга кўп нарсаларни ўргатган, деб фахр билан бонг урадиган алломайи давронларни (таассуфки, улар аксари феминистлар, адабиётшунос ва тарихчилар) оғзига ургим келади.

Хўш, Зардуштийлик ҳақиқатда ўтмиш халқларига нима берган?!

Бухоролик тарихчи Абу Бакр Наршахий (899-959) ўзининг «Тарихи Бухоро» асарида Ўрта Осиёга Ислом дини тарқалаётган бир даврда халифаликка қарши кўтарилган, ўзини дастлаб пайғамбар деб эълон қилиб, сўнгра "худо"ликни даъво қилган Муқанна бошчилигидаги "оқ кийимлилар қўзғолони" (769-783) жараёнини ёритиш асносида шундай ёзади:

«...Ҳар бир қишлоқда уларнинг раислари бўлади ва ҳаммалари унинг фармонига бўйсунадилар. Айтишларича, уларда ҳар бир қишлоқда биттадан (тайинлаб қўйилган) киши бўлиб, шу қишлоқда кимки қизга уйланмоқчи бўлса, қизнинг бакоратини аввал ўша киши кеткизади, шундан кейингина қизни эрига топширадилар.

Аҳмад ибн Муҳаммад ибн Наср шундай дейди:
«Мен қишлоқ кексаларидан шундай улуғ неъматни у бир кишига бериб қўйиб бошқалар ўзларини ундан маҳрум қилишларида қандай маъни бор?»— деб сўраганимда кексалар:
«Уларнинг одатлари шуки, балоғатга этган ҳар бир йигит то бир хотинга уйлангунича ўша одам билан ўз эҳтиёжини қондириб юради ва бунинг эвазига у йигит ўз хотинининг аввалги кечасини ўша одамга беради. У одам кексайиб қолганида эса унинг ўрнига бошқа бирини тайинлайдилар. Бу қишлоқнинг эркаклари ҳамиша ўша одам билан шу муомалани қиладилар. Шу иш билан шуғулланувчи кишини «такона» деб атайдилар»,— деб жавоб бердилар. Лекин мен бу ҳолнинг ҳақиқатидан воқиф бўлолмадим. Бу ҳикояни қишлоқнинг кексаларидан ва муқанначиларнинг қишлоқларида яшовчи жамоатдан эшитдим. Худоё, бизни бундан сақлагин!..»

Юқоридаги тарихий маълумот зардуштийликни ёқловчи ҳамда аслида пайғамбар эмас, оддий мунажжим бўлган Зардушт асос солган "диний" таълимотни ёқловчи, бу динни Ислом билан узвий деб билувчи тоифаларга етарли хулоса бўла олишига ишонамиз.

Ягона ҳақиқат шуки, Ислом дини қаергаки кириб борган бўлса, у ерда паразитар ахлоқий бузуқликларни ювиб юборган. Шу сабабдан ҳам Европада Рим папаси ўз обрўси учун биржинсли никоҳни "илоҳий неъмат" деб эълон қилаётган айни замонда юпанчимиз фақат ва фақат Ислом дини бўлади.

© тарихчи Анвархон Асқаров тайёрлади

@Muslim_Mind

​​Kanalimizda shu paytgacha taqdim etilgan ayrim postlar bilan tanishing!

👉 Oliy taʼlim muassasalari bitiruv kiyimini kiygan hamma odam arabparast boʻlib qoladimi?

👉 Ginnesning rekordlar kitobiga koʻra dunyodagi eng qadimgi oliy taʼlim dargohi Al-Qoroviyyin universiteti haqida! (Asoschisi ayol kishi)

👉 Insoniyat tarixidagi ilk parvoz!

👉 Quyosh qora balchiq buloqqa botadimi?

👉 Dinsizlarga yaxshilik qilish haqida! (Quron oyati)

👉 Abdulmalik ibn Marvon Qurʼonni qayta yigʻganmi? (Arab ateistining xatosi)

👉 Ayol va erkak teng boʻlishi kerak degan gapga chidaysizmi?

👉 Asteroidga nomi berilgan astronom muslima haqida bilasizmi?

👉 Bolalarning "Nikohdan tashqari" tugʻilish holatlari Gʻarb davlatlarida oddiy holatga aylanmoqda. (Statistika)

👉 Sivilizatsiyalashgan insoniyat "yalang‘ochlar"ni deb halokatga uchraydi.

👉 Ofiyat Siddiqiy nega 86 yilga qamaldi?

👉 Dinlar urushlarga qanchalik sababchi?

👉 Yalongʻoch yurish sanatmi?

👉 Mana nima uchun ularning nafslari Islomni qabul qila olmaydi?! (Mem)

👉 Ateistlarning eng kattalari LGBTni qoʻllab quvvatlaydi. Fakt!

👉 Darvinizmning ilmiy inqirozi!

👉 AQSh prezidenti maslahatchisi "Gʻarbning oʻlimi" sabablari sifatida nimalarni aytib oʻtgan?

👉 "Agar ateistlarimiz aqlli ateist boʻlganida...." (Kamoliddin Rabbimov)

Барчаси учун раҳмат, Марокаш!

@Muslim_Mind

Бугуннинг ёшлари нима қилсин?

​Бугунги замон ёш мусулмонлари нафақат Қуръон тафсири ва ҳадис балки, фиқҳ ва фиқҳ тамойилларидан тортиб, илоҳиёт, фалсафа ва тасаввуфнинг маънавий илмларигача бўлган барча турли Ислом фанларини қамраб олувчи ўз фикрий анъаналари ҳақида кўпроқ маълумотга эга бўлишлари жуда муҳим ҳисобланади.

Албатта, ёш мусулмон бу фанларнинг барчасини ўзлаштириб олиши имконсиз, бироқ, у барча билим жабҳалари, шу жумладан фикрий йўналишда, ҳамда, рационал фаолиятининг мевалари билан боғлиқ бўлган маънодаги соҳаларда ҳукмроликка эга бўлган Ғарбнинг таъсири олдида заифланиб қолмаслик учун ҳам, бу интеллектуал анъана ҳақида ибтидоий билимга эга бўлиши шартдир.

Шунингдек, ёш мусулмон нигилизм, агностик ёки атеистик экзистенциализм, материалистик марксизм, ва кўплаб турли хил психология мактабларидаги маънавий дунё ва руҳий воқеликни психологиялаштириш каби замонавий ва «постмодерн» муаммолар, шунингдек, замонавий илм-фан томонидан қўйилган муаммоларни ва, албатта, инсон мавжудлигига таҳдид соладиган экологик инқирозга жавоб тақдим эта олиш учун ўзининг интеллектуал анъаналарини етарли даражада ўрганмоғи даркор.

Қолаверса, бундай чақириқларга исломий муносабатни шундай фаоллаштириш керакки, ёш мусулмон ўз билимларини шахсий ва ижтимоий ҳаётнинг аниқ ҳолатларида қўллай олсин, негаки, улар кўп ҳолларда кутилмаган тарзда намоён бўладилар.

Кўп ҳолларда ёш мусулмон Ғарбга ташриф буюрганида, ҳатто у диндор оиладан бўлса, ўз дини анъаналари ва Қуръоннинг салмоқли қисмини ўрганган бўлса, ҳамда, тақводор бўлсада, унга модерн дунёнинг ҳар бурчагида дуч келиши мумкин бўлган янги вазиятларда тўғри йўл тута олиш учун ўзининг фикрий анъаналари ўргатилмаган бўлади. Бу нафақат Ғарбда яшовчиларга, балки Ислом оламидаги замонавийлашган доираларда яшаётган ёшларга ҳам тааллуқлидир.

© Саййид Ҳусайн Наср – Жорж Вашингтон университети исломшунослик профессори

@Muslim_Mind | @Islom_Fikri

​​​Мессига кийдирилган "тўн" ҳақида
(Футбол баҳона илм ғанимат)

Субҳаналлоҳ! Араб абаяси (ёпинчиғи)ни Мессига кийдириб, ушбу ўта моҳир даъватчилар кейинги ўн йилликлар давомида мусулмон маданиятини тарихга муҳрлашибди. Чунки келаси авлод вакиллари “Бу ёпинчиқ нима ўзи?” деган саволни ўртага қўйишади.

Энди келинг абаянинг тарихи ва машҳурлиги, оврупаликлар абаянинг келиб чиқишини билмасдан туриб асрлар давомида кийиб юришгани ва аргентиналикларнинг томири мусулмон Сицилиясига боғлиқлиги ҳақида сўз юритамиз.

Абаянинг Исо алайҳиссалом даврида ҳам урфда бўлганини билармидингиз? Асосан Фаластин ва Ливан ерларида. Бу қадимги аккад тилидан келиб чиққан оромий тилида (Пайғамбар Исонинг тилида) “бишт” дейилади. Ваҳоланки, Қатар ва қолган Араб яримороли вакиллари ҳам айнан шу сўздан фойдаланишади. Бишт!

Бироқ, бишт ҳатто беш аср аввалроққа бориб тақалади. Энг қадимги қайдлар юнон тарихчиси Геродот томонидан (мил.авв. 425-йил) ёзиб қолдирилган:
“Араб жангчилари абаяни белбоғ билан боғлаб кийишар, қўлларида эса камон бўлар эди.”

Росулуллоҳ солаллоҳу алайҳи вассаллам ҳам жигарранг абая кийганлар. Кейинчалик эса ҳамроҳлари Авайс ал-Қорнийга совға қилганлар. Шу тариқа авлоддан авлодга ўтиб, ҳозир Истанбулдаги Тўпкўпи саройи кўргазмасида турибди.

Аммо сиз оврупаликлар араб абаясини 13 аср давомида кийиб юришганидан хабарингиз бор эдими?
Маълумки, VIII асрда мусулмонлар Андалусга етиб боришганида жанубий Испанияда Қуртуба Университетига асос солишади. Битирув маросимида талабалар абая кийишар эди ва, табиийки, ўша даврдаги энг нуфузли олийгоҳда ўқиш учун бутун дунёдан келишган ғайримусулмон талабалар ҳам ўша абаяни кийишган.

Талабалар ўз юртларига қайтишар экан, энг устун маданиятдан кўчиришарди, худди ҳозирги ёшлар қилишгани каби. Абая эса бутун Оврупага, кейинчалик бутун дунёга, ҳатто Аргентинага тарқалган ва миллионлаб талабалар уни битирувда кийишган.

Нимага айнан Аргентина? Чунки аргентиналиклар этник жиҳатдан 60% италиялик ҳисобланишади ва Италия жанубидаги Сицилияда 470 йил давомида мусулмончилик мавжуд бўлган. Шундай қилиб, ДНК таҳлилига кўра аргентиналиклар қисман Сицилия мусулмонларининг авлоди ҳисобланишади.

© саёҳатчи имом (theTravellingImam)
Др. Валид Ҳаким саҳифасидан таржима қилинди

@Muslim_Mind

#премьера

Эндрю Тейт - собиқ насроний, америкалик кикбоксчи, жанговар спорт турлари устаси ва бизнесмен.

Кикбоксчи сифатида Тейт ИСКА бўйича 3 карра жаҳон чемпиони ва Энфусион чемпиони ҳисобланади. Вашингтонда туғилган, у нафақага чиққунга қадар Англиянинг Лутон шаҳрида жанг қилган.

Биз сизга Ислом ҳақидаги унинг сўзларини келтирамиз. Тейт бу фикрларни айтганидан бир муддат ўтгач Исломни қабул қилди. Аллоҳ ўзи қўлласин!

Кўриш учун:
https://youtu.be/HUD_0dEgz8c

Бизни моддий қўллаб-қувватловчилар учун:
Humo: 9860020109947455
Abdurakhmon Jurayev

@Muslim_mind